བསམ་གླིང་ཚེ་རིང་ལྷ་མོ།
ལག་ཟུང་གིས་གྲོད་པ་སྐྱོར་ཞིང་།།
གུག་གུག་དང་འཁྱར་འཁྱོར་གོམ་འགྲོད།།
ངོ་གདོང་ལས་ཐལ་སྐྱ་འཚུབ་པའི།།
སྨན་ཁང་གི་ཁོར་ཡུག་ཡ་ང་།།
རང་བཞིན་སྡུག་བསྔལ་གྱིས་བཟིར་བའི།།
ནད་པའི་བཞིན་མདངས་དེ་མཐོང་དུས།།
བྱམས་ལྡན་འཛུམ་དཀར་གྱིས་བསུ་བའི།།
སྨན་པ་སྨན་ཞབས་དག་མཁོ་ཨང་།།
ཤར་ཕྱོགས་ཁུག་རྟ།
༧གོང་ས་མཆོག་གིས་བོད་དོན་ལ་ཐུགས་སྣང་གནང་མི་ཆོག་ག་རེ་ཡིན་ནམ།
༧གོང་ས་མཆོག་གིས་རང་གི་ཆབ་སྲིད་ཀྱི་ཐུགས་འགན་ཡོད་ཚད་མི་མང་གིས་འོས་འདེམས་བྱས་པའི་འགོ་ཁྲིད་ལ་གནང་རྗེས། འཛམ་གླིང་གི་ཆབ་སྲིད་དེབ་ཐེར་ནང་ལོ་རྒྱུས་གསར་བ་ཞིག་བྲིས་ཡོད་ལ། ལོ་རྒྱུས་དེའང་མང་གཙོ་དང་དྲང་བདེན་གྱི་སྲོག་ཏུ་བྱས་ཡོད། ཡིན་ནའང་སྒེར་གཅོད་དབང་འཛིན་པ་རྒྱ་ནག་གཞུང་གིས་༧གོང་ས་མཆོག་གི་ཆབ་སྲིད་ཐད་ཀྱི་དགོངས་ཞུ་གནང་བ་ནི། རང་ཉིད་ལ་གནའ་ནས་ཕོག་ཚར་བའི་སྐྲད་ནད་ངོས་འཛིན་བྱེད་པོ་ཞིག་ཏུ་བརྩིས་ཏེ། ནང་ཁོག་རུལ་ཟིན་པའི་སྐྲད་ནད་དེ་ད་དུང་ཕྱི་ཐུམ་མཛེས་བོ་ཞིག་གིས་གཡོག་རྩིས་ཐེངས་མང་བྱེད་ཀྱི་ཡོད་པ་རེད་ལ། བརྒྱུད་ལམ་རྫུན་བཟོ་བྱས་ཏེ་ནང་ཁོག་རུལ་བའི་གནས་སྟངས་དེ་ཉིད་ཐ་ན་རང་གི་མི་མང་ལའང་སྟོན་འདོད་མེད་པ་རེད་མོད། ཡིད་སྐྱོ་དགོས་པ་ཞིག་ནི། དེང་དུས་བརྡ་འཕྲིན་དུས་རབས་ནང་༧གོང་ས་མཆོག་གིས་ཆབ་སྲིད་ཀྱི་ཐུགས་འགན་མི་བཞེས་རྒྱུའི་གནས་ཚུལ་དངོས་མ་འཛམ་གླིང་ནང་གསལ་བོ་ཆགས་པ་དེ་རེད།
༼ངས་འདི་ལྟར་གླེང་འདོད་ཅིང་། ངས་འདི་ལྟར་བསམ་བཞིན་ཡོད།༽
བསོད་ནམས་དབང་ཆེན།༼ཝཱཎ༽
༈ གངས་ཅན་མགོན་པོ། ངེས་པ་དོན་གྱི་གནས་ལུགས་ཀྱི་ཐོག་ནས་བཤད་ན་གངས་ཅན་མགོན་པོ་ནི་སྐྱེ་འཆི་ལ་རང་དབང་ཡོད་ཅིང༌། བགྲེས་རྒུད་ལས་སྔར་ནས་འདས་ཟིན་ཡོད་རྒྱུ་རེད། ང་ཚོའི་མགོན་པོ་ཁོང་གི་སྐུ་ཚེའི་ལོ་རྒྱུས་ཀྱི་ལེའུ་རེ་རེ་ན་སྐྱེ་བ་ནས་སྐྱེ་བའི་ཕྲེང་བའི་བར་དུ་བོད་འབངས་ཡལ་བར་མ་དོར་བའི་ས་ཆེན་སེམས་པའི་སྒྱུ་འཕྲུལ་གྱི་ལྟད་མོ་འཁོད་ཡོད་ཅིང༌། འདོད་རྒུར་ཡིད་བཞིན་འཇོ་བ་མིན་པའི་སོ་ནམ་པའི་ཁྱིམ་ཚང་དཀྱུས་མ་ཞིག་གི་འཚོ་བ་ཡང་འཁོད་ཡོད། དུས་རབས་ཏེ། བརྒྱ་ཕྲག་ཉེར་ཅིག་གི་ཞིང་འདིར་གངས་ཅན་མགོན་པོའི་རང་སྣང་གི་ཐུགས་གཉིས་སུ་མེད་པའི་ཡེ་ཤེས་དེ་བདེ་སྟོང་མཉམ་པ་ཆེན་པོའི་ཏིང་འཛིན་ཀྱིིས་མྱོས་ཡོད་སྲིད་ཀྱང༌། གཞན་སྣང་ཕུང་པོ་ལྔ་དང་རྣམ་ཤེས་ཚོགས་དྲུག་ལ་བཏགས་པའི་གངས་ཅན་མགོན་པོ་ནི་བདེ་སྡུག་གི་ཚོར་བ་ལས་འདས་པ་ཞིག་ཏུ་བསམ་མི་རུང༌། སྐྱིད་སྣང་ངམ། ཡང་ན་དད་པའི་ཚོར་འདུ་རྣོ་དྲག་པས་གངས་ཅན་མགོན་པོ་ཆབ་གསང་ལ་ཕེབས་དགོས་པ་ཐོས་དུས་ཡིད་མི་ཚིམ་པའི་རྣམ་འགྱུར་མངོན་མཁན་ཡོད་སྐད། ཁོང་ཚོས་ནི་གངས་ཅན་མགོན་པོའི་ཕྱོགས་སུ་མ་ལྷུང་བའི་བྱམས་བརྩེ་འདི་ཁོང་ཉིད་རྒྱུན་རིང་གོམས་པའི་རྒྱུས་ཡོད་ཀྱི་ལམ་ཕྲན་ཞིག་དེད་པ་ཙམ་དང༌། དགའ་ཕྱོགས་ཤིག དམ་བཅའ་ཞིག་རེད་སྙམ་ཡོད་ངེས་ལ། བོད་མི་རིགས་ཀྱིས་ཁོང་ལ་མོས་པ་དང་དད་པའི་དགོས་དམིགས་ཡོད་ཚད་རྩོལ་སྒྲུབ་མི་དགོས་དགོས་འདོད་ལྷུན་གྱིས་གྲུབ་པའི་དངོས་གྲུབ་མྱུར་མོ་ཞིག་གི་ཆེད་དུ་རེད་སྙམ་ཡོད་སྲིད། དེ་ལྟར་སྙམ་པས། དེ་ལྟར་སྙམ་པས་མི་འགའ་ཞིག་གངས་ཅན་མགོན་པོའི་སྐུ་པར་སྔས་མགོར་བཞག་ནས་གཉིད་དུ་ཡུར་བ་རེད་ལ། འགའ་ཞིག་གིས་གངས་ཅན་མགོན་པོ་ལ་སྙིང་རྗེ་སྤུ་ཙམ་མེད་པར་ཇི་ཙམ་སྐུ་ངལ་ཆེ་བར་དེ་ཙམ་མནར་གཅོད་ནན་པོར་གཏོང་བ་རེད།
ལྡོང་གསེར་མིག་གིས་ཧི་བོན་དྲ་བ་ལས་དྲངས།
ང་ཡང་ཆུང་དུས་ནས་བོན་པོ་ཞེས་པའི་མིང་དེ་གོ་མྱོང་ཡང་བོན་ལ་ཆ་རྒྱུས་མེད། ཅུང་ཟད་ཅིག་ཐོས་པ་ནི་བོན་པོ་ཚོས་མཐུ་དང་ནུས་པས་མི་བསྲུན་པ་ཚར་གཅོད་པར་བྱེད་པ་དེ་ཙམ་ཡིན་པས་བོན་པོ་ཚོར་སྐྲག་གི་ཡོད། དཔེར་ན་དགོང་མོ་ཞིག་ལ་ཨ་ལགས་གཡུང་དྲུང་ཚང་དང་ངེད་གཉིས་རྫོང་གི་མགྲོན་ཁང་ཞིག་ཏུ་མཉམ་དུ་ཁེལ་སོང་བས། ངས་ཁོང་གིས་ང་ལ་གནོད་པ་གཏོང་རྒྱུར་སྐྲག་ནས་མགྲོན་ཁང་བརྗེས་པ་ཡིན་ལ། ངའི་སྤུན་མཆེད་ཅིག་གི་ཁ་ལ་ཉན་ནས་ཨ་ལགས་ཁོང་ལ་སྐུར་འདེབས་ཞུས་པས་དགོང་མོ་ དེར་རྨི་ལམ་ནང་ཨ་ལགས་ཁོང་གི་མཆོད་ཁང་ནང་དུ་སྐུ་འདྲ་ལག་པ་མང་པོ་ཅན་ཞིག་གིས་གཡོ་འགུལ་སྣ་ཚོགས་བྱེད་བཞིན་འདུག་པ་མཐོང་སྟེ་རང་ཉིད་གཉིད་མ་སད་ཅིག་ཏུ་གནས་ཀྱང་གཟུགས་པོར་སྒུལ་སྐྱོག་བྱེད་མ་ཐུབ་པར་དཀའ་ལས་ཧ་ཅང་ཁག་པོ་བྱུང་།
དེ་ལས་མང་བ་། “ཀླུ་སྨྱོན་ཧེ་རུ་ཀས་བོན་ཆོས་རྙེད་པའི་བརྒྱུད་རིམ།” »
རིག་འཛིན།
ང་དགུའི་ལོ་ཟླའི་རླུང་འཚུབ་དྲག་པོས།།
གངས་རིའི་ཡུལ་གྱི་སྣོད་བཅུད་ཡོད་རྒུ།།
མྱ་ངམ་ཐང་གི་གཡུལ་སར་བསྒྱུར་བ།།
གདོང་དམར་བོད་མིའི་སྙིང་གི་རྨ་ཁ།།
གུན་ཁྲན་དམག་གི་གླང་སྤྱོད་རྩུབ་མོས།།
གདོང་དམར་བོད་མིའི་ཡབ་མེས་འབུམ་ཕྲག།
དམར་གསོད་དྲག་པོའི་འཁོར་ལོ་སྐོར་བ།།
གདོང་དམར་བོད་མིའི་སྙིང་གི་རྨ་ཁ།།
མི་ནག་ཚང་ལུང་རིགས་རྒྱལ།
ལོ་མང་པོ་ཞིག་གི་རིང་ལ། ཁྱེད་ཀྱིས་བོད་ཁ་བ་གངས་ཅན་པ་ཞེས་པའི་ཚིག་འདི་མང་པོ་ཐོས་མེད་ཚོད་ཡིན། དེ་ཐོས་དུས་ནི་༧རྒྱལ་བ་རིན་པོ་ཆེ་མཆོག་གི་བཀའ་སློབ་དང་གསུང་འཕྲིན་ཞིག་གི་སྐབས་ཅིས་ཀྱང་ཡིན་ངེས། ང་ལ་མཚོན་ན་དེ་ལྟར་རེད།
༧རྒྱལ་བ་རིན་པོ་ཆེ་མཆོག་གིས་ནམ་རྒྱུན་༼ང་ཚོ་བོད་ཁ་བ་གངས་ཅན་པ་༽ཞེས་པའི་ཚིག་འདི་ཡང་ཡང་གསུང་གིན་ཡོད་ལ། དེ་དུས་ཁོང་གི་ཕྱག་རྒྱ་དང་གསུང་སྐད་ཀྱི་ནན་བརྗོད་རང་བཞིན་དེ་ཡང་ནམ་རྒྱུན་དང་མི་འདྲ་ཞིང་། ང་རང་ལ་མཚོན་ན་ལུས་ཀྱི་བ་སྤུ་ལངས་ཤིང་། ལུས་ཡོངས་ལ་དྲོད་རླབས་ཤིག་གིས་ཁྱབ་ཀྱིན་ཡོད།
དེ་ལས་མང་བ་། “ཁྱེད་ཀྱིས་༼གངས་ཅན་སྐྱིད་གཞོངས་༽ཞེས་བོས་ཤིགས།” »
བོད། ལྷ་ཀླུ་གཉན་གསུམ།
ང་གསུམ།
ཁ་སང་ཐེ་ལན་གྲི་ཟ་ཁང་དེའི་འགན་འཛིན་གྱིས་བཤད་པ་ལྟར་དེ་རིང་སྔ་བོ་ཆུ་ཚོད་བཅུ་བའི་སྟེང་དུ་ང་རང་ཟ་ཁང་དེའི་ཐབ་ཚང་དུ་སོང་ནས་རང་གི་གང་ཤེས་པའི་ཁ་ཟས་ཤིག་བཟོས་ཟེར་བ་ལྟར་དུ་འཐེན་ཐུག་བརྔོས་མ་ཤ་ཡོད་དང་ཤ་མེད་གཉིས་སྡེར་མ་བཞི་དང་ཤ་མོག་བརྔོས་མ་ཁུ་ནུར་ཡོད་པ་ཞིག་བཟོས་དེ་ཁོང་ཚོ་འགན་འཛིན་ལྷན་རྒྱས་སུ་བྲོ་བ་ལྟ་རུ་བཅུགས་པ་ཡིན། འགན་འཛིན་བཞི་བོས་ཁ་གཅིག་གྲགས་ཀྱིས་དངོས་ནས་བྲོ་བ་འདུག་ཟེར་ནས་བསྔགས་བརྗོད་བྱས་སོང་།
ཨ་རིག་འགྱུར་མེད།
ཟླ་འདིའི་ཕྱི་ཚེས་ ༦ ཉིན་གཞོན་ནུའི་འགྱུར་ཁུགས་རྩོམ་སྒྲིག་ཚན་ཆུང་གིས་བསྒྲུབས་པའི་གཞོན་ནུའི་འགྱུར་ཁུགས་ཀྱི་དམིགས་བསལ་འདོན་ཐེངས་ཚགས་པར་ཐོག་མ་དཔར་བསྐྲུན་འགྲེམས་སྤེལ་བྱས། ད་ལྟ་ཚགས་ཤོག་འདི་ལྷོ་ཕྱོགས་སྦེལ་ཀོབ་དང་ལྡི་ལི། ངྷ་སའི་གཡས་གཡོན་སོགས་སུ་འགྲེམས་སྤེལ་བྱེད་ཀྱིན་པ་ཡིན་ལ། ཐག་རིང་ཐུང་གི་གཏམ་ལ་ཉན་ན་ཚགས་ཤོག་འདི་ལ་མི་མང་བོས་དོ་སྣང་དང་དགའ་བསུ་ཆེན་པོ་ཐོབ་ཀྱིན་འདུག་སྐད།
ད་དུང་ས་རཱ་བོད་ཀྱི་མཐོ་སློབ་ཏུ་བྱེས་སྐྱེས་བོད་ཡིག་ལ་དེ་ཙམ་དོ་སྣང་མེད་མཁན་དང་། ནམ་རྒྱུན་བོད་སྐད་ཡིག་སྟེང་གི་གྲགས་ཅན་ཚགས་ཤོག་བོད་ཀྱི་དུས་བབ་དང་བོད་ཀྱི་བང་ཆེན། སྤྱི་ཚོགས་མེ་ལོང་ལྟ་བུ་མི་ཀློག་མཁན་གྱི་སློབ་མ་དག་གིས་ཀྱང་།
དེ་ལས་མང་བ་། “བཙན་བྱོལ་གྱི་ཆེས་ཐོག་མའི་མཇེ་དང་སྟུའི་ཚགས་ཤོག” »
སེར་ཤུལ་རིན་ཆེན་དོན་གྲུབ།
སྐུ་ཞབས་ཞོགས་དུང་གི་(དོགས་སློང་སྙིང་སྟོབས)་སུ་དད་པ་གླེང་བ་ཞེས་པའི་རྩོམ་ཡིག་ཅིག་བཀོད་ཡོད།
རྩོམ་ཡིག་དེར། འདུན་དང་ཞེ་སྡང་འཇིགས་པ་དང་། །རྨོངས་པའི་ཆོས་ལས་ཡོངས་མི་འདའ། །དེ་ལ་དད་པ་ཅན་ཞེས་བྱ། །ཞེས་པའི་མགོན་པོ་ཀླུ་སྒྲུབ་ཀྱི་རིནཆེན་ཕྲེང་བའི་ལུང་འདི་དྲངས་ནས་བོད་མི་རྣམས་ལ་དད་པ་རྣམ་དག་ཅིག་ཡོད་མ་མྱོང་ཞིང་། ཡང་མ་དག་པའི་དད་པ་དེས་བོད་གངས་ཅན་པ་རྒུད་པའི་གནས་སུ་འདྲུད་བཞིན་པ་དང་དྲུད་སོང་བར་འགྲེལ་ཡོད། འདི་ལྟར་འགྲེལ་བའི་གཞི་རྩ་ནི་གོང་དུ་བསྟན་པའི་དད་པ་དེ་དད་པའི་ཚད་གཞི་རུ་བཞག་ཅིང་དེ་ཡོད་མེད་ཀྱིས་དད་པ་ཡོད་མེད་ཀྱི་རྗེས་སུ་འགྲོ་ལྡོག་བྱེད་པའི་གནས་ལུགས་གཞིར་བཞག་གིས་བཤད་པ་ཞིག་རེད།
ཕོ་རོག་དཀར་པོས་བྲིས།
༡༽རྣམ་དཔྱོད་གློག་གི་གར་དུ་རབ་འཁྱུགས་པ།།
ལོག་རྟོགས་སྙིང་སྟོབས་མངའ་བའི་རིགས་ཀྱི་བུ།།
གཞིས་བྱེས་གཉིས་ན་གྲགས་པའི་གྲགས་པ་ཅན།།
ཚ་བ་མདའ་སྨྱུག་དོན་གྱི་སྨྱུ་གུ་ཞིག།
༢༽དཔྱོད་ཤེས་རྒྱང་འབོད་འཇགས་པའི་མཐའ་མཇུག་ཏུ།།
ལོག་རྟོགས་སྙིང་སྟོབས་སྙིང་ཁམས་འཕར་ནས་སླེབས།།
ཧི་མ་ལ་ཡི་ཕ་རོལ་ཚུར་རོལ་ན།།
ལྷིང་འཇགས་མེད་པར་ཅ་ཅོ་སྣ་ཚོགས་སྒྲོག།
དོ་རྒྱ་དགེ་སློང་གིས་ཟིན་བྲིས་སུ་བཏབ།
དུས་ དབང་སྐབས་ཀྱི་གསུང་ཟིན་ཁ་ཤས་ཞིག་འགོད་པར་བྱ། ༡ བདེན་བཞིའི་ངོ་བོ་དང་བྱ་བ།འབྲས་བུ་བཅས་ལ་བཟླས་པ་སྟེ། རྣམ་གྲངས་བཅུ་གཉིས་སྒོ་ནས་བདེན་བཞི་བསྟན་སྟངས་ཞིབ་ཕྲ་གསུངས། བདེན་བཞིའི་མདོ་ལས། བདེན་པ་བཞི་ལ་ལན་གསུམ་རེ་བཟླས་ནས་ཡང་བསྐྱར་གསུངས་པ། དགེ་སློང་དག ངས་གང་ནས་འཕགས་པའི་བདེན་པ་བཞི་བོ་འདི་རྣམས་ལ་དེ་ལྟར་ལན་གསུམ་དུ་བཟླས་ཏེ། རྣམ་པ་བཅུ་གཉིས་སུ་བསྐོར་བས་མིག་བསྐྱེད་ཅིང་། ཤེས་པ་དང་། རིག་པ་དང་། བློ་དང་། རྟོགས་པ་སྐྱེས་པ་དེ་ནས་ལྷ་དང་བཅས་པའི་འཇིག་རྟེན་བདུད་དང་བཅས་པ། ཚངས་པ་དང་བཅས། དགེ་སྦྱོང་དང་། བྲམ་ཟེར་བཅས་པའི་སྐྱེ་དགུ་དང་། ལྷ་དང་མིར་བཅས་པ་འདི་ལས་གྲོལ་བ་དང་། ངེས་པར་འབྱུང་པ་དང་། མི་ལྡན་པ་དང་། རབ་ཏུ་གྲོལ་བ་དང་། ཕྱིན་ཅི་ལོག་དང་བྲལ་བའི་སེམས་ཀྱིས་མང་དུ་གནས་པར་གྱུར་ཅིང་། དགེ་སློང་དག ངས་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ སོ་ཞེས་བྱ་བར་ཤེས་སོ། ཆོས་ཀྱི་རྣམ་གྲངས་དེ་བཀའ་སྩལ་བ་ན། ཚེ་དང་ལྡན་པ་ཀུན་ཤེས་ཀོའོ་ནྡི་ནྱ་དང་ལྷ་བརྒྱད་ཁྲི་ཆོས་རྣམས་ལ་ཆོས་མིག་རྡུལ་ མེད་ཅིང་དྲི་མ་དང་བྲལ་བ་སྐྱེས་སོ། ཅེས་གསུངས།
རྔ་པ་ཀིརྟི་དགོན་པའི་གྲྭ་དོན་ཡོད་རྡོ་རྗེ། རང་ལོ་ ༣༤ ཡིན་པ་ཁོང་ལ་ལོ་ ༣ གྱི་བཙོན་འཇུག་ཁྲིམས་ཐག་བཅད་དེ་ད་ལྟ་སི་ཁྲིན་གྱི་མེན་ཡངས་ཞེས་པའི་ས་གནས་ཀྱི་བཙོན་ཁང་ཞིག་ཏུ་བཙོན་འཇུག་བྱས་ཡོད་འདུག ཁོང་ལ་ས་གནས་གང་ ཞིག་གི་ཁྲིམས་ཁང་ནས་ཇི་ལྟར་ཁྲིམས་ཐག་བཅད་པ་དང། དུས་ཚོད་ནམ་ཞིག་བཅད་པ་སོགས་ཤེས་དགོས་ ངེས་ཀྱི་གནས་ཚུལ་མང་པོ་ཞིག་ཤེས་རྟོགས་མ་ཐུབ་པར། ཁོང་འདི་ལོའི་ཕྱི་ཟླ་ ༤ ཚེས་ ༨ ཉིན་དགོན་པའི་ ནང་ནས་འཛིན་བཟུང་བྱས་པ་ནས་ཡུན་རིང་གར་ཡོད་ཅི་བྱུང་གི་གནས་ཚུལ་གཅིག་ཀྱང་ འབྲེལ་ཡོད་ཚོས་ཤེས་རྟོགས་མ་ཐུབ་ལྷག་འདུག ཁོང་ནི་རྔ་པ་རྫོང་གཅའ་ཞང་རྭ་བའི་དཔལ་ཁོ་ཚང་ཞེས་པ་ནས་ཡིན་ཞིང་། ཕ་མིང་ལ་ དཔལ་ཁོ་ཟེར། ཁོང་ཆུང་དུས་ནས་ཀིརྟི་དགོན་པར་གྲྭ་པ་བྱས་པ་ཞིག་ཡིན་འདུག གཞན་ཡང་ཕོ་གསར་གསུམ་ལ་ཁྲིམས་ཐག་བཅད་དེ་མེན་ཡངས་སུ་བཙོན་འཇུག་བྱས་ཡོད་པའི་གནས་ཚུལ་འདུག་ ཀྱང་ཁོང་རྣམས་ཀྱི་མིང་དང་ས་གནས་སོགས་ཤེས་རྟོགས་མ་ཐུབ།
དེ་ལས་མང་བ་། “ཕྱི་ལོ་ ༢༠༡༡ ཟླ་ ༧ ཚེས་ ༢༥ ཉིན་འབྱོར་བའི་ཨ་མདོ་རྔ་པའི་གནས་ཚུལ་ཁག་ཅིག” »
དོལ་སྨྱོན།
ཐུ༵གས་བསྐྱེད་སྨོན་ལམ་དག་པའི་མཁའ་ལ་སྤངས་རྟོགས་ཡོན་ཏན་ཆ་ཤས་རྫོགས། །
ཐུ༵གས་བརྩེའི་ཕྲིན་ལས་འོད་ཟེར་ཆེན་པོས་འགྲོ་བའི་དུཿཁའི་སྨག་རུམ་བཅོམས། །
ཐུ༵གས་བཞེད་དགེ་མཚན་རྨད་དུ་བྱུང་བའི་འདྲེན་པ་ཆེ་མཆོག་གཙོ་བོ་སྟེ། །
ཐུ༵གས་རྗེ་ཐབས་ཀྱིས་གསོ་རིག་རྒྱས་མཛད་སྨན་གྱི་བླ་མར་གུས་པས་འདུད། །
དེ་ལས་མང་བ་། “དཔལ་ལྡན་རྒྱུད་བཞི་ལ་ཆེ་བ་བཅུ་གཅིག་གི་སྒོ་ནས་བསྟོད་པ་ ཀ་ལ་པིང་ཀའི་མགྲིན་དབྱངས།” »
ཐེ་བོ་དཀོན་མཆོག་ཤེས་རབ།
རང་ཅག་བོད་ཀྱི་སྤྱི་ཚོགས་རྙིང་བ་ལ། །སྐྱོན་དང་ཞན་ཆ་མེད་པ་མིན་མོད་ཀྱི། །
ད་ལྟའི་རྒྱ་དམར་གཞུང་གི་སྲིད་ཇུས་ལ། །བལྟས་ན་དགེ་མཚན་ཤིན་ཏུ་མང་བོ་མཐོང་། །
སྤྱི་ཚོགས་རྙིང་བར་རང་ཉིད་ལ། །གཅིག་ཏུ་དབང་བའི་ས་ཁང་ཡོད། །
སྤྱི་ཚོགས་གསར་བར་རང་ཉིད་ལ། །གཅིག་ཏུ་དབང་བའི་ས་ཁང་མེད། །
དེ་ལས་མང་བ་། “༄༅།།སྤྱི་ཚོགས་གསར་རྙིང་གི་ཁྱད་པར་ཅུང་ཟད་བརྗོད་པ་ཉི་ཤུ་བ་ཞེས་བྱ་བ།” »
བཀྲ་ལྷ་ཉི་མ་རྡོ་རྗེས་དབྱིན་ཡིག་ནས་བོད་བསྒྱུར་ཞུས།
དཔལ་འབྱོར་དང་། ཆབ་སྲིད།ས་ཁམས་ཆབ་སྲིད་བཅས་རྒྱུ་མཚན་གསུམ་གྱི་ཐོག་ནས་རྒྱ་ནག་དེ་དུས་རབས་ཉེར་གཅིག་གི་དབང་ཤུགས་ཀྱི་གཙོ་བདག་ཞིག་ལ་འགྱུར་མི་ཐུབ།
དཔལ་འབྱོར།
འདས་པའི་ལོ་ཤས་ནང་ང་ཚོས་ཉམས་རྟོགས་གསལ་པོ་བྱུང་བ་ནི་གནས་ལུགས་གང་འདྲ་ཞིག་ཡིན་རུང་། དྲང་ཐིག་གཅིག་གི་སྟེང་ཁ་གྱེན་དུ་གཏད་ནས་དུས་གཏན་དུ་ཡར་རྒྱས་ཁོ་ན་འགྲོ་སྡོད་མཁན་གཅིག་ཀྱང་མེད། རྒྱ་ནག་གིས་འཛམ་གླིང་འདིའི་ཤུལ་འཛིན་བྱེད་རྒྱུ་ཡིན་པ་འདྲ་པོ་ཞིག་སྣང་གི་ཡོད་རུང་། ཉི་ཧོང་ཡང་དུས་ཚོད་གཅིག་གི་རིང་དེ་འདྲ་པོ་ཞིག་ཆགས་རྒྱུ་ཡིན་པར་སྣང་ཡོད། སྐབས་ཤིག་རིང་ཉེ་ཧོང་ནི་འཛམ་གླིང་ནང་དཔལ་འབྱོར་གྱི་སྟོབས་ཤུགས་ཆེ་ཤོས་གཉིས་པར་སླེབས་ཡོད་པ་དང་། མི་ཚོས་ཉེ་ཧོང་གིས་འཛམ་གླིང་ཡོངས་རྫོགས་སྟངས་འཛིན་བྱེད་རྒྱུ་ཡིན་པར་བཤད་ཡོད་མོད།
དེ་ལས་མང་བ་། “དུས་རབས་ཉེར་གཅིག་དེ་རྒྱ་ནག་ལ་མི་དབང་བའི་རྒྱུ་མཚན།” »
སྦྲ་རིགས་ཐོགས་མེད། (ལྡི་ལི་མཐོ་སློབ།)
ལོ་རྒྱུས་ཀྱི་གཉའ་བར་དུ་འགྱིང་བའི་གནའ་བོའི་རི་གྲོང་ཆུང་ཆུང་དེར།
སྟེས་དབང་གིས་ཕྲད་ཅིང་སྟེས་དབང་གིས་འདྲེས་པའི་ཀོ་རི་ཡའི་བུ་མོ་ལགས།
མཛེས་སྡུག་གང་ཞིག་གིས་སྦགས་པའི་འཚིག་ཇ་ཕོར་གང་གི་སྔ་གཞུག་ཏུ།
རྡུལ་མཚོན་ལས་རྣོ་བའི་ཁྱོད་ཀྱི་ཟུར་མིག་དང་འཛུམ་མདངས།
བདག་གི་འཇིག་རྟེན་དུ་ཁད་ཀྱིས་འཛུལ་ནས་སླེབས་བྱུང་ལ།
མུ་ཏིག་བཞིན་འཚེར་བའི་ཁྱོད་ཀྱི་དྭངས་གཙང་དང་རེ་སྨོན།
བདག་གི་གཙང་ངོགས་སུ་གཡོར་གྲུ་བཞིན་ལྷོད་ཀྱིས་སྐྱོམ་བཞིན་ཕེབས་བྱུང་།
བརྩེ་དུངས་དང་མི་གཤིས་ཀྱིས་ལྡེམ་པོར་སྐྱོར་བའི་ཀོ་རི་ཡའི་བུ་མོ་ཁྱེད།
དོན་ངོ་མར། དུས་ཚིགས་གང་ཞིག་ལ་བརྐུངས་པའི་རྒྱང་རིང་གི་ཁུ་བྱུག་ཡིན།
ད་དུང་ཡིད་ཆེས་དང་རེ་བཞག་གིས་ཁེངས་པའི་ཉམ་ཆུང་གཞོན་ནུ་མ་ཁྱེད།
འཇིག་རྟེན་གང་ཞིག་ནས་ཕེབས་པའི་བརྩེ་དུང་གི་ཕོ་ཉ་ཡིན།
དེ་ལས་མང་བ་། “སྟེས་དབང་གིས་ཕྲད་པའི་ཀོ་རི་ཡའི་བུ་མོ (Hyangja)ལགས།” »
འདྲེ་མགོ་རྡོ།
གྲོགས་པོ་ཞིག་གི་ཁ་ནས་རྒྱ་གར་རྡ་ས་རུ་རྩོམ་པ་པོའི་མཐུན་ཚོགས་ཟེར་བ་ཞིག་ཡོད་པར་གོ དེ་མ་ཐག་སེམས་ལ་དགའ་བ་ཞིག་སྐྱེས། རིམ་པས་དེའི་གནས་ཚུལ་ལ་རྒྱུས་ལོན་བྱས་པ་ཡིན། པེན་ཕྱི་སྡོད་བོད་ཀྱི་རྩོམ་པ་པོའི་མཐུན་ཚོགས་ནི་༡༩༩༩ ཟླ ༣་ཚེས ༡༩ ཉིན་དབུ་བརྙེས་པ་ཞིག་ཡིན་འདུག དེ་ནས་ད་བར་ ༡༢ ལ་ཉེ་བ་ཕྱིན་འདུག ཡིན་ཡང་ཡིད་སྐྱོ་བ་ཞིག་ནི་ངེད་ལ་ད་བར་འདིའི་སྐོར་ཅི་ལྟར་གསལ་ཆ་མ་བྱུང་བ་རེད་དམ། དེ་ནི་འགྱོད་པ་ཞིག་ཀྱང་རེད་ལ་རྗེས་ལུས་ཤིག་ཀྱང་མིན་ནམ།
དེ་ལས་མང་བ་། “པེན་བོད་ཀྱི་རྩོམ་པ་པོའི་ཚོགས་པ་འཁྱུག་ཙམ་བཙལ་བ།” »
(བོད་ལ་རྒྱས་བཙན་འཛུལ་གྱིས་མི་སེར་སྤེལ་ཡུལ་བྱས་ནས་ལོ་ངོ་དྲུག་ཅུ་ཐམ་པ་སོང་བའི་རྗེས་དྲན་དུ་བྲིས།)
ཐེ་བོ་ཤེས་རབ་རྒྱ་མཚོ།
ང་དགའ་བོ་བྱུང་། ངོ་མ་དགའ་བོ་བྱུང་། སྤྲོ་སྣང་འཕེལ་བ་ཞིག་ཀྱང་རེད། རྒྱུ་མཚན་གང་ཡིན་ཞེ་ན། ྋགོང་ས་མཆོག་དང་ཨོ་བྷ་མ་གཉིས་ཨ་རིའི་ཁང་པ་དཀར་པོའི་ནང་ལ་མཇལ་འཕྲད་ཐེངས་གཉིས་པ་གནང་བ་དེར་རྒྱ་ནག་གཞུང་གིས་ཁ་རྡུང་དྲག་པོ་གཏོང་གི་ཡོད་པའི་རྩོམ་ཡིག་དེ་དག་བཀླག་རྒྱུར་དགའ་བོ་བྱུང་། རྩོམ་ཡིག་དེ་དག་བཀླག་རྒྱུ་དེ་ནི་ཧ་ཅང་སྤྲོ་སྣང་འཕེལ་བའི་བྱ་བ་ཞིག་ཀྱང་རེད། དེ་བས་ཀྱང་དགོད་བྲོ་བ་ཞིག་ལ། ཀྲུང་གོ་བོད་ལྗོངས་དྲ་བ་ཟེར་བས་ྋགོང་ས་མཆོག་ལ་ཁ་རྡུང་དྲག་པོ་གཅིག་མཇུག་གཉིས་མཐུད་དུ་གཏོང་གི་ཡོད་པ་དེ་རེད། དེ་ནི་བུ་གུ་བསམ་མེད་ཅིག་གི་ཤོད་སྟངས་ལྟར་ཅི་འདྲའི་དགོད་བྲོ་བ་ཞིག་རེད་ཨང་།
བོད། ལྷ་ཀླུ་གཉན་གསུམ།
ང་གཉིས།
ཁ་སང་རི་ལ་ཡར་འཛེགས་མར་འཛེགས་ཆེས་མང་བོ་ཞིག་བྱས་སྟབས། ད་ནི་དངོས་ནས་རྐང་ལག་ཚང་མ་རང་རང་གི་སར་འཇོག་ས་ཞིག་ཡོད་ན་ཅི་མ་རུང་སྙམ་པའི་སྣང་བ་ཞིག་སྟེར་གྱི་འདུག་པས་ཞོགས་པ་ཆུ་ཚོད་བཅུ་བ་ཡོལ་རེག་བར་དུ་ཉལ། ཡར་བླངས་པ་དང་མོ་རང་གི་གྲོགས་མོ་ཝན་གྱིས་ངེད་གཉིས་མཚོ་འགྲམ་དུ་མོ་རང་གི་རླངས་འཁོར་གྱིས་བསྐྱལ་སོང་། ཁོ་མོའི་སྒྲུང་གཏམ་ཞིག་གི་འཕྲོར་ཀློག་བཞིན་འདུག ངས་མཚོ་དམར་པོའི་འགྲམ་གྱི་བུད་མེད་གཅེར་བུ་དག་གི་སྒེག་པའི་ཉམས་དང་མཛེས་པའི་གཟུགས།
ཐེ་བོ་དཀོན་མཆོག་ཤེས་རབ་ཀྱིས།
དེ་ཡང་རྒྱ་ཆེའི་ཀློག་པ་བོ་རྣམས་ཀྱི་སྙན་ལམ་དུ་ཞུ་རྒྱུར། ད་ལྟའི་ཆར་རྒྱ་ནག་དམར་པོའི་སྲིད་གཞུང་གིས་བོད་ཞི་བའི་བཅིངས་གྲོལ་བཏང་ནས་ལོ་ ངོ་དྲུག་ཅུ་འཁོར་བའི་རྟེན་འབྲེལ་གྱི་མཛད་སྒོ་གཞི་རྒྱ་ཆེ་བ་ཞིག་བྱེད་ཀྱིན་ཡོད་ཀྱང་། དོན་གྱིས་བོད་འདི་བཙན་བཟུང་བྱས་ནས་སྡུག་གྱོང་མནར་གཅོད་ཚད་འདས་པ་ཞིག་གི་འོག དམྱལ་བ་མི་ཡུལ་དུ་མྱོང་བ་ལྟ་བའི་དཀའ་སྡུག་ལོ་ཟླའི་ཁྲོད། མཐོང་ཐོས་མྱོང་གསུམ་ཡོད་པའི་དོ་བདག་རང་ཉིད་ཀྱིས་དངོས་བྱུང་གི་ལོ་རྒྱུས་ཤིག་ ཚིག་བཅད་ཀྱི་ལམ་གོ་བདེར་བཀོད་པ་འདིས་རྒྱ་དམར་གྱི་རྫུན་གཏམ་གྱི་ལྟོ་བ་རལ་བའི་དགའ་བྱེད་རཱ་མཎའི་མདའ་ཡི་ཉག་ཕྲག་ཤིག་གོར་ཁ་རྒྱལ་པོའི་ཕོ་བྲང་གི་ཉེ་ཁྲིས་ནས་ངག་གི་འགྱུར་ཁུག་ལ་དྲངས་པའོ།།
ན་མོ་གུ་རུ་ལོ་ཀེ་ཤྭ་ར་ཡ།
ཐུགས་རྗེ་སྤྱན་དཀྱུས་པདྨའི་འཛུམ་ཞལ་ནི། །
ཁ་བའི་ལྗོངས་སུ་རྟག་ཏུ་འཕེན་མཛད་པ། །
གངས་ལྗོངས་འགྲོ་བའི་མགོན་པོ་པད་དཀར་འཆང་། །
ནམ་ཡང་སྐྱེ་དགུའི་གཙུག་ན་མཛེས་གྱུར་ཅིག །
དེ་ལས་མང་བ་། “དར་དམར་འོག་གི་མཐོང་ཐོས་མྱོང་གསུམ་གཏམ་དུ་གླེང་བ་གངས་ལྗོངས་ལ་ལྟ་བའི་མེ་ལོང་།” »
