(སྲིད་ལེན་སྲེད་གསུམ་གྱི་རྣམ་ཤེས་ཆུང་ཆུང་དེའི་གཤིན་ཆོས་སུ་བྲིས།)
པད་མ་ཆོས་སྒྲོན་གྱིས།
༠
ཆ་མེད་ཚིག་མཛོད་གསེབ་ཀྱི་ཐ་སྙད་དེ།
“མགོ་ཆུ་”ཐོན་པའི་སྐད་ཅིག་མ།
དགའ་ལྷང་ལྷིང་གི་སྙིང་ཁ་དེར།
“སྐྱེས་གཟེར་”གྱིས་ཀྱང་བདེ་སྣང་འདྲེན་དོན་ཅི།
༡
གཟེར་སྦིར་སྦིར་གྱི་ན་ཟུག
རེས་འཇགས་རེས་ལངས་ཀྱི་ཐོན་ཐལ།
ཁྱེད་ཀྱི་ཕོག་བཙག་རིམ་རྒྱག་གི་བར་ན།
ང་ཡི་འཕོངས་ཚོས་དང་སྒལ་ཚུགས་ཀྱི་སྲུབས་ཀ་
རེ་རེ་ཐོར་སྐད་མོད
ཁྱེད་དང་ང་ད་དུང
པ་སངས་ཚེ་རིང་།
ཉིན་དེབ་འབྲི་བ་ནི་སློབ་ཕྲུག་གི་འབྲི་རྩལ་ཡར་རྒྱས་གཏོང་ཆེད་གཅིག་པུ་མིིན་པར་རང་གི་ཉིན་རེའི་དགའ་སྐྱོའི་སྣང་བ་བཅོལ་སའི་གསང་བའི་པོད་ཁུག་ཅིག་ཀྱང་ཡིན། སེམས་ཁམས་རིག་པ་དང་། གསོ་དཔྱད་པ་གྲགས་ཅན་དང་། ཤེས་ལྡན་མི་སྣས་ཉིན་ཐོ་བྲིས་པ་ནི་བརྗེད་ཐོ་ཙམ་མིན་པར། རང་གི་ཉིན་རེའི་འཚོ་བའི་ནང་དུ་ཕན་ཚུན་འཁོན་འཛིན་སོགས་ཀྱི་སེམས་ངལ་རྣམས་ཡང་དུ་གཏོང་པའི་སྨན་མཆོག་ཅིག་ལའང་བརྩིས་དང་རྩི་བཞིན་ཡིན།
ཀླུ་སྨྱོན།
ཁོ་བོའི་དལ་རྟེན་མེ་ཏོག་ཆུང་ངུ་བྱམས་ལྡན་ཨ་མའི་དབྱིག་འཛིན་སྤོར། །
ཞིམ་མངར་ནུ་ཞོའི་ཟིལ་བ་འཐུང་ཞོར་དྭངས་གཙང་མཚེའུ་ལྟར་མཛེས་པའི། །
འདྲེན་བྱེད་གདངས་ཏེ་འཇིག་རྟེན་འདི་ལ་ཐོག་མའི་མིག་ཞགས་འཕེན་པའི་དུས། །
འཁྱར་འཁྱོར་གོམ་ཁ་དལ་བུར་སྒྱུར་བའི་བེའུ་ཞིག་གི་གཟུགས་བརྙན་མཐོང་།
དབྱར་གསུམ་འཇའ་ཚོན་མེ་ཏོག་བརྡལ་བའི་ལྗང་སྣུམ་གཡུ་ཡི་སྤང་ཐང་ནས། །
ང་དང་བགྲང་བྱའི་ན་ཚོད་མཉམ་པའི་ཡིད་འོང་བེའུ་ནག་ཆུང་དེས། །
ཞིམ་མངར་ནུ་བཅུད་ལྷན་ཅིག་འཐུང་བཞིན་འཁྱར་འཁྱོར་གོམ་པའི་རི་མོ་ནི། །
རྨ་རྒྱལ་ལྷུན་པོའི་འདབས་ཀ་དང་ནི་རྨ་ཀླུང་སྔོན་མོའི་ངོགས་སུ་ཕབས། །
འདྲེ་མགོ་རྡོ།
༡ ལངས་ཕྱོགས་ཀྱི་ལས་གཉེར་ཉི་འཚེ་བ་དག་གིས་རྩ་དོན་བརྗེད་ནས་ནང་འཁྲུག་རྒྱག་སྟངས།
བཙན་བྱོལ་སྤྱི་ཚོགས་ནས་མཆེད་པའི་སྐད་ཆ་ཞིག དེང་སང་བོད་རིགས་འདུས་སྡོད་ཀུན་དུ་ཁྱབ་འགོ་ཚུགས་ཡོད། དེ་ནི་རེ་ཤོས་ཀྱིས་བཙན་བྱོལ་བོད་ཀྱི་གྲོས་ཚོགས་ནས་བྱུང་བར་བཤད་པ་དང་། རེ་ཤོས་ཀྱིས་ལངས་ཕྱོགས་འཐབ་རྩོད་རུ་དཔུང་གིས་མི་ཁ་ཤས་བེད་སྤྱོད་ཀྱིས། སྤྱི་ཚོགས་ནང་སྐད་ཆ་དེ་འདྲ་ཁྱབ་བསྒྲགས་བྱས་ཟིན་པར་ངོས་འཛིན་བྱེད་ཀྱི་ཡོད། བེད་སྤྱོད་ཀྱི་ཁྱབ་ཁོངས་ནས་ཐོན་པའི་སྐད་ཆའི་རིགས་ཁག་ཅིག་ཡོད་པ་ནི། ༧གོང་ས་མཆོག་བེད་སྤྱོད་བཏང་ནས་མི་མང་ལོག་འདེད་བྱས་ཚུལ་དང་།
རྔ་བ་རྒྱལ་ཁམས་པ།
དུད་དྲེག་ཆགས་པའི་ཁྱིམ་ཚང་གི་རྩིག་ངོས་ན་སྦྱར་བའི་འདྲ་པར་ཆེན་པོ་དེ་དག་མཐོང་སྐབས། བརྗོད་མ་ཤེས་པའི་སྐྲག་སྣང་དང་། བརྗིད་སྣང་ལྟ་བུ་ཞིག་ངང་གིས་སྐྱེ་འོང་། ངས་ཡང་སྙིང་མི་སྣ་དེ་དག་གི་ལོ་རྒྱུས་དང་། ལྟ་གྲུབ། ལུང་བ་གང་ནས་ཡིན་མིན་གསལ་བོ་ཞིག་མ་ཤེས་ཀྱང་། གོར་ཅིང་ཟླུམ་པའི་མིག་སྔོན་པོ། སྦོམ་ཞིང་སྟུག་པའི་གདོང་སྤུ། སྣ་ཆེ་ཁ་འཐུག་གི་རྣམ་པ། ད་དུང་བརྗིད་ཉམས་ཆེ་བའི་སྐེ་མདུན་ཅན་གྱི་གོས་དང་། ལྷག་པར་སྐར་མ་དང་ཐོབ་རྟགས་ཀྱིས་སྤྲས་པའི་དམག་ཆས་རྫིག་པོ་དེ་དག་ལ་སེམས་ཡང་ཡང་ཤོར་མྱོང་། ག་ལེར་གནས་ཚུལ་ཅུང་ཟད་རེ་ཧ་གོ་སྐབས། མི་སྣ་དེ་དག་ནི་ཀླད་པ་རྡོ་ལས་མཁྲེགས་ཤིང་། སྒལ་ཚིགས་རྣོ་ལས་སྲ་བ། རྐང་ལག་ཚེར་ལྕགས་ལས་ཀྱང་རྩུབ་པའི་དམར་བོའི་ལྟ་བའི་མྱི་རྒོད་ཁྱུ་གཅིག་སྟེ། མར་ཁེ་སི། ཨེན་ཁེ་སི། ལེ་ཉིན། སི་ཏྲ་ལེན། མོ་ཚེ་ཏུང་བཅས་རེད་འདུག ངས་ཉེ་དུས་འདིར་མི་ལོ་ཉི་ཤུ་ལྷག་གི་རིང་།
དེ་ལས་མང་བ་། “༄།། མའོ་ཙེ་ཏུང་གི་གསང་བའི་ལོ་རྒྱུས་བསྔོགས་པ།” »
སྤོབས་པ་མཐའ་ཡས།
ཉེ་ཆར་མང་གཙོའི་འོས་འདེམས་གཙང་མའི་ལམ་ནས་ཕེབས་པའི་བཀའ་ཁྲི་གསར་པའི་ལས་འཁུར་མགོ་འཛུགས་དང་ལྷན་དུ་སློབ་གྲྭའི་འགན་བདག་གིས་སློབ་ཕྲུག་གཅར་རྡུང་གིས་དམར་བསད་དོན་རྐྱེན་དང་། ལོག་གཡེམ་དོན་རྐྱེན་ལས་སྣ་བཅད་ཅིང་གཅེར་བུར་ཕུད་ནས་ཁྲོམ་སྐོར་ལ་ཁྲིད་པའི་གནས་ཚུལ་ཀྱང་ལུས་དང་གྲིབ་མ་བཞིན་དུ་སླེབས་པ་འདི་ནི་བཙན་བྱོལ་བོད་མིའི་གཟུགས་རིས་ངོ་མ་དེ་མཐོང་བའི་གོ་སྐབས་ཡག་ཤོས་ཤིག་རེད། གནད་དོན་འདི་རིགས་ནི་བཀའ་ཁྲི་གསར་པའི་སྤྱན་ལམ་ལ་འབྱོར་བ་འཕྱི་མ་དྲགས་པ་ཡིན་པས་དགའ་བ་སྒོམ་པར་འོས།
དེ་ལས་མང་བ་། “ཁྲིམས་ལུགས་མཁསཔའི་བཀའ་ཁྲི་ལ༎ཁྲིམས་འགལ་བོད་མིས་དགའ་བསུ་ཞུ༎” »
སེར་ཤུལ་རིན་ཆེན་དོན་གྲུབ།
ཆེས་མཆོག་ཏུ་བཀུར་བར་འོས་པའི་སྲིད་སྐྱོང་འབུམ་རིམ་པ་བློ་བཟང་སེང་གེ་ལགས།
སྐུ་ཉིད་ཀྱིས་སྐབས་གསུམ་པའི་བཀའ་བློན་ཁྲི་བའི་ལས་ཁུར་དམ་འབུལ་གྱི་གཟི་བརྗིད་ལྡན་པའི་ཉིན་མོ་འདིར་གུས་པ་ཆབ་འབངས་དཀྱུས་མ་ཞིག་གི་ངོས་ནས་འཚམས་འདྲི་དང་བཀྲ་ཤིས་བདེ་ལེགས་གྲངས་མེད་ཞུ་རྒྱུ་ཡིན། ང་ནི་ཁྱེད་དང་ཁྱེད་ཀྱི་ལངས་ཕྱོགས་ལ་རྒྱབ་སྐྱོར་བྱེད་མཁན་གྱི་བོད་འབངས་དཀྱུས་མ་ཞིག་ཡིན་པར་མ་ཟད་མང་གཙོའི་རིང་ལུགས་དང་ཞི་བདེའི་རྒྱལ་ཁམས་ལ་དུང་བའི་སྐྱེ་བོ་བྱེ་བྲག་པ་ཞིག་ཀྱང་ཡིན། ཁྱེད་ཀྱི་བཀའ་ཁྲིའི་འོས་འགྲན་གྱི་ལས་རིམ་ཁྲོད་དུ་གུས་པ་དང་གུས་པའི་ལངས་ཕྱོགས་གཅིག་པའི་གྲོགས་པ་སྐོར་ཞིག་གིས་ཁྱེད་ཀྱི་འདྲ་པར་དང་བྱས་རྗེས་བཀོད་པའི་ཤོག་བྱང་སྦྱར་འགྲེམས་ཀྱི་ལས་གཞི་བརྩམས་ཏེ་འོས་འགྲན་གྱི་ལས་རིམ་ཁྲོད་ནས་ཁྱེད་ལ་རྒྱལ་ཁ་ཐོབ་པའི་རེ་སྒུག་བྱས་པ་ཡིན།
བོད། ལྷ་ཀླུ་གཉན་གསུམ།
རེ་གསུམ།
ཁ་སང་གངས་མཚོ་ཉིན་གོང་རྒྱབ་ཀྱི་རླངས་འཁོར་དུ་བསྡད་ནས་ཕྱིར་རྗོ་སུ་ལམ་དུ་འབུད་སོང་། མོ་རང་མ་སོང་གོང་དུ་ངེད་གཉིས་ཀྱིས་ལས་ཀ་བྱེད་སའི་ལས་ཁུངས་དུ་ཁ་པར་བཏང་ནས་འབྲེལ་བ་བྱས་མཐར་ང་རང་ལས་ཀ་བྱེད་དུ་ཆུ་ཚོད་གཉིས་པའི་སྟེང་དུ་ཡོང་དགོས་ཟེར་བ་ལྟར་ང་རང་ལས་ཀ་བྱེད་དུ་ཆུ་ཚོད་གཉིས་པའི་སྟེང་དུ་སོང་དུས། ཐབ་ཚང་ནང་དུ་མེ་ཤོར་རྐྱེན་གློག་གི་བེད་སྤྱོད་བྱེད་པའི་སྣུམ་སྣོད་དེ་ལ་བརྟེན་ནས་བྱུང་བ་ཡིན་སྟབས། ཐབ་ཚང་ནང་གི་གློག་ཚང་མ་བརྗེ་བོ་བརྒྱབ་ནས་ཚར་གྲབས་ཡོད་པའི་སྒང་རེད། མ་བྱན་ཆེན་མོ་ངེད་གཉིས་ཀྱིས་ཕྱི་དྲོ་སྒོ་ཕྱེ་རྒྱུ་ཡིན་ཟེར་བ་ལྟར་ཟ་མ་ཡང་མ་ཟོས་པར་གསར་དུ་སྔོ་ཚལ་དང་ཤ་རིགས་ཡོད་ཚད་གྲ་སྒྲིག་བྱས་ཚར་དུས་སུ། དུས་ཚོད་བདུན་པ་ཡོལ་འདུག་པ་དང་ཟ་ཁང་གི་སྒོ་ཡང་ཕྱེ་བའི་དུས་ཚོད་ཏག་ཏག་དང་འཁེལ་འདུག
ཐེ་བོ་དཀོན་མཆོག་ཤེས་རབ་ནས།
གངས་ཅན་མགོན་པོའི་ཐུགས་མཚོ་ལས།།
འཁྲུངས་པའི་མང་གཙོ་རིན་ཆེན་ནོར།།
གང་གི་ཕྱག་ཏུ་ཉེར་གཏད་པ།།
མང་གི་བཀའ་ཁྲི་རྒྱལ་གྱུར་ཅིག།།
བློ་གྲོས་བཟང་བོས་མང་གཙོ་སྐྱོང་།།
འཇིགས་མེད་སྟོབས་མངའ་སེང་ཆེན་ཁྱོད།།
ཐབས་ཇུས་ཡི་གེ་འབྲི་བཞིན་དུ།།
མང་གི་དགོངས་པ་འགྲུབ་གྱུར་ཅིག།།
དེ་ལས་མང་བ་། “དུས་རབས་ཀྱི་དཀྱོགས་མཚམས་དང་བཀའ་ཁྲི་བློ་བཟང་སེང་གེ།” »
ཏྲེ་ཐུབ་བསྟན་གྱིས།
ཟླ་འདིའི་ཚེས་༠༥ཉིན་གྱི་དགོང་མོར་སུང་ཇ་བོད་ཁྱིམ་སློབ་གྲྭའི་ཁང་ཚན་རྒན་བདག་གཉིས་ཀྱིས་སློབ་མ་ཞིག་བརྡུང་ཏེ་རྐྱེན་ལམ་དུ་བཏང་ཡོད་པའི་སྐོར་སློབ་གྲྭ་དེ་གར་ཆེད་བཅར་གྱིས་གནས་ཚུལ་རྒྱུས་ལོན་བྱས་པའི་གོ་སྐབས་བྱུང་བས།གཤམ་ནས་དེའི་སྐོར་གྱི་གནས་ཚུལ་རགས་ཙམ་ངོ་སྤྲོད་ཞུས་ན།དེའང་གནས་ཚུལ་དེ་ལྷག་དགོས་པའི་རྒྱུ་མཚན་གཙོ་བོ་ནི་སློབ་གྲྭའི་སྒྲིག་སྲོལ་དང་འགལ་བའི་ཐ་མག་འཐེན་པའི་ཉེས་པ་ལ་བརྟེན་ནས་བྱུང་བ་ཡིན་ཞིང་།
ཕྱི་ཟླ་ ༧ ཚེས་ ༢༨ ཉིན་ནས་རྔ་པ་ཀིརྟི་དགོན་པའི་ནང་འགྲོ་བཞིན་པའི་རྒྱལ་གཅེས་ཆོས་གཅེས་ཀྱི་སློབ་ གསོ་ཟེར་བའི་ལས་འགུལ་ཉིན་བཅུའི་རིང་མཚམས་འཇོག་བྱས་ཏེ་དགེ་འདུན་པ་རྣམས་ལ་ གུང་སེང་སྤྲད་འདུག་ཅིང་དེ་རྗེས་མུ་མཐུད་སློབ་གསོ་ཟེར་བའི་ལས་འགུལ་སྤེལ་ དགོས་ལུགས་བརྗོད་ཡོད་འདུག དགེ་འདུན་པ་རྣམས་ཀྱིས་དགོན་པའི་ཕྱི་ནང་གི་དམག་མི་དང་ཉེན་རྟོག་པ། དམིགས་བསལ་ཉེན་རྟོག་པ་བཅས་དང་།
དེ་ལས་མང་བ་། “ཕྱི་ ལོ་ ༢༠༡༡ ཟླ་ ༨ ཚེས་ ༨ ཉིན་བཏང་བའི་ཨ་མདོ་རྔ་པའི་གནས་ཚུལ་ཁག་ཅིག” »
གཡུ་དྲུག་དཀར། རྡ་ས།
ཉི་མ་ཉིན་གང་བོར་མཚམས་རེར་ཐོག་ཁ་ཞིག་ནས་རྐང་པ་ས་ལའང་མ་ཐུག་པར་ཇ་རེ་འཐུང་ཞོར། ཡར་ལྟ་མར་ལྟ་བྱས། སྐབས་རེར་དོར་མ་སྲང་ནས་ཡར་འཁྱམ་མར་འཁྱམ་བྱེད་ཞོར་ཕར་ལྟ་ཚུར་ལྟ་བྱས། མདོར་ན་ཉི་མ་ཉིན་གང་བོར་དལ་དལ་ལྷོད་ལྷོད་ཀྱིས་རི་སྒང་གི་སྲང་ལམ་དོག་མོ་འདི་ནས་ས་འཛམ་བུ་གླིང་གི་དྲུག་གསུམ་བཅོ་བརྒྱད་དེ།མི་དཀར་ནག་སེར་གསུམ་ཡར་བཞུར་མར་བཞུར་བྱེད་ཀྱིན་པ་དག་གི་ངོ་ལ་ཅེར་རེར་ལྟ་བཞིན།རང་ཉིད་འབོར་གྱིན་པའི་ངང་ཚུལ་ཞིབ་ཏུ་བཀླགས་སམ།ཡང་ན་རྐང་རྗེས་ཀྱི་ཆེ་ཆུང་དང་།ཁ་དོག་་་དབྱིབས་སོགས་དྲུག་གསུམ་བཅོ་བརྒྱད་ཅན་གྱི་མི་ཚོགས་སྣ་ཚོགས་སྣ་ཚོགས་ཤིག་གདོང་གིས་བསུ་བཞིན། རང་གི་ཚུགས་ཀ་ད་དུང་འགྱུར་མེད་པའི་གཏན་ཚིགས་ལ་ཚ་འདྲི་བྱས་སམ།
(དར་དམར་འོག་གི་མཐོང་ཐོས་མྱོང་གསུམ་གཏམ་དུ་གླེང་བ་གངས་ལྗོངས་ལ་ལྟ་བའི་མེ་ལོང་།)
ཐེ་བོ་དཀོན་མཆོག་ཤེས་རབ་ཀྱིས།
བསླུ་ཐབས་གོམས་པའི་རྔ་ཡབ་གཙོ་མོ་ཡིས། །
ནུབ་རྒྱུད་ཐོན་འབྱེད་སྙན་ཚིག་མཛེས་མར་བརྫུས།
ཁྱད་འཕགས་རིག་གཞུང་དེད་དཔོན་ལྔ་བརྒྱའི་ཚོགས། །
ཚེ་སྲོག་འཕྲོག་པའི་སྦྱོར་ངན་ཅི་ཡང་བརྩམས། །
འོད་མེད་སྐར་ཆུང་ཟླ་བར་བཙན་གྱིས་བསྐོས། །
ཆོས་ཀྱི་འདུན་སར་བདུད་ཀྱི་རྒྱལ་མཚན་སྒྲེང་། །
ཆོས་དད་རང་མོས་རྫུན་ཚིག་གཅེར་བུར་ཕྱུང་། །
༄༅། །དེ་རིང་འདིར་ཆིབས་སྒྱུར་བསྐྱངས་པའི། ལྷར་བཅས་སྲིད་ཞིའི་གཙུག་རྒྱན། འཇིག་རྟེན་ཞི་བདེའི་དེད་དཔོན། བོད་མིའི་བླ་ན་མེད་པའི་དབུ་ཁྲིད། ྋསྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་དང༌། ཕྱི་ནང་སྐུ་མགྲོན་རྣམ་པ། ཁྲིམས་ཞིབ་པ་ཆེ་བས་དབུས་པའི་ཁྲིམས་ཞིབ་པ་རྣམ་པ། དཔལ་ལྡན་ཚོགས་གཙོ་བགྲེས་གཞོན་གྱིས་དབུས་པའི་བོད་མི་མང་སྤྱི་འཐུས་རྣམ་པ། བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེས་དབུས་པའི་བཀའ་བློན་རྣམ་པ། རང་དབང་ལྡན་པའི་ལས་ཁུངས་ཁག་གི་འགན་འཛིན་དང༌། དྲུང་ཆེ་ཆུང་གིས་དབུས་པའི་གཞུང་ཞབས་རྣམ་པ། དབུས་སའི་གཞུང་འབྲེལ་མ་ཡིན་པའི་ཚོགས་པ་ཁག་གི་འཐུས་མི་དང༌། མཛའ་བརྩེའི་སློབ་ཕྲུག་དང་མི་མང་རྣམ་པ།
དེ་རིང་བོད་གངས་ཅན་གྱི་ལྗོངས་སུ་དམ་པའི་ལྷ་ཆོས་ཀྱི་སྣང་བ་སྤེལ་མཁན་རྒྱ་གར་གྱི་སློབ་དཔོན་ཆེན་པོ་པདྨ་འབྱུང་གནས་སྐུ་འཁྲུངས་པའི་དུས་ཚིགས་ཁྱད་པར་ཅན་འདིར། ྋགོང་ས་ྋསྐྱབས་མགོན་ཆེན་པོ་མཆོག་ལ་གུས་ཕྱག་དང༌། བཀའ་དྲིན་རྗེས་སུ་དྲན་པའི་སྒོ་ནས། ཕྲན་གྱིས་གུས་པ་ཆེན་པོས་བཀའ་བློན་ཁྲི་པའི་ལས་འཁུར་དང་ལེན་ཞུ་རྒྱུ་ཡིན།
བོད། ལྷ་ཀླུ་གཉན་གསུམ།
རེ་གཉིས།
ཞོགས་པ་ཆུ་ཚོད་བཅུ་བའི་རླངས་འཁོར་རྗོ་སུ་ལམ་ནས་ཨེས་ལ་གྲི་ལ་ཡོང་བས་རླངས་འཁོར་གྱི་འཛིན་བྱང་བསྔགས་ཉོ་བྱས་ཡོད་པ་ལྟར་གངས་མཚོ་ངེད་གཉིས་ཕྱིར་ཨེས་ལ་གྲི་ལ་མ་ལོག་སྔོན་དུ་མོ་རང་གི་གཟུགས་གཞི་ཅུང་ཙམ་མི་བདེ་བར་བཤད། ངས་ཁྱེད་རང་གི་གཟུགས་གཞི་མི་བདེ་ན་ཁྱེད་རང་འདི་ནས་བསྡད་ན་ཡག་པོ་རེད་ང་གཅིག་བུ་སོང་ན་འགྲིག་ཞེས་བཤད་དུས། མོ་རང་གི་སྐྱོན་ནི་མ་རེད། ང་དེ་རིང་མ་སོང་བ་ཡིན་ན་ངེད་གཉིས་བདུན་ཕྲག་གཅིག་གི་རིང་དུ་ཁ་ཁར་ནས་འདུག་དགོས་དུས་ཁྱེད་རང་གཅིག་བུ་ཨེས་ལ་གྲི་ནས་སུན་སྣང་སྐྱེ་ངེས་རེད་ཟེར་ནས་ང་རང་ལ་བསམ་བློ་བཏང་ནས་མོ་རང་གི་གཟུགས་གཞི་ཅུང་ཙམ་བདེ་བོ་མེད་ན་ཡང་རླངས་འཁོར་ནང་དུ་ལམ་ལ་འབུད།
འབའ་པ་སྐལ་བཟང་འཕྲིན་ལས།
འཛམ་གླིང་སྟེང་གི་ཆབ་སྲིད་པ་ཚོས་གོན་པ་གྱོན་སྟངས་མཇལ་འཕྲད་བཟོ་སྟངས།མཇལ་འཕྲད་སྐབས་ལག་འཇུ་བཟོ་སྟངས་ཐ་ན་འགུལ་བསྐྱོད་ཚུན་ལ་ཡང་རྒྱབ་ལྗོངས་མཚོན་དོན་ཆབ་སྲིད་ཀྱི་གནད་འགག་ཆེན་པོ་རེ་ཡོད་པ་རེད། མཁས་དབང་བློ་བཟང་སེང་གེས་ཀྱང་ཆབ་སྲིད་ཀྱི་གནད་དོན་ཆེན་པོ་ཞིག་གི་དབང་ལས་་(བརྒྱད་བརྒྱད་དགུ་དགུ་)པ་པ་ཇོའོ་ཇོའོ་དེ་རང་ཉིད་བཀའ་ཁྲིའི་མཛད་སྒོ་ཡི་དུས་ཚོད་དུ་གཏན་འབེབ་གནང་པ་རེད།
དེ་ལས་མང་བ་། “རྒྱ་གཞུང་ལ་བརྡ་ལན་མཚོན་པའི་༨༨༩༩༩ཡི་བཀའ་ཁྲི་དམ་འབུལ” »
འདྲེ་མགོ་རྡོ།
སྐུ་ཞབས་བློ་བཟང་སེང་གེ་ལགས། སང་ཉི་མ་རྩེ་ཤར་ནས་ཁྱེད་རང་ངའི་བཀའ་བློན་ཁྲི་པ་ཡིན། ངའི་བཀའ་ཁྲི་ཁྱེད། དཀྱོགས་མཚམས་འདིར། ན་གཞོན་པའི་མདངས་དང་བཅས་སླེབས་བྱུང་བས། ང་དགའ་བྱུང་། ང་ཚོ་མི་རེར་བསམ་ཚུལ་རེ་ཡོད་ཀྱང་། ལྟ་ཚུལ་རེ་ཡོད་ཀྱང་། མང་གཙོ་འདི་དང་ལོ་རྒྱུས་འདིས། ངས་ལག་ཟུང་ཐལ་མོ་རྡེབ་ནས་ཁྱེད་རང་བོད་ཀྱི་སྲིད་ཁྲི་ལ་བསུ་བཞིན་ཡོད། འདི་ནི་ལུང་ཚན་ཞིག་དང་གང་ཟག་ཅིག་གི་བར་གྱི་གནས་ཚུལ་མིན་པར། བོད་རྒྱལ་ཁབ་འདིའི་ཁ་སྟབས་གང་དུ་ཁྲིད་མིན་གྱི་སྲིད་ཁྲི་ཡིན་པས། ངས་ལག་པ་གཉིས་ཀ་གནམ་དུ་འཕྱར་ནས་ཁྱེད་ལ་ཐལ་མོ་རྡེབ།
བསྒྲགས་པའི་གསར་འགྱུར་ལྟར་ན། དེ་རིང་ཨ་ཧྥུ་སྒ་ནན་སི་ཐན་དུ་ཐ་ལི་པན་དང་ཨ་ལི་ཁེ་ཀྲ་འཇིགས་སྐུལ་ཚོགས་པར་དམག་འཁྲུག་རྒྱག་བཞིན་པའི་བྱང་ཆིངས་དམག་མིའི་ཐད་འཕུར་གནམ་གྲུ་ཞིག་སར་ལྷུང་ནས་དེའི་ནང་དུ་ཡོད་པའི་དམག་མི་སོ་བརྒྱད་ཚང་མ་ཚེ་ལས་འདས་ཡོད་པ་དང་། དམག་མི་དེ་དག་གི་ཁྲོད་ནས་དམག་མི་ཉི་ཤུ་རྩ་གཉིས་ནི་ཨ་རིའི་སྐམ་མཚོ་མཁའ་གསུམ་གྱི་དྲག་པོའི་རྒོལ་རྡུང་གི་དམག་སྦྱོང་ཚད་མཐོ་ཤོས་དེ་བྱས་ཡོད་ཅིང་། ཟླ་གཅིག་གོང་དུ་འཇིགས་སྐུལ་བའི་མགོ་གཙོ་སྦིན་ལ་སྒྲིན་གསོད་མཁན་དག་ཡིན་འདུག ཐེངས་འདིའི་ཆག་སྒོ་འདི་ནི་ཨ་རིས་ཐ་ལི་པན་དང་མཉམ་དུ་དམག་འཁྲུག་བརྒྱབ་པའི་འདས་པའི་ལོ་བཅུའི་རིང་གི་ཆག་སྒོ་ཆེ་ཤོས་དེ་ཡིན་ཟེར།
ཨ་ཚོགས་ཀླུ་མཁར་བྱམས།
༼གཅིག ༽ རྗེན་པའི་ཕེབས་སྐྱེལ།
༌༌༌༌རིན་པོ་ཆེ་མཁྱེན། སྐུ་ཉིད་ཕེབས་སྐབས་དབུ་མའི་ལམ་ཀྱི་ཡང་འགྲེལ་༼རང་སྐྱོང་མངོན་འདོད་ཀྱི་བསམ་འཆར་ཡིག་ཆ་༽བརྙབས་ནས་ཕེབས་རོགས། དབུས་བོད་མིའི་སྒྲིག་འཛུགས་བརྙབས་ནས་ཕེབས་རོགས། བཙན་བྱོལ་བོད་གཞུང་གི་མིང་བྱང་གཅིག་པོ་ང་ཚོར་རང་འཇགས་ཤིག་འཇོག་གནང་རོགས། མིང་བྱང་དེ་ནི་ཤི་བོས་ཁ་ཆེམས་དང་གསོན་པོས་རེ་བ་ཡིན༌༌༌༌༌
རྒྱ་མིའི་སྤྱི་ཚོགས་རིང་ལུགས་ཟེར་བ་དེང་སང་ལྟ་གྲུབ་ཅིག་གི་གནད་དོན་མ་ཡིན་པར། ཁེ་ཕན་ཤོག་ཁག་གི་འབུ་སྲིན་འཚངས་སའི་རྫབ་དོང་ཞིག་ཆགས་ཡོད། སོང་ཙང་ཤོག་ཁག་དེས་ཡོད་ཚད་ལ་བཅོས་བསྒྱུར་གཏོང་ཆོག་མོད། སྤྱི་ཚོགས་རིང་ལུགས་ཀྱི་ལམ་ལུགས་ལ་འགྱུར་བ་གཏོང་མི་ཆོག་ལུགས་བརྗོད་ཀྱིན་ཡོད་ལ། དེ་བཞིན་འདི་གར་ཡང་གནམ་ས་བླ་འོག་བརྗེ་ཆོག་ཀྱང་། ལམ་དབུ་མའི་སྲིད་བྱུས་ལ་འགྱུར་བ་གཏོང་མི་ཆོག་ཟེར་བ་ཡག་རྟགས་ཤིག་མིན།
དེ་ལས་མང་བ་། “རྗེན་པའི་ཕེབས་སྐྱེལ་དང་རེ་དོགས་བསུ་བ། ད་དུང་ལྷག་པའི་བློ་འགྱོད་བཅས།” »
