ཨ་རིག་དགེ་མཐོང་།
སྤྱིར་བཏང་ཁྱི་འཚོང་ཚང་ཞེས་པའི་ཁ་བྱང་འདི་ཏོག་ཙམ་བདེ་བོ་རང་མི་འདུག་མོད། བསམ་གཞིགས་ཅི་ཙམ་བཏང་ཡང་འདི་ལས་རན་པོ་ཞིག་མ་རྙེད་པའི་ཐ་སྙད་འདི་བེད་སྤྱད་པ་ལ་ཀློག་མཁན་ཚོ་ཐོག་མར་དགོངས་སེལ་ཞུ། ཁྱི་འཚོང་ཞེས་པའི་ཐ་སྙད་འདི་འདོགས་དགོས་པའི་རྒྱུ་མཚན་གཤམ་དུ་བཤད་རྒྱུ་ཡིན་པས་དོན་གཉེར་ཅན་དག་གིས་ཞིབ་གཟིགས་གནང་རོགས། སྔོན་མ་ཞེས་དུས་རབས་མང་བོ་གླེང་མི་དགོས་པར་དུས་རབས་བཅུ་དགུ་བ་དང་ཉི་ཤུ་བའི་མཇུག་ཏུ་བོད་པ་ཚང་ལ་མཚོན་ན་ཁྱི་ནི་རང་གི་སྒོ་ཟོག་སོགས་ལ་བདག་སྐྱོང་བྱེད་མཁན་ཞིག་དང་ཁྱིམ་མི་ལ་འདང་བརྩེ་ཡོད་པ་ཞིག་རེད་ལ། ད་དུང་ཁྱིམ་བདག་ཡ་རབས་ཅན་ཚོས་སྒོ་ཁྱི་དང་ནང་མི་ལ་ཟས་སྐལ་སོགས་ཐད་ནས་གཅིག་མཚུངས་བྱེད་མཁན་ཡོད་པ་ནི་ཁོ་བོས་ཀྱང་མཐོང་ཡོད།
