(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
ཨ་རིག་དགེ་མཐོང་།
དྭངས་གཙང་རང་བཞིན་མ་བསླད་འོད་མདངས་དེ་རྒྱས་ཤིང་། །
རྟེན་འབྱུང་ཨ་མའི་ཐུགས་ཡིད་བདུད་རྩི་ཡིས་གཏམས་པས། །
སྣ་ཚོགས་ཀུན་རྫོབ་སྒྱུ་མའི་ངོ་གདོང་དེ་བཤུས་ནས། །
མཐར་ཐུག་སྐུ་བཞིའི་ལམ་ཡིག་ཕྱག་ཟུང་དུ་འབྱོར་བྱུང་། །
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
དཔལ་དགྱེས་པ་རྡོ་རྗེ།
ན་ མོ་ མ་ ཧྰ་ གུ་ རུ་ ཨ་ བྷྱ་ མ་ ཏི་ ཡེ། །
སྡེ་ གསུམ་ ཀློང་ དགུའི་ བཀའ་ བསྟན་ དམ་ ཆོས་ མཛོད། །
ཚེགས་ ཆུང་ དོན་ ཀུན་ རྟོགས་ པའི་ མན་ ངག་ ཐབས། །
མ་ ནོར་ སྒོ་ ཆེན་ འབྱེད་ པའི་ ལྡེའུ་ མིག་ མཆོག །
བསྟན་ པའི་ སྙིང་ པོར་ འཛིན་ ལ་ ཡང་ ཡང་ བསྔགས། །
༡.
བརྒྱུད་ པ་ དགུ་ ལྡན་ རིག་ འཛིན་ བླ་ མའི་ སྲོལ། །
ཟབ་ རྒྱས་ ཐེག་ པའི་ བརྗོད་ བྱ་ ནང་ རྒྱུད་ གསུམ། །
མདོ་ སྒྱུ་ སེམས་ ཀློང་ མན་ ངག་ རྗོད་ བྱེད་ ལས། །
བསླབ་ གསུམ་ རྒྱུད་ ལ་ འཕོ་ བའི་ ཆོས་ འཁོར་ རྒྱལ། །
༢.
དེ་ལས་མང་བ་། “༧སྐྱབས་རྗེ་དམ་པ་འཇིགས་མེད་བློ་གྲོས་རྒྱལ་མཚན་རིན་པོ་ཆེ་ལམཆོད་པ་བཀྲ་ཤིས་རྟགས་བརྒྱད། །” »
ཀླུ་སྨྱོན་རྩོམ་རིག་བྱ་དགའི་འགྲན་རྩོམ།
བོན་རྒྱ་བསྟན་འཛིན་རབ་རྒྱས།
______བོད་ཁ་བ་ཅན་གྱི་སྐད་དང་ཡི་གེ་ལ་ཕུལ་བ།
ལྷ་ཡིས་བསྩལ་བའི་སྐྱེས་ཤིག་ཡོད་ན་སྐད་དང་ཡི་གེ་ཡིན་པ་དང་། །
མེས་པོས་བཞེངས་པའི་ནང་ནོམ་དེ་ཡང་སྐད་དང་ཡི་གེ་ཡིན་པར་སྐད། །
ཆོལ་གསུམ་བོད་པའི་སྤྱི་སྐད་དེ་ལ་ཤ་དང་རུས་པས་ཕྱག་འཚལ་ལོ། །
དབྱངས་གསལ་སོ་བཞིའི་ཡི་གེ་དེ་ཡིས་ལས་བཞིའི་འཕྲིན་ལས་སྩོལ་བར་ཤོག །
ཁ་བ་ཅན་ལ་སྲོག་ཅིག་ཡོད་ན་དེ་ཡང་ཡི་གེ་ཡིན་པ་དང་། །
ཆིག་སྒྲིལ་ལྕགས་ཀྱི་ཐག་པ་དེ་ཡང་འདི་ཡིས་ཡང་ཡང་བརྡུངས་པར་སྐད། །
སྲོག་ལ་བབ་ཀྱང་བསྲུང་ན་འདོད་པ་སྐད་དང་ཡི་གེ་འདི་ཡིན་པས། །
བདག་གིས་ཐབས་བརྒྱ་རྩལ་གྱིས་སྤྲུགས་ཏེ་ཁྱོད་ཀྱི་སྲོག་ལ་གཅེས་པས་སྐྱོང། །
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
ཨ་རིག་འགྱུར་མེད།
གཅེས་པར་འོས་པའི་ངའི་ཕུ་ནུ་མིང་སྲིང་ཚོ། ཁྱེད་ཚོའི་ཁམས་བཟང་། ཐོག་མར་ངས་ཁྱོད་ཚོ་དང་མ་ཡུམ་སུ་ཇཱ་སློབ་གྲྭའི་དགེ་ལས་ཡོངས་ལ་སུ་ཇཱ་བོད་ཁྱིམ་སློབ་གྲྭ་དབུ་བརྙེས་ཏེ། ལོ་འཁོར་ཧྲིལ་བོ་ལྔ་བཅུ་ལོན་པར་བཅོས་མིན་གྱི་འཚམས་འདྲི་དང་བཀྲ་ཤིས་བདེ་ལེགས་ཞུ། ང་ནི་ཁྱོད་ཚོ་དང་འདྲ་བར་སུ་ཇཱ་བོད་ཁྱིམ་ནས་སློབ་མཐར་ཕྱིན། སུ་ཇཱ་བོད་ཁྱིམ་ནས་བོད་ཡིག་དང་དབྱིན་ཡིག་སྦྱངས། སུ་ཇཱ་བོད་ཁྱིམ་ནས་རང་ཉིད་ངོས་ཟིན་པ་དང་མི་ཚེའི་ཕུགས་འདུན་རྙེད། སུ་ཇཱ་བོད་ཁྱིམ་གྱི་ཤེས་བྱའི་དགའ་ཚལ་ནས་རྩོམ་རིག་གི་འདབས་ལག་ཅུང་ཙམ་རྒྱས་པའི་ཕུ་བོ་ཞིག་ཡིན་ལ། དེ་རིང་ང་ཁྱོད་ཚོའི་ཕུ་བོ་ངོ་མ་ཞིག་གི་སར་བསྡད་དེ། ཁྱོད་ཚོའི་མ་འོངས་པའི་མི་ཚེའི་ཕུགས་འདུན་གྱི་ཆེད་དུ་ཁ་བརྡ་ཐུང་ཐུང་ཞིག་བྱེད།
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ། )
རྩེ་སྐར།
དགུན་ཁའི་གྲང་རེག་ཉི་མའི་ཟིལ་གྱིས་བཅོམ།།
དཔྱིད་ཀྱི་དྲོད་ཁོལ་ལྗོན་པའི་རྩེ་ནས་འཛུམ།།
ཁ་བ་ཆར་དུ་བརྙེས་པའི་དུས་ཚིགས་ན།།
ལང་ཚོའི་ཐིའུ་གསར་བྱུ་རུའི་མདངས་ཀྱིས་མངོན།།
གྲང་རླུང་འུར་གྱིས་ལྡིང་བའི་ལོ་ཟླ་ན།།
དགུན་གསུམ་ཙག་ལ་བརྒྱུས་པའི་ཁ་བ་མས།།
ཁམ་བུའི་མེ་ཏོག་ཤར་བའི་མཛེས་སྡུག་ལ།།
ཁེངས་པའི་ཕྱི་མིག་དམར་པོ་འཕེན་བཞིན་བཞུད།
ཤར་མཁན་སྤྲུལ་འཇམ་དཔལ་བློ་གྲོས་ཀྱིས།
ཉེ་ཆར་སྤྱི་ཟླ་ལྔ་བའི་ནང་བོད་གཞུང་མང་ཚོགས་ཆེན་གྲོལ་རྗེས། བོད་གཞུང་གི་མིང་བརྗེ་བསྒྱུར་དང་། མུ་མཐུད་དུ་རང་རློམ་ཅན་གྱིས་བྱས་ཉེས་འགེབ་སྲུང་གི་གཏམ་བཤད་རིམ་པ་དག་ལ་རྒྱལ་ཞེན་ལྷག་བསམ་ཅན་དག་ལ་བློ་ཕམ་ཧ་ཅང་ཆེ་བ་མངོན་གསལ་ཡིན།།
ད་ལྟ་ཡང་བསྐྱར་ཟླ་༩ བའི་གྲོས་ཚོགས་སྐབས་བོད་མིའི་གཞུང་གི་སྒྲིག་འཛུགས་ཞེས་འདོགས་རྒྱུའི་གྲོས་གཞི་བཏོན་པ་དེ་ཡང་སྔར་གྱི་རང་རློམ་ལ་ཨུ་ཚུགས་ཕྱིར་ལོག་བྱས་པ་ལས་ཆབ་སྲིད་ཀྱི་དོན་སྙིང་རྨང་ནས་ཤོར་ཡོད། སྔ་སོར་ཁོང་ཚོའི་དམ་བཅའ་གཞུང་ཞེས་པའི་མིང་དེ་འདོར་དགོས་པར་བཤད་པ་ལ་ཕྱིར་ལོག་པས། སྔ་ཕྱི་ནང་འགལ་གྱིས་རང་གི་རང་མཚང་བརྡོལ་བ་ལས་འདུག་གམ།
རྔ་པ་རྫོང་སྤྲོ་ཚིགས་ཞང་ཀ་ཉག་སྡེ་བའི་བར་མ་ཚང་གི་དཔལ་འབྱོར། རང་ལོ་ ༣༨ ཡིན་པ་ཁོང་ཕྱི་ཟླ་ ༣ ཚེས་ ༢༠ ཡས་མས་སུ་འཛིན་བཟུང་གིས་བཀག་ཉར་བྱས་ཡོད་ལ། ཁོང་གསུམ་པའི་བཅུ་དྲུག་གི་མི་མང་ཡར་ལངས་སྐབས་མཉམ་ཞུགས་བྱས་པའི་ཉེས་མིང་གཡོགས་ནས་འཛིན་བཟུང་བྱས་པ་ཡིན་ཞིང༌། རྗེས་སུ་ཤེས་རྟོགས་བྱུང་བར་ཁོང་ལ་ལོ་ ༣ གྱི་བཙོན་འཇུག་ཁྲིམས་ཐག་བཅད་དེ་སི་ཁྲན་གྱི་མེན་ཡངས་ཞེས་པའི་ས་གནས་ཀྱི་བཙོན་ཁང་ཞིག་ཏུ་བཙོན་འཇུག་བྱེད་བཞིན་ཡོད་འདུག
ཁོང་གི་ཕ་མིང་ལ་རྒྱ་མཚོ་ཞུ་བ་སྔ་མོ་ནས་འདས་ཟིན། མ་མིང་ལ་སྒྲོན་མཚོ་ཞུ་བ་སྙིང་གི་ན་ཚ་ཡོད་སྟབས་ཁོང་འཛིན་བཟུང་བྱས་པ་ནས་ཟླ་བ་གསུམ་ལྷག་རིང་ཁོང་འཛིན་བཟུང་བྱས་པའི་སྐོར་གསང་བ་བྱས་ཏེ་ཤེས་སུ་བཅུག་མེད་འདུག ཁོང་གི་ཁྱིམ་དུ་འཚོ་བའི་ཡོང་ཁུངས་གང་ཡང་མེད་པའི་གཟའ་ཟླ་དང་ཕྲུ་གུ་གཉིས་བཅས་ནང་མི་གསུམ་ཡོད།
དེ་ལས་མང་བ་། “བོད་མི་དཔལ་འབྱོར་ཞུ་བ་ཞིག་ལ་ལོ་གསུམ་བཙོན་འཇུག་ཁྲིམས་ཆད།” »
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
དབྱངས་བུ་ཚེ་རིང།
མོ་ལ་དབྱངས་ཅན་ལྷ་མོ་ལྟ་བུའི་འཇོ་སྒེག་གི་མཛེས་སྡུག་དང་། ཁུ་བྱུག་གི་གསུང་སྐད་ལྟ་
བུའི་སྐད་ངག་གི་སྙན་འགྱུར་མེད་ཀྱང། བཅོས་མིན་ལྷུན་ཆགས་དང་གཡོ་མེད་དྲང་
བདེན་གྱི་གཤིས་སྤྱོད་གཉོམ་པོ་དེས་མོ་ནི་ཀུན་གྱི་སེམས་ངོགས་ན་མེ་ཏོག་ལྟ་བུའི་
མཚར་སྡུག་གི་གཟི་བྱིན་ཆེས་ཆེར་འབར་ཡོད།
དེའི་ཕྱིར་མོ་ནི་ཡིད་དུ་འོང་བའི་བུ་མོ་ཞིག་ཡིན་པས། མཐའ་འཁོར་ན་ཕོ་གསར་མང་པོ་
ཞིག་གིས་མིག་ཟུང་རིག་རིག་དང་སེམས་པ་ཚ་ལམ་ལེམ་ཁོ་མོ་ལ་དོ་སྣང་དང་ཡིད་འཇོག་
བྱས་ཀྱང། མོས་རང་ཉིད་ཀྱི་ཡིད་འོང་གི་ཀུན་གཤིས་དེ་དམ་དུ་བཟུང་ནས་སུ་ལའང་
སེམས་པའི་ཁ་ལོ་མི་གཡེང་པར། གཉོམ་ལྷང་ལྷང་གི་འཛུམ་མདངས་ནམ་རྒྱུན་བཞིན་
རྫོགས་མཐའ་མེད་པའི་སེམས་འགྱུ་མང་པོའི་ཁྲོད་དུ། ཕ་མའི་མཛའ་བརྩེ་ལས་ཐོབ་
པའི་རང་དགོས་ལས་དོན་ལ་འབད་པས་བརྩོན་བཞིན་མཆིས།
༼རྒྱལ་བསྟན་དོན་གྱིས་མཛེས་པར་བྱེད་པའི་ྋསྐྱབས་རྗེ་འཁྲུལ་ཞིག་རིན་པོ་ཆེ་ཞིང་གཞན་དུ་གཤེགས་པར་སྐྱོ་བའི་གདུང་དབྱངས་སུ་བྲིས་པ།༽
ཕོ་རོག་དཀར་པོས།
སྐུ་མཚན་དཔེའི་ཉིན་བྱེད་དབྱིངས་སུ་ཡལ།།
གསུང་ཟབ་རྒྱས་གདམས་པ་ཡི་གེར་ཤར།།
ཐུགས་ཆོས་ཀྱི་དབྱིངས་སུ་འཐིམ་པ་ཡི།།
མགོན་བླ་མ་ཁྱོད་ལ་གསོལ་བ་འདེབས།།
གཞི་འཁོར་བའི་རྩ་བར་འཁྲུལ་བ་ཞིག།
ལམ་བགྲོད་པའི་རིམ་པར་འཁྲུལ་བ་ཞིག།
འབྲས་ཆོས་སྐུའི་དབྱིངས་སུ་འཁྲུལ་བ་ཞིག།
འཁྲུལ་ཀུན་ལ་ཞིག་པའི་འཁྲུལ་ཞིག་རྗེ།།
ཨ་རིག་དགེ་མཐོང་། ལེའུ་ཚན་གཉིས་པ།
གོང་དུ་སྒོར་མོ་དང་དགོན་པའི་གནད་དོན་རགས་བསྡུས་ཤིག་བཤད་ཟིན་མོད། ད་དུང་དེ་ཙམ་གྱིས་མཇུག་ག་ལ་རྫོགས། མུ་མཐུད་ནས་གནད་དོན་བྱེ་བྲག་པ་རེ་གླེང་དོན་བྱུང་། འདི་ལྟར་གླེང་ན་ཕྲན་ལ་ཐོབ་བྱ་མ་དགོས་མྱི་ཁའི་མདུང་རྩེ་ནས་ལངས་དགོས་ཀྱང་། ངས་རང་ཉིད་ཀྱི་བདེ་སྡུག་ཅིག་གི་སླད་དུ་ཁུ་སིམ་མེར་བསྡད་ན་གཞུང་སྒེར་ལ་འཐུས་ཤོར་ཆེ་བར་སྙམ་ནས་གླེང་བ་ཡིན། བོད་ཀྱི་དགོན་སྡེ་ཚོས་སྒོར་མོ་གསོག་སྟངས་དང་ཉར་སྟངས་དེ་ནི་རྩ་བ་ནས་འཐུས་ཤོར་འགྲོ་གྱིན་འདུག སྔོན་བོད་ནང་དུ་དཔེར་བླངས་ན་ཡང་།
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
རྡོ་སྦིས་ཟླ་བ་ཚེ་རིང།
དེ་རིང་ཡང་ནམ་རྒྱུན་ལྟར་ཆར་བ་ཆུང་ཆུང་ཞིག་གིས་བརྗིད་ཉམས་ཆེ་བའི་རྡ་སའི་གྲོང་ཁྱེར་དེ་ཡོངས་སུ་བརླན་པར་གྱུར་ཅིང༌། སོ་ཕག་དང་ཨར་འདམ་ལས་བཟོས་པའི་ཐོག་བརྩེགས་མའི་རྒྱ་ཁང་རྣམས་གངས་རིའི་ཕྲེང་བ་ལྟར་ཧ་ཅང་མཛེས་ལ། དེའི་སྟེང་གི་རི་དྭགས་ཕོ་མོའི་འོད་མདངས་སྔོན་ལས་ཆེ་རུ་གྱུར་བ་དང་གཡས་གཡོན་ན་འཇའ་མཚོན་སྣ་ལྔའི་གྲུབ་པའི་དར་ལྕོག་དེས་སྲང་ལམ་སྟེང་གི་སྐུ་མགྲོན་རྣམས་ཡར་སྐྱེལ་མར་སྐྱེལ་བྱེད་མ་ཐུབ་པར་ཧ་ཅང་ཐང་ཆད་པའི་ངང་གིས་མགོ་བོ་གཡུག་གཡུག་བྱེད་པ་དང་གཉིས་སུ་མ་མཆིས།
གཞུང་ལམ་དེ་ནི་རྡ་སའི་གྲོང་དཀྱིལ་ན་ཡོད་པ་དང་དེའི་གཡས་གཡོན་ན་ཁེ་སྤོགས་ཆེན་པོ་གསོག་པའི་སྦྱིན་བདག་འདྲ་མིན་ཀྱིས་གཉེར་བའི་གསོལ་ཚིགས་ཁང་དང་ཚོང་ཁང༌། པར་ཁང༌། གློག་ཀླད་ཁང༌། སྤྲོ་སྐྱིད་ཁང་མང་བོ་སོགས་ཀྱི་སྒོ་བྱང་དུ་དབྱིན་ཡིག་ཁོ་ན་བེད་སྤྱོད་བྱེད་པ་འདི་ལ་བསམས་ན་བོད་པའི་སྤྱི་ཚོགས་ཞིག་རེད་ཟེར་ན་བྱིས་པ་སྣབས་ལུག་ཅིག་ཀྱང་ཡིད་ཆེས་དཀའ་བའི་ཚད་ལ་བསླེབས་འདུག
གནས་ཚུལ་མཁོ་གཏོང་པ་ས་གཞོན་དྲིལ་བསྒྲགས་འགན་འཛིན་ཨ་ཚོགས་དབང་གྲགས་འབུམ།
སྤྱི་ཟླ་དགུ་པའི་ཚེས་ལྔ་ཉིན་དགའ་ལྡན་བྱང་རྩེའི་དགེ་འདུན་པ་བཅུ་གཅིག་གིས་རྒྱ་ནག་ལ་དགོས་དོན་དོན་ཚན་བཞི་ཅན་ཞིག་བཏོན་ནས་རྒྱ་གར་གྱི་གྲོང་ཁྱེར་ཆེ་ཁག་མང་པོ་ཞིག་ལ་བསྐོར་སྐྱོད་ཀྱིས་ཟས་བཅད་ངོ་རྒོལ་བྱ་བའི་ལས་འགུལ་སྤེལ་ནས་འགྲོ་བཞིན་འདུག་ལ། ཟླ་དེའི་ཚེས་ལྔ་ཉིན་བྷ་རོ་ཊ་ལ་སླེབས་པ་དང་ས་གནས་བོད་རིགས་མཐོ་སློབ་ཀྱིས་གྲུབ་པའི་གཞོན་ནུ་ཚོགས་པས་མཐུན་སྦྱོར་དང་སློབ་ཕྲུག་ཡོངས་མཉམ་ཞུགས་བྱས་ཏེ་ཉིན་དེའི་མཛད་སྒོ་དབུ་འཛུགས་གནང་སྟེ།
དེ་ལས་མང་བ་། “བྷ་རོ་ཊ་ས་གནས་སུ་དགེ་འདུན་པ་11 དང་ས་གནས་གཞོན་ནུའི་ལས་འགུལ།” »
སྤོབས་པ་མཐའ་ཡས།
ངེས་པར་འབྱུང་བའི་ཚུལ་ཁྲིམས་གཙང་མའི་འོད༎
སྲིད་པའི་མུན་པ་འཇོམས་པའི་གཉེན་གཅིག་པུ༎
གནས་བརྟན་ཆེན་པོ་ལྷ་ཡི་ལྷར་གྱུར་པ༎
ཞི་བའི་དབྱིངས་སུ་བཞུད་པའི་ཚུལ་འདི་སྐྱོ༎
བདེ་བར་གཤེགས་པའི་རིང་ལུགས་དྲི་མ་མེད༎
འཛིན་སྐྱོང་སྤེལ་ལ་འགྲན་པའི་ཟླ་བྲལ་བ༎
ཡོངས་ཀྱི་དགེ་བའི་བཤེན་གཉེན་ཡོངས་ཀྱི་མགོན༎
འཁྲུལ་ཞིག་ཆོས་ཀྱི་རྒྱལ་པོ་སྙིང་ནས་དྲན༎
ཁྱོད་ཀྱི་སྐྱེས་སྐར་ལ་ཕུལ།
འགར་ཚེ་རྒྱལ།
དེ་རིང་ནི་ཁྱོད་ཀྱི་མི་ཚེ་ལ་དབུ་ཁྱུད་བྲིས་པའི་ཉི་མ་དེ་རེད།
མཐའ་ཡས་པའི་ནམ་མཁའ། ཁོད་ཡངས་པའི་ས་གཞི།
དེ་རིང་གི་ཉི་མ་འདི་ཡོད་པས་ཁྱོད་ཀྱི་མངའ་ཐང་ཡིན།
ངས་ཀྱང་དེ་རིང་གི་ཉི་མ་འདི་མཛུབ་རྩེར་སྒྲོན་ནས།
རྒྱང་རིང་ནས་ཁྱོད་ལ་བཀྲ་ཤིས་པའི་ཁ་གཡང་སྒྲོགས།
ཁྱོད་ཀྱི་སྐྱེས་སྐར་ལ་བཀྲ་ཤིས་བདེ་ལེགས།
སེར་ཤུལ་རིན་ཆེན་དོན་གྲུབ།
དེང་རིང་གི་ཉིན་མོ་འདི་ནི་ཤེས་རབ་ཀྱི་འོད་སྣང་སྤྲོ་བའི་ཉིན་མོ་ཞིག་སྟེ་དགེ་རྒན་གྱི་ཉིན་མོར་འབོད། ཉིན་མོ་འདི་དགེ་རྒན་གྱི་ཉིན་མོར་སུས་གཏན་ཁེལ་བྱས་པ་ཡིན་མི་ཤེས་མོད། ཡོངས་གྲགས་སུ་དགེ་རྒན་གྱི་ཉིན་མོ་ཞེས་སྲུང་བརྩི་བྱེད་པའི་དུས་ཆེན་གལ་འགངས་ཅན་ཞིག་ཡིན། ངས་ཀྱང་དེ་རིང་གི་དུས་ཆེན་འདི་སྲུང་བརྩི་བྱེད་པར་སྤྲོ། རྒྱུ་མཚན་ཡང་དགེ་རྒན་དང་སློབ་དཔོན་ནི་ཤེས་རབ་ཀྱི་སྒྲོན་མེ་དང་། མུན་སེལ་གྱི་ཟླ་བ། མ་རིག་གི་རྨོངས་སེལ། ཡང་དག་གི་ལམ་སྟོན། དོན་གཉིས་སྒྲུབ་པའི་གྲོགས་མཆོག་བླ་ན་མེད་པ་ཞིག་རེད། སྲུང་བརྩི་བྱེད་སྟངས་སྣ་ཚོགས་ཤིག་མཆིས་མོད་ངས་ནི་རང་གི་ཤེས་ཚོད་ཀྱི་ཆེ་བསྟོད་དང་མཛད་རྗེས་ཕྱིར་དྲན་གྱིས་སྲུང་བརྩི་འདི་ལྟར་བྱེད་འདོད་བྱུང་།
བོད། ལྷ་ཀླུ་གཉན་གསུམ།
སྐྱེ་མ་ཐག་པའི་བུ་ཆུང་ཁྱོད
ཡུལ་གྲུ་གང་ཞིག་ནས་འོང་བའི་མགྲོན་པོ་བཞིན
སྐྱེ་བ་སྔ་གཞུག་གི་འབྲེལ་ཐག་དང་
འདས་མ་ད་གསུམ་གྱི་ལས་དབང་ལ་འཐིམ་པའི
ང་དང་ངའི་མི་ཚེ་ཁྲོད་སླེབས་སོང་
བོད་ཟླ་བདུན་པའི་ཚེས་དྲུག
སྤྱི་ཟླ་དགུ་བའི་ཚེས་གསུམ
ཕྱི་དྲོ་སྟེ ཆུ་ཚོད་བཞི་ཏག་ཏག
འཇིག་རྟེན་མི་ཡུལ་འདིར ཉིད་ནས་ངུ་སྐད་ཐོག་མ
ཁུ་ཁྲག་བརྣག་གཤེར་གྱི་བརླན་པའི་གཅེར་བུ་ཁྱོད
ངོ་མི་ཤེས་པའི་ཕ་རྒན་ངའི་ངོ་གདོང་ལ་བལྟས
མིག་ཆུང་ཆུང་དེ་གཉིས་ནི
(ཀླུ་སྨྱོན་རྩོམ་རིིག་བྱ་དགའི་འགྲན་རྩོམ།)
སྨྲ་སྲུང་།
དེ་རིང་ནམ་མཁའ་དྭངས་ཤིང་ཉི་འོད་གསེར་མདོག་ཏུ་གྱུར་འདུག ཞོགས་པའི་མཁའ་དབུགས་བསིལ་མོའི་བདེ་སྣང་ལ་རོལ་བའི་མི་ཚོགས་རྣམས་རང་རང་གི་ལས་ལ་བྲེལ་ཞིང་ཡོད། “ཚགས་པར་གཟིགས” “ཚགས་པར་གཟིགས”སྐད་འདིས་མི་རྣམས་ཅི་ཞིག་དྲན་གསོ་བྱས་པ་དང་འདྲ་བར་ཚང་མ་སྦག་སྦག་ཆུང་ཆུང་དེའི་མཐའ་ལ་བསྐོར་བྱུང་། ཁང་མིག་ཆུང་ཆུང་ཞིག་གི་རབ་གསལ་མདུན་ལ་རྐུབ་སྟེགས་རྒྱབ་སྙེས་ཅན་ཞིག་ཞིག་གི་ཐོག་ཏུ་༸གོང་ས་མཆོག་གི་བཀའ་སློབ་(ཤེས་ཡོན་ལམ་སྟོན)་གྱི་དཔེ་དེབ་ཀློག་བཞིན་པའི་ཆོས་དག་གྱིས་དེབ་དེ་མདུན་གྱི་ཅོག་རྩེ་གྲུ་བཞི་དེའི་སྟེང་དུ་བཞག་ནས་ད་ལྟ་རང་ཉོས་པའི་(བོད་ཀྱི་དུས་བབ)་ཀྱི་མདུན་ཤོག་བཀླགས།ཐེངས་འདིའི་སྒྲུང་རྩོམ་འགྲན་བསྡུར་གྱི་ཁྲོད་ནས་རྩོམ་པ་པོ་ཆོས་དར་ལགས་ཀྱིས་བྲིས་པའི་(སྒྲོལ་མའི་རྨི་ལམ)་ལ་འགྲན་བསྡུར་ཡོངས་ཀྱི་ཨང་དང་པོ་ཐོབ་འདུག་པས་གསལ་བསྒྲགས་ནང་གསལ་བཞིན་གཟེངས་རྟགས་དང་བྱ་དགའ་འབུལ་རྒྱུ།
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
གཞོན་ནུ་ཟླ་མེད།
དང་པོ།
ཟིན་ཐོ་འདི་ཟི་ལིང་ནས་འགོ་འཛུགས་རྒྱུ་ཡིན། དེ་དུས་ ༡༩༨༩ ལོའི་སྡོང་ལོ་སེར་བོ་རྣམས་རླུང་གིས་འཁུར་ནས། ས་གཞིར་ཐལ་འཚུབ་དང་མཉམ་དུ་དགུན་རྒྱ་སྟག་འདྲ་བོ་སླེབས་བཞིན་པའི་སྒང་རེད། ངའི་རོགས་པ་གཉིས་དུས་བཅད་ལྟར་ཟི་ལིང་དུ་མ་སླེབས་པས་ང་ཟི་ལིང་དུ་འདུག་དགོས་བྱུང་། ལམ་ཁའི་མགྲོན་ཁང་ཞིག་ཏུ་བསྡད་ན་ཡུལ་ནས་རྗེས་འདེབས་པའི་ལག་ཏུ་ཐེབ་སྲིད་པས་ཁུག་གྱོག་གི་མགྲོན་ཁང་ཞིག་ཏུ་འགྲོ་རྒྱུར་ཐག་གཅོད་བྱུང་། ངའི་ངོ་ཤེས་ཨ་འབྱུང་གི་ཕོ་གསར་ཞིག་ཡོད་པ་ཁོང་དང་ཕྲད། ཁུག་ཀྱོག་གི་མགྲོན་ཁང་ཞིག་བཙལ་རོགས་ཞེས་མངགས་པ་ལྟར་ཁོང་གིས་ཁུག་ཀྱོག་ཅིག་ནས་མགྲོན་ཁང་ཞིག་རག་འདུག གོང་ཚད་ཞག་རེ་ལ་སྒོར་༡༥རེད། ངེད་གཉིས་ཁང་མིག་གཅིག་གི་ནང་དུ་བསྡད། མགྲོན་ཁང་བདག་པོ་ཡོང་ནས་སྨད་ཚོང་མ་དགོས་སམ། གོང་ཁེ་བོ་ཡོད། ཉེན་རྟོག་པས་མི་འཛིན། སྙིང་རྗེ་བོ་ཡོད། ལོ་ཆུང་ཆུང་ཡིན། ཁ་ཆེ་ཡིན་སོགས་ཁྱད་ཆོས་མང་པོ་ཞིག་བརྗོད་སོང་། ངའི་རོགས་པས་དགོས་མདོག་བསྟན་སོང་། དེ་ནས་བལྟ་གི་འགྲོ་ཟེར། སོང་ནས་བལྟ་དུས། ངོ་ནས་ལོ་ཆུང་ཞིག་རེད། ཕར་བལྟས་ཚོད་ཀྱིས་ལོ་ཚད་ ༡༨ ལ་སླེབས་འེ་ཡོད་བསམ་བསམ་ཞིག་འདུག ཁང་མིག་ཆུང་ཆུང་ཞིག་ན། གདན་ཁྲི་ཆེན་པོ་ཞིག་རྒྱབ་ནས་དེའི་སྟེང་དུ་བསྡད་འདུག མགྲོན་བདག་གིས་བསྟན་ཙམ་བྱས་ནས་སྒོ་རྒྱབ་སོང་། དེ་ནས་མགྲོན་བདག་གིས་གོང་ཚད་གཏམ་པའི་མགོ་བཙུགས། སྨན་ཚོང་མའི་གོང་ཚད་སྒོར ༡༠༠་དང་། མགྲོན་བདག་གི་གོང་ཚད་སྒོར་ ༢༠ ཡིན་ཟེར། ངའི་རོགས་པ་ཕོ་གསར་དེས་ཁྱོད་ལ་འཁྲིག་པ་སྤྱོད་ཀྱི་མེད་པས་རིན་གོང་སྤྲོད་དོན་ཅི་རེད་ཟེར། ཁོང་གིས་ངས་ཁྱོད་ལ་ངོ་སྤྲོད་བྱས་པ་དང་། ཉེན་རྟོག་པའི་ལག་ཏུ་མ་ཐེབས་པའི་འགན་ལེན་བྱེད་དགོས་པས་ལས་གླ་ལོས་དགོས་ཟེར། འོན་ཀྱང་ངའི་རོགས་པས་རིན་གོང་དེ་སྟེར་འདོད་མ་སྐྱེས་པས། ཕྱིར་ཡོང་ནས་རང་གི་ཉལ་ཁང་ནས་ཉལ།
(ཀླུ་སྨྱོན་འགྲན་རྩོམ།)
ཆུ་ཐིགས་སྔོན་མོ།
གནོད་སྦྱིན་བཀའ་ཡི་འཐོར་རླུང་དྲག་པོས་ལང་ཚོའི་འདབ་མ་ལྷོ་རུ་དེད།།
འདོད་ལྷའི་ཉག་ཕྲན་ལུས་ལ་ཕོག་པས་ཟུག་རྔུའི་གདུང་བ་སྙིང་ལ་འཕོས།།
རཱ་མའི་རི་བོར་རྒྱུ་བའི་སྤྲིན་ཕུང་དགའ་མའི་ལང་ཚོར་རབ་འཁྲུལ་ནས།།
བསིལ་འཇམ་ཆབ་ཀྱི་ཟེགས་མ་རེ་ཡང་བདེ་བ་སྟེར་བའི་བྱེད་པོར་བསྟེན།།
ལྷོ་རོང་དབེན་བའི་རི་སུལ་བསྙེགས་ནས་དྲི་བཞོན་བུ་མོ་གྲོགས་སུ་བསྟེན།།
གྱེས་བྲལ་གདུང་བའི་སྨྲེ་སྔགས་ཕྲེང་ཚོགས་སྤྲིན་ཕུང་སྐྱོད་པའི་ཀླུང་དུ་གཏོར།།
མཁའ་ཡི་རྡུལ་ཚོགས་འབར་བའི་ལང་ཚོ་མཐོ་རིས་ཐེམ་སྐས་ལ་འཛེགས་ཀྱང་།།
ཆུ་ཁུར་བུ་མོ་དུབ་པའི་ཉམས་ཀྱིས་ཟུར་མིག་གློག་ཐག་ས་ལ་ལྷུང་།།
དེ་ལས་མང་བ་། “སྙན་ངག་སྤྲིན་གྱི་ཕོ་ཉ་བཀླགས་རྗེས་ཀྱི་འཆར་སྣང་དྲན་ཐོར་བཀོད་པ།” »
༄༅། །སྐྱབས་རྗེ་འཁྲུལ་ཞིག་ཞྭ་སྤྲུལ་མཁན་ཆེན་འགྱུར་མེད་ངག་དབང་བློ་གྲོས་རིན་པོ་ཆེ་མཆོག་ནི་ཡ་འབྲོག་སྟག་ལུང་དུ་ཕྱི་ལོ་ ༡༩༢༣ ལོར་སྐུ་འཁྲུངས་ཤིང་དགུང་གྲངས་བཞིར་སོན་སྐབས་མཁན་ཆེན་ངག་དབང་བསྟན་འཛིན་ནོར་བུ་མཆོག་གིས་རང་གི་རྩ་བའི་བླ་མ་འཁྲུལ་ཞིག་བསྟན་འགྲོའི་རྡོ་རྗེ་མཆོག་གི་ཡང་སྲིད་འཁྲུལ་མེད་དུ་ངོས་འཛིན་གནང། དགུང་གྲངས་བཅུར་སོན་སྐབས་མཁན་པོ་ངག་དབང་མཁྱེན་རབ་སྐུ་མདུན་ནས་དགེ་ཚུལ་གྱི་སྡོམ་པ་བཞེས། དགུང་གྲངས་བཅུ་དགུར་མཁན་པོ་ངག་དབང་མཁྱེན་རབ་མཆོག་དགོངས་པ་རྫོགས་རྗེས་མཁན་རིན་པོ་ཆེ་དམ་དེ་ཉིད་ཀྱི་དགོངས་བཞེད་ལྟར་འཁྲུལ་ཞིག་རིན་པོ་ཆེ་མཆོག་ནས་རྫ་རོང་ཕུ་དགོན་པའི་མཁན་པོ་མཛད། དེ་རྗེས་མི་རིང་བར་སྨིན་གྲོལ་གླིང་དགོན་པར་ཐོས་བསམ་སློབ་གཉེར་གནང་ཆེད་ཕེབས། དགོན་དེར་ཕེབས་རྗེས་རང་གི་རྩ་བའི་བླ་མ་གཅུང་ངག་དབང་ཆོས་དར་རིན་པོ་ཆེ་མཆོག་དང་མཁྱེན་བརྩེ་ནོར་བུ་རིན་པོ་ཆེ་མཆོག་གཉིས་ཀྱིས་མཁན་སློབ་མཛད་དེ་དགེ་སློང་གི་སྡོམ་པ་འབོགས་ཆོག་མཛད།
