བསམ་གླིང་ཚེ་རིང་ལྷ་མོ།
སྟོན་ཟླ་འབྲིང་པོ་དལ་གྱིས་འཆར་བས་སྤྲིན་གྱི་གླང་པོ་རྒྱང་རིང་བྲོས།།
རྟ་བདུན་དབང་པོའི་ཟེར་གྱིས་དྲོས་པས་དམའ་བའི་ས་གཞིར་རྔུལ་གྱི་བརླན།།
རྫི་བོ་བྲལ་བའི་ལུག་ཁྱུ་བཞིན་དུ་སྤྲིན་གསར་ལྷེབ་མོ་ཕྱོགས་བཞིར་བཀྲམ།།
རླུང་བསེར་དལ་བུས་རི་ལྗོངས་མྱུལ་ཞིང་འབྲས་ལྡན་སླེབས་པའི་བརྡ་ཡིག་སྦྱར།།
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ །)
ཤ་ཀླན་འཇམ་དབྱངས་གྲགས་པ།
རི་བོ་དེའི་འགྱིང་ཉམས་བསམ་ན།
ང་མྱུར་དུ་ཡོད་ཚད་བསྐྱུར་ཏེ་རི་བོ་དེའི་ཕྱོགས་སུ་འགྲོ་བར་འདོད་ཅིང་།
མི་ཚོགས་དེའི་རེ་བར་བསམ་ན།
ངས་ད་དུང་ཅི་ཡང་འགྲུབ་མི་འདུག་པས།
སླར་ཡང་དྲོད་ཁོལ་དབེན་པའི་ཁང་པ་འདི་ནས་གནས་བཅའ་དགོས་བྱུང་།
སྐབས་དེར།ངའི་སྐྱོ་གྲོགས་ཡིན་པའི་ཁྱེད་ཚོ་འདི་ལྟར་ཡིད་མཁར་ཤར་བྱུང་།
དེ་ལས་མང་བ་། “རི་བོ་དེ་དང་མི་ཚོགས་དེ། ད་དུང་དྲི་མེད་ཟེར་བའི་སྙན་ངག་པ་དེ།” »
སྐྱོ་བོའི་གླུ་གཞས།
སྐལ་བཟང་མི་བཟང་དུས་ལ།། ཁྲི་ཆེན་དགའ་ལྡན་ཁྲི་པ།།
དད་ལྡན་གངས་ཅན་ཕོ་མོའི།། འདི་ཕྱི་གཉིས་ཀྱི་སྐྱབས་ཡིན།།
སྐལ་བ་སྙིགས་མ་ཡིན་ནམ།། གནམ་ས་བརྗེ་བ་ཨེ་ཡིན།།
ཁྲི་ཆེན་རྡོ་རྗེ་འཆང་དབང་།། པེད་ཤག་ཞབས་ལ་འབྲངས་སོང་།།
དེ་ལས་མང་བ་། “ཁྲི་ཆེན་དགའ་ལྡན་ཁྲི་པ། དེ་འདྲ་རང་ད་ཨེ་ཡིན།།” »
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ)
ཨ་འདུས་སྐལ་བཟང་རྒྱ་མཚོ།
་་་་་་་་་་་་་་་་་མཁས་དབང་དགེ་འདུན་ཆོས་འཕེལ་རྗེས་སུ་དྲན་པ།
ལས་རླུང་རྩུབ་མོའི་ལྡང་ཕྱོགས་ཤིག་གིས་ཁྱེད་ཞལ་དངོས་སུ་མ་མཇལ་ཡང༌།།
བསུབ་པར་དཀའ་བའི་གྲགས་སྙན་རིང་མོ་ད་དུང་གླིང་འདིའི་ཟུར་ན་མཆེད།།
སྐུ་དྲག་གཏུམ་པོའི་ཧམ་སྤྱོད་མིན་ན་ཁྱོད་དང་འུ་གཉིས་ཕྲད་ངེས་མོད།།
ཐོལ་བྱུང་གཤེགས་པའི་གཏམ་རྒྱུད་སྐྱུར་མོས་གདུང་བས་སྙིང་ཡང་རལ་བར་བྱེད།།
དེ་རིང་སློབ་གྲྭའི་དཔེ་ཁང་ནང་ནས་ཁྱོད་ཀྱི་གསུང་འབུམ་དེབ་གསུམ་མཇལ།།
ག་ལེར་ཁོ་བོའི་ཡིད་ཀྱི་ཅང་ཤེས་གསེར་གྱི་ཐང་མར་ཉུལ་བའི་ཚེ།།
རྒྱ་གར་གྲོང་དང་སིངྒ་ལ་སོགས་ཕྱི་ནང་སྣོད་བཅུད་གཙང་མའི་རིས།།
ཤེས་རབ་པུར་རྩེས་ལེགས་པར་བཞེངས་པའི་བཀའ་དྲིན་མཆི་མའི་ཕུང་བོར་གྱུར།།
བསྟན་འཛིན་བློ་གསལ་གྱིས།
༼རྩོམ་ཡིག་འདི་མཐོང་མ་ཐག་ཀློག་མཁན་རྣམས་ཀྱིས། ཇོ་ནང་ཚང་གིས་བོད་གཞུང་ལ་སྐྱོན་བརྗོད་བྱེད་ཀྱིན་འདུག་ཅེས་མ་གསུང་རོགས། ང་ཚོས་རང་གཞུང་ལ་མི་ལོ་ཧྲིལ་བོ་བཅུ་གཉིས་རིང་ལག་ཐལ་མོ་སྦྱར་དེ་གསོལ་འདེབས་ཞུས་པ་ཡིན། འོན་ཀྱང་དོན་འབྲས་རུས་སྦལ་གྱི་སྤུ་ཙམ་མ་བྱུང་བ་མ་ཟད། མཐོང་ཆུང་ཚད་ལས་འདས་པ་བྱས་སྟབས། ཐབས་ཟད་ཨུ་ཐུག་གིས་བསམ་ཚུལ་དྲང་མོར་བཤད་པ་ཡིན་པས་དགོངས་འཇགས་གནང་རོགས།༽
བསྟན་དར།
འདི་ལོའི་ཕྱི་ཟླ་བཅུ་པའི་ཚེས་ ༦ ཉིན་ཨ་རིའི་མངའ་སྡེ་རོ་ཌི་ཨའི་ལེན་ཌིའི་གཙུག་ལག་སློབ་གྲྭ་ཆེན་མོར་བཙན་བྱོལ་བོད་མིའི་ལོ་རྒྱུས་དང་འབྲེལ་བའི་འདྲ་པར་གང་མང་ཞིག་འགྲེམ་སྟོན་བྱ་རྒྱུ་ཡིན་འདུག་པ་དང་། ཉིན་དེར་པར་པ་ཨེ་ལེ་ནོར་ནས་རང་ཉིད་བོད་མིའི་གཞིས་ཆགས་དང་དགོན་སྡེ་ཁག་ཅིག་མཇལ་བའི་མྱོང་ཚོར་འདི་ག་དགེ་སློབ་གང་མང་ཞིག་ལ་འབྲེལ་བརྗོད་དང་། མཐོ་སློབ་དེའི་འཚེ་མེད་ཞི་བའི་སློབ་གཉེར་སྡེ་ཚན་གྱི་ལས་བྱེད་ཐུབ་བསྟན་ནས་བོད་ཀྱི་ཆོས་དང་ཆབ་སྲིད་ཀྱི་ངོ་བོ་ཞེས་པའི་བརྗོདགཞི་དེའི་སྟེང་ནས་བོད་གནད་ངོ་སྤྲོད་འགྲེལ་བརྗོད་དང་བགྲོ་གླེང་བྱ་རྒྱུ་ཡིན་འདུག། གོ་སྒྲིག་པས་བརྗོད་དོན་ལྟར་ན་མཐོ་སློབ་དེར་འཛམ་གླིང་རྒྱལ་ཁབ་འདྲ་མིན་ནས་འཕེབ་པའི་སློབ་ཕྲུག་ཁྲི་གཉིས་ལྷག་ཡོད་པ་དང་། འདས་པའི་ལོ་བཅོ་ལྔའི་གོང་ནས་ལོ་ལྟར་བདུན་ཕྲག་གཅིག་རིང་མི་རིགས་དང་།
དེ་ལས་མང་བ་། “བཙན་བྱོལ་བོད་མིའི་ལོ་རྒྱུས་དང་འབྲེལ་བའི་འདྲ་པར་གང་མང་ཞིག་འགྲེམ་སྟོན་བྱ་རྒྱུ་ཡིན་།” »
བདེ་ཆེན་སྤེན་པ།
འདི་ཟླའི་ཕྱི་ཚེས་བཅོ་བརྒྱད་དགོང་མོ་དུས་ཚོད་དྲུག་སྐར་མ་བཅུ་གཅིག་སྟེང་བརྒྱབ་པའི་ས་ཡོམ་དེ་ཚད་རིམ་དྲུག་དང་ཚེག་དགུ་ཡིན་པ་དང་།རྒྱ་གར་བྱང་ཤར་མངའ་ཁུལ་ཀ་རྡོར་སྒང་གསུམ་གྱི་ས་གནས་ཁག་གཙོ་བོ་ཆགས་ཡོད།ཚད་རིམ་དྲུག་དང་ཚེག་དགུ་ཅན་གྱི་རྗེས་སུ་ཡང་བསྟུད་མར་ཚད་རིམ་བཞི་དང་ཚེག་བརྒྱད་དང་།བཞི་དང་ཚེག་དྲུག་སོགས་སྔ་ཕྱི་ཐེངས་ཉི་ཤུར་གཡོ་འགུལ་བྱུང་ཡོད་འདུག
མི་རབས་གསར་བ་ཞེས་བའི་དྲ་ཚིགས་འདི་ནི། དཔྱོད་ལྡན་བོད་རིག་མཐོ་སློབ་པ་འགས་འགོ་འཛུགས་གནང་བའི་དྲ་ཐོག་ལས་གཞི་ཞིག་ཡིན་ཞིང་། དྲ་ཚིགས་འདིའི་དམིགས་གཏད་གཙོ་བོ་ནི། གཙུག་ལག་དཔྱད་བརྗོད་དང་ཞིབ་འཇུག རིག་གཞུང་དཔྱད་གླེང་བཅས་ཡིན། ལྷག་པར་དུ། ང་ཚོས་ཤེས་རིག་ཁྱབ་ཁོངས་ཀུན་ལ་ཞིབ་ཏུ་དཔྱད་ནས། ཞིབ་འཇུག་དོན་འབྲས་ཡོད་པའི་སྒོ་ནས་ཀློག་པ་པོའི་བློ་སྒོ་འབྱེད་ཐུབ་རྒྱུར་དམིགས་བཞིན་ཡོད་། མི་རབས་གསར་བའི་དྲ་ཚིགས་འདི། བོད་གངས་ཅན་གྱི་མི་རབས་གསར་བའི་རྒྱན་ཏུ་གྱུར་ཅིང་། ཞིབ་འཇུག་གླེང་སྟེགས་གལ་ཆེན་ཞིག་ཆགས་ཐུབ་པར་ཤོག མི་རབས་གསར་བ་རྩོམ་སྒྲིག་ཁང་ནས།
ཀླུ་སྨྱོན།
—-
བོད་ཀྱི་ནང་ཆོས་དེ་རྒྱ་གར་ནས་དར་ཁྱབ་བྱུང་བ་ཡིན་ཡང་བོད་ཀྱི་གྲྭ་པའི་ཆོས་གོས་དང་ཆ་ལུགས་སྤྱོད་ལམ་སོགས་གནའ་བོའི་རྒྱ་གར་གྱི་འདུལ་འཛིན་ཆེན་པོ་དག་དང་ཡོངས་སུ་མི་འདྲ་བ་ཞིག་ཡིན་ཞིང་། བོད་ཀྱི་གྲྭ་པའི་སྟོད་འགག་རྒྱན་དྲུག་མ་ཞིག་རྒྱ་གར་གྱི་དགེ་སློང་སེར་པོ་ཞིག་གིས་མཐོང་ཚེ་དེ་ནི་ཁྱིམ་པ་འབྱོར་ལྡན་དག་གི་རྒྱན་གོས་ཤིག་ཏུ་ངོས་འཛིན་བྱེད་པ་མ་གཏོགས་འདོད་ཆུང་ཆོག་ཤེས་ལ་གནས་དགོས་པའི་རབ་ཏུ་བྱུང་བ་ཞིག་གི་སྟོད་འགག་ཡིན་པ་ཤེས་ཐབས་བྲལ། དེ་བཞིན་བོད་ཀྱི་བླ་མ་དག་གིས་གྱོན་བཞིན་པའི་གོས་ཆེན་གྱི་བེར་སེར་པོ་སྲམ་ལྤགས་ཀྱི་གོང་རྒྱན་ཅན་དེ་དག་ཀྱང་སྟོན་པའི་འདུལ་བའི་བསྟན་པ་འཛིན་པར་འགྲན་ཟླ་བྲལ་བའི་ཤྲི་ལིངྐ་དང་ཐེ་ལན་སོགས་ཀྱི་གནས་བརྟན་སྡེ་བའི་དགེ་སློང་ཚོར་ཆ་མེད་རྒྱུས་མེད་ཡིན་པ་དང་། བོད་ཀྱི་དགེ་བསྐོས་རྫིག་པོ་གདོང་བར་ཚོན་ནག་པོ་བྱུགས་ཤིང་ལག་ཏུ་ལྕགས་རྒྱུགས་རྒྱ་མ་བརྒྱ་ལོངས་པ་དག་ཐོགས་ནས་འགྱིང་སྟབས་ཆེན་པོས་འགྲོ་བ་དག་ཀྱང་ཇོ་བོ་ཆེན་པོས་གསུངས་པ་བཞིན་འབྱུང་བོའམ་མི་གང་ཡིན་མི་ཤེས་པའི་ཚོད་དུ་སྣང་ཐག་ཆོད་རེད།
( གསས་ཁང་ལེགས་གྲུབ་བྱུང་བའི་དུས་སྟོན་དང་འབྲེལ་བའི་‘‘འབྲས་དཀར་’’ཡིད་ཀྱི་དགའ་སྟོན།)
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ་གྱི་ཆེད་དུ་ཕུལ་བ།)
ཧོས་ཕྱྭ་སྲས་དགྱེས་པའི་ཟླ་གཞོན།།
ཀ༽ཨཱོྃ་སྭསྟི།
སྟོང་ཕྲག་བཅོ་བརྒྱད་བགྲང་བྱའི་ཡར་སྔོན་དུ།
འོལ་གླིང་ཞིང་དུ་མཚན་དཔེའི་དཔལ་བརྟས་པའི།།
ཁམས་གསུམ་སྐྱེ་རྒུ་འདྲེན་པ་དམུ་རྒྱལ་སྲས།།
བསྐལ་བཟང་དུས་ཚིགས་འདི་ལ་ཤིས་པར་སྒྲུབས།།
པད་དཀར་འདབ་མ་བརྩེགས་པའི་དབུས་དཀྱིལ་ན།།
རབ་དཀར་དགྱེས་བརྩེའི་འཛུམ་རླབས་གཡོ་བ་མོས།།
རྣམ་དཀར་དགེ་བའི་ལོ་ཟླའི་ཁུག་པ་འདིར།།
འབྲས་དཀར་འཆད་པའི་བུ་ལ་རམ་འདེགས་མཛོད།།
སྤོབས་པ་མཐའ་ཡས།
བོད་ནང་གི་བླ་མ་མཁས་པ་ཞིག་གིས་ཤོག་བུའི་རླུང་རྟ་གང་སར་གགཏོར་སྲོལ་འདི་མི་བཟང་ཚུལ་གྱི་བཀའ་སློབ་ཅིག་གནང་མྱོང་ཚུལ་སྔོན་ནས་ཐོས། ང་བྱིས་པ་ཡིན་དུས་གཟུངས་སྔགས་སྤར་ནས་དར་ཤིང་ལ་འཕྱར་བའམ་རྡོ་རྩིག་ངོས་སུ་སྦྱར་སྲོལ་སོགས་མཐོང་མྱོང་། ཡིན་ན་ཡང་བར་སྐབས་ཤིག་ནས་ཁ་ཆེ་ཚོང་ཁྲོམ་སྟོན་མཁན་ཚོས་ཀ་ཇུ་ཡས་མས་ནས་རླུང་རྟ་ཤོག་བུར་སྤར་བ་ཆག་པ་ཆག་པ་བྱས་པ་མང་པོ་ཁྱེར་ཡོང་ནས་བཙོང་སོང་། འབྲོག་པ་ཚོས་ཧབ་ཐོབ་བརྒྱབ་ནས་ཉོས་སོང་།
དེ་ལས་མང་བ་། “ཤོག་བུའི་རླུང་རྟ་གཏོར་སྲོལ་འདི་ལ་དགོངས་ཚུལ་གང་ཡོད།” »
སྙན་བཟང་གཡུང་དྲུང་ཚེ་རིང་།
————-
གཅིག
སྐྱ་རེངས་དང་པོའི་དུས་དེར་ང་གཉིད་ལས་སད་བྱུང་། མདང་དགོང་གི་འབྲུག་གི་ངར་སྐད་དང་། གནམ་ལྕགས་ཀྱི་ཐོག་མདའ། ཆར་བའི་ཤག་སྒྲས་ལྷ་སའི་གནམ་ས་ཧྲིལ་བོར་སྒྲ་ཆེན་གྱིས་འགེངས་པར་བྱས་པའི་རྐྱེན་དེས་ཡིན་ནམ། མདང་ནུབ་མགོ་བོ་སྔས་མགོར་བཞག་སྟེ་སྒེའུ་ཁུང་ཕྱི་རོལ་གྱི་གློག་ཞགས་ལ་ལྟ་བཞིན་དེ་རིང་གི་དུས་ཆེན་ལ་བསམ་བློ་བཏང་བ་མང་དྲགས་པ་གང་ཡིན་ཆ་མ་འཚལ་མོད། མལ་ཁྲིའི་སྟེང་ནས་ཡར་ལངས་སྐབས་སེམས་ཁམས་མི་བདེ་བའི་བློ་ཞིག་བར་མེད་དུ་ལྡིང་བར་བྱེད། རྨི་ལམ་ཡག་པོ་འདྲ་བཏང་མ་བཏང་ཀྱང་ང་ལ་གསལ་བོ་ཞིག་བཤད་རྒྱུ་མི་འདུག ནམ་རྒྱུན་ལྟར་ཁྲུས་ཁང་དུ་སོང་ནས་སོ་བཀྲུས་པ་དང་། ཁྲུས་ཤིག་བརྒྱབ་སྟེ་ཐབ་ཚང་དུ་སོང་ནས་ཁྲག་ཤེད་ལ་ཕན་པའི་རིན་ཆེན་དགུ་སྦྱོར་གྱི་རིལ་བུ་གསུམ་བཏུངས་རྗེས། སྒེའུ་ཁུང་ཕྱེ་ནས་ཕྱི་ལོགས་སུ་རྒྱང་ལྟ་བྱས། ལྷ་སའི་ཤར་ཕྱོགས་ཀྱི་རི་ངོས་སུ་གསར་དུ་བཙུགས་པའི་ལྗོན་ཤིང་དག་གི་གདོང་ལ་ལྗང་མདོག་རྒྱས་ཤིང་། གཙུག་ལག་ཁང་གི་སྒོ་ཆེན་ྐླད་ཀྱི་རི་དྭགས་ཆོས་འཁོར་གྱི་གཡུང་དྭགས་ཕོ་མོ་དེ་གཉིས་ལྷོད་ལ་བབས་ནས་མཆོང་རྩིས་བྱེད་པ་དང་འདྲ། པོ་ཏ་ལའི་མདུན་དུ་བསྒྲེངས་པའི་རྒྱལ་དར་ཕར་གཡོ་ཚུར་གཡོ་བྱེད་ཅིང་། འོད་སྣང་སྤྲོ་བའི་ཉི་མ་གཞོན་ནུའང་ཤར་རིའི་རྩེ་ནས་འཕགས་བྱུང་བ་དང་ཆབས་ཅིག སྤོས་དྲི་ཞིམ་པོ་ཞིག་བསིལ་འཇམ་རླུང་གིས་འཁྱེར་འོངས་ཏེ་ངའི་རྣ་ལམ་དུ་མནམས་བྱུང་།
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
གཉན་པོ།
ཁྱེད་ལ་མཛེས་སྡུག་གི་ཁ་དོག་མེད་པ་མ་ཡིན་ཏེ
དུད་སྤྲིན་དང་མི་ཚོགས་ཀྱི་ཁ་རླངས
ལུག་ཁྱུ་བཞིན་བར་སྣང་དུ་ཁྱབ་པ་དེས
རྩྭ་ཐང་གི་མི་སེམས་ཡོམ་ཡོམ་དུ་འདར་བར་བྱས
ལྐོག་གྱུར་ལས་ཀྱང་དངོས་ཡོད་མཐོང་དཀའ་བའི་དེ་རིང
ཁྱོད་ཀྱི་ངོ་གདོང་དུ་སུས་ཀྱང་མི་ཚོར་བའི་རི་མོ་འགའ་ཞིག་འདུག
ཐག་རིང་ནས་བལྟས་ཚེ་གྲོང་ཁྱེར་ནི་གཅེར་བུར་ཡོད་པ་མཐོང་ཐུབ་ཅིང
དེ་ཡི་བྲང་གཞུང་དུ་མཛེས་སྡུག་གི་མེ་ཏོག་འགའ་ཞིག་ཀྱང་མངོན་ཡོང
སྙིང་ལ་སྡུག་པའི་རྣམ་འགྱུར་རེ་ཀྱང་མི་སེམས་ཀྱི་མཁའ་དབྱིངས་སུ་སྟོན་ཀྱིན་འདུག
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
རྩོམ་པ་པོ། མིག་གསུམ་པ།
ཨི
མཐོ་སྒང་གི་མིང་བྱང་ཞིག་ང་ཚོའི་རུས་རྐང་ལ་བཏབ་པའི་ཕྱི་ཉིན
གོ་རིམ་ཞིག་ལ་སྟོབས་ཀྱིས་འཇུས་ཏེ གནས་ལུགས་གསེད་བཀྲོལ་གྱི་རྟོག་པ་ཡུན་གྱིས་རྙེད
དུས་དེ་ནས་བཟུང “སྒྲུང་ལྡེའུ་བོན་གསུམ”གྱི་སྦྲེལ་ཐག་ལ་འཐིམ་པའི་ང་ཚོས
དཔའ་བོ་སྟག་ལྤགས་ཀྱིས་གཡོགས་པའི་ལོ་རྒྱུས་ཀྱི་གླེགས་བམ་ལས
ཆོས་ཉིད་གཉུག་སེམས་ལ་སྨིན་པའི་ལུང་རྟོག་ཀྱི་གངས་རི་བརྒལ་ཚུལ་དེ
རྨུ་ཐག་ཅིག་གི་སྣེ་མོ་ནས་གོ་ལའི་ཉིན་སྲིབ་ལ་ཁ་བ་བཞིན་བབས
སྤོབས་པ་མཐའ་ཡས།
དེང་སང་ནུབ་ཕྱོགས་ཀྱི་སངས་རྒྱས་པ་ཚོས་བོད་ཀྱི་ནང་བསྟན་པའི་རོལ་ཆའི་བྱེ་བྲག་གླུ་ལེན་ཕོར་བ་Singing Bowlཞེས་པ་ཞིག་བེད་སྤྱོད་བྱེད་སྲོལ་ཆེན་པོ་འདུག འདི་ཡང་སྙིང་ཅི་ཞིག་རེད། ང་ཚོའི་འདོན་ཆོག་ཚོ་དང་ལྷན་སྦྱར་དུ་ཡོད་པའི་འབུད་རྡུང་དཀྲོལ་གསུམ་གྱི་རྣམ་བཞག་གང་ན་ཡང་གླུ་ལེན་ཕོར་བ་ཞེས་པ་ཞིག་མཐོང་མ་མྱོང་། སངས་རྒྱས་པའི་དད་ལྡན་ཡིན་ཟེར་མཁན་ཕྱི་མི་ཞིག་གི་ཁྱིམ་གྱི་མཆོད་སྒམ་སྟེང་ན་གླུ་ལེན་ཕོར་བ་ཆེ་ཆུང་མང་པོ་ཞིག་བཤམ་འདུག ང་ཁོའི་ནང་དུ་སླེབས་སྐབས་ཁོས་གླུ་ལེན་ཕོར་བ་དེ་ཚོ་མར་བླངས་ནས་ངའི་ལག་ཏུ་བཞག་ནས་རྡུང་དུ་འཇུག ངས་གླུ་ལེན་ཕོར་བ་ཡིན་ནམ་དེ་རྡུང་མི་ཤེས།
བོན་རྒྱ་བསྟན་འཛིན་རབ་རྒྱས།
༡ ༽ བཙན་བྱོལ་གཞུང་མང་གཉིས་ཀྱིས་མ་བཏང་བའི་ཐ་སྙད།
བོད་པ་བཙན་བྱོལ་བ་ཚོས་ཕ་ས་བློས་བཏང་། ཕ་ཡུལ་བློས་བཏང་། ཕ་མ་བློས་བཏང་། ཕུ་ནུ་བློས་བཏང་། རང་བཙན་བློས་བཏང་། དབུ་མ་བློས་བཏང་། ཐ་ན་རང་གི་སྐད་དང་ཡི་གེ། སྲོལ་རྒྱུན་གྱི་ཀུན་སྤྱོད་མ་ལུས་བློས་བཏང་དང་གཏོང་བཞིན་པའི་སོ་ན་གནས་པའི་སྐབས་འདི་འདྲ་ཞིག་ལ་ངོ་མཚར་རྨད་བྱུང་གི་གཏམ་རྒྱུད་ཅིག་བྱུང་བ་ནི། བོད་གཞུང་མང་གཉིས་ཀྱིས་ཐ་སྙད་གཅིག་བློས་མ་བཏང་བ་དེ་རེད། ཐ་སྙད་རྩ་ཆེན་དེའི་མིང་ལ་”བཙན་བྱོལ་བོད་གཞུང་”ཞེས་འབོད་ཅིང་། དེ་ལ་བཀའ་ཟུར་ལྷན་ཚོགས་རང་འགུལ་གྱིས་འཛོམས་ནས་ཐ་སྙད་དེ་སྒུལ་མི་ཆོག་པའི་བསམ་འཆར་མཚན་རྟགས་དགུ་གནོན་གྱིས་ཕེབས་བྱུང་བ་མ་ཟད། ཕྱོགས་མཐའ་ཁག་གི་གཉུག་མར་གནས་པའི་མི་མང་གིས་ཀྱང་དེ་ལ་ཁབ་གཙག་ཙམ་ཡང་བྱས་མི་ཆོག་པའི་བསམ་ཚུལ་ཆར་རྗེས་ཀྱི་ཤ་མོ་བཞིན་བརྡོལ། ཐ་ན་ཕྱི་རྒྱལ་ན་ཡོད་པའི་བོད་པ་རྒྱུ་ཆེན་ཚོས་ཀྱང་ངར་ངར་འཇིགས་འཇིགས་ཀྱིས་དོན་དག་དེ་ཁྱེར་ནས་ཐོན་ཞིང་། དྲ་ཐོག་གི་བདག་མེད་མཁས་པ་ཚོས་ཀྱང་ཐ་སྙད་དེ་ནི་བོད་ཀྱི་བླ་ཡིན་རབས་དང་། བོད་མིའི་སྲོག་ཡིན་རབས་ཀྱི་གནས་ལུགས་འུར་གྱིས་གླེང་འགོ་ཚུགས། དེ་དག་གི་ཤུགས་རྐྱེན་ལས་བོད་གཞུང་མང་ཚོགས་ཆེན་ཐེངས་གཉིས་པའི་སྟེང་ཚོགས་ཆུང་རེ་རེའི་ནང་དུ་ཐ་སྙད་དེར་མང་མོས་ཀྱི་རྒྱལ་ཁ་ཐོབ་ཞིང་། ཐ་མའི་ཚོགས་ཆེན་གྱི་མཇུག་སྡོམ་ནང་དུ་ཐ་སྙད་དེར་སྤྱི་མོས་ཀྱི་དཔའ་དར་འཐེན་ཡོད། སྤྱིར་ན། ཕྱི་ནང་ཆབ་སྲིད་ཀྱི་གནོད་ཤུགས་དང་རྒྱ་ལ་ཁོར་ཡུག་བསྐྲུན་པ་སོགས་ཀྱི་སླད་དུ་བོད་ཀྱི་རང་སྐད་གཙང་མའི་ཐ་སྙད་ཁྲིམས་ཀྱིས་བཀག་པ་ནི། ད་ཐེངས་ཙམ་མིན་པར་རྒྱ་དམར་སོགས་ཐ་སྙད་མང་པོ་ཞིག་ལོ་ཤས་སྔོན་ནས་བཀའ་ཤག་གོང་མ་ཚང་གིས་ལྔ་ལམ་དུ་བཏང་ཡོད། ཡིན་ནའང་། དེ་དག་ལ་ཕངས་སེམས་ཀྱི་རྣམ་འགྱུར་ཙམ་ཡང་སྟོན་མཁན་མེད་པའི་ཚུལ་དུ་གྱུར་མོད། ད་ཐེངས་བོད་གཞུང་མང་གཉིས་ཀྱིས་”བཙན་བྱོལ་བོད་གཞུང་”ཞེས་པའི་ཐ་སྙད་དེ་གཏན་ནས་མ་བཏང་བའི་ངང་ཚུལ་དེ་ནི་དངོས་གནས་ཡ་མཚར་བ་ཞིག་རེད།
འབྲོང་ངུར་ཕོ་ཉ་བསྟན་འཛིན་ལམ་བཟང་ །
༄༅། །ཨོཾ་སྭ་སྟི། བདེ་ལེགས་སུ་གྱུར་ཅིག།
མཁྱེན་གཉིས་དཔལ་གྱི་དཀྱིལ་འཁོར་རྫོགས་ཤིང་སྐུ་བཞིའི་རྒྱལ་ཐབ་བདག་གིར་མཛད། །
མཁྱེན་བརྩེའི་འོད་ཀྱི་ཆ་ཤས་རེ་ཡིས་འགྲོ་བློའི་ཀུ་མུད་གྲངས་མེད་འབྱེད། །
མཁྱེན་རབ་ཐུགས་ཀྱི་གཏེར་ཁ་རྡོལ་བས་བརྒྱད་ཁྲི་བཞི་སྟོང་ཕ་འབབ་བསྩལ། །
མཁྱེན་པ་ཟླ་མེད་སྨྲ་བའི་དབང་ཕྱུག་ཤཱཀྱའི་སྲས་པོ་རྟག་ཏུ་མཆོད། །
དེ་ལས་མང་བ་། “འབྲོང་ལུགས་ཞི་ཁྲོ་ཕུར་གསུམ་གྱི་བརྒྱུད་རིམ་གསལ་བའི་མེ་ལོང༌།” »
བསྟན་འཛིན་ཤེས་རབ།
རྒྱང་རིང་རྒྱང་རིང་ཞིག་ལ་མིག་ཟུང་ཅེར་བཞིན།།
དུ་སྨུག་བན་བུན་དེ་ཚོ་ཐོལ་གྱིས་བརྒལ་བཞིན།།
རེ་འདུན་སྤར་མོ་གང་བོ་ལག་པས་སྐྱོར་ཏེ།།
ལྷ་ཁྱོད་སྙིང་ལ་སྒོམ་བཞིན་སྒོམ་བཞིན་འོང་ཡོད།།
ན་ནིང་འོངས་ཀྱང་ཁྱོད་ཀྱི་ཞབས་རྗེས་མ་སྙོབ།།
གཅིག་བུ་རི་རྩེར་འགྲོ་བར་དངུལ་གྱིས་མི་འདང་།།
བར་མ་བར་ནས་ཉི་མ་ནམ་རྩ་འདས་ཏེ།།
ཁྱོད་ཀྱི་ཞལ་རས་མཇལ་བའི་སྐལ་བ་མ་བྱུང་།།
འཇིགས་བྲལ་བསྟན་འཛིན། སྦེལ་ཀོབ།
གླེང་སློང་།
འདི་ལོ་༸གོང་ས་མཆོག་བོད་ཀྱི་ཆབ་སྲིད་ཀྱི་དབུ་ཁྲིད་ནས་བགྲེས་ཡོལ་གནང་བཞེད་དང་། བཙན་བྱོལ་བོད་གཞུང་གི་མཚན་བྱང་ཕྱིར་བསྡུ་བྱེད་འཆར་སོགས་ཀྱི་དབང་གིས་བཙན་བྱོལ་བོད་མིའི་བཅའ་ཁྲིམས་བསྐྱར་བཅོས་ཟིན་བྲིས་ཀྱི་དོན་ཚན་དང་པོའི་ཐོག་ནས་༸གོང་ས་མཆོག་ལ་གསོལ་འདེབས་ཞུ་ཆེད་དང་། བཅའ་ཁྲིམས་བསྐྱར་བཅོས་ཐད་བསམ་ཚུལ་བསྡུ་ལེན་གནང་ཕྱིར་བོད་གཞུང་མང་རྒྱལ་ཡོངས་ཚོགས་ཆེན་ཐེངས་གཉིས་པ་ཚོགས་ཤིང་། དེ་རྗེས་༸གོང་ས་མཆོག་གིས་རྒྱལ་ཡོངས་ཚོགས་ཆེན་གྱི་ཚོགས་བཅར་བ་ཡོངས་ལ་༸གོང་ས་མཆོག་གིས་བོད་ཀྱི་ཆོས་སྲིད་གཉིས་ཀྱི་དབུ་ཁྲིད་ཀྱི་མཚན་ཐོག་ནས་མཇལ་ཁ་གནང་བའི་སྐབས་སུ་བཙན་བྱོལ་བོད་གཞུང་ཞེས་པའི་མཚན་བྱང་གི་ཚབ་ཏུ་“གངས་ལྗོངས་རང་དབང་མང་གཙོའི་སྒྲིག་འཛུགས” ་ཡང་ན། “ གངས་ལྗོངས་རང་དབང་མང་གཙོའི་ལྷན་ཁང་” བཏགས་པ་ཡིན་ན།བོད་ཆོལ་ཁ་གསུམ་ལ་ཁྱབ་ཐུབ་པ་དང་། གཞིས་བྱེས་གཉིས་ཀ་མཚོན་གྱི་ཡོད་སྐོར་སོགས་གསུངས།
དེ་ལས་མང་བ་། “གྲོས་ཚོགས་ཀྱིས་༸གོང་ས་མཆོག་གི་བཀའ་དགོངས་རྡོག་རོལ་བཏང་སོང་།” »
