http://woeser.middle-way.net/
དེ་རིང་སྟེ་ཕྱི་ལོ་༢༠༡༡ལོའི་ཟླ་༡༠བའི་ཚེས་༡ཉིན་ནི་རྒྱ་ནག་ཀྲུང་ཧྭ་མི་ དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ཡི་འཁོར་མོ་༦༢འཁོར་བའི་ཉིན་མོ་རེད། རྒྱ་ནག་གིས་དབང་བསྒྱུར་བྱས་པའི་བོད་ཡུལ་གང་སར་ཀྲུང་ཧྭ་མི་དམངས་སྤྱི་མཐུན་ རྒྱལ་ཁབ་ཁྲི་ལོ་ཤོག་དང་དམངས་དམག་སེམས་པ་གཅིག་འདྲེས་རྒྱ་བོད་ཆུ་ནང་ཉ་མོ་ སོགས་ཁ་དོན་མི་མཚུངས་པའི་འཕྲེད་དར་དམར་པོའི་ངོས་སུ་རྒྱ་བོད་ཡིག་རིགས་ བསྒྲགས་མ་བྲིས་འདུག
ལྡི་ལིར་མཐོ་རིམ་སློབ་མ་ཚོས་ཟས་བཅད་ངོ་རྒོལ་འགོ་ཚུགས་པ།
དུས་ཚོད། ༢༠༡༡, ༡༠, ༠༡
ས་གནས། ཇན་དར་མན་དར།
ཕྱི་ཟླ་བཅུ་བའི་ཚེས་གཅིག་ནས་བཟུང་འགོ་འཛུགས་ཀྱིས་རོ་ཧི་ནི་ས་གནས་བོད་ཀྱི་གཞོན་ནུ་ཚོགས་པའི་གོ་སྒྲིག་དང་སྣེ་ཁྲིད་འོག་ལྡི་ལི་གཙུག་ལག་སློབ་ཁང་འདྲ་མིན་ནས་ཕེབས་པའི་བོདརིགས་སློབ་མ་བརྒྱད་ཀྱིས་ལྡི་ལི་གསར་བའི་ས་གནས་ཇན་དར་མན་དར་བདུན་ཕྲག་གཅིག་གི་རིང་ངོ་རྒོལ་བྱེད་རྒྱུ་ཡིན་པ་རེད། དེ་ཡང་ཁར་སང་ཞོགས་པར་བོད་རིགས་མཐོ་སློབ་བརྒྱ་ལྷག་ས་གནས་དེར་འཛོམས་ནས་ཟས་བཅད་ལས་འགུལ་དང་འབྲེལ་བའི་གསལ་བསྒྲགས་གཏམ་བཤད་སོགས་བསྐྱངས་སོང་ལ་སྐབས་སྐུ་མགྲོན་གཙོ་བོ་རྒྱ་གར་ཀ་གཏད་ཆབ་སྲིད་ཚོགས་པའི་མི་སྣ་གལ་ཆེན་ཁ་ཤས་ཕེབས་སོང་ལ་དེ་བཞིན་གཞོན་ནུའི་སྐུ་ཚབ་ཀྱིས་ཀྱང་གཏམ་བཤད་གནང་སོང་། ཟས་བཅད་ངོ་རྒོལ་ལ་དངོས་སུ་ཞུགས་མཁན་དག་ནི། ༡)དཔལ་ལྡན་བསོད་ནམས(ས་གནས་གཞོན་ནུའི་ཚོགས་གཙོ།) ༢)ཚུལ་ཁྲིམས་རྡོ་རྗེ།(ཚོགས་གཞོན)༣)ཚེ་དབང་ནོར་བུ། ༤)བསོད་ནམས་བདེ་སྐྱིད། ༥)རྡོ་རྗེ་ཚེ་བརྟན། ༦)བསྟན་འཛིན་བྱང་ཆུབ། ༧)བསྟན་འཛིན་སྒྲོལ་དཀར། ༨)ཕུན་ཚོགས་ཆོས་འཕེལ་བཅས་ཡིན།
དེ་ལས་མང་བ་། “ལྡི་ལིར་མཐོ་རིམ་སློབ་མ་ཚོས་ཟས་བཅད་ངོ་རྒོལ་འགོ་ཚུགས་པ།” »
དཔའ་བོའི་མཛད་རྗེས་ལ་བསྔགས་པ་གསེར་གྱི་མེ་ཏོག་ཅེས་བྱ་བ།
ཐེ་བོ་དཀོན་མཆོག་ཤེས་རབ་ཀྱིས།
ལྷག་བསམ་འོ་མའི་ཆུ་གཏེར་གྱེན་དུ་འཕྱུར།།
འཚེ་མེད་ཞི་བའི་གོ་ཆས་ཀུན་ནས་བརྗིད།།
འཇིགས་མེད་སྤོབས་པའི་དབུ་འཕང་དགུང་ལས་མཐོ།།
སྔོན་མེད་དཔའ་བོ་རི་དབང་རྒྱལ་གྱུར་ཅིག།།
གཏུམ་དྲག་ཀླ་ཀློ་གཅན་གཟན་ཁྲོས་པའི་མདུན།།
རང་རིགས་ས་ཡ་དུ་མའི་བདེ་དོན་ཆེད།།
རང་སྲོག་ཕངས་མེད་འདོར་ལ་དཔའ་བའི་དབང་།།
ཞལ་ལུ་དཀར་བོའི་ཁེངས་པ་ཐུང་ངུར་བྱས།།
དེ་ལས་མང་བ་། “དཔའ་བོའི་མཛད་རྗེས་ལ་བསྔགས་པ་གསེར་གྱི་མེ་ཏོག་ཅེས་བྱ་བ།” »
གླུ་མ་རིག་འཛིན་སྒྲོལ་མའི་སེམས་འདུན།
འདོད་ཁམས་ཀྱི་རྨི་ལམ།
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
རྫ་སྐྱེས་ཕུར་བ
གཡོ་མེད་ཞི་བ་ཆེན་པོའི་དཀའ་ཐུབ་ལ་མི་བརྩོན།།
འདོད་ཁམས་འདི་ནས་རང་ཤོང་སྤྱིལ་བུ་ཞིག་འཚོལ་དགོས།།
གྲོགས་མེད་ཕྱོགས་མཐར་ཉུལ་བའི་ཚངས་རྒྱམ་གྱི་མགུར་མ།།
ལན་གཅིག་བཀླགས་པའི་ཚོར་འདུ་སྙིང་ཁོང་ལ་ཉར་ཡོད།།
ཨ་མ་ལགས། ཁྱེད་དྲན་པའི་ལོ་ཟླ།
(ཀླུ་སྨྱོན་རྩོམ་རིག་འགྲན་བསྡུར་གྱི་ཆེད་རྩོམ།)
མུ་ཏོ་བ།
ཀ
ཡོད་ཚད་དྲན་གདུང་དང་བརྩེ་རླབས་ཁྲོད་བཞུར་ཞིང་།
ཐམས་ཅད་སྡུག་ཡུས་དང་ན་ཟུག་ལ་འཐིམ།
ཨ་མ་ལགས། ཁྱེད་ཉིད་དྲན་ཐེངས་རེར།
རྨི་ལམ་མོད་པོ་ཁ་བ་བཞིན་འབབ་ཅིང་།
དྲན་གདུང་ལྕི་མོ་ན་བུན་བཞིན་འཐིབ་པའི་འཇིག་རྟེན་ཞིག་ནས།
སེམས་པ་འདི་ དྲན་སྣང་གི་གཟེབ་ལས་ཤོར་བའི་བྱེའུ་ཆུང་ཇི་བཞིན།
རི་ཆུ་སྟོང་ཕྲག་གི་མཁའ་དབྱིངས་བརྟོལ་ནས།
དྲོད་ཁོལ་གྱིས་གཏམས་པའི་ཁྱེད་ཀྱི་སྦྲ་ནག་གི་ཆོན་རྩེར།
འཇམ་ལྷོད་ལྷོད་ཀྱིས་བབས་པ་ཐེངས་གཅིག་ག་ལ་ཡིན།
རྒྱ་ནག་འབུམ་རམས་པས་བོད་རྒྱའི་འབྲེལ་གཏུག་གླེང་བ།
(འཇར་མན་དུ་བཞུགས་པའི་སྐད་གཉིས་རྩོམ་པ་པོ་དང་འབུམ་རམས་པ་གཅིག་ལྕོགས་ཞུའུ་ཕའེ་ལགས་དང་སྨྱུག་མོལ།)
ལྷ་སྡེ་གནམ་ལོ་ཡག
གནམ། ངས་བོད་ཁུལ་ནས་འཁྲུངས་པའི་རྒྱ་མི་ཤེས་ཡོན་པ་ཞིག་ཡུན་རིང་བཙལ་རྗེས་ཁྱེད་ལ་མཇལ་བར་ཤིན་ཏུ་སྤྲོ་ཡོད་པར་མ་ཟད། ཁྱེད་རང་ནི་ནུབ་ཕྱོགས་སུ་འབུམས་རམས་པའི(PhD)ཕྱག་འཁྱེར་བསྣམས་ཟིན་པའི་སྐྱེས་མ་འཇོན་ཐང་ཅན་ཞིག་རེད་ལ། བཀུར་འོས་པ་དང་གུས་འོས་པ་ནི་སྨྲོས་མེད་ཐོག་ང་རང་གིས་བསམ་བློ་བཏང་ན། ཁྱེད་ལ་བོད་ཀྱི་གནད་དོན་ཐད་རང་ཉིད་ཀྱི་ལྟ་བ་ཡོད་སྲིད་པའི་ཁར། ལྷག་པར་དུ་བོད་རྒྱའི་འབྲེལ་གཏུག་ཕྱོགས་ཡོངས་སུ་འཕེལ་བཞིན་པའི་སྐབས་འདིར་ངྷ་རམ་སཱ་ལས་དེང་གི་བར་བོད་ཀྱི་རྒྱ་མིའི(Chinese Tibetan)གནས་བབ་ཐད་གླེང་སློང་གནང་མྱོང་མེད་པའི་ཐད་དགོངས་ཚུལ་ག་རེ་ཡོད་པ་དང་ངྷ་སར་བཤད་འདོད་པའི་བསམ་འཆར་འདྲ་ཡོད་དམ།
ཞུའུ་ཕའེ། ཁྱོད་ཀྱིས་ངའི་མགོ་ལ་སྐྱེས་མ་འཇོན་ཐང་ཅན་ཞེས་པའི་ཞྭ་མོ་དེ་མ་གཡོགས་རོགས། དྲང་མོར་བཤད་ན། ང་རང་ནི་མི་ཚེ་འདིར་ཅུང་ལམ་འགྲོ་བྱུང་བའི་སྐྱེས་མ་ཕལ་བ་ཞིག་ཡིན། ངའི་ཡབ་ལགས་ནི་ལོ ༡༨སྟེང་རྒྱ་དམར་དམག་ཁུངས་སུ་འཛུལ་ཏེ་ཧྲན་ཤིས་ནས་བོད་ཁུལ་བར་འཐབ་འཁྲུག་བརྒྱུད་ནས་ཡོང་བ་ཞིག་ཡིན་ལ། རྨས་སྐྱོན་ཕོག་རྗེས་དམག་ཁུངས་ནས་ལས་གནས་བརྗེ་སྤོར་གྱིས་ས་གནས་རང་དུ་ལྷག་ཡོད་པས། “ཡཱ་ཨན”ནས་ཨ་མ་ལགས་དང་ཆང་ས་བརྒྱབ་འདུག ཕྱི་ལོ ༡༩༥༥ལོར“ནུབ་ཁམས་ཞིང་ཆེན”གཏོར་རྗེས། ཡབ་ལགས་ལས་གནས་སྤོར་ཏེ་དར་རྩེ་མདོར་སླེབས་ཡོད་པ་དང་ཕྱི་ལོ ༡༩༧༤ལོར་གཞི་ནས་ཕྱིར“ཡཱ་ཨན”ལ་ལོག་པ་རེད། ང་རང་བོད་ཁུལ་དུ་སྐྱེ་མོད
དེ་ལས་མང་བ་། “རྒྱ་ནག་འབུམ་རམས་པས་བོད་རྒྱའི་འབྲེལ་གཏུག་གླེང་བ།” »
ས་སྐྱ་༸གོང་མའི་འཁྲུངས་སྐར་སྲུང་བརྩི་ཞུ་གནང་བ།
ས་གནས་ནས་ཐུབ་རྒྱལ་གྱིས།
ཁ་སང་ཕྱི་ཚེས་༢༨བོད་རྒྱལ་ལོ༢༡༣༨བོད་ཟླ་བརྒྱད་པའི་ཚེས་གཅིག་ཉིན། འདི་གར་གྱེས་ཀྱི་གདན་ས་ར་པུར་ས་སྐྱ་ཆོས་སྒར་དུ་བརྩེ་ཆེན་བསྟན་པའི་མངའ་བདག་དཔལ་ས་སྐྱའི་ཁྲི་ཐོག་ཞེ་གཅིག་པ་ཆེན་པོ་མཁའ་མཉམ་སྐྱེ་འགྲོ་ཡོངས་ཀྱི་མགོན་དཔུང་དམ་པ་སྐྱབས་མཆོག་༸གོང་མ་བདག་ཁྲི་རིན་པོ་ཆེ་མཆོག་མི་འཇིག་འཇིགས་རྟེན་ཁམས་འདིར་སྐུའི་མཚན་དཔེ་གསར་དུ་བཞད་ནས་ཕྱི་ལུགས་ལྟར་དགུང་གྲངས་རེ་བདུན་དང་བོད་ལུགས་ལྟར་རེ་དྲུག་ལ་ཕེབས་པའི་སྐུའི་འཁྲུངས་སྐར་སྲུང་རྩི་ཞུ་གནང་སོང་། སྐྱབས་རྗེ་འཁོན་གདུང་སྐུ་གཞོན་རིན་པོ་ཆེ་མཆོག་གི་དབུས་པའི་ཆོས་སྒར་གྱི་འདུས་པ་སྤྱི་ནས་ཉིན་གསུམ་རིང་ཚེ་དཔག་མེད་ཆོ་གའི་སྒོ་ནས་བརྟན་བཞུགས་ཀྱི་སྒྲུབ་བཞགས་གནང་ནས་ཁ་སང་སྔ་དྲོ་ཚོུད་དགུ་པའི་ཐོག་མགོན་པོ་གང་ཉིད་ཕོ་བྲང་ནས་སྤྱན་རྒྱལ་སྤོས་དར་སོགས་ཀྱིས་སྣེ་དྲངས་ནས་བཞུགས་ཁྲིར་ཞབས་སུ་འཁོད་འཚམས་གསུང་ཆོག་དབུ་འཛུགས་གནང་རྗེས་འཁོན་གདུང་སྐུ་གཞོན་རིན་པོ་ཆེ་མཆོག་གིས་མནྜལ་རྟེན་གསུམ་འདེགས་འབུལ་དང་བཀྲིས་རྫས་བརྒྱད་དང་རྒྱལ་སྲས་སྣ་བདུན་སོགས་འདེགས་འབུལ་ཞུ་གནང་སོང་།
དེ་ལས་མང་བ་། “ས་སྐྱ་༸གོང་མའི་འཁྲུངས་སྐར་སྲུང་བརྩི་ཞུ་གནང་བ།” »
དམུས་ལོང་གི་ཚོགས་དང་གླང་ཆེན།
དབྱིན་ཇིའི་སྙན་ངག་མཁན་སྐུ་ཞབས་ཇོན་ གྷོཌ་ཕི་རི་ སེཀ་སི། (༡༨༡༦-༡༨༨༧)
དགེ་བཤེས་དགྲ་འདུལ་རྣམ་རྒྱལ་གྱིས་བོད་སྒྱུར་བྱས།
རྒྱ་གར་ཡུལ་གྱི་མི་དྲུག་སྟེ།།
ཤེས་པར་འདོད་པའི་བློས་རིངས་ནས།།
གླང་ཆེན་བལྟ་བར་ཐམས་ཅད་ཆས།།
དེ་ཀུན་དམུས་ལོང་ཡིན་མོད་ཀྱང་།།
རེ་རེས་རང་གི་བརྟག་པ་ལས།།
ཡིད་ནི་ཚིམས་པར་འགྱུར་བར་རེ།།
སྐྱོ་ངལ་ཆེ་བའི་སྟོན་ཟླ།
བསམ་གླིང་ཚེ་རིང་ལྷ་མོ།
སྐྱེ་བོ་མང་པོས་ཟེར་ན་སྟོན་གྱི་ནམ་ཟླ་དེ་དངོས་གྲུབ་ཟླ་བ་རེད་ཟེར་མོད། འོན་ཀྱང་རང་ཉིད་ཆུང་དུས་ནས་སྟོན་ཟླ་དེ་ཤར་རིམ་བཞིན་ཡིད་ལ་སྨྲ་མི་ཤེས་པའི་སྡུག་བསྔལ་གྱི་ཁུར་པོ་ཞིག་རང་བཞིན་གྱིས་སླེབས་འོང་།
ཁྱེད་རྣམ་པས་གཟིགས་མྱོང་ལོས་ཡོད། ཕྱོགས་བཞི་མཚམས་བརྒྱད་ཀྱི་སྔོ་ལྗང་གཡུ་ལོ་རྣམས་རང་ཡལ་དུ་གྱུར་ཞིང་། ཤུལ་དུ་ལུས་པ་ནི་སྐྱ་ཐུལ་ཐུལ་གྱི་ཁོར་ཡུག་ཅིག་རེད། སེང་གེའི་གཡུ་རལ་ངོམ་པ་འདྲ་བའི་ལྗོན་པའི་ལོ་མ་རྣམས་གསེར་གྱི་དོང་ཙེ་ལྟར་སེར་ཐིང་ཐིང་དུ་གྱུར་པས་ག་ལ་ཚད།
རེ་རེ་བཞིན་ས་ལ་ལྷུང་ནས་ཤུལ་དུ་ལུས་པ་ནི། སྡོང་རྒན་ཧྲུལ་པོ་ཧྲ་ཧྲ་ཧྲ་ཞེས་པའི་སྐད་ངན་རྒྱག་མཁན་གྱིས་ཁེངས། ད་དུང་འདི་ལོའི་སྟོན་གྱི་ནམ་ཟླ་དེ་བས་ཡི་གར་མི་འོང་བའི་སྐྱོ་ངལ་ཞིག་གིས་ཁེངས།
མ་གཞི་བྱས་ན་ད་ལོའི་དཔྱིད་ཀ་ནས་འགོ་ཚུགས་ཏེ་རྒྱལ་གཅེས་དཔའ་བོ་སྐུ་ཞབས་ཕུན་ཚོགས་ལགས་ནས་སྐུ་ལུས་མེ་རུ་བསྒྲོན་རྗེས། རིམ་བཞིན་སྐུ་ཞབས་ཚེ་དབང་ནོར་བུ་ལགས་དང་། ཉེ་ཆར་རང་སྐུ་ཞབས་བློ་བཟང་སྐལ་བཟང་ལགས། སྐུ་ཞབས་བློ་བཟང་དཀོན་མཆོག་ལགས་བཅས་ཀྱིས་བོད་མི་ས་ཡ་དྲུག་གི་སྡུག་གི་ཁུར་པོ་ཞིག་རང་ཉིད་གཅིག་པུས་འཁུར་འདོད་ཁོ་ནས་ཚེ་སྲོག་གི་ཉིང་ཁུས་མེ་དཔུང་གི་མཆོད་མེ་ཕུལ་སོང་།
༧རྒྱལ་དབང་སྐུ་ཕྲེང་རྗེས་མ་དང་རྒྱ་ནག་གཞུང་།
ཤར་ཕྱོགས་ཁུག་རྟ།
༢༠༡༡། ༩། ༢༨། ཉིན། སྤེལ།
བོད་ཀྱི་ནང་ཆོས་ཀྱི་གཞི་ལམ་འབྲས་གསུམ་གྱི་དོན་དག་མི་ཤེས་མཁན་ཁག་ཅིག་དང་། གཞན་ཡང་ཚེ་འདི་ཙམ་གྱི་བདེ་བ་ཁོ་ན་དོན་དུ་གཉེར་བའི་དེང་དུས་སྲིད་དོན་པའི་བློ་མིག་ཙམ་ལྡན་པ་འགའ། གཞན་ཡང་རྒྱ་ནག་གཞུང་གིས་གཡོ་ཇུས་ཀྱིས་ཉོས་པའི་གསར་འགོད་པ་ཁག་ཅིག་གིས་༧གོང་ས་མཆོག་ལ་དུས་ནམ་རྒྱུན་དུ་ཁོང་གི་ཡང་སྲིད་ཅི་ལྟར་ཕེབས་རྒྱུ་ཡིན་མིན་གྱི་ དྲི་བ་གཏོང་གི་ཡོད། གནད་དོན་དེས་ང་ཚོར་གསལ་བོ་སྟོན་བཞིན་པ་ཞིག་ནི་ཆབ་སྲིད་ཀྱི་ཆོད་སེམས་མེད་ལ་བོད་མི་རྣམས་མི་གྲལ་དུ་བཞག་མ་མྱོང་བའི་རྒྱ་ནག་གཞུང་གིས་༧གོང་ས་མཆོག་ལ་ཤི་བསྒུགས་རྒྱག་པའི་ཐབས་ཟད་འུ་ཐུག་གི་བྱ་སྤྱོད་དེ་རེད།
ཚོར་ཤེས་རིག་པའི་དཔྱད་གླེང་།
ཀླུ་སྨྱོན་རྩོམ་རིག་བྱ་དགའི་འགྲན་རྩོམ།
དཀོན་མཆོག་ཆོས་འགྲུབ།
ང་ཚོའི་འཛམ་གླིང་གོ་ལའི་ལྗོངས་སུ་ལུགས་སྲོལ་འདྲ་མིན་མང་པོ་ཞིག་ཡོད་པའི་ནང་ནས། སྐབས་སུ་བབ་པའི་གླེང་བར་བྱ་བའི་དོན་གྱི་རིམ་པ་ནི། ཆོས་ལུགས་པ་ཡིས་མི་རྣམས་དབང་སྒྱུར་བྱེད་ཚུལ་ཐད་ལ་ཅུང་ཞིག་དཔྱོད་པར་འདོད། ང་ཚོའི་འཛམ་གླིང་འདིར། ཆོས་ཀྱི་རྣམ་གཞག་འདྲ་མིན་མང་པོར་ཡོད་པ་ཚང་མར་ཡང་དག་ཡིན་མིན་ལ་མ་ལྟོས་པར། དེ་ཚོ་ཡོངས་རྫོགས་མི་ཡི་བསམ་བློའི་འཛིན་སྟངས་དང་། འཇིག་རྟེན་འདི་ཡི་སྟེང་དུ་འཚོ་བའི་རིང་གི་ཉམས་མྱོང་དང་། བསམ་གཞིག་བྱས་ནས་བློ་རིག་རིམ་པས་གོང་འཕེལ་ཕྱིན་ཏེ་གོམས་སྲོལ་དེ་རྣམས་ལེགས་བཅོས་དང་། ཡར་རྒྱས་བཏང་སྟེ་སྐབས་དོན་གྱི་དགོས་མཁོ་དང་བསྟུན་ནས་སྟོན་པ་ཞིག་གིས་སྲོལ་བཏོད་མཛད་པ་ཤ་སྟག་ཡིན་པ་རེད། དེར་བརྟེན་སྟོན་པའམ་ཆོས་དཔོན་རང་དང་ལྟ་སྤྱོད་མཐུན་ཞིང་རང་ལས་ནུས་མཐུ་ཆེ་བ་དེ་ཚོའི་རིགས་ལ་ལྷ་དང་།
སྙན་ངག་པ་ཚོས་ཡང་སྙིང་ཅི་ཞིག་འཚོལ།
འཇུ་སྐལ་བཟང་།
དུས་རབས་གསར་རྙིང་དབྱེ་བའི་མཚམས་ཐིག་ཏུ་འགྲེང་ནས།།
ཤ་མེད་རུས་པའི་དཔུང་བ་ནམ་མཁའ་ལ་བསྒྲེངས་ཏེ།།
སྐྲ་ལོ་རླུང་གིས་བསྐྱོད་བཞིན་དུམ་ཆོད་ཀྱི་ཚིག་གིས།།
རོང་སྨྱོན་འབྲོག་སྨྱོན་འདི་ཚོས་ཅི་ཞིག་རང་འཚོལ་ལམ།།
མ་བསྐོས་བསམ་གཞིག་འཁྱོག་པོ་སྨོན་མཚམས་སུ་མདུད་ཅིང་།།
སྙིང་གི་སྐྱོ་གདུང་སྨུག་པོ་དུད་ཞག་ཏུ་བསྐྱིལ་ཏེ།།
ཤ་རུས་གཏིང་གི་བརྩེ་དུང་མིག་ཆུ་རུ་འཁྲུགས་བཞིན།།
དོན་མེད་མྱ་ངན་ཅན་ཚོས་ཅི་ཞིག་རང་འཚོལ་ལམ།།
རྒན་པོས་བརྩེ་སྐྱོང་གཞོན་པས་ཕུ་དུད་དང་བྲལ་ཞིང་།།
མཐོན་པོས་ཟེ་འཕེན་ཕྱུག་པོས་རྒུད་སྐྱོབས་ཀྱིས་སྤངས་ལ།།
གཞན་གྱིས་ཟུར་ཟ་རང་གིས་ཡི་ཆད་ཀྱང་ཤོར་བཞིན།།
ཁེར་རྐྱང་མགྲོན་པོ་འདི་ཚོས་ཅི་ཞིག་རང་འཚོལ་ལམ།།
གསར་འགོད་པ་ཅིག་དགོས་པའི་ས་མིག་གསལ་བསྒྲགས།
(ཨེ་ཤེ་ཡ་རང་དབང་རླུང་འཕྲིན་ཁང་ལ་རྒྱ་གར་གྱི་རྒྱལ་ས་ལྡི་ལི་རུ་གནས་ཚུལ་མཁོ་གཏོང་གནང་མཁན་གསར་འགོད་པ་ཅིག་དགོས་པའི་ས་མིག་གསལ་བསྒྲགས།)
དགོས་ངེས་ཆ་རྐྱེན།
༡ དབུས་སྐད་ལ་བྱང་ཆ་ཡོད་པའི་ཐོག་བོད་ཡིག་གི་ཤེས་ཚད་མཐོ་སློབ་ཐོན་པའམ།ཡང་ན་མཐོ་སློབ་གྱི་ཤེས་ཚད་ཡོད་པ་ཁུངས་ལྡན་ར་སྤྲོད་ཐུབ་པ།
༢ དབྱིན་ཡིག་དང༌།རྒྱ་ཡིག ཧིན་རྡུའི་སྐད་ཡིག་གང་རུང་གི་ཤེས་ཚད་རང་སྐྱ་འཕེར་ངེས་ཡོད་པ།
༣ བོད་ཕྱི་ནང་དང༌། རྒྱ་གར། རྒྱལ་སྤྱིའི་གནས་སྟངས་སོགས་ལ་ཤེས་ཚད་གང་ལེགས་ཡོད་པ།
༤ དྲང་བདེན་དང་ཕྱོགས་ལྷུང་མེད་པར་ཁྱོན་ཡོངས་ཀྱི་གནས་ཚུལ་མཁོ་སྒྲུབ་བྱེད་ཐུབ་པ།
༥ སྲིད་གཞུང་དང༌།ཆབ་སྲིད་ཀྱི་ཚོགས་པ།ཆོས་ལུགས་སྡེ་ཁག་གང་རུང་དང་མ་འབྲེལ་བར་གསར་འགོད་པའི་ངོ་བོར་གནས་ཐུབ་པ།
ལྡི་ལི་གཙུག་ལག་སློབ་གྲྭ་ཆེན་མོའི་ནང་གི་བོད་ཀྱི་འདུ་འཛོམས།
ཕྱི་ལོ་༢༠༡༡ལོའི་ཟླ་༩་པའི་ཚེས་༢༩་ཉིན།
རྒྱ་གར་རྒྱལ་ཡོངས་ནང་གི་ཆེས་སྙན་གྲགས་ཅན་གྱི་ལྡི་ལི་གཙུག་ལག་སློབ་གྲྭ་ཆེན་མོའི་ཡན་ལག་བུད་མེད་མཐོ་སློབ་ལད་ཌེ་ཞེ་རེ་རམ(LadyShri Ram )ནང་ལྡི་ལི་བོད་རང་བཙན་སློབ་ཕྲུག་ཚོགས་པའི་བཀོད་སྒྲིག་འོག་“བོད་ཀྱི་འདུ་འཛོམས་”་ཞེས་པའི་བོད་དོན་དྲིལ་བསྒྲགས་ཀྱི་ལས་འགུལ་ཞིག་སྤེལ་ཡོད་ལ། ལས་འགུལ་འདུ་འཛོམས་ཀྱི་ཐོག་མར་རྒྱ་གར་གཞོན་སྐྱེས་ཚོར་བོད་ཀྱི་སྲོལ་རྒྱུན་རིག་གཞུང་དང་འབྲེལ་བའི་བཀྲ་ཤིས་ཞོལ་འབག་ངོ་སྤྲོད་གནང་བ་མ་ཟད། ལྡི་ལི་བོད་རང་བཙན་སློབ་ཕྲུག་ཚོགས་པའི་རིག་གཞུང་ཚན་ཁག་གིས་དངོས་སུ་བོད་ཀྱི་གནའ་བོའི་རིག་གཞུང་གི་ཆ་ཤས་གང་དེ་འཁྲབ་སྟོན་གནང་བ་་ལ་ཚོགས་ཁང་ནང་འཛོམས་པའི་རྒྱ་གར་སློབ་ཕྲུག་ཡོངས་ཀྱིས་དགའ་བའི་ཐེལ་མོ་དྲག་ཏུ་བརྡེབས་སོང་ལ། དེ་ནས་རྒྱ་གར་རྒྱལ་ཡོངས་བོད་རང་བཙན་སློབ་ཕྲུག་ཚོགས་པའི་འགན་འཛིན་རྡོ་རྗེ་ཚེ་བརྟན་ལགས་ཀྱིས་རྒྱ་གར་གྱི་མི་རབས་གསར་པ་ཚོར་བོད་ཀྱི་དངོས་ཡོད་གནས་ཚུལ་གོ་རྟོགས་སྤེལ་ཆེད་དང་ཁོང་ཚོའི་ཁོངས་ནས་བོད་དོན་ལ་གདུང་སེམས་མཉམ་བསྐྱེད་དང་ཁ་ཞེ་གཉིས་མེད་ཀྱི་རྒྱབ་སྐྱོར་ཡོང་བར་སྤྱིར་བོད་ཀྱི་གནའ་བོའི་ལོ་རྒྱུས་དང་མི་ལོ་དྲུག་ཅུའི་རིང་གི་རྒྱ་ནག་གི་དྲག་གནོན།
དེ་ལས་མང་བ་། “ལྡི་ལི་གཙུག་ལག་སློབ་གྲྭ་ཆེན་མོའི་ནང་གི་བོད་ཀྱི་འདུ་འཛོམས།” »
གངས་ལྗོངས་གེ་སར་ཚང་གི་དྲ་རྒྱའི་གསལ་བསྒྲགས།
དྲ་རྒྱའི་ཁ་བྱང།
www.Gangjonggesartsang.com
དྲ་ཐོག་གི་ཀློག་པ་པོ་ཡོངས་ཀྱི་སྙན་ལམ་དུ།
དེ་སྔོན་གངས་ལྗོངས་གེ་སར་ཚང་གི་འགྲན་རྩོམ་རྩེ་ཕུད་བཅུ་ལས་ཨང་རིམ་དང་གཉིས་སོགས་ཀྱི་བརྒྱ་ཆ་ལྔ་བཅུ་བོད་གཞིས་བྱེས་གཉིས་སུ་གནས་པའི་དྲ་ཐོག་གི་ཀློག་པ་པོ་རྣམས་ཀྱི་དགོངས་འཆར་ལ་ཚད་འཛིན་ཞུ་རྒྱུ་ཡིན་ཞེས་གསལ་བསྒྲགས་བྱས་ནའང་།དེང་འགྲན་ཞུགས་པ་རྣམས་ཀྱི་དགོངས་འཆར་དང་སྤྱི་ཚོགས་ཀྱི་གནས་སྟངས།དེ་བཞིན་དྲ་རྒྱ་ཡང་དྲང་ཐིག་ཚད་འཛིན་ཐུབ་པ་ཞིག་བཟོ་པར་ལག་རྩལ་སོགས་ཀྱིས་འདང་ངེས་བྱུང་མེད་སྟབས།དེ་སྔོན་བརྒྱ་ཆ་ལྔ་བཅུ་ཞེས་པ་འདི་བཞིན་དེང་བརྒྱ་ཆ་ཉི་ཤུར་གཏན་འབེབས་མི་བྱེད་ཐབས་མེད་བྱུང་སྟེ། ད་ཐེངས་བརྒྱ་ཆ་ཉི་ཤུ་བསྡུ་རུབ་ཀྱི་སླད་དུ་རྩོམ་ཡིག་རྩེ་ཕུད་བཅུ་གངས་ལྗོངས་གེ་སར་ཚང་གི་དྲ་ཐོག་ཏུ་བཀོད་ཡོད་པས།ཀློག་པ་པོ་ཡོངས་ཀྱིས་གལ་ཆེ་དོན་ཆེར་བརྩིས་ཏེ་དངོས་མིང་དངོས་སུ་སྤྱད་ནས་རྩོམ་ཡིག་རྩེ་ཕུད་བཅུ་ལ་ཨང་རིམ་དང་པོ་ནས་ཨང་རིམ་བཅུ་བར་གང་འོས་ཀྱི།
ལྡི་ལིར་བོད་ཀྱི་མཐོ་རིམ་སློབ་མ་ཚོས་ངོ་རྒོལ་གྱི་ལས་འགུལ་སྤེལ་བ།
རིག་སྨོན།
དུས་ཚོད། 2011,09,27
ས་གནས། ལྡི་ལི་ཇན་དར་མན་དར།(Jantar Mandar)
དེ་རིང་སྔ་དྲོ་ཞོགས་པའི་ཆུ་ཚོད་དགུ་བ་ནས་འགོ་འཛུགས་ཀྱིས་ལྡི་ལི་རོ་ཧི་ནི་ས་གནས་བོད་ཀྱི་གཞོན་ནུ་ཚོགས་པའི་བཀོད་སྒྲིག་དང་སྣེ་ཁྲིད་འོགརྒྱལ་ས་ལྡི་ལིར་མཐོ་སློབ་འདྲ་མིན་ནང་སློབ་སྦྱོང་བྱེད་བཞིན་པའི་གཞོན་སྐྱེས་སློབ་ཕྲུག་ཕོ་མོ་གྲངས་བཅུ་གཅིག་གིས་ལུས་པོ་དམར་ཧྲེང་དུ་གཟུགས་པོ་ཡོངས་སུ་ཚོན་རྩི་དམར་བོ་བྱུགས་ཤིང་ཐོག་ཏུ་འབོད་ཚིག་འདྲ་མིན་བྲིས་རྗེས།རྐང་འཁོར་ལ་ཞོན་ནས་ལྡི་ལི་མཐོ་རིམ་གཙུག་ལག་སློབ་གླིང་གི་བཞི་མདོའི་ལམ་ཆེན་ནས་དབུ་འཛུགས་ཀྱིས་ཐོག་མར་གཙུག་ལག་སློབ་གླིང་ཡོངས་ལ་བསྐོར་བ་བརྒྱབས་རྗེས།རིམ་བཞིན་ཕར་མན་ཇུས་ཀཱ་གྲི་ལར་(ManjnuKaTila)བསྐྱོད་ནས་དེ་གར་བོད་ཀྱི་གསར་འགོད་པ་གཙོས་མི་མང་རྣམས་ལ་ཉིན་དེའི་ལས་འགུལ་གྱི་དགོས་དམིགས་དང་རྒྱབ་ལྗོངས་སོགས་གཏམ་བཤད་བསྐྱངས།
དེ་ལས་མང་བ་། “ལྡི་ལིར་བོད་ཀྱི་མཐོ་རིམ་སློབ་མ་ཚོས་ངོ་རྒོལ་གྱི་ལས་འགུལ་སྤེལ་བ།” »
དཔལ་ དགྱེས་ པ་ རྡོ་ རྗེས་ གསལ་ བཤད།
མཁན་ ཆེན་ བླ་ མ་ དཔལ་ དགྱེས་ པ་ རྡོ་ རྗེ།
དྲ་ གྲོགས་ རྣམ་ པ། ང་ ཚོའི་ རང་ ཡུལ་ གངས་ ལྗོངས་ ཕྱུག་ མོ་ དགྲ་ ལག་ ཏུ་ ཤོར་ བའི་ རྐྱེན་ གྱིས་ ཕུ་ ནུ་ སྤུན་ ཟླ་ འབུམ་ ཕྲག་ ལས་ བརྒལ་ བ་ ཞིག་ རྒྱ་ གར་ དང་ ། ཨ་ རི། ཡོ་ རོབ་ སོགས་ འཛམ་ གླིང་ ཤར་ ནུབ་ ཀུན་ ཏུ་ ཁ་ ཐོར་ དགུ་ ཐོར་ གྱིས་ གནས་ ཀྱང་ ། དེང་ རབས་ ཚན་ རྩལ་ ལས ་ བྱུང་ བའི་ དྲ་ རྒྱའི་ བརྒྱུད་ ལམ་ དང་ ། ལོ་ ཤས་ གོང་ ནས་ བཟུང་ བོད་ ཡིག་ ཀྱང་ རྒྱལ་ སྤྱིའི་ རང་ བཞིན་ གྱི་ ཡི་ གེར་ གྱུར་ པས་ དབང་ གིས་ མཐོང་ མྱོང་ བ་ དང་ མ་ མྱོང་ བའི་ གྲོགས་ པོ་ དུ་ མ་ ཞིག་ དང་ ། ཁྱད་ པར་ དུ་ ཤེས་ ཡོན་ ཅན་ གྱི་ མི་ རྣམས་ ཁྱིམ་ ཚང་ གཅིག་ གི་ སྦྲ་ ནང་ ལྟ་ བུའི་ དྲ་ ཐོག་ ཏུ་ འཛོམས་ སྟེ། བོད་ ཡིག་ གི་ ལམ་ ནས་ བསམ་ ཚུལ་ བརྗེ་ རེས་ དང་ ། ཆོས་ དང་ ཆབ་ སྲིད་ ཀྱི་ བགྲོ་ གླེང་ སོགས་ མཉམ་ གཅིག་ ཏུ་ བྱེད་ ཐུབ་ པ་ བྱུང་ བ་ ནི་ ཆེས་ དགའ་ བར་ འོས་ པའི་ དོན་ ཞིག་ རེད།
བཅུད་ལེན་དང་བཅུད་ལེན། ད་དུང་བཅུད་ལེན་གཞན་ཞིག
ཀླུ་སྨྱོན།
བོད་ཀྱི་གསོ་རིག་གཞུང་ལུགས་ཁག་ཏུ་བཅུད་ལེན་གྱི་སྐོར་འདི་ཧ་ཅང་མང་པོ་ཞིག་གསུངས་ཡོད་ཅིང་། གནའ་བོའི་རྒྱ་གར་གྱི་གྲུབ་ཐོབ་མང་པོ་ཞིག་གིས་བཅུད་ལེན་གྱི་གདམས་པ་ལ་བརྟེན་ནས་ཚེ་རིང་བ་དང་ནད་མེད་པ། ལུས་ཀྱི་གཟི་མདངས་རྒྱས་པ་དང་ཟུངས་བཅུད་འཕེལ་བ་སོགས་གནང་ཡོད་ལ། གནའ་བོའི་རྒྱ་ནག་གི་ཏའོ་ལུགས་པ་དག་དང་ནང་པའི་སློབ་དཔོན་ཆེན་པོ་དག་གིས་ཀྱང་བཅུད་ལེན་གྱི་སྦྱོར་བ་སྣ་ཚོགས་ཤིག་ལག་ལེན་གནང་ཡོད། སྐབས་ཤིག་རྒྱ་ནག་ཏུ་བཅུད་ལེན་འདི་དར་ཁྱབ་ཆེན་པོ་བྱུང་སྟེ་རྒྱ་ནག་གོང་མ་ཞིག་གིས་བཅུད་ལེན་གྱི་སྦྱོར་བ་ལ་བརྟེན་ནས་འཆི་མེད་ཚེ་རིལ་བཟོ་མཁན་མང་པོ་ཞིག་རྒྱལ་སར་བསྐོངས་འགུག་གིས་གཏན་དུ་འཆི་རྒྱུ་མེད་པའི་བཅུད་ལེན་ཚེ་རིལ་བཟོ་དགོས་པའི་བཀའ་ཕབ་ཚུལ་ཡང་ལོ་རྒྱུས་སུ་གསལ།
དེ་ལས་མང་བ་། “བཅུད་ལེན་དང་བཅུད་ལེན། ད་དུང་བཅུད་ལེན་གཞན་ཞིག” »
མོན་གྷོ་གཞིས་ཆགས་ན། དགའ་བའི་དགའ་བྲོ་འཁྲབ་བཞིན་ཡོད།
བསྟན་འཛིན་ཤེས་རབ་ནས།
རྣམ་པ་ཚོ། དགོངས་པ་མ་ཚོམས། ད་ལྟ། ངས་བཤད་ན་མི་འདོད་ལ་བསྒྲགས་ཉན་མིན་མི་ཤེས་པའི་གནས་ཚུལ་ཞིག་བསྒྲགས་རྒྱུ་ཡིན། ངས་བསམ་ན། རང་རེའི་མ་འོངས་པའི་ཆེད་དུ་མི་བསྒྲགས་ཐབས་མེད་སྙམ། དེ་རིང་སྤྱི་ཟླ་དགུ་བའི་ཚེས་ཉེར་དྲུག་རེད། ད་ནངས་སྔ་དྲོ་བོད་ནང་ནས། རང་རེ་ཁ་བ་རི་བའི་དོན་དུ་གྲྭ་བ་གཉིས་ཀྱིས་གཅེས་པའི་ལུས་སྲོག་དམར་བོ་མེ་ལ་སྒྲོན་སོང་། དགོང་དྲོར། རང་རེའི་སྲིད་གཞུང་ངམ་དབུ་ཁྲིད་ཀྱི་ལྟེ་གནས་རྡ་ས་ནས། རྒྱལ་ཞེན་དང་སྙིང་སྟོབས་ཀྱིས་འཕྱུར་བའི་དམ་པ་ཁོང་གཉིས་ལ་མྱ་ངམ་མཆོད་འབུལ་དང་མར་མེ་ཁྲོམ་སྐོར་སོང་། གདུང་སེམས་ཤུགས་ཀྱིས་བཏེགས་སོང་
དེ་ལས་མང་བ་། “མོན་གྷོ་གཞིས་ཆགས་ན། དགའ་བའི་དགའ་བྲོ་འཁྲབ་བཞིན་ཡོད།” »
