ད་ལྟའི་བོད་ནང་གི་ཛ་དྲག་གི་གནས་སྟངས་དང་། ལྷག་དོན་བོད་ཁམས་ཁུལ་རྟའུ་དང་། ཨ་མདོ་རྔ་བ་ཀིརྟི་ཕྱོགས་ནས་བོད་མི་ཚོས་གཅིག་རྗེས་གཉིས་མཐུད་དུ་རང་ལུས་མེ་བསྲེག་བཏང་ནས་རྒྱ་ནག་གིས་བོད་ཐོག་འཛིན་པའི་སྲིད་ཇུས་ལ་ངོ་རྒོལ་བྱས་བ་དང་། ༸གོང་ས་མཆོག་བོད་ནང་ཕེབས་ཏུ་འཇུག་དགོས་པ་སོགས་ཛ་དྲག་གནས་སྟངས་ཆེད་བོད་མི་ཁག་གཅིག་གིས་རྒྱ་གར་རྒྱལ་སའི་རྒྱ་ནག་གཞུང་ཚབ་ཁང་གི་མདུན་ཞི་བའི་ལས་འགུལ་སྤེལ་བར་བརྟེན་བོད་མི་ལས་འགུལ་བ་ཕོ་མོ་གྲངས་ ༡༣ ཙམ་འཛིན་བཟུང་བྱས་འདུག།
ཆིག་སྒྲིལ་གྱི་སེམས་པ། གཅིག་གྱུར་གྱི་ངོ་རྒོལ། བདེན་དོན་གྱི་གཟི་བརྗིད། རྒྱལ་ཁ་ཡི་རེ་བ།
ཆབ་བྲག་ལྷ་མོ་སྐྱབས།
ལོ་རྒྱུས་ཀྱི་གོད་ཆག་ཅི་འདྲ་ཞིག་བྱུང་བ་ལ་མ་ལྟོས་པར་མགོ་ནག་རྩམ་གཟན་ནམ་གདོང་དམར་བོད་པ་ཚང་གི་བུ་རབས་ཚ་རྒྱུད་དག་གིས་མི་རིགས་ཤིག་གི་ལར་ཞེན་དང་རིག་གཞུང་ཞིག་གི་སྤོབས་པ། བདེན་དོན་ཞིག་གི་སྙིང་སྟོབས་དང། ཡིད་ཆེས་ཤིག་གི་རེ་སྨོན་བཅས་ལ་བརྟེན་ནས་འཕག་འཚག་རྒྱུན་མར་བྱས་ཏེ་འགྱེལ་ས་ནས་ལངས་པར་ལན་དགུ་ཆད་མཐུད་དུ་འབད་ཡོད་ལ་གྲུབ་འབྲས་ཀྱང་ཆེན་པོ་བླངས་ཡོད། མ་མཐར་ཡང་ངས་བལྟས་ན་གཉིད་ལས་སད་དང་སད་བཞིན་པ་རེད། ད་དུང་མང་པོ་ཞིག་གིས་རེ་བ་ཆེ་ས་ཞིག་ལ་དམིགས་ཏེ་བློས་གཏོང་ཡང་ཆེན་པོ་ཞིག་གི་མགོ་ཚུགས་ཡོད། འདི་ནི་ཚེ་སྲོག་ཅིག་གི་ངོས་ནས་བལྟས་ན། ཡ་ང་བ་དང་། སྙིང་རྗེ་བ། ཕངས་སེམས་ཆེ་བ་ཞིག་ཡིན་པར་མ་ཟད། ཆེས་གཟི་བརྗིད་དང་རླབས་ཆེན་ཞིག་ཀྱང་ཅི་ལ་མིན། ལྷག་པར་དུ། རང་རིགས་ལ་མཚོན་ན་དྲན་སྐུལ་ཟབ་མོ་ཞིག་དང་དགྲ་ཕྱོགས་ལ་མཚོན་ན་ངོ་རྒོལ་མཐུ་ཆེན་ཞིག་ཡིན་ངེས་པས། གངས་ཅན་པ་ཞེས་པ་དང་གདོང་དམར་བོད་པ་ཞེས་པ། ཆོས་ལྡན་བོད་མི་ཞེས་པ། འཚེ་མེད་ཞི་བ། བདེན་པའི་ཨུ་ཚུགས་ཟེར་བའི་ཁྱད་ཆོས་ཚང་མ་ཕྱོགས་བསྡུས་ཀྱིས་མཚོན་པའི་རྒྱ་མཚོའི་རླབས་དང་རླུང་གི་ཤུགས་བཞིན་བཟློག་ཏུ་མེད་ལ་ཡལ་དུ་མེད་པའི་ལས་འགུལ་ཞིག་ཏུ་འགྱུར་བཞིན་ཡོད།
སྤྱིར་ཡིན་ན། དཔའ་རྟུལ་ཁོང་རྣམ་པས་ཀྱང་དྲག་པོའི་ཐབས་རྩལ་ཅི་རིགས་ལ་བརྟེན་ནས་དགྲ་ཕྱོགས་ལ་འཇིགས་སྣང་དང་ཆག་སྒོ་དུ་མ་ཞིག་འབྱུང་འཇུག་ཐུབ་རྒྱུར་ཐེ་ཚོམ་སྤུ་ཙམ་མེད་ན་ཡང། འདི་ལྟར་གཞན་ལ་འཚེ་བ་དོར་ནས་རང་ལ་འཚེ་བའི་སྤྱོད་ཚུལ་ཐུན་མོང་མ་ཡིན་པ་འདི་ནི། འཛམ་གླིང་ཞི་བདེའི་དེད་དཔོན་ཆེན་པོ་གང་གི་རླབས་ཆེའི་དགོངས་དོན་ལ་དད་འདུན་གུས་བརྩི་གནང་ནས་བོད་ཀྱི་བསྟན་པ་ཆབ་སྲིད་དང་བཅས་པའི་སླད་དུ་ཡིན་པར་ཐག་གཅོད་ཐུབ་པ་ཞིག་རེད།
ནང་པའི་ཚན་རིག་པ་ཆེན་མོ་ཞིག་སྐུ་གཤེགས་པ།
ཨ་རི་བོད་པས།
དེ་རིང་(1050-2011)འཛམ་གླིང་ན་དཀོན་པའི་ནང་བའི་ཚན་རིག་པ་ཆེན་མོ་ཞིག་འཇིགས་རྟེན་འདི་དང་ཁ་གྱེས་ཐལ། དེ་རིང་ང་ཚོའི་མཐིང་་མདོག་གི་ནམ་མཁའ་ནས་འོད་ཆེན་ཀྱི་སྐར་མ་ཞིག་མཁའ་དབྱིངས་གཞན་ལ་བཞུད་ཐལ།
ཁོང་གི་མིང་ལ་སི་ཊེ་བི.རྗོ་བྷིསེ་(steve jobs)ཟེར་ཞིང་། ཁོང་དགུང་ལོ་༥༦་རེད། དེང་གི་འཛམ་གླིང་སྟེ་གློག་ཀླད་ཀྱི་དུས་སྐབས་སུ་ཀུ་ཤུ་རྟགས་ཅན་གྱི་ཀློག་གླད་དང་ཁ་པར་བེད་སྤྱོད་གཏོང་མཁན་ཞིག་ཡིན་ཚེ་ཕལ་ཆེར་ཁོང་ངོ་མི་ཤེས་བ་ཞིག་མེད་པའི་ཚོད་ཡིན། ཁོང་ངོ་མི་ཤེས་བའི་དབང་དུ་བཏང་ན་ཡང་རྗོ་བྷི་ཁོང་གི་བློ་བཀོད་ལས་འཁྲུངས་བའི་ཆེ་ཚད་མཐོ་བའི་ལག་རྩལ་དང་རིན་ཐང་ཅན་གྱི་ཀུ་ཤུ་རྟགས་ཅན་གྱི་གློག་ཆོས་ལ་སེམས་པ་མ་ཤོར་བ་སུ་ཞིག་ཡོད།
ང་ཚོའི་ནད་འདི་དྲག་བསྐྱེད་ཡོང་རན་ཡིན། སྤུན་ཟླ་ཚོ་ལོངས་ཤོག
བོད། ལྷ་ཀླུ་གཉན་གསུམ།
ཁ་སང་དེ་རིང་བོད་ནང་དུ། དམིགས་སུ་བཀར་ནས་ཞུས་ན། བོད་མདོ་སྨད་རྔ་ཁུལ་ན་རང་ལུས་ཀྱི་མཆོད་མེར་སྒྲོན་པའི་བདེན་པའི་འབོད་སྒྲ་སྒྲོག་པའི་དར་མ་གཅིག་རྗེས་གཉིད་མཐུད་དུ་བྱུང་བཞིན་ཡོད། དེ་དག་གིས་མི་རིགས་ཤིག་གི་བདེན་དོན་ཉམས་ཀྱིན་པ་དང་བཙན་གྱིས་འཕྲོག་བཅོམ་བྱེད་པ། བརྡུང་བརྡེག་ཐེབས་བཞིན་པ་མ་བཟོད་པར་རང་ཉིད་ཀྱི་ཚེ་སྲོག་གིས་བདེན་དབུང་བྱས་ནས། ནང་དགོས་ཁ་བ་གངས་ཅན་པ་ཡོངས་ལ་འབོད་སྒྲ་ཤུགས་ཀྱིས་སྒྲོག་ནས། ལོངས་ཤོག ང་ཚོ་ལ་ཚེ་སྲོག་ཡོད། ཚེ་སྲོག་ལ་རིན་ཐང་ཡོད། རིན་ཐང་ལ་རྩོད་ལེན་དགོས། རྩོད་ལེན་ལ་བརྩི་མཐོང་སླེབས་དགོས། དེ་ཡི་ཆེད་དུ།
དེ་ལས་མང་བ་། “ང་ཚོའི་ནད་འདི་དྲག་བསྐྱེད་ཡོང་རན་ཡིན། སྤུན་ཟླ་ཚོ་ལོངས་ཤོག” »
བོད་ཀྱི་ཤེས་ཡོན་པ་དག་ལ་གྲོས་སུ་བགྱི་བའི་ཞུ་འཕྲིན་ཞིག
༼གཏན་དུ་བཞུད་སོང་བའི་ཚེ་སྲོག་དེ་དག་གི་སླད་དུ།༽
དྷི་ལྷ་ལྡན།
ཆེས་བཀུར་བར་འོས་པའི་རང་རིགས་ཀྱི་མཁས་པའི་དབང་པོ་དང་། ན་གཞོན་ཤེས་ཡོན་པ། ད་དུང་རང་དང་འགྲོག་འདྲིས་མང་བའི་རྩོམ་གྲོགས་དམ་པ་དག་ལ་སེམས་ཀྱི་གུས་འདུད་དང་བཅས་བདག་གིས་འདི་ལྟར་ཞུ་བར་འདོད།
མི་ལོ་ལྔ་བཅུ་ལྷག་གི་ཡར་སྔོན་ཏེ། ཕྱི་ལོ ༡༩༥༩ ལོར་སྐྱབས་མགོན་རྒྱལ་བའི་དབང་པོས་གཙོས་བོད་རིགས་སྤུན་ཟླ་མང་པོ་ཞིག་གིས། རང་ཁྱིམ་དྲོན་མོ་རྒྱབ་ཏུ་བསྐྱུར་ཏེ་རྒྱལ་ཁབ་གཞན་ཞིག་ཏུ་སྐྱབས་བཅོལ་ལ་ཕེབས་དགོས་བྱུང་བའི་ཉིན་མོ་ནས་བཟུང་དེ་རིང་གི་བར་ཏེ། མི་ལོ་ལྔ་བཅུ་ལྷག་གི་རིང་ལ་བོད་དམངས་དང་རྒྱ་ནག་སྲིད་གཞུང་བར་འགལ་རྩོད་རབ་དང་རིམ་པ་བྱུང་ཞིང་། སྲིད་གཞུང་དང་མི་དམངས་གཉིས་ཀ་ཆེས་ལྷིང་འཇགས་མ་ཡིན་པ་དང་། བག་ཕེབས་མ་ཡིན་པ། ཕན་ཚུན་ཡིད་རྟོན་མེད་པ་དང་། རྣམ་རྟོགས་ཟ་རེས་སོགས་ཀྱི་སྒོ་ནས་གནས་དགོས་བྱུང་ཡོད་པ་ནི་གསང་ཐབས་མེད་པའི་དོན་དངོས་ཤིག་ལགས་ཤིང་།
གནས་ཚུལ་དེས་ནི་བོད་དམངས་རྣམས་ཀྱིས་ཉིན་རེའི་འཚོ་བའང་འཇིགས་སྔངས་སྐྲག་གསུམ་གྱི་སྒོ་ནས་སྐྱེལ་དགོས་བྱུང་ཡོད་པར་མ་ཟད། རྒྱ་ནག་སྲིད་གཞུང་ལ་མཚོན་ནའང་། ཁོ་ཚོས་རྒྱུན་དུ་སྒྲོག་གིན་པའི་བརྟན་བརླིང་དང་གཅིག་གྱུར་སོགས་ཡོང་དཀའ་བར་བཟོས་ཤིང་། འཛམ་གླིང་གི་མི་རིགས་དང་རྒྱལ་ཁབ་ཁག་གི་མིག་ལམ་དུ་སྣང་བརྙན་སྐྱི་གཡའ་བ་མང་དུ་བཟོ་དགོས་བྱུང་ཡོད།
དེ་ལས་མང་བ་། “བོད་ཀྱི་ཤེས་ཡོན་པ་དག་ལ་གྲོས་སུ་བགྱི་བའི་ཞུ་འཕྲིན་ཞིག” »
དེ་རིང་ཚེས་བདུན་ཉིན་རྔ་པ་ནས་རང་ལུས་མེ་སྲེག་གི་ལས་འགུལ་སྤེལ་བའི་གནས་ཚུལ།
ཕྱི་ལོ་ ༢༠༡༡ ཟླ་ ༡༠ ཚེས་ ༧ ཉིན་གྱི་བོད་ནང་གི་སྔ་དྲོའི་དུས་ཚོད་ ༡༡།༣༠ ཐོག་རྔ་པ་རྫོང་མཐའ་བ་གོང་མའི་འཇུག་རིས་ཚང་གི་བུ་ཆོས་འཕེལ། རང་ལོ་ ༡༩ ཡིན་པ་ཁོང་དང་། མཐའ་བ་གོང་མའི་གསོང་པོ་ཚང་གི་སྐལ་བཟང་གི་བུ་མཁའ་དབྱིངས་༼ཁག་ཅིག་གིས་བཤད་ན་ཁོང་གི་ལ་མིང་ལ་ལྷུང་ཡངས་རེད་ཟེར་གྱིན་འདུག༽། རང་ལོ་ ༡༨…
དེ་ལས་མང་བ་། “དེ་རིང་ཚེས་བདུན་ཉིན་རྔ་པ་ནས་རང་ལུས་མེ་སྲེག་གི་ལས་འགུལ་སྤེལ་བའི་གནས་ཚུལ།” »
ཅི་ཞིག་ལ་ཆོས་སྲིད་ཟུང་འབྲེལ་ཟེར་རམ།
ཐེ་བོ་དཀོན་མཆོག་ཤེས་རབ་ཀྱིས།
མཁྱེན་རབ་རྣམ་སད་རོལ་བའི་མཁར།།
ལུགས་ཟུང་ཤེས་བྱའི་རྒྱུ་སྐར་བཀྲ།།
ཆོས་སྲིད་ཟུང་གི་ཉི་ཟླའི་འོད།།
ཀུན་ནས་སྤྲོ་མཛད་གང་དེས་སྐྱོངས།།
བོད་དུ་ཆོས་སྲིད་ཟུང་འབྲེལ་ལམ་ལུགས་ནི་ཐོག་མར་ཆོས་རྒྱལ་སྲོང་བཙན་སྒམ་པོས་སྲོལ་བཏོད་པར་གྲགས།སྐབས་དེའི་ཆོས་སྲིད་ཟུང་འབྲེལ་གྱི་ངོ་བོ་ནི་ལྷ་ཆོས་དགེ་བ་བཅུ་དང་མི་ཆོས་གཙང་མ་དྲུག་གི་ཁྲིམས་བཅས་པ་དེར་གོ་དགོས་པ་རེད།དེ་ལྟར་ཁྲིམས་བཅས་པའི་ཁུངས་ཀྱང་སངས་རྒྱས་ཀྱིས་ལྷ་མིའི་ཐེག་པའི་རྣམ་གཞག་མང་དུ་གསུངས་པ་དག་དང་།མགོན་པོ་ཀླུ་སྒྲུབ་ཀྱི་གསུང་ལས། མི་ཡིས་
ཆོས་ལུགས་ལེགས་སྤྱད་ན།།ལྷ་ཡུལ་བགྲོད་པ་ཐག་མི་རིང་།།ལྷ་དང་མི་ཡི་ཐེམ་སྐས་ལ།།འཛེགས་ན་ཐར་བ་གམ་ན་འདུག།ཅེས་སོགས་གསུངས་པ་ལ་བརྟེན་པ་ཞིག་རེད།
རང་ལུས་མེར་སྲེག་གིས་ངོ་རྒོལ་ལས་འགུལ་སྤེལ་མཁན་རྔ་པ་ཀིརྟིའི་གྲྭ་པ་གསུམ་གྱི་གནས་སྟངས།
འདི་ཟླའི་ཚེས་ ༣ ཉིན་རང་ལུས་མེར་སྲེག་གིས་རྒྱ་ནག་གཞུང་ལ་ངོ་རྒོལ་སྐད་འབོད་གནང་མཁན་རྔ་པ་ཀིརྟི་དགོན་གྱི་གྲྭ་སྐལ་བཟང་དབང་ཕྱུག་ལགས་དེང་སྐབས་རྔ་པ་རྫོང་མི་མང་སྨན་ཁང་ཟེར་བའི་ཐོག་རྩེགས་གཉིས་པའི་ནད་པ་ཉལ་ཁང་ཞིག་ཏུ་ཡོད་འདུག་ལ། ཐོག་རྩེགས་གཉིས་པར་ཡོད་པའི་ནད་པ་གཞན་ཚང་མ་ཕྱིར་ཕུད་བྱས་ཏེ་ཁོང་གཅིག་པུར་ཉེན་རྟོག་པའི་སྲུང་བྱ་དམ་པོ་བྱས་ནས་ཡོད་འདུག གོ་ཐོས་སུ་ཁོང་གི་གྲོགས་པོ་ཞིག་ནད་གཡོགས་ལ་བཏང་ཡོད་པ་དང་། དེ་མིན་གྱི་མི་ཁག་ཅིག་ཀྱང་ཐུག་ཏུ་བཅུག་ཡོད་ཚུལ་འདུག ཁོང་ལ་མེས་ཚིག་པའི་རྨས་སྐྱོན་ཚབས་ཆེན་མིན་ནའང་། རང་ལུས་མེར་སྲེག་གཏོང་བའི་ཉི་མ་དེར་ཉེན་རྟོག་པ་དང་དམག་མི་སོགས་ཀྱིས་རིབ་བརྒྱབས་ནས་ལག་ཆ་འདྲ་མིན་གྱིས་གཅར་རྡུང་དྲག་པོ་བཏང་རྐྱེན་མགོ་ལ་རྨས་སྐྱོན་ཚབས་ཆེ་ཙམ་ཕོག་ཡོད་འདུག
དེ་ལས་མང་བ་། “རང་ལུས་མེར་སྲེག་གིས་ངོ་རྒོལ་ལས་འགུལ་སྤེལ་མཁན་རྔ་པ་ཀིརྟིའི་གྲྭ་པ་གསུམ་གྱི་གནས་སྟངས།” »
མན་ཇུ་རོ་ལངས་རྒྱག་ས་ཡོད་པ་མ་རེད།
བཀའ་འདྲི་ཞུ་ཡུལ། བཀའ་བློན་ཁྲི་ཟུར་མཁས་དབང་ཟམ་གདོང་རིན་པོ་ཆེ།
བཀའ་འདྲི་ཞུ་མཁན། ཨ་རིའི་རླུང་འཕྲིན་ཁང་གི་པདྨ་རྡོ་རྗེ།
ཡིག་ཐོབ་ཕབ་བཤུ། ལན་འདེབས་ཚོགས་ཆུང་གི་རྒྱུན་ལས་ཤར་ཕྱོགས་ཁུག་རྟ།
པདྨ་རྡོ་རྗེ།
༼༧གོང་ས་མཆོག་གིས་ཡང་སྲིད་སྐོར་གྱི་བཀའ་ཡིག་དེ་སྩོལ་དགོས་པའི་རྒྱུ་མཚན་ག་རེ་ཡིན་ནམ།
ཟམ་གདོང་རིན་པོ་ཆེ།
འདས་པའི་དུས་ཚོད་མང་པོའི་ནང་བོད་ནང་དུ་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་ དབང་འཛིན་པ་ཚོས་བོད་ཀྱི་ཡང་སྲིད་ངོས་འཛིན་གནང་ཕྱོགས་ལ་ཐེ་བྱུས་དང་། གང་བྱུང་མང་བྱུང་གིས་ཐག་གཅོད་མང་པོ་བྱས་པ་རེད། ལྷག་པར་དུ་༧པཎ་ཆེན་རིན་པོ་ཆེའི་ཡང་སྲིད་སྐོར་ལ་༧གོང་ས་སྐྱབས་མགོན་ཆེན་པོས་ ངོས་འཛིན་གནང་བར་ཆ་མ་བཞག་པར། རྒྱལ་མཚན་ནོར་བུ་ཞེས་པ་ཁོང་ཚོས་བརྗོད་ཚིག་ལ་གསེར་བུམ་དཀྲུག་འདོན་ཞེས་བཏགས་ ཏེ་གང་ལྟར་ཁོང་ཚོའི་མངོན་འདོད་སྒྲུབ་ཆེད་བེད་སྤྱོད་བྱས་ཡོད་པ་རེད། དེ་བཞིན་མ་འོངས་པར་བླ་སྤྲུལ་སྤྱི་ཡོངས་ཙམ་མ་ཡིན་པར། ༧གོང་ས་སྐྱབས་མགོན་མཆོག་གི་ཡང་སྲིད་ངོས་འཛིན་བྱེད་རྒྱུའི་དུས་ཚོད་ཅིག་ཤར་བ་ ཡིན་ནའང་། དེ་ལ་དེ་འདྲ་བྱེད་རྒྱུའི་འཆར་གཞི་ཡོད་པ་དེ་གསལ་བོ་ཞེ་དྲག་རེད། ལྷག་པར་དུ་ ༢༠༠༧ ལོར་ཡང་སྲིད་ངོས་འཛིན་བྱེད་ཕྱོགས་ཀྱི་རྩ་འཛིན་ཡིག་ཆ་ཨང ༥ པ་ཟེར་བ་འདྲ་བོ་འདོན་སྤེལ་ཞུས་ནས། མ་འོངས་པར་དེ་ལག་བསྟར་བྱེད་དགོས་ཚུལ་བཤད་ཀྱི་ཡོད་པ་རེད། དེ་འདྲ་ཡིན་དུས། བཙན་བྱོལ་དུ་ཡོད་པའི་བླ་ཆེན་རྣམ་པ་ཚོ་མང་པོ་ཞིག་གིས་༧རྒྱལ་བ་རིན་པོ་ཆེར་ ཁོང་གི་ཡང་སྲིད་ངོས་འཛིན་གནང་ཕྱོགས་དེ་གསལ་བོ་ཞིག་བཟོ་དགོས་ཀྱི་འདུག་ཅེས་ སྙན་གསེང་སྔ་རྗེས་ཞུས་པ་རེད། ༧རྒྱལ་བ་རིན་པོ་ཆེས་དེར་གནད་འགག་ཆེན་པོ་གཟིགས་ཡོད་པ་རེད།
བོར་སྒྲི་ཕི་རེ་སི་(WordPress)བོད་ཡིག་ནང་བཟོ་འཆར།
ཡེ་ཤེས་བསྟན་འཛིན། དེང་དུས་ཀྱི་སྤྱི་ཚོགས་མཐུན་འབྲེལ་དྲ་རྒྱ་དང་ཉིན་ཐོ་སོགས་ཀྱི་དྲ་ཚིགས་བཟོ་བདེ་བའི་མཉེན་ཆས་ཝོཊ་པེ་རི་སི་ནི་(WordPress)སྙན་གྲགས་ཆེ་བའི་མཉེན་ཆས་ཕྱོགས་སྒྲིག་བྱས་པ་ཞིག་ཡིན། ཡིན་ནའང། ད་བར་མཉེན་ཆས་དེ་ཡུལ་སྐད་གཞན་ལས་རང་རིགས་ཁ་བའི་ལྗོངས་ཀྱི་སྐད་ཐོག་ཡང་དག་ཞིག་མཐོང་རྒྱུ་མེད། གུས་ནས་རང་རིགས་བོད་མི་ཡོངས་ཀྱི་ཆེད་དུ་མཉེན་ཆས་དེ་བོད་སྒྱུར་བྱེད་བཞིན་ཡོད། ད་ལྟ་ཚོད་ལྟའི་ཆེད་བརྒྱ་ཆ་ ༦༠བརྒྱུར་ཟིན་པའི་བོད་ཡིག་གི་ཡིག་ཆ་ཐོན་རིམ་དང་པོའི་མིང་ bo_TI.moཞེས་པ་ཞིག་གཤམ་གསལ་ཁ་བྱང་ཐོག་ནས་འཕབ་ལེན་བྱ་རྒྱུ་ཡོད། ཚོད་ལྟ་དེའི་དམིགས་ཡུལ་གཙོ་བ་ནི་ཁྱེད་རྣམས་ཀྱི་བེད་སྤྱོད་གཏང་ནས་བརྗོད་བྱ་དང་དག་ཆ་དང་མིང་ཚིག་སོགས་ཏག་ཏག་ཡིན་མིན་གྱི་བསམ་འཆར་གོ་བསྡུར་བྱ་ཆེད་ཡིན། ཆ་ཚང་བ་ཞིག་བསྒྱུར་རྗེས། བོད་ཡིག་ཤེས་མཁན་སུ་འདྲ་ཞིག་ཡིན་རུང་མཉེན་ཆས་དེའི་ཐོག་ནས་རང་ཉིད་ཀྱི་བློ་འདོད་ལྟར་བོད་ཡིག་ཐོག་དྲ་ཚིགས་བཟོ་ཆོག་པ་དང་དྲ་ཚིགས་དོ་དམ་བྱེད་ཆོག མཉེན་ཆས་དེ་བེད་སྤྱོད་གཏང་ནས་ཝོཊ་པི་རེ་སི་བོད་ཡིག་ཐོག་ག་འདྲ་བྱེད་ནས་བསྒྱུར་དགོས་པ་གཤམ་གསལ་དྲ་ཚིགས་ཁ་བྱང་ཐོག་གཟིགས་རོག་གནང། http://yesi.byethost7.com/?p=25
ཁ་འཐོར་གྱི་གཡང་ས་ནས་འདྲེན་མཁན་དང་འཆི་ལམ་ནས་སྐྱོབ་མཁན་སུ་ཡིན།
ཐེ་བོ་དཀོན་མཆོག་ཤེས་རབ་ཀྱིས།
༧གོང་ས་བདུན་པའི་སྐབས་མན་ཇུས་བོད་ཨ་མདོ་ཕྱོགས་སུ་བཙན་འཛུལ་བྱས་པ་ནས་བཟུང་། ཁམས་དང་ཨ་མདོའི་ས་ཁུལ་མང་བོ་ཞིག་ཁ་འཐོར་རྒྱལ་ཕྲན་གྱི་རྣམ་པར་གནས་པས་དགའ་ལྡན་ཕོ་ བྲང་བའི་ཐད་ཀའི་འཛིན་སྐྱོང་འོག་ཏུ་མེད་པ་ནི་དངོས་ཡོད་ཡིན་ལ། ལྷག་པར་སིམ་ལའི་ཆིངས་ཡིག་ལ་བརྟེན་ནས་འབྲི་ཆུས་བཅད་པའི་རྒྱ་སྡེ་དང་བོད་སྡེའི་དབྱེ་བ་འབྱེད་པ་དང་། ཨ་མདོ་ལ་མཚོན་ན་ཅོ་ནེ་དཔོན་དང་ཚ་ཁོ་རྒྱལ་ཁག་བཅོ་བརྒྱད་ཟེར་བ་སོགས་རྒྱལ་ཕྲན་མང་བོར་གྱེར་བ་དང་། ཁམས་ལ་ཡང་ཤར་ཕྱོགས་ཀྱི་རྒྱལ་ཆེན་བཞི་སྟེ་སྡེ་དགེ་རྒྱལ་བོ་དང་། ནང་ཆེན་རྒྱལ་བོ། ལྷ་ཐོག་རྒྱལ་བོ། གླིང་ཚང་རྒྱལ་བོ་ཟེར་བ་སོགས་རྒྱལ་ཕྲན་མང་བོ་བྱུང་ཡོད། དེ་ལྟར་བྱུང་བའི་རྒྱུ་མཚན་གཙོ་བོ་ཞིག་ནི་བོད་བཙན་པོའི་གདུང་རབས་ཀྱིས་བོད་སྤྱི་ལ་དབང་སྒྱུར་བའི་ནུས་ཤུགས་ཉམས་རྗེས་ཡུན་རིང་ཁ་འཐོར་དུ་གནས་པ་དང་།
དེ་ལས་མང་བ་། “ཁ་འཐོར་གྱི་གཡང་ས་ནས་འདྲེན་མཁན་དང་འཆི་ལམ་ནས་སྐྱོབ་མཁན་སུ་ཡིན།” »
རང་བཙན་ནས་དབུ་མར་འཁྱུད་སྟངས།
བསམ་གླིང་ཚེ་རིང་ལྷ་མོ།
༼དང་པོ།༽
དེང་དུས་གཉིས་སྨན་དབུ་མའི་ལམ་དང། བདེན་དོན་རང་བཙན་གྱི་ལམ་གཉིས་ནི་སྐྱེ་བོ་འགའ་རེའི་ཡིད་ཀྱི་རྡོག་ཁྲེས་ཞིག་ཏུ་གྱུར་ཏེ། གང་ཞིག་ཡང་དག་དང་གང་ཞིག་ཡང་མ་དག་པར་བརྗོད་པའི་སྤོབས་པའང་ཉམས་ཤིང་། ལ་ལར་དེ་གཉིས་མེ་དང་སྤུ་ལྟ་བུའི་འདུ་ཤེས་ལ་བཀོད་པ་དང། ཡང་ལ་ལར་ནི་དེ་གཉིས་གཅིག་ལ་གཅིག་བརྟེན་གྱི་ངོ་བོར་གྲུབ་པ། ཡང་ལ་ལར་དེ་གཉིས་ལམ་གཡས་གཡོན་དུ་སྐྱེས་པའི་ལྗོན་ཤིང་སྡོང་པོ་གཉིས་སུ་སྣང་བ་སོགས་རང་རང་ཡིད་ཀྱི་ཁོག་རྒྱར་ཇི་ཡིན་ཆ་མ་འཚལ་བའང་གང་མང་མཆིས།
ཡང་ལ་ལས་རང་བཙན་པ་ཚོ་ནི་༸གོང་ས་སྐྱབས་མགོན་རྒྱལ་བའི་དབང་པོའི་དགོངས་གཞི་དང་འགལ་བར་སྨྲ་ལ། ཐ་ན་ལས་འགུལ་གང་ཞིག་དང་ཅི་ཞིག་སྤེལ་ཡང་ཧ་ལམ་༸གོང་ས་མཆོག་དང་བོད་གཞུང་གི་དགོངས་པ་དང་འགལ་བ་ཡིན་ལུགས་སྨྲ། རང་ཉིད་ལས་འགུལ་གང་ཞིག་ཏུ་མ་ཞུགས་པ་ནི་༸གོང་ས་རྒྱལ་བའི་དབང་པོའི་བཀའ་དང་མཐུན་ཚུལ་དང་། བོད་གཞུང་གི་བོད་འབངས་རྣལ་མ་ཞིག་ཡིན་ཁུལ་སྟོན།
ཡང་གཅིག་ཤོས་ཀྱིས་དབུ་མའི་ལམ་ནི་བོད་ནང་གི་འདས་གསོན་དཔའ་མོ་དང་དཔའ་བོ་ཚོའི་མངོན་འདོད་དང་རྒྱབ་འགལ་བྱས་པར་གཤེ་བར་བྱེད་ལ། བོད་རང་བཙན་བློས་གཏོང་བྱེད་པ་ནི་བོད་ཀྱི་ལོ་རྒྱུས་ནང་ནག་ཉེས་བསགས་པ། ད་དུང་བོད་མི་རིགས་འདིའི་རྩ་བའི་ཁེ་ཕན་དང་རྒྱབ་འགལ་བྱས་པར་སྨྲ་བར་བྱེད།
དེའི་ཐད་མི་ཆུང་ཞིག་གིས་བསམ་བློའི་འཁོར་རྒྱ་ལ་གང་ཤར་ཞིག་བྲི་བར་མ་སྤོབས་ཀྱང་། བྲི་བའི་འདུན་པ་ནི་འགོག་ཏུ་མེད་པར་བརྟེན། འདིར་ཉམས་མྱོང་དང་རྟོགས་སད་འགའ་རེའི་དབང་ལས་དོན་ཚན་འགའ་ཤས་བཀོད་པ་འདི་ཡང་རང་ཉིད་ངོ་མའི་མཐོང་ཐོས་མྱོང་གསུམ་གྱིས་སྨྲས་པ་ཙམ་ལས། རྒྱལ་ཕྱི་རྒྱལ་ནང་གི་ལོ་རྒྱུས་དང་། དཔེ་དེབ། ཉམས་ཞིབ་བྱས་པའི་རྒྱབ་ལྗོངས་གང་ཡང་མེད་པ་མཁྱེན་པར་མཛོད།
གཡུ་དྲུག་དཀར་ལ་ཀླུ་སྨྱོན་རྩོམ་རིག་བྱ་དགའ་འོས།
སྤོབས་པ་མཐའ་ཡས།
ཉེ་སྔོན་ནས་སྐུ་ཞབས་ཀླུ་སྨྱོན་ཧེ་རུ་ཀས་རྒྱུ་ཚེགས་བཏང་སྟེ་ཀླུ་སྨྱོན་རྩོམ་རིག་བྱ་དགའི་ཁྱབ་བསྒྲགས་སྤེལ་བ་ནས་བདག་རང་ཉིད་དགའ་མོས་ཆེ་ཤོས་ཀྱི་ཁ་བརྡ་དྲ་བ་ཡང་ས་ག་ཟླ་བའི་ལྷ་སའི་བར་སྐོར་བཞིན་དུ་འཚངས་ཁ་ཤིག་ཤིག་ཏུ་གྱུར། དེ་ནི་བྱ་དགའི་དངུལ་ཕྲན་བུ་དེ་ཙམ་གྱི་ཆེད་དུ་མ་ཡིན་པར་དེང་དུས་བོད་ཀྱི་རྩོམ་རིག་པའི་རིན་ཐང་གཞལ་བའམ་ཁ་ཕྱོགས་འཚོལ་བ་སོགས་དོན་གནད་གལ་ཆེན་མང་པོ་ཞིག་དང་འབྲེལ་བ་ཡོད་སྟབས་ངས་ཀྱང་བསམ་འཆར་མང་པོ་ཞིག་ཕུལ་ཡོད།
དེ་ལས་མང་བ་། “གཡུ་དྲུག་དཀར་ལ་ཀླུ་སྨྱོན་རྩོམ་རིག་བྱ་དགའ་འོས།” »
སྲད་སྐྱིད་བྱང་བློ་གྲོས་རྒྱ་མཚོ་ལགས་སུ་བཅར་འདྲི།
གསར་འགོད་པ། སྤྱན་ཆབ།
དྲི་བ། ཐོག་མར་སྐུ་ངོ་ལགས་ཀྱིས་རང་ཉིད་ངོ་སྤྲོད་མདོར་བསྡུས་ཤིག་གསུང་གནང་རོགས།
ལན། ངའི་མིང་ལ་སྲད་སྐྱིད་བྱང་བློ་གྲོས་རྒྱ་མཚོ་དང་ང་རང་བོད་ནས་སྐྱེས་པ་རེད།རང་ལོ་༡༢སྟེང་དུ་ཕ་མས་རྒྱ་གར་དུ་དབྱིན་ཇི་སྤྱང་བར་བཏང་བ་རེད།དེ་དུས་སྤྱི་ལོ་༡༩༥༧སྤྱི་ཟླ་༧ནང་རེད། དེ་རྗེས་སྤྱི་ལོ་༡༩༥༩ལོར་བོད་ས་ཤོར་པ་དང་ངའི་ཕ་མ་ཚོ་རྒྱ་གར་དུ་ཡོང་མ་ཐུབ་པས་ང་རང་སློབ་གྲྭ་ནས་ཐོན་དགོས་ཁེལ་བ་རེད་མོད་ངའི་སློབ་གྲྭའི་(Dr Grahom’s Howes Kalimpong)ང་ཡི་གནས་སྟངས་ཤེས་རྟོགས་བྱུང་པས་ཡང་བསྐྱར་སློབ་གྲྭར་ཚུད་བཅུག་པ་དང་དེ་ནས་ཟླ་བ་ཁ་ཤས་བསྡད་རྗེས་ཕ་མ་ཚོ་ཚུར་ཕེབས་ནས་ཁྱེད་ཀྱིས་འདི་ལྟར་བྱས་ན་འགྲིག་གི་མ་རེད་སློབ་གྲྭ་ནས་དགོངས་པ་ཞུ་དགོས་སྐོར་དང་བོད་གཞུང་ལ་སྐད་བསྒྱུར་དཔེ་མི་སྲིད་པའི་དཀོན་པོ་ཡོད་པས་ཁྱེད་རང་བོད་གཞུང་ལ་ཞབས་ཞུ་ཞུ་བར་འགྲོ་དགོས་སྐོར་གསུངས་པས་ངས་སློབ་གྲྭ་ནས་རྩ་དགོངས་ཞུས་པ་ཡིན་ལ་དེ་དུས་ང་རང་ལོ་༡༤ཡིན།
དེ་ལས་མང་བ་། “སྲད་སྐྱིད་བྱང་བློ་གྲོས་རྒྱ་མཚོ་ལགས་སུ་བཅར་འདྲི།” »
༧གོང་ས་མཆོག་གིས་སྤྱི་ལོ་ ༢༠༡༡ ཟླ་ ༡༠ ཚེས་ ༤ ཉིན་རྒྱབ་བསྩལ་བའི་བཀའ་ལན་ཚན་པ་གཅིག
འཇམ་དབྱངས་ཀྱིས་ཕབ་བཤུ་དང་དག་ཞུས་བྱས།
སྤྱི་ལོ་ ༡༩༨༩ ལོར་ཨ་རིའི་སཱན་ཧྥི་རན་སི་ཁོའི་འཁྲིས་ཀྱི་སློབ་གྲྭ་ཆེན་མོ་ཞིག་གི་ནང་ལ་ཚན་རིག་པའི་མཉམ་དུ་ཚོགས་འདུ་ཞིག་འཚོགས་པ་ཡིན། ཚོགས་འདུའི་ནང་སྐད་གྲགས་ཆེ་བའི་ཨ་མི་རི་ཀའི་ཚན་རིག་པ་སྐྱེས་དམན་ཞིག་འདུག ང་ནང་པའི་ཆོས་པ་ཞིག་ཡིན་སྟབས། དང་ཐོག་སྐྱེས་དམན་དེའི་རྣམ་འགྱུར་དེ། ང་ཚོ་ཚན་རིག་པས་ནང་པའི་མཉམ་དུ་ཅི་ཞིག་བཤད་དགོས་སམ། གོ་བསྡུར་ཅི་ཞིག་བྱེད་དགོས་སམ་ལྟ་བུའི་ཁྱད་གསོད་དང་རྣམ་འགྱུར་ཐག་རིང་པོ་ཡོད་མཁན་ཞིག་འདུག ང་ཚོས་ཚོགས་འདུ་འགོ་བཙུགས་ཏེ། ནང་པས་འཇིག་རྟེན་བཀོད་པ་པོ་མི་འདོད་པ་དང་གཅིག བདག་གམ་Soulམི་འདོད་པ་དང་གཉིས། དེ་ལས་འཕྲོས་ཏེ་སེམས་ཀྱི་སྐོར་ལ་འགྲེལ་བཤད་སོགས་བརྒྱབས་པ་ན། སྔོན་རྣམ་འགྱུར་སྟོན་པའི་ཨ་ཅག་དེས་གཞི་ནས་དོ་སྣང་བྱས་ཏེ། ཁྱེད་ཚོ་ནང་པའི་བསམ་བློ་གཏོང་སྟངས་ཀྱིས་འཇིག་རྟེན་བཀོད་པ་པོ་མི་འདོད་པ་དང་། བདག་གམ་Soul མི་འདོད་པ་དེ་ཁྱད་མཚར་ཞིག་འདུག་ཅེས་ཧ་ཅང་དོ་སྣང་བྱས་ཏེ། ཇ་འཐུང་བའི་བར་ལ་ཡང་སྐད་སྒྱུར་པའི་རྩ་ལ་ཡོང་ནས། ནང་པས་དེ་ལ་ཅི་ཞིག་ཟེར་བ་རེད།
དེ་ལས་མང་བ་། “༧གོང་ས་མཆོག་གིས་སྤྱི་ལོ་ ༢༠༡༡ ཟླ་ ༡༠ ཚེས་ ༤ ཉིན་རྒྱབ་བསྩལ་བའི་བཀའ་ལན་ཚན་པ་གཅིག” »
ང་ཡང་མ་ཟད་ཁྱོད་ཀྱང་སྙིང་རྗེའི་ཡུལ།
སྡོང་ལོ་སེར་བོ།
བདེན་པའི་གཤིས་བབས་མ་ལུས་མངོན་གྱུར་ཅིང༌།།
བདེན་དོན་ཇི་བཞིན་འདོམས་པའི་སྙིང་རྗེ་ཅན།།
བདེན་གསུང་མངའ་བ་འགྲོ་བའི་གཉེན་གཅིག་པུ།།
བདེན་ཚིག་གྲུབ་པ་རྣམས་ཀྱིས་དགེ་ལེགས་སྩོལ།།
བསམ་པའི་དམིགས་འབེན་ཁ་ཁ་ཁ་ཁ་དང༌།།
ཤ་རུས་འབྲེལ་ཐག་ཉེ་བའི་ཉེ་བ་སྟེ།།
ཤིང་ལོ་རླུང་གིས་ཁྱེར་བའི་མིང་ཅན་ལ།།
སྡོང་ལོ་སེར་བོས་ཉམས་མཚར་འདི་ལྟར་སྨྲ།།
མེ་དམར་པོའི་བསླུས་པའི་སྤུན་ཟླའི་རྗེས་ནས།
བོད། ལྷ་ཀླུ་གཉན་གསུམ།
དོན་དངོས་སུ་མེ་ལྕེ་ལྷབ་ལྷུབ་དུ་གཡོ་བའི་ཚ་གཟེར་ཙམ་ལ་ཡང་མི་གཟོད་པའི་འགྲོ་བ་མིའི་རིགས་ཀྱི་བདེ་སྡུག་གི་ཚོར་བ་ལྕི་མོ་དེ་ལ་བསམ་ནས་སྐད་ཆ་ཞིག་བཤད་ན། བོད་ནང་དུ་མི་རིགས་ཤིག་གི་བདེན་དོན་སླར་གསོའི་འབོད་སྒྲ་ཤུགས་ཀྱིས་མེ་ལྕེ་དང་འགྲོག་ནས་སྒྲོག་པའི་གཞོན་རབས་ཀྱི་འགུལ་བསྐྱོད་ཆེན་མོ་འདིས། དོན་དུ་ཁ་བ་གངས་ཅན་ཡོངས་ལ་བརྡ་སྐུལ་རབ་དང་རིམ་པ་གང་ཞིག་བྱེད་ཀྱི་ཡོད་མེད་ཀྱི་ཐད་དུ། ཁ་བ་གངས་ཅན་པའི་རུས་སུ་གཏོགས་པ་དང་། ཁ་བ་གངས་ཅན་པའི་སྐྱིད་སྡུག་ལ་འགན་ཡོད་པའི་འཛམ་གླིང་ཤར་ནུབ་གང་སར་གནས་བཅའ་བའི་དབུགས་ཐོག་ཚད་ལ། འགྲོ་བ་མི་ཞེས་པའི་རླབས་ཆེ་བའི་ཚེ་སྲོག་གི་རིན་ཐང་ལ་འདྲ་མཉམ་དགོས་པར་འབོད་པ་གཏོང་བཞིན་ཡོད་དམ། འབོད་པ་འདིས་སློང་སྲིད་པའི་སྐྱེ་བོ་ག་ཚོད་ཅིག་ཡོད་ཨང་།
གསལ་བསྒྲགས།
མི་རིགས་སྲ་བརྟན་དང་སྐད་ཡིག་སྲུང་སྐྱོབ་ཀྱི་ཆེད་དུ་བོད་ཀྱི་སྐད་ཡིག་རྒྱུན་འཛིན་ཚོགས་པའི་ཚོགས་མི་ཡོངས་ཀྱིས་དང་བླངས་ངང་མི་ལོ་ ༦ གི་རིང་ལས་འགུལ་མང་པོ་ཞིག་སྤེལ་ཡོད་པ་མཁྱེན་གསལ་ལྟར། ད་ལོ་ཡང་<<བཙན་བྱོལ་དུ་སྐད་ཡིག་སྲུང་སྐྱོབ་སྐོར་གྱི་རིག་རྩལ་སྤྲོ་ཚོགས་སྐབས་གཉིས་པའི་ཕ་སྐད་གཙང་མའི་གླུ་གཞས་འགྲན་བསྡུར་ཐེངས་དང་པོ་>>དེ་ཟླ་འདིའི་ཚེས་ ༨ གཟའ་སྤེན་པ་གཉིས་པའི་ཉིན་གྱི་ཕྱི་དྲོའི་ཆུ་ཚོད་ ༤ དང་ཕྱེད་ཀའི་ཐོག ཤེས་རབ་དགའ་ཚལ་སློབ་གླིང་དུ་འཚོགས་འཆར་ཡོད་ལ། ཐེངས་འདིའི་སྐད་ཡིག་སྲུང་སྐྱོབ་ཀྱི་སྤྲོ་ཚོགས་ཐོག་ཕ་སྐད་གཙང་མའི་གླུ་གཞས་འགྲན་ཞུགས་པ་བརྒྱད་ཀྱིས་མཐའ་མའི་འགྲན་རྩོད་བརྒྱུད་དེ་ཨང་དང་པོ་ལ་ཧིན་སྒོར་ ༡༠༠༠༠ དང་གཟེངས་བསྟོད་ཕྱག་འཁྱེར། ཨང་གཉིས་པར་ཧིན་སྒོར་ ༧༠༠༠ དང་གཟེངས་བསྟོད་ཕྱག་འཁྱེར།…
ཡང་བསྐྱར་ཨ་མདོ་རྔ་པ་ནས་རང་ལུས་མེར་སྲེག་གི་ངོ་རྒོལ་གནས་ཚུལ་ཐོན་པ།
ཕྱི་ལོ་ ༢༠༡༡ ཟླ་ ༡༠ ཚེས་ ༣ ཉིན་གྱི་བོད་ནང་གི་ཕྱི་དྲོའི་དུས་ཚོད་ ༢ ཙམ་ལ་རྔ་པ་རྫོང་ཆོས་རྗེ་མ་ཞང་སོ་རུ་མ་སྡེ་བའི་ཚུར་དྲིས་ཚང་གི་ཕ་ཚུར་དྲིས་དང་མ་བདེ་མཆོག་གཉིས་ཀྱི་བུ་རྔ་པ་ཀིརྟི་དགོན་པའི་དུས་འཁོར་གྲྭ་ཚང་གི་གྲྭ་སྐལ་བཟང་དབང་ཕྱུག རང་ལོ་ ༡༧ ཡིན་པ་ཁོང་གིས་༸གོང་ས་མཆོག་གི་སྐུ་པར་ཞིག་ལག་ཏུ་བཟུང་ནས་རྔ་པ་རྫོང་མཁར་གྱི་གཞུང་ལམ་དུ་ཐོན་པ་དང་རང་ལུས་ལ་མེ་སྦར་ཏེ་རྒྱ་ནག་གཞུང་ལ་ངོ་རྒོལ་སྐད་འབོད་གནང་འདུག་མོད། དེ་མ་ཐག་རྒྱ་དམག་གིས་བསྐོར་ནས་མེ་བསད་ཅིང་གཅར་རྡུང་དྲག་པོ་གཏོང་བཞིན་ཁྱེར་ཡོད་འདུག་པས་ཁོང་གི་རྨས་སྐྱོན་ག་འདྲ་ཡིན་མིན་སོགས་ཀྱི་གནས་སྟངས་གསལ་པོ་ཤེས་རྟོགས་མ་ཐུབ།
དེ་ལས་མང་བ་། “ཡང་བསྐྱར་ཨ་མདོ་རྔ་པ་ནས་རང་ལུས་མེར་སྲེག་གི་ངོ་རྒོལ་གནས་ཚུལ་ཐོན་པ།” »
ན་གཞོན་སྙན་ངག་པ་རྩེ་སྐར་ལགས་སུ་བཅར་འདྲི་།
གསར་འགོད་པ། སྤྱན་ཆབ།
དྲི་བ།སྙན་ངག་པ་རྩེ་སྐར་ལགས་ཁམས་བཟང༌།གཤམ་དུ་ཁྱོད་ཀྱིས་རང་ཉིད་ངོ་སྤྲོད་མདོར་བསྡུས་ཤིག་གནང་རོགས།
ལན། ཁམས་བཟང༌། ང་ལྟ་བུ་ཞིག་ལ་སྙན་ངག་པ་ཟེར་བའི་མིང་འདི་བཏགས་ན་མི་འོས་པ་ཞིག་རེད།སྙན་ངག་པ་ཞིག་ཡིན་ན་མིང་དེའི་ཚོད་ཀྱིས་དོན་ལའང་རང་ཉིད་ཀྱིས་བྲིས་པའི་སྙན་ངག་གི་ཚད་གཞི་རིམ་པ་ངེས་ཅན་ལ་སླེབས་དགོས་པས།ང་ལ་མཚོན་ན་རང་ཉིད་དགའ་ཕྱོགས་ཀྱིས་རྩོམ་ཡིག་ཐར་ཐོར་རེ་འབྲི་ཁུལ་བྱེད་བཞིན་པ་ལས་དོན་ལ་སྙན་ངག་པ་ཞིག་གང་ནས་ཡིན།དེང་སྐབས་ང་ཚོའི་སྤྱི་ཚོགས་ནང་མཁས་དབང་དང་སྙན་ངག་པ་ཟེར་བའི་མིང་འདི་ཕ་རོལ་པོའི་ཤེས་ཡོན་གྱི་ཚད་གཞི་ལ་མ་བལྟས་པར་བཏགས་ཆོག་ཆོག་གི་གོམས་གཤིས་ལྟ་བུ་ཞིག་འཇགས་ནས་ཡོད་པ་དེ་མི་འགྲིགས་པ་ཞིག་རེད་བསམ་ཡོད།དགོངས་དག་འབྲེལ་མེད་འཕྲོས་བཤད་ཀྱི་སྐད་ཆ་མང་དྲགས་སོང༌། ངའི་མིང་ལ་བློ་བཟང་རབ་རྒྱས་སམ་འགར་ཚེ་རྒྱལ།སྨྱུག་མིང་ངམ་དྲ་མིང་ལ་རྩེ་སྐར་ཟེར།
