རྫ་ཚེ་རིང་བཀྲ་ཤིས།
《དུས་ཐོག་ཆར་པ》ཞེས་པའི་དེབ་འདི་ནི་མཁན་ཆེན་ཚུལ་ཁྲིམས་བློ་གྲོས་ཀྱིས་སྔ་ཕྱིར་བསྩལ་པའི་དགོན་པའི་སློབ་གསོའི་ལེགས་བཅོས་ཀྱི་བཀའ་སློབ་ཧ་ཅང་གལ་ཆེན་ཞིག་སྟེ། ཕྲན་གྱིས་ལོ་ཧྲིལ་པོ་གཅིག་གི་རིང་སློབ་ཞོར་གྱི་དུས་ཡུན་སྤྱད་ནས་ཕབ་སྒྲིག་ཞུས་པ་ཡིན། དེ་ཡང་ཕྲན་གྱིས་ཕབ་སྒྲིག་གི་ཐོག་མཐའ་ཀུན་ཏུ་མཁན་ཆེན་མཆོག་གི་གསུང་གི་གཤིས་དང་བརྡ་སྤྲོད་སྟངས་ཀྱི་ཁྱད་ཆོས་མ་ཉམས་སོར་འཇོག་དགོས་པ། ཚིག་རེ་རེ་ནས་བརྡ་སྤྲོད་རིག་པའི་གཞུང་དང་ཡང་མི་འགལ་བ། བོད་སྐད་སྨྲ་བ་ཡོངས་ཀྱིས་གང་ལེགས་གོ་ཐུབ་པ། ཚིག་དོན་གྱི་ཆ་ཕྲ་མོ་ཙམ་ལ་ཡང་ཚད་མཐོའི་འགན་འཁྲི་ཡོད་པ་བརྗེད་མི་ཉན་པ། བརྗོད་གཞི་གཅིག་ལ་བསྐྱར་ཟློས་དང་།
བློ་རིས་ཚང་གི་བུ་ཚེ་རིང་ལ་ལོ་ལྔའི་བཙོན་འཇུག་ཁྲིམས་ཐག་བཅད་པ།
ཕྱི་ལོ་ ༢༠༡༡ ཟླ་ ༡༢ ཚེས་ ༢༣ ཉིན་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ ཤེས་དང་ཀ་ཉག་ཚེ་རིང་གཉིས་ཀྱིས་བཏང་གནས་ནང་གསལ། འདི་ལོའི་ཕྱི་ཟླ་ ༡༡ ཚེས་ ༢༩ ཉིན་རྔ་པ་རྫོང་གཅའ་ཞང་རྭ་རུ་བའི་བློ་རིས་ཚང་གི་བུ་ཚེ་རིང་། རང་ལོ་ ༢༦ ། ཕ་མིང་ལ་བློ་རིས་དང་། མ་མིང་ལ་ཆོས་སྐྱོང་མཚོ་ཡིན་པ་ཁོང་ལ་རྔ་པ་རྫོང་འབྲིང་རིམ་མི་དམངས་ཁྲིམས་ཁང་ ཟེར་བས་ལོ་ ༥ བཙོན་འཇུག་ཁྲིམས་ཐག་བཅད་ཡོད་པ་དང་།
དེ་ལས་མང་བ་། “བློ་རིས་ཚང་གི་བུ་ཚེ་རིང་ལ་ལོ་ལྔའི་བཙོན་འཇུག་ཁྲིམས་ཐག་བཅད་པ།” »
བདག་ཉིད་བསྟོད་པ།
ཅོག་རོང་གི་མྱི་ནས།
ཚིག་བཟང་ཡང་སྙན་ངག་ལ་དོན་གྱིས་སྟོངས་ན་རྒན་མོ་རྒས་གཉེར་ཅན་ལ་གོས་བཟང་གིས་གཡོགས་པའི་ཚུལ་ཙམ་ལས་མ་འདས། གནམ་ས་ན་གོས་ཀྱིས་མ་གཡོགས་པའི་གཞོན་ནུ་མར་སྙིང་ཁུངས་རིས་པའི་གཏིང་ནས་དགའ་ཞེན་ལྡན་པའི་བདག་གིས་རང་ཉིད་བསྟོད་པའི་སྙན་ངག་འབྲི་བར་བྱ་ཡི་ཉོན།
སྲོལ་འབྱེད་སྒོ་འབྱེད་མང་ན་ཡང་།།
ཚང་མ་ཤིང་སྒོ་ཤིང་རྟ་རེད།།
ལྕགས་སྒོ་ལྕགས་སྲོལ་འབྱེད་མཁན་ཞིག།
ད་ལྟ་ཨ་རིའི་ཡུལ་ན་ཡོད།།
མི་དག་དགའ་ན་འབུ་ལའང་བསྟོད།།
མ་དགའ་ཕ་མ་ཡིན་ཡང་དམོད།།
རང་ལུས་དལ་འབྱོར་རླབས་པོ་ཆེར།།
ཅུང་ཙམ་བསྟོད་ན་ཅིས་མི་འཚལ།།
༄།། ལེའུ་གཉིས་པ། སྲིད་སྐྱོང་།
རྔ་བ་རྒྱལ་ཁམས་པ།
རྒྱའི་མཚན་ཉིད་པ་ཆེན་མོ་ཁུང་ཙི།
༼ཚན་པ་ཉེར་བཞི༽
༼༡ ཁུང་ཙི་ན་རེ། སྲིད་དོན་ཀུན་སྤྱོད་ཀྱིས་སྐྱོང་བ་ནི་སྐར་མ་ཨ་བརྟན་གནས་ངེས་མེད་ཅན་དུ་ཡོད་པ་ལ་སྐར་མའི་ཚོགས་ཀྱིས་བསྐོར་བ་བཞིན་བྱའོ།། ༼བསྡུས་དོན༽ དཔེ་སྐར་མ་ཨ་བརྟན་སྐར་མའི་ཚོགས་ཀྱིས་བསྐོར་བ་དེས་དཔེ་ཅན་རྒྱལ་སྲིད་ཀུན་སྤྱོད་ཀྱིས་སྐྱོང་དགོས་པར་བསྟན་ཏོ།།
༼༢ ཁུང་ཙི་ན་རེ། སྙན་ངག་གཞུང་དུ་སྙན་ངག་ཁག་སུམ་བརྒྱ་ཡོད་ལ། ཚིག་གཅིག་ཏུ་བསྡུས་ན། ལྷག་བསམ་ཟོལ་མེད་དང་། ལོག་རྟོགས་མེད་པ་ཞེས་པ་དེ་རེད། ༼བསྡུས་དོན༽ཁུང་ཙིས༼སྙན་ངག་གི་གཞུང༽ཞེས་པ་དེའི་བརྗོད་དོན་བསྡུས་ཏེ་གསུངས་སོ།།
༼༣ ཁུང་ཙི་ན་རེ། མི་རྣམས་སྲིད་ཁྲིམས་ཀྱིས་སྐྱོང་བ་དང་། ཉེས་ཁྲིམས་ཀྱིས་གཅུན་ན་དེ་རྣམས་ཁྲིམས་ལ་བྱོལ་ཆེད་ངོ་ཚ་མེད་པར་འགྱུར་རོ།། མི་རྣམས་ཀུན་སྤྱོད་ཀྱིས་སྐྱོང་ཞིང་། གུས་ལུགས་ཀྱིས་གཅུན་ཚེ་དེ་རྣམས་ངོ་ཚ་དང་ལྡན་པ་མ་ཟད། སེམས་བག་ལྷོད་ཅིང་དུལ་བར་འགྱུར་རོ།། ༼བསྡུས་དོན༽ཁུང་ཙིས་མངའ་འབངས་ཉེས་ཁྲིམས་ལ་བརྟེན་ནས་སྐྱོང་བ་ལས་ཀུན་སྤྱོད་དང་གུས་ལུགས་ལ་བརྟེན་ནས་སློབ་གསོ་གཏོང་བ་བཟང་ཞེས་པའི་དོན་བསྟན།
༼༤ བདག་བཅོ་ལྔའི་སྟེང་དུ་བསླབ་པ་བརྩམས། སུམ་ཅུའི་སྐབས་སུ་བརྟན་པོར་ཚུགས། བཞི་བཅུར་བྱ་བར་མགོ་མི་ཐོམ། ལྔ་བཅུར་ལས་ཀྱི་རང་བཞིན་རྟོགས། དྲུག་ཅུར་སྐད་ཆའི་བདེན་བརྫུན་ཤེས། བདུན་ཅུར་གང་བསྒྲུབ་མི་འགལ་བའོ།། ༼བསྡུས་དོན༽ འདིར་ཁུང་ཙིས་རང་ཉིད་ཀྱིས་སློབ་སྦྱོང་བྱས་ཚུལ་དང་གནས་ལུགས་རྟོགས་ཚུལ་གསུངས།
༄།། འགག་རིའི་ཟླ་བ༼༡༽།
རྔ་བ་རྒྱལ་ཁམས་པ། ལི་པའེ། འོད་དཀར་ཅན་ནི་གནམ་གྱི་རི་བོ༼༢༽ལས།། སྤྲིན་གྱི་རྒྱ་མཚོའི་གསེབ་ཏུ་འཕྱོ་ཞིང་ཉུལ།། ལེ་དབར་ཁྲི་ཕྲག་བསྐྱོད་པའི་དྲིའི་ཤིང་རྟ༼༣༽།། ཡུས་མོན་༼༤༽འགག་ཏུ་གཡུགས་ཤིང་བརྒལ་བར་གྱུར།། ཧན་རྒྱལ༼༥༽པའེ་ཏིང་རི་བོའི་ལམ་དུ་བབ།། བོད་མིས་ཁྲི་ཤོར་རྒྱལ་མོར༼༦༽བྱ་ར་བྱེད།། འདི་ཀོ་སྔར་ནས་འཐབ་པའི་གཡུལ་ས་སྟེ།། གསོན་པོར་ཕྱིར་དུ་ལོག་པ་མཐོང་མ་བྱུང་།། མཐའ་སྲུང་བ་ཡིས་བས་མཐར་བལྟ་བཞིན་དུ།། ཕ་ཡུལ་དྲན་ཏེ་སྨིན་མ་ཀུན་གྱིས་བསྡུས།། དགའ་མ་གདུང་བས་མཚན་འདིར་ཐོག་ཁང་དུ།། སྐྱོ་བའི་ཤུགས་རིང་ནར་ནར་ཡང་ཡང་འབྱིན།། ༼༡…
གསར་བརྗེ་དང་རྙིང་ཞེན།
ཀླུ་སྨྱོན། དུས་རབས་ཀྱི་དཀྱོགས་མཚམས་ནས་ཁ་ཕྱོགས་གང་དུ་འཚོལ། —ཁ་བྱང་གི་འགྲེལ། གསར་བརྗེ་བས་རྙིང་ཞེན་པར་རྒོལ་དགོས་ལ། རྙིང་ཞེན་པས་གསར་བརྗེ་བར་རྒོལ་དགོས། དེ་གཉིས་ཀྱི་གཙུབ་བརྡར་ལས་འབར་བའི་མེ་ལྕེ་དེ་ཁོ་ནས། མི་རིགས་འདི་ད་གཟོད་ཐལ་བར་སྲེག་ཐུབ། མི་རིགས་འདི་གཞི་ནས་མེད་པ་བཟོ་ཐུབ།
གནམ་གྱི་མིག་ལམ་ན།
(དུས་ནི་མི་འགྱུར་མི་རྣམས་འགྱུར་བ་ཡིན།)
ཉི་མ་འཚོ།
“ཁྱེད་གཉིས་བཟའ་ཚང་ཡིན་པའི་དཔང་རྟགས་འདྲ་བསྟན་རྒྱུ་ཡོད་དམ།”
གཞུང་ཚབ་ཀྱི་ལས་བྱེད་དེའི་སྐད་ཆ་གོ་མ་ཐག བློ་བཟང་འཚབ་འཚུབ་ཏུ་གྱུར་བ་དང་ཟུར་མིག་གིས་ལས་བྱེད་དེར་ལྟ་བཞིན་རང་གི་སྲིང་མོའི་མ་ནེ་ལ་འཇུས་ནས་མཆུ་འདབ་སྦྱར། ལས་བྱེད་དེའི་ངོ་གདོང་ལས་ཡིད་ཆེས་སོང་བསམ་བསམ་གྱི་རྣམ་འགྱུར་གང་ཡང་མ་མངོན་པས། ཁོ་དེ་བས་འཚབ་འཚུབ་ཏུ་གྱུར་ནས་སྲིང་མོའི་མཆུ་ཏོ་ཤུགས་ཀྱིས་འཇིབ་འགོ་བརྩམས། བློ་ཡིད་ལས་འདས་པ་ཞིག་ལ་སྲིང་མོའི་ངོ་གདོང་དམར་ནག་ཏུ་གྱུར་ཏེ་ཕྱི་ལ་བྲོས་སོང་། སྐད་ཅིག་མའི་དུས་ཚོད་དེའི་ནང་ཁ་སང་རང་འགོ་བཙུགས་པ་ལྟ་བའི་བྱས་ཇུས་གང་མང་ཞིག་འཚང་ཁ་ཤིག་ཤིག་གིས་བློ་བཟང་གི་ཀླད་པ་རུ་འཛུལ་འོང་། “ཕུ་བོ་ཁྱེད་ཀྱིས་ང་ངེས་པར་དུ་ཨ་རི་ལ་ལེན་ཐབས་བྱོས།” “སེམས་ལ་བཟུང་ཡོད། གོ་སྐབས་ཡག་པོ་ཞིག་ལ་སྒུགས།” “གོ་སྐབས་དང་གོ་སྐབས་ཟེར་ནས་ང་རྒས་འགྲོ་གི་འདུག
སྐུལ་ཚིག་དམར་པོ།
གཙང་ཞོལ་བདེ་གསལ།
གངས་ལྗོང་ཧྲིལ་བོར་ས་ཁྱབ་རྡོ་ཁྱབ་དུ་སོང་ཡོད་པར་བསམ་པའི་ནང་བསྟན་ཆོས་ལུགས་བོད་ལ་དར་བ་ནས་བཟུང་རང་རེ་ཚོས་སྤྱན་རས་གཟིགས་ཀྱི་གདུལ་ཞིང་ཡིན་ཟེར་ནས། བྱམས་སྙིང་རྗེ་ཆེ་ཚུལ་དང་གཞན་ལ་འཚེ་བའི་ལས་མི་བྱེད་པར་བཤད་དེ། སྨོན་སེམས་ཀྱི་ཁ་གཡང་ཁྲོད་ནས་དུས་རབས་མང་པོ་བསྐྱལ་བཏང་པ་རེད། ཕྲུ་གུ་སྨྲ་ཤེས་པ་ཚུན་ཆད་ཀྱིས་མ་ཎི་འདོན་ཐུབ་པའི་གོམས་སྲོལ་ཞིག་རྒྱུན་འབྱམས་སུ་བསྐྱངས། ཀ་མད་སུམ་ཅུའི་མགོ་རྔ་མི་ཤེས་པའི་བོད་མི་མང་པོ་ཞིག་གིས་ཀྱང་སྲོག་གཅོད་ཡན་ན་སྡིག་གཞན་མེད་ཟེར་བའི་ཚིག་དུམ་བུ་དེ་ཁ་བྱང་རྣ་བྱང་ལ་མ་སོང་བ་མེད།
ངོ་མ། དེ་འདྲ་ཡིན་ན་གོང་གི་སྐད་ཆ་དེ་དག་གི་ལྡོག་ཕྱོགས་ཀྱི་ལས་ཀ་བྱེད་ཀྱི་ཡོད་མེད་ལ་བལྟ་དགོས་པ་ཞིག་རེད། ཆོས་ལུགས་གང་ཡིན་ཡང་དེའི་དོན་དག་ལག་ལེན་ལ་མ་ཐེབས་ན་ཚིག་སྐམ་པོ་སྐྱར་བཟློས་བྱས་པ་ཙམ་གྱིས་ཕན་བདེ་འབྱུང་དཀའ་བར་མ་ཟད། ཆོས་ལུགས་ཁ་ལ་ཁྱེར་ནས་གཡོ་སྒྱུའི་ལས་འདྲ་མིན་བརྩམས་ན་ཆོས་གཞུང་དང་འགལ་འགྲོ་ལ། ད་དུང་ཆོས་ལུགས་ལ་དམའ་འབེབ་ཀྱི་རྒྱུ་ཚབས་ཆེན་ཞིག་ཀྱང་བསགས་པ་རེད།
དེབ་གསར་བ་འདི་རེད། ཀློག་འདོད་ཡོད་ན་གཅིག་ཉོས།
དཀའ་སྤྱད་སྡུག་རུས་ཀྱིས་གྲུབ་པའི་དེབ་འདི་ཀློག་འདོད་ཡོད་མཁན་ཚོ། དེབ་འདི་དཔར་བསྐྲུན་ཟིན་ཡོད། ཉོ་འདོད་ཡོད་ན་རྡོར་གདན་གྱི་དུས་དབང་སྐབས་དང་། དེ་རྗེས་སུ་རྡ་སར་བཙོང་རྒྱུ་ཡོད། སྡེབ་ཉོ་བྱེད་མཁན་ཡོད་ན། བརྒྱ་ཆ་སུམ་བཅུ་ཁེ་བ་ཡོད། གཅིག་རེ་གཉིས་རེ་ཉོ་མཁན་ཡིན་ན། དེབ་གཅིག་ལ་ཧིན་སྒོར་ཉིས་བརྒྱ་ཡིན། ཤོག་གྲངས་དྲུག་བརྒྱ་ལྔ་བཅུ་ཡོད།
རིན་ཆེན་དང་པོའི་ལང་ཚོ་དཔལ་གྱིས་བརྗིད།
གཉའ་བློ་གྲོས་རྒྱལ་མཚན།
————————-
བགྲང་བྱ་སུམ་ཅུའི་ཡར་སྔོན་དུ་གཟིགས་རྒྱང་རིང་ཞིང་མཁྱེན་རྒྱ་ཡངས་པའི་པར་་་་་སྐྲུན་མཁས་པ་འགས་ཐུགས་བཀོད་རྒྱ་ཆེན་པོ་མཛད་པ་ལ་བརྟེན་ནས་དགེ་བའི་སྨོན་ལམ་་་གྱིས་ཀུན་ནས་ཁྱོགས་པའི་མིང་ཅན་གྱི་དུས་དེབ《སྦྲང་ཆར》གསར་དུ་སྤེལ་པ་དང་། དེ་ཡང་གྲུ་ཆར་སྙོམས་པོར་བབས་པས་ས་གཞིར་ཡིད་དབང་འཕྲོག་པའི་ལྗང་མྱུག་རྒྱས་པ་ནང་བཞིན་འཁྲུངས་མ་ཁད་ཀྱི་དུས་དེབ་དེས་རང་གི་ཕྱིའི་མཛེས་རྩལ་རྣམ་པ་དང་ནང་ལེ་ཚན་གྱི་བཀོད་སྒྲིག་ལེགས་པ་ལ་བརྟེན་ནས་ཀློག་པ་པོ་རྣམས་ཀྱི་དེ་འཐོབ་འདོད་ཀློག་འདོད་ཀྱི་སྤྲོ་བ་ཀུན་ནས་བཏེགས་པར་གྱུར་ལ། རྩོམ་སྒྲིག་ཞུ་དག་གི་སྤུས་ཀ་ཤིན་ཏུ་ལེགས་པའི་རྩོམ་ཡིག་རྣམས་བཀླགས་པས་སྔ་ན་མེད་པའི་རིག་རྩལ་གྱི་དཔལ་ཡོན་ཞིག་མྱངས་སོང་བའི་སྣང་བ་ཞིག་གིས་ཡིད་ཀྱི་ནམ་མཁའ་གང་བར་གྱུར། དེ་ནས་བཟུང་རྩལ་ཤུགས་རྫོགས་པའི་རྩོམ་པ་པོ་རྣམས་ལ་ལེགས་རྩོམ་དགོད་སའི་གཞི་ཞིག་ཡོད་པར་གྱུར་པ་དང་། མྱོང་རོལ་གྱི་ཆུ་ཚད་མཐོ་བའི་ཀློག་པ་པོ་རྣམས་ལ་རིག་པའི་དཔལ་དང་སྒྱུ་རྩལ་གྱི་བྲོ་བ་མྱང་སའི་དུས་དེབ་ཀྱི་དགའ་ཚལ་ཞིག་ཡོད་སོང་བ་ཡིན་ནོ། །
ང་རང་མི་དགའ་བའི་ཨ་རི་དང་ནུབ་ཕྱོགས་ཀྱི་དུས་ཆེན་སྲུང་རྩི་བྱེད་སྟངས་གཉིས།
ཀླུ་སྨྱོན།
དེ་རིང་ནི་ཁོ་བོ་ཨ་རིར་འབྱོར་ནས་ལོ་ངོ་བཅུ་འཁོར་བའི་ཉིན་མོ་ཡིན་ཞིང་། ཉིན་མོ་འདིར་ཨ་རིའི་རིག་གཞུང་སྣ་མང་གི་ཁྲོད་དུ་ཁོ་བོ་དགའ་མོས་ཡོད་པ་མང་པོ་ཞིག་ཡོད་པ་དག་རེ་ཞིག་ཟུར་དུ་བཞག་སྟེ། རིག་གཞུང་འདི་དག་གི་ཁྲོད་དུ་ཁོ་བོས་ངོས་ལེན་བྱེད་མི་ཐུབ་པ་ཁག་ཅིག་ཡོད་པའི་ཁྲོད་ནས་རང་རེས་སྣང་ཆུང་བྱེད་མི་རུང་བའི་དོན་གནད་གཉིས་བརྗོད་རྒྱུ་ཡིན།
དང་པོ་དེ་ནི་ཨ་རིའི་ཐུགས་རྗེ་ལེགས་འབུལ་གྱི་དུས་ཆེན་སྲུང་རྩི་བྱེད་སྐབས། མི་ཚང་ཕལ་མོ་ཆེས་ཁྲིར་ཁེ་ཞེས་པའི་བྱ་ཆེན་དེའི་ཤ་ཁོག་བཟའ་དགོས་པ་དེ་ཡིན་ཞིང་། ལོ་རེ་རེ་བཞིན་དུས་ཆེན་འདིའི་སྐབས་སུ་བྱ་ཆེན་དེ་འདྲ་བྱེ་བ་ཁ་ཤས་བསད་དེ་བཟའ་དགོས་པ་འདི་ནི་ཞིབ་ཏུ་བསམས་ན་ཅུང་འཇིགས་སྐྲག་སྐྱེ་དགོས་པ་ཞིག་ཡིན་པ་དང་། གལ་སྲིད་ལོ་གཅིག་གི་དུས་ཆེན་སྲུང་རྩིའི་སྐབས་སུ་བསད་པའི་བྱ་ཆེན་དེ་དག་ཁྲོམ་རར་མ་བཀྲམ་གོང་ཕྱོགས་གཅིག་ཏུ་སྤུངས་པ་ཡིན་ན་རི་ཆེན་པོ་ཞིག་གི་ཚད་དུ་ལོངས་པ་ཞིག་ཡོད་ངེས་ཤིང་། འདི་ལྟར་འགྲོ་བ་མིའི་རིགས་ཀྱིས་ཕན་ཚུན་ལ་ཐུགས་རྗེ་ལེགས་འབུལ་གྱི་དུས་ཆེན་སྲུང་རྩི་བྱེད་ཆེད། ཉེས་མེད་སྲོག་ཆགས་བྱེ་བ་མང་པོ་དམར་གསོད་བཏང་སྟེ་རྒྱས་བཟའ་རྒྱས་འཐུང་བྱེད་པ་འདི་ནི་གཞན་གྱི་ཚེ་སྲོག་ལ་རྩི་འཇོག་བྱེད་མཁན་ཞིག་གི་ངོས་ནས་དང་ལེན་བྱེད་མི་ཐུབ་པ་ཞིག་རེད་ཨང་།
དེ་ལས་མང་བ་། “ང་རང་མི་དགའ་བའི་ཨ་རི་དང་ནུབ་ཕྱོགས་ཀྱི་དུས་ཆེན་སྲུང་རྩི་བྱེད་སྟངས་གཉིས།” »
གཞོན་ནུའི་དྭང་བླངས་ཞབས་ཞུ་དང་འགྲུལ་འཁོར་རིན་གོང་།
ཏྲེ་ཧོར་ཐུབ་བསྟན།
བོད་ནས་གསར་ཏུ་དུས་དབང་ལ་ཆེད་དུ་བཅར་བའི་རང་རིགས་སེར་སྐྱ་ཕོ་མོ་རྒན་གཞོན་ཁྲི་ཚོར་བརྒལ་བ་རྡོ་གདན་དུ་འཛོམས་བཞིན་པའི་དུས་སྐབས་འདིར། བཙན་བྱོལ་སྤྱི་ཚོགས་ནང་དུའང་ཞབས་ཞུའི་ལས་འགུལ་འདྲ་མིན་ཚ་ཚ་འུར་འུར་ངང་སྤེལ་བཞིན་ཡོད་ཅིང་། ལྷག་པར་དུ་བོད་ནས་གསར་དུ་ཕེབས་པ་རྣམས་ལ་ཆེད་དུ་དམིགས་ཏེ་“འགྲིམ་འགྲུལ་སྟབས་ བདེའི”་ཞབས་ཞུ་སྒྲུབ་བཞིན་པ་འདི་ནི་ཁ་ཚ་དགོས་གཏུགས་ཀྱི་དོན་ཕན་ལྡན་པའི་ལས་འགུལ་ཞིག་རེད། ཡིན་ནའང་། རིན་མེད་སྤྱི་ཚོགས་ཞབས་ཞུ་ཞེས་མིང་སྙན་པོ་ཞིག་གི་འོག་སོ་སོའི་ཁེ་སྤོག་མི་ ཉུང་བ་རེ་ཡང་ཟ་བཞིན་འདུག
དེ་ལས་མང་བ་། “གཞོན་ནུའི་དྭང་བླངས་ཞབས་ཞུ་དང་འགྲུལ་འཁོར་རིན་གོང་།” »
དེབ་གསར་འཚམས་སྦྱོར།
གསར་འགོད་པ་རྡོ་རྗེ་ཚེ་རིང་གིས།
རྩོམ་པ་པོ་གངས་དཀར་རྒྱལ་སྲས་ལགས་ནི་བོད་མདོ་སྨད་ཕྱོགས་ཀྱི་འབྲོག་ཐང་ཞིག་ནས་སྐྱེས་ཤིང་ཆུང་དུས་ནས་སློབ་གྲྭ་ཆེ་འབྲིང་ཆུང་གསུམ་རིམ་བརྒྱུད་ཀྱིས་རང་ཉིད་ཀྱི་འདུན་པར་འོད་སྟོང་བསྐྲུན། སྤྱི་ལོ་༢༠༠༠ལོར་འདི་ག་རྒྱ་གར་དུ་འབྱོར་ནས་དབྱིན་ཇི་ཡི་གེར་བག་ཆགས་མི་དམན་པ་བཞག་པ་མ་ཟད་༢༠༠༥ལོར་སྙན་ངག་དེབ་༼ང་དང་སྤྱི་ཚོགས་ཀྱི་སྟོང་ཆ་༽དང་བསྒྱུར་དེབ་༼རཱོ་པེན་སན་ཁུ་རོ་སི Robinsoun Crusoe༽ཞེས་པའི་དེབ་གཉིས་སྤྱི་ཚོགས་སུ་བཀྲམས་ཤིང་དེབ་རྗེས་མར་དགའ་བསུ་བླ་ལྷག་ཐོབ།
༄།། བོད་སྐད་ཡིག་གི་ལས་དབང་གླེང་བ།
རྔ་བ་རྒྱལ་ཁམས་པ།
སྐད་ཡིག་གི་མཚན་ཉིད་རིག་པ།
སྤྱིར་སྐད་ཡིག་ནི་འགྲོ་བ་མིའི་རིགས་ཀྱི་གྲུབ་ཆ་གཙོ་བོ་གསུམ་གྱི་ནང་ཚན། ལུས་ངག་ཡིད་གསུམ་ལས་ངག་གི་ཆར་གཏོགས་སུ་འཇོག་དགོས། ངག་ཅེས་པ་ནི་སྐྱེས་བུའི་སེམས་ཚོར་ལས་བྱུང་བའི་སྨྲ་བརྗོད་ཀྱི་སྒྲའི་རྣམ་འགྱུར་ཙམ་ཞིག་ཡིན། ཡི་གེ་ནི་སྒྲའི་རྣམ་པ་དེ་མཚོན་བྱེད་ཀྱི་བརྡ་རྟགས་རི་མོའི་རྣམ་པ་ཞིག་རེད། གསལ་བོར་བཤད་ན། སྐད་དེ་སྒྲ་དང་། ཡི་གེ་ནི་དེའི་མཚོན་རྟགས་གཟུགས་རིས་ཤིག་རེད། ང་ཚོས་སྐད་ཡིག་གི་རིག་པའི་གཞུང་ལུགས་དག་ལ་འཁྱུགས་ཙམ་ཞིག་བལྟས་པ་ཡིན་ན། འགྲོ་བ་མིའི་གྲུབ་ཆ་གཙོ་བོ་གསུམ་ལས། སེམས་སྔོན་དུ་གྲུབ་ཅིང་། ལུས་ངག་གཉིས་དེའི་རྗེས་སུ་གྲུབ་པ་ཞིག་རེད། ལྷག་པར་སྐད་དང་ཡི་གེ་གཉིས་ཀ་འགྲོ་བ་མིའི་རིགས་དང་། དེ་གང་ལ་བརྟེན་ཡུལ་གྱི་རང་བྱུང་ཁོར་ཡུག་གཉིས། ལོ་བར་ཁྲི་སྟོང་མང་བོའི་རིང་ཕན་ཚུན་གཤིབ་བསྡུར་གྱིས་འཚོ་གནས་ཉམས་མྱོང་། སྐྱེ་འཆི་ཉམས་མྱོང་། སྣང་གནས་ཉམས་མྱོང་། བདེ་སྡུག་ཉམས་མྱོང་སོགས། ཡུལ་ཅན་སེམས་ཀྱིས་ཡུལ་ལ་བློ་སྦྱོང་བྱས་པའི་ལྟ་སྟངས་སྣ་ཚོགས། མིང་བརྡ་ཐ་སྙད་སོགས་ངག་གི་སྨྲ་བརྗོད་ཀྱི་ལམ་ནས་རྗོད་པ་ནི་སྐད་དང་། ཡི་གེ་ནི་དེའི་ཚབ་མཚོན་རི་མོའི་ལམ་ནས་སྤེལ་བ་ཞིག་རེད། དེའང་ཡི་གེ་ཞེས་པ་སྒྲ་རུ་འདོད་པ་དང་། གཟུགས་སུ་འདོད་པ། ཤེས་པར་འདོད་པ་སོགས། འདོད་ཚུལ་མ་འདྲ་བ་སྣ་ཚོགས་ཡོད། ནང་བའི་རྒྱུད་ཀྱི་ཕུན་ཚོགས་ལྔའི་གླེང་གཞིའི་སྐབས། སྟོན་པ་སྐུ་ལྔས་འཁོར་ལྔ་ལ་གསུང་ལྔའི་སྒོ་ནས་ཆོས་ཉིད་ཀྱི་དོན་མངོན་སུམ་་དུ་སྟོན་པ་ལྟ་བུ་དང་། དེ་བཞིན་གཞི་དོན་དམ་པ་ཡི་དང་། ཀུན་རྫོབ་པའི་རིག་པ་གེ བདེན་གཉིས་དབྱེར་མེད་པའི་ལྷན་སྐྱེས་ཀྱི་ཡེ་ཤེས་ལ་ཡི་གེ་ཞེས་པའི་བརྡ་ཙམ་གྱིས་སྨྲ་བསམ་བརྗོད་འདས་ཀྱི་ཆོས་འཁོར་བསྐོར་བ་ལྟ་བུ། དེ་བཞིན་བླ་སློབ་ཚད་ལྡན་ཚོས་ཕན་ཚུན་དགོངས་པ་གཏད་ཙམ་གྱིས་དོན་རྒྱུད་ཀྱི་ཡེ་ཤེས་རང་རྒྱུད་ལ་སྐྱེ་བ་ལྟ་བུ། སྒྲ་རང་མཚན་པ་ལས་འདས་པའི་ཡིག་འགྲུལ་འདི་ལྟ་བུ་ལ་བློ་རིག་གི་ཆར་གཏོགས་པའི་ཡི་གེ་ཞེས་བརྗོད་ན་འོས་པར་འདོད།
ལུས་ཕ་ཡུལ་དང་ཁ་བྲལ་ཡང་། ངག་ཕ་སྐད་དང་ཁ་མ་བྲལ།
བོད་སྐད་ལྷན་ཚོགས་ཀྱིས།
སྤྱིར་སྐད་ཡིག་གང་ཞིག་ཡིན་ཡང་མི་རིགས་དེའི་བླ་སྲོག་ཡིན་པ་ནི། འཛམ་གླིང་གི་མི་རིགས་དང་སྐད་ཡིག་ཞིབ་འཇུག་ཆེད་ལས་མཁས་པ་རྣམས་ཀྱིས་ལོ་རྒྱུས་དབྱེ་ཞིབ་ལས་ངེས་པ་རྙེད་དེ་སྡོམ་ཚིག་གཅིག་རྗེས་གཉིས་མཐུད་དུ་བཀོད་ཡོད། མི་རིགས་དེའི་སྲིད་འབྱོར་རིག་གསུམ་གྱིས་མཚོན་པའི་ཕྱོགས་ཡོངས་ཀྱི་སྤྱི་ཚོགས་འཕེལ་རྒྱས་དང་འཛིན་སྐྱོང་གི་ལག་ཆ་གཙོ་བོ་ཡིན། དེས་ན། སྤྱི་ཚོགས་འཕེལ་རྒྱས་སུ་སོང་བ་དང་བསྟུན་ནས། བོད་མི་རིགས་ལ་མཚོན་ནའང་སྲིད་འབྱོར་རིག་གསུམ་སོགས་གང་ཅིའི་ཐད་ནས་ཐུན་མོང་མ་ཡིན་པའི་འཕེལ་རྒྱས་སུ་འགྲོ་བཞིན་ཡོད་མོད།
དེ་ལས་མང་བ་། “ལུས་ཕ་ཡུལ་དང་ཁ་བྲལ་ཡང་། ངག་ཕ་སྐད་དང་ཁ་མ་བྲལ།” »
ཞི་བདེའི་གཟེངས་རྟགས་ཉིན་གྱི་བོད་སྐད་ལྷན་ཚོགས་ཀྱི་ལས་འགུལ་ཁག
འདི་ལོའི་ནོ་བྷེལ་ཞི་བདེའི་གཟེངས་རྟགས་ཉིན་བོད་སྐད་ལྷན་ཚོགས་ཀྱིས་གོ་སྒྲིག་འོག ས་གནས་ཁག་ ༦ ནང་བོད་ཀྱི་སྐད་ཡིག་གི་སྐོར་ལ་ཡིག་ཆ་འགྲེམ་སྤེལ་དང་མཚན་རྟགས་བསྡུ་རུབ། འཕྲེད་དར་འཕྱར་བ། གཏམ་བཤད་བྱེད་པ་བཅས་ཀྱི་ལས་འགུལ་ཁག་ཅིག་སྤེལ་བ་གཤམ་གསལ་ལྟར་ཡིན། ༡ ཉིན་དེར་བྷེལ་རྗེམ་ནས་ “སྐད་ཡིག་ནི་མི་རིགས་ཀྱི་ཚེ་སྲོག་ཡིན་པས་ང་ཚོས་སྲུང་སྐྱོབ་བྱེད་དགོས།” ཞེས་པའི་འཕྲེད་དར་ཕྱར་བ་དང་བོད་སྐད་ལྷན་ཚོགས་ཀྱི་ཚོགས་གཙོ་དམ་ཆོས་བསམ་འཕེལ་ལགས་སུ་བྷེལ་རྗེམ་བོད་རིགས་ཚོགས་པས་གཏམ་བཤད་ཀྱི་གོ་སྐབས་གནང་བ་ལྟར། ཁོང་གིས་ “མི་རིགས་ཤིག་གི་དར་རྒུད་ནི་མི་རིགས་དེའི་སྐད་ཡིག་དར་རྒུད་ཀྱི་སོ་མཚམས་ཉག་གཅིག་པུར་ལྟ་དགོས་པས། མི་རིགས་ཀྱི་རྩ་དོན་དང་། མི་རིགས་ཀྱི་འཐབ་རྩོད། མི་རིགས་ཀྱི་མདུན་སྐྱོད་བཅས་ནི་མཐར་གཏུག་ན་སྐད་ཡིག་གི་རྩ་དོན་དང་། འཐབ་རྩོད། མདུན་སྐྱོད་བཅས་ལ་རག་ལས་པ་ཡོད།” ཅེས་གཏམ་བཤད་གནང་བ་དང་། འབོད་སྐུལ་གྱི་ཡིག་ཆ་བཀྲམ། དེའི་རྗེས་མི་སྣ་ ༡༢༨ ཙམ་གྱིས་ད་ནས་བཟུང་བོད་སྐད་གཙང་མ་བཤད་རྒྱུར་འབད་བརྩོན་བྱ་རྒྱུ་ཡིན་པའི་མཚན་རྟགས་བསྐྱོན།
དེ་ལས་མང་བ་། “ཞི་བདེའི་གཟེངས་རྟགས་ཉིན་གྱི་བོད་སྐད་ལྷན་ཚོགས་ཀྱི་ལས་འགུལ་ཁག” »
མེ་ལྕེ། མེ་ལྕེ། མེ་ལྕེ།
མིང་མཛོད་རྩོམ་སྒྲིག་སྐོར་གྱི་བསམ་གཞིག་དུམ་བུ་འགའ།
གཉའ་བློ་གྲོས་རྒྱལ་མཚན།
___________
ནང་དོན་གནད་བསྡུས།
བོད་ཡིག་གསར་སློབ་པ་དང་། བོད་ཡིག་བྱ་བ་ལས་མཁན་གྱི་ལས་དང་པོ་བ་རྣམས་ལ་མཚོན་ན་ཧ་ཅང་རན་པའི་དག་ཡིག་གམ་མིང་མཛོད་མོད་པོ་ཞིག་མེད་ནའང་སྤྱིར་བཏང་གི་མཁོ་བ་སྐོང་བྱེད་ཀྱི་དག་ཡིག་མི་ཉུང་ཞིག་ཡོད་པ་ཀུན་ལ་གསལ། དཔེར་ན‹‹དག་ཡིག་གསར་བསྒྲིགས››ལྟ་བུས་མཚོན། དེ་བཞིན་བོད་ཀྱི་མཐོ་རིམ་ཡོན་ཏན་པའི་སྡེ་ལ་ཤིན་ཏུ་རན་པའི་མིང་མཛོད་མེད་དེ། ‹‹བོད་རྒྱ་ཚིག་མཛོད་ཆེན་མོ››ལྟ་བུས་ཀྱང་རིག་ཚན་སོ་སོའི་དགོས་མཁོ་ཡོངས་སུ་སྐོང་ནུས་ལྟ་ཅི། ཐ་ན་སྐད་ཡིག་དང་རྩོམ་རིག་ཐད་ཀྱི་དགོས་མཁོ་ཀུན་ནས་ཚིམ་པ་ཞིག་ཀྱང་ཡོང་གི་མེད། དེ་ལྟ་བས་ན་རིག་ཚན་སོ་སོའི་ཆེད་ལས་མིང་མཛོད་རྩོམ་སྒྲིག་བྱ་རྒྱུ་གལ་ཆེ་ལ། ཐ་སྙད་རྣམས་ཚད་ལྡན་དང་གཅིག་གྱུར་ཡིན་པ་དང་། རྩོམ་སྟངས་སྒྲིག་ཚུལ་ནི་དེང་རབས་དང་ཚན་རིག་ལ་མཐུན་པའི་སྤྱིར་བཏང་མིང་མཛོད་ལེགས་པོ་རེ་རྩོམ་སྒྲིག་བྱ་རྒྱུ་ནི་དེ་བས་ཀྱང་གལ་ཆེན་ཡིན་པར་སྙམ།
རྩོམ་ཚུལ་སྒྲིག་སྟངས་ནི། སྤྱིར་བཏང་གི་དགོས་མཁོ་སྐོང་ཆེད་ཐ་སྙད་ཀྱི་གྲངས་ཀ་མང་ཉུང་ཤིན་ཏུ་རན་པ་ཞིག་གལ་ཆེ་ལ། གཙོ་བོར་རིག་ཚན་ཀུན་ལ་སྤྱི་མཁོ་རྒྱུན་འཁོལ་གྱི་ཐ་སྙད་རྣམས་ལ་འདང་རྒྱག་དགོས། ཚད་ལྡན་གཅིག་གྱུར་ཡིན་པས་བོད་ལྗོངས་ཀུན་ལ་རྒྱུགས་ཆེ་ཞིང་ཐམས་ཅད་ཀྱིས་ཁས་ལེན་པ། འཚོལ་བདེ་རྙེད་སླ་ཡིན་པས་ཀློག་པ་པོར་ཚེགས་མེད་པ། མཚན་ཉིད་དམ་གོ་དོན་བཀོད་པ་ཧ་ཅང་ཐིག་པོ་དང་གསལ་པོར་ཡོད་པས་རྟོགས་སླ་ཤེས་སྐྱེན་ཡིན་པ། ཐ་སྙད་ཀྱི་རང་བཞིན་ནམ་རིགས་དབྱེ་གསལ་བས་སྤྱོད་པ་པོས་ཐ་སྙད་རྣམས་རང་རང་གི་སྤྱད་ཡུལ་དུ་ཐིག་པོར་སྤྱོད་ནུས་པ། མདོར་ན་དེང་གི་སྐད་རིགས་གཞན་གྱི་མིང་མཛོད་ལེཊ་པོ་རྣམས་ལ་དཔེ་བལྟས་ནས་རྩོམ་སྟངས་སྒྲིག་ཚུལ་གྱི་ལེགས་ཆ་རྣམས་ཡོངས་སུ་འཛོམས་ཤིང་ཚན་རིག་དང་མཐུན་པའི་དེང་རབས་བོད་ཀྱི་སྐད་ཡིག་གི་མིང་མཛོད་ཅིག་བསྒྲིགས་ནས་བསྐྲུན་རྒྱུ་ནི་ཧ་ཅང་དགོས་ངེས་དང་གལ་ཆེན་ཡིན་པར་སྙམ་མོ། །
དེ་ལས་མང་བ་། “མིང་མཛོད་རྩོམ་སྒྲིག་སྐོར་གྱི་བསམ་གཞིག་དུམ་བུ་འགའ།” »
ཡི་དྭགས་ཀྱི་འཇིག་རྟེན་ནས་རྒྱས་བཟའ་རྒྱས་འཐུང་བྱས་པ།
ཀླུ་སྨྱོན་ཧེ་རུ་ཀ
ཨ་རིར་འབྱོར་ནས་ལོ་མང་སོང་བ་དང་། །
ཕན་མི་ཐོགས་པའི་ངོ་ཤེས་འགའ་ཡང་ཡོད། །
ད་ནི་སྒྲོ་ལོར་ལྗང་ཁུ་གསོག་དུས་འདིར། །
སོས་དལ་སྐྱིད་ཉལ་བྱེད་མཁན་ཁོ་བོ་ཙམ། །
སྐྱེ་བོ་འདོད་ལྡན་ངན་པ་ཁ་ཅིག་ནི། །
ཉི་མ་ཉིན་གང་ལས་ཀྱིས་ཡོངས་དུབ་ཅིང་། །
ཕྱི་དྲོར་ནང་དུ་ལོག་ནས་ཆད་པའི་ལུས། །
རོ་དང་འདྲ་བར་ཉལ་བར་བྱེད་ཅེས་གསུངས། །*
དེ་ལས་མང་བ་། “ཡི་དྭགས་ཀྱི་འཇིག་རྟེན་ནས་རྒྱས་བཟའ་རྒྱས་འཐུང་བྱས་པ།” »
བོད་ཀྱི་སྤྱི་སྐད་གཏན་འབེབས་བྱ་རྒྱུའི་ཐད་ལ་བཏོན་པའི་བསམ་ཚུལ་འགའ།
གཉའ་བློ་གྲོས་རྒྱལ་མཚན།
—————–
ནང་དོན་གནད་བསྡུས།
མི་རིགས་ཤིག་ལ་ཐུན་མོང་དུ་སྤྱོད་པའི་སྐད་དང་ཡི་གེ་མེད་ན། མི་རིགས་དེའི་ས་ཁུལ་ཁག་གི་བར་དུ་ཕན་ཚུན་འགྲོ་འོང་གིས་འབྲེལ་འདྲིས་འབྱུང་བ་དང་། སྐད་ཆའི་བརྡ་ལེགས་པར་འཕྲོད་ནས་བསམ་བློ་བརྗེ་རེས་ཀྱི་དམིགས་ཡུལ་མངོན་འགྱུར་ཡོང་བའི་གེགས་སུ་འགྱུར་བས། མེད་ན་ལེགས་པར་གཏན་འཁེལ་བྱེད་དགོས་ལ། ཡོད་ཚེ་སྤྱི་སྐད་དེ་ཇེ་རྒྱས་ཇེ་ལེགས་སུ་གཏོང་དགོས། མི་རིགས་གཅིག་གི་ཁོངས་མི་ཡིན་ཀྱང་སྐད་མི་འདྲེ་ཚེ་གན་དུ་གནས་ཀྱང་སེམས་སུ་བར་ཐག་རིང་བའི་འདུ་ཤེས་འབྱུང་བ་དང་། མི་རིགས་ཁ་ཁ་ཡིན་ཀྱང་སྐད་འདྲེས་ན་ངང་གིས་བར་ཐག་ཉེ་བའི་འདུ་ཤེས་འབྱུང་བ་ནི་ཀུན་ལ་ཐུན་སྣང་དུ་གྲུབ་པ་ཡིན་པས་སྨོས་ཅི་འཚལ། སྤྱི་སྐད་ཡོད་ན་དགེ་མཚན་བརྗོད་མི་ལང་ཞིང་། དེ་མེད་ན་གནོད་པ་ཤིན་ཏུ་ཆེ།
དེ་ལས་མང་བ་། “བོད་ཀྱི་སྤྱི་སྐད་གཏན་འབེབས་བྱ་རྒྱུའི་ཐད་ལ་བཏོན་པའི་བསམ་ཚུལ་འགའ།” »
