རྒྱལ་ཚོགས་ཀྱི་བཟའ་ཆའི་ཐོབ་ཐང་རྟོག་ཞིབ་ཚོགས་ཆུང་གི་སྐུ་ཚབ་ཨོ་ལི་ཝི་ཡར་ཌེ་ཤུ་ཀུཊ་ཊར་(Olivier De Schutter)མཆོག་གི་མཚན་ཐོག་ནས་ཕྱི་ལོ་ ༢༠༡༢ ཟླ་ ༡ ཚེས་ ༣༡ ཉིན་སྙན་ཐོ་ཞིག་འདོན་སྤེལ་གནང་བའི་ནང་འཁོད་དོན།
རྒྱ་ནག་གཞུང་གིས་ལོ་ངོ་སྟོང་ཕྲག་མང་པོའི་རིང་ནས་འབྲོག་པའི་འཚོ་བ་སྐྱེལ་བཞིན་པའི་བོད་ཀྱི་འབྲོག་པ་རྣམས་རང་ཉིད་ཀྱིས་རྒྱུས་མངའ་ཡོད་པའི་འཚོ་རྟེན་དང་ས་གནས་བཞག་སྟེ་ཁོང་ཚོར་གཏན་འཇགས་སྡོད་ཁང་གསར་རྒྱག་བྱས་ཏེ་དེར་བཙན་ཐབས་ཀྱིས་གནས་སྤོ་བྱ་རྒྱུའི་སྲིད་བྱུས་ལག་བསྟར་བྱེད་བཞིན་ཡོད། བོད་མི་འབྲོག་པ་རྣམས་ཀྱིས་རྒྱུས་མངའ་མེད་པའི་འཚོ་བའི་རྟེན་གཞི་གསར་པ་དེ་བཞིན་ལག་བསྟར་བྱ་རྒྱུ་འཕྲལ་མར་མཚམས་འཇོག་བྱེད་དགོས་པའམ། ཡང་ན་རྒྱ་ནག་གཞུང་གིས་འབྲེལ་ཡོད་འབྲོག་པ་ཚོ་དང་ལྷན་གནས་སྤོ་བྱ་འདོད་ཡོད་མེད་གོ་བསྡུར་བྱས་ཏེ་འབྲོག་པ་ཚོའི་མངོན་འདོད་དང་མཚམས་པའི་སྲིད་བྱུས་ཐག་གཅོད་བྱེད་དགོས་པ་ལས་བཙན་དབང་ཐོག་ནས་གནས་སྤོ་བྱེད་བཅུག་ན། འབྲོག་པ་ཚོར་འཚོ་རྟེན་དང་སེམས་ལ་དཀའ་ངལ་ཆེན་པོ་འཕྲད་རྒྱུ་མ་ཟད།

དེ་ལས་མང་བ་། “བཙན་ཐབས་ཀྱིས་འབྲོག་པ་གནས་སྤོ་བྱ་རྒྱུའི་སྲིད་བྱུས་མཚམས་འཇོག་དགོས།” »

རྩོམ་སྒྲིག་པའི་གཏམ། ༢༠༡༡ལོའི་ཟླ་༡༢ཚེས་༩ཉིན། འཇར་མན་གྱི་《ཧྥ་ལན་ཁེ་ཧྥུ་》ཚགས་པར་ཁང་གིས་འཇར་མན་ལ་འཚམས་འདྲི་བྱེད་བཞིན་པའི་ཀྲུང་གོའི་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲུང་གཞོན་པ་ཀྲུའུ་ཝེ་ཆུན་ལ་བཅར་འདྲི་བྱས་ཤིང་། ༢༠༡༢ལོའི་ཟླ་༡ཚེས་༢༥ཉིན་ཁ་བྱང་ལ་《ཏཱ་ལའི་བླ་མར་འཚེ་མེད་ཞི་བའི་མིང་འདོགས་པ་ནི་དགོད་གཏམ་ཁོ་ན་ཙམ་རེད་》ཅེས་པའི་རྩོམ་ཡིག་སྤེལ་ནས་བཅར་འདྲི་དེའི་སྐོར་བཀོད་ཡོད་ལ། རྩོམ་ཡིག་ཧྲིལ་བོ་གཤམ་གསལ་ལྟར།

ཀྲུའུ་ཝེ་ཆུན་གྱིས་འདི་ལྟར། རྒྱ་རིགས་དང་བོད་རིགས་བར་ལ་ཡང་བསྐྱར་འགལ་བ་བྱུང་ཞིང་། ངོ་རྒོལ་བྱེད་སྒོའི་ནང་མི་འགའ་ཤས་ཀྱི་སྲོག་ཤོར་ཡོད་པ་འདྲ། ཏཱ་ལའི་བླ་མས་དུས་རྒྱུན་རིགས་རྒྱུད་རྩ་མེད་དུ་གཏོང་བའི་སྐོར་འུད་སྒྲོག་བྱེད་ཀྱི་ཡོད་པ་རེད་ཅེས་བཤད་བྱུང་།

ཏཱ་ལའི་བླ་མས་འདི་སྐད། བོད་ལྗོངས་སུ་ཡང་བསྐྱར་རང་ལུས་མེར་སྲེག་གཏོང་བའི་དོན་རྐྱེན་བྱུང་ཡོད་ལ། བཙན་བྱོལ་བོད་གཞུང་གིས་སྤེལ་བའི་གནས་ཚུལ་ལྟར་ན། ལོ་གཅིག་ཀྱང་མ་འགོར་བའི་དུས་ཡུན་ནང་རང་ལུས་མེར་སྲེག་གཏོང་བའི་དོན་རྐྱེན་༡༥བྱུང་ཞིང་། དེ་ནི་ཁོང་ཚོ་འུ་ཐུག་ཐབས་ཟད་ཀྱི་གནས་སུ་གྱར་བའི་མཚོན་པ་དང་། བོད་མི་རྣམས་ཀྱིས་ཐབས་ལམ་འདི་ལ་བརྟེན་ནས་མི་རྣམས་ཀྱིས་ཁོང་ཚོར་དོ་སྣང་དང་། ས་དེ་དག་གི་དགོན་པར་དྲག་གནོན་ཐེབས་པའི་གནས་ཚུལ་ལ་དོ་སྣང་བྱེད་པའི་རེ་བ་བྱེད་བཞིན་པ་རེད་ཅེས་བརྗོད།

དེ་ལས་མང་བ་། “ཏཱ་ལའི་བླ་མར་འཚེ་མེད་ཞི་བའི་མིང་འདོགས་པ་ནི་དགོད་གཏམ་ཁོ་ན་ཙམ་རེད།” »

༄༅། ། དཔལ་ལྡན་ཀྲུང་ཧཱ་མི་དམངས་སྤྱི་མཐུན་རྒྱལ་ཁབ་ཀྱི་གཙོ་འཛིན་ཧུའུ་ཅིང་ཐའོ་མཆོག་ལ་ཞུ་རྒྱུར།

ད་ལྟའི་བོད་ནང་ཛ་དྲག་གི་གནས་སྟངས་འདིར་བཙན་བྱོལ་བོད་མི་མང་སྤྱི་འཐུས་ལྷན་ཚོགས་ཀྱིས་གཞིས་བྱེས་བོད་མི་ཡོངས་ཀྱིས་ཚབ་ཞུས་ཏེ་སེམས་འཚབ་དང་ཧ་ཅང་བློ་ཕམ་ཡོད་ཅེས་ཞུ་རྒྱུ་ཡིན། རང་ལུས་མེར་སྲེག་གཏོང་དགོས་ཐུག་པའི་གནས་སྟངས་དེ་ནི་འུ་ཐུག་ཐབས་ཟད་ཀྱི་བྱ་སྤྱོད་ཅིག་ཡིན་པ་སྐུ་ཉིད་འགྲོ་བ་མི་ཞིག་ཡིན་པའི་ཆ་ནས་ཏན་ཏན་ཤེས་ཀྱི་རེད། འོན་ཀྱང་སྐུ་ཉིད་ཀྱི་སྲིད་གཞུང་ནས་ཞི་བའི་ངོ་རྒོལ་བ་ཚོར་དྲག་གནོན་དང་གདུག་རྩུབ་ཅན་གྱི་སྲིད་བྱུས་ལག་བསྟར་བྱས་པ་དེ་ནི་འགྲོ་བ་མིའི་ཐོབ་ཐང་དང་ཚེ་སྲོག་ལ་རིན་ཐང་གང་ཡང་མ་བརྩིས་པ་ཞིག་ཡིན་པ་གདོན་མི་ཟ།
སྐུ་ཉིད་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་སྲིད་འཛིན་ཡིན་པའི་ཆ་ནས་མི་རིགས་ཕན་ཚུན་དབར་འཆམ་མཐུན་བསྐྲུན་རྒྱུ་དེ་རྒྱལ་ཁབ་འཛུགས་སྐྲུན་གྱི་གཞི་རྩའི་རྩ་དོན་ཞིག་ཡིན་པ་བརྗོད་ཀྱང་སྐུ་ཉིད་ཀྱིས་ངག་ནས་བརྗོད་པ་དང་དོན་དངོས་ལག་ལེན་གཉིས་གོ་ལྡོག་ཡོད། འཆམ་མཐུན་ནི་ཕན་ཚུན་བསམ་ཤེས་དང་ཡིད་ཆེས་ཀྱི་ཐོག་ནས་བསྐྲུན་དགོས་པ་ལས་དྲག་གནོན་དང་བཙན་དབང་འོག་ཡོང་ཐབས་མེད་པ་ནི་སྐུ་ཉིད་ཀྱིས་གསལ་པོར་མཁྱེན་ངེས།

དེ་ལས་མང་བ་། “ཧུའུ་ཅིན་ཐའོ་ལ་ཕུལ་བའི་སྤྱི་ལྷན་གྱི་གནས་འཕྲིན།” »

རྒྱ་ནག་གཞུང་གིས་རྔ་པ་ཀིརྟི་དགོན་པའི་གྲྭ་བློ་བཟང་མཁས་གྲུབ་ལགས་ལ་བཙོན་ཁང་ནང་མནར་གཅོད་བཏང་སྟེ་ ལུས་སྨད་ཞ་བོ་གྱུར་རྗེས་གློད་གྲོལ་བཏང་འདུག
རྒྱ་ནག་གཞུང་གིས་སྔ་ལོ་ཕྱི་ཟླ་ ༤ པའི་ནང་རྔ་པ་ཀིརྟི་དགོན་པའི་གྲྭ་བློ་བཟང་མཁས་གྲུབ་ལགས་འཛིན་བཟུང་གིས་ལོ་ ༡ མ་ཟིན་ཙམ་གྱི་རིང་སི་ཁྲོན་མེན་ཡཱང་བཙོན་ཁང་དུ་བཙོན་འཇུག་བྱས་ཡོད་པ་ལྟར། འདི་ལོའི་ཕྱི་ཟླ་ ༡ པའི་ནང་བཙོན་ཁང་ནང་ཉེས་རྡུང་ཚབས་ཆེན་བཏང་སྟེ་ལུས་སྨད་ཞ་བོར་གྱུར་རྗེས་བཙོན་གྲོལ་བཏང་ཡོད་པ་དང་། འབྲེལ་ཡོད་ནང་མིས་སྨན་བཅོས་བྱེད་པའི་ཐད་ལ་འབད་པ་བྱས་ཡོད་ཀྱང་། སྨན་པས་ཁོང་ལ་སྨན་བཅོས་བྱས་ཀྱང་ཕན་ཐོགས་མེད་པའི་སྐོར་བརྗོད་ཡོད་སྟབས། ཉེ་ལམ་ས་གནས་བོད་མི་མང་པོ་ཁོང་གི་ཁྱིམ་དུ་ཕྱིན་སྟེ་ཁོང་ལ་ཐུགས་གསོ་དང་ལྟ་རྟོགས་བྱེད་ཀྱི་ཡོད་འདུག

དེ་ལས་མང་བ་། “ཨ་མདོའི་བློ་བཟང་མཁས་གྲུབ་དབང་བོ་སྐྱོན་ཅན་བཟོས་ཏེ་གློད་པ་དང་ནམ་མཁའ་འཇིགས་མེད་བཙན་ཁྲིད་བྱས་འདུག” »

ཕྱི་ལོ་ ༢༠༡༢ ཟླ་ ༢ ཚེས་ ༡ ཉིན་རྡ་ས་གངས་སྐྱིད་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ་དུས་འཁོར་དབང་ཆེན་ཐེངས་ ༣༢ པའི་གོ་སྒྲིག་ཚོགས་ཆུང་གི་དངུལ་རྩིས་བྱུང་སོང་དང་མཇུག་བསྡོམས་གསར་འགོད་གསལ་བསྒྲགས་གནང་བ། དེ་ཉིན་སྔ་དྲོ་ཆུ་ཚོད་ ༡༡ ཐོག་དུས་འཁོར་དབང་ཆེན་གྱི་སྦྱིན་བདག་གཙོ་བོ་ཨ་རུ་ནཱ་ཅལ་མངའ་སྡེའི་བློན་ཆེན་སྐུ་ཚབ་སྤྲུལ་སྐུ་ཐུབ་བསྟན་ཡར་འཕེལ་ལགས་དང་། ལྷ་ལྡན་ཆུ་འཕྲུལ་སྨོན་ལམ་འཛིན་སྐྱོང་ཁང་གི་སྐུ་ཚབ་དགེ་བཤེས་ཕུར་བུ་བསམ་གྲུབ་ལགས། རྣམ་རྒྱལ་གྲྭ་ཚང་གི་དྲུང་ཆེ་སྐུ་ཞབས་བསྟན་འཛིན་དགེ་བྱེད་ལགས་ཀྱིས་རྡ་སའི་ཁུལ་གྱི་གསར་འགོད་པ་བཅས་ཁྱོན་མི་གྲངས་ ༢༠ བརྒལ་བ་ལྷན་འཛོམས་ཐོག་དགེ་བཤེས་ཕུར་བུ་བསམ་གྲུབ་ལགས་ཀྱིས་གསར་འགོད་གསལ་བསྒྲགས་གནང་དོན། སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་བཅོམ་ལྡན་འདས་དཔལ་དུས་ཀྱི་འཁོར་ལོའི་དབང་ཆེན་ཐེངས་ ༣༢ ཕྱི་ལོ་ ༢༠༡༢ ཟླ་ ༡ ཚེས་ ༡༠ ཉིན་ལེགས་པར་སྩལ་ཟིན་པ་དང་། ད་རེས་ཆོས་ཞུར་རྒྱལ་ཁབ་ཁག་ ༦༦ ནས་སྐྱ་སེར་བསྡོམས་མི་འབུམ་གཉིས་ལྷག་ཙམ་འདུ་འཛོམས་བྱུང་བ་ལྟར་ཚང་མས་བདག་ཅག་གི་སྟོན་པ་མཉམ་མེད་ཤཱཀྱ་སེང་གེ་མངོན་པར་སངས་རྒྱས་པའི་གནས་ཁྱད་པར་ཅན་འདིར་དཔལ་ན་ལེཎྜའི་པན་གྲུབ་བཅུ་བདུན་ནས་བརྒྱུད་པའི་མདོ་སྔགས་ཀྱི་བསྟན་པ་དྲི་མ་མེད་པ་འདི་ཉིད་ལ་ཐོས་བསམ་གྱི་ཉམས་ལེན་དང་འབྲེལ་ཕྱག་འཚལ་མཆོད་འབུལ་སོགས་བསོད་ནམས་དཔག་ཏུ་མེད་པ་བསགས་པ་དེ་དག་གི་དགེ་རྩ་སངས་རྒྱས་ཀྱི་བསྟན་པ་རྒྱས་པ་དང་། འགྲོ་བ་བདེ་བ།

དེ་ལས་མང་བ་། “དུས་འཁོར་དབང་ཆེན་ཐེངས ༣༢ པའི་དངུལ་རྩིས་བྱུང་སོང་གི་གསལ་བསྒྲགས།” »

གསར་འགོད་པ། ཨ་རིག་འགྱུར་མེད།
ཉེ་ཆར་རྡོར་གདན་ནས་མགོ་བཙུགས་པའི་བོད་ནང་ཞི་བདེ་དང་རང་དབང་ཆེད་དད་པའི་གོམ་བགྲོད་ཅེས་པ། གནས་མཆོག་རྡོ་རྗེ་གདན་དང་ཝ་ར་ཎ་སི། རྩ་མཆོག་དྲུང་། ལིམྦི་ནི་སོགས་ནང་འི་གནས་ཆེན་ཁག་ལ་བཞི་ལ་བསྐྱོད་དེ། ཁ་སང་ཚེས་ ༣༠ ཉིན་ངྷ་ས་ནས་མཇུག་བསྡུས་ཡོད་འདུག
ཕྱི་ཟླ་ ༡ ཚེས་ ༩ ཉིན་ལྷ་རྒྱ་རི་རྣམ་རྒྱལ་སྒྲོལ་དཀར་གྱིས་སྣེ་ཁྲིད་འོག འཇར་མན་ནས་ཡིན་པའི་སྐུ་ཞབས་ཇོ་ཧཱ་ལེམ་ཊོན་དང་ཧི་མ་ལ་ཡའི་རི་རྒྱུད་ནས་ཡིན་པའི་བཀྲ་ཤིས་རྣམ་རྒྱལ། གྲྭ་དཀོན་མཆོག་ནོར་བུ་བཅས་ཀྱིས་རྡོ་རྗེ་གདན་ནས་ ༼བོད་ནང་ཞི་བདེ་དང་རང་དབང་ཆེད་དད་པའི་གོམ་བགྲོད་༽ཅིག་འགོ་འཛུགས་ཀྱིས་རྒྱ་གར་དང་བལ་ཡུལ་བརྒྱུད་ཝ་ར་ཎ་སི་དང་རྩ་མཆོག་དྲུང་། ལིམྦི་ནེ་སོགས་ནང་པའི་གནས་ཆེན་ཁག་བཅས་ལ་གོམ་བགྲོད་ཀྱིས་ད་ལྟ་ངྷ་སར་འབྱོར་ཏེ། ཁ་སང་ཕྱི་ཚེས་ ༣༠ ཉིན་གྱི་ཞོགས་པའི་ཆུ་ཚོད་ ༨ སྟེང་རྣམ་རྒྱལ་གྲྭ་ཚང་དང་། ཀིརྟི་བྱེས་པ་གྲྭ་ཚང་། མཚན་ཉིད་གྲྭ་ཚང་བཅས་ཀྱི་དགེ་འདུན་པ་གདན་ཞུས་ཐོག ཐེག་ཆེན་གཙུག་ལག་ཁང་དུ་བོད་ནང་ཞི་བདེ་དང་། བོད་བསྟན་སྲིད་ཆེད་རང་སྲོག་ཤོར་པའི་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་དུ་བསྔོ་སྨོན་མཆོད་འབུལ་ཞུས་སོང་།

དེ་ལས་མང་བ་། “བོད་ནང་ཞི་བདེ་དང་རང་དབང་ཆེད་དད་པའི་གོམ་བགྲོད།” »