༼བོད་མི་མང་སྤྱི་འཐུས་ལྷན་ཚོགས་ཀྱི་དྲ་ཚིགས་ནས་འདྲེན་བཀོད་ཞུས།༽
ཕྱི་ལོ་ ༢༠༡༢ ཟླ་ ༣ ཚེས་ ༢༦ ཉིན་གྱི་ཉིན་གུང་རྒྱ་གར་གྱི་རྒྱལ་ས་ལྡི་ལི་གསར་པའི་ཇན་ཏར་མ་ཏར་རུ། བོད་ཀྱི་གཞོན་ནུ་ལྷན་ཚོགས་ཀྱིས་འགོ་འཁྲིད་དེ་རྒྱ་ནག་གི་སྲིད་འཛིན་ཧུའུ་ཅིན་ཐའོ་རྒྱ་གར་དུ་ཚོགས་འདུར་སླེབས་ལ་ཉེ་བ་དང་བསྟུན་ནས། བོད་མི་སྟོང་ཕྲག་གཉིས་ལྷག་འདུ་འཛོམས་ཀྱིས་ངོ་རྒོལ་བྱེད་པའི་སྐབས། ཉིན་དེའི་ཆུ་ཚོད་ ༡༢ དང་སྐར་མ་ ༢༥ སྟེང་ཁམས་རྟའུ་ནས་ཡིན་པ་འཇམ་དཔལ་ཡེ་ཤེས་ལགས་ཀྱིས་གློ་བུར་ལུས་སྟེང་དུ་སྣུམ་བླུགས་ཏེ་རང་ལུས་མེ་སྲེག་བཏང་ཡོད་པ་དང་།
༄༅། ། རབ་བྱུང་ ༡༧ ཆུ་འབྲུག་གནམ་ལོ་གསར་བཞད་ཀྱི་ཚེས ༢༤ ཕྱི་ལོ ༢༠༡༢ ཟླ ༣ ཚེས ༡༦ ཉིན་བོད་མི་མང་སྤྱི་འཐུས་ལྷན་ཚོགས་སུ་བསྩལ་བའི་བཀའ་ལུང།
ཧྲཱི ༧རྒྱལ་ཀུན་མཁྱེན་བརྩེའི་ཡེ་ཤེས་གཅིག་ཏུ་གྱུར།
།ངུར་སྨྲིག་གར་གྱི་རྣམ་སྤྲུལ་དྲིན་ཅན་གྱི།
།རྗེ་བཙུན་བླ་མ་མཐོང་བ་དོན་ལྡན་མཆོག
།སྤྱི་བོར་བདེ་ཆེན་འཁོར་ལོའི་རྒྱན་དུ་སྩོལ། །།
ཀྱེ་ གངས་ལྗོངས་གདོང་ལྔའི་མགྲིན་ཚབ་བྱེད་པོ་རྣམས་ནས་གཟུགས་མེད་ང་གཟུགས་ཅན་གྱི་གནས་སུ་འབོད་པ་ལེགས་ཚོགས་ཆེ། འཛམ་གླིང་སྤྱི་དང་ཁྱད་པར་གངས་ཅན་པའི་གཙུག་གི་ནོར་བུ་མཐོང་བ་དོན་ལྡན་མཆོག་སྐྱེ་འགྲོིའི་དོན་སླད་ཕྱི་ཡི་ཡུལ་གྲུར་ཞབས་སོར་འཁོད་སླད་འགལ་རྐྱེན་མེད་ཅིང་། འོན་ཀྱང་སྐྱེ་འགྲོ་བསོད་ནམས་དམན་པས། རྐྱེན་སེལ་རིམ་གྲོ་སྔོན་སྨྲས་བཞིན་དུ་སྐབས་མཚམས་ནན་ཏན་འབད་ན་ལེགས་ལ། སྐུ་ཁམས་དར་ཕན། མཎྜལ་བཞི་ཆོག་དང་འབྲེལ་ཏཱ་རེའི་བསྟོད་པ་འབུམ་ཐེར། གྲྭ་ཏོག་གསེར་གསུམ། པདྨའི་མནོལ་བསང་འབད་ན་ལེགས་ཚོགས་ཆེ།
དེ་ལས་མང་བ་། “གནས་ཆུང་ཆོས་རྒྱལ་ཆེན་པོས་སྤྱི་ལྷན་ལ་སྩལ་བའི་བཀའ་ལུང་།” »
(སློབ་གྲོགས་དམ་པ་རྟའུ་འཇམ་དཔལ་ཡེ་ཤེས་མཆོག་གཙོ་བྱས་རྒྱལ་གཅེས་དཔའ་བོ་དཔའ་མོ་རྣམས་ལ་ཆེད་དུ་གུས་ཕུལ།)
བོད་པ་ཚང་གིས།
ཚེ་སྲོག་མེ་རུ་འབར་ཐལ།།
ཐལ་བ་ས་ལ་ཟག་ཐལ།།
ས་ཆེན་ཁད་ཀྱིས་ངུས་ཐལ།།
མིག་ཆུ་ཁྲག་ལས་མེད་ཐལ།།
མེ་དཔུང་ཤུགས་ཀྱིས་འཕྱུར་ཐལ།།
ལང་ཚོའི་ནང་ཕྱི་འབར་ཐལ།།
མཆོངས་རྒྱུག་གོམ་པ་ཆད་ཐལ།།
གློ་བུར་ས་ལ་འགྱེལ་ཐལ།།
(ལྡི་ལིར་རྒྱ་གར་གྱི་བོད་དོན་རྒྱབ་སྐྱོར་མཁན་མཐོ་རིམ་སློབ་མ་སྐོར་ཞིག་གིས་སྲིད་འཛིན་ཧུའུ་ཅིན་ཐའོ་ལ་ངོ་རྒོལ་གྱི་ལས་འགུལ་སྤེལ་བ།)
ལྡི་ལི་བོད་རང་བཙན་སློབ་ཕྲུག་ཚོགས་པས།
ཕྱི་ལོ་༢༠༡༢ ཟླ་༠༣་ཚེས་ ༢༧་ཉིན་དེ་སྲིད་འཛིན་ཧོས་ཅེན་ཐོ་རྒྱ་གར་དུ་མ་སླེབས་པའི་ཉིན་གཅིག་གི་སྔོན་དུ་བོད་རང་བཙན་སློབ་ཕྲུག་ཚོགས་པའི་གོ་སྒྲིག་དང་སྣེ་ཁྲིད་འོག རྒྱ་གར་བོད་དོན་རྒྱབ་སྐྱོར་མཁན་མཐོ་རིམ་སློབ་མ་ཁག་ཅིག་གིས་སྲིད་འཛིན་ཧུའུ་ལ་ངོ་རྒོལ་གྱི་ལས་འགུལ་སྤེལ་སོང་། དེ་རིང་ལྡི་ལི་གཙུག་ལག་སློབ་གྲྭ་ཆེན་མོར་འགྲིམ་བཞིན་པའི་རྒྱ་གར་མཐོ་རིམ་སློབ་མ་ཁག་ཅིག་གིས་རྒྱ་གར་ལྡི་ལིའི་སྒོ་ཆེན་འགྲམ་(India Gate)དུ་འཕྲེད་དར་ཆེན་པོ་ཞིག་གི་ཐོག་ཏུ་(ཧུའུ་ཅིན་ཐའོ-ཁྱོད་རྒྱ་གར་དུ་སླེབས་པར་ང་ཚོས་དགའ་བསུ་མི་ཞུ། ཁྱོད་ཀྱི་ལག་པ་གཉིས་ཁྲག་གིས་སྦགས་ནས་ཡོད། བོད་ལ་རང་དབང་མྱུར་དུ་སྤྲོད་དགོས།) ཟེར་བ་ཞིག་འཕྱར་ནས་ངོ་རྒོལ་སྐད་འབོད་ཤུགས་ཆེར་བྱས་སོང་།
དེ་ལས་མང་བ་། “མཐོ་རིམ་སློབ་མ་སྐོར་ཞིག་གིས་སྲིད་འཛིན་ཧུའུ་ཅིན་ཐའོ་ལ་ངོ་རྒོལ་གྱི་ལས་འགུལ་སྤེལ་བ།” »
འཇིགས་མེད་ནུབ་པ།
འཕྲུལ་རིག་གིས་། མི་རྣམས་ཀྱི་འབྲེལ་ལམ་ཉེ་རུ་བཏང་ཞིང་འཇིག་རྟེན་ཆུང་དུ་གཏོང་བཞིན་པ་ནི་དངོས་ཡོད་འཚོ་བའི་གྲུབ་ཆ་ཞིག་ཆགས་ནས་ཡོད་། འཕྲུལ་རིག་གི་ཡར་རྒྱས་དང་མཐུན་རྐྱེན་འདི་ལ་བརྟེན་ནས། ང་ཚོས་ཀྱང་ཉིན་རེའི་འཚོ་བའི་ཁྲོད་དུ། རང་གི་གྲོགས་པོ་དང་ངོ་ཤེས་སོགས་ལ་ཁ་པར་གཏོང་བ་དང་། གཞན་གྱི་ཁ་པར་ཉན་པ། གཞན་ལ་འཕྲིན་ཐུང་གཏོང་བ་དང་གཞན་གྱི་འཕྲིན་ཐུང་ཀློག་པ་། ད་དུང་། ཁ་པར་བརྒྱུད་ནས་དྲ་རྒྱ་ཉུལ་བ་སོགས། དུས་གཅིག་ལ་འཇིག་རྟེན་གྱི་བྱ་ལས་མང་པོ་ཞིག་ལ་ལག་པ་འཆང་ཐུབ་གི་ཡོད་། འོན་ཀྱང་། ང་ཚོའི་ལས་ཀ་བྱེད་ཐབས་བདེ་རུ་འགྲོ་བ་དང་མཚུངས་སུ། ང་ཚོའི་བདེ་འཇགས་ལ་དོ་ཕོག་མང་དུ་འགྲོ་བཞིན་ཡོད་།
དེ་ལས་མང་བ་། “ཁྱེད་ཀྱི་བདེ་འཇགས་དེ་། ཁ་པར་དང་བྱང་བུ་གཉིས་ཀྱི་ལག་ལ་མ་འཇོག” »
མེ་ཏོག་དཀར་པོ།
༡ ཀེ་ལ་ཤ་ཡི་ཡུལ་དུ་མ་སྐྱེས་ཀྱང་། །
ཁ་བ་ཅན་གྱི་ཁྲག་རྒྱུན་བཞུར་བའི་བུ།།
རྒྱལ་སྤྱི་གཉིད་ལས་དཀྲོག་ཆེད་གོམ་བགྲོད་མཁན། །
ང་ཚོའི་མིག་དམར་མཐོང་མཁན་ཨ་ཡོད་དམ། །
འབའ་སྲས།
ཀ་དག་ཆོས་ལ་སྤྱོད་པའི་གདོང་དམར་བོད།།
ཁ་རོགས་མ་འདུག་ཚང་མ་ཡར་ལ་ལོངས།།
ག་ས་གང་ནས་སྲོག་གི་མེ་ལྕེ་སྒྲོན།།
ང་ཚོ་ཚང་མ་དུས་གཅིག་ཉིན་གཅིག་འབར།།
གསར་འགྱུར་མཁོ་སྤྲོད་པ། སྦྲ་རིགས་ཐོགས་མེད་།
ཕྱི་ཟླ་གསུམ་པའི་ཚེས་ཉེར་དྲུག་གི་ཉིན་གུང་རྒྱལ་གཅེས་དཔའ་བོ་འཇམ་དཔལ་ཡེ་ཤེས་ལགས་ཀྱིས་རང་ལུས་མཆོད་མེར་ཕུལ་རྗེས་བོད་རིགས་འདུས་སྡོད་ཀྱི་ས་ཁུལ་ཡོངས་ཟང་ཟིང་ལང་ལོང་དུ་གྱུར། ཉིན་དེའི་ཕྱི་དྲོར་བོད་ཀྱི་གཞོན་ནུ་ཚོགས་པའི་སྣེ་ཁྲིད་འོག་ཏུ་བོད་མི་སྐྱ་སེར་རྒན་གཞོན་ལྔ་བརྒྱ་ལྷག་གིས་སྲིད་འཛིན་ཧོས་ཅེན་ཐོ་ལ་ངོ་རྒོལ་གྱི་འབོད་ཚིག་འདྲ་མིན་སྒྲོག་བཞིན་ལྡི་ལི་རྒྱ་ནག་གཞུང་ཁང་གི་ཕྱོགས་སུ་གཤར། འོན་ཀྱང་། སྟབས་མ་ལེགས་བོད་མི་ངོ་རྒོལ་བ་ཡོངས་རྫོགས་རྒྱ་གར་སྐོར་སྲུང་དམག་མི་དང་ཉེན་རྟོག་པ་ཟུང་འབྲེལ་གྱིས་འཛིན་བཟུང་བྱས་ནས་ཏིས་ཧར་བཙོན་ཁང་དུ་ཁྲིད་སོང་བས་ད་ལྟ་ཡང་ཀློད་གྲོལ་ཐོབ་མེད་པ་རེད།
ཉིན་དེའི་རྗེས་ཀྱི་དེ་རིང་བོད་རིགས་འདུས་སྡོད་ཀྱི་ས་ཁུལ་ཡོངས་རྫོགས་དམག་མི་དང་ཉེན་རྟོག་པའི་ལྟ་སྲུང་འོག་བཅུག་འདུག ལྡི་ལིར་མན་ཅི་གྲི་ལ་དང་བྷོ་ཏི་བྷིས་ཡར་བོད་མི་བཞི་ལྷག་མཉམ་དུ་འགྲོ་བའམ་འཛོམས་པ་མཐོང་ཚེ་ཐད་གར་བཙོན་འཇུག་བྱེད་ཆོག་པའི་བཀའ་རྩ་བསྒྲགས་འདུག
དེ་ལས་མང་བ་། “ལྡི་ལིར་བོད་མི་རྣམས་དམག་མི་དང་ཉེན་རྟོག་པའི་ལྟ་སྲུང་འོག་བཅུག་པ།” »
བློ་བཟང་གྲགས་པ། ཚ་བསྲེགས་ཀྱི་མེ་ལྕེ་དེས ཁྱེད་ཀྱི་ཤ་རུས་བཟས་ཀྱང ཁྱེད་ཀྱིས་མི་རིགས་ལ་བཅངས་བའི་བརྕེ་སེམས་དང་ལ་རྒྱ་ནི དུས་ནང་ཡང་དམར་རྗེན་དུ་གནས ཁྱེད་འདི་ལྟར་བཞུད་སོང་མོད ཁྱེད་ཀྱི་བཞུད་ལམ་དུ ད་དུང་ཡང་ཚེ་སྲོག་གྲངས་མེད་ཀྱིས་རྗེས་འདེབས་ཞུ་ངེས་ལ ཁྱེད་ཀྱི་དགོས་འདོད་དེ ང་ཚོས་ཅིས་ཀྱང་དགུང་ལ་འཕྱར་ནས མི་རིགས་འདིའི་འཐབ་རྩོད་མུ་མཐུད་བྱེད་ངེས་ཡིན ཁྱེད་ཀྱི་སྣང་གཟུགས་དེ་ དུས་ད་ནས་འཇིག་རྟེན་ནས་ཁ་བྲལ་ཀྱང ཁྱེད་ཀྱི་རྣམ་ཤེས་ནི་དུས་ནམ་ཡང་ཡལ་མི་སྲིད ཁྱེད་སོང་དང…
ཁ་སང་ལྡི་ལིར་སྐུ་ཞབས་འཇམ་དཔལ་ཡེ་ཤེས་ལགས་ཀྱིས་རང་སྲེག་བཏང་བར་དབུས་བོད་མིའི་སྒྲིག་འཛུགས་ཀྱིས་དེ་རིང་ཕྱི་ཚེས ༢༧ ཉིན་གསར་འགོད་བསྒྲགས་གཏམ་སྤེལ་སྟེ། དེའི་ཐད་ཐུགས་འཚབ་དང་ཁོང་གི་རྗེས་ཤུལ་ནང་མིར་འཚམས་འདྲི། གཞན་ཡང་བོད་མི་ཚོར་འུ་ཐུག་གི་བྱ་སྤྱོད་རིགས་མ་སྤེལ་རོགས་ཞེས་དྲན་སྐུལ་གནང་འདུག བསྒྲགས་གཏམ་དེའི་ནང་འཁོད་དོན་ “ཕྱི་ལོ་ ༢༠༡༢ ཟླ་ ༣ ཚེས་ ༢༦ ཉིན་རྒྱ་གར་རྒྱལ་ས་ལྡི་ལིར་རང་ལོ་ ༢༧ སོན་པའི་བོད་མི་གཞོན་སྐྱེས་འཇམ་དཔལ་ཡེ་ཤེས་ལགས་ཀྱིས་རང་ལུས་མེར་སྲེག་བཏང་བའི་གནས་ཚུལ་ཐོན་པར་བོད་མིའི་སྒྲིག་འཛུགས་ལ་ཧ་ཅང་སེམས་འཚབ་བྱུང། ང་ཚོས་ཁོང་དང་ཁོང་གི་ནང་མི་སྤུན་མཆེད་ཚོར་སྙིང་ཐག་པ་ནས་སེམས་གསོ་དང་སྨོན་ལམ་གསོལ་འདེབས་ཞུ་རྒྱུ་ཡིན། དེ་ཡང་ནང་ཆོས་ནས་དལ་རྟེན་མི་ལུས་རིན་པོ་ཆེ་ནི་རྩ་ཆེན་ཡིན་པར་ངོས་འཛིན་བྱེད་བཞིན་ཡོད་པ་བོད་མིའི་སྒྲིག་འཛུགས་ཀྱིས་འདིར་བསྐྱར་ནན་ཞུ་རྒྱུ་ཡིན་”ཞེས་དང་།
ཡང་དེར” བོད་མི་ཚོས་ཕྱི་ནང་གི་ཤེས་ཡོན་ཐོག་ཧུར་བརྩོན་བྱས་ཏེ། བོད་ཀྱི་རྩ་དོན་ལ་ཉེ་བར་མཁོ་བའི་མི་ཆའི་མཐུན་འགྱུར་སྐྲུན་སྟེ་འཐབ་རྩོད་སྲ་བརྟན་དུ་གཏོང་ཐུབ་པ་བྱུང་ན་བོད་ཀྱི་རྩ་དོན་ལ་ཕུགས་རྒྱང་རིང་པོའི་དགེ་མཚན་ཆེ་བ་ཡོད། དེར་བརྟེན་ང་ཚོས་སླར་ཡང་བོད་མི་ཚོར་འུ་ཐུག་གི་བྱ་སྤྱོད་རིགས་མ་སྤེལ་རོགས་ཞེས་དྲན་སྐུལ་ཞུ་རྒྱུ་ཡིན།
དེ་ལས་མང་བ་། “བོད་མི་ཚོས་འུ་ཐུག་གི་བྱ་སྤྱོད་རིགས་མ་སྤེལ་རོགས།” »
༢༦།༣།༡༢ལ་གླིང་ཚ་ནས།
མདང་ནུབ་དུག་སྦྲང་གི་དམག་རྒྱབ་སྟེ་ང་ཚོ་ཚང་མ་གཉིད་སྐྱིད་པོ་ཞིག་ཁུག་ཏུ་མ་བཅུག་ནའང་ཞོགས་པར་དུས་ཚོད་ལྔ་པའི་སྟེང་ཁ་ཤས་ཀྱི་མིག་བསྐྲང་པ་དང་དྲིན་ཆེན་མ་ལོའི་ཁ་ཤ་ཡང་བསྐྲང་འདུག གང་ལ་ཐུག་ཡང་ང་ཚོ་མདུན་དུ་འགྲོ་བ་མ་གཏོགས་ཕྱི་ནུར་བྱེད་ས་ཞིག་གང་ནས་ཡོད།
དེ་ལས་མང་བ་། “ཞི་བའི་འཐབ་རྩོད། དེ་རིང་གི་ཐུག་འཕྲད་དང་ཞལ་འདེབས།” »
ཀླུ་རྒྱལ་དོན་འགྲུབ་ཀྱིས་༢༠༡༢ལོའི་ཟླ༣པའི་ཚེས་༢༢དགོང་མོ་བྲིས།
ཁོང་གི་འདི་ལྟར་མི་རིགས་ཤིག་གི་འཐབ་རྩོད་དངས་དུ་བླངས་ནས་སེམས་ཤུགས་འདི་ལྟ་བུ་ཞིག་ཁུར་ནས་ལམ་དུ་ཆས་སོང་། འགྲོ་སྟངས་འདིས་མི་བུ་གང་ཞིག་ལ་སེམས་འགུལ་ཐེབས་ཁུལ་དུ་བྱས་མོད། ཉི་མ་ཁ་ཤས་འགོར་བ་ན་ཕལ་ཆེར་ཡོད་ཚད་རྫོགས་སོང་བ་ལྟར་རང་རང་གི་སེམས་སུ་སེམས་ཤུགས་འཕར་ཏུ་འཇུག་མཁན་དེའི་བག་ཆགས་ཀྱང་མེད་པར་གྱུར། འདི་ནི་ང་ཚོ་བཙན་བྱོལ་དུ་ཡོད་པའི་གོམས་གཤིས་ཡིན་ནམ་ཡང་ན་འཐབ་རྩོད་བྱེད་པའི་གོ་རིམ་ནང་དུ་ཅི་ཞིག་མཁོ་བའི་ངེས་ཤེས་མ་རྙེད་པ་ཡིན། གང་ལྟར་བཤད་འདོད་པ་ནི་ལས་འགུལ་གང་ཞིག་གི་དུས་སུ་ལས་འགུལ་སྤེལ་མཁན་གངས་ཟགས་དེར་དགའ་མོས་ཡོད་མེད་མིན་པར། ཁོང་གིས་སྤེལ་གྱིན་པའི་ལས་འགུལ་དེ་ཅི་ལྟར་སྲ་བརྟན་དང་ནུས་པ་ཅན་དུ་བསྒྱུར་ཐུབ་མིན་དེ་རེད།
དེ་ལས་མང་བ་། “ཚེ་བརྟན་རྡོ་རྗེ་ཡི་ལས་འགུལ་ལས་འཕྲོས་པའི་ཕྲན་གྱིས་བཤད་འདོད་པའི་སྐད་ཆ་འགའ།” »
སྤང་མདའ་སྟོབས་རྒྱས་ཀྱིས།
བོད་ཤར་ཕྱོགས་སྨར་ཁམས་སྒང་གི་ས་ཁུལ་ལྕག་སོ་སྟེང་ཞིག་པའི་ས་གནས་དེར་ཟླ་འདིའི་ཕྱི་ཚེས་བཅུ་ཡས་མས་ནས་རིར་མེ་ཤོར་ཏེ་ཉིན་བཅུ་ལྷག་ཕྱིན་འདུག དེ་ཡང་ཁུངས་ལྡན་གནས་ཚུལ་འབྱོར་གསལ་ལྟར་ན་མེ་དེ་བཞིན་ཐོག་མ་ནོར་ནག་དོམ་ལྷས་ཟེར་བའི་ས་གནས་དེ་ནས་འབར་འགོ་ཚུགས་འདུག རིམ་བཞིན་དེ་དང་འདབ་འབྲེལ་གྱི་ས་རྒྱ་གར་རྗེས་མཛོ་དང་ཤ་འགྱུར་ཆེ་ཆུང་ཟེར་བའི་ས་གནས་མང་པོ་ཞིག་ལ་མེ་ཤུགས་ཆེ་འབར་ཏེ་ནགས་ཚལ་མང་ཆེ་བ་ཞིག་ཚིག་ཡོད་འདུག སྐབས་དེར་ཐོག་མ་ས་གནས་མི་མང་གིས་མེ་གསོད་ཐབས་གནང་ཡང་མེ་ཤུགས་ཇི་ཆེར་འགྲོ་བཞིན་ཡོད་པས་དོན་ཕན་གསོན་མི་འདུག
རང་སྲེག་བསྟུན་མར་བྱུང་བའི་འགན་རྒྱ་གཞུང་ལ་ཡོད་པའི་རྒྱུ་མཚན་བདུན།
༡། བོད་དེ་རྒྱའི་བཙན་དབང་འོག་མུ་མཐུད་གནས་བཞིན་པ།
༢། ཆབ་སྲིད་ཀྱི་གཉའ་གནོན།
༣། ༧གོང་ས་མཆོག་ལ་མཚན་སྨད་དང་རྒྱལ་གཅེས་ཆོས་གཅེས་ཀྱི་སློབ་གསོ་ཟེར་བ་བོད་མིའི་ཐོག་བཙན་ཐབས་ཀྱིས་སྤེལ་བཞིན་པ།
༤། བོད་མི་ཞི་རྒོལ་བར་མེ་མདའ་བརྒྱབ་སྟེ་དམར་གསོད་བཏང་བ།
༥། དཔལ་འབྱོར་དབྱེ་འབྱེད་དང་བོད་མི་རྣམས་རང་ཡུལ་དུ་གྲངས་ཉུང་མི་རིགས་སུ་འགྱུར་བཞིན་པ།
༦། བོད་ཀྱི་རིག་གཞུང་རྩ་མེད་བཟོ་རྒྱུ་དང་སློབ་ཚན་རྣམས་བོད་ཡིག་ཐོག་ནས་སློབ་ཁྲིད་བྱ་རྒྱུའི་ཐོབ་ཐང་མ་སྤྲད་པ།
༧། ཁོར་ཡུག་ལ་གཏོར་བཤིག
བོད་ནང་རང་ལུས་མེར་སྲེག་གཏོང་མཁན་ཇེ་མང་དུ་འགྲོ་བཞིན་པའི་འགན་འཁུར་དེ་རྒྱ་ནག་གཞུང་ལ་ཡོད་པ་ངོས་ལེན་བྱ་རྒྱུའི་ཚབ་ཏུ་རྒྱ་ནག་གཞུང་གིས་༧གོང་ས་༧སྐྱབས་མགོན་པོ་མཆོག་ལ་འགན་ཁག་དཀྲི་བ་མ་ཟད། ༧གོང་ས་མཆོག་ལ་མཚན་སྨད་དང་མ་ཉེས་ཁ་གཡོག་གི་གཡོ་བྱུས་རྒྱུན་མཐུད་ལག་བསྟར་བྱེད་བཞིན་པ་དེར་བོད་མིའི་སྒྲིག་འཛུགས་ལ་བློ་ཕམ་དང༌།
དེ་ལས་མང་བ་། “དབུས་བོད་མིའི་སྒྲིག་འཛུགས་ཀྱིས་ལན་འདེབས་གནང་འདུག” »
༼བོད་ཀྱི་དུས་བབ་དྲ་ཚིགས་ནས་འདིར་འདྲེན་བཀོད་ཞུས།༽
དེ་རིང་ཞོགས་པར་རྒྱལ་ས་ལྡི་ལི་ཇན་ཏར་མ་ཏར་ས་གནས་སུ་བོད་མི་འཇམ་དཔལ་ཡེ་ཤེས་ལགས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ། ད་ལྟའི་ཆར་སྨན་ཁང་དུ་མྱུར་སྐྱོབ་བྱེད་ཀྱི་ཡོད་འདུག
རྨེའུ་དཀོན་རྒྱམ་ལགས་ཀྱིས་ལྡི་ལི་ནས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། དེི་རིང་ཕྱི་ཚེས་ ༢༦ ཉིན་བོད་ཀྱི་གཞོན་ནུ་ལྷན་ཚོགས་ཀྱིས། རྒྱ་ནག་གི་སྲིད་འཛིན་ཧུའུ་ཅིན་ཐའོ་རྒྱ་གར་དུ་
ཨ་རིའི་ཡུལ་གྲུ་གང་སར་དར་སྲོལ་ཆེ་བ་ལྟར། བྱང་ཨ་རིའི་ལྷོ་རྒྱུད་དུ་ཆགས་པའི་ཇོར་ཇི་ཡ་མངའ་སྡེ་དེར་ཡང་ལོ་རེ་དང་ཟླ་རེའི་ནང་གི་དམིགས་བསལ་གྱི་ཉིན་མོ་དག་ལ་རྒྱང་སྐྱོད་རྒྱུགས་འགྲན་དེ་ཡོད་འདུག་པ་དང་། ས་གནས་དེར་གནས་བཞུགས་བོད་ཀྱི་བུ་མོ་བསྐལ་བཟང་སྒྲོལ་དཀར་ལགས་ཀྱང་ནམ་རྒྱུན་ནས་རྒྱུགས་འགྲན་དུ་ཞུགས་ཀྱིན་ཡོད།
ཨ་རིག་དགེ་མཐོང་།
ངྷ་སའི་རི་གྲོང་གི་ཆགས་དབྱིབས་ནི་ཕྱི་སྡོད་བོད་རིགས་ཕལ་ཆེ་བའི་སེམས་སུ་གསལ་ལྷང་ངེར་ཡོད་པས་བརྗོད་མི་དགོས་པ་ཞིག་དང་། དེ་ནས་མར་ཀྱོག་ཀྱོག་གི་ལམ་འཕྲེང་བརྒྱུད་ནས་ཕྱིན་ཚེ་ཡུལ་གྱར་ས་རཱ་མཐོ་སློབ་ནི་ནགས་ཚལ་སྟུག་པོ་ཞིག་གི་དཀྱིལ་ན་སྒྲུབ་པ་ལ་རྩེ་གཅིག་ཏུ་གཞོལ་བའི་ཉམས་ལེན་པ་ཁག་ཅིག་བཞུགས་ལོས་ཡོད་བསམ་ས་ཞིག་ན་ཡོད། ཐོག་མར་མིག་གི་མཐོང་ལམ་དུ་མངོན་པ་ཁང་བརྩིགས་དག་དང་དེ་ནས་ཡར་ནང་དུ་འཛུལ་ན་དགོན་སྡེ་ཞིག་ལ་སླེབས་སོང་སྙམ་པའི་ཚོར་སྣང་སྟེར། དེ་ནི་སློབ་གྲྭའི་དཀྱིལ་གྱི་ཚོགས་ཁང་ངམ་ཞོགས་ཀ་ཞལ་འདོན་གསུངས་སའི་ཁང་བ་དང་སྒོ་འགྲམ་གཡས་གཡོན་ན་གཟན་ཤམ་ར་མ་ལུག་གྱོན་མཁན་གྱི་གྲྭ་བཙུན་ཚོ་མཐོང་བས་ཡིན་པ་འདྲ། དེ་གའི་དགེ་རྒན་ཞིག་ནི་ཕྲན་གྱི་གྲོགས་པོ་དང་གཞན་ཡུལ་ཕྱོགས་གཅིག་པ་དང་ངོ་ཤེས་ཁག་ཅིག་ཡོད་པས་ཆེད་དུ་བཅར་བ་ཡིན་ལ། ཞོར་ནས་བོད་ཀྱི་མཐོ་སློབ་ཀྱི་མིང་དུ་གྲགས་པའི་ས་རྭའི་ཁོར་ཡུག་དང་སློབ་མའི་གནས་སྟངས་བཅས་ལ་རྒྱུས་ལོན་ཙམ་གྱི་སླད་དུ་ཡིན། སྔོན་རྒན་ཆབ་བྲག་ལྷ་མོ་སྐྱབས་བཞུགས་སྐབས་ཐེངས་ཤིག་ཕྱིན་པ་ཡིན་མོད། དེ་དུས་ཀྱི་ཚོར་སྣང་དག་ནི་ད་ལྟ་དྲན་པའི་ཡིད་དུ་རབ་རིབ་ཏུ་གྱུར།
གླིང་ཚ་ཚེ་བརྟན་རྡོ་རྗེ། (བོད་། ལྷ་ཀླུ་གཉན་གསུམ)
༣།༡༠ཞོགས་པ་མི་མང་གི་མིག་ཆུ་དང་ཁ་གཡང་།ཁ་བཏགས་དང་ཞལ་འདེབས་སོགས་ཀྱི་བསྐྱེལ་མའི་ཁྲོད། གཙུག་ལག་ཁང་གི་མདུན་ནས་རྡ་ཤོད་ཀ་ཅ་རའི་བར་དུ་མི་དམངས་མཉམ་ཞུགས་བྱས།མི་དམངས་ཀྱིས་མིག་ཆུ་དང་ཞལ་འདེབས་དུས་མཉམ་དུ་ང་ཚོའི་ལུས་སྟེང་དུ་སྤུངས།རྡ་ས་མདོ་སྨད་ས་གནས་རྒྱུན་ལས་ཀྱིས་ཉིན་གུང་ཟ་མ་སྤྲད་དེ་ཁ་བཏགས་མཐེན་པ་དང་ཞལ་འདེབས་གནང།གྲོགས་པོ་ཁ་ཤས་ཀྱིས་བསྐྱེལ་མ་ལེ་བར་ཁ་ཤས་རིང་བྱས་རྗེས་གཞི་ནས་ངེད་མ་སྨད་གསུམ་ཞི་བའི་འཐབ་རྩོད་འདིའི་ཞི་བའི་གོམ་བགྲོད་ཀྱི་རྐང་ལམ་ལ་ཞུགས།
མཚན་དང་པོར་ཧིན་དྷིའི་ལྷ་ཁང་ཀོག་པོ་ཞིག་གི་འགྲམ་དུ་ཁང་ཆུང་བཤིག་ལ་ཉེ་བ་ཞིག་གི་ཁྱམས་རར་མལ་ས་བཟོས།ཅུང་ཙམ་རྗེས་སུ།ང་ཚོ་ལ་ཐུག་འཕྲད་དུ་ཡོང་མཁན་ནི་གཞོན་ནུའི་ཚོགས་གཞོན་དོན་འགྲུབ་ལྷ་དར་ལགས་དང་ལས་རོགས་ས་གཞོན་དྲུང་ཆེ་བཟོད་པ་དང་རྡི་ལི་སློབ་ཕྲུག་ས་གཞོན་ཚོགས་གཙོ་ཟུར་པ་་་་་བཅས་དགོང་མོའི་ཟ་མ་ཁུར་ནས་ང་ཚོ་ལ་གདུང་སེམས་མཉམ་སྐྱེད་བྱེད་དུ་ཡོང།མཚན་གཉིས་པའི་ངལ་གསོ་སྐབས་སུ་ཨེ་ཤ་ཡ་རང་དབང་རླུང་འཕྲིན་ཁང་གི་ས་གནས་གསར་འགོད་པ་བློ་བྷེ་ལགས་ཀྱིས་ཟ་མ་ཞིག་ཁུར་ནས་ཁོ་རང་སྒེར་གྱི་དྭང་བླང་འོག་ང་ཚོ་ལ་ལྟ་རུ་འོང།
དེ་ལས་མང་བ་། “ཞི་བའི་འཐབ་རྩོད། ཞི་བའི་གོམ་བགྲོད་དང་མཉམ་ཞུགས་མི་སྣ།” »
གཡུ་དྲུག་དཀར། རྡ་ས།
ནངས་མོ་དེར་ང་རང་ཕ་ཡུལ་དང་ཧ་ཅང་རྒྱང་ཐག་རིང་བའི་ས་མཐའ་འདིར། རང་དོན་ཆུང་ཆུང་ཞིག་གི་སླད་དུ་རྒྱུག་བཞིན་ཡོད། འདུར་བཞིན་ཡོད། གློ་བུར་དུ། གློ་ཁུག་ལས་ཁ་པར་གྱི་སྒྲ་དབྱངས་སྐྱོ་ལྷང་ངེ་བ་དེ་འདར་བཞིན་འགུལ་གྱིན་གྲགས་བྱུང་ལ། ཁ་པར་ལག་ཏུ་བླངས་ཏེ་ཁ་ཕྱེས་དུས། ཁྱེད་ཀྱིས་ཕ་ཡུལ་ནས་རང་ལུས་མེ་རུ་སྦར་ཏེ། འབར་བཞིན་འགད་ཀྱིན་གཞན་དོན་ཆེན་པོ་ཞིག་གི་ཆེད་དུ་གཤེགས་སོང་ཟེར།
དེ་མ་ཐག་ཏུ་རང་གི་རྣ་བ་གཉིས་ལ་ཡིད་མི་ཆེས་ཤིང་། རློམ་མི་ཐུབ་པ་ཞིག་ཏུ་སྣང་ཡང་། ཉེ་སྔོན་ཕ་ཡུལ་དུ་འབྱོར་དུས་འབར་ཆོག་ཆོག་ཏུ་སྣང་བའི་ཕ་ཡུལ་དེ་སླར་ཡང་ཡིད་ལ་བསམ་ཞིང་། སེམས་ལ་དྲན་ན། ཁ་པར་ནང་གི་སྐད་ཆ་དེ་ཡིས་སྙིང་འདར་དུ་འཇུག་གི སེམས་འཚབ་ཏུ་འཇུག་གི
དེ་ལས་མང་བ་། “ཁྱོད་ཀྱི་དཔའ་ཉམས་མིག་གིས་མཐོང་ཡོད། ཁྱོད་ཀྱི་དཔའ་སྐད་རྣ་ཡིས་གོ་ཡོད།” »
