ཕྱི་ལོ་ ༡༩༧༥ ལོར་སློབ་གྲྭར་འགྲོ་མ་མྱོང་བའི་འཕྲིན་ལས་རྣམ་རྒྱལ་རང་ལོ་ ༡༤ ལ་སླེབས། ཉིན་ཞིག་ཟོང་སྐྱེལ་རླངས་འཁོར་ཞིག་ཁོ་རང་ལེན་དུ་འབྱོར། ཟོང་སྐྱེལ་རླངས་འཁོར་ནི་ཁོ་རང་སློབ་གྲྭར་འགྲོ་ཐུབ་པའི་གོ་སྐབས་ཡག་ཤོས་ཤིག་ཡིན། ཡིན་ནའང་ཟོང་སྐྱེལ་རླངས་འཁོར་ནང་བསྡད་ཚེ་བོད་ཀྱི་ས་མཚམས་ཀྱི་ཐག་ཉེ་ཡིན་པའི་རྒྱ་གར་བྱང་ཕྱོགས་ཀྱི་རི་ཁྲོདདུ་སྐྱེལ་དགོས་པའི་ཁོ་རང་གི་འབྲོག་པའི་འཚོ་བ་དང་ཕ་མ་གཉིས་འདས་གྲོངས་སུ་གྱུར་རྗེས་རང་ཉིད་གཉོར་སྐྱོང་བྱེད་མཁན་ཨ་ཞང་དང་ཁ་གཏན་བྲལ་བྱེད་དགོས་ཡོད་པས། རྣམ་རྒྱལ་གྱི་སེམས་ལ་ཚོར་སྣང་འདྲེས་མ་ཞིག་སླེབས།

ཡུད་ཙམ་རྗེས། ཁོ་རང་ཟོང་སྐྱེལ་རླངས་འཁོར་ནང་སྡོད་འདུག་བྱས།

དེ་ལས་མང་བ་། “བོད་ནས་ཕ་རན་སི་དང་དེ་ནས་མལ་ཌི་སིན།” »

ཁ་བརྡའི་མཆན་ལས་དྲངས།
བཀྲ་ཤིས་ཀྱིས།
——-
རྒན་ལ་དྭགས་པ་འདིར་ཡང་ཡང་ཕེབས་ཀྱི་འདུག་པས་དྭོགས་འདྲི་ཞུ་རྒྱུ་འགའ་ཡོད་ལགས།
དང་པོ། ཉིད་ཀྱིས་ཡི་གེ་དག་པར་འབྲི་དགོས་པའི་ཁུངས་བཙན་པོ་ཞིག་ནི་དགེ་འདུན་ཆོས་འཕེལ་གྱི་ལུང་དེ་ཡིན། དགེ་འདུན་ཆོས་འཕེལ་གྱིས་བོད་སྐད་ལ་འགྱུར་བ་ཞིག་གཏོང་དགོས་པ་འདུག་ཅེས་དྲན་ནས་ལུང་དེ་གསུངས་འདུག ཁོང་གིས་མཐའ་གཅིག་ཏུ་ཕལ་སྐད་འབྲི་བ་འདི་མ་རུང་ཞེས་གསུངས་མི་འདུག འདི་ལ་དགོངས་ཚུལ་གང་ཡོད།

དེ་ལས་མང་བ་། “ལ་དྭགས་བློ་བཟང་འཇམ་དཔལ་ལགས་དང་ལྷན་དུ་སྐད་ཀྱི་སྐོར་དྲི་བ་དྲི་ལན།” »

གཅན་འོད་འབར།

དེ་རིང་རྒྱལ་གཅེས་དཔའ་བོ་ཞིག་གིས་རིན་ཐང་བྲལ་བའི་རང་ལུས་མེ་རུ་སྤར་ནས་འདས་གྲོངས་སུ་ཕྱིན་པར་བཙན་བྱོལ་གཞུང་མང་གཉིས་ནས་འདས་མཆོད་སྒྲུབ་པའི་ཉིན་མོ་རེད། ཞོགས་པ་སྔ་མོ་ཞིག་ནས་ཤ་རུས་གཅིག་པའི་སྤུན་ཟླ་གྲངས་མེད་ཅིག་གིས་སེམས་ལ་མྱ་ངན་གྱི་ཁུར་པོ་འཁུར་ཞིང་མིག་ལ་ན་ཟུག་གི་མཆི་མ་བསྐྱིས་ནས་རྡ་སའི་གཙུག་ལག་ཁང་དུ་འཛོམས་བྱུང་ལ་ད་དུང་ངོ་གདོང་གི་ཁ་དོག་མི་གཅིག་ཅིང་སྐྱེས་སའི་ཡུལ་ལུང་མི་འདྲ་བའི་མི་རིགས་མང་པོ་ཞིག་ཀྱང་ཅི་ཞིག་ལ་རྔམ་པ་བཞིན་འདི་གའི་མི་ཚོགས་ཀྱི་ཚང་ཁའི་ཁྲོད་དུ་རུབ་བྱུང། མི་ཚོགས་ཀྱི་འདུ་འཛོམས་འདི་འདྲ་རྒྱ་ཆེན་ཞིག་ས་གནས་འདིར་ད་བར་དུ་ཕལ་ཆེར་འདུས་མ་མྱོང་ཞེས་བརྗོད་ཀྱང་ཐལ་དྲག་པའི་སྐད་ཆའི་ཚུལ་དུ་མི་འགྲོ་ལ། དེ་རིང་ལྟ་བུའི་མྱ་ངན་གྱི་ཉིན་མོ་ཞིག་དེ་རིང་བར་བྱུང་མ་མྱོང་ཞེས་ལབ་ཀྱང་རྫུན་གྱི་ཚབ་ཏུ་མི་འགྲོ་བ་ངས་མགོ་བོ་མཁའ་རུ་བཏེགས་ཤིང་སྐད་གསེང་མཐོན་པོའི་ངང་ཁ་ཚོན་བཅད་ནས་བཤད་ཐུབ། འདི་ནི་རང་མི་རིགས་ཀྱི་བདེན་དོན་ལ་སེམས་ཁུར་གྱི་ཚོར་འདུ་རྣོ་བའི་རྟགས་མཚན་རེད་ལ་ཤ་ཁྲག་གཅིག་པའི་སྤུན་ཟླ་ཚོའི་བར་ན་ནམ་ཡང་ཡལ་མི་ངེས་པའི་ལར་ཞེན་བརྟན་པོ་ཞིག་ཡོད་པའི་བདེན་དཔང་ཡང་རེད།

དེ་ལས་མང་བ་། “བརྗོད་མི་འདོད་པའི་སྐད་ཆ།” »

སེར་ཤུལ་རིན་ཆེན་དོན་གྲུབ།

བསམ་བློ་ནི་རྩོམ་རིག་གི་གཞི་རྩ་ཡིན། རྩོམ་རིག་ནི་སྤྱི་ཚོགས་དང་མིའི་འཚོ་གནས་ལ་བདེ་དྲོད་སྦྱིན་པའི་བྱེད་ཐབས་ཤིག་ཡིན་འོས། སྤྱི་ཚོགས་དང་། མིའི་ཚེ་སྲོག་གི་འཚོ་གནས་རིན་ཐང་ལ་བསམ་བློ་གཏོང་མཁན་ཞིག་ཡིན་ན་རང་ཉིད་ལ་རྩོམ་པ་པོའི་མཚན་སྙན་ཐོབ་པ་ལས་རྩོམ་རིག་གིས་མིའི་འཚོ་གནས་རིན་ཐང་ལ་སྟོར་སྐྱོན་མ་ཐེབས་པ་ཞིག་གལ་ཆེ་བ་ཡིན། རྩོམ་པ་པོ་ཡིན་ན་དགག་སྒྲུབ་འབའ་ཞིག་གི་གར་སྟེགས་སུ་ལང་དགོས་པ་དང་། གཞན་གྱི་སྐྱོན་མཚང་འབྲུ་མི་ཐུབ་པའི་རྩོམ་རིག་ཡོད་ཚད་རིན་ཐང་གི་ཚད་གཞི་ཆེས་དམའ་བའི་གད་སྙིགས་སུ་ལུས་པའི་བསམ་བློ་འདི་སུས་འཇིག་རྟེན་དུ་བསྐྲུན་ཅིང་དར་བ་ཡིན་མི་ཤེས་མོད།

དེ་ལས་མང་བ་། “སྐྱོན་བརྗོད། འགན་ཁུར། མཇུག་འབྲས།
” »