བློ་བཟང་རིན་ཆེན།

མཁས་དབང་དངུལ་ཆུ་དྷརྨ་བྷ་དྲ་ཡིས།།
ཀུ་ཤའི་རྩེ་མོས་བླངས་པའི་ཆུ་ཐིགས་ལས།།
ཁོ་བོས་པིར་གྱིས་བླངས་པའི་ཆུ་རྡུལ་གྱིས།།
མངོན་བརྗོད་ལྷ་མོའི་བཞིན་རས་འབྲི་བར་བྱ།།

འོག་ཕྱོཊ་ལྷ་མོས་འཁོན་སེམས་མ་བཅངས་ཀྱང་།།
ནོར་འཛིན་བུ་མོས་ཉམ་ཐག་གཙེས་པ་ཡིས།།
གཞུང་ལུགས་ཀུན་ཏུ་བསྟོད་བསྔགས་བྱེད་པའི་གཞི།།
སུམ་རྩེན་ལྷ་ཡི་ཞིང་ཁམས་དྲན་དུ་བཅུག།

དེ་ལས་མང་བ་། “འབྱུང་བ་བཞི།” »

རྩོམ་འབྲི་བ། རྫ་ཚེ་རིང་བཀྲ་ཤིས། ལྷ་ཆབ་སྦྱིན་པ། ཞོ་ར་བསྟན་པ་དར་རྒྱས། འདྲེ་གླེན་པ། ནགས་ཤོད་ཅོང་བརྡ། མགལ་དུམ།

༧སྐུའི་འཁྲུངས་སྐར་གྱ་ལྔ་བར་ཕུལ་བའི་ཤིས་ཚིག

རྫ་ཚེ་རིང་བཀྲ་ཤིས།

ཞི་བ་རྒྱ་མཚོའི་རླབས་ཀྱི་རྩེ་དགའ་ལ། །
སྙིང་རྗེ་འོད་ཟེར་ཕྲེང་བ་འབུམ་བརྡལ་བའི། །
སྤྱན་རས་གཟིགས་དབང་བསྟན་འཛིན་རྒྱ་མཚོའི་དཔལ། །
གསང་གསུམ་གངས་རིར་བཞད་པའི་དུས་ཆེན་བསུ། །

དེ་ལས་མང་བ་། “ལག་པའི་ཕྱི་ནང་ཚང་གིས་༧སྐུའི་འཁྲུངས་སྐར་གྱ་ལྔ་བར་ཕུལ་བའི་མཉམ་བྲིས་སྙན་ངག” »

ཨ་འདུས་པས།

བསླུ་མེད་ལུང་གིས་ཟིན་པའི་བྱིས་པ་ཞིག །
མདོ་སྨད་ས་ཡི་བཅུད་དུ་འཁྲུངས་པ་ན། །
གངས་རིའི་ལྷ་མི་དགའ་བའི་དགོད་སྒྲ་ཡིས། །
རི་བོ་ཧི་མ་ལ་ཡ་འདར་བར་བྱས། །

པོ་ཏ་ལ་རུ་འཕགས་པ་སྤྱན་མི་འཛུམ། །

དེ་ལས་མང་བ་། “འཁྲུངས་སྟོན་བསྟོད་པ་ཁྱད་འཕགས་མ།” »

གཡུ་སྒང་དགེ་འདུན།
 
(ཕྱི་ལོའི་དགུང་གྲངས་ ༨༥ ཕེབས་པའི་སྐུའི་འཁྲུངས་སྐར་ལ་ཕུལ།)

༡༽དྲི་མེད་རྒྱལ་བསྟན་ཉི་ཟླའི་དཀྱིལ་འཁོར་ས་སྟེང་སྐྱེ་འགྲོའི་མགོན་དུ་སྩལ།།
ལོག་སྨྲའི་སྲིན་བྱ་ལོང་བར་མི་བྱེད་ལེགས་ལམ་འཇིག་རྟེན་གཟིགས་མོར་འགྲེམས།།
གསེར་མངལ་ཅན་དང་མིག་སྟོང་ལྡན་སོགས་འཇིག་རྟེན་དྲེགས་པའི་ཚོགས་ཀྱིས་ཀྱང་།།
སྤྱི་བོར་བཀུར་ཞིང་སྤྱན་རས་གཟིགས་ཀྱི་མགྲོན་གཉེར་མཛད་གང་སྲིད་ན་མཐོ།།

༢༽གང་གི་ཞབས་ཟུང་རྩིབས་སྟོང་ལྡན་པས་སྟོབས་ལྡན་རྒྱལ་ཁབ་གྲངས་མེད་བསྐོར།།
རྒྱལ་སྤྱིའི་དཀའ་རྙོག་དུག་མཚོ་ཁོལ་མ་ཞི་བྱེད་ཆོས་ཀྱི་ལམ་ཆེན་བསྟན།།

དེ་ལས་མང་བ་། “མཛད་འཕྲིན་བརྗོད་མཐའ་བྲལ་བའི་འཛམ་གླིང་གི་དགོས་འདོད་ཀུན་འབྱུང་།” »

བདེ་སྐྱིད་དབང་མོ། དཔེ་སྟོན་སློབ་གྲྭ། འཛིན་གྲྭ་༦ཀ རང་ལོ་༡༡
 
མདོ་སྨད་ས་ཡི་ཐིག་ལི།།
ཙོང་ཁའི་ཡུལ་ལུང་ཕྱུག་མོར།།
མཚན་དཔེ་མེ་ཏོག་མཛད་པའི།།
༸རྒྱལ་བ་ཡིད་བཞིན་ནོར་བུ།།

བྱམས་དང་བརྩེ་བ་སྣུམ་པོས།།
ཐུགས་རྒྱུད་ཡོངས་སུ་བརླན་པས།།
རིས་མེད་འགྲོ་བའི་སྙིང་ལ།།
ཆོས་ཀྱི་བདུད་རྩི་ཕབ་བྱུང།།

དེ་ལས་མང་བ་། “བཀའ་དྲིན་རྗེས་དྲན།” »

བསྟན་འཛིན་ནོར་འཛིན། དཔེ་སྟོན་སློབ་གྲྭ། འཛིན་རིམ་༦ཁ རང་ལོ་༡༡
 
སྐྱབས་མགོན་ཡིད་བཞིན་ནོར་བུ།།
གངས་ཅན་བོད་ཀྱི་བླ་མ།།
འཛམ་གླིང་ཞི་བདེའི་དེད་དཔོན།།
སྐུ་ཚེ་སྐལ་བརྒྱར་བརྟན་ཤོག།

ཁྱེད་ཞལ་མཁའ་ཡི་ཟླ་གཞོན།།
སྐུ་ནི་གངས་རི་ལྷུན་པོ།།
གསུང་ནི་རིན་ཆེན་གདམ་ངག།
ཐུགས་ནི་སྙིང་རྗེའི་རང་གཤིས།།

དེ་ལས་མང་བ་། “སྐུ་ཡི་འཁྲུངས་སྐར་ལ་ཕུལ།” »

བཀྲ་ཤིས་ལྡིང་བཟང། དཔེ་སྟོན་སློབ་གྲྭ། འཛིན་གྲྭ་༦ཀ རང་ལོ། ༡༢
 
སྤྱི་ལོ་སོ་ལྔར་འཁྲུངས་པའི་༸གོང་ས་མཆོག།
ཡོད་ཚད་བློས་བཏང་ཆོས་སྲིད་འགན་འཁྲི་བཞེས།།
ཉམས་ཆུང་བོད་མི་རྣམས་ལ་བདེ་སྐྱིད་བསྐྲུན།།
ཉིན་མཚན་གང་བོར་གཞན་ཆེད་སྐུ་ལས་བསྐྱོན།།

ཆ་རྒྱུས་མེད་པའི་རྒྱ་གར་འཕགས་པའི་ཡུལ།།
བོད་མི་སྟོང་ཕྲག་མང་པོ་སྐྱབས་བཅོལ་གནས།།
རྒྱལ་བའི་དྲིན་གིས་ཟས་གོས་སྡོད་གསུམ་ཐོབ།།
ཤེས་ཡོན་སྦྱོང་རྒྱུའི་གོ་སྐབས་གསར་དུ་བསྐྲུན།།

དེ་ལས་མང་བ་། “༸བཀའ་དྲིན་ཉི་མའི་འོད་ཟེར།” »

བསྟན་འཛིན་ནོར་འཛོམས། དཔེ་སྟོན་སློབ་གྲྭ། འཛིན་གྲྭ། ༦ཁ རང་ལོ་༡༢
 
གོང་དུ་མེད་པ་ཞི་བདེའི་དེད་དཔོན་མཆོག།
ས་ཕྱོགས་ཀུན་ལ་བྱམས་བརྩེའི་གཟིགས་པ་བསྐྱངས།།
སྐྱབས་མགོན་གསུང་གི་བདུད་རྩི་ཐོས་པ་དགའ།།
མགོན་པོ་མཆོག་གིས་སྐྱེ་རྒུའི་གདུང་སེལ་ཐུབ།།

སྙིང་རྗེ་རྒྱ་མཚོ་བཞིན་དུ་དཔག་མེད་པ།།
འཕགས་མཆོག་སྤྱན་རས་གཟིགས་ཀྱི་རྣམ་སྤྲུལ་མཆོག།
གང་གི་མཛད་འཕྲིན་ཉི་འོད་བཞིན་དུ་ཁྱབ།།
ངོ་མཚར་ཅན་ལ་བདག་གིས་ཕྱག་འཚལ་ལོ།།

དེ་ལས་མང་བ་། “༸གོང་ས་མཆོག་ལ་བཀའ་དྲིན་རྗེས་དྲན་ཞུ་ཚིག” »

ཚེ་བརྟན་འགྱུར་མེད།
 
གངས་ཅན་བོད་ཀྱི་ཤར་མཚེས་རྒྱ་དམར་པོའི།།
ལྟ་སྤྱོད་རྨོངས་དང་དྲག་ཤུག་ནུས་པ་ལས།།
གངས་ཅན་གཅེས་ནོར་ཆོས་རིག་བཅོམ་འདོད་ཀྱང་།།
༸རྒྱལ་དབང་བསྟན་འཛིན་རྒྱ་མཚོས་རླབས་འཕྲིན་ལས།།
ས་སྟེང་ཡོངས་སུ་ཡིད་སྤྲོའི་ནོར་བུར་བརྟས།།

དམར་པོས་བཅོམ་པའི་བོད་རིགས་སྤུན་ཟླ་ཡི།།
དབང་པའི་ཡུལ་འཕྲོག་ལུས་ཀྱི་ཤ་ཁྲག་འཛད་ནའང།།
སེམས་ཤུགས་ཆོལ་གསུམ་གོང་བུའི་འདབ་ཡངས་དེ།།

དེ་ལས་མང་བ་། “སྐུའི་འཁྲུང་དཀར་ལ་འཚམས་་འདྲི་བཀྲིས་བདེ་ལེགས་ཞུ།” »

བསེ་རུ། (ཨོ་གླིང་།)
 
གངས་རིའི་ལྗོངས་ནས་བཞད་པའི་ཉིན་བྱེད་ཅིག།
གླིང་ཆེན་ཁྱོན་དུ་སྨག་མུན་ཞི་མཛད་ཅིང་།།
སྐྱེ་འགྲོའི་ཡིད་བདེ་སྐྲུན་པར་མི་ངལ་བའི།།
བླ་མ་ཡིད་བཞིན་ནོར་བུ་སྤྱི་བོས་མཆོད།།

གང་ན་ལུས་ཅན་མཆིས་པའི་ས་ཕྱོགས་སུ།།
གང་གི་སྡུག་བསྔལ་མུན་པ་སེལ་བའི་ཕྱིར།།
གང་ཉིད་འོད་ཀྱི་ཐིག་ལེར་སྤྲུལ་མཛད་པོ།།
བླ་མ་ཉིན་བྱེད་དབང་པོར་གསོལ་བ་འདེབས།།

དེ་ལས་མང་བ་། “༄༅།། ལྷར་བཅས་སྲིད་ཞིའི་གཙུག་རྒྱན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགུང་གྲངས་གྱ་ལྔ་བཞེས་པའི་སྐུའི་འཁྲུངས་སྐར་ལ་འཚམས་འདྲིའི་བཀྲ་ཤིས་བདེ་ལེགས་ཞུའོ།།” »

ཆང་སྐྱེས།
 
ཤཀྱའི་དགེ་སློང་བསྟན་འཛིན་རྒྱལ་མཆོག་གང་།།
གང་གི་ཐུགས་བརྩེ་འོ་མའི་དཀར་རྒྱུན་དང་།།
བྱམས་བརྩེ་འཛུམ་གྱིས་ཕྱུག་པའི་འོད་སྣང་གིས།།
འགྲོ་བའི་སྡུག་བསྔལ་མུན་པ་རྨང་ནས་བཅོམ།།

ཡང་སྲིད་མཆོག་སྤྲུལ་མདོ་སྨད་ཡུལ་ནས་འཁྲུངས།།
གསེར་སྐུ་ལང་ཚོའི་དཔལ་ཡོན་དབུས་ནས་རྒྱས།།
བློ་གྲོས་རིག་གཏེར་འཕགས་པའི་ཡུལ་ན་གཏམས།།
གཟི་བྱིན་འོད་ཟེར་འཛམ་གླིང་ཡོངས་ལ་ཁྱབ།།

དེ་ལས་མང་བ་། “གྱ་ལྔའི་འཁྲུངས་སྐར་བསུ།” »

ཚེ་དབང་བསོད་ནམས།
 
ཀ་དག་ཕྱག་རྒྱ་གངས་ཅན་ལྷ་ཅིག་ཕྱག་ན་པད་མོར་འདུད།
ཁ་བའི་ཡུལ་གྱི་སྤྲེལ་བྲག་རིགས་མྱུག་ཁྱེད་ཀྱི་གདུལ་བྱར་གཟིགས།
གངས་ཅན་མགོན་པོ་བསྟན་འཛིན་རྒྱ་མཚོའི་བརྒྱད་ལྔའི་འཁྲུངས་སྐར་ལ།
ང་ཚོ་གཞིས་བྱེས་ས་ཡ་དྲུག་གི་དགའ་བསུའི་འཚམས་འདྲི་ཞུ།

ཅ་ཅོ་ཆོས་མེད་གུང་ཁྲན་དམར་པོའི་བསམ་སྦྱོར་ངན་པའི་འོག།
ཆོས་ལྡན་ཞིང་གི་ཕྱི་ནང་སྣོད་བཅུད་ཡོངས་རྫོགས་རྩ་མེད་བཟོས།
ཇི་ལྟར་བསམ་ཀྱང་བོད་འབངས་བདེ་སྐྱིད་ཁྱེད་ཀྱི་སྐུ་ཚེ་རག།
ཉི་ཟླ་འདྲ་བའི་ཁྱེད་ཀྱི་མཛད་འཕྲིན་གླིང་འདིར་ཞི་བདེ་བསྐྲུན།

དེ་ལས་མང་བ་། “༸གོང་ས་སྐྱབས་མགོན་ཆེན་པོ་མཆོག་དགུང་གྲངས་བརྒྱད་ལྔར་ཕེབས་པའི་སྐུའི་འཁྲུངས་སྐར་ལ་ཕུལ་བའི་ཀ་བཤད།” »

འཇིགས་མེད་དབང་འདུས།
 
༄༅།། ས་ཐག་རིང་འཕགས་པའི་གྲོང་འཁྱེར་ན།།
རྗེ་སྐྱབས་མགོན་སྐུ་ཚེ་བརྟན་ནས་ཡོད།།
ཐུགས་བྱམས་བརྩེའི་འགྲོ་རྣམས་སྐྱོང་བཞིན་ཡོད།།
མཚན་སྙན་གྲགས་འཛམ་གླིང་ཀུན་ལ་ཁྱབ།།
རྗེ་བླ་མའི་བཀྲིན་བསམ་མི་ཁྱབ།།
དུས་གསུམ་སྒོ་མོ་འབྱེད་མཁན་དེ་ཁྱེད་ཡིན།།
ཤེས་བྱའི་སྒྲོན་མེ་སྤར་མཁན་དེ་ཁྱེད་ཡིན།།
བདེན་དོན་སེམས་ལ་འབྲི་མཁན་དེ་ཁྱེད་ཡིན།།
འཚེ་མེད་ཞི་བདེ་སྤེལ་མཁན་དེ་ཁྱེད་ཡིན།།

དེ་ལས་མང་བ་། “གྱ་ལྔ་སྐུའི་འཁྲུངས་ཚེས་ལ་དད་སྨོན་གྱི་ཆེ་བསྟོད་ཞུ།” »