འདྲེ་གླེན་པ།
སྙིང་ནས་བརྩེ་བའི་ནུ་བོ་མགོན་པོ་ཚེ་བརྟན། ད་ཁྱོད་ལོ་ག་ཚོད་རེད་གོ ། ངས་གསལ་བོ་ཞིག་མི་དྲན་གི ། འོན་ཀྱང་། ངས་ད་དུང་ཡང་གསལ་བོ་དྲན་པ་ནི་ང་འགྲོ་ཁར་ཁྱོད་ཀྱིས་དོར་མ་ཐེད་པོ་ཞིག་གྱོན་ནས་ང་ལ་མིག་ཅེར་ནས་བལྟས་འདུག་པ་དྲན་སོས། གཏན་ནས་བརྗེད་ཐབས་མི་འདུག ཁྱེད་རང་དེ་དུས་ཧ་ཅང་ཆུང་། སློབ་ཆུང་ལོ་རིམ་གཉིས་གསུམ་ཙམ་ཡིན་ངེས། འོན་ཀྱང་། ངས་བསམ་པར་ཁྱེད་ཀྱིས་དེ་དུས་ནས་སེམས་ཁྲལ་བྱ་ཤེས་ཀྱི་འདུག་དྲན་ནས།
དེ་ལས་མང་བ་། “མཐོ་རྒྱུགས་ལ་ཞུགས་པའི་འབྲོག་གྲོང་གི་སློབ་མ། ཡིག་འཕྲིན།” »
ཨ་ལགས་རྗེ་སྤྲུལ་གྱིས། (རོང་བོ་ཐང་དཀར་གྱིས་འོས་སྦྱོར་བྱས།)
ཀླད་ཀྱི་གཏམ།
ཉིན་ཤས་སྔོན། རྒྱུན་ལྡན་ལྟར་ངན་གོམས་སུ་སོང་བའི་གཤིས་ངན་དེ། སྟངས་འཛིན་གྱི་བྱ་རའི་རྒྱ་ལས་ཡོངས་སུ་ཤོར་ནས། འཇིག་རྟེན་གསར་པའི་དྲ་ངོས་སུ་འཁྱམ་ཉུལ་བྱས་སྐབས། འདྲེན་བྱེད་དབང་པོའི་ཡུལ་དུ་ལྷགས་པ་ནི་བོད་ཀྱི་སྐྱེས་པ་ན་གཞོན་ཞིག་གིས་བོད་ཡིག་ཀློག་བཞིན་པའི་
དེ་ལས་མང་བ་། “བོད་ཕྲུག་ལོང་བ་རྣམས་ལ་ཤེས་རབ་ཀྱི་མིག་སྦྱིན་པའི་ཕྱི་གླིང་མཛངས་མ།” »
རོང་བོ་ཐང་དཀར་གྱིས་འོས་སྦྱོར་བྱས།
༄༅།། ཞིང་ཆེན་སོ་སོའི་མཁས་དབང་ཚང་མ་ལྷན་དུ་འཛོམས་ཏེ། ང་ཚོའི་བོད་ཀྱི་མི་རིགས་སློབ་གསོའི་བྱ་བ་འདི་ལ་གྲོས་བསྡུར་གཏིང་ཟབ་མོ་བྱས་ནས་ལྷག་པར་དུ་དེང་སྐབས་ང་ཚོའི་བོད་ཀྱི་རིག་གནས་འདི་འཕེལ་རྒྱས་སུ་སོང་ཟེར་རྒྱུ་དཀའ་མོད། ཉམས་པ་སོར་ཆུད་དང་མི་ཉམས་གོང་སྤེལ་གཏོང་རྒྱུ། དེང་སྐབས་འཛམ་གླིང་ན་མཚན་སྙན་གྲགས་ཆེ་བའི་ང་ཚོའི་ལོ་རྒྱུས་ལ་ལོ་ངོ་སྟོང་ཕྲག་དུ་མའི་ལོ་རྒྱུས་དང་ལྡན། ང་ཚོའི་མི་རིགས་འདི་ད་སྐབས་ཉི་མ་ལྟ་བུ་ཞིག་ཡིན་ན་ནུབ་ལ་ཉེ་ཡོད་པའི་སྐབས་འདིར། ང་ཚོ་རང་གི་རིག་གནས་འདི་ཡུན་རིང་བོའི་བར་དུ་
བློ་བཟང་རིན་ཆེན།
མཁས་དབང་དངུལ་ཆུ་དྷརྨ་བྷ་དྲ་ཡིས།།
ཀུ་ཤའི་རྩེ་མོས་བླངས་པའི་ཆུ་ཐིགས་ལས།།
ཁོ་བོས་པིར་གྱིས་བླངས་པའི་ཆུ་རྡུལ་གྱིས།།
མངོན་བརྗོད་ལྷ་མོའི་བཞིན་རས་འབྲི་བར་བྱ།།
འོག་ཕྱོཊ་ལྷ་མོས་འཁོན་སེམས་མ་བཅངས་ཀྱང་།།
ནོར་འཛིན་བུ་མོས་ཉམ་ཐག་གཙེས་པ་ཡིས།།
གཞུང་ལུགས་ཀུན་ཏུ་བསྟོད་བསྔགས་བྱེད་པའི་གཞི།།
སུམ་རྩེན་ལྷ་ཡི་ཞིང་ཁམས་དྲན་དུ་བཅུག།
ཅོག་རོང་བས།
ཏོག་དབྱིབས་ནད་དུག་ཁྱབ་བརྡལ་དུ་འགྱུར་བཞིན་པ་དང་རྒྱ་གར་རྒྱ་ནག་བར་གྱི་ས་རྩོད་ཤིན་ཏུ་ཐུ་བར་གྱུར་དང་འགྱུར་བཞིན་པའི་རྐྱེན་གྱིས། བོད་མིའི་བདེ་སྡུག་གཙིགས་སུ་འཛིན་པ་དང་བཙན་བྱོལ་བོད་གཞུང་ལ་རྒྱུན་ལྡན་གྱི་འཁོར་བསྐྱོད་ཡོང་ཆེད་ངས་བལྟས་ན་༢༠༢༠་ལོའི་སྲིད་སྐྱོང་འོས་བསྡུའི་ལས་གཞི་ནར་འགྱང་གིས་ལོ་ལྔ་རྗེས་སུ་སྟེ་༢༠༢༥་ལོར་སྲིད་སྐྱོང་གདམ་བསྐོ་བྱས་ན་བཟང་བར་འདོད། རྩ་ཁྲིམས་ཀྱི་དོན་ཚན་ཉེར་གཅིག་ནང་དུ་སྲིད་སྐྱོང་གི་ཡུན་ཚད་ལ་ཚད་བཀག་ཡོད་ཀྱང་། གནས་སྟངས་ཤིན་ཏུ་ཚབས་ཆེན་དང་རྒྱུན་ལྡན་མིན་པའི་རྐྱེན་ངན་བར་ཆད་ཚབས་ཆེན་རིགས་བྱུང་ན་རྩ་ཁྲིམས་ཚད་བཀག་དེ་ལ་དམིགས་བསལ་ཡོད་ཆོག་པ་ཞིག་ཡིན། ཐོག་མར་ཏོག་དབྱིབས་ནད་དུག་གིས་མི་མང་པོ་ཞིག་གིས་འོས་ཤོག་འཕེན་པར་འགལ་རྐྱེན་དང་བར་ཆད་བཟོས་དང་བཟོ་ངེས་པའི་རྐྱེན་གྱིས་འོས་ཤོག་འཕེན་མི་ཐུབ་
དེ་ལས་མང་བ་། “སྲིད་སྐྱོང་བློ་བཟང་སེང་གེ་དང་ཁོང་གི་བཀའ་ཤག་ཡང་བསྐྱར་ལོ་ལྔར་བསྡད་ན་བཟང་།” »
གནས་ཚུལ་མཁོ་སྤྲོད་པ་ཨཱཅརྱ་ཚུལ་ཁྲིམས་རྒྱ་མཚོ།
༄༅།། འཛམ་གླིང་ཞི་བདེའི་དེད་དཔོན་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་གྱ་ལྔར་ཕེབས་པའི་༸སྐུ་འཁྲུངས་སྐར་འདི་བཞིན་གནས་དུས་དང་འཚམས་པར་སྲུང་བརྩི་གཟབ་རྒྱས་ཞུས། སྒང་ཏོག་སེར་བྱེས་འགྲོ་ཕན་གླིང་དགོན་དུ་འཚོགས་པའི་མཛད་སྒོའི་ཐོག་སྐུ་མགྲོན་གཙོ་བོ་རྣམ་རྒྱལ་བོད་ཀྱི་ཤེས་རིག་ཉམས་ཞིབ་ཁང་གི་དབུ་འཛིན་འབའ་ཉག་རིན་པོ་ཆེ་བཀྲ་ཤིས་གདན་ས་པ་མཆོག་དང་། འབྲས་གཞུང་དྲུང་ཆེ་ཟུར་པ་ཚེ་མཆོག་གླིང་རིན་པོ་ཆེ་བསྟན་འཛིན་དགེ་ལེགས། འབྲས་གཞུང་དྲུང་ཆེ་ཟུར་པ་ཚེ་རྒྱལ་བཀྲ་ཤིས་རྣམ་གསུམ་དང་། ས་གནས་འཐུས་ཚོགས་ཀྱི་ཚོགས་གཙོ་རྩ་གཞིས་ཚེ་རིང་དབང་ཕྱུག་དང་རྒྱུན་ལས་རྣམ་པ། རང་གཞུང་བོད་མིའི་སྒྲིག་འཛུགས་ཀྱི་ས་གནས་འགོ་འཛིན་མི་འགྱུར་གཡུ་སྒྲོན། རིས་མེད་དགོན་སྡེ་ཁག་གི་སྐུ་ཚབ་རྣམ་པ། སྒང་ཏོག་བོད་ཀྱི་སྐད་ཡིག་གཅེས་འཛིན་ཚོགས་ཆུང་
དེ་ལས་མང་བ་། “སྒང་ཏོག་ཁུལ་དུ་༸སྐུའི་འཁྲུངས་སྐར་སྲུང་བརྩི་ཞུས་པ།” »
དཀོན་མཆོག་རྒྱ་མཚོ།
ན་མོ་གུ་རུ་ལོ་ཀེ་ཤྭ་ར་ཡེ།
རྒྱལ་བ་ཀུན་གྱི་མཁྱེན་བརྩེའི་ཡེ་ཤེས་ཀུན།། གཅིག་ཏུ་བསྡུས་པའི་སྡོམ་བརྩོན་ཆོས་ཀྱི་རྒྱལ།། འཇིག་རྟེན་ཡོངས་ཀྱི་ཞི་བདེའི་དེད་དཔོན་ཆེ།། བླ་མ་སྤྱན་རས་གཟིགས་ལ་མགོས་ཕྱག་འཚལ།། གསར་རྙིང་མདོ་རྒྱུད་དུ་མར་མགོན་པོ་ཁྱོད།། སངས་རྒྱས་གཉིས་པར་ལུང་གིས་བསྟན་པ་ལྟར།། ས་སྟེང་རྒྱལ་བསྟན་ཡོངས་ཀྱི་བདག་པོར་བཞེངས།། ༸གོང་ས་ལྷ་མིའི་སྟོན་པར་ཕྱག་འཚལ་ལོ།། སྔོན་བྱོན་དམ་པས་བྱིན་བརླབས་སྟག་འཚེར་དུ།། རིགས་རུས་ཕུན་ཚོགས་ཡབ་ཡུམ་
རྩོམ་འབྲི་བ། རྫ་ཚེ་རིང་བཀྲ་ཤིས། ལྷ་ཆབ་སྦྱིན་པ། ཞོ་ར་བསྟན་པ་དར་རྒྱས། འདྲེ་གླེན་པ། ནགས་ཤོད་ཅོང་བརྡ། མགལ་དུམ།
༧སྐུའི་འཁྲུངས་སྐར་གྱ་ལྔ་བར་ཕུལ་བའི་ཤིས་ཚིག
རྫ་ཚེ་རིང་བཀྲ་ཤིས།
ཞི་བ་རྒྱ་མཚོའི་རླབས་ཀྱི་རྩེ་དགའ་ལ། །
སྙིང་རྗེ་འོད་ཟེར་ཕྲེང་བ་འབུམ་བརྡལ་བའི། །
སྤྱན་རས་གཟིགས་དབང་བསྟན་འཛིན་རྒྱ་མཚོའི་དཔལ། །
གསང་གསུམ་གངས་རིར་བཞད་པའི་དུས་ཆེན་བསུ། །
དེ་ལས་མང་བ་། “ལག་པའི་ཕྱི་ནང་ཚང་གིས་༧སྐུའི་འཁྲུངས་སྐར་གྱ་ལྔ་བར་ཕུལ་བའི་མཉམ་བྲིས་སྙན་ངག” »
ཨ་འདུས་པས།
བསླུ་མེད་ལུང་གིས་ཟིན་པའི་བྱིས་པ་ཞིག །
མདོ་སྨད་ས་ཡི་བཅུད་དུ་འཁྲུངས་པ་ན། །
གངས་རིའི་ལྷ་མི་དགའ་བའི་དགོད་སྒྲ་ཡིས། །
རི་བོ་ཧི་མ་ལ་ཡ་འདར་བར་བྱས། །
པོ་ཏ་ལ་རུ་འཕགས་པ་སྤྱན་མི་འཛུམ། །
ཀླུ་སྨྱོན་ཧེ་རུ་ཀ
ཁ་སང་དང་དེ་རིང་གཉིས་ཀར་བགྲངས་པ་དེ་ཚོ་བསྡོམས་ན་མ་ཎི་ཁྲི་གཅིག་ལ་ལོངས་འདུག
མ་ཎི་ཁྲི་གཅིག་སྐར་མའི་གཟུགས་སུ་སྤྲུལ་ནས་ནམ་མཁར་གཏོར་བ་ཡིན་ན།
གནམ་སྔོན་པོ་དང་ཟླ་བ་དཀར་པོ་དེར་ཆེས་མཛེས་པའི་རྒྱན་ཆ་ཞིག་གྲུབ་འདུག་ལ།
དེས་སྙན་ངག་མཁན་ཁྲི་སྟོང་གི་སྨྱུ་གུའི་རྩེ་ནས་སྒྱུ་རྩལ་གྱི་སྣང་བརྙན་དུ་མ་ཞིག་ཐོལ་གྱིས་འཕྱུར་བར་བྱེད་ཀྱང་སྲིད།
ཨ་འདུས་པས།
སང་ཉིན་ཁྱོད་རང་ཇི་ལྟར་བྲེལ་ནའང་།
འཁྲུངས་སྟོན་བསུ་རྒྱུ་མ་བརྗེད། བོད་པ་ཚོ།
རང་ལ་ནོར་བུ་ཡོད་པ་ཤེས་བཞིན་དུ།
གང་སར་གཡམ་རྒྱུག་མ་བྱེད། བོད་པ་ཚོ།
གཡུ་སྒང་དགེ་འདུན།
(ཕྱི་ལོའི་དགུང་གྲངས་ ༨༥ ཕེབས་པའི་སྐུའི་འཁྲུངས་སྐར་ལ་ཕུལ།)
༡༽དྲི་མེད་རྒྱལ་བསྟན་ཉི་ཟླའི་དཀྱིལ་འཁོར་ས་སྟེང་སྐྱེ་འགྲོའི་མགོན་དུ་སྩལ།།
ལོག་སྨྲའི་སྲིན་བྱ་ལོང་བར་མི་བྱེད་ལེགས་ལམ་འཇིག་རྟེན་གཟིགས་མོར་འགྲེམས།།
གསེར་མངལ་ཅན་དང་མིག་སྟོང་ལྡན་སོགས་འཇིག་རྟེན་དྲེགས་པའི་ཚོགས་ཀྱིས་ཀྱང་།།
སྤྱི་བོར་བཀུར་ཞིང་སྤྱན་རས་གཟིགས་ཀྱི་མགྲོན་གཉེར་མཛད་གང་སྲིད་ན་མཐོ།།
༢༽གང་གི་ཞབས་ཟུང་རྩིབས་སྟོང་ལྡན་པས་སྟོབས་ལྡན་རྒྱལ་ཁབ་གྲངས་མེད་བསྐོར།།
རྒྱལ་སྤྱིའི་དཀའ་རྙོག་དུག་མཚོ་ཁོལ་མ་ཞི་བྱེད་ཆོས་ཀྱི་ལམ་ཆེན་བསྟན།།
དེ་ལས་མང་བ་། “མཛད་འཕྲིན་བརྗོད་མཐའ་བྲལ་བའི་འཛམ་གླིང་གི་དགོས་འདོད་ཀུན་འབྱུང་།” »
བདེ་སྐྱིད་དབང་མོ། དཔེ་སྟོན་སློབ་གྲྭ། འཛིན་གྲྭ་༦ཀ རང་ལོ་༡༡
མདོ་སྨད་ས་ཡི་ཐིག་ལི།།
ཙོང་ཁའི་ཡུལ་ལུང་ཕྱུག་མོར།།
མཚན་དཔེ་མེ་ཏོག་མཛད་པའི།།
༸རྒྱལ་བ་ཡིད་བཞིན་ནོར་བུ།།
བྱམས་དང་བརྩེ་བ་སྣུམ་པོས།།
ཐུགས་རྒྱུད་ཡོངས་སུ་བརླན་པས།།
རིས་མེད་འགྲོ་བའི་སྙིང་ལ།།
ཆོས་ཀྱི་བདུད་རྩི་ཕབ་བྱུང།།
བསྟན་འཛིན་ནོར་འཛིན། དཔེ་སྟོན་སློབ་གྲྭ། འཛིན་རིམ་༦ཁ རང་ལོ་༡༡
སྐྱབས་མགོན་ཡིད་བཞིན་ནོར་བུ།།
གངས་ཅན་བོད་ཀྱི་བླ་མ།།
འཛམ་གླིང་ཞི་བདེའི་དེད་དཔོན།།
སྐུ་ཚེ་སྐལ་བརྒྱར་བརྟན་ཤོག།
ཁྱེད་ཞལ་མཁའ་ཡི་ཟླ་གཞོན།།
སྐུ་ནི་གངས་རི་ལྷུན་པོ།།
གསུང་ནི་རིན་ཆེན་གདམ་ངག།
ཐུགས་ནི་སྙིང་རྗེའི་རང་གཤིས།།
རིག་རྣམ། དཔེ་སྟོན་སློབ་གྲྭ། འཛིན་རིམ་༦ ཁ རང་ལོ་༡༡
ད་ཆ་རྒྱལ་ཡོངས་ཀུན་ཏུ་ནད་ཡམས་ཁྱབ་གདལ་སོང་བའི་རྐྱེན་གྱིས་ཕྱི་རོལ་དུ་འགྲོ་རྒྱུ་མེད་ཅིང། ཁྱིམ་ཁོ་ནར་སྡོད་དགོས་པས་ཉོབ་སྣང་གིས་དུས་ཚོད་ཀྱང་འཁྱོལ་བ་དཀའ། ང་འདྲ་བའི་བུ་ཞིག་རྒྱལ་ཡོངས་སྒོ་བརྒྱབ་ནས་སློབ་གྲྭར་འགྲོ་མ་ཐུབ་པར་བརྟེན་ལེ་ལོའི་དྲྭ་བར་ཚུད་དེ་ཉིན་མཚན་ཀུན་ཏུ་མུན་ནག་གི་ཁྲོད་དུ་ལུས་པའི་ཁེར་རྐྱང་གི་ཚོར་སྣང་སྐྱེས་ནས་དུས་ཚོད་མ་འཁྱོལ་བར་ཉི་མ་ལོ་ལས་རིང་བ་ལྟ་བུར་གྱུར་བའི་སྐབས། བདག་གི་ཕ་མ་དང་འདྲ་བའི་མུན་སེལ་སྒྲོན་མེ་བཀའ་དྲིན་ཅན་གྱི་དགེ་བའི་བཤེས་གཉེན་གྱིས་ངའི་དྲིན་ཅན་ཨ་མ་ལགས་ཀྱི་ཞལ་པར་ཐོག་གསུང་སྐད་སྙན་འཇམ་ལྡན་པའི་ངང་ཚེ་འདི་ཕྱི་གཉིས་ལ་བཀའ་དྲིན་འགྲན་ཟླ་མ་མཆིས་པའི་གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚེ་ཧྲིལ་བུ་བོད་མི་རྣམས་ཡང་སྒོས་འཛམ་གླིང་ཞི་བདེར་ཕན་པའི་སྐུ་ལས་མཛད་མཐའ་མེད་པ་བསྐྱོན་པའི་བཀའ་དྲིན་རྗེས་དྲན་
བཀྲ་ཤིས་ལྡིང་བཟང། དཔེ་སྟོན་སློབ་གྲྭ། འཛིན་གྲྭ་༦ཀ རང་ལོ། ༡༢
སྤྱི་ལོ་སོ་ལྔར་འཁྲུངས་པའི་༸གོང་ས་མཆོག།
ཡོད་ཚད་བློས་བཏང་ཆོས་སྲིད་འགན་འཁྲི་བཞེས།།
ཉམས་ཆུང་བོད་མི་རྣམས་ལ་བདེ་སྐྱིད་བསྐྲུན།།
ཉིན་མཚན་གང་བོར་གཞན་ཆེད་སྐུ་ལས་བསྐྱོན།།
ཆ་རྒྱུས་མེད་པའི་རྒྱ་གར་འཕགས་པའི་ཡུལ།།
བོད་མི་སྟོང་ཕྲག་མང་པོ་སྐྱབས་བཅོལ་གནས།།
རྒྱལ་བའི་དྲིན་གིས་ཟས་གོས་སྡོད་གསུམ་ཐོབ།།
ཤེས་ཡོན་སྦྱོང་རྒྱུའི་གོ་སྐབས་གསར་དུ་བསྐྲུན།།
བསྟན་འཛིན་ནོར་འཛོམས། དཔེ་སྟོན་སློབ་གྲྭ། འཛིན་གྲྭ། ༦ཁ རང་ལོ་༡༢
གོང་དུ་མེད་པ་ཞི་བདེའི་དེད་དཔོན་མཆོག།
ས་ཕྱོགས་ཀུན་ལ་བྱམས་བརྩེའི་གཟིགས་པ་བསྐྱངས།།
སྐྱབས་མགོན་གསུང་གི་བདུད་རྩི་ཐོས་པ་དགའ།།
མགོན་པོ་མཆོག་གིས་སྐྱེ་རྒུའི་གདུང་སེལ་ཐུབ།།
སྙིང་རྗེ་རྒྱ་མཚོ་བཞིན་དུ་དཔག་མེད་པ།།
འཕགས་མཆོག་སྤྱན་རས་གཟིགས་ཀྱི་རྣམ་སྤྲུལ་མཆོག།
གང་གི་མཛད་འཕྲིན་ཉི་འོད་བཞིན་དུ་ཁྱབ།།
ངོ་མཚར་ཅན་ལ་བདག་གིས་ཕྱག་འཚལ་ལོ།།
ཚེ་བརྟན་འགྱུར་མེད།
གངས་ཅན་བོད་ཀྱི་ཤར་མཚེས་རྒྱ་དམར་པོའི།།
ལྟ་སྤྱོད་རྨོངས་དང་དྲག་ཤུག་ནུས་པ་ལས།།
གངས་ཅན་གཅེས་ནོར་ཆོས་རིག་བཅོམ་འདོད་ཀྱང་།།
༸རྒྱལ་དབང་བསྟན་འཛིན་རྒྱ་མཚོས་རླབས་འཕྲིན་ལས།།
ས་སྟེང་ཡོངས་སུ་ཡིད་སྤྲོའི་ནོར་བུར་བརྟས།།
དམར་པོས་བཅོམ་པའི་བོད་རིགས་སྤུན་ཟླ་ཡི།།
དབང་པའི་ཡུལ་འཕྲོག་ལུས་ཀྱི་ཤ་ཁྲག་འཛད་ནའང།།
སེམས་ཤུགས་ཆོལ་གསུམ་གོང་བུའི་འདབ་ཡངས་དེ།།
དེ་ལས་མང་བ་། “སྐུའི་འཁྲུང་དཀར་ལ་འཚམས་་འདྲི་བཀྲིས་བདེ་ལེགས་ཞུ།” »
བསེ་རུ། (ཨོ་གླིང་།)
གངས་རིའི་ལྗོངས་ནས་བཞད་པའི་ཉིན་བྱེད་ཅིག།
གླིང་ཆེན་ཁྱོན་དུ་སྨག་མུན་ཞི་མཛད་ཅིང་།།
སྐྱེ་འགྲོའི་ཡིད་བདེ་སྐྲུན་པར་མི་ངལ་བའི།།
བླ་མ་ཡིད་བཞིན་ནོར་བུ་སྤྱི་བོས་མཆོད།།
གང་ན་ལུས་ཅན་མཆིས་པའི་ས་ཕྱོགས་སུ།།
གང་གི་སྡུག་བསྔལ་མུན་པ་སེལ་བའི་ཕྱིར།།
གང་ཉིད་འོད་ཀྱི་ཐིག་ལེར་སྤྲུལ་མཛད་པོ།།
བླ་མ་ཉིན་བྱེད་དབང་པོར་གསོལ་བ་འདེབས།།
ཆང་སྐྱེས།
ཤཀྱའི་དགེ་སློང་བསྟན་འཛིན་རྒྱལ་མཆོག་གང་།།
གང་གི་ཐུགས་བརྩེ་འོ་མའི་དཀར་རྒྱུན་དང་།།
བྱམས་བརྩེ་འཛུམ་གྱིས་ཕྱུག་པའི་འོད་སྣང་གིས།།
འགྲོ་བའི་སྡུག་བསྔལ་མུན་པ་རྨང་ནས་བཅོམ།།
ཡང་སྲིད་མཆོག་སྤྲུལ་མདོ་སྨད་ཡུལ་ནས་འཁྲུངས།།
གསེར་སྐུ་ལང་ཚོའི་དཔལ་ཡོན་དབུས་ནས་རྒྱས།།
བློ་གྲོས་རིག་གཏེར་འཕགས་པའི་ཡུལ་ན་གཏམས།།
གཟི་བྱིན་འོད་ཟེར་འཛམ་གླིང་ཡོངས་ལ་ཁྱབ།།
