ཕ་ལོ། བུ་མོའི་སེམས་པ།
མདའ་ཆབ་བྲག་པས།
ཁྲེལ་གཞུང་མེད་པའི་ཕ་རྒན་ཁྱེད་རང།
སྲིན་པོའི་སྒོ་འགྲམ་འགྲོ་དོན་ཅི་རེད།
མི་རིགས་ཤིག་གི་བདེན་དོན་རྩོད་ན།
རང་གི་གཅེས་ཕྲུག་འཇོག་དོན་ཅི་རེད།
གོས་རྒྱན་མེ་ལ་བསྲེགས་ཞེས་རྩ་བའི་བླ་མས་བཀའ་གསུང་མིན།།
སྤྲུལ་སྐུ་དབང་ཆེན་ནས།།
ཞོགས་དུང་རྟོག་སད་ཅོང་བརྡའི་ཚིག་དོན་རྨོངས་ཞེན་མཚོན་ཆ་པགས་པའི་རིགས།
ནག་གནས་རི་དྭགས་རྔོན་པའི་ཆ་སྤྱད་ཆོས་ལྡན་བོད་ལ་མི་མཛའ་ཞེས།
དུང་དཀར་སྙན་མོ་ཞལ་ནས་བུས་ཡང་ཉི་མའི་ཟེར་ལ་འུག་པའི་མིག
མི་བཟོད་གཡོ་ཅན་གཡམ་རྒྱུགས་མཁན་དག་ཚིག་གིས་དམག་དཔུང་བསྡུས་སོ་སྐད།།
མཁས་དབང་ཚུལ་བློ་རིག་པའི་ཁྱུ་མཆོག་ལྷག་བསམ་རབ་དཀར་ཀུ་མུད་གཉེན།
ཞོགས་པའི་དུང་བརྡས་བསིལ་རླུང་གཡབ་ཏེ་རང་རིགས་རྒན་གཞོན་བར་གསུམ་ལ།
གླེན་ལྐུག་གདོལ་སྤྱོད་གྲི་དང་པགས་རིགས་གོས་རྒྱན་ལུས་ལ་མ་འཆང་ཞེས།
གསེར་ལས་དཀོན་པའི་འཚོ་བའི་ལམ་སྟོན་བསླབ་བྱ་ཡིད་བཞིན་ནོར་བུ་བརྩལ།།
དེ་ལས་མང་བ་། “གོས་རྒྱན་མེ་ལ་བསྲེགས་ཞེས་རྩ་བའི་བླ་མས་བཀའ་གསུང་མིན།།” »
རྗེས་དྲན་དད་པའི་རྒྱང་གླུ།
ཤར་མཁན་སྤྲུལ་འཇམ་དཔལ་བློ་གྲོས།
དྲི་བྲལ་སྟོང་ཆེན་ལྷ་མོར་སྦྲུམ་པའི་རབ་འབྱམས་སྣང་བའི་དག་ཆེན་དབྱིངས། །ཀུན་ཁྱབ་གཡུང་དྲུང་རྡུལ་བྲལ་ལོངས་སྤྱོད་ལྷ་ཡི་དགའ་བ་སྟོང་ཕྲག་འབུམ། །མི་མཇེད་ཞིང་དུ་སྣ་ཚོགས་མཁྱེན་བརྩེའི་འོད་དཀར་ཟློས་པ་འགྲོ་བའི་དཔལ། །སྐུ་གསུམ་ཡེ་ལྡན་བླ་མ་གཤེགས་པའི་མུན་ནག་གདུལ་བྱའི་མིག་ལ་གདུང་། །
རྫོགས་ལྡན་ཆོས་མཆོག་འཕགས་ཡུལ་འབྲས་དཀར་སྤུངས་ནས་ཆུ་འཛིན་དབྱིངས་སུ་ཐིམ། །སྦས་ཡུལ་གངས་དཀར་འདབ་སྟོང་གྲོང་ནས་གསེར་ལྡན་མ་ལ་འདྲེན་པ་རྨད། །འོན་ཏེ་ད་དུང་ཟབ་ལམ་རྡོ་རྗེའི་ལམ་མཆོག་པད་ཚལ་ལག་འགྲོའི་ཁྲོམ་པའི་རྒྱ། །མ་བསྐྱེད་ངེས་དོན་བསྟན་པའི་ཁུར་ཆེན་བོར་ནས་གཤེགས་པ་ཀྱེ་མ་ཧུད། །
གཞུང་དམངས་གཉིས་ཀྱི་སེམས་ཤི་སོང་བ་རེད་དམ།
ནམ་མཁའ།
ཉེ་བའི་ཆར་བོད་ཀྱི་དུས་བབ་དྲ་ཐོག་ཏུ་བཏོན་པའི་གནས་ཚུལ་ཞིག་ལ། མདོ་སྨད་ཐེ་བོ་ནས་གནས་མཇལ་བ་སྐོར་ཞིག་ལྷ་སར་ཕྱིན་པའི་སྐབས། མདོ་སྟོད་སྨད་ཀྱི་མི་སུ་ཡིན་ཚང་མ་དྲག་དམག་ཚོས་ཞིབ་བཤེར་བྱེད་པར་རྟེན།ཨ་མདོ་ཐེ་བོ་གྲྭ་བ་ཞིག་ལ་ཞིབ་བཤེར་བྱེད་མཁན་གྱི་དྲག་དམག་ཞིག་དང་ཁ་རྩོད་ཤོར་ནས་དྲག་དམག་དེས་ཐེ་ཚོམ་ཅི་ཡང་མེད་པར་གྲྭ་བ་དེ་དམར་གསོད་བྱས་མོད། ཡིན་ཡང་རང་དབང་ལུང་པའི་གཞུང་དང་མི་དམངས་གཉིས་ཀ་གཉིད་ལ་ཤོར་བ་ལྟར་གྲགས་འགུལ་ཅི་ཡང་མི་འདུག་ལ། དེའི་སྐོར་ནས་དྲ་རྩོམ་འབྲི་མཁན་ཚོ་ཡང་ཡིད་སྐྱོ་བའི་གནས་ཚུལ་ལ་གོམས་ལོབ་ལྟ་བུ་ཞིག་ཏུ་གྱུར་ཡོད་པ་འདྲ་བར་ཡིག་འབྲུ་སྣ་གཅིག་ཀྱང་མཐོང་རྒྱུ་མི་འདུག
ཞི་བའི་འཐབ་རྩོད་ལ་ཚང་དགོས་པའི་ཆ་རྐྱེན།
གླིང་ཚ་ཚེ་བརྟན་རྡོ་རྗེ་ནས། རང་ཚུགས་ཐུབ་པ། ཞུམ་མེད་ཀྱི་སྙིང་སྟོབས་ཡོད་པ། འགྲོ་བ་འདྲ་མཉམ་གྱི་འདུ་ཤེས་ཟབ་མོ་ཡོད་པ། རིགས་ལ་བཅིངས་པའི་ལྷག་བསམ་ལ་རྨ་མེད་པ། དྲང་བདེན་ལ་རང་གི་ཚེ་སྲོག་ལས་ཀྱང་གཅེས་པ། མིའི་ཀུན་སྤྱོད་ཀྱི་ཁེ་དབང་ལ་གཅིག་མཚུངས་སུ་ལྟ་བ་དང་ཕྱོགས་རུས་མེད་པ་བཅས་ཀྱི་སྟེང་ནས། དཀའ་ངལ་ཡོད་ཚད་ལ་གདོང་གཏད་པར་རང་གི་ལུས་ངག་ཡིད་གསུམ་དང་རྒྱུ་དངོས་སྤྱོར་གསུམ་གང་ཡིན་ཡང་བློས་གཏོང་བྱེད་པར་རང་ཉིད་ཀྱི་སེམས་གཏིང་ནས་གྲྭ་སྒྲིག་ཚགས་ཚུད་ཡོད་པ་ཞིག་དགོས་པ་ཡིན། ༨།༦།༡༢
ནག་ཕོའི་ནག་ཉེས་ནག་མོས་དོ་ཟླ་མིན།
ཀླུ་སྨྱོན།
—ནག་མོར་བསྡིགས་པའི་རྩོམ་ཐུང་ཞིག་ལ་བྲིས།
ནག་མོ་བྲན་དུ་བཀོལ་མཁན་ནག་ཕོ་ཡིན། །
ནག་མོའི་རང་དབང་འཕྲོགས་མཁན་ནག་ཕོ་ཡིན། །
ནག་མོར་ཉེས་རྡུང་གཏོང་མཁན་ནག་ཕོ་ཡིན། །
འཛམ་གླིང་འཁྲུག་ཆེན་སློང་མཁན་ནག་ཕོ་ཡིན། །
འཁྲུག་ཆེན་གཉིས་པོ་རྒྱག་མཁན་ནག་ཕོ་ཡིན། །
རྡུལ་ཕྲན་མཚོན་ཆ་བཟོ་མཁན་ནག་ཕོ་ཡིན། །
ལག་དམར་རྒྱལ་པོ་ཚང་མ་ནག་ཕོ་ཡིན། །
རྒྱ་ནག་ཆིན་ཧྲི་ཧོང་ཁོ་ནག་ཕོ་རེད། །
འཇར་མན་ཧིས་ཁྲི་ལིར་ཁོ་ནག་ཕོ་རེད། །
རེ་སྒུག
གཅན་འོད་འབར།
ཁུ་སིམ་གྱི་གཙང་འགྲམ་ཞིག་ལ་དུས་ཆད་བཏབ་པའི་སྲོད་ཁར།
གཙང་བོའི་རླབས་ཀྱིས་འཁྱེར་པའི་སྡོང་ལོར་བལྟ་ཞོར་མཛའ་མོར་སྒུག་ཅིང།
རླུང་བུས་གང་སར་འདེད་པའི་སྤྲིན་པར་ཅེར་ནས་ཟླ་བ་བསུས།
ཁེར་རྐྱང་གི་ཟླ་བ། ཁེར་རྐྱང་གི་གཙང་བོ།
ད་དུང་ཁེར་རྐྱང་གི་སྡོང་ལོ།
ང་དང་ངའི་སེམས་པ་ཆག་རོ་འདིའི་ཐོག་མའི་སེམས་གསོ་དང་འདྲ་ལ།
ང་དང་ངའི་མིག་ཟུང་སྐམ་པོ་འདིའི་མཐའ་མའི་མཆི་མ་དང་ཡང་མཚུངས།
ཅི་ཡང་མཐོང་ཐབས་བྲལ་བའི་མུན་ནག་འདིའི་ཁ་དོག་ངོགས་སུ།
ཡུན་རིང་སྒུག་པའི་སེམས་ཀྱི་སྐར་མདའ་དེ།
མཚན་ལྗོངས་འདིའི་མཁའ་དབྱིངས་ནས་ཟགས་པར་རེ་ཞིང།
གང་ཡང་ཐོས་རྒྱུ་མེད་པའི་གཙང་འགྲམ་འདིའི་ལྗོན་པའི་འོག་ཏུ།
གཡུང་དྲུང་བོན་གྱི་སྐོར་བགྲོ་གླེང་སྐབས་བཅུ་གཉིས་པ་༧དཔལ་གཤེན་བསྟན་སྨན་རིའི་དཔེ་མཛོད་དུ་འཚོགས་པ།
གནས་ཚུལ་མཁོ་སྤྲོད་གནང་མཁནཿ གཡུང་དྲུང་བོན་གྱི་དྲ་ཚིགས་རྒྱུན་ལས་ཁང་།
དེ་ཡང་ཐོག་མར་༧སྐྱབས་རྗེ་༧རྒྱལ་བ་སྨན་རི་བའི་དགོངས་བཞེད་ལྟར་ཕྱི་ལོ་༢༠༠༠ལོ་ནས་ཕྱོགས་མཐའི་སློབ་གྲྭ་ཁག་གི་དབྱར་ཁའི་གུང་གསེང་དང་སྟབས་བསྟུན། ལོ་རེ་བཞིན་གཡུང་དྲུང་བོན་གྱི་ཆོས་དང་རིག་གཞུང་གི་སྐོར་ལ་བགྲོ་གླེང་ཐེངས་རེ་འཚོགས་དབུ་བཙུགས་གནང་ཡོད་པ་བཞིན།
རྙིང་མའི་དབུ་འཛིན་གྱིས་བཀའ་ཆོས་གནང་བ་དང་ཁྲི་འདོན།
གནས་ཚུལ་མཁོ་གཏོང་གནང་མཁནཿ མཁན་པོ་ཆོས་དབྱིངས།
དཔལ་སྔ་འགྱུར་རྙིང་མའི་༸སྐྱབས་རྗེ་སྟག་ལུང་རྩེ་སྤྲུལ་རིན་ཆེ་བཤད་སྒྲུབ་ཉིན་བྱེད་ཕྲིན་ལས་བཟང་པོ་མཆོག་གིས་༢༠༡༢ སྤྱི་ཟླ་ ༥ ཚེས་༤༢ དབུ་བཙུགས་ཏེ་བྱང་གཏེར་གྱི་བཀའ་དབང་དང་ལྗགས་ལུང་བསྩལ་ཡོད་པ་རེད། སྐྱབས་རྗེ་མཆོག་འདི་ལོ་སྤྱི་ཟླ་ ༣ ཚེས་་༦ ། བོད་རབ་བྱུང་བཅུ་བདུན་པའི་ཆ ུ་འབྲུག་ལོའི་བོད་ཟླ་ ༡ ་ཚེས་ ༡༣ རེས་གཟའ་མིག་དམར་ཉིན། སྔ་འགྱུར་རྙིང་མ་མ་དགོན་དྲུག་གི་བླ་ཆེན་ཁག་མཁན་དང་པོ་རྣམས་ཀྱིས་ཇི་ལྟར་གསོལ་བ་བཏབ་པ་བཞིན་རྙིང་མའི་དབུ་འཛིན་དུ་ཞལ་བཞེངས་གནང་།
དེ་ལས་མང་བ་། “རྙིང་མའི་དབུ་འཛིན་གྱིས་བཀའ་ཆོས་གནང་བ་དང་ཁྲི་འདོན།” »
ཕན་མ་ཐོགས་ན་གནོད་མི་བསྐྱེལ་བ་དེ་ངའི་དམ་བཅའ་ཡིན།
་་་་་་ངས་འགྲོ་བ་འདྲ་མཉམ་དང་བོད་མི་རིགས་ཀྱི་ཁེ་དབང་རྩོད་ཀྱི་ཡོད།
བོད་མི་རིགས་ཀྱི་རང་དབང་དང་ཞི་བདེའི་ཆེད་དུ་ངའི་མི་ཚེ་ནང་དུ་དཀར་ཐིགས་ཙམ་ཞིག་འཇོག་ཐུབ་སོང་བ་ཡིན་ན། ང་རང་ལ་མི་ངན་དང་ཁྲེལ་མེད། ནག་ཅན། མི་རིགས་ཤིག་གི་ཉེས་ཅན་པ། མི་ཁ་དང་འཕྱ་དམོད་གང་ཞིག་བྱས་ཀྱང་། ང་རང་སྒེར་ངོས་ནས་དེ་ལ་སྡང་སེམས་དང་འཁོན་ལན་གཏན་ནས་མེད་པ་མ་ཟད། སེམས་ཁོང་རུས་པའི་གཏིང་ནས་བློ་འགྱོད་སྤུ་ཙམ་མེད།
དེ་ལས་མང་བ་། “ཕན་མ་ཐོགས་ན་གནོད་མི་བསྐྱེལ་བ་དེ་ངའི་དམ་བཅའ་ཡིན།” »
ལུས་ཐོག་ནས་ཁྲག་དྲོན་བཞུར་གི་ཡོད་པ་ལས་ས༌སྣུམ་མ་རེད།
རྩོམ། ཡུས་ཅེ། སྒྱུར། ནགས་ཤོད་སད་མི།
སྤྱི་ལོ ༢༠༡༢ ལོའི་ཟླ་བ ༥ པའི་ཚེས ༣༠ ཉིན། བོད་ཀྱི་བུད་མེད་ཅིག་གིས་སླར་ཡང་འཛམ་ཐང ༼ སི་ཁྲོན་རྔ་པ་ཁུལ་འཛམ་ཐང་རྫོང ༽ དུ་རང་སྲེག་བྱས་ནས་ལྔ་ལམ་དུ་བཞུད། ཉེ་བའི་ཟླ་འགའི་རིང་བོད་མིའི་རང་སྲེག་གྲངས་འབོར་ཞེ་གཅིག་ལ་འཕར་ཚར། ༼ བོད་ནང་སོ་བརྒྱད་དང་། བོད་ཕྱི་གསུམ ༽ དེའི་ཁྲོད་ནས་མི་སུམ་ཅུ་ཐམ་པ་གྲོངས་ཟིན། ༼ བོད་ནང་ཉེར་བརྒྱད་དང་། བོད་ཕྱི་གཅིག ༽ དེ་དག་ལས་བུད་མེད་དྲུག་དང་། བཙུན་མ་གསུམ སློབ་ཕྲུག་བུ་མོ་གཅིག་བཅས་ཚང་མ་སྐུ་གཤེགས་པ་རེད།
དེ་ལས་མང་བ་། “ལུས་ཐོག་ནས་ཁྲག་དྲོན་བཞུར་གི་ཡོད་པ་ལས་ས༌སྣུམ་མ་རེད།” »
ཀྲུའུ་ཝེ་ཆོན་རྒན་ཡོལ་བཏང་འདུག
༼ བོད་ཀྱི་དུས་བབ་ནས་དྲངས། ༽
ཉེ་ཆར་རྒྱ་གཞུང་དབུས་འཐབ་ཕྱོགས་གཅིག་གྱུར་ཁང་གི་དཔོན་རིགས་ཚོ་བརྗེ་སྤོར་དང་། བོད་རྒྱ་འབྲེལ་མོལ་ལ་འགན་འཁུར་མཁན་ཀྲུའུ་ཝེ་ཆོན་རྒན་ཡོལ་བཏང་འདུག
ཉེ་ཆར་ཧོང་ཀོང་མེན་པའོ་གསར་ཤོག་གིས་གནས་ཚུལ་སྤེལ་དོན། ཐེངས་མང་༸གོང་ས་མཆོག་གི་སྐུ་ཚབ་དང་ལྷན་དུ་བོད་རྒྱ་འབྲེལ་མོལ་གནང་མཁན། རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་མགོ་གཙོ་གཞོན་པ་ཀྲུའུ་ཝེ་ཆོན་ལས་གནས་ནས་རྒན་ཡོལ་ལ་བཏང་ཡོད་པ་དང་། ཁོའི་ཚབ་ལ་དེ་སྔོན་བོད་ཁུལ་དུ་ཡུན་རིང་ལས་དོན་སྒྲུབ་མྱོང་བའི་ད་ལྟའི་རྒྱ་ནག་ཅང་ཞིས་ཞིང་ཆེན་གྱི་སྲིད་གྲོས་མགོ་གཙོ་(ཀྲུའུ་ཞི)ཀྲང་ཡིས་ཅཱོང་བསྐོ་བཞག་བྱས་ཡོད་པ་དང་། དེ་བཞིན། དབུས་འཐབ་ཕྱོགས་གཅིག་གྱུར་ཁང་གི་མགོ་གཙོ་གཞོན་པ་ཧུང་ཡའེ་ཅིན་ཅཱང་ཞིས་ཞིང་ཆེན་གྱི་སྲིད་གྲོས་མགོ་གཙོར་ལས་བསྒྱུར་བྱས་འདུག
རེབ་གོང་།
ས་དཀྱིལ་ཚེ་བཀྲ།
ལྷ་བསང་གཏོང་རོགས། ཆོས་དུང་འབུད་རོགས།
ཁྱེད་རང་མ་གཞི་ནས་བསང་ཁྲི་སྔོན་པོ་ཞིག
ཁྱེད་རང་གདོད་མ་ནས་ལྷ་སྒྲུང་ནག་པོ་ཞིག
རེབ་གོང་ཨཱ། ཕ་ཡི་རུས་ཟད་ཅིང་མ་ཡི་ཟུངས་འཐོར་བའི།
ལོ་རྒྱུས་ཀྱི་བླ་མཁར་སྨུག་པོ་ཨང་།
༧སངས་རྒྱས་བསྟན་པར་སྲི་ཞུ་རླབས་ཆེན།
༄༅། ། ༧གོང་ས་ལྷ་མིའི་རྣམ་འདྲེན་༧རྒྱལ་མཆོག་བསྟན་འཛིན་རྒྱ་མཚོའི་སྐུ་དུས་སུ། བོད་མི་སེར་མོ་བ་ཙམ་དུ་མ་ཟད་སྐྱ་བོ་ཁྱིམ་པའི་སྡེ་ནས་ཀྱང་སངས་རྒྱས་པའི་ཆོས་ཀྱི་ལྟ་གྲུབ་ལ་སྦྱང་དགོས་པའི་ཤིང་རྟའི་སྲོལ་བཏོད་པ་དང། དུས་ནམ་རྒྱུན་དུ་༧གོང་ས་མཆོག་ནས་བོད་མི་གཙོས་ནང་པ་ཡོངས་ལ་དུས་རབས་ཉེར་གཅིག་པའི་ནང་པ་ཞིག་བྱེད་དགོས་པའི་ལམ་སྟོན་བཀའ་སློབ་ཡང་ཡང་གནང་བཞིན་པ་ལྟར། རྡ་ས་ནང་ཆོས་ངོ་སྤྲོད་ཚོགས་ཆུང་ནས་༧གོང་ས་སྐྱབས་མགོན་ཆེན་པོའི་བཀའ་དགོངས་ཚུལ་བཞིན་ལག་ལེན་བསྟར་སྟེ ༢༠༠༣ ནས་བོད་མི་སྐྱ་བོའི་སྡེར་ནང་ཆོས་ངོ་སྤྲོད་ཀྱི་ལས་གཞི་འགོ་བརྩམས་ཞིང།
བཀག་བསྐྱེལ་ཁང་གིས་དེ་རིང་ང་ལ་རེ་སྐུལ་དང་འདྲི་བརྩད་སླར་ཡང་བྱས་སོང་།
གླིང་ཚ་ཚེ་བརྟན་རྡོ་རྗེ།
དེ་རིང་བར་དུ་ང་རང་བཀག་བསྐྱེལ་ཁང་འདི་ལ་བཅུགས་ནས་ཉིན་མོ་བཅོ་བརྒྱད་འགོར་ཡོད། དེ་ཡི་རིང་དུ་ཁྲིམས་ཁང་དུ་ཐེངས་གསུམ་རིང་ལ་ཁྲིམས་རྩོད་པའི་སར་ཁྲིད་པ་རེད། ཁྲིམས་རྩོད་པས་སར་ཁྲིད་ཐེངས་རེར། ངའི་མིང་ནས་འབོད་པ་དང་ཉིན་བཀག་ཕྱིར་འགྱངས་བྱེད་པ་ལས། ང་ལ་སྐད་ཆ་གཞན་གང་ཡང་མི་འདྲི། དེ་རིང་བར་དུ་ང་རང་བཀག་བསྐྱེལ་ཁང་འདིའི་ཡིག་ཚང་དུ་ཐེངས་ཁ་ཤས་ཤིག་ལ་སྐད་བཏང་བ་ལས། དེ་རིང་བར་དུ་ང་ལ་ཐག་གཅོད་བྱེད་ཀྱི་ཡིན་ཟེར་བའི་སྐད་ཆ་གང་ཡང་བཤད་མྱོང་མེད།
དེ་ལས་མང་བ་། “བཀག་བསྐྱེལ་ཁང་གིས་དེ་རིང་ང་ལ་རེ་སྐུལ་དང་འདྲི་བརྩད་སླར་ཡང་བྱས་སོང་།” »
༧རྒྱལ་མཆོག་ཡབ་སྲས་གཉིས་སྐུ་གཞོན་དུས་ཀྱི་སྐུ་པར་ཁག་ཅིག
༧རྒྱལ་མཆོག་ཡབ་སྲས་གཉིས་སྐུ་གཞོན་དུས་ཀྱི་སྐུ་པར་ཁག་ཅིག
དེ་ལས་མང་བ་། “༧རྒྱལ་མཆོག་ཡབ་སྲས་གཉིས་སྐུ་གཞོན་དུས་ཀྱི་སྐུ་པར་ཁག་ཅིག” »
ངོས་མང་བའི་ཀྲུང་གུང་སྒེར་གཅོད།
ལིག་ཞོ་པོ་ཡིས་བརྩམས། ཚེ་རིང་རྡོ་རྗེས་བསྒྱུུར།
མའོ་ཡི་དུས་སྐབས་ཕྱི་མའི་ཀྲུང་གུང་སྲིད་དབང་ནི་སྔར་བཞིན་དུ་སྒེར་གཅོད་ཡིན་ཡང་། སྨྱོ་རྟགས་དེ་ཙམ་མེད་པའི་སྒེར་གཅོད་བློ་རིག་ཅན་དུ་སོང་བས་ཁེ་ཕན་སྡོམ་རྩིས་ལ་ཇེ་བྱང་ནས་ཇེ་བྱང་ཡིན། ལྷག་པར་དུ་དྲུག་བཞིའི་དམར་གསོད་ཆེན་མོའི་རྗེས་སུ། ཀྲུང་གུང་གིས་འབད་པ་གང་འདྲ་བྱས་ཀྱང་རང་གི་ལྟ་གྲུབ་འདུ་ཤེས་ཐོལ་རྒྱག་གིས་ཉམས་རྒུད་འགྲོ་བ་བསྟུངས་ཐབས་མ་རྙེད།
ས་ག་ཟླ་བར་གྲོག་སྦྱིན་རེ་ཐོངས་དང་།
ཀླུ་སྨྱོན།
སེམས་ཅན་དང་ནི་སངས་རྒྱས་གཉིས། །
སངས་རྒྱས་ཆོས་འགྲུབ་འདྲ་བ་ལ། །
རྒྱལ་ལ་གུས་མཆོད་དེ་བཞིན་དུ། །
སེམས་ཅན་ལ་མིན་ཅི་ཡི་ཕྱིར། །
—རྒྱལ་སྲས་ཞི་བ་ལྷས།
རྒྱ་གར་གྱི་ནང་པའི་སློབ་དཔོན་སྙན་གྲགས་ཅན་མགོན་པོ་ཀླུ་སྒྲུབ་ཀྱི་དབུ་མ་རིན་ཆེན་ཕྲེང་བ་སོགས་ལས་གྲོག་སྦྱིན་གཏོང་དགོས་པའི་སྐོར་གསུངས་ཡོད་ཅིང་།
བོན་དང་འབྲེལ་བའི་བོད་ཀྱི་བརྡ་སྤྲོད་རིག་པ།
སློབ་དཔོན་ཨརཅྱ་གཟི་གཡང་།
༧གཡུང་དྲུང་བོན་གྱི་སྐོར་བགྲོ་གླེང་སྐབས་༡༢པའི་ཉིན་བཞི་པའི་བརྗོད་བྱ་སྙིང་བསྡུས
བོན་དང་འབྲེལ་བའི་བོད་ཀྱི་བརྡ་སྤྲོད་རིག་པ་ཞེས་པའི་བརྗོད་བྱ་དངོས་གཞིའི་སྐོར་དངོས་སུ་མ་གླེང་སྔོན་དང་ཐོག་བརྡ་སྤྲོད་རིག་པ་ཞེས་པ་དེ་ཅི་འདྲ་ཞིག་ལ་བརྗོད་དགོས་མིན་དང་། རིག་གནས་ཆེ་ཆུང་བཅུ་ཡི་ནང་གང་གི་ཁོངས་སུ་འདུས་པ་དང་། ལེགས་སྦྱར་གྱི་ཚིག་བིདྱཱ་དང་དབྱིན་ཚིག་ལོ་ཇི་ཞེས་པ་དེ་བོད་ཚིག་“རིག་པ་”ཞེས་པར་བསྒྱུར་སྲོལ་དར་འགོ་ཚུགས་ཡོད་པའི་དཔེ་མཚོན་བཅས་སྔོན་འགྲོའི་གཏམ་གྱི་ཚུལ་དུ་གླེང་སློང་བྱ་རྒྱུ་ཡིན།
