སྙན་ངག་མཁན། ཋཱ་ཀུར། (Tagore) སྒྱུར་མཁན། ཟླ་བ་གཞོན་ནུ།
མིན། བདག་གི་མཛའ་བཤེས་རྣམ་པ་ཚོ། ང་ནམ་ཡང་དཀའ་ཐུབ་པ་ཞིག་བྱེད་རྒྱུ་མིན། ཁྱོད་ཚོས་ཅི་ཞིག་བཤད་ཀྱང་བཤད།
གལ་ཏེ་མོས་ང་དང་མཉམ་དུ་དཀའ་ཐུབ་ཀྱི་སྡོམ་ཁྲིམས་མ་བཞེས་ན་ནི་ང་ནམ་ཡང་དཀའ་ཐུབ་པ་ཞིག་བྱེད་རྒྱུ་མིན།
གལ་ཏེ་བདག་ལ་བསིལ་གྲིབ་སྟུག་པའི་གྲིབ་འོག་ཅིག་དང་། ང་དང་མཉམ་དུ་དཀའ་ཐུབ་ལ་སྡོད་མཁན་ཞིག་མ་རྙེད་པ་ཡིན་ན་ང་རང་དཀའ་ཐུབ་པ་ཞིག་བྱེད་རྒྱུ་མིན་ཞེས་སེམས་ཐག་ཆོད་པ་ཡིན།
འཇིགས་མེད་འོད་ལྡན།
PDF
ཁོ་བོ་བཙན་བྱོལ་སྤྱི་ཚོགས་སུ་འབྱོར་ནས་ཡུན་རིང་ལོན་མཐར། རྡ་རམ་ས་ལའི་མཁའ་དབུགས་རྔུབ་དགོས་བྱུང། རྡ་ས་ན་མེད་པ་གང་ཡང་མེད་ལ། ཡོད་ན་བསམས་པ་ཞིག་ཀྱང་ཁོ་བོས་མཐོང་བ་ཉུང་ཉུང་ཡིན་ཞེས་ན་རྫུན་དུ་མི་འགྲོ་བ་འདྲ། ཡིན་ནའང་ཁ་སང་དེ་རིང་རྡ་སའི་སྲང་བར་ནས་ངེད་རང་གསར་འཕྲིན་ཤིག་དང་འཕྲད། གསར་འཕྲིན་དེ་ཇ་འཐུང་ཞོར་བཀླགས་པ་ཡིན། ངས་ཐེངས་གཅིག་ཤར་ཀློག་བྱས་རྗེས་གསར་འཕྲིན་དེ་ཨམ་ཕྲག་ཏུ་འཇུག་འདོད་བྱུང། མཚན་མོར་ནང་དུ་སླེབས། ཉལ་ཁྲིའི་སྒང་ངལ་གསོ་རྒྱག་བཞིན་སླར་ཡང་གསར་འཕྲིན་དེ་ཡིད་ལ་དྲན།
དེ་ལས་མང་བ་། “༼ ཆབ་སྲིད་དཔྱད་གླེང༽གསར་འཕྲིན་ཐད་གཏོང་བྱས་པ།” »
རྟ་བདུན་དབང་པོ།
ཉེ་བའི་ཆར་ཁ་ཆེའི་ལུང་བ་ཁ་ཤས་ཤིག་ལ་དམངས་གཙོ་རྒྱལ་ཁ་ཐོབ་པ་རེད་། ཡིན་ནའང་མི་དམངས་བརྒྱ་ཆ་བརྒྱད་བཅུ་ནས་དགུ་བཅུས་འཐབ་རྩོད་བྱས་པའི་སྟོབས་ཀྱིས་རེད་། ད་ལྟའི་ཆར་རྒྱ་ནག་མི་དམངས་ཕལ་མོ་ཆེའི་ཤེས་ཡོན་ཞན་པས་རྐྱེན་ཀྱིས་གུང་ཕྲན་ཏང་གི་ལྟ་ངན་མཁྲེགས་འཛིན་གི་ལམ་ལུགས་འདིར་མཐའ་གཅིག་ཏུ་སྡུག་པོ་ཡིན་པ་མཐོང་ཐུབ་ཀྱིས་མེད་། དེས་ན་རྒྱ་རིགས་ཁ་ཤས་ཤིག་དང་གྲངས་ཉུང་མི་རིགས་ཁ་ཤས་ཤིག་གིས་ཇི་ལྟར་འཐབ་རྩོད་བྱས་ཀྱང་རེ་ཞིག་གྲུབ་འབྲས་འབྱུང་རྒྱུ་དཀའ་བར་གནང་། དེའི་ཕྱིར་ང་ཚོས་གནས་སྐབས་རིང་ཤེས་ཡོན་ཡར་རྒྱས་དང་རྡོག་རྩ་གཅིག་སྒྲིལ། ཆོས་ལུགས་ཕན་ཚུན་གྱི་མཐུན་སྒྲིལ་སོགས་ལ་འབད་བརྩོན་བྱེད་དེ་རེ་ཞིག་ངང་སྒུག་བྱ་རྒྱུ་གལ་ཆེ་བར་སྙམ།
(ཁྲི་རལ་པ)
༡ད་ལྟའི་རྒྱ་གར་ནང་བོད་མི་གསར་འབྱོར་བའི་དཀའ་ཁག
ད་ཆ་གཞུང་འབྲེལ་ཡིན་མིན་ཚོགས་ཁག་མང་པོ་ཅིག་གིས་སྙན་ཐོ་ལྟར་ན་ འདས་པའི་མི་ལོ་མང་པོར་བཙན་བྱོལ་བོད་གཞུང་གི་གསར་འབྱོར་སྲིད་ཇུས་ནི།ལོ་ཁ་ཤས་རིང་རྒྱ་གར་ནང་སུ་ཇ་དང་གསོག་སྒར་སློབ་གྲྭ་སོགས་སུ་སློབ་སྦྱོང་གང་ཐུབ་སྤྲད་དེ་ཕྱིར་གང་མགྱོགས་བོད་ལ་གཏོང་ཐབས་གང་ཐུབ་བྱེད་ཀི་ཡོད་ཅིང་།དེ་ཚོ་ནི་ན་གཞོན་དར་མ་རྣམས་མ་གཏོགས་གསར་འབྱོར་བྱིས་པ་ ཁག་དེ་ནང་ཚུད་མེད་པ་རེད། འོན་ཀྱང་།གཞོན་སྐྱེས་ཚོ་ནི་གང་མགྱོགས་བོད་གཏོང་གི་སྲིད་ཇུས་ལ་བརྟེན་སློབ་གྲྭ་ནས་འཐོན་འཕྲལ་བོད་ནང་ལོག་མ་ཐུབ་པ་དང་ལོག་འདོད་མེད་པ་རྣམས་འགྲོ་ས་འདུག་བརྟེན་ཅི་གང་མེད་པར།
དེ་ལས་མང་བ་། “གསར་འབྱོར་ཚོའི་བདེ་སྡུག་ལ་བོད་གཞུང་གིས་དོ་སྣང་བྱེད་འོས།།” »
རྡོ་རྗེ་རིན་ཆེན།
འབར་བའི་མེ་ལ་ཆེ་ཆུང་འདྲ་མིན་ཡོད།
རང་སྲེག་དོན་ལ་རྒྱུ་རྐྱེན་སྣ་ཚོགས་མཆིས།།
མི་རིགས་ཤིག་གི་བདེན་པའི་མཐའ་སེལ་ཕྱིར།།
འབར་བའི་མེ་དེ་སྙིང་རྗེའི་མེ་ལྕེ་ལགས།
མེ་ཏོག་དཀར་པོ།
༡༽ ༼དུས་རབས་ ༥ ༽ ལོང་ངམ་རྟ་རྫིས་བཙན་པོ་གྲི་གུམ་བཙན་པོར་མདའ་རྒྱབ་ནས་བཀུམ། སྲས་གསུམ་བྲོས་དགོས་ཐུག
༢༽ ༼དུས་རབས་ ༦༽ རུ་ལས་སྐྱེས་ཀྱིས་རྒྱལ་པོ་ལོང་ངམ་བཀུམ།
༣༽ བཙན་པོ་འབྲོང་གཉན་བཙན་ལྡེའུ་རང་གི་བཙུན་མོ་མཆིམས་བཟའ་ཀླུ་རྒྱལ། བློན་པོ་རྙགས་ཐང་པ་ཡར་རྗེ་དང་བཅས་གསོན་པོ་དུར་དུ་ཞུགས།
༤༽ ༼དུས་རབས་ ༨༽གཉགས་ཁྲི་བཟང་ཡང་སྟོན་གྱིས་རྒྱལ་སྲས་ལྗང་ཚ་ལྷ་དབོན་བཀུམ།
ནམ་མཁའ།
སྐུ་མདོག་ཅུང་ཟད་ལྗང་ཁུའི་ཟག་མེད་ཟུར་མིག་ཅན།།
ཆགས་ལྡན་འདུལ་ཕྱིར་མྱོས་བུམ་ཕྱེད་ཙམ་ཕྱི་རུ་མངོན།།
བྱང་སེམས་རྣམས་ལ་ཟག་མེད་བདེ་བ་སྦྱིན་ན་ཡང་།།
ཆགས་ཅན་སྐྱེ་བོ་རྣམས་ལ་ཟག་བཅས་བདེ་བ་སྟེར།།
༄། འདབ་མ་བཞི། ཆོས། ནོར། འདོད། ཐར་ཏེ་ཕུན་ཚོགས་སྡེ་བཞི་མཚོན་པ་དང་། དབུས་སུ་ནོར་བུ་གསུམ། བོད་མི་རིགས་ཀྱིས་རྣམ་ཀུན་གཙུག་ཏུ་བཀུར་བའི་མཆོག་གསུམ་མཚོན། ནོར་བུ་དགའ་འཁྱིལ་གྱི་ཚུལ་དུ་བཀོད་པ་ནི། རང་ཉིད་མཆོག་གསུམ་དང་ལས་འབྲས་ལས་ཡ་མ་བྲལ་ན་འཕྲལ་ཡུན་གཏན་གྱི་བདེ་བ་འཐོབ་པར་མཚོན།
༄། ལོ་རྒྱུས་ལྡན་པའི་མི་རིགས་ལ། །ཁྱད་ཆོས་ལྡན་པའི་རྒྱུ་རྩལ་དགོས། སྤྱིར་བོད་ལྟ་བུར་མཚོན་ན། སྐད་དང་། ཡི་གེ སྒྱུ་རྩལ་སོགས་རིག་གཞུང་ཕུན་སུམ་ཚོགས་པའི་མི་རིགས་ཞིག་ལ་སྤོབས་པ་བྱེད་ཆོག འོན་ཀྱང་ད་དུང་གོང་འཕེལ་གཏོང་མི་དགོས་སྙམས་པའི་ང་རྒྱལ་དོར་དགོས།
དེར་བརྟེན་བོད་རང་གི་གཉེན་སྟོན་མཚོན་རྟགས་ཞིག་དགོས་ངེས་ལ་བརྟེན། འདི་ལྟར་གསར་གཏོད་བགྱིས་པར་དགེ་མཚན་མཐོང་ན་ལོངས་སུ་སྤྱོད་ཅིག །། མི་རྣམ་སྤྲུལ་མིང་པས།།
སྐལ་བཟང་ཉི་མས་བསྒྱུར་།
ཨ་མའི་ཉིོན་མོའི་འགོ་ཁུངས་ནི་གནའ་རབས་གྷི་རིག་དང་རོ་མན་གྱི་དུས་རབས་ལ་ཐུག་འདུག་མོད། ཨ་མའི་ཉིན་མོའི་བྱུང་བའི་ཆ་ཤས་ཤིག་དབྱིན་ཡུལ་དུའང་ཡོད་འདུག་སྟེ། དབྱིན་ཡུལ་དུ་<<ཨ་མའི་དྲིན་གཟོའི་གཟའ་ཉི་མ་>>ཞེས་པ་ཨ་རིར་དུས་སྟོན་ཉིན་མོ་འདིའི་སྐྱ་རེངས་ཤར་བའི་སྔོན་ནས་སྲུང་བརྩི་བྱེད་པ་རེད། གང་ལྟར་ཡང་ད་ལྟའི་དུས་སྟོན་སྲུང་བརྩིའི་རྣམ་པ་འདི་ནི་ལོ་རྒན་བརྒྱ་ཙམ་ལས་ལོན་མེད་པའི་ཉེ་རབས་ཀྱི་སྣང་ཚུལ་ཞིག་ཡིན་ཞིང་།
སྣ་ཚོགས་རང་གྲོལ།
——-
མེ་ལྕེ་འདི། གོ་ལའི་ཡང་ཐོག་ནས་མཆེད་ཅིང་།
འཛམ་གླིང་གི་ཡུལ་གྲུ་ཀུན་ལ་ཁྱབ་སོང་།
མེ་ལྕེ་འདི། ཡབ་མེས་ཀྱི་ལོ་རྒྱུས་ལ་ཕྱིར་དྲན་བྱེད་ཅིང་།
མ་འོངས་པའི་མི་རིགས་ཀྱི་མདུན་ལམ་འཚོལ།
མེ་ལྕེ་འདི། ད་ལྟའི་མི་རིགས་ཀྱི་གནས་སྟངས་འགྲེལ་བརྗོད་བྱེད་ཀྱིན།
མཐོ་སྒང་གི་ཡུལ་གྲུ་དེ་ནས་རྒྱུན་མི་ཆད་པར་འབར་སོང་།
ནམ་མཁའ།
རྒྱ་མཚོའི་ཁྱིམ་དུ་སྐྱེས་བའི་ཉ་མོ་རྣམས།།
སྡིག་ཅན་ཉ་བས་ཐང་ལ་འཕངས་བ་བཞིན།།
ཞི་བདེ་གངས་རིའི་ཁྱིམ་དུ་སྐྱེས་བ་རྣམས།།
སྡིག་ཅན་དམར་བོའི་མཚོན་གྱི་འབེན་དུ་གྱུར།།
སྣ་ཚོགས་རང་གྲོལ།
ཆགས་སྡང་ལས་ཀྱིས་བསྐྲུན་པའི་འཇིག་རྟེན་ན།།
བདག་གཞན་རིས་སུ་གཅོད་པའི་བྱིས་པ་ཚོ།།
ཐོག་ཐ་བར་ནས་འཁྲབ་པའི་ཟློས་གར་དེ།།
ཁྱོད་ཀྱི་ཆེད་དུ་ཡིན་པ་མངེས་སམ།།
མཐོན་པོའི་གོ་ས་སྒོར་མོའི་ཆེད་དུ་རྩོད།།
ཆེན་པོའི་ལག་འཁྱེར་སྒོར་མོའི་ཆེད་ལེན།།
ནུབ་ཕྱོགས་ཞིང་དུ་སྒོར་མོའི་ཆེད་དུ་རྒྱུགས།།
གྲྭ་ཆས་དམར་པོ་སྒོར་མོའི་ཆེད་དུ་གོན།།
—– རྒྱུན་ལྡན་མིན་པའི་སེམས་ཁམས་ཀྱི་ངོས་ཤིག
ཀླུ་འབར་ཞུན།
གངས་རི་བཞུས་པའི་ཞུན་མ་འཁྱག་གིས་རེངས་པའི།།
ལྟེ་ཁྲག་འཕོས་པའི་གཡུལ་ས་ཙག་གིས་བསྡམས་ཀྱང་།།
ཡ་སོ་མ་ཁར་འཐམ་པའི་ཤེད་ཤུགས་འཕར་མས།།
ཕྱོགས་ཀྱི་ལྷིང་འཇགས་གཏོར་བའི་རྡོ་ཞིག་འཕངས་ཡོད།།
ཚེ་རིང་རྡོ་རྗེ།
རང་བཙན་ལ་ཞིབ་ཕྲའི་འགྲེལ་ཚུལ་མང་ཡང་རགས་པའི་བྱེ་བྲག་གཉིས་སུ་དབྱེ་ཆོག་སྟེ། ཕྱི་ཡི་ས་ཁོངས་རང་བཙན་དང་ནང་གི་རིག་གནས་རང་བཙན་ནོ།། དེ་ཡང་ཅུང་གསལ་བར་བྱས་ན། ཕྱི་ཡི་ས་ཁོངས་རང་བཙན་ནི་བོད་རྒྱལ་ཁབ་ཀྱི་ས་ཆའི་བདག་དབང་དང་། ནང་གི་རང་བཙན་ནི་བོད་ཀྱི་ཐུན་མོང་མ་ཡིན་པའི་ངོ་བོ་གཞན་དང་མ་འདྲེས་པར་འབྱེད་བྱེད་ཀྱི་རིག་གནས་དང་དེ་ཉིད་རྟེན་སའི་སྐད་དང་ཡི་གེ་ལའོ།།
རྒྱ་ནག་དམར་ཕྱོགས་གཞུང་གིས་ཐོག་མར་བོད་ཀྱི་ཕྱིའི་རང་བཙན་ཕྲོགས་པ་དང་། ཁོ་ཚོས་བོད་ཡོངས་སུ་དབང་དུ་བསྡུ་བར་ཕྱིའི་རང་བཙན་ཁོ་ན་ཕྲོགས་པས་མི་འགྲུབ་པ་ཤེས་པ་དང་། དེ་མ་ཐག་ཏུ་བོད་ཀྱི་ནང་གི་རང་བཙན་རྨག་མེད་ཏུ་གཏོང་བའི་གཡོ་ཇུས་བརྩམས། སྔོན་ལ་བོད་ཀྱི་ཁྱད་ཆོས་དང་ངོ་བོ་ལྡན་པའི་སྤྱི་ཚོགས་ཀྱི་སྒྲིག་གཞི་དག་གཏོར་བཤིག་བཏང་བ་ནི།
མེ་ཏོག་དཀར་པོ།
——-
༡ ཡེ་ཤེས་མཚོ་རྒྱལ། ༼དུས་རབས་ ༨ ༽ རྡོ་རྗེའི་ཚེ། མི་བརྗེད་གཟུངས། རྫུ་འཕྲུལ་མཐུ།
མཁའ་སྤྱོད་གནས། བདེ་ཆེན་མཆོག་རྣམས་གྲུབ། ཁྲི་སྲོང་རྗེའི་བཙུན་མོར་ཡང་བཞུགས།
༢ ཚེ་ནམ་གཟའ་སངས་རྒྱས་མཚོ། འོད་ལུས་སུ་ཡལ།
༣ ཤེ་དཀར་རྡོ་རྗེ་མཚོ། ཆུ་བོ་ཐང་ལྟར་བརྒལ།
༤ ཚོམ་བུ་བཟའ་པདྨ་མཚོ། རླུང་སེམས་ལྷ་སྐུར་སྨིན།
༥ མལ་གོང་བཟའ་རིན་ཆེན་མཚོ། དར་གོས་ཉི་ཟེར་ལ་བཀལ།
༦ རུས་བཟའ་དོན་གྲུབ་མ། ལྟ་སྟངས་ཀྱིས་བརྟན་མ་བཅུ་གཉིས་ལས་ལ་འགྱེད།
༧ ཤུད་བུ་བཟའ་ཤེས་རབ་མ། བཀའ་དང་བསྟན་བཅོས་ཐམས་ཅད་མ་བསླབ་པར་ཤེས།
སྤྲུལ་དབང་ཆེན།
དགའ་ན་དབུ་ལ་ལྷ་སྐུ་བཞེངས་པ་དང་།
མ་དགའ་མགོ་ལ་གླང་རྭ་བཙུགས་པ་སོགས།
བོད་མིར་གདོད་ནས་འབྱར་བའི་གཤིས་ངན་དེས།
རྒྱལ་རབས་ལོ་རྒྱུས་ཀློག་ལ་ཡིད་མ་ཆེས།།
ཆོས་བཞིན་མི་སྤྱོད་ཆོས་སྲིད་ཟུང་འབྲེལ་དང་།
ཆབ་སྲིད་མི་ཤེས་ཆོས་ཀྱིས་ལྷན་པོ་ཅན།
བོད་མིས་བཟོས་པའི་ཆོས་སྲིད་ཆོ་མེད་དེས།
མིག་གཉིས་ཟུམ་ནས་ཐལ་སྦྱར་བློ་མ་བདེ།།
ངས་པོ་རྒྱལ་མཚན།
བོད་མིའི་ངེས་དོན་གྱི་སྐྱབས་མགོན། མུ་གེ་དང་གོད་ཆག་ཆེན་པོའི་དུས་ཀྱི་དཀྱོག་མཚམས་ཆེན་པོ་ཞིག་ཏུ། བོད་མི་རིགས་ཀྱི་དོན་དུ་ཞུམ་པ་མེད་པར་རང་གི་ས་གནས་ས་ཐོག་ཏུ་ཁ་ཡོད་ལག་ཡོད་ཀྱིས་མི་དམངས་དང་སྐྱིད་སྡུག་མཉམ་མྱོང་གིས་ཕྱག་ལས་གནང་མཁན་ཀུན་གཟིགས་༸པཎ་ཆེན་ཐམས་ཅད་མཁྱེན་པ་རྗེ་བཙུན་བློ་བཟང་འཕྲིན་ལས་ལྷུན་གྲུབ་ཆོས་ཀྱིི་རྒྱལ་མཚན་དཔལ་བཟང་པོ་མཆོག བོད་མི་རིགས་ཀྱི་བདེ་སྡུག་དང་སྔོན་བྱོན་མཁས་དབང་རྣམས་ཀྱིས་དཀའ་བ་བརྒྱ་ཕྲག་གིས་བསྒྲུབས་པའི་ཤུལ་བཞག་རིན་ཆེན་ནོར་བུ། ལོ་ངོ་སྟོང་ཕྲག་གི་ལོ་རྒྱུས་ལྡན་པའི་མེས་པོའི་རིག་གཞུང་ཕུན་སུམ་ཚོགས་པོ།
བོན་རྒྱ་བསྟན་འཛིན་རབ་རྒྱས།
དེ་རིང་གི་ཤུགས་རིང་ནར་མོ་འདིས་ངའི་གློ་སྙིང་བྲང་གསུམ་ཡུད་ཙམ་ལ་གྲང་འདར་རྒྱག་བཅུག་སོང་།དེ་ནི་གཞན་ཅི་ཡང་མིན་པར།བཙན་བྱོལ་ནང་གི་ལོ་རྒྱུས་རང་བཞིན་གྱི་ཤེས་རིག་གི་ཕ་ས། རྩོམ་རིག་གི་གཤིན་ས།གསར་འགྱུར་གྱི་ལྟེ་བ་བོད་ཀྱི་དུས་བབ་དྲ་བའི་དྲ་གྲོགས་ཚོ་ཁ་འཐོར་དགུ་འཐོར་ལ་གྱུར་སོང་བས་ཡིན།ངས་སྔོན་ཆད་བཙན་བྱོལ་ནང་གི་མཐོ་སློབ་ཁག་ལས་བོད་ཀྱི་དུས་བབ་ཀྱིས་བཙན་བྱོལ་ཤེས་རིག་ལ་བྱས་རྗེས་བཞག་ཡོད་ཅིང་།
དེ་ལས་མང་བ་། “བོད་ཀྱི་དུས་བབ་ཚང་ཁ་འཐོར་ལ་གྱུར་རྗེས་ཀྱི་དངན་པ་རིང་མོ།” »
