སྤྲུལ་དབང་ཆེན།

སྤྱི་ཚོགས་རྨོངས་ཞེན་གླེན་སྐྲན་རྣག་འབུར་ལ།
སྨྱུག་ཁྱུ་གཟུར་གནས་གཙག་བུ་རྣོན་པོས་བཙིར།
བླུན་སྒོམ་ལྷ་འདྲེ་ཡིད་གྱི་ཆོ་འཕྲུལ་གསོད།
སྨྱུག་རྒོད་རྩོམ་པ་སྤྱི་ཚོགས་སྣེ་ཁྲིད་ཡིན།།

དེ་ལས་མང་བ་། “དྲྭ་འབུ་ཞེས་རྟག་ཏུ་དམོད་མོ་བྱེད་མཁན་འགའ་ལ་སྨྲས་པ།།” »

པད་མ་ཆོས་སྒྲོན།

༼རྒྱ་དམག་བོད་ལ་ལྷགས་སྐབས༽

ཆེམ་ཆེམ་འོད་ཀྱི་སྒྲོན་མེ་སྣང་བ་དེ་
རྔམ་གནག་རླུང་གིས་འཇོམས་པ་
ཐེངས་གཅིག་ག་ལ་ཡིན་
ལང་ལོང་བསང་དུད་སྔོན་མོའང་
ཐལ་རྡུལ་ངོ་བོར་ཡོངས་སུ་དྭངས་པའི་དུས་
མཆོད་དོ་གསོལ་ལོ་ཡི་ཞབས་ཏོག་ཁྲོད་ནས་
བདག་ཅག་གི་ལྷ་སྲུང་མཐུ་བོ་ཆེ་རྣམས་
གཏུ་མུག་གི་མགྲོན་ཏུ
མངོན་པར་གཤེགས་ཟིན་པ་བདེན་ན་
མགོན་མེད་སྐྱབས་མེད་དུ་ལྷག་པའི་ཚོ་ཁག་སྟེ་
སུ་ཞིག་གིས་བསྐྱུར་པའི་དྭ་ཕྲུག་གི་ཁྱུ་ཚོགས་ཡིན་ནམ་

དེ་ལས་མང་བ་། “ད་ནས་ང་ཚོ་ མེ་ཡི་འབར་སྐལ་ མ་ཡིན་ནམ།” »

བལྟས་ན་སྐྱིད་པ་ལས་བཞུགས་ན་མི་སྐྱིད་པ།།
ཉི་མ་ལྷ་ས་ལ་ཡང་ཡང་འགྲོ་དགོས་ཞེས།།
དངོས་པོ་སྡུད་གསོག་ལ་བྲེལ་བའི་ཁྱེའུ་ཁྱེད།།
ལོ་ན་ཆུང་ཆུང་གི་ལྷ་མོ་དོན་གྲུབ་རེད།།

ལྷ་སའི་བདག་དབང་ལ་རིང་བའི་ཙོང་ཁའི་ཡུལ།།
ཇག་པ་པུའུ་ཧྥང་གིས་ཡོམ་བསྒྱུར་བྱེད་པའི་དུས།།
བྱིས་པ་ཆུང་ཆུང་དེས་རྔམ་བརྗིད་མ་ཉམས་པར།།
པུའུ་ཧྥང་ཁྱེད་རེད་ཅེས་སྨྲ་མཁན་ལྷ་མོ་རེད།།

དེ་ལས་མང་བ་། “གངས་ལྗོངས་སྐྱོབ་པའི་དཔའ་བོ་རྒྱལ་གྱུར་ཅིག” »

མགར་བུ།

གངས་ཅན་ལྗོངས་ལ་བཀའ་དྲིན་ཆེ་བའི་མགོན།།
གངས་ཅན་ལྗོངས་ཀྱི་ལྷ་མི་ཀུན་གྱི་མགོན།།
རྒྱལ་བ་དོན་གྱི་བདག་པོའི་སྲས་གཅིག་པུ།།
མ་ཧཱ་པཎ་ཆེན་ཟམ་གདོང་སྤྲུལ་སྐུར་འདུད།།

སྙིགས་མའི་རང་མདངས་ཆེས་ཆེར་བདོ་བའི་དུས།།
གངས་ཅན་ལྗོངས་ལ་༧རྒྱལ་བློན་ཚུལ་དུ་བྱོན།།
བསྟན་སྲིད་ཉག་ཕྲའི་སྲི་ཞུར་རླབས་ཆེན་པོ།།
སྒྲུབ་པའི་ཐོན་མི་གཉིས་པ་ཁྱེད་ལ་འདུད།།

དེ་ལས་མང་བ་། “༄༅། ། མ་ཧཱ་པཎྜི་ཏ་སློབ་དཔོན་ཟམ་གདོང་རིན་པོ་ཆེར་བསྟོད་པ་དད་ལྡན་ཁྱེའུའི་སྨོན་པ་ཞེས་བྱ་བ་བཞུགས་སོ།” »

བྲོ་འཚལ།

དུས་རབས་ཉེར་གཅིག་ལ་ཐོད་འདི་ལ་མཐོ་སྒང་བོད་པ་འདི་བ་ཚང་།།
གསོད་གསོད་རྒྱོབས་རྒྱོབས་ཉིན་མཚན་བསྐྱལ་བ་དམྱལ་བའི་ས་གཞི་ཆེན་པོ་འདྲ།།
གནས་དང་ས་ཆ་དམག་མིས་བསྡམས་ཏེ་མདའ་དང་གྲི་ཁ་བྲང་ཁར་གཏད།།
རྩྭ་དང་རྩི་ཤིང་བརྩད་ནས་བཀོག་སྟེ་སྒང་བ་བོད་ལ་ཟས་ཁ་གཅོད།།

དེ་ལས་མང་བ་། “སྒང་པ་བོད་འདི་ག་རེ་རེད།” »

གཅན་འོད་འབར།

དུས་ཚིགས་ཀྱི་གཙང་བོ་བཞུད་སྟངས་ལས་རི་ལུང་གི་ཁ་དོག་འགྱུར་སོང།
ཉིན་མཚན་གྱི་ལྷག་རླུང་ལྡང་ཚུལ་ལས་མི་ཚོགས་ཀྱི་ལུས་སེམས་རྒས་སོང་།
འོན་ཀྱང་། འདི་ཚོས་ཁྱོད་ལ་འགྲེལ་བཤད་ཡང་དག་ཅིག་རྒྱག་མ་ཐུབ་ལ།
གསལ་བཤད་བདེན་པ་ཅིག་དེ་བས་ཀྱང་བྱེད་མ་ནུས།
ཡོད་ཡོད་འདྲ་བའི་ཁྱོད།
ཡང་སྙིང་ཅི་ཞིག་ཡིན།
ཡང་སྙིང་གང་ན་ཡོད།

དེ་ལས་མང་བ་། “དུས་ཚོད།” »

ཨོྃ་སྭྰ་སྟི།།
ཀུན་ཕན་གསོ་བྱེད་རིག་པའི་གནས་ལ་མཁས།།
གཞན་དོན་བྱམས་དང་སྙིང་རྗེའི་བདག་ཉིད་ཆེ།།
གཡུང་དྲུང་གཉུག་མའི་བསྟན་པ་འཛིན་པའི་རྗེ།།
བན་བོན་བླ་མ་རོང་ལེ་ཞབས་བརྟན་ཤོག།

ཅེས་མཁན་པོ་འོད་གསལ་མཐའ་ཡས་ཀྱིས་བསྐུལ་ངོར་ཤྲྰིས་སོ། །
དེང་དུས་བན་བོན་གྱི་རྩོད་པ་དེ་རྒྱུ་འབྲས་དང་ལུང་རིགས་མེད་པར་ང་བཟང་ཁྱོད་ངན་གྱི་སྒྲོ་བཀུར་མང་པོ་མཐོང་བས་རྐྱེན་དང་། ཞེ་འཁོན་ཅན་འགའ་རེས་བདག་གི་མིང་ཡང་གང་དྲན་དྲན་དུ་བེད་སྤྱོད་ནས་མུན་ནག་མདའ་འཕེན་གྱིས་ཁྱོད་ཚོ་དུས་ཚོད་དང་རང་རྒྱུད་ཆུད་ཟོས་གཏོང་བ་དག་ལ་སྙིང་རྗེ་ནས་ཁ་བརྡ་དྲ་ལ་འདི་བསྐུར་བ་ཡིན། །

དེ་ལས་མང་བ་། “བན་བོན་གྱི་བླ་མ་རོང་ལེའི་ཞབས་བརྟན་གསོ་སྨན་བདུད་རྩིའི་བུམ་བཟང་ཞེས་བྱ་བ། །” »