ཀླུ་སྨྱོན།
—ཆོས་འཁོར་དུས་ཆེན་ལ་ཕུལ་བ།
ནམ་མཁའ་སྔོ་བའི་གནས་དེ་རུ། །
རི་དྭགས་མང་བའི་ནགས་དེ་རུ། །
མེ་ཏོག་འཁྲིགས་པའི་ཚལ་དེ་རུ། །
ཁྱེད་ཀྱིས་ཆོས་འཁོར་ཐོག་མར་བསྐོར། །
ཉི་འོད་དྲོ་བའི་གནས་དེ་རུ། །
རྩྭ་ལྗང་སྐྱེས་པའི་གནས་དེ་རུ། །
ཁ་ཁུ་སིམ་པའི་གནས་དེ་རུ། །
ཁྱེད་ཀྱིས་ཆོས་འཁོར་ཐོག་མར་བསྐོར། །
བོད་ལ་བན་བོན་གཉིས་པོ་མཐུན་ཞིང་བགྲོ་གླེང་ཚོགས་ཤིང་འདུག་པས་ང་ཚོ་ཡང་ཁོང་རྣམས་པ་ཚོ་ནང་བཞིན་མཐུན་ཞིང་ཕན་ཚུན་བགྲོ་གླེང་བྱེད་པ་ལས་གཅིག་གིས་གཅིག་ལ་སྡང་མི་རིགས།
མཁོ་འདོན་པཿ བོད་ལ་ཞེན། ༧ཤར་རྫའི་རྒྱལ་ཚབ་འཇིགས་མེད་དབང་ཕྱུག གསེར་རྟའི་མཁན་པོ་ཚུལ་ཁྲིམས་བློ་གྲོས། མདོ་སྨད་སྣང་ཞིག་དགོན་ཆེན་གྱི་མཁན་པོ་དགེ་བཤེས་བསྟན་འཛིན་སྨོན་ལམ།
དམིགས་བསལ་ཚོགས་ཆེན་ལ་ཁྲིམས་ལུགས་གྱི་ནུས་པ་ལྡན་དགོས།
ནགས་ཕྲན་པ་བསོད་ནམས་ཚེ་རིང་གིས།
རྒྱ་ནག་གིས་བོད་བཙན་བཟུང་བྱས་པ་ནས་བོད་ནང་གི་གནས་བབ་ནི་མི་རབས་ནས་མི་བརྒྱུད་ཛ་དྲག་ཆེ་རུ་འགྲོ་བཞིན་ཡོད་པ་དང་། ལྷག་པར་ཕྱི་ལོ་༢༠༠༨ གྱི་ལོ་ནས་བཟུང་བོད་ཆོལ་ཁ་གསུམ་གྱི་ས་ཁྱོན་ཡོངས་སུ་བོད་མི་རྒན་གཞོན་སེར་སྐྱ་ཕོ་མོ་དབྱེ་བ་མེད་པས་ “༸རྒྱལ་བ་རིན་པོ་ཆེ་བོད་ལ་གདན་ཞུ་དགོས་པ་དང་། བོད་རང་བཙན་ཡིན་པ། བོད་ལ་རང་དབང་དགོས་པ། བོད་ལ་འགྲོ་བ་མིའི་ཐོབ་ཐང་མེད་པ་”བཅས་ཀྱི་དགོས་འདུན་དང་འབོད་སྒྲ་གཅིག་གྱུར་བསྒྲགས་ནས་རྒྱ་ནག་ལ་ཞི་བའི་ངོ་རྒོལ་གྱེན་ལངས་བྱས་ཡོད་པ་རེད། དེ་ནས་བཟུང་བོད་ནང་ཁུལ་དུ་སྔ་ན་མེད་པའི་ཆིག་སྒྲིལ་དང་ལ་རྒྱ། སྙིང་སྟོབས་བཅས་ནི་མེ་རུ་བཞིན་འབར་ཏེ་བོད་རང་དབང་སླར་གསོ་བྱ་བའི་ཆེད་དུ་རང་ལུས་མེ་རུ་སྤར་མཁན་(༤༥)ཡང་འཛམ་གླིང་ནང་མང་ཤོས་ཀྱི་གནས་ཚུལ་ཞིག་ཆགས་ཡོད།
དེ་ལས་མང་བ་། “དམིགས་བསལ་ཚོགས་ཆེན་ལ་ཁྲིམས་ལུགས་གྱི་ནུས་པ་ལྡན་དགོས།” »
འབོད་སྐུལ་ལེ་ཚན་ལྔ་ཐང་།
དོལ་སྨྱོན།
ཤཱཀ་ཐུབ་གཤེན་རབ་ཕྱི་མི་ཡིན་མིན་ཁྱོད་དང་ང་ཡི་རྩོད་གཞི་མིན།།
བན་ཆོས་བོན་ཆོས་གང་ཞིག་ཡག་མིན་ཁྱོད་དང་ང་ཡི་གླེང་གཞི་མིན།།
བསྟན་པ་འདི་ཡི་དོན་སྙིང་བསམ་ནས་ཉམས་ལེན་ཐུགས་ཀྱི་སྙིང་པོར་ལོངས།།
རིག་གཞུང་འདི་ཡི་ཡང་སྙིང་དགོངས་ནས་རླབས་ཆེན་སྤྱོད་པའི་རྒྱ་མཚོར་ཞུགས།།
ལྷ་རྒྱལ་རིར་ཆོས་འཁོར་དུས་ཆེན་ཉིན་མཆོད་འབུལ་དང་བསང་གསོལ།
བོད་རྒྱལ་ཡོངས་ཆོལ་གསུམ་ཆིག་སྒྲིལ་ཚོགས་པས་གོ་སྒྲིག་འོག་ལྷ་རྒྱལ་རིར་བདག་ཅག་གི་སྟོན་པ་ཤཱཀྱ་ཐུབ་པས་བཀའ་དང་པོ་བདེན་བཞིའི་ཆོས་ཀྱི་འཁོར་ལོ་བསྐོར་གནང་མཛད་པའི་དུས་ཆེན་ཁྱད་འཕགས་ཅན་སྲུང་བརྩི་གཟབ་རྒྱས་ཤིག་ཞུས་འདུག གསར་འགྱུར་རྒྱས་པ་གཤམ་གསལ་སྦྲེལ་ཐག་རྡེན་མནོན་གྱིས་གཟིགས་རོགས། སྦྲེལ་ཐག་འདི་ཡིན།
ནོར་འགྲོ་བའི་སྐུ་བརྙན་གཉིས།
ཀླུ་སྨྱོན།
སྐུ་འདི་སྟོན་པ་སངས་རྒྱས་ཀྱི་སྐུ་རེད་དམ་ཇེན་ནམ་གཅེར་བུ་བའི་ཆོས་ལུགས་ཀྱི་སྟོན་པ་དཔའ་བོ་ཆེན་པོའམ་མཧབེ་ར་རེད། དགེ་ཆོས་ཀྱིས་ཁོང་གཉིས་ཀྱི་སྐུ་འདྲ་ལས་གཙུག་ཏོར་གྱི་དབྱིབས་དང་གོས་ཡོད་མེད་ཙམ་གྱིས་མ་གཏོགས་ཁྱད་པར་འབྱེད་མི་ཐུབ་གསུངས་འདུག སྐུ་ལ་ན་བཟའ་མེད་པ་དང་གཙུག་ཏོར་འབྲུ་ཚུགས་སུ་མེད་པར་ཟླུམ་པོ་ཡིན་པས། སྐུ་འདི་ནི་ཁྱེད་ཀྱི་ཚོད་དཔག་དང་མཐུན་པར་ཇེན་གྱི་སྟོན་པ་རེད། སྟོན་པ་ཆེན་པོ་འདི་གཉིས་དུས་རབས་གཅིག་གི་ནང་དུ་འཁྲུངས་པ་རེད་ལ། གཉིས་ཀས་འཚེ་མེད་ཞི་བའི་ཆོས་བསྟན། མཧབྷེ་རས་ཁོང་གི་རྗེས་འབྲངས་ཚོས་མི་ཚེ་གང་བོར་དཀར་ཟས་བཟའ་དགོས་པའི་ལམ་སྟོན་གནང་ཡོད།
༄༅། །༧གོང་ས་༧སྐྱབས་མགོན་ཐམས་ཅད་མཁྱེན་པ་བཅུ་བཞི་བ་ཆེན་པོ་མཆོག་ལ་བསྟོད་ཅིང་བསྔགས་པ་གཟུར་གནས་དད་གསུམ་འདྲེན་པའི་ཕོ་ཉ་ཞེས་བྱ་བ་བཞུགས་སོ། །
ཐེ་བོ་དཀོན་མཆོག་ཤེས་རབ་ཀྱིས།
ཐུགས་བསྐྱེད་མཁའ་ལྡིང་ཕུ་བོས་ཉེར་དྲངས་པས། །
མཚན་དཔེའི་དཀྱིལ་འཁོར་ཉིན་བྱེད་གཞོན་ནུའི་དཔལ། །
རྒྱལ་ཡུམ་དབང་ཕྱོགས་མངལ་གྱི་ཆུ་འཛིན་ལས། །
གྲོལ་བས་འཇིག་རྟེན་དགའ་བདེར་འགོད་ལ་འདུད། །
རང་གཞན་གྲུབ་མཐའ་རྒྱ་མཚོའི་ཕ་རོལ་སོན། །
མདོ་སྔགས་གཞུང་ལུགས་ཆོས་འཁོར་རྟག་ཏུ་བསྐོར། །
ཆེས་སྙིགས་དུས་འདིར་རྒྱལ་བའི་མཛད་པ་ཅན། །
ཐུབ་བསྟན་ཡོངས་ཀྱི་བདག་པོར་བཞེངས་ལ་འདུད། །
རིག་གནས་གསར་བརྗེའི་སྔོན་དུ་བོད་ལ་བཀའ་བསྟན་རིན་པོ་ཆེའི་པར་གཞི་ཇི་ལྟར་བྱུང་ཚུལ།
མིག་བརྒྱད་པ།
༼སྣར་ཐང་བཀའ་འགྱུར༽་གྱི་པར་གཞི་ཐོག་མ་སྤྱི་ལོ་༡༣༡༢་ལོར་ཡོན་རྒྱལ་རབས་ཀྱི་ཧུང་ཆིན་བྱ་བའི་སྲིད་ལོ་དང་པོར། སྣར་ཐང་གི་དགེ་བའི་བཤེས་གཉེན་ཆེན་པོ་འཇམ་དགག་པཀྴི་ཞེས་བྱ་བ་སོག་པོའི་གོང་མ་ཅི་ཙུང་ཨ་ཡུར་པར་པ་ཏ་ཡན་ཐུ་ཞེས་བས་གདན་ཞུས་ལྟར། སོག་ཡུལ་དུ་ཕེབས་ཏེ་སངས་རྒྱས་ཀྱི་བསྟན་པ་ལེགས་པར་སྤེལ་བས་གོང་མའང་ཧ་ཅང་ཐུགས་མཉེས་བའི་ལོ་རྒྱུས་འདུག་ལ། ཁོང་གི་ཐུགས་ལ་རྒྱལ་བློན་སྔོན་བྱོན་ལོ་པཎ་རྣམས་ཀྱི་བཀའ་དྲིན་ལས་བྱུང་བའི་རྒྱལ་བའི་བཀའ་དང་དེའི་དགོངས་འགྲེལ་བསྟན་བཅོས་བོད་ལ་འགྱུར་རོ་ཅོག་ཕྱོགས་གཅིག་ཏུ་བསྡུས་ན་སྙམ་པའི་ཐུགས་འདུན་ཀུན་ནས་བསླངས་ཏེ། རང་གི་བླ་མ་བཅོམ་ལྡན་རིག་པའི་རལ་གྲི་ལ་གསེར་ཡིག་གི་ལམ་ནས་ཞུས་ཤིང་། དབུས་པ་བློ་གསལ་བྱང་ཆུབ་འོད་ཟེར་དང་ལོ་ཙཱ་བ་བསོད་ནམས་འོད་ཟེར། རྒྱང་རོ་བྱང་ཆུབ་འབུམ་རྣམས་ལ་གསེར་ཡིག་པའི་གདོང་དུ་དངོས་པོ་གཏོས་ཆེར་ཕུལ་ནས་བཀའ་བསྟན་རྣམས་ཕྱོགས་གཅིག་ཏུ་ལེགས་བསྒྲིགས་ཀྱི་པར་བཞེངས་ཀྱི་མཐུན་རྐྱེན་གྱ་ནོམ་པ་སྦྱར་ཏེ། བཅོམ་ལྡན་རིག་པའི་རལ་གྲིས་དབུ་མཛད་དེ་གོང་སྨོས་བླ་སློབ་རྣམས་ཀྱིས་དཀའ་བ་བརྒྱ་ཕྲག་ཁྱད་དུ་བསད་དེ་དབུས་གཙང་མངའ་རིས་དང་བཅས་བའི་ཡུལ་གྲུ་བཞུགས་པའི་བཀའ་བསྟན་གྱི་ཕྱི་མོ་རྙེད་དོ་ཅོག་ལ་ཕྱོགས་གཅིག་ཏུ་བསྡུས་ནས་གོ་བསྡུར་བྱས།
དེ་ལས་མང་བ་། “རིག་གནས་གསར་བརྗེའི་སྔོན་དུ་བོད་ལ་བཀའ་བསྟན་རིན་པོ་ཆེའི་པར་གཞི་ཇི་ལྟར་བྱུང་ཚུལ།” »
ཏཱ་ལའི་བླ་མ་ངལ་གསོ་གནང་རོགས།
ནམ་མཁའ།
ཉེ་ཆར་དངོས་བཤུས་གློག་བརྙན་ཞིག་༼ཏཱ་ལའི་བླ་མ་༽ཟེར་བ་ཞིག་ཕྲན་བསྡད་སའི་ལུང་པ་འདིའི་བརྙན་འཕྲིན་ལས་མཐོང་། གློག་བརྙན་དེ་ལོ་ཤས་སྔོན་བརྙན་ཕབ་བྱས་པ་ཞིག་རེད། ངས་གློག་བརྙན་དེར་བལྟ་བཞིན་པའི་སྐབས་ང་རང་རང་དབང་མེད་པར་སེམས་སྐྱོ་ནས་མིག་ཆུ་བཞུར་བཞིན་པ་ཡང་།ངའི་འགྲམ་གྱི་ཕྱི་རྒྱལ་དེས་ང་ལ་དྲན་གསོ་གཏོང་བར་དུ་ངས་ཚོར་མི་འདུག དེ་ནི་སྐུ་མདུན་ནུབ་ཕྱོགས་ལུང་པ་ཞིག་ལ་ཕེབས་སྟེ་མི་དམངས་ལ་བཀའ་སློབ་གནང་རྗེས་ཕྱིར་བཞུགས་གནས་མགྲོན་ཁང་ལ་ཕེབས་པའི་བར་རེད། ༧གོང་ས༧་མཆོག་གིས་མི་དམངས་ལ་བཀའ་སློབ་གནང་ཚར་རྗེས་སྐུ་མདུན་གྱི་གསུངས་བསྒྱུར་མཉམ་དུ་སྐས་འཛེགས་ནས་མར་ཕེབས་ཀྱི་འདུག སྐུ་མདུན་ཐང་ཆད་དེ་གསུང་བསྒྱུར་ཕྱི་རྒྱལ་གྱི་མི་རིགས་ནང་པའི་དགེ་སློང་དེའི་ཕྲག་པ་ལ་འཁེན་ཞོར་ག་ལེར་སྐས་འཛེགས་ནས་མར་འབབ་ཀྱི་འདུག ༧སྐུ་མདུན་གྱིས་ཁོང་གི་གསུང་བསྒྱུར་དེ་ལ་བཀའ་མོལ་ཕྲན་བུ་གསུང་ཞོར་དེ་རིང་ངའི་གཏམ་བཤད་དེ་ཡག་པོ་ཞིག་བྱུང་ཡོད་མེད་གང་ཤེས། ང་རང་ཐང་ཆད་ནས་གཟུགས་པོའི་ནུས་ཤུགས་རྫོགས་ཚར་འདུག་ཞེས་གསུངས་སོང་།
ཚོད་ཚོད་ལ་འདི་འདྲ་ཞིག་དྲན་བྱུང།
གཅན་འོད་འབར།
ཆར་བས་བརླན་པའི་ལམ་ཕྲན་འདི།
སྨུག་པས་དཀྲིས་པའི་རི་ཀླུང་གང་དུ་འཐེན།
འགྲོ་ཞོར་དུ་ཚོད་ཚོད་ལ་ཅི་ཡང་མི་མཐོང་པའི་རྒྱང་ལ་ལྟ་རྒྱུ་ཡོང།
རྒྱབ་མདུན་ནས་འཐོར་ཡོང་བའི་ཆར་ཐིགས་ཀྱིས།
རྐང་པའི་རྡོག་སྒྲ་ལྷན་དུ་རྣ་ལ་གཉིད་འབབ་པའི་སྒྲ་ཞིག་སྒྲོག་པ།
ཁ་ཕྱོགས་བྲལ་བའི་སེམས་པ་འདི་ལ་སེམས་གསོ་བྱེད་པ་དང་འདྲ།
ཁུག་རྟ་དང་ཁུག་རྟའི་ཕྱོགས་གཏོགས་ཀྱིས་འདི་གོ་དགོས།
ཤིང་རྟ་ནས།
དྲ་གྲོགས་འགས། བཀའ་ཁྲི་བློ་བཟང་སེང་གེ་མཆོག་གིས་མ་དྲན་པ་ཞིག་ཁུག་རྟས་དྲན་ཆོག་གི་རེད། ཅེས་སོགས་ཟེར་འདུག་དེ་དངོས་གནས་རེད། བློ་སེང་གི་མ་དྲན་པ་ཞིག་ཁུག་རྟས་དྲན་ཆོག་གི་རེད་ལ་བློ་སེང་གི་མ་ཤེས་པ་ཞིག་ཀྱང་ཤེས་རྒྱུ་རེད། བོད་པའི་གཏམ་དཔེར། ཐད་ནས་བལྟ་དུས་བླུན་པོ་མཁས། ཞེས་པའི་དཔེ་བཞིན། ངས་ཀྱང་བློ་སེང་གི་སྐད་ཆ་བཤད་སྟངས་འདི་འགྲིག་མ་སོང་བསམ་བསམ་མཐོང་གི་འདུག བློ་སེང་ལ་རྒྱབ་སྐྱོར་ཡོད་མཁན་དག་གིས་ཁོའི་སྐད་ཆ་ཚང་མ་སྐྱོན་མེད་རེད་ཅེས་ནམ་ཡང་ཤོད་ཀྱི་མི་འདུག གཙོ་བོར་ལས་ཀ་ལས་སྟངས་རེད། བཀའ་ཁྲི་མཆོག་གིས་ཕྱག་ལས་གནང་སྟངས་ལ་རྒན་གཞོན་ཚང་མ་དགའ་ཞིང་མགུ་བའི་དུས་རེད། དེ་མཁྱེན་དགོས་པ་གཅིག་རེད།
དེ་ལས་མང་བ་། “ཁུག་རྟ་དང་ཁུག་རྟའི་ཕྱོགས་གཏོགས་ཀྱིས་འདི་གོ་དགོས།” »
པེ་ཅིང་ལ་དྲག་ཆར་བབས་པ།
མཁོ་འདོན་པཿ ལྷ་སྲས་ཐ་ཆུང་། རྒྱ་ནག་གི་རྒྱལ་ས་པེ་ཅིན་དུ་ཁ་སང་སྟེ་ཕྱི་ཚེས་༢༡ཉིན་ནས་དེ་རིང་ཞོགས་པའི་བར་ལོ་ངོ་༦༡ནང་བབ་མ་མྱོང་བའི་དྲག་ཆར་ཤུགས་ཆེན་བབ་རྐྱེན་མི་བཅུ་གྲངས་ལྷག་ཅིག་འདས་གྲོངས་སུ་གྱུར་ཡོད་པ་དང་། མཁའ་སྤྱོད་གནམ་གྲུ་༥༤༥ལྷག་ཅིག་འཕུར་བསྐྱོད་བཀག་འགོག་ཐེབས་ཡོད་པས་དེ་གའི་ འགྲུལ་བཞུད་པ་མང་དག་ཅིག་དེ་གར་མི་སྡོད་རང་སྡོད་བྱུང་ཡོད་པའི་གནས་ཚུལ་ཐོན་འདུག ࿌ གནས་ཚུལ་རྒྱས་པ་དྲ་གནས་འདི་ནས་གཟིགས་ཐུབ།http://news.xinhuanet.com/photo/2012-07/22/c_123451571.htm
མཁྱེན་པ་རྒྱགས་ཏེ་བོན་ཡིག་བཟོས་པ།
ཨོ་རྒྱན་ཉི་མ།
ངས་བོད་གྱི་ལོ་རྒྱུས་དེབ་སུམ་བཅུ་ ཙམ་ལ་གཤིབ་བསྡུར་བྱས་ཡོད། བོན་གྱི་བསྟན་འབྱུང་བལྟས་ཡིན། བོད་ཀྱི་རྒྱལ་རབས་དང་། ཆོས་འབྱུང་ཁག་ཏུ་བོན་ཞེས་པ་ཞིག་ཆོས་ཀྱི་སྔོན་དུ་བོད་ལ་བྱུང་ཚུལ་བཤད་ཡོད་པ་ལས། བོན་ལ་ཕུན་སུམ་ཚོགས་པའི་རིག་གཞུང་ཞིག་ཡོད་པར་སུ་གཅིག་གིས་བཤད་མི་འདུག གལ་སྲིད་ཆོས་ཀྱི་ལོ་རྒྱུས་ནང་མེད་ན་བོན་གྱི་ལོ་རྒྱུས་རྙིང་པ་ཞིག་དང་ཚད་ལྡན་ཞིག་ཡོད་ན་ཆོག་མོད། བོན་གྱི་བསྟན་འབྱུང་ནི་དུས་རབས་ཉི་ཤུ་པའི་དུས་མཇུག་ཏུ་བྲིས་པ་ཞིག་རེད། དེ་མིན་ལོ་རྒྱུས་འགའ་ཞིག་ཡོད་ཀྱང་། ལོ་ལྔ་བརྒྱའི་གོང་གི་ལོ་རྒྱུས་ཤིག་ཁག་པོ་རེད། ཚང་མ་གསར་བསྒྲིགས་འབའ་ཞིག་རེད།
རྩོམ་སྒྲིག་པ་ཉིང་ཀྲེང་གི་སྐད་ཆར་དབྱེ་ཞིབ་བྱས་པ།
ཤར་ཕྱོགས་ཁུག་རྟ།
ད་བལྟས་དུས་དབུ་མའི་ལམ་གྱི་ནང་དོན་རྒྱ་ནག་གཞུང་ལ་དངོས་ར་གསལ་འཕྲོད་བྱུང་ཡོད་ཅེས་པའི་སྡོམ་ཚིག་དེ་ནི་ཞེ་དྲག་དོན་དངོས་ཡིན་པ་རྟོགས་ཤིང། ཀྲུང་གོའི་བོད་ལྗོངས་དྲ་བའི་རྩོམ་སྒྲིག་པ་ཉིང་ཀྲེང་གིས་ཁ་སང་ཕྱི་ཚེས ༢༡ ཉིན་བསམ་ཚུལ་སྤེལ་བའི་ནང་”ཏཱ་ལའི་ཡིས་བརྗོད་བཞིན་པའི་དབུ་མའི་ལམ་ཞེས་པ་གང་ལ་གོ་དགོས་ཞེ་ན། བོད་རང་སྐྱོང་ལྗོངས་དང་བོད་ཁུལ་གཞན་པ་བཞིའི་བོད་མི་ཡོངས་གཅིག་གྱུར་གྱི་སྲིད་འཛིན་མངའ་ཁོངས་ནང་དོན་དངོས་དང་མཐུན་པའི་རང་སྐྱོང་བྱས་པ་བརྒྱུད། རང་ཁྱིམ་རང་བདག་བྱེད་པ་མངོན་འགྱུར་ཡོང་རྒྱུ་དང། ཕྱི་འབྲེལ་དང་རྒྱལ་སྲུང་ལས་དོན་ཕུད་པའི་བོད་ཀྱི་ལས་དོན་གཞན་པ་ཡོངས་རྫོགས་བོད་རིགས་མགོ་ཁྲིད་དང་བོད་རིགས་ལས་བྱེད་པས་འགན་ཁུར་དང་ཐག་གཅོད་རྒྱུ་དེ་རེད། ”ཟེར།
དེ་ལས་མང་བ་། “རྩོམ་སྒྲིག་པ་ཉིང་ཀྲེང་གི་སྐད་ཆར་དབྱེ་ཞིབ་བྱས་པ།” »
བསེ་རུ་ལྗང་བུ་ཡིན་ལ། ལྗང་བུ་བསེ་རུ་མིན།
བསེ་རུ།
ཕྲན་གྱིས་དེ་སྔོན་ནས་མཆོད་མེ་རྩོམ་རིག་དྲ་བར་རྩོམ་ཡིག་བསྐུར་མུས་ལྟར། ཁ་སྔོན་ཡང་ངས་<དགེ་རྒན་དང་དགེ་རྒན།>ཞེས་དང་། <བསེ་རུའི་བབ་ཅོལ།>ཞེས་པའི་རྩོམ་ཡིག་གཉིས་རིམ་པར་རང་ཉིད་ཀྱི་ཟིན་བྲིས་སུ་བཀོད་པ་དང་། མཆོད་མེ་རྩོམ་རིག་དྲ་བར་བཏང་རྗེས་དེ་རིང་རྩོམ་ཡིག་གཉིས་ཀ་མཆོད་མེ་རྩོམ་རིག་དྲ་བའི་རྩོམ་གསར་ཁོངས་སུ་བཏོན་གནང་འདུག དེ་དང་འབྲེལ་རྩོམ་ཡིག་གི་གཤམ་དུ་མཆན་འདི་འདྲ་ཞིག་འཇོག་གནང་མཛད་འདུག་སྟེ། <<#2རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@07-21 19:02 ༡༩༨༧ཙམ་ནས་གུས་པས་བསེ་རུའི་སྨྱུག་མིང་ཁྱེར་ནས་རྩོམ་ཡིག་མང་ཙམ་སྤེལ་མྱོང་མོད།
དབུ་མའི་ལམ། རེ་ཐག་ཆད་རྒྱུ་མེད་པའི་རེ་སྟོང་གི་རྨི་ལམ།
ཆབ་སྲིད་དཔྱད་གླེང་འདོན་ཐེངས་གཉིས་པ་ལས་དྲངས་ཞེས་པའི་ཟམ་གདོང་རིན་པོ་ཆེའི་གསུང་བཤད་ལ་བལྟས་རྗེས།
ད་རུང་རྨོངས་སྡོད་པ་དེ་ཐབས་སྐྱོ་བོ་ཞེ་དྲག་རེད། ཟམ་གདོང་རིན་པོ་ཆེས ་་༼བསམ་འཆར་༽ཡིག་ཆ་དེ་བཞག་ནས་ཐབས་ལམ་གསར་པ་ཞིག་བཙལ་དགོས་ཀྱི་ཡོད་པར་ནམ་ཡང་ངོས་འཛིན་བྱེད་ཀྱི་མེད་ལ། དེ་འདྲའི་བསམ་ཚུལ་ཞིག་རྩ་བ་ཉིད་ནས་མེད།་་ ཟེར། འདི་ནི་རྩ་བ་ནས་འགྲིགས་མེད་པ་དང་རྒྱ་ནག་གི་གནས་ཚུལ་ཡོངས་སུ་མ་ཤེས་པའི་སྣང་བ་སྐྱིད་པོའི་སྐད་ཆ་ཞིག་རེད་ལ་རང་མགོ་རང་གཡོག་དང་ངང་སྒུག་བྱེད་རྒྱུ། རེ་སྟོང་ཞིག་ལས་མ་མཆིས། ནོར་འཁྲུལ་ཅན་གྱི་བསམ་ཚུལ་འདིའི་རྩ་བ་ཐུག་སའང་གཤམ་གྱི་སྐད་ཆ་འདི་རེད།
་་མི་དང་མི་གདོང་ཐུག་ནས་སྐད་ཆ་བཤད་པའི་སྐབས་་ ་་འབྱུང་འགྱུར་འབྲེལ་མོལ་དང་གྲོས་མོལ་བྱེད་རྒྱུའི་གོ་སྐབས་ག་དུས་བྱུང་ནའང་། ང་ཚོའི་ངོས་ནས་སྐད་ཆ་བཤད་རྒྱུའི་གཞི་རྩ་ལྟེ་བ་ལ་བཟུང་ནས་འགྲོ་རྒྱུ་རེད།་་ བསམ་ཚུལ་འདི་རེད། ང་དགོད་ཤོར་སོང་།
དེ་ལས་མང་བ་། “དབུ་མའི་ལམ། རེ་ཐག་ཆད་རྒྱུ་མེད་པའི་རེ་སྟོང་གི་རྨི་ལམ།” »
བཀའ་ཁྲི་མཆོག་ལ་སྐུ་ཞབས་དཔལ་ལྡན་རྒྱལ་གྱིས་བཅར་འདྲི་བྱས་པར་ཉན་པ།
ཤར་ཕྱོགས་ཁུག་རྟ།
དངོས་གནས་བཀའ་ཁྲིའི་བཀའ་མོལ་ལ་རྒྱུས་ཡོད་མཁན་ཞིག་ཡིན་ན། བཀའ་ལན་འདི་ལྟར་གནང་དུས་ཉོབ་འགྲོ་ཡི་རེད། ཁོང་གིས་བཅར་འདྲི་འདིར་སྔ་ཕྱི་མི་མཚུངས་པའི་བཀའ་མོལ་ག་ཚོད་གསུང་གི་མི་འདུག་གམ།
༡ ངས་སྔོན་ནས་བཤད་མྱོང། རང་སྲེག་འདི་མཚམས་ཞོག་ལབ་ན་ཡག་གི་རེད་ཅེས་དྲན་སྐུལ་བཏང་བ་ཡིན། ད་དུང་བཀའ་ཤག་ལ་རི་བོང་རྡོ་རྫིས་མ་བྱེད་རོགས་ཞེས། བཀའ་ཤག་གི་དེ་སྔའི་གསལ་བསྒྲགས་དག་གི་ཚིག་རེ་རེར་འཇུས་ནས་བཤད་ཡོད། ཚོད་བགམ་མ་བྱེད། མགོ་ལོག་རྩི་ཡི་རེད་ཅེས་སྔ་ཕྱིར་བསམ་ཚུལ་གཉིས་བྲིས་ཡོད། དེ་དུས་བཀའ་ཤག་གཅིག་པུ་མིན་པའི་ཚོད་བགམ་པ་རེ་བ་ཅན་མང་པོ་ཡོད་ཙང། ཁས་བླངས་མ་སོང། དེ་རིང་བཀའ་ཁྲིས་རང་སྲེག་མཚམས་འཇོག་རོགས་ཞེས་དང་པོ་ནས་བཤད་ཡོད་ཅེས། དབུ་ཁྲིད་ཀྱི་རྣམ་དཔྱོད་ལྡན་རབ་གསུངས་པ་འདི་གདོང་ལ་བལྟས་བལྟས་ཧམ་པ་བཤད་ཅེས་པ་དེ་རང་མ་རེད་དམ།
དེ་ལས་མང་བ་། “བཀའ་ཁྲི་མཆོག་ལ་སྐུ་ཞབས་དཔལ་ལྡན་རྒྱལ་གྱིས་བཅར་འདྲི་བྱས་པར་ཉན་པ།” »
རྩ་ཁྲིམས་རྩིས་མེད་གཏོང་ན་རང་སྐྱོང་བསམ་འཆར་ཁས་མ་བླངས་ན་ཆོག
ཆབ་སྲིད་དཔྱད་གླེང་འདོན་ཐེངས་གཉིས་པ་ལས་དྲངས།
བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་དེ་རྒྱ་ཕྱོགས་ནས་ཁས་མ་བླངས་པ་ཡིན་སྟབས། མ་འོངས་པར་གང་བྱེད་ཀྱི་རེད་འདོད་མཁན་མང་པོ་ཡོད་པ་རེད། བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་དེ་རྒྱ་ཕྱོགས་ནས་ཁས་མི་ལེན་པར་འཇོག་ཐུབ་ཐབས་མེད། ཁས་ལེན་གྱི་ཡིན་དང་མིན་ཞེས་པ་དེ་ཚོ་བརྒྱུད་ལམ་ཐོག་བཤད་རྒྱུའི་སྐད་ཆ་ཞིག་རེད། མི་དང་མི་གདོང་ཐུག་ནས་སྐད་ཆ་བཤད་པའི་སྐབས་སུ།
དེ་ལས་མང་བ་། “རྩ་ཁྲིམས་རྩིས་མེད་གཏོང་ན་རང་སྐྱོང་བསམ་འཆར་ཁས་མ་བླངས་ན་ཆོག” »
བོད་ཡིག་གི་གཟུགས་གང་ལ་དཔེར་མཛད་པའི་ཁུངས། མཁས་པའི་ངག་རྒྱུན་འགོད་པ།
མིག་བརྒྱད་པ།
བོད་སྔ་ཕྱིའི་མཁས་པ་མང་པོས་བོད་ཡིག་གང་ལ་དཔེར་མཛད་སའི་ཁུངས་ནི་ཞང་ཞུང་གི་ཡི་གེ་དང་གུཔྟའི་ཡི་གེ །ནཱ་ག་རའི་ཡི་གེ་སོགས་ཡིན་ཚུལ་མི་མཐུན་པ་མང་དུ་མཆིས་ན་ཡང་། བོད་རང་གིས་བཤད་པ་གཅིག་བུ་ལ་ཡིད་མི་རྟོན་པར་དཔེར་ན་ན་ལན་ཊའི་ལོ་རྒྱུས་བཤད་དགོས་ན་ཐང་ཟམ་ལམ་ཡིག་དེ་ཁུངས་བཙན་ཤོས་ཆགས་ཡོད་པ་དེང་སང་འཛམ་གླིང་གི་ལོ་རྒྱུས་སྨྲ་བ་ཚོས་ཁས་ལེན་པ་ལྟར་རེད། འདས་པའི་ལོ་རྒྱུས་རྣམས་ལོ་ཚིགས་དང་གུང་བསྒྲིགས་ནས་རྟོགས་དགོས་པར་མཁས་པ་དག་གིས་ནན་ཏན་མཛད་པ་ལྟར།
དེ་ལས་མང་བ་། “བོད་ཡིག་གི་གཟུགས་གང་ལ་དཔེར་མཛད་པའི་ཁུངས། མཁས་པའི་ངག་རྒྱུན་འགོད་པ།” »
མི་དང་དུད་འགྲོའི་ཁྱད་པར།
མིག་བརྒྱད་པ།
མི་ཞིག་ཡིན་ན་གནས་ལུགས་ལ་དཔྱོད་ཤེས་ཀྱི་ནུས་པ་ལྡན་དགོས། མིའི་རྣམ་དཔྱོད་འདི་ལ་ཕན་པ་རྒྱ་ཆེན་པོར་སྒྲུབ་པའི་ནུས་པ་ཡོད་ལ་གནོད་པ་ཆེན་པོ་གཏོང་པའི་ནུས་པ་ཡང་ཡོད་པས་དེ་ཚོ་ལྟ་བས་ཐག་གཅོད་བྱེད་ཀྱི་རེད། མདོར་ན། ལྟ་བས་སྤེལ། ལྟ་བ་ལས་བྱུང་། ལྟ་བ་ལ་རག་ལས་བས། ལྟ་བ་ཡང་དག་པ་ཞིག་གདམས་རྒྱུ་གལ་ཆེ། སྤྱིར་མི་ཞིག་ཡིན་ན་ཁོའི་རྒྱུད་ན་ལྟ་བ་ཡོད་པས་ཁྱབ། ལྟ་བ་དེ་ལ་ཡང་དག་ཡིན་མིན་གཉིས་ཡོད། མི་རེ་རེ་ལ་ལྟ་བ་མ་འདྲ་བ་རེ་ཡོད་པ་མཐོང་ཆོས་རེད། ལྟ་བ་ཟེར་བ་ལྟ་བྱ་ལྟ་བྱེད་ལྟ་བའི་ཡུལ་ལ་བརྟེན་ནས་འདོགས་སྲོལ་སྣ་ཚོགས་ཡོད། མི་རང་རང་ལ་སེམས་ཀྱི་བྱེད་ལས་མ་འདྲ་བ་ཡོད་པ་རེད། འགྲོ་བ་སོ་སོར་ལས་ཀྱི་གོ་སྒྲིག་མ་འདྲ་བ་རེ་ཡོད་པ་དང་ལུས་རྟེན་གྱི་ཆ་ནས་ཀྱང་མི་འདྲ་བ་ཡོང་གི་ཡོད། མིའི་རྣམ་དཔྱོད་དང་བསམ་བློ། མཛེས་དཔྱོད་སོགས་རྦད་དེ་མི་འདྲ་བ་ཞིག་ཡོད་པ་གང་ལ་བརྟེན་པ་རེད་ཟེར་ན་ལྟ་བ་ལ་བརྟེན་པ་རེད།
