ཁ་བ་སྐམ་པོ།

གསལ་བཤད་ཉུང་ངུ་། ནོར་གླིང་མཐོ་སློབ་ཀྱིས་སྒྲུབ་བཞིན་པའི་རང་མོས་བགྲོ་གླེང་འདི་ནི་སློབ་མ་ཚོའི་ངོས་ནས་བརྗོད་བྱ་རང་མོས་ཀྱིས་འདམ་ཞིང་དགེ་སློབ་ཡོངས་ཀྱི་ཧ་ཅང་ཀུ་ཡངས་བའི་གླེང་སྟེགས་ཤིག་ཡིན་པར་མ་ཟད། འདི་ལ་ནོར་གླིང་ཉམས་ཞིབ་སྡེ་ཚན་དང་། མཛད་རྣམ་སྡེ་ཚན་སོགས་ཀྱང་མཉམ་ཞུགས་གནང་གི་ཡོད། ད་ཐེངས་ཀྱི་བགྲོ་གླེང་འདི་སྐབས་ལྔ་བའི་རང་མོས་བགྲོ་གླེང་ཐེངས་བཅོ་ལྔ་བ་ཆགས་ཡོད་ལ། སློབ་སྐབས་འདིའི་ཐེངས་དང་པོ་ཆགས་ཡོད།

དེ་ལས་མང་བ་། “ལྷ་ཆོས་རིག་གནས་ནི་རྒྱལ་ཁབ་ཅིག་གི་ཆེས་མཐོའི་གཙུག་ཏུ་འཛིན་མི་རུང་།” »

ཨོ་རྒྱན་ཉི་མ།

དེང་སང་སྐྱ་སེར་གཉིས་ཀའི་ཁ་ན་ཚན་རིག་དང་། བསྡུས་གྲ་རེད། ཚན་རིག་དང་བསྡུས་གྲ་ཟེར་བ་དེ་ཚེ་འདི་བློ་བཏང་གི་བྱ་བཏང་བ་ཞིག་ལ་དགོས་པའི་རིག་གནས་ཤིག་མ་ཡིན་པ་ནི། ཚན་རིག་དང་། བསྡུས་གྲྭའི་ངོ་བོ་དང་། ཁྱད་ཆོས། བྱེད་ལས་དག་ལ་བལྟས་ན་རྟོགས་ནུས་པ་ཞིག་རེད། ཡང་འགའ་ཞིག་གིས་གྲྭ་བས་ཚན་རིག་སྦྱང་ན་མི་ལེགས་ཚུལ་སྨྲ་མཁན་ཡང་འདུག་མོད། གྲྭ་བས་ཚན་རིག་གཏན་ནས་སྦྱོང་མི་ཆོག་ཟེར་ན་མི་འགྲིགས་པ་རེད། ཚན་རིག་དང་ནང་ཆོས་གཉིས་གཤིབ་བསྡུར་གྱིས་ནང་པའི་ཆོས་ཀྱི་རིན་ཐང་རྟོགས་དགོས་པ་དང་།

དེ་ལས་མང་བ་། “ཚན་བསྡུས་རྐང་འཛིན་དགོས་སམ།” »

ནམ་མཁའ།

དེ་རིང་གི་རྩོམ་བྱང་འདི་མཐོང་མ་ཐག་དྲ་གྲོགས་ཚང་མ་དགད་མོ་ཤོར་སྲིད་ལ། ཕལ་ཆེར་ད་ཐེངས་མ་གཏོགས་ཐོས་མྱོངས་ཡང་ཡོད་མི་སྲིད། ཡིན་ཡང་འདི་ནི་གངས་རིའི་ལྗོངས་ལ་གསར་དུ་དར་བའི་བྱ་དགའ་སྤྲོད་པའི་ལས་འགུལ་གསར་བ་ཞིག་རེད།

དེ་ལས་མང་བ་། “གསུམ་བཟང་མནའ་མ།” »

ནགས་ཕྲན་པ་བསོད་ནམས་ཚེ་རིང་།

རྒྱ་ནག་གིས་བོད་ལ་བཙན་འཛུལ་བྱས་པ་ནས་བོད་མིས་རང་ལུས་མེ་རུ་སྤར་ཏེ་རྒྱ་གཞུང་ལ་ངོ་རྒོལ་བྱས་པའི་ཐོག་མ་ནི་ཕྱི་ལོ་ ༡༩༩༨ ལོའི་ཟླ་ ༤ པའི་ཚེས་ ༢༦ ཉིན་ཡིན་ལ། སྐབས་དེར་གསུམ་བཅུའི་དུས་སྐབས་ ༣༩ པའི་སྐབས་སུ་བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་འོག་འཛམ་གླིང་མཉམ་འབྲེལ་རྒྱལ་ཚོགས་སུ་དགོས་འདུན་དོན་ཚན་གསུམ་བཏོན་ཏེ། རྒྱ་གར་གྱི་རྒྱལ་ས་ལྡི་ལིར་མ་ཤི་བར་གྱི་ཟས་བཅད་ངོ་རྒོལ་བྱས་པའི་སྐབས་རྒྱལ་གཅེས་དཔའ་བོ་ཐུབ་བསྟན་དངོས་གྲུབ་ཀྱིས་ “༸གོང་ས་མཆོག་སྐུ་ཚེ་ཁྲི་ལོ་བརྟན་པར་ཤོག བོད་རྒྱལ་གྱུར་ཅིག”

དེ་ལས་མང་བ་། “རྒྱལ་གཅེས་དཔའ་བོའི་ཞལ་ཆེམས་དང་འབོད་སྒྲ།” »

བྱམས་པ་ལྷུན་གྲུབ།

ང་འབྲོག་ཁྱི་སྐྱེས་ས་ཤར་ཕྱོགས་ཀྱི།།
རི་མཐོན་པོ་གནམ་ལ་ཟུག་འདྲ་ཞིང་།།
སྤང་སྔོན་མོ་ཡངས་ཤིང་དཀྱེལ་ཆེ་བ།།
ཆུ་དྭངས་མ་དལ་བུར་ཤག་ཤག་རྒྱུག།
ཚོན་རྣམ་པར་བཀྲ་བའི་མེ་ཏོག་གིས།།
ལ་ལུང་པ་སྤང་ལྗོངས་རྒྱན་པ་སོགས།།
ཡིད་འཕྲོག་པའི་མཛེས་སྡུག་དེ་དག་གིས།།
སྟེང་དག་པའི་ལྷ་ཡི་ཡུལ་ལྗོངས་དང་།།
འགྲན་ནུས་པ་སུས་ཀྱང་བསྙོན་དུ་མེད།།

དེ་ལས་མང་བ་། “འབྲོག་ཁྱིའི་ཁ་ཆེམས།” »

ཁྲོ་གཏུམ།

-དགེན་ལྷ་ལུང་ལ་ཕུལ་བའི་སེམས་ཀྱི་ཁ་བཏགས་དཀར་བོ།
དེ་རིང་ཉི་མ་འདི་ལྟར་འོད་ཀྱིས་དབེན་པར་གྱུར་དོན་གྱིས་ང་རང་སྐྱོ་སྣང་གི་ན་བུན་ཞིག་ལས་རབ་རིབ་ཏུ་བཏང་སོང་། དུས་རབས་ཀྱི་ངོ་གདོང་ནས་རང་ཉིད་ཀྱི་བྱ་བའི་འགུལ་བསྐྱོད་ཚང་མར་གཏན་འཇགས་ཀྱི་སྲབ་སྐྱོགས་མེད་དོན་ཅི་ཞིག་ལགས། ཡུལ་གྱར་བའི་འཁོར་ཡུག་འདིའི་གཡས་གཡོན་དང་ཟུར་ངོས། མགོ་འཇུག་གང་དུ་ཡང་ང་ལ་ཡོད་ཆོག་ཆོག་གི་གཏན་ཚིག་ཞིག་མེད་པས་ན། ས་ཕྱོགས་འདི་ནི་ཚ་གདུང་གིས་ངོ་སྐྱི་བསྲེགས་ཤིང་རྡ་ལི་ཡིས་གྲོད་ཁོག་འབུར་བའི་ལང་ཚོ་ཉམས་ས་ཞིག་དང་། གང་ནི་བཟང་མིན་གྱི་ལམ་ཞིག་མི་རྙེད་ལ་བདེན་པ་ཅོག་ཅོག་གི་གཏམ་ཞིག་རག་དཀའ་བའི་སྥྱི་ཚོགས་ཀྱི་གས་སྲུབས་རེ་རེ་ནས། ང་ཚོས་ཁ་སོས་སོང་བ་དང་ནམ་ལངས་ཐུབ་པའི་གཏམ་རྒྱུད་ཞིག་ཇི་ལྟར་འབྲི་དགོས།

དེ་ལས་མང་བ་། “དངན་པ་རིན་ཐང་ཅན་ཞིག་ཇི་ལྟར་འཐེན།” »