རྔ་བ་ཀུན་བཟང་སྒྲོལ་མ།།
ཚན་པ་གཉིས་པ།
ལུས་སེམས་དམར་པའི་དར་ཆའི་འོག་ནས།།
རང་ལུས་རིན་ཆེན་མེ་རུ་སྒྲོན་ཐལ།།
རྒན་གཞོན་སེར་སྐྱའི་སྙིང་ནད་འོག་ནས།།
མ་འོངས་རང་བཙན་སླར་གསོ་བྱས་ཐལ།།
ཨ་མའི་ཟུངས་ཁྲག་མཆོད་མེ་ཕུལ་སོང་།།
བྱིས་པའི་སྲོག་རྩ་མུ་གེས་བཅད་ཐལ།།
རྒྱ་འདྲ་དམར་པོས་ཧམ་སེམས་འོག་ནས།།
ས་ཡ་དྲུག་པོའི་མེ་ལྕེ་འབར་ཐལ།།
ཀླུ་སྨྱོན།
ལོ་མ་ལྗོན་རྩེ་ནས་འདར་དུས།
དབང་མེད་འགྲུལ་བཞུད་ཅིག་བྱེད་འདོད།།
ཆར་བས་ལྷམ་ཡུ་གཉིས་བརླན་དུས།།།
སྐར་མས་ལམ་སྒྲོན་ཞིག་བྱས་སོང་།།
སྨུག་པ་དུམ་བུ་དང་དུམ་བུས།།
ཕ་གིའི་རི་རྩེ་དེ་དཀྲིས་དུས།།
སྙིང་ཤ་ཚོམ་བུ་དང་ཚོམ་བུ།།
ཕྱོགས་ཕྱོགས་མེ་སྟག་བཞིན་མཆེད་སོང་།།
སེམས་ནས་འཆར་ཡན་ཞིག་འཕྱུར་ཏེ།།
ལག་ནས་སྙན་ངག་ཅིག་བྲིས་པ།།
ཤོག་བྱ་སྐུད་ཆད་ཅིག་འདྲ་བར།།
ནམ་མཁའ་སྟོང་པ་ལ་ཐིམ་སོང་།།
གཡག་ཕྱུག་ཕུན་ཚོགས་ཆོས་འཕེལ།(ལྡི་ལི་མཐོ་སློབ།)
དེ་རིང་ངས་འདས་ཟིན་པའི་གནས་ཚུལ་མང་པོ་ཞིག་ལ་ཕྱིར་དྲན་རེ་བྱེད་དུས་ཁ་སྔོན་སྤྱི་ཟླ་༨་པའི་ཚེས་༥ཉིན་ཆར་ཞོད་ཆེ་བའི་ཞོགས་པ་ཞིག་ལ་ཕྲད་པའི་གནས་ཚུལ་འདི་ངས་ད་ལྟ་ཡང་མ་བརྗེད་པར་དྲན་པའི་གསང་མཛོད་ནང་ཉར་བ་ཡིན། དེ་ནི་ང་དང་གྲོགས་པོ་སྐོར་ཞིག་མཐོ་སློབ་ཀྱི་ཉིན་གཉིས་ཀྱི་གུང་གསེང་དང་སྟབས་བསྟུན་ནས་ལྡི་ལི་བསམ་ཡས་གླིང་གཞིས་སྒར་(mt)གྱི་ཟ་ཁང་དྲག་གྲས་ཤིག་གི་ནང་ཁ་ལག་ཟ་བར་ཕྱིན་པ་ཡིན།
རྨོག་རུ་ཚང་ཤེས་རབ་རྡོ་རྗེ། ནེ་རོ་གཙུག་ལག་སློབ་གཉེར་ཁང་།
༼གསེར་དངུལ་རྩྭ་ཐང་གི་གཟི་བརྗིད།༽
ཁོ་མོ་སྟེ། བོད་ཀྱི་བུ་མོ་ཆོས་དབྱིངས་སྐྱིད་ལགས་ནི། སྤྱི་ལོ་༡༩༩༠ལོར་ངུ་ངག་གི་དབྱངས་རྟ་ཐོག་མ་མཚོ་སྔོན་པོི་གསེར་དངུལ་རྩྭ་ཐང་དུ་འཐོར་ཏེ། འབྲོག་ཁྱིམ་དཀྱུས་མ་ཞིག་ཏུ་ལྟེ་ཁྲག་འཕོས། དུས་དེ་ནས་བཟུང་འབའ་འབའ་ལུ་གུའི་རྩེད་མཚར་གྱི་དབྱངས་རྟ་དང་ལྷན་དུ། ནོར་ནག་གི་རྨིག་རྗེས་བསྙེགས་ཏེ་བྱིས་དུས་ཀྱི་ལང་ཚོ་རིམ་བཞིན་གཉོམ་ལག་རྒྱས་འགོ་ཚུགས། རེ་ཞིག་ཁོ་མོར་བྱམས་ལྡན་ཕ་མའི་བཀའ་དྲིན་ལ་བརྟེན་ནས་སློབ་གྲྭར་འགྲིམས་རྒྱུའི་སྐལ་བ་ལྡན།
དེ་ལས་མང་བ་། “གཟི་བརྗིད་བདུན་ལས་རྒྱལ་པའི་བོད་ཀྱི་བུ་མོ་ཆོས་དབྱིངས་སྐྱིད་གླེང་བ།” »
༡༩༩༨ལོར་ང་ལ་ཨ་རིའི་ཝ་ཤིན་ཌོན་གྱི་ཕྱི་སྲིད་ལྷན་ཁང་གི་ལས་བྱེད་ཞིག་གིས་ཁ་པར་འབྱོར་ཏེ། རྒྱ་གར་ནས་ཡོང་བའི་ཨ་རིའི་བོད་མིའི་སྐྱབས་བཅོལ་སྤྱི་ཚོགས་ཁྲོད་ཀྱི་མི་ངན་གཏེ་བོ་(པདྨ་དགའ་གཞོན)ཞིག་གི་སྐོར་ལ་སྐད་ཆ་དྲིས་བྱུང་ལ། དོན་དངོས་ཐོག་རྒྱ་གར་ནང་གི་བོད་མི་ཚོ་ཉེན་ཚབས་ཆེ་བའི་གནས་སྟངས་ཤིག་གི་ནང་དུ་ལྷག་ཡོད་མེད་ཀྱང་དྲིས་བྱུང། ངས་རྒྱ་གར་ནང་སྲིད་ལས་ཁུངས་དང་བོད་མིའི་སྒྲིག་འཛུགས།གཞན་གཞུང་འབྲེལ་མིན་པའི་ཚོགས་པ་ཁག་གི་ཡིག་ཆ་དང་མཉམ་དུ་རྒྱ་གར་གྱི་གཏོང་ཕོད་ཆེན་པོའི་སྒོ་ནས་བོད་མིར་རོགས་རམ་བྱས་པ་དང་། རྒྱལ་བ་རིན་པོ་ཆེ་མཆོག་ལ་གུས་བརྩི་ཆེན་པོ་ཞུ་བཞིན་ཡོད་པའི་ལོ་རྒྱུས་བཅས་བསྐུར་བ་ཡིན། དངོས་ཡོད་ཐོག་ནས་མི་སྒེར་རེ་ཟུང་ལ་བརྙས་བཅོས་དང། བཤུ་གཞོག་བྱས་པ་དེ་འདྲ་ཡོད་སྲིད་ཀྱང། སྤྱིའི་ཆ་ནས་རྒྱ་གར་གྱིས་བོད་མིའི་བདེ་རྩར་ཞབས་འདེགས་དང་། བོད་ཀྱི་ཆོས་དང་རིག་གཞུང་བདག་གཅེས་ཀྱི་ཆེད་དུ་ཞབས་ཞུ་སྒྲུབ་པ་ནི་བསྟོད་བསྔགས་བྱེད་འོས་པ་ཞིག་རེད། རྒྱས་པ་སྐར་ཁུང་དྲ་བ་བརྒྱུད་ཀློགས།
བསྟན་འཛིན་གཉེན།
རྒྱ་ནག ངའི་སྡུག་བསྔལ་ཐམས་ཅད་འཛིན་ཅིང
སེམས་ཁམས་ནག་འཐོམས་མེར་གཏོང་བའི་ཐ་སྙད་ཅིག
བོད ཁྲག་དང་ཤ་འཁོན་གྱིས་བཏུམས་པའི
མནར་གཅོད་ཀྱི་འཇིག་རྟེན་ཅིག་ཡིད་ངོགས་སུ་བསྐྲུན་པའི་ཐ་སྙད་ཅིག
ང་སྐྱེས་དགོས་དོན་ཡང རྒྱ་ནག་ལ་ཁོང་ཁྲོ་དང་ང་རྒྱལ་ལངས་ཆེད་དུ་ཡིན་པ་འདྲ་བས
དགོངས་སེལ་ཞུ་དགོས་པ་ཞིག་ནི ང་བླ་མའི་བཀའ་ལས་འགལ་བཞིན་པ་དེ་རེད
ལྷག་དཀར་གྱིས།
——-
བཙན་བྱོལ་ནང་གི་ཚོགས་པ་སྐྱིད་སྡུག་ཁག་ལ་ཞུ་རྒྱུར། དེ་རིང་བོད་ཀྱི་དུས་བབ་གསར་ལམ་ནས་ཚོགས་སྐྱིད་༡༡གི་གསལ་བསྒྲགས་ཅེས་པ་དང་ཁ་བརྡ་དྲ་ཚིགས་བརྒྱུད་ནས་རེབ་ཐོག་མདའ་ཟེར་བ་ཞིག་གིས་བྲིས་པའི་བོད་པ་ལ་དུང་ཞེན་ཡོད་ན་གོང་ས་མཆོག་གི་དགོངས་པ་མ་དཀྲུག་ཅེས་པའི་རྩོམ་དེ་གཉིས་མཐོང་ནས་སེམས་པ་མི་སྐྱིད་པ་ཅིག་བྱུང་སོང་། རྒྱུ་མཚན་བོད་ནང་གི་མི་མང་པོ་ཞིག་ལ་མཚོན་ན་ནམ་རྒྱུན་རྒྱ་ནག་གི་དམ་དྲག་པའི་སྟངས་འཛིན་འོག་ན་བཙན་བྱོལ་ནང་གི་གནས་སྟངས་ཕྲ་ཞིང་ཕྲ་བ་རེ་རེར་མིག་ལྟོས་དང་རེ་བ་བྱེད་ཀྱི་ཡོད་པ་བཞིན། ཉེ་སྔོན་༧གོང་ས་མཆོག་ནས་ལ་དྭགས་དང་ཨོ་སི་ཁྲི་ལི་ཡ་ནས་གསུངས་པའི་བཙན་བྱོལ་བོད་གཞུང་གི་མིང་བརྗེ་སྒྱུར་ཐད་ཀྱི་གསུང་བཤད་གང་ལའང་མཚོན་ནའང་ཁོང་ནས་བོད་པ་སྤྱི་བའི་ལས་དོན་ལ་འཐུས་ཤོར་ཡོང་ཉེན་གྱིས་ཆུ་མ་ཡོང་གོང་གི་རགས་བྱས་ཏེ་ཚང་མའི་བྱ་བ་གང་ལའང་བབ་ཅོལ་བྱེད་མི་ཉན་པའི་ཉེན་བརྡ་བཏང་བ་ཙམ་ལས་ཚོགས་པ་དང་ཚོགས་པའི་བར་དུ་བསྒྲགས་གཏམ་སྤེལ་ནས་ངོ་རྒོལ་བྱེད་རྒྱུ་ཞིག་ཡེ་ནས་གསུང་མི་འདུག་པར་བསམ།
དེ་ལས་མང་བ་། “བཙན་བྱོལ་ནང་གི་ཚོགས་པ་སྐྱིད་སྡུག་ཁག་ལ་ཞུ་རྒྱུར།༼བོད་འབྱོར༽” »
ཤར་ཕྱོགས་ཁུག་རྟ།
བསམ་གླིང་ཚེ་རིང་ལྷ་མོར་འབོད་པའི་བཅད་མ་ཁ་ཤས་མཐོང་འཕྲལ་བྲིས།
བག་ལ་ཉལ་བའི་དམར་ཆུང་སྙིང།།
ལྷོག་ལྷོག་དྲན་པས་དཀྲོགས་པ་ན།།
ཡོངས་འཛིན་དཔའ་བོའི་ངག་རིག་ཆབ།།
ཆུ་ཐིག་རིས་ཀྱིས་ལྷ་མོར་ཟགས།།
ཀླུ་དཀར་མོ།
ན་ནིང་གི་དེ་རིང་ང་ཚོས་རླབས་ཆེན་གྱི་མི་བུ་(Radha Krishnan)ཞིག་གི་ལོ་རྒྱུས་ལ་ཕྱིར་དྲན་བྱེད་བཞིན་དགེ་རྒན་ཉིན་མོ་སྲུང་བརྩི་བྱེད་དུས། ང་ཚོའི་སེམས་ཀྱི་རེ་བ་ནི་སྟོན་འབྲས་གཡུར་དུ་ཟ་བ་ཞིག་སྨིན་པ་དང་འདྲ་བར་རྒྱལ་ཁའི་མིག་ཟུང་ད་དུང་ཡང་རྒྱང་དུ་སྲིང་བཞིན་སང་ཉིན་གྱི་ཉིན་མོ་གསར་བ་ཞིག་བདེ་ལེགས་ཀྱིས་བསུ་ན་འདོད་ཡོད། ཉིན་མོ་དེར་དགེ་སློབ་མཉམ་འཛོམས་ཀྱིས་ཤིས་ཚིག་རེ་གྱེར་བཞིན་རང་གི་ཤ་གསེང་ན་འབར་བཞིན་པའི་དགེ་སློབ་བར་གྱི་དམ་ཚིག་གསོན་པོ་ཞིག་གཏན་དུ་མདུད་ཡོད། སྐབས་དེེར་འཛིན་ཁང་ཆུང་ཆུང་འདི་ན་ལྷད་མེད་པའི་འཛུམ་མདངས་ཤིག་གིས་ཡོད་ཚད་ལ་སྤྲོ་སྣང་སྦྱིན་ཞིང་འཛིན་ཁང་གི་རྐུབ་སྟེགས་དང་ཅོག་ཙེ་རེ་རེ་ལ་ཡང་བཤད་མི་ཤེས་པའི་སྣང་བ་ཞིག་བྱིན་ཡོད་ངེས་རེད།
དེ་ལས་མང་བ་། “དགེ་རྒན་ཉིན་མོར་དགེ་རྒན་ཞིག་གི་དྲན་ཐོ་རུ་བསྟབས་པ།” »
ཨ་དམར་པོ།
ཁྲིམས་དང་ཁྲིམས་ལུགས། ཚུལ་ཁྲིམས། སྒྲིག་ཁྲིམས། སྒྲིག་ལམ་སོགས་སྤྱི་དོན་གཅིག་པའི་མིང་གི་རྣམ་གྲངས་རེ་རེ་རེད། དེ་དག་ནི་འགྲོ་བ་མིའི་རིགས་ཀྱི་དངོས་ཡོད་འཚོ་བའི་གཞི་ནས་བོར་མི་ཐུབ་པའི་རྒྱུ་འབྲས་བློ་མིག་དང་། སྤྱི་སྙོམས་དྲང་བཞག རང་དབང་རང་སྲུང་། རང་ཐོབ་རང་དབང་། རང་ཉིད་རང་བདག འངྲ་མཉམ་དོ་མཉམ་མཚོན་པའི་སྐད་བརྡ་རེ་རེ་ཡིན། ད་དུང་ཆོས་ཉིད་ཀྱི་རང་དོན་མངའ་ཞིང་། གཏན་ཚིགས་ཀྱི་རིགས་དོན་ལྡན་པའི་ལེགས་ཉེས་བླང་དོར་འབྱེད་པའི་ཤེས་རབ་ཀྱི་མིག་འབྲས་མཚོན་པའི་མིང་ཚིག་རེ་རེའང་རེད། འདི་ནི་ཀུན་གྱི་མགོ་ཐོག་ན་འགྱིང་བའི་དཀོན་མཆོག་དང་། སེམས་ཁོང་ན་བཞད་པའི་ཨ་མ་ལྟ་བུ་ཡིན། འཇིག་རྟེན་རྒན་པོའི་འབེལ་གཏམ་དུ”རྟ་སྒ་འོག་ནས་སྐྱིད། མི་སྒྲིག་འོག་ནས་སྐྱིད”ཅེས་བརྗོད་ཡོད་ལ། དམངས་གཙོའི་ཀ་བ་གསུམ་ལས་གཉིས་ནི”ཁྲིམས་བཟོ”དང”ཁྲིམས་འཛིན”གཉིས་ཡིན།
ནམ་མཁའ།
ང་ཚོའི་བོད་མི་རིགས་འདི་ལ་འདས་བའི་ལོ་རྒྱུས་དང་དེ་རིང་གི་བསམ་བློའི་གོ་རྟོགས་ལ་གཞིགས་ཚེ།བོད་མི་རིགས་ཀྱི་ཕུགས་རྒྱང་མཐོང་བའི་མི་རྣམ་དཔྱོད་ཅན་དག་དགོས་བར་མཐོང་མ་སོང་། འདས་བའི་བོད་ཀྱི་བཙན་པོ་སྐབས་ནས་བཟུང་དེ་རིང་བར་དུ་མི་རྣམ་དཔྱོད་ཅན་དང་ལྷག་བསམ་ཡོད་མཁན་ཚོར་དཀའ་ངལ་རིམ་པ་མང་པོར་སྤྲད་ཡོད། དཔེར་ན་བཙན་པོ་གླང་དར་མ་ལ་ཆོས་ལུགས་པ་དང་ཕུགས་རྒྱང་རིང་པོ་མི་མཐོང་བའི་མི་ཚོས་དཀྲོགས་གཏམ་འདྲ་མིན་སྤེལ་ཏེ་བདུད་རྒྱལ་ཞིག་ཡིན་པ་མ་ཟད།མགོ་ལ་རྭ་སྐྱེས་ཡོད་ཚུལ་སོགས་བཤད་ཐ་མར་སྐུ་དཀྲོངས་པ་རེད།གསོད་མཁན་གྱི་ལག་དམར་གསང་བདག་ཕྱག་ན་རྡོ་རྗེ་ཡི་སྤྲུལ་བ་ཡིན་ཚུལ་སོགས་བསྟད་ནས་གནམ་འཕངས་བསྟོད།དེ་ནས་བཟུང་དེ་རིང་གི་སྡུག་བསྔལ་འདིའི་འགོ་བརྩམས་པ་རེད།
༡༠ ད་ལྟའི་རྒྱ་ནག་གི་ཆབ་སྲིད་ལམ་ལུགས་ལ་མཚོན་ན། མི་རྣམས་ཀྱིས་གླེང་གཞི་ཆེ་ཤོས་ནི་རྒྱ་ནག་གི་སྟོབས་ཤུགས་དང་ཕྱི་གླིང་གི་རིག་གནས་ཤུགས་རྐྱེན་དང་དེའི་ནུས་པའི་སྐོར་ནས་རེད། ཁྱེད་ཀྱི་རྩོམ་ཡིག་རྣམས་དབྱིན་ཡིག་ནང་བསྒྱུར་ཏེ་དཔར་བསྐྲུན་བྱེད་པ་ནི། དངོས་སུ་རྒྱ་ནག་གི་དེང་དུས་རིག་གནས་ནུབ་གླིང་གི་སྤྱི་ཚོགས་སུ་ནང་འདྲེན་བྱེད་པའི་དཔེ་མཚོན་རེད་ཅེས་བཤད་ཆོག་གི་རེད། ཁྱེད་ཀྱིས་དེབ་ལ་ནུབ་གླིང་གི་མི་ཚོས་གླེང་སློང་བྱ་གི་རེད་ལ། ཡང་ན་ཤུགས་རྐྱེན་ཇེ་ཆེར་འགྲོ་བའི་གོ་སྐབས་ཡང་ཡོད་སྲིད། ཁྱེད་ཀྱིས་རང་གི་དེབ་ཀྱིས་འདི་ལྟ་བུའི་ལེའུ་ཞིག་བཟུང་ཡོད་པར་ལྟ་ཚུལ་གང་འདྲ་ཡོད་དམ། རྒྱས་པ་སྐར་ཁུང་དྲ་བ་བརྒྱུད་ཀློགས།
རྔ་བ་ཀུན་བཟང་སྒྲོལ་མ།
(ཚན་པ་དང་བོ)
རུས་རྐང་དང་ཁྲག་ཐིགས་རེའི་བར་ན།།
བདེན་པ་དང་ལ་རྒྱལ་ཡིས་ཕྱུག་ཡོད།།
རུས་རྐང་དང་མཆོད་མེ་རེའི་བར་ནས།།
ཞི་བདེ་དང་གཅིག་སྒྲིལ་རེ་བསྒྲགས་སོང།།
ཨོ་རྒྱན་ཉི་མ།
སྤྱིར་བཏང་གང་ཟག་མཆོག་དམན་གཉིས་སུ་ཕྱེ་སྟེ། མཆོག་ལ་བྱ་དགའ་སྤྲོད་པ་དང་། དམན་ལ་ཉེས་ཆད་གཏོང་བ་དེ་དགོས་ངེས་ཤིག་དང་། དུས་ནམ་ཡང་མི་ནུབ་པར་འཛིན་དགོས་རྒྱུའི་གལ་གནད་ཅིག་རེད། གང་ཟག་མཆོག་དམན་ཟེར་ཡོང་དུས་བཙན་པོ་དང་། དབང་ཡོད་ཀྱིས་མཐོན་པོར་ཆགས་པ་དང་། དོན་གཉིས་སྨན་པའི་རྣམ་དཔྱོད་ཀྱིས་ཕྱུག་པའི་གང་ཟག་ཡོན་ཏན་གྱིས་མཐོན་པོར་ཆགས་ པ་གཉིས་སུ་ཡོད་པ་ལས། སྔ་མ་དེ་བླུན་པོ་དང་། ཕྱི་མ་དེ་མཁས་པ་རེད། དེ་ཕྱིར་མཁས་པ་ལ་གཟེངས་བསྟོད་མེད་ན་བླུན་པོ་ངོ་སོ་མཐོ་བ་དང་། བླུན་པོ་ལ་ཆད་པ་མེད་ན་མཁས་པའི་རིན་ཐང་བརླགས་ངེས་པས་ན། མཁས་བླུན་དང་། མཆོག་དམན་མ་ནོར་བའི་སྒོ་ནས་ལེགས་ཉེས་འདེམས་པ་ལ་བྱང་ཆུབ་པར་བྱ་དགོས་པར་མ་ཟད། དུས་ནམ་ཡང་ནོར་མི་རུང་བ་དེ་ཡང་གལ་གནད་ཅིག་རེད།
དེ་ལས་མང་བ་། “དེང་སང་གི་དབུ་མའི་ལམ་དང་རང་བཙན་གཉིས་བསྡུར་བ།” »
ཁ་བརྡའི་རྩ་འཛིན་དང་ཁ་བརྡའི་དམིགས་ཡུལ། ཁ་བརྡའི་མཆན་གྱི་རྩ་འཛིན་བཅས་སུ་གསལ་བ་བཞིན།
” ང་རང་ཉིད་ཀྱི་ལོ་རྒྱུས་ཀྱང་ཁ་འཐོར་དགུ་འཐོར་ཞིག་ཡིན། དཔེར་ན། ངའི་ཕ་མ་གཉིས་བོད་ནས་བཙན་བྱོལ་ལ་ཡོང་བ་དང་། ང་སྐྱེ་ས་རྒྱ་གར་དང་། འཚར་ས་ཁེ་ན་ཌ། སློབ་གྲྭ་འགྲིམས་ས་ཨིན་ལན་ཌི་ཡིན། མི་འདྲ་བ་མང་དག་ཅིག་འདྲེས་ནས་ཡོད་པ་འདིས་ང་ལ་བག་ཆགས་ཅི་ཞིག་བཞག་ཡོད་དམ། བོད་མི་ག་ཚོད་ཅིག་གིས་ཁོར་ཡུག་གཞན་ཞིག་གི་ནང་འཐིམ་སྟེ་འགྲོ་ལུགས་མང་པོ་ཞིག་ལ་གོམས་འདྲིས་བྱེད་དགོས་ཀྱི་ཡོད་པ་དང་། དུས་ཡུན་ཐུང་ཐུང་ཞིག་གི་ནང་ཁོར་ཡུག་དང་གོམས་གཤིས་སོགས་ལ་བསྟུན་ཐུབ་པ་བྱུང་བར་བསམ་གྱིན་བསམ་གྱིན་ང་ཡ་མཚན་སྐྱེ་ཡི་འདུག རྒྱ་ནག་གིས་དབང་བསྒྱུར་མ་བྱས་གོང་གི་བོད་ཀྱི་ངོ་བོ་དེ་འགྱུར་ཚར་བ་རེད། ང་ཚོའི་མགོ་ཐོག་ཏུ་འཆར་བའི་ཉི་མ་དེ་སྔར་བཞིན་བོད་ཀྱི་ཉི་མ་མིན་པར། ཉིན་མོ་སྣང་བར་བྱེད་པའི་ཉི་མ་གསར་པ་ཞིག་ཏུ་གྱུར་བ་རེད། འོན་ཀྱང་ཉི་མ་གསར་པ་དེས་དེང་སང་ང་ཚོས་རང་ཁྱིམ་དུ་འབོད་པའི་རྒྱ་གར་དང་། བལ་ཡུལ།…
ནམ་མཁའ།
སྡུག་ལས་གྲོལ་བར་སྙིང་རྗེ་གོམས་པའི་མཐུས།།
གཅིག་བསྡུས་སྙིང་བོ་ཕན་བདེ་སྒྲུབ་པ་ལ།།
རྒྱུ་འབྲས་བདུན་དང་བདག་གཞན་བརྗེ་བའི་ལམ།།
ཐབས་ཀྱིས་སྟོན་མཁས་དེ་ལ་གུས་བའི་འདུད།།
ངར་འཛིན་བློ་ལ་སྣང་བའི་གཟུགས་བརྙན་འདིར།།
འཁྲུལ་ཏེ་ཁྲོས་ནས་གཤེ་གཤེ་མཚང་དྲིས་ཀྱང་།།
གནོད་པའི་ལན་ལ་འཛུམ་གྱིས་བསུ་བ་ཡི།།
བྱང་ཆུབ་སེམས་མཆོག་ཁྱེད་ལ་གུས་ཕྱག་འཚལ།།
རེབ་ཐོག་མདའ།
ལྷ་བཟང་ཚེ་རིང་།
ཁང་བརྩེགས་མཐོན་པོ་ཞིག་གི་ནང་རོལ་ན།།
ཕྱུག་པོའི་ལུས་ལ་དབུལ་པོའི་ལྷན་པ་ཅན།།
རྡ་སའི་གཙུག་ལག་ཁང་གི་བཞི་མདོ་ན།།
རང་བཙན་མ་ཎི་འདོན་པའི་ནེ་ཙོ་ཞིག།།
རང་དོན་སྦུག་ན་བསྒྲུབས་པའི་རི་གྲོང་ན།།
བླ་མའི་ཐུགས་དགོངས་དཀྲུག་པའི་དུག་ལྕེ་ཅན།།
དཔེ་ཚོང་ཁང་པ་ཆེན་མོའི་སྒོ་འགྲམ་ན།།
སྒོར་མོའི་ལང་ཚོ་རུམ་པའི་རྒད་པོ་ཞིག།།
དེ་ལས་མང་བ་། “བོད་པ་ལ་དུངས་ཞེན་ཡོད་ན་་་་གོང་ས་མཆོག་གི་དགོངས་པ་མ་དཀྲུགས།” »
ཨ་འདུས་མིག་ཆུ།
-ཐ་སྙད་རྩ་ཆེན་ཞིག་བོར་བརླག་ཕྱིན་པའི་ར་མདའ།
རྔ་བའི་རྩྭ་ཐང་ཡངས་པོའི་སྟེང་ན་རྔ་བའི་ཐ་སྙད་འཛུམ་མེར་བཞད།།
རྔ་བའི་སྤྲིན་བྲལ་ནམ་མཁའི་དབྱིངས་སུ་རྔ་བའི་མིང་བརྡ་འོད་དུ་འཚེར།།
བླུན་པོ་ང་མཁས་གང་ཞིག་གིས་ནི་བསྒྱུར་དུ་བཏུབ་པ་མེད་པའི་ཆོས།།
གཡང་ལྡན་ཕྱུག་མོའི་མིང་ཡིག་གང་ཉིད་བཙན་གྱིས་བསྒྱུར་བ་ཡ་རེ་ང་།།
རྔ་ཀློང་སྔོན་མོའི་རླབས་རྒྱུན་དེ་ཡིས་རྔ་བའི་མིང་འདི་དབྱངས་ལ་གྱེར།།
རྔ་རྩམ་ནག་པོའི་དྲི་དང་ལྷན་དུ་རྔ་བའི་བརྡ་འདི་ཕྱོགས་སུ་མཆེད།།
དཔོན་ཆེན་སུས་ཀྱང་བསྒྱུར་དུ་མེད་པའི་མིང་ཡིག་རྔ་བ་ཞེས་པ་འདི།།
བཙན་དང་དབང་གིས་བསྒྱུར་བར་བརྩོན་པའི་འདྲེ་ལག་དེ་ཚོ་གཙོག་པ་ལ།།
