མྱི་ལྟིག
མི་རིགས་ཤིག་གམ་རྒྱལ་ཁབ་ཅིག་གི་རྒྱལ་གཅེས་པ་ག་གེ་མོ་སུ་ཡིན་རུང་ཚེ་སྲོག་རང་གི་མི་རིགས་དེའམ་རྒྱལ་ཁབ་དེའི་བདེ་སྡུག་གི་ཆེད་དུ་བློས་བཏང་བྱས་ཚེ་ཁྱོད་ལའང་དེ་ལྟར་རླབས་ཆེན་གྱི་བྱ་གཞག་ཅིག་ལ་ལག་པ་འཆང་བའི་བློ་སྤོབས་དང་སྙིང་རུས་བ་སྤུ་ཙམ་ཡང་ཁ་སེམས་གཉིས་ཀྱི་གང་ནའང་མེད་པ་དེ་ཙམ་མི་སྐྱོན་མོད། ཉེ་ལམ་༧གོང་ས་རིན་པོ་ཆེ་མཆོག་གི་སྐུའི་འཁྲུངས་བརྩི་སྲུང་གི་ཆེད་དུ་གླུ་གཞས་འདུ་ཚོགས་ཤིག་ཚོགས་པ་ག་གེ་མོ་ཞིག་གིས་གྲ་སྒྲིག་བྱས་ཏེ་འཛིན་བྱང་གི་རིན་དོད་དུ་ཧིན་སྒོར་བདུན་དང་ཟུར་དུ་ཞལ་འདེབས་ཕུལ་མཁན་ཡོད་ཚེ་དེ་ལུགས་གྲ་སྒྲིག་སྟབས་བདེ་ཞིག་བྱས་འདུག དེ་དང་འགྲོགས་ཏེ་ཚོགས་པ་དང་མི་སྒེར་མགོ་བདེ་སྐོར་ཞིག་གིས་ཀྱང་ཁ་རུ་རྒྱལ་གཅེས་པ་དག་ཁྱེར་ཏེ་གླུ་ལེན་གར་འཁྲབ་དང་སྤོ་ལོའི་འགྲན་བསྡུར་སོགས་བསྡུ་བ་ནི་ཁ་ཡག་ལ་བསྐོར་ཏེ་མགོ་ཡོག་ཏུ་བཅུག་པ་རང་རེད།
