རེབ་ཐོག་མདའ།
དྲོད་འཇམ་ཉི་མ་ཡ་གིའི་རི་ནས་འཛུམ་དུས།།
བདག་དང་གྲོགས་པོ་རྨི་ལམ་ཞིང་ནས་འདྲེན་པའི།།
ལག་འཁྱེར་ཁ་པར་འབྱོར་བརྡ་ལྷང་ལྷང་གྲག་སོང་།།
སུ་ཡིན་མ་བལྟས་འཚམས་འདྲིའི་ཚིག་ཅིག་འཕངས་དུས།།
སྐད་ངག་འཇམ་པའི་ངང་ནས་བདག་ཡིན་ཟེར་བས།།
ན་ཆུང་བུ་མོ་ཞིག་གི་གསུང་སྐད་སྙན་མོ།།
རྒྱ་མཚོ།
ད་རེས་ཀྱི་དམིགས་བསལ་ཚོགས་ཆེན་གྱིས་བོད་ནང་གི་བོད་མི་ཚོར་ལམ་སྟོན་གསལ་པོ་ཞིག་གནང་གི་རེད་བསམ་བསམ་ཡོད། དམིགས་བསལ་ཚོགས་ཆེན་གྱི་བརྗོད་གཞི་འདི་ཚོར་བལྟས་ཡོང་ན། ལམ་སྟོན་ཟེར་བ་དེ་ད་རེས་ཀྱི་དམིགས་བསལ་ཚོགས་ཀྱིས་གནང་རྒྱུ་མིན་པ་འདྲ། རྗེས་མར་བོད་ནང་གི་བོད་མི་ཚོར་ལས་འགུལ་སྤེལ་པྱོགས་ཀྱི་ལམ་སྟོན་སྐོར་ནས་ཀྱང་དམིགས་བསལ་ཚོགས་ཆེན་ཞིག་འཚོག་པའི་རེ་བ་ཞུ་རྒྱུ་ཡིན།
ད་ལྟ་བོད་མིའི་དམིགས་བསལ་ཚོགས་ཆེན་ཐེངས་༢ པ་ཚོགས་བཞིན་པ་རེད། ཚོགས་ཞུགས་པ་རྣམས་ཀྱིས་ ༡ བོད་མིའི་སྤྱི་ཚོགས་ནང་ལས་འགུལ་སྤེལ་ཕྱོགས། ༢ རྒྱལ་སྤྱིའི་ནང་ལས་འགུལ་སྤེལ་ཕྱོགས། ༣ རྒྱ་གར་དང་ལྷོ་ཤར་ཨེ་ཤའི་ཡའི་ནང་ལས་འགུལ་སྤེལ་ཕྱོགས་བཅས་གྲོས་གཞི་གསུམ་ལ་གཏན་འཁེལ་ནས་བགྲོ་གླེང་ཚ་ཚ་འུར་འུར་བྱེད་ཀྱི་འདུག་ཟེར།
ཚ་ཚ་འུར་འུར་བགྲོ་གླེང་བྱེད་པ་ལེགས་མོད་ཀྱང་དོན་ཚན་དེ་གསུམ་ལས་ཀྱང་ཆེས་གལ་ཆེ་བའི་དོན་ཚན་གཅིག་ལུས་འདུག་པ་དེ་རྒྱུ་མཚན་ཅིའི་ཕྱིར་ལུས་པ་ནི་བསམ་ཡིད་ལ་འཁོར་དཀའ་བ་ཞིག་རེད།
དེ་ལས་མང་བ་། “རྒྱ་ནག་ནང་ལས་འགུལ་སྤེལ་ཕྱོགས་གྲོས་གཞི་ནང་ཆད་འདུག་ཨང་།” »
བོད་ནང་གི་ཛ་དྲག་གནས་སྟངས་ལ་གདོང་ལེན་བྱ་ཆེད་དམིགས་བསལ་ཚོགས་ཆེན་ཆེད་སྐོང་གིས་བརྗོད་གཞི་གསུམ་གྱི་སྟེང་ཚོགས་བཅར་བ་༤༣༢ ཚོགས་ཆུང་བཅུ་ལ་བགོས་ཏེ་ད་ལྟ་བགྲོ་གླེང་ཚ་ཚ་འུར་འུར་གནང་བཞིན་པ་རེད། བརྗོད་གཞི་གསུམ་ནི།
༡ བོད་མིའི་སྤྱི་ཚོགས་ནང་ལས་འགུལ་སྤེལ་ཕྱོགས།
༢ རྒྱལ་སྤྱིའི་ནང་ལས་འགུལ་སྤེལ་ཕྱོགས།
༣ རྒྱ་གར་དང་ལྷོ་ཤར་ཨེ་ཤའི་ཡའི་ནང་ལས་འགུལ་སྤེལ་ཕྱོགས་བཅས་རེད།
དེ་ལས་མང་བ་། “དམིགས་བསལ་ཚོགས་ཆེན་ཐེངས ༢ པའི་གྲོས་གཞི་གསུམ།” »
༄༅། ། དེ་རིང་ཕྱི་ཚེས ༢༥ ཉིན་གྱི་སྔ་དྲོའི་ཆུ་ཚོད ༩།༣༠ སྟེང་རྡ་སྟེང་བོད་ཁྱིམ་ཚོགས་ཁང་དུ་དམིགས་བསལ་ཚོགས་ཆེན་ཐེངས་གཉིས་པ་གཟབ་རྒྱས་ངང་འཚོགས་པ་དང། སྐབས་དེར་ཚོགས་ཁང་ནང་རྒྱལ་གཅེས་དཔའ་བོ་དཔའ་མོ ༥༡ གི་མཚོན་དོན་བོད་ཀྱི་རྒྱལ་དར་ལྔ་གཅིག་འཕྱར་ཏེ་རྗེས་དྲན་དང་འབྲེལ། ༧གོང་ས་མཆོག་གི་སྐུ་པར་མཐོང་གྲོལ་རིན་པོ་ཆེ་གདན་ཞུ་དང། དེའི་རྗེས་མྱ་ངན་ངག་བཅད་སྐར་མ་གཅིག་རིང་གནང་རྗེས་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཆོག་གིས་སྤྱི་འཐུས་ལྷན་ཚོགས་ཀྱི་གཏམ་བཤད་གནང་ཡོད།
དེ་ལས་མང་བ་། “དམིགས་བསལ་ཚོགས་ཆེན་ཐེངས་གཉིས་པ་གཟབ་རྒྱས་ངང་འཚོགས་པ།” »
ནང་ཆེན་ནས་གྲོགས་པོ་ཞིག་གིས་ཁ་བརྡའི་ཐོག་ལ་འགོད་རོགས་ཞེས་གསུངས་ནས་མཆན་ཞབས་བཅས་བསྐུར་བ་ཇིབཞིན་རྫ་ཚེ་རིང་བཀྲ་ཤིས་ནས་མཚམས་སྦྱོར་བྱས།
ནང་ཆེན་བཀྲ་ཤིས་ནི་ཧ་ལམ་ཕོ་ལོ47ལ་སོན་པའི་ཡུལ་ཤུལ་ཁུལ་ནང་ཆེན་རྫོང་གི་ཚོང་པ་ཡག་པོའི་གྲས་ཀྱི་གཅིག་ཡིན་པ་རེད། ཁོ་ནི་བོད་ཀྱི་རིག་གནས་དང་ཆོས་ལུགས་སྐད་དང་ཡི་གེ་ལ་དགའ་ཞིང་བློ་དཀར་མཁན་ཞིག་ཡིན་པས། ལོ་ངོ་བཅུ་ལྷག་གི་ཡར་སྔོན་ནས་བཟུང་། ཁོས་རང་མི་རིགས་ཀྱི་རིག་གནས་དང་སྐད་ཡིག་གི་འདུ་ཤེས་ཉམས་བཞིན་པའི་སྐྱེ་རྒུ་གྲོང་བརྡལ་དུ། ཆོས་ལུགས་གྲུབ་མཐའ་དང་སེར་སྐྱ་རིས་མེད་ཀྱིས་བགྲོ་གླེང་བྱེད་པར་མཐུན་རྐྱེན་མང་པོ་སྦྱར་ཏེ་སྣང་ཚུལ་དེ་ལྡོག་པའི་ཐབས་ལམ་གང་བཟང་དང་བྱེད་ཕྱོགས་གང་ཡག་འཚོལ་བའི་ལས་ལ་བརྩོན་མཁན་ཞིག་ཡིན་པར་མ་ཟད། ད་དུང་ས་དེ་གའི་ཉམ་ཆུང་དབུལ་པོ་ལ་འཚོ་བའི་ཁ་གསབ་ཀྱི་དངུལ་དངོས་དང་། སློབ་མ་དང་སློབ་གཉེར་མཁན་ལ་སློབ་སྦྱོང་གི་མཐུན་རྐྱེན་ཡང་མང་པོ་སྦྱར་དང་སྦྱོར་གིན་ཡོད་མཁན་ཞིག་ཡིན་པ་རེད།
འཇིགས་མེད་འོད་ལྡན།
སྤུ་རྒྱལ་བཙན་པོའི་སྟོབས་ཤུགས་དར་བའི་དུས་སུ།།
ཆོས་རྒྱལ་མངའ་ཐང་སུམ་གཉིས་ས་ལ་ཁྱབ་དུས།།
ས་སྐྱའི་ཆོལ་གསུམ་གཅིག་གྱུར་མཛད་པའི་སྐབས་སུ།།
དགའ་ལྡན་ཕོ་བྲང་ཕྱོགས་སུ་རྒྱས་པའི་དུས་སུ།།
བོན་སྟོན་གཤེན་རབ་ཡུལ་འདིར་འཁྲུངས་བའི་སྐབས་ལ།།
ཤཀྱཱའི་བསྟན་པ་ལྗོངས་འདིར་མ་དར་སྔོན་ལ།།
བན་བོན་ནང་འཁྲིག་གཡུལ་འགྱེལ་མ་བྱས་ཙམ་ལ།།
སེ་ཆེན་རྒྱལ་བོ་གཉའ་བར་མ་ཞོན་གོང་ལ།།
གཞིས་བཞུགས་རྩོམ་པ་པོ་གངས་མིང་བས་ཆེད་བྲིས་༼ས་བྱི་ཁྲག་བྲིས་དམར་པོ༽ཞེས་པ་བཙན་བྱོལ་སྤྱི་ཚོགས་ནང་ཡོངས་ཁྱབ་དཔར་འགྲེམས་ཆེད་བསྐུར་འབྱོར་བྱུང་འདུག་པ་དཔར་སྐྲུན་གྲུབ་སྟེ། དེ་རིང་ཕྱི་ཚེས་ ༢༤ ཉིན་གྱི་ཕྱི་དྲོ་ཕྱི་དྲིལ་ལྷག་པ་ཚེ་རིང་ཚོགས་ཁང་ནས་ཡོངས་ཀྱབ་དབུ་འབྱེད་ཀྱི་མཛད་སྒོ་འཚོགས་འདུག ༼ས་བྱི་ཁྲག་བྲིས་དམར་པོ༽ཞེས་པའི་དེབ་ནང་གཙོ་བོ། ཕྱི་ལོ་ ༢༠༠༨ ནས་ ༢༠༠༩ བར་གྱི་ས་བྱི་ཞི་རྒོལ་ཆེན་མོའི་སྐབས། རྩོམ་པ་པོ་གངས་མིང་པ་ཁོང་གིས་དངོས་སུ་མཐོང་བ་དང་ཐོས་པ། ས་གནས་ཁག་ཅིག་ལ་ཆེད་ཕེབས་ཀྱིས་གནས་སྟངས་ལ་ཞིབ་འཇུག་དང་། སྐབས་དེར་རྨས་སྐྱོན་ཕོག་སྟེ་སྨན་ཁང་ནང་སྡོད་མཁན་ཁག་ཅིག་ལ་བཅར་འདྲི་ཞུས་པ་སོགས། སྒྲོ་འདོགས་དང་འཁྱོག་བརྗོད་མེད་པའི་ཐོག་ནས་གནས་ཚུལ་རྣམས་ཟིན་བྲིས་བརྒྱབ་པ་ཞིག་ཡིན་འདུག འདི་འབྲེལ་གསར་གནས་རྒྱས་པ་སྦྲེལ་ཐག་འདི་ནས་གཟིགས་གནང་རོགས།
རྔ་བ་ཀུན་བཟང་སྒྲོལ་མ།
མི་ལོ་ང་དགུའི་མནར་གཅོད་འོག་ནས་གངས་ཅན་བོད་པ་གཉིད་ལས་བསླངས།།
གཞིས་ལུས་བོད་མིའི་སེམས་ཤུགས་འོག་ནས་འཛམ་གླིང་ཟླུམ་པོ་རྨོངས་མུན་བསལ།།
ཁ་བའི་སྐྱིད་སྡུག་སེམས་སུ་གནག་པའི་མེ་ལྕེའི་ཁྲོད་ཀྱི་བོད་མི་ཚོས།།
གངས་ཅན་བོད་མིའི་ཁྱད་ཆོས་རེ་དང་གདོང་དམར་ཚང་གི་སྙིང་སྟོབས་ངོམ།།
སྐྲན།
ཡུལ་དང་ཟླ་ཚེས་མེད་པའི་སྙན་ངག
མཐོང་ན་འཇིགས་ས་བདེན་པ་གཅེར་བུ་རེད།།
ཁ་ཡི་ཝུ་བ་དོན་གྱི་རྫུན་མ་རེད།།
རྔུལ་ཆུས་གླན་པའི་ཞིང་ཚིགས་སྐམ་པོ་རེད།།
དེ་རིང་ཡོད་པའང་སངས་ཉིན་མེད་པའོ།།
པེན་ཕྱི་སྡོར་བོད་ཀྱི་རྩོམ་པ་པོའི་མཐུན་ཚོགས་ཀྱིས་ཉིན་གཉིས་རིང་ཚོགས་ཆེན་ཐེངས་བཞི་པ་དང་འབྲེལ་བའི་བགྲོ་གླེང་དང་། ཁ་སང་ཕྱི་ཚེས་ ༢༣ ཉིན་ཚོགས་ཞུགས་ཚོགས་མི་ཚོའི་ངོས་ནས་ཚོགས་པའི་འཛིན་སྐྱོང་དང་། སྔར་གྱི་གྲོས་ཆོད་དང་ལག་བསྟར་གྲུབ་འབྲས་ཐད་བསྐྱར་ཞིབ། སྒྲིག་གཞིར་བསྐྱར་བཅོས
དེ་ལས་མང་བ་། “པེན་ཕྱི་སྡོད་བོད་ཀྱི་རྩོམ་པ་པོའི་མཐུན་ཚོགས་ཀྱི་རྒྱུན་ལས་གསར་འདེམས་བྱུང་བ།” »
༧གོང་ས་མཆོག
མིའི་འཕེན་པ་ཞེས་པ་འདི་གནད་ཆེན་པོ་ཡིན་ཅིང། མིའི་སེམས་ཕམ་དུ་མི་འཇུག་པ་དེ་གལ་ཆེན་པོ་ཡིན། མིའི་སེམས་ཕམ་ན་འཕེན་པ་ཐུང་དུ་འགྲོ་བའི་ཉེན་ཁ་ཡོད། འཕེན་པ་ཐུང་དུ་ཕྱིན་ན། དཔེར་ན། ང་ཐེ་བས་སྤྱིར་མི་སུ་ཞིག་ཡིན་རུང་སོ་སོར་རང་དབང་མེད་ཀྱང་འཕེན་པའི་ཤུགས་ཀྱི་ཁྱད་ཅིག་ཡོད། འཕེན་པ་ལ་ཕྱོགས་གཞན་ནས་བཤད་ན་སེམས་ཤུགས་ཟེར་བ་དེ་ཡིན། མི་རྒས་པོའམ། ནད་པར་སྨན་པ་སོགས་ཀྱིས་ཞིབ་འཇུག་སྐབས་ད་ལྟ་རང་འཆི་རྒྱུ་ལས་མེད་ཟེར་མཁན་ཁོ་མ་ཤི་བར་ཡུན་རིང་དུ་སྡོད་མཁན་ཡོང་གི་འདུག་པ་དང། འགའ་ཤས་ན་ཚ་ཆུང་ངུ་ལས་མེད་ནའང་ལམ་སེང་ཤི་བ་དེ་ཚོ་སེམས་ཤུགས་ཆེ་ཆུང་གི་ཁྱད་ཡིན།
དེ་ལས་མང་བ་། “མིའི་སེམས་ཕམ་དུ་མི་འཇུག་པ་དེ་གལ་ཆེན་པོ་ཡིན།” »
ནམ་མཁའ།
འཕྲུལ་ཆས་རིག་པས་མཁའ་ལ་མ་བསྐྱོད་ཀྱང་།།
རྟེན་འབྱུང་རིག་པས་འཇིག་རྟེན་སྐྲུན་མཐོང་སྟེ།།
བདེ་སྡུག་ཅི་བྱུང་སེམས་ཀྱི་མཁའ་དབྱིངས་སུ།།
ཐབས་ཤེས་ཟུང་གི་གཤོག་པས་འཕུར་དེར་འདུད།།
ན་གཞོན་བསྟན་འཛིན་རིག་བཟང་ལགས་ཀྱིས་བོད་བསྒྱུར་གནང་བའི་༼རྡུལ་ཕྲན་གཅིག་ཁོ་ནའི་སྟེང་གི་འཇིག་རྟེན་དང་སེམས་དང་ཚེ་སྲོག༽ཞེས་བའི་དེབ་གཉིས་ཀ་ཚར་གྲངས་ཁ་ཤས་རེ་བཀླགས་མོད། འོན་ཀྱང་ཕྲན་ལྟ་བུ་ཚན་རིག་ལ་འབྲེལ་འདྲིས་སྤུ་ཙམ་ཡང་མེད་པས་ཐ་སྙད་མང་པོ་ཞིག་ལ་གོ་བརྡ་འཕྲོད་པར་དཀའ་བས་གོ་བ་ད་རུང་ཡང་ཇི་བཞིན་བྱུང་མ་སོང་།
དཔྱིད་འགོའི་མེ་ཏོག
ཞོགས་པའི་མཚམས་སྤྲིན་གྱི་ལང་ཚོ།།
གཙང་བོའི་རླབས་ངོགས་སུ་འཕྱོ་དུས།།
རྒྱང་རིང་ཡིད་རྟེན་གྱི་གྲོགས་པོ།།
སེམས་ཀྱི་དྲོད་ཐིགས་ལ་འཐིམ་སོང་།།
ཡུན་ཐུང་མཇལ་འཛོམས་ཀྱི་ཕྱི་མིག།
སེམས་ཀྱི་ཟབ་སུ་རུ་བརྐོས་དེ།།
སླར་མཇལ་རེ་སྒུག་གི་སྤྲོ་བ།།
ཡིད་ཀྱི་ཐེམ་བྱང་ལ་བསྟར་ཡོད།།
ལྷ་རྩེའི་ཁུ་བྱུག
ང་ཚོའི་གླུ་པ་ཕོ་མོ་ཚོ་ནི། དུས་རབས་འདི་ཡི་མགྲིན་ཚབ་པ། སྤྱི་ཚོགས་འདི་ཡི་སྐུལ་འདེད་པ། སྐྱིད་སྡུག་གི་སེམས་ཚོར་དབྱངས་སུ་གྱེར་ཞིང་། སྒྱུ་རྩལ་གྱི་སྣང་བརྙན་གསོན་རིས་ཀྱིས་འགུལ་བ། ད་དུང་དགའ་སྡུག་སྐྱོ་མཚར་གྱི་རྣམ་ཤེས་ངག་ལ་ལེན་ཞིང་། བརྩེ་དུངས་རྙི་འཛིང་གི་སྣང་བ་གནམ་ལ་འདེགས་པའི་ངག་གི་དབྱངས་རྟ་ཞིག་ཡིན་ཚོད་འདུག འདི་ལ་དུས་རབས་གསར་རྙིང་གི་དབྱངས་དང་རོལ་མོའི་འགྱུར་ཁུག་སོགས་ཀྱིས་མི་ཡི་སེམས་ཁམས་ལ་བསུབ་ཏུ་མེད་པའི་བག་ཆགས་འཐུག་པོ་ཞིག་དང་ཡང་ན་སེམས་ཚོར་དྲག་ཏུ་འཕྱུར་བའི་སྒུལ་ཤུགས་ཤིག་ཡིན་འདུག ཡིན་ནའང་ད་ལྟའི་གླུ་པ་ཕོ་མོ་མང་པོ་ཞིག་ནི་དབྱངས་དང་རོལ་མོ་སོགས་ལ་སྦྱངས་པ་ལྟ་ཅི་ཆུང་དུས་སློབ་གྲྭ་ཡང་འགྲོ་མ་མྱོང་བས་བོད་རང་གི་ཡི་གེ་ཡང་དེ་ཙམ་ཤེས་ཀྱི་མི་འདུག་པས་ལན་ཟློས་འབའ་ཞིག་གི་སྤྱོད་ཚུལ་གསལ་པོ་རེད།
རེབ་ཐོག་མདའ་ནས།
ལག་རྩལ་སྤོ་ལོའི་ཐང་གི་གྲུ་ཟུར་ན།།
སྔོན་ཆད་ཞིག་ལ་མཐོང་མྱོང་མེད་ནི་ཞིག།
རྗེས་མ་ཞིག་ལ་ཐུག་ཐབས་མེད་ནི་ཞིག།
བདག་གི་མིག་ལ་ལྷུང་བའི་ན་ཆུང་མ།།
ཨོ་རྒྱན་ཉི་མ།
སྤྱིར་བཏང་ཆ་ནས་བཤད་ན་ངས་སྔར་༼བཙན་བྱོལ་བོད་མིའི་ཆེ་བ་དང་རྒྱ་གར་གཞུང་གི་བཀའ་དྲིན།༽ ཞེས་པ་ནས་བཤད་པ་ལྟར། བཙན་བྱོལ་གཞུང་གི་སྒྲིག་འཛུགས་དང་། ཤེས་ཡོན་གྱི་སྡེ་ཚན་དགོན་སྡེ་དང་། སློབ་གྲྭ་ཁག་མི་ཡུལ་འདི་ནས་འཛུགས་བསྐྲུན་རྒྱ་ཆེན་པོ་དང་། གཏིང་ཟབ་པོ་འདི་འདྲ་ཞིག་ཐུབ་པ་དེ་ཡང་ཧ་ལས་བ་ཞིག་རེད། དེ་ལ་ལེགས་སོ་བརྗོད་པ་ལས་ཉེས་པའི་ཆ་བརྗོད་ན་མི་ལེགས་ཀྱང་། དང་པོ་མེད་ས་ཡོད་སར་བསྐྱལ་ཡང་། ད་ལྟ་ཡོད་སར་གནས་ཐུབ་མིན་དང་། ཡོད་སར་གནས་དགོས་ན་སྔར་གྱི་ཁྲིམས་དང་། བསྒྲིགས་ལམ། བསླབ་པ་སློབ་གཉེར་སོགས་ཡོད་ཚད་གང་ལེགས་དང་། སྲ་བརྟན་དུ་བཏང་བ་ལས། ལས་སླ་རུ་དང་། ཐབས་རྡུག་ཏུ་བཏང་ན་ཞབས་འདྲེན་རེད། དེ་ཕྱིར་ཕྱོགས་གཞན་ཞིག་ནས་སླར་ཡང་དམིགས་ཀྱིས་བཀར་ཏེ་བསམ་འཆར་འགའ་ཞིག་ཞུ་འདོད་བྱུང་།
སོག་མདའ།
སྒྱུ་མའི་གྲོང་ཁྱེར་འདྲ་བའི་འདུ་འཛིའི་ཀློང་ནས།།
རང་ཉིད་རང་གིས་བོར་བའི་ལས་དབང་སྙི་མོ།།
རྐང་འོག་འཆོར་དུ་མ་འཇུག་སྤོབས་པ་བསྐྱེད་དང་།།
རྒྱང་བསྐྱོད་ལམ་བུ་ཞིག་གི་རམ་འདེགས་ལོས་ཡོད།།
བསླུ་བྲིད་མཛེས་མའི་ཡིད་ཀྱི་ཞིང་ཁམས་དེ་ནས།།
བསམ་གཞིགས་གནད་མ་ཞིག་གི་ཟིན་ཐོ་བཀོད་དང་།།
ཆགས་སེམས་ཤེལ་གྱི་སྒོང་བ་གས་པའི་ཉིན་ལ།།
མཛེས་དཔྱོད་རིན་ཐང་ཞིག་གི་ཉམས་སྣང་ལོས་འཆར།།
ལེགས་མཐོང་གིས་དབྱིན་སྐད་དུ་བརྩམས། ཟླ་བ་ཆོས་གྲགས་ཀྱིས་བསྒྱུར།
ཕྲན་རང་ཐོག་མར་ཨ་ཕ་དང་འཕྲད་སྐབས་རང་ལོ་བཅུ་གཅིག་ཡིན། སྔོན་མ་རང་ཉིད་ཨ་མ་དང་ཁ་བྲལ་ནས་རང་ལ་བལྟ་སྐྱོང་བྱེད་མཁན་གྱི་སྤོ་བོ་ལགས་ལ་ངས་ཨ་ཕ་རང་འབོད་ཀྱི་ཡོད་མོད། ཉིན་ཞིག་གུས་པའི་ཁྱིམ་དུ་རང་དང་འབྲེལ་འདྲིས་མེད་པའི་མི་ཞིག་འབྱོར། ནང་མི་རྣམས་ཀྱིས་ཚིག་གཅིག་ཀྱང་མི་བཤད་པར་ཁོའི་གདོང་ལ་ཅེ་རེར་བལྟ་བཞིན་འདུག་ལ་འགའ་ཤས་ཅུང་ཙམ་ངུ་བཞིན་འདུག
