ཚེ་རིང་དོན་འགྲུབ།
བྱ་ཁུ་བྱུག་ནགས་ན་མེད་གི།
བྱ་ཁུ་བྱུག་ནགས་ན་ཡོད་ན།།
དགོང་ཕྱི་དྲོར་ཤིང་རྩེར་འབབ་བ།།
ནངས་སྔ་མོར་ཐེངས་གསུམ་གྲག་ག།
ངས་མེད་གི་ཟེར་དོན་དེ་རེད།།
ཁྱོད་ཀྱིས་བོད་དོན་དེ་རྒྱ་བོད་གཉིས་ཀྱི་འབྲེལ་མོལ་བརྒྱུད་ནས་མ་གཏོགས་སེལ་ཐབས་ཡོད་པ་མ་རེད་འདོད་དམ།
མགོན་པོ་ཕྱག་གཉིས་པ།
དཔེ་ཀློག་བྱས་ནས་ཁ་ཁར་སྡོད་འདོད་ཀྱང་།།
མ་ཤེས་འཁྲུལ་བཤད་མང་པོ་མཐོང་བ་ན།།
ཁ་འདི་ཁ་རོག་སྡོད་ཐབས་མི་འདུག་པས།
སེམས་ལ་གང་དྲན་ཁ་རུ་བཏོན་པ་ཡིན།།
ཉིན་ཤས་གོང་ཨེ་ཤ་ཡ་རང་དབང་རླུང་འཕྲིན་ཁང་གི་སྐལ་ལྡན་བློ་གྲོས་ལགས་ནས་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་ལགས་སུ་བཅར་འདྲི་ཞུས་པ་ཞིག་ལ་འཁྱུག་ཙམ་ཉན་པ་ཡིན།
གསལ་བརྡ།
མཁོ་འདོན་པ་ཀུན་དགའ་རྡོ་རྗེ། དེ་ལ་འདིར་ཐབས་མཁས་ཐུགས་རྗེ་ཆེན་པོ་དང་ལྡན་པ་འགྲོ་བ་ཡོངས་ཀྱི་མ་འདྲིས་པའི་མཛའ་བཤེས་ཆེན་པོ། དཔལ་མཉམ་མེད་དྭགས་པོ་ལྷ་རྗེའི་དངོས་སློབ་འགྲོ་མགོན་དར་མ་དབང་ཕྱུག་མཆོག་དགོངས་པ་ཆོས་དབྱིངས་སུ་གཤེགས་ནས། བགྲང་བྱ་༨༡༣ ལོན་པའི་རྗེས་དྲན་དུ་༼དུང་གི་ཟླ་ཟེར༽ ཞེས་པའི་ལོ་དེབ་ཅིག་ནང་བསྟན་རྒྱུད་འཛིན་ཡོངས་ཀྱི་སྤྱན་སྔར་འབུལ་བའི་འཆར་གཞི་ཡོད་པས། ཁྱེད་རྒྱལ་ཕྱི་ནང་ལ་བཞུགས་པའི་འབའ་རོམ་པའི་རྒྱུད་འཛིན་ཡོངས་དང་། ཁྱད་པར་དུ་ཕྱོགས་སོ་སོ་ལ་བཞུགས་པའི་མཁས་དབང་རྣམས་ཀྱིས་དུས་སུ་བབས་པའི་གཏམ། ལུགས་གཉིས་གསལ་བའི་བསླབ་བྱ་མི་ཉུང་པ་རེ་ཚིག་ལྷུག་མའི་ངང་ནས་བསྐུར་གནང་ཡོང་བ་ལ་བཀའ་དྲིན་མི་ཆུང་བར་ཞུ་ཞུ།། འབྲེལ་བ་གནང་ཡུལ་ཚང་སར་ཀུན་དགའ། གློག་འཕྲིན་ཁ་བྱང་། kunga008@yahoo.com
བོད་ཀྱི་དཔའ་བོ་སངས་རྒྱས་རྒྱ་མཚོ།
རྔ་བ་ཀུན་བཟང་སྒྲོལ་མ།
བོད་ཀྱི་དཔའ་བོ་སངས་རྒྱས་རྒྱ་མཚོ་ལགས་ཀྱིས་རང་སྲོག་བཏང་རྗེས་བྲིས།
རེ་བའི་རི་མོ་ཐོད་ལ་བྲིས་ནས་རང་ལུས་དམར་བོ་མེ་ལྕེས་འབར་སོང་།།
ཁ་བའི་ལས་དབང་སེམས་སུ་ཉར་ནས་རང་སྲོག་རིན་ཐང་བོད་ལ་ཕུལ་སོང་།།
བྱམས་བརྩེའི་འོ་མཚོ་རླུང་ལ་བསྐུར་ནས་བྱམས་ལྡན་ཕ་མ་ཡུལ་ལ་བཞག་ནས།།
དཔའ་བོའི་ངར་སྐད་རྒྱང་བསྒྲགས་ཤིག་གིས་འཇིག་རྟེན་མི་རྣམས་གཉིད་ལས་སད།།
སྨན་རིའི་གླིང་དུ་གཡས་རུའི་འཆད་རྩོད་ཆེན་མོ་ཐེངས་བཅུ་དྲུག་པ་དབུ་འཛུགས་གནང་བ།
གནས་ཚུལ་མཁོ་གཏོང་བ། ཁྲི་གཡུང་དྲུང་།
ཕྱི་ལོ་ ༢༠༡༢ལོའི་ཟླ་༡༠ཚེས་༡༦བོད་ཆུ་འབྲུག་ལོའི་ཟླ་དགུ་པའི་ཚེས་གཅིག་ཉིན་ནས་༧གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་དུ་གཡས་རུ་འཆད་རྩོད་ཆེན་མོ་ཐེངས་བཅུ་དྲུག་པ་དབུ་འཛུགས་གནང་ཡོད་པའི་གནས་བསྡུས།
དེ་ཡང་ཐོག་མར་ཕྱི་ལོ་༡༩༩༧ལོར་༧དཔལ་གཤེན་བསྟན་སྨན་རིའི་གླིང་དུ་གཡས་རུའི་འཆད་རྩོད་ཆེན་མོ་༧སྐྱབས་རྗེ་༧རྒྱལ་བ་སྨན་རི་བའི་ཁྲི་འཛིན་སོ་གསུམ་པའི་ཐུགས་བསྐྱེད་ཉེར་ལེན་ཟབ་མོ་ལ་བརྟེན་ནས་གསར་འཛུགས་མཛད་གནང་ཡོད་པ་རེད།
དེ་ལས་མང་བ་། “སྨན་རིའི་གླིང་དུ་གཡས་རུའི་འཆད་རྩོད་ཆེན་མོ་ཐེངས་བཅུ་དྲུག་པ་དབུ་འཛུགས་གནང་བ།” »
བདག་གི་གཏམ་བཤད་ཅིག
ཨ་རིག་དགེ་མཐོང་།
བསམ་འཆར་འདི་ནི་ཉེ་ཆར་པེན་བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་ཆེན་སྐབས་བཞི་བའི་སྟེང་དུ་(བོད་ནང་གི་ཤེས་ཡོན་པའི་བསམ་བློ་དང་འོས་འགན་སྐོར་གླེང་བ)་ཞེས་པའི་བརྗོད་གཞི་ཞིག་སྤྲད་པ་དེའི་ཐད་དུ་བཤད་པའི་མ་ཟིན་ཙམ་ཡིན་ལ། འདིའི་ནང་དུ་ནོར་འཆུག་གང་མང་ཞིག་ཡོད་སྲིད་པས་ཀློག་པ་པོ་དག་གིས་དགོངས་ཚུལ་ལྷུག་བརྗོད་གནང་བའི་རེ་བ་ཆེ།
(བོད་ནང་གི་ཤེས་ཡོན་ཅན་རྣམ་པའི་བསམ་བློ་དང་འོས་འགན་སྐོར་གླེང་བ)
དུས་འཁོར་ལས་འཕྲོས་པའི་དྲི་བ།
དབྱིན་རྩོམ་འགའ་རེའི་ནང་ནང་ཆོས་ཀྱི་དུས་འཁོར་ཞེས་པ་དེ། སྔོན་ནང་བསྟན་དར་ཁྱབ་ཆེ་བའི་ཨབ་ཧྥི་གྷན་ནང་ཁ་ཆེ་ཆེས་ཆེར་དར་ནས་ནང་ཆོས་དར་བར་འགལ་རྐྱེན་ལ་ཐུག་པའི་གཉན་འཕྲང་ཅན་གྱི་དུས་དེར་དར་ཡོང་བ་ཞིག་ལ་ངོས་འཛིན་མཁན་འདུག ང་ཚོའི་བོད་ཡུལ་དུའང་དུས་འཁོར་རྩ་རྒྱུད་དེ་ཕྱིས་སུ་1027 ལོར་དར་བ་མ་རེད་དམ། འགའ་རེས་དུས་འཁོར་དེ་དང་པོར་དུས་རབས་དགུ་པར་རྒྱ་གར་ནུབ་བྱང་ཁུལ་དུ་དར་བར་བཤད། ཡང་རྩོམ་ཞིག་ཏུ། དུས་འཁོར་ནི་རྒྱ་གར་གྱི་སྔོན་གྱི་རིག་བྱེད་དང་འབྲེལ་བ་མངོན་གསལ་དུ་ཡོད་པ་མཐོང་། རིག་བྱེད་ནི་སངས་རྒྱས་ལས་ཆེས་ཆེར་སྔ་ཞེས་གསལ། བཤད་ཚུལ་འདི་དག་ལས་འཕྲོས་པའི་དྲི་བ་འགའ་ཤས་ཤིག་ནང་ཆོས་ཀྱི་མཁས་དབང་ཚོར་ཕུལ་བ་གཤམ་དུ་གསལ། ༡ དུས་འཁོར་གྱི་མིང་བཀོད་པའི་ནང་པའི་དཔེ་ཆ་སྔ་ཤོས་དེ་གང་རེད། ༢ བསྟན་པ་སྔ་དར་སྐབས་ཀྱི་བཀའ་བསྟན་ཁག་ནང་དུས་འཁོར་རྩ་རྒྱུད་ཅེས་པའི་མིང་འདི་སླེབས་ཡོད་པ་རེད་དམ། ༣ བསྟན་པ་སྔ་དར་སྐབས་ནས་ཡོད་པ་ཞིག་ཡིན་ན་གལ་ཆེ་བའི་ཆོས་འདི་བོད་ཡིག་ཏུ་དེའི་སྐབས་ཅིའི་ཕྱིར་མ་བསྒྱུར་བ་རེད།…
སྤྲུལ་པའི་སྐུ།
དོལ་སྨྱོན།
དམར་པོ་རས་ཀྱི་སྟངས་ཀའི་འོག་ན་འདོད་པའི་ན་ཟུག་རླབས་ལྟར་གཡོ། །
ལུས་ཟུངས་བདུན་གྱི་འཁོར་སྐྱོད་ཁྲོད་ན་འཆར་གཞི་སྣ་དགུ་རླུང་ལྟར་འཚུབ། །
རིགས་མཐུན་འགྲོ་བའི་སྤྱི་ཚོགས་དཀྱིལ་ན་ཚུལ་འཆོས་བང་སོ་རྡོ་ལྟར་སྲ། །
གཤོག་པ་མེད་ཀྱང་འཕུར་ལ་གོམས་པའི་དེང་རབས་སྤྲུལ་པའི་སྐུ་ལོ་མཁྱེན། །
བོད་རྒྱལ་གླུ་གཉུག་མའི་རང་སྒྲ།
ཨེ་མ་ཧོ།
ཀ་དག་ལྷུན་གྲུབ་རོལ་གར་སྤྱན་རིས་གཟིགས། །
བདེ་ཆེན་སྒྱུ་མའི་རྣམ་འཕྲུལ་རྒྱལ་རབས་ཀུན། །
ཀུན་བཟང་སྲིད་ཞིའི་ཕན་བདེ་མ་ལུས་ཚོགས། །
མི་འཇིགས་ཆོས་བདུན་ངོ་བོར་རྒྱལ་གྱུར་ཅིག །
གངས་རིས་མུ་ཁྱུད་རབ་མཛེས་དག་པའི་ཞིང་། །
ཕུན་ཚོགས་འདོད་རྒུའི་འབྱུང་གནས་རྒྱལ་བའི་བསྟན། །
བསྟན་སྲིད་ཡིད་བཞིན་ནོར་བུའི་གཏེར་ཆེན་པོ། །
འཛམ་གླིང་འཛིན་མའི་རྒྱན་དུ་མཛེས་གྱུར་ཅིག །
ཤོར་བའི་བརྩེ་དུང་།
གངས་དཀར་རྒྱལ་སྲས།
ཕྱི་རོལ་ན་ཆར་བ་ཤག་ཤག་འབབ་པས་སྒེའུ་ཁུང་གི་ངོས་སུ་ཆུ་ཐིགས་རིལ་མོ་ཐུར་དུ་འགྲིལ་བཞིན་འདུག དེ་ནི། ང་དང་མཛའ་མོ་འབྲལ་ཁའི། མོའི་བཞིན་རས་ཀྱི་མིག་ཆུ་དག་དང་ཀུན་ནས་མཚུངས། ཡིན་ནའང་མོའི་མིག་ཆུ་ནི་ཚོར་བ་གསོན་པོ་ཞིག་གི་གྱེས་གདུང་ཡིན་ལ་བརྩེ་བ་ངོ་མ་ཞིག་གི་ངོ་གདོང་ཡང་ཡིན་པས་རང་བྱུང་གི་ཆུ་ཐིགས་དེ་དག་ཇི་ལྟར་གཙང་ནའང་མོའི་མིག་ཆུ་དེ་དག་གི་བརྒྱ་སྟོང་དང་ཁྲི་འབུམ་གང་གི་ཆར་ཡང་མི་ལོན་ནོ། ནངས་མོ་དེར། མོ་རྟ་ཕོའི་རྨིག་སྒྲ་དང་བསང་གསོལ་གྱི་ཀི་སྒྲའི་ཁྲོད་ནས་ཁོ་མོ་གནས་ལ་ཆས། དེ་ནི་མོས་ཆེས་མི་འདོད་པ་ཞིག་ལ་ཨུ་ཚུགས་བྱེད་བཞིན་པ་ངས་ཤེས་ཡོད།
བོད་ཁ་བའི་བདེ་སྡུག་ཞུ་རུ་ང་ཡོང་གི་ཡོད།
བོད་གཞས་གསར་བ་༼ཡོང་གི་ཡོད༽ཅེས་པར་གསན་གཟིགས་གནོངས།
སེམས་པ་སྐྱོ་དུས་ཚངས་རྒྱམ་ལ་བཏབ་པའི་སྙན་ངག
སྣང་རྒྱལ་ཤེས་དགེ། (ཝར་ཎཱ)
སེམས་པ་སྐྱོ་ཐེངས་རེ་ལ།།
ཚངས་དབྱངས་རྒྱ་མཚོ་དྲན་ཞིང་།།
མིག་ཆུ་ཤོར་ཐེངས་རེ་ལ།།
མ་སྐྱེས་ཨ་མ་དྲན་བྱུང་།།
པོ་ཏ་ལ་ཡི་རྩེ་ནས།།
གཞས་ཆུང་དབྱངས་སུ་གྱེར་དུས།།
སྤྱན་རིས་གཟིགས་ཀྱི་སྤྱན་མཐར།།
མཆི་མ་འཁོར་འཁོར་བྱས་སམ།
རྒྱལ་སྤྱིའི་རང་དབང་གོམ་བགྲོད་ཆེན་མོ།
གནས་ཚུལ་མཁོ་གཏོང་བ། སྤེལ་ལྗམ་བོད་ཚོགས་དྲུང་གཞོན་ས་དཀར་བཀྲ་ཤིས།
ཁ་སང་ཕྱི་ཟླ་༡༠ པའི་ཚེས་༡༣ ཉིན་སྤྱི་ཚོགས་རང་དབང་SOCIETÀ LIBERA་ཞེས་བའི་ཚོགས་སྡེ་ཡིས་བཀོད་སྒྲིག་འོག་འཛམ་གླིང་སྟེང་གཉའ་གནོན་དང་སྡུག་སྦྱོང་མནར་གཅོད་ཚད་མེད་མྱོང་བཞིན་པའི་གྲངས་ཉུང་མི་རིགས་དང་ཉམ་ཐག་མི་མང་ཚོའི་ཆེད་དུ་༼རྒྱལ་སྤྱིའི་རང་དབང་གོམ་བགྲོད་ཆེན་མོ་༽ཞེས་བའི་ལས་འགུལ་ཐེངས་ལྔ་བ་དེ་ཡོ་རོབ་རྒྱལ་ཁབ་སི་པན་གྱི་གྲོང་ཁྱེར་སྦར་ཟིལ་ལོ་ན
་BARCELONAདང་། འཇར་མན་རྒྱལ་ས་སྦར་ལིནBERLIN། སྤེལ་ལྗམ་རྒྱལ་ས་སྦར་སིལBRUSSEL། ཧྥ་རན་སིའི་རྒྱལ་ས་ཕེ་རེ་སིPARIS། ཨི་ཊ་ལིས་རྒྱལ་ས་རོམ་ROMEབཅས་སུ་ཉིན་བརྒྱ་དུས་གཅིག་ལ་སྤེལ་ཡོད་པ་དང་།
གཏན་སློབ་ཁག་བཞིའི་བར་བོད་ཡིག་གི་དག་ཆ་འགྲན་སྡུར།
གནས་ཚུལ་མཁོ་གཏོང་བ། ཨ་མདོ་དབྱངས་འཇོམས།
དེ་རིང་རེས་གཟའ་སྤེན་པའི་ཉིན་བོད་ཡིག་གི་མིང་ཚིག་དག་ཆ་འགྲན་སྡུར་ཞིག་རྒྱ་གར་བྱང་ཤར་ཁུལ་གྱི་རྡོར་གླིང་འཇམ་དབྱངས་བོད་ཀྱི་རིག་གཞུང་གཅེས་སྐྱོང་ཁང་གིས་གོ་སྒྲིག་འོག རིག་གཞུང་གཅེས་སྐྱོང་ཁང་དེའི་ཚོགས་ཁང་ནང་སྤེལ་ཡོད་པ་དང་། དག་ཆའི་འགྲན་སྡུར་ཁྲོད་འབྲུག་གསང་སྔགས་ཆོས་གླིང་དགོན་པ་དང་། རྡོ་རྗེ་གླིང་དབུས་གཞུང་བོད་ཀྱི་སློབ་གྲྭ། བསོད་ནམས་དར་དབུས་གཞུང་བོད་ཀྱི་སློབ་གྲྭ། སྤོག་རི་སྦོང་སཾ་བྷོ་ཊ་གཏན་སློབ་བཅས་གཏན་སློབ་ཁག་གསུམ་དང་།
དེ་ལས་མང་བ་། “གཏན་སློབ་ཁག་བཞིའི་བར་བོད་ཡིག་གི་དག་ཆ་འགྲན་སྡུར།” »
ན་གཞོན་ཤེས་ལྡན་པ་དག་ལ་གྲོས་སུ་འདེབས་པ།
ཐུབ་བསྟན་ཆོས་གྲགས།
ན་མོ་གུ་རུ། ཉེ་ལམ་ནས་བཟུང་མང་གཙོ་དང་རང་བཙན་བར་གྱི་ལྟ་གྲུབ་གཉིས་པོའི་ཐད་ནས་སྤྱི་ཚོགས་ནང་འུར་འདྲོགས་དང་། དྭོགས་འདྲོགས་མང་པོ་ཞིག་བསླངས་དང་སློང་བཞིན་པས་བོད་ཀྱི་རྩ་དོན་འཐབ་རྩོད་ལ་ངམ་ངམ་ཤུབ་ཤུབ་ཀྱི་གནོད་སྐྱོན་ཐེབས་བཞིན་འདུག ༸གོང་ས་སྐྱབས་མགོན་ཆེན་པོ་མཆོག་གི་གསུང་རང་ཉིད་ཀྱི་རྒྱབ་རྩར་འཁྱེར་ནས་བོད་བསྟན་པ་ཆབ་སྲིད་ཀྱི་རྩ་དོན་གྲུབ་མཁན་དག་ལ་དམའ་འབེབས་བྱུང་རྒྱལ་དུ་བྱེད་པ་དང་། མངོན་ལྐོག་གང་རུང་བརྒྱུད་ནས་སྤྱི་ཚོགས་ནང་གཟིངས་སློང་གི་རྩོམ་ཡིག་གང་བྱུང་སྤེལ་བ་མ་ཟད། སྲིད་ཀྱི་སྣེ་མོ་འཛིན་པའི་ན་གཞོན་ཤེས་ལྡན་པ་དག་རང་གི་རྐང་མར་ཁྲག་ལས་གྲུབ་པ་དེ་གང་བྱུང་དུ་ཁ་འགྱུར་དང་། ངན་རོགས་ཕྱོགས་སྒྲིལ་བྱེད་ཐབས་སྤེལ་བ་སོགས་ཡིད་ལ་བཟོད་ཐབས་མེད་པའི་བྱ་འགུལ་གང་མང་བྱས་སོང་བ་སེམས་ཀྱིས་བཟོད་ཐབས་མ་མཆིས།
ཁ་ནས་ཁད་ཀྱིས་ཤོར་བའི་མགུར་མ་ཆུ་མིག་རང་བརྡོལ།
མགོན་པོ་ཕྱག་གཉིས་པ།
ལོ་དང་ཟླ་བ་རེ་རེ།།
མཛུབ་མོས་བགྲང་ནས་རྫོགས་སོང་།།
རྫོགས་ཀྱང་འགྱོད་པ་མི་འདུག།
དུས་ཀྱི་ཆོས་ཉིད་རེད་མོད།།
མདུན་གྱི་སྡོང་ལོ་རེ་རེ།།
སྟོན་རླུང་གཡུག་ནས་ཁུར་སོང་།།
ཁུར་ཀྱང་སེམས་ལས་མི་འདུག།
སང་ལོ་སྐྱར་དུ་ཐོགས་ཡོང་།།
དེ་ལས་མང་བ་། “ཁ་ནས་ཁད་ཀྱིས་ཤོར་བའི་མགུར་མ་ཆུ་མིག་རང་བརྡོལ།” »
སྙིང་གཏམ་ཚིག་གསུམ་མ།
གཉིས་མེད་སེངྒེས།
ཀྭ་ཡེ་གློ་བ་ཉེ་བའི་སྤུན་གྲོགས་དག།
ཁ་ཞེ་གཉིས་མེད་ཚིག་གསུམ་བཤད་ལ་ཉོན།།
ག་ཆད་མེད་པར་རིག་པ་སློབ་འོས་ཀྱང་།།
ང་ཁྱོད་མེད་པར་ཟུར་དུ་བསྐྱུར་འདི་འཁྲུལ།།
ཅ་ཅོ་སྟོང་བའི་གཏམ་གྱིས་ཉེར་བསྡུས་པའི།།
ཆ་མེད་རྒྱུས་མེད་གྲོགས་དང་ཨ་གསར་གྱིས།།
ཇ་ཆང་ཁ་རུ་ངན་པ་མཐུན་འགྲིག་དེ།།
ཉ་པ་རྒན་པོའི་ཟས་ཀྱིས་བསླུ་ལྟས་ཡིན།།
ནོར་གླིང་དུ་རྒྱལ་གཅེས་དཔའ་བོ་རྟ་མགྲིན་རྡོ་རྗེའི་ཆེད་བསྔོ་སྨོན་མཆོད་འབུལ།
ནོར་གླིང་ས་གནས་བོད་རིགས་སྤྱི་མཐུན་ཚོགས་པས་གོ་སྒྲིག་འོག དེ་རིང་བོད་ནང་གི་ཚུ་ཆོད་དང་པོ་ཡོལ་ཙམ་ལ། གཙོད་ཁ་སོག་འབྲོང་ལྕེ་སྡེ་བའི་རང་ལོ་ང་བདུན་ཡིན་པ་རྟ་མགྲིན་རྡོ་རྗེ་ལགས་ ༼གུང་ཐང་སྐུ་ཕྲེང་བདུན་པའི་མ་ཡུམ་གྱི་ཨ་ཕ་ཡིན་འདུག༽ ཀྱིས་མདོ་སྨད་གཙོད་དགོན་པའི་མཆོད་རྟེན་ཉེ་འགྲམ་དུ་སྐུ་ལུས་མེར་བསྲེག་བཏང་ནས་རྒྱ་གཞུང་ལ་ངོ་རྒོལ་གྱིས་ས་གསན་དེ་ག་རང་དུ་འདས་གྲོངས་སུ་གྱུར་ཡོད་པར་ཆེད་དམིགས་ཞུས་འབྲེལ། འདས་པོ་ཁོང་གི་ཆེད་བསྔོ་སྨོན་མཆོད་འབུལ་
དེ་ལས་མང་བ་། “ནོར་གླིང་དུ་རྒྱལ་གཅེས་དཔའ་བོ་རྟ་མགྲིན་རྡོ་རྗེའི་ཆེད་བསྔོ་སྨོན་མཆོད་འབུལ།” »
བརྩེ་དུངས་ཀྱི་ན་ཟུག
རྔ་བ་ཀུན་བཟང་།
སུ་ཞིག་གིས་མཐོང་མ་མྱོང་བའི་ཁྱོད
སུ་ཞིག་གིས་བདག་དབང་མ་ཐུབ་པའི་ཁྱོད་
འདི་ལྟར་ མི་ཡུལ་གྱི་གྲུ་ཟུར་ཆུང་ཆུང་ཞིག་ནས་
ངའི་མི་ལོ་ཉེར་གསུམ་གྱི་ན་ཟུག་རེ་རེའི་བར་ནས་
མཚར་ལོངས་བྱུང་བཞིན་བྱུང་བཞིན་རྒས་སོང་
ངོ་མ་རྒས་སོང་
ཁྱོད་ནི་སུ་ཞིག་གི་བྲན་གཡོག་ཡིན།
ཨ་དམར་པོ།
བྲན་དང་གཡོག་ཅེས་པའི་གོ་དོན་ནི་དེང་དུས་ཀྱི་འཚོ་བའི་གཞི་ནས་སྤང་དོར་གཡུགས་གསུམ་བྱེད་འོས་པ་ཞིག་ལས་བླང་འཛིན་ཉར་གསུམ་བྱེད་མི་ཆོག དེ་ནི་དངོས་ཡོད་འཚོ་བའི་ཤུགས་ཀྱིས་བསྟན་པའི་བསམ་བློ་རེད་ལ། འགྲོ་མིའི་ཐོབ་ཐང་གི་བླ་སྲོག་ཀྱང་རེད། འགྲོ་བ་མིའི་རིགས་ཀྱི་ལོ་རྒྱུས་བྱུང་འཕེལ་དང་བསྟུན་ཏེ་རིག་གནས་རྣམ་པ་དང་། ལེགས་བྱང་སྣ་ཚོགས་པ་རིམ་ཅན་དུ་བརྡོལ། འཚོ་པའང་རྣམ་པ་ཅན་དང་སྒྲིག་གཞི་ཅན། ལམ་སྲོལ་ཅན། རྒྱུ་མཚན་ཅན་གྱི་ངོར་འཕོ་འགྱུར་བླ་ལྷག་ཏུ་བྱུང་།
