ཨ་དམར་པོ།
གཟུར་མེད་དུས་ཀྱི་འཕོ་འགྱུར་རླབས་ཀྱིས་གསར་རྙིང་དབྱེ་བའི་སོ་མཚམས་ཕྱེས།།
ང་དང་ཁྱོད་ཀྱི་བརྩེ་བ་དྲང་མོས་འོས་འགན་ཆེན་མོའི་དབུ་ཁྱུད་བྲིས། །
ལྷ་ཉིན་དཀར་པོའི་སྐྱ་རེངས་ལྷ་མོས་ང་ཡི་ཆེད་དུ་སྒྲོན་མེ་བཏེགས། །
ལང་ཤོར་ལེ་ལོའི་གསང་བ་བཙན་པོས་རྨི་ལམ་གསོན་པོའི་ཚེ་སྲོག་འཕྲོགས། །
རེབ་ཐོག་མདའ།
སྡུག་གི་མགོ་བོ་གླུ་ཡིས་གནོན་པའི་མྱ་ངན་ཚོགས་འདུར་བདག་མི་ཁོམ།།
རྡོ་རིང་འཁྱེར་ནས་བསྡུ་རུབ་བྱེད་པའི་ཞལ་འདེབས་དེ་ཡང་ང་ལ་མེད།།
མིག་ཆུ་ཞིག་གི་སེམས་པ་རུམ་པའི་གངས་རིའི་ལས་དབང་འཚོལ་བཞིན་དུ།།
མེ་ལ་འཐིམ་པའི་ཕུ་ནུའི་གཞུག་ལ་ཡིག་གེ་དྲུག་མས་སྐྱེས་མ་མཆོག།
ཤིས་ཚང་ལྗང་མྱུག
(ཉེ་ལམ་བརྡ་སྤྲོད་སྐོར་གྱི་བགྲོ་གླེང་ཞིག་གི་སྐབས་གྲོགས་པོ་རྡོ་རྗེས་དྲིས་ཞེས་པའི་བྱ་ཚིག་གི་སྐུལ་ཚིག་ལ་ཐྲིས་ཞེས་བྲིས་ན་འགྲིག་མིན་གྱི་དོགས་འདྲི་ཞིག་བྱས་སོང་ལ། དེ་དང་འབྲེལ་ཏེ་དགག་སྒྲུབ་གཉིས་ཕྱོགས་ནས་དེར་བསམ་ཚུལ་འདོན་པའི་དྲ་གྲོགས་མང་དག་ཅིག་འུར་ཆེམ་མེར་སོང་ཡོད། ཁོ་བོར་མཚོན་ན་གྲོགས་པོའི་དོགས་འདྲི་དེ་ནི་སྔ་ས་ནས་སེམས་ངོར་ལྷུང་ཞིང་ཁ་སྒོར་འབུད་མ་ཐུབ་པའི་རྨོངས་འཆར་རིགས་ཤིག་ཡིན་ལ། དེ་རིང་གྲོགས་པོས་དྲ་གྲོགས་ཐུན་མོང་ལ་དོགས་འདྲི་གནང་བ་དེས་ང་ལ་ཆེད་དུ་བསམ་ཚུལ་འདི་འདི་ལྟར་འབྲི་བར་དྲན་སྐུལ་བྱས་པ་དང་འདྲ་སོང་།)
དོལ་སྨྱོན།
ལོ་རིམ་དང་པོ།
ཞོགས་པའི་སྐྱ་རེངས་དང་འདྲ་བའི་ལོ་རིམ་དང་པོ།
དཔྱིད་མགོའི་བསིལ་རླུང་དང་འདྲ་བའི་ལོ་རིམ་དང་པོ།
འབུས་མ་ཐག་པའི་ལྗང་བུ་གཞོན་ནུ་ཞིག་དང་འདྲ་ནའང་།
བཞད་མ་ཐག་པའི་མེ་ཏོག་གི་ཚོམ་བུ་ཞིག་དང་མཚུངས་ནའང་།
ཚེ་སྲོག་གི་དོན་སྙིང་མ་རྟོགས་པའི་ངས།
རིག་གཞུང་གི་ནང་དོན་མ་ཤེས་པའི་ངས།
གསར་འགོད་པ་སྒྲོལ་དཀར་དང་ང་ཕོད་འཇིགས་མེད་ཀྱི་དཔྱད་གླེང། དུམ་བུ་དང་པོ།
སྒྲོལ་དཀར། རྒྱ་ནག་གི་དཔོན་རིགས་ཞིས་ཆིན་ཕིན་ལ་དབྱེ་ཞིབ་ཀྱི་རྩོམ་ཡིག་མང་པོ་ཐོན་ཡོང་གི་འདུག ཞིས་ཆིན་ཕིན་ལ་རྒྱ་ནག་གི་དམག་དཔུང་ནང་ནས་རྒྱབ་སྐྱོར་ཡོད་པ་ཞིག་ཆགས་འདུག དཔེར་ན། ནུབ་བྱང་གི་དཔུང་སྡེ་ཟེར་དུས་དམག་དཔུང་དང་ཐད་ཀར་འབྲེལ་བ་ཡོད་པ་ཞིག་ཆགས་ཀྱི་ཡོད་པ་རེད་ལ། ཉེ་འཆར་རང་འཐབ་ཕྱོགས་གཅིག་གྱུར་གྱི་དཔོན་རིགས་ལ་འཕོ་འགྱུར་ཆེན་པོ་ཞིག་བཏང་ཟིན་པ་རེད། དེ་ཡིན་དུས་གནས་སྟངས་དེ་རྣམས་ཞིས་ཆིན་ཕེན་དང་འབྲེལ་བ་ག་འདྲ་ཞིག་ཡོད་པ་དང། མ་འོངས་པར་ཞིས་ཆིན་ཕེན་ལ་ཁོང་གི་ཕ་ལགས་ཀྱི་ཤུགས་རྐྱེན་ག་འདྲ་ཞིག་ཡོང་གི་ཡོད་ན།
དེ་ལས་མང་བ་། “ཞིས་ཆིན་ཕེན་ལ་ཁོང་གི་ཨ་ཕའི་ཤུགས་རྐྱེན་ཐེབས་ཡོད་དམ།” »
རྫ་ཚེ་རིང་བཀྲ་ཤིས།
བྱང་དུར་མེ་ནི་ངའི་གྲོགས་པོ་དང་ཉེ་མཛའ་ཡིན་ན་ཡང་། དཔལ་ས་སྐྱའི་གདུང་སྲས་བདག་མོ་དང་ལྷན་དུ་ཡོད་པའི་སྐུ་པར་དྲ་ལམ་དུ་ཅུང་གུས་ཞབས་མ་ཞུས་པར་བཀྲམ་པ་ལ་ཐུགས་བསམ་རེ་བཞེས་དགོས་པ་འདུག་སྙམ། ངས་ཁར་ཉིན་ནས་སེང་རྡོར་དྲ་བའི་ཁོང་གི་ཟིན་བྲིས་སུ་བླ་མ་དང་སྒེག་མོ་ཞེས་པའི་ཁ་བྱང་འོག་ཏུ་སྤེལ་བའི་གདུང་སྲས་ཀྱི་སྐུ་པར་ཞིག་མཇལ་སོང་། འདི་གནས་ཚུལ་ཆེན་པོ་ཞིག་ཡིན་མིན་མི་ཤེས་ཏེ། གང་ལྟར་འདི་དང་འབྲེལ་བའི་སྐད་ཆ་ཞིག་བཤད་འདོད་སྐྱེས། སྐད་ཆ་འདི་གནད་དོན་འདི་ཁོ་ནའི་ཆེད་དུ་མིན་པར་ཞར་ལ་ལོ་རྒྱུས་ཀྱི་བདེན་པ་ཞིག་ངོ་སྤྲོད་འདོད་ཙམ་ཡིན།
དེ་ལས་མང་བ་། “དཔལ་ས་སྐྱའི་གདུང་སྲས་དང་འབྲེལ་བའི་མགྱོགས་བྲིས་ཤིག” »
བསོད་ནམས།
དེ་རིང་སྟེ་སྤྱི་ལོ༢༠༡༢/༡༠/༡༣/ཉིན་གུང་བོད་ནང་ཆུ་ཚོད་དང་བོ་ཡོལ་ཙམ་ལ་གཙོས་དགོན་པའི་གཡས་ངོས་ཀྱི་མཆོད་རྟེན་ཉེ་སར། གཙོས་ཁ་སོག་སྡེ་དྲུག་ནང་ཚན་འབྲོང་ལྕེ་སྡེ་བའི་རྒྱལ་གཅེས་དཔའ་བོ་རྟ་མགྲིན་རྡོ་རྗེ་ཡིས་རང་ལུས་མེར་སྲེག་གིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག ད་ལྟ་གྲྭ་མང་གིས་སྨོན་ལམ་གསུངས་ཏེ་མང་ཚོགས་ཀྱིས་འདས་པོའི་སྐུ་ཕུང་ཕ་ཡུལ་དུ་གདན་འདྲེན་བཞིན་པའི་སྒང་རེད། འདས་པོ་ཁོང་ད་ལོ་རང་ལོ་༥༧ དང་། གུང་ཐང་སྐུ་ཕྲེང་བདུན་པའི་ཡུམ་ཆེན་གྱི་ཨ་ཕ་རེད་འདུག
དེ་ལས་མང་བ་། “དེ་རིང་གི་དཔའ་བོ་རྟ་མགྲིན་རྡོ་རྗེ་ཡི་གནས་ཚུལ་དག་མ།” »
ཨོ་རྒྱན་ཉི་མ།
ངས་ནམ་རྒྱུན་བོད་ཀྱི་ལས་དབང་ཆོས་ལ་འབྲེལ་བ་དང་། ཆོས་དང་། ཆོས་བརྒྱུད་གཙང་མ་གནས་ཐུབ་སོང་ན་བོད་དུས་ནམ་ཡང་འཇིག་རྟེན་འདི་ནས་ཡལ་མི་ཐུབ་པར་བཤད་བཞིན་ཡོད། ཡིན་ན་ཡང་མང་པོ་ཞིག་གིས་ཡུན་རིང་ཐོས་དྲགས་པས་རྣ་བ་ཚ་བའི་རྒྱུ་རུ་འཛིན་མཁན་དང་། ཡང་ཁ་ཅིག་གིས་དོན་ལ་བདེན་ཁ་སྦྱིན་ཡང་ཅི་མི་བསྙམ་པར་གནས་པ་ལས། འདི་ཡིན་འདི་མིན་གྱི་གཏམ་གང་ཡང་མེད་པར་བཏང་སྙོམས་སུ་གནས་མཁན་ཡང་མང་པོ་རེད།
ཚུལ་ཁྲིམས་ཟླ་བ།
ནམ་མཁའི་སྐར་མ་ལ་ལག་བསྙབས་བྱས་ཀྱང་།།
རེག་པའི་སྐལ་བ་ཞིག་ཨེ་ཡོད་མི་ཤེས།།
ས་ཁའི་རྩི་ཐོག་ལ་མཛེས་སྡུག་ཡོད་ཀྱང་།།
ཟ་ཟི་བུང་བ་འགའི་སྤྱོད་ཡུལ་ཡིན་སོང་།།
བདེ་ཆེན་སྒྲོལ་མ།༼ཝཱར་ཎཱ།༽
བཅོ་ལྔའི་ཟླ་བ་དཀར་པོ།།
མ་སྐྱེས་ཨ་མའི་ཞལ་རས།།
ཡིད་ལ་སྒོམ་པའི་བྱམས་པ།།
མ་སྐྱེས་ཨ་མ་ཡིན་སོང་།།
གངས་ལ་བབས་པའི་ཞབས་རྗེ།།
མྱི་ཁ་རླུང་བུས་འཁུར་སོང་།།
མ་སྐྱེས་ཨ་མའི་ཞལ་རས།།
བཙལ་ཀྱང་མཇལ་རྒྱུ་མ་བྱུང་།།
བོན་རྒྱ་བསྟན་འཛིན་རབ་རྒྱས།
ལ་དྭགས་བློ་བཟང་འཇམ་དཔལ་གྱིས། “ བོད་ཀྱི་ཆོས་སྐད་ཀྱི་སྒྲ་དང་ཕྲད་དག་ལ་ཡང་མཐོང་རྩིས་མེད་པ་མཐོང་། དཔེར་ན། རྩོམ་ཡིག་འདི་འབྲི་བ་པོ། བོན་རྒྱ་བསྟན་འཛིན་གྱིས། མ་ལྡང་བའི་སྐྱོན་ལ། མ་འདང་བའི་སྐྱོན་དང་། འཛོམས་པར་མ་ཟད། འདུག་པར་མ་ཟད། མང་བར་མ་ཟད། ཅེས་པ་སོགས་ལ། འཛོམས་པ་མ་ཟད། འདུག་པ་མ་ཟད། མང་བ་མ་ཟད། ཅེས་སོགས་དང་། རིང་པོ་དང་ གང་པོ། སོགས་ལ། རིང་བོ་ གང་བོ། སོགས་དང་། གཅིག་པུ་ལ། གཅིག་པོ་དང་། རྐྱེན་གྱིས་ཞེས་པ་ལ། རྐྱེན་པས་དང་། གྱུར་པའི་ཞེས་པ་ལ་གྱུར་བའི་དང་། བཞི་པ་ལ། བཞི་བ། ནང་པ་ལ་ནང་བ་དང་། ལྔ་པ་ལ། ལྔ་བ། ཁུར་ལ་དོལ་ཞེས་ཆོས་སྐད་མིན་པར་ཁ་སྐད་དེ། ལུང་སྐད་ཀྱི་ཚིག་འདྲེས་པ་མང་ངོ་། །” ཞེས་བདག་གི་རྩོམ་ཡིག་《ཝཱ་ར་ཎ་སིར་བསྐྱོད་པའི་ཟིན་བྲིས་》ཀྱི་མཆན་དུ་སྤེལ་བ་ལ་དགའ་བསུ་དང་ལྷན་ཁོང་ལ་པ་བའི་ཐོབ་ཐང་གི་སྐོར་ནས་བསམ་ཚུལ་ཁ་ཤས་འབུལ་འདོད་བྱུང་།
དེ་ལས་མང་བ་། “རྒན་ལ་དྭགས་བློ་བཟང་འཇམ་དཔལ་ལགས་སུ་བསམ་ཚུལ་བརྗེ་འབུལ།” »
རྒྱལ་མཚན་ཆོས་གྲགས། ༼ ནོར་ལྦེ་བོད་ཀྱི་རླུང་འཕྲིན་ཁང་གི་ལྷོ་ཕྱོགས་གསར་འགོད་པ། ༽
དུས་རབས་ཀྱི་འཕེལ་ཕྱོགས་དང་བསྟུན་ནས་བཙན་བྱོལ་ནང་གསར་འགྱུར་ལས་རིགས་དེ་ཡང་ཡར་ངོའི་ཟླ་ལྟར་གོང་འཕེལ་འགྲོ་བཞིན་པ་དང་། གསར་འགྱུར་བརྒྱུད་ལམ་དེ་དག་གིས་བོད་ཀྱི་གནས་འབབ་ལ་གཞིགས་པའི་ཞབས་འདེགས་མི་དམན་པ་བསྒྲུབས་དང་སྒྲུབ་བཞིན་པ་མ་ཟད། མི་རྣམས་ལ་སྣེ་མང་ཕུན་སུམ་ཚོགས་པའི་བསམ་པའི་ལོངས་སྤྱོད་སྦྱིན་བཞིན་ཡོད། ཆ་འཕྲིན་གྱི་ཞབས་འདེགས་ཡག་པོ་སྒྲུབ་ཐུབ་མིན་ནི་གསར་འགོད་པའི་བྱང་ཚད་དང་ཉམས་མྱོང་ལ་རགས་ལས་ཡོད་སྟབས། གཤམ་ལ་ཕྲན་རང་ཉིད་བོད་སྐད་རླུང་འཕྲིན་གྱི་ས་གནས་གསར་འགོད་པའི་བྱ་བར་ཞུགས་ཏེ་ལོ་ཤས་འགྲོ་བཞིན་པ་དེའི་རིང་གི་ལག་ལེན་དངོས་ནང་རང་གི་སྦྱོང་བརྡར་དང་། འཚོལ་ཞིབ། ཕྱོགས་བསྡོམས་བཅས་བྱས་པའི་མྱོང་ཚོར་ཕྲན་བུ་ཞིག་བསམ་ཚུལ་བརྗེ་རེས་ཀྱི་ཚུལ་དུ་གང་དྲན་གླེང་བར་བྱ་སྟེ།
དེ་ལས་མང་བ་། “བོད་སྐད་རླུང་འཕྲིན་གྱི་དགེ་མཚན་གོང་འཕེལ་སླད་གསར་འགོད་པ་ཞིག་གི་རྨོངས་འཆར་གླེང་བ།” »
ཨ་དམར་པོ།
སུམ་གཉིས་ས་ཡི་དཀྱིལ་འཁོོར་ཕྱག་ཐེལ་གྱིས་མནན་ཏེ། །
ལུགས་ཟུང་སྲིད་ཀྱི་རླུང་རྟ་མཁའ་དབྱིངས་སུ་འཕུར་བ།།
ཤར་མཐའི་ལྕགས་སྤྱང་དམར་པོའི་སྡེར་འོག་ཏུ་ཚུད་ནས།།
ཤི་གསོན་མཚན་མ་བྲལ་བའི་ངང་ཚུལ་དེ་སྐྱོ་བ། །
རས་པ།
དང་པོ།
“ཡི་གེ་གཡོན་ལག་གིས་བྲིས་ན་ནོར་འཁྲུལ་ཡིན
མི་ཤི་རྟ་འགྱེད་ཀྱི་དམག་འཁྲུག་བྱས་ན་ནོར་འཁྲུལ་ཡིན
རྒན་པར་ཚིག་ལོག་བྱས་ན་ནོར་འཁྲུལ་ཡིན།”
འོན་ཀྱང ཨ་རིའི་མགོ་གཙོ་ནག་ལྡང་དེ་གཡོན་ལག་ཅིག་ཡིན
ནག་ལྡང་དེས་ནོ་སྦེལ་གཟེངས་རྟགས་ལེན་སྐབས་གཡོན་ལག་གིས་ས་ཡིག་རྒྱབ་ཅིང
འཇིག་རྟེན་བདེ་ཐབས་སུ་དམག་འཁྲུག་རྒྱག་དགོས་ཟེར་ནས་ལེགས་སྦྱར་གནང
བོན་རྒྱ་བསྟན་འཛིན་རབ་རྒྱས།
ང་ཡང་ཇུས་མེད་ཇུས་གཏོགས་དང་ཡིན་མིན་ཡིན་མདོག་གིས་ད་ལོར་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་ཉིན་གསུམ་(སྤྱི་ལོ་ ༢༠༡༢ ཟླ་ ༠༩ ཚེས་ ༢༡.༢༢.༢༣)རིང་སློབ་མ་རྩོམ་དགའ་ཚོར་རྩོམ་རིག་ཟབ་སྦྱོང་སྤྲོད་པར་ཆས་པ་ཡིན། ཅི་ཡིན་མ་ཤེས་ཏེ། ལོ་ཤས་སྔོན་ཞིག་ནས་བཟུང་རྩོམ་པ་པོའི་ཡིན་པའི་སྟེང་ལ་གཏམ་བཤད་པ་རུའང་གྱུར་འདུག དེའི་ཕྱིར། ཐེངས་འདིར་ཡང་ཚོར་སྣང་ཅི་ཡང་མེད་པར་ངོས་ལེན་བྱས་ཤིང་བློ་ཐག་རྦད་བཅད་ཀྱིས་ཝཱ་ཎ་སློབ་གྲྭར་ཆས་པ་ཡིན། ཕྱིར་འཁོར་ནས་འདང་ཞིག་བརྒྱབ་ན། ཐེངས་འདིའི་འགྲུལ་བཞུད་ནི་ཅུང་དོན་ཡོད་དུ་བསམ་པས། དེ་རིང་དེ་དག་ལ་དྲན་གསོ་ཙམ་གྱི་ཕྱིར་རྩོམ་ཡིག་འདི་འབྲི་བར་ཞུགས་པ་ཡིན།
རེབ་ཐོག་མདའ།
དགུན་གྱི་ནམ་ཟླ་འདིས་སེམས་པ་རུམ་པའི།།
རི་ལུང་ཐང་གསུམ་གྱི་ངོ་གདོང་མཐོང་ན།།
ཉི་མའི་དྲོད་ཁོད་དེ་ལུས་ལ་ཕོག་ཀྱང་།།
སེམས་པའི་གཏིང་རུམ་དེ་འཁྱག་པས་བསྡམས་ཀི།
འབའ་སྲས།
ཡིད་འོང་རང་བྱུང་སྤྲིན་པ་དཀར་པོ་བརྩེ་དུང་འཕྲིན་གྱི་ཕོ་ཉར་བསྐོས།།
དཔུང་བར་རྒྱུ་བའི་གདུ་བུ་དག་ལ་དྲན་པས་གདུང་བའི་གཟུགས་རིས་ཕབ།།
རི་ཚོགས་ནགས་དང་ཆུ་ཕྲན་ལ་ཡང་སྐྱོ་བ་སངས་པའི་གདོང་གྲོགས་ཞུས།།
དགའ་མ་དྲན་པའི་གདུང་དབྱངས་སྙན་ངག་དེ་རིང་ད་དུང་རྒས་མེད་དམ།།
བྱམས་པ་ལྷུན་གྲུབ།
དོན་དམ་ཐོག་མར་སྒོར་མོ་ཞེས་པ་དེ།།
འགྲོ་བ་མི་རྣམས་ནང་ཁུལ་ཕན་ཚུན་ལ།།
ཉོ་ཚོང་ལ་སོགས་དགོས་མཁོ་སྒྲུབ་པའི་སླད།།
བློ་ལྡན་འགའ་ཡིས་གསར་གཏོད་བགྱིས་མེད་ཀྱང་།།
དེང་གི་དུས་འདིར་འགྲོ་བ་མི་རྣམས་ནི།།
ཉིན་རེ་བཞིན་དུ་སྒོར་ལ་ཆགས་དྲཊ་པས།།
ཚེ་རིང་དོན་འགྲུབ།
བྱ་ཁུ་བྱུག་ནགས་ན་མེད་གི།
བྱ་ཁུ་བྱུག་ནགས་ན་ཡོད་ན།།
དགོང་ཕྱི་དྲོར་ཤིང་རྩེར་འབབ་བ།།
ནངས་སྔ་མོར་ཐེངས་གསུམ་གྲག་ག།
ངས་མེད་གི་ཟེར་དོན་དེ་རེད།།
མགོན་པོ་ཕྱག་གཉིས་པ།
དཔེ་ཀློག་བྱས་ནས་ཁ་ཁར་སྡོད་འདོད་ཀྱང་།།
མ་ཤེས་འཁྲུལ་བཤད་མང་པོ་མཐོང་བ་ན།།
ཁ་འདི་ཁ་རོག་སྡོད་ཐབས་མི་འདུག་པས།
སེམས་ལ་གང་དྲན་ཁ་རུ་བཏོན་པ་ཡིན།།
ཉིན་ཤས་གོང་ཨེ་ཤ་ཡ་རང་དབང་རླུང་འཕྲིན་ཁང་གི་སྐལ་ལྡན་བློ་གྲོས་ལགས་ནས་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་ལགས་སུ་བཅར་འདྲི་ཞུས་པ་ཞིག་ལ་འཁྱུག་ཙམ་ཉན་པ་ཡིན།
