གནས་ཚུལ་མཁོ་འདོན་པ། བསོད་ནམས།

ད་ནངས་བོད་ནས་འབྱོར་བའི་གནས་ཚུལ། རྒྱ་དམར་སྲིད་གཞུང་གིས་ད་ལྟའི་བར་བོད་མི་རིགས་དང་བོད་ཀྱི་རིག་གཞུང་སོགས་རྩ་མེད་དུ་བཟོས་དང་བཟོ་བཞིན་པའི་གདུག་རྩུབ་ཆེ་བའི་སྲིད་ཇུས་དག་མ་བཟོད་པར་ཕྱི་ནང་གཉིས་སུ་རང་ལུས་མེར་སྲེག་གི་ཚད་མཐོའི་ཞི་བའི་ངོ་རྒོལ་བྱས་དང་བྱེད་བཞིན་པ་ལྟར། བོད་མདོ་སྨད་ལྷོ་རྒྱུད་ཀྱི་ཤེས་རིག་འབར་བའི་ཞིང་ཁམས་སུ་གྲགས་པའི་བསང་ཆུ་རྫོང་བླ་བྲང་དགོན་པའི་སྟོན་ཆོས་ཆོས་གྲྭའི་རྒྱབ་ལོགས་སུ། དེ་རིང་བོད་ནང་གི་ཞོགས་པའི་ཆུ་ཚོད་༧དང་༣༠ཡས་མས་སམ། ཡང་ན་ཆུ་ཚོད་༩དང་སྐར་མ་༤༧སྟེང་། ཧོར་ཁ་གྱའི་དོན་གྲུབ་ཟེར་བའི་རྒྱལ་གཅེས་དཔའ་བོ་ཞིག་གིས་རང་ལུས་མེར་བསྲེགས་ཀྱིས་དེ་མ་ཐག་ཏུ་སྐུ་གྲོངས་འདུག

དེ་ལས་མང་བ་། “བོད་མདོ་སྨད་བླ་བྲང་དུ་རང་ལུས་མེར་བསྲེགས་བཏང་བའི་གནས་ཚུལ་རགས་བསྡུས།” »

༄༅། །འདི་གར་ཁུངས་ལྡན་གནས་ཚུལ་འབྱོར་གསལ་ལྟར་ན། ཕྱི་ལོ་ ༢༠༡༢ ཟླ་ ༡༠ ཚེས་ ༢༢ ཉིན་བོད་ནང་གི་སྔ་དྲོ་ཆུ་ཚོད་ ༧། ༣༠ ཡས་མས་སུ་བསང་ཆུ་རྫོང་མདའ་སྨད་ཞང་ནས་ཡིན་པའི་རང་ལོ་ ༦༡ ལ་སོན་པའི་རྒྱལ་གཅེས་པ་ཁ་གྱའི་དོན་གྲུབ་ལགས་ཀྱིས་རྒྱ་ནག་གཞུང་གི་གདུག་རྩུབ་ཅན་གྱི་སྲིད་བྱུས་ལ་ཞི་རྒོལ་ཆེད་བསང་ཆུ་རྫོང་བླ་བྲང་དགོན་པའི་སྟོན་ཆོས་ཆོས་གྲྭའི་རྒྱབ་ལོགས་སུ་རང་ལུས་མེར་སྲེག་བཏང་སྟེ་འདས་གྲོངས་སུ་གྱུར་འདུག

དེ་ལས་མང་བ་། “དོན་འགྲུབ་ལགས་ཀྱིས་རང་སྲེག་བཏང་སྟེ་སྐུ་གྲོངས་འདུག” »

གཅན་ཡེ་རྒྱམ། ༢༠༡༢ལོའི་ཟླ་ ༡༠ བའི་ཚེས་ ༢༠ ཉིན།

བྱང་ཨ་རིའི་བདེན་པའི་མེ་ལྕེ་སྐོར་བསྐྱོད་དེ་ཝེ་སི་ཀོན་སིན་གྱི་གྲོང་ཁྱེར་མེ་ཌེ་སིན་དུ་འབྱོར་ནས་༢༠༡༢ལོའི་ཕྱི་ཟླ་༡༠བའི་ཚེས་༢༠ཉིན་ UWགཙུག་ལག་སློབ་གྲྭའི་དཔེ་མཛོད་ཆེན་མོའི་མདུན་ཐང་དུ་གྲོང་ཁྱེར་སྤྱི་ཁྱབ་ཇོ་ཕུ་རི་སི་མཆོག་དང་། ས་གནས་སྤྱི་མཐུན་ཚོགས་པའི་ཚོགས་གཙོ་ཁམས་ལུང་སྤྲུལ་སྐུ་མཆོག་གིས་གཙོ་བའི་འཐུས་མི་ལྷན་རྒྱས་དང་། དགེ་འདུན་པ། སློབ་ཕྲུག་དང་མི་མང་ཁྱོན་བསྡོམས་མི་གྲངས་ཉིས་བརྒྱ་ལྔ་བཅུ་ལྷག་གིས་ཕྱོགས་གཉིས་སུ་གྲལ་བསྟར་བའི་དཀྱིལ་ནས་ཕེབས་བསུས་ཀྱིས་གྲོང་ཁྱེར་སྤྱི་ཁྱབ་ཇོ་ཕུ་རི་སི་མཆོག་གི་ཕྱག་ཏུ་ཕུལ་ནས་མཛད་རིམ་གྱི་མགོ་ཚུགས།

དེ་ལས་མང་བ་། “བདེན་པའི་མེ་ལྕེ།” »

དེ་རིང་ཕྱི་ཚེས་ ༢༠ ཉིན་གྱི་བོད་ནང་གི་ཉིན་གུང་ཆུ་ཚོད་ ༢།༠༠ ཡས་མས་སུ་བོད་མདོ་སྨད་བླ་བྲང་བསང་ཆུ་རྫོང་འབོ་ར་དགོན་པའི་ཉེ་འགྲམ་གྱི་གཞུང་ལམ་སྟེང་། རྒྱལ་གཅེས་དཔའ་བོ་ལྷ་མོ་སྐྱབས་ལགས་ཀྱིས། རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས་ཞེས་སོགས་སྐད་འབོད་ཞུས་ཏེ་རྒྱ་གཞུང་ལ་ངོ་རྒོལ་ཆེད་རང་ལུས་མེར་བསྲེགས་བཏང་ནས་འདས་གྲོངས་ཕྱིན་ཡོད་པར། དམ་པ་ཁོང་གི་དགེ་རྩར་དམིགས་པའི་མཆོད་འབུལ་སྨོན་ལམ་ཞིག་འཚོགས་ཡོད། 

དེ་ལས་མང་བ་། “ནོར་གླིང་དུ་རྒྱལ་གཅེས་དཔའ་བོ་ལྷ་མོ་སྐྱབས་ཆེད་སྨོན་ལམ་མཆོད་འབུལ།” »

གནས་ཚུལ་མཁོ་འདོན་པཿ ཚངས་དབྱངས་རྒྱ་མཚོ།

ཕྱི་ལོ་ ༢༠༡༢ ཟླ་ ༡ ཚེས་ ༡༨ ནས་ཚེས་ ༢༦ བར་དུ་མདོ་སྨད་མགོ་ལོག་པདྨ་རྫོང་ཐོག་དང་། དེ་བཞིན་དུ་ལྕགས་རི་ཐང་ཡུལ་ཚོ། སྟག་མཁར་ཡུལ་ཚོ། གྱི་མཁར་ཡུལ་ཚོ ཡར་ཐང་ཡུལ་ཚོ་སོགས་སུ་རིམ་བཞིན་དུ་ཞི་རྒོལ་བྱས་ཏེ་ “ང་ཚོར་རང་དབང་དགོས”ཞེས་དང་། ཡང་ “ཞི་བདེའི་དེད་དཔོན་བོད་ལ་ཕེབས་པར་རང་དབང་དགོས།” ཞེས་དང་། “པཎ་ཆེན་རིན་པོ་ཆེའི་གཙོས་ཆབ་སྲིད་བཙོན་པ་རྣམས་གློད་གྲོལ་གཏོང་དགོས།” ཞེས་སོགས་ཀྱི་འཕྲེད་དར་སྣ་ཚོགས་འཕྱར་བ་སོགས་བྱས་ཡོད་ལ། རྫོང་ཐོག་ནས་ངོ་རྒོལ་བྱེད་མཁན་ཁག་ཅིག་འཛིན་བཟུང་བྱས་ཡོད།

དེ་ལས་མང་བ་། “མགོ་ལོག་པདྨ་རྫོང་གི་ཉེན་རྟོགས་དཔོན་གནས་དབྱུང་བཏང་འདུག” »

གནས་ཚུལ་མཁོ་འདོན་པཿ བསོད་ནམས།

༢༠༡༢ལོའི་ཟླ་༡༠ཚེས་༢༠ཉིན་བོད་ནང་གི་ཉིན་གུང་དུས་ཚོད་གཉིས་པ་ཡས་མས་སུ། ཨ་མདོ་འབོ་ར་དགོན་པའི་ཉེ་འགྲམ་གྱི་ལམ་ཆེན་ཨང་རྟགས་༢༡༣ཅན་གྱི་སྟེང་དུ་འབོ་ར་སྒྲོག་འགབ་མ་སྡེ་བའི་ཕ་མིང་ལ་སྟོབས་ལྡན་དང་། ཨ་མའི་མིང་ལ། སྙིང་མོ་ཐར་ལོ་ཟེར་བ་གཉིས་ཀྱི་བུ་རང་ལོ་༢༧་ཅན་གྱི་རྒྱལ་གཅེས་དཔའ་བོ་སྟག་ལོ་བ་ལྷ་མོ་སྐྱབས་ཀྱིས། དགོན་པའི་གཡས་ངོས་དང་ཐག་མི་རིང་བའི་འབོ་ར་མདོ་སྡེ་བའི་མདུན་ཕྱོགས་ནས་རང་ལུས་ལ་མེར་སྒྲོན་ཏེ་ཀུ་རིང་ཞིག་དང་བཅས་(༧རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས། ཞེས་སོགས་སྐད་འབོད་ཁ་ཤས་བྱས་འདུག་ཀྱང་གནས་ཚུལ་ཡོང་ཁུངས་ནས་ནང་དོན་གསལ་བོ་ཐོས་མི་འདུག)

དེ་ལས་མང་བ་། “བོད་ཨ་མདོ་འབོ་ར་ནས་དེ་རིང་ཡང་རང་ལུས་མེར་བསྲེགས་བཏང་འདུག” »