གནས་ཚུལ་མཁོ་གཏོང་བ། བསོད་ནམས།

དེ་ལས་མང་བ་། “རྒྱལ་གཅེས་དཔའ་བོ་རྡོ་རྗེ་རིན་ཆེན་གྱིས་རང་ལུས་མེར་བསྲེགས་སྐབས། ༼པར༽” »

གནས་ཚུལ་མཁོ་སྤྲོད་པ། བསོད་ནམས།

2012/10/23ཉིན་གྱི་བོད་ནང་གི་ཉིན་གུང་ཆུ་ཚོད་3:30སྟེང་། རྒྱ་དམར་སྲིད་གཞུང་ལ་རང་རེའི་རྒྱལ་གཅེས་དཔའ་བོ་དཔའ་མོ་ཚོས་བོད་མི་རིགས་ཀྱི་ཆེད་དུ་བོད་ཕྱི་ནང་གཉིས་ཀར་རང་ལུས་མེར་མཆོད་ཀྱིས་ཞི་རྒོལ་གང་སར་གནང་བཞིན་པ་ལྟར། དེ་རིང་ཡང་མདོ་སྨད་བླ་བྲང་དུ་དཔའ་བོ་རྡོ་རྗེ་རིན་ཆེན་ལགས་ཀྱིས་དྲག་ཆས་ཉེན་རྟོག་ཁང་གི་སྒོ་འགྲམ་མམ་འོད་ལྡན་ཚོང་རའི་ཉེ་འདབས་སུ་རང་ལུས་མེར་བསྲེགས་ཀྱིས་སྐུ་གྲོངས་ཡོད་འདུག དེ་མ་ཐག་ནམ་རྒྱུན་དེར་ཡོད་རྫོང་གི་བདེ་སྲུང་དམག་མི་དང་ཉེན་རྟོག་པ་ཚོས་ཁོང་གི་སྐུ་ཕུང་བཙན་ཁྱེར་བྱེད་རྩིས་བྱས་པས།

དེ་ལས་མང་བ་། “མདོ་སྨད་བླ་བྲང་དུ་བསྟུད་མར་རང་ལུས་མེེེར་བསྲེགས་བཏང་བའི་གནས་ཚུལ།” »

གནས་ཚུལ་མཁོ་གཏོང་བ། བསོད་ནམས།

རྒྱལ་གཅེས་དཔའ་བོ་ལྷ་མོ་སྐྱབས་ལགས་ཀྱི་སྐྱེ་ཡུལ་ནི། ཡུལ་མདོ་སྨད་ཀྱི་ཆོས་སྡེ་ཆེན་པོ་བླ་བྲང་བཀྲ་ཤིས་འཁྱིལ་གྱི་ལྷོ་རྒྱུད། འབོ་རའི་ཚོ་བཞིར་གྲགས་པའི་གནས་དེར། སྐུང་ལུང་མདོ་དང་། བག་ཙ་མདོ། འབོ་ར་མདོ་བཅས་མདོ་གསུམ་དུ་གྲགས་པའི་ནང་ཚན། འབོ་ར་མདོ་ཞེས་པའི་སྡེ་བ་ཡིན་ཞིང་། འབོ་ར་སྔོན་པོ་ཐང་དགའ་ལྡན་བཤད་སྒྲུབ་དར་རྒྱས་གླིང་ངམ་ཡོངས་གྲགས་བསྡུས་མིང་དུ་འབོ་ར་དགོན་པར་འབོད་པ་དང་མི་རིང་བའི་སྤྱི་ལེ་ཕྱེད་ཙམ་གྱི་སར་ཆགས་ཡོད།

དེ་ལས་མང་བ་། “རྒྱལ་གཅེས་དཔའ་བོ་ལྷ་མོ་སྐྱབས་ཀྱི་མཐའ་མའི་སྐད་ཆ་དང་གནས་ཚུལ་དངོས།” »

ནོར་གླིང་ས་གནས་བོར་རིགས་སྤྱི་མཐུན་ཚོགས་པས་གོ་སྒྲིག་འོག དེ་རིང་རང་ལུས་མེར་བསྲེགས་གནང་མཁན་རྒྱལ་གཅེས་དཔའ་བོ་རྡོ་རྗེ་རིན་ཆེན་ལགས་གཙོས་རྒྱལ་གཅེས་དཔའ་བོ་དཔའ་མོ་དག་གི་རྒྱལ་གཅེས་སྙིང་སྟོབས་ལ་གོང་བཀུར་དང་། ཁོང་རྣམས་ཀྱིས་ལུས་སྲོག་རིན་པོ་ཆེ་རྒྱལ་ཁབ་དང་མི་རིགས་ཀྱི་ཆེད་དུ་བློས་གཏོང་གནང་བར་རྗེས་དྲན་གྱི་མར་མེའི་མཆོད་སྐོར་ཞིག་གོ་སྒྲིག་ཞུས་

དེ་ལས་མང་བ་། “ནོར་གླིང་དུ་རྒྱལ་གཅེས་དཔའ་བོ་རྡོ་རྗེ་རིན་ཆེན་ཆེད་མར་མེའི་མཆོད་སྐོར།” »

༼བོད་ཀྱི་དུས་བབ་དྲ་ཚིགས་ནས་འདྲེན་བཀོད་ཞུས།༽

དེ་་རིང་ཉིན་རྒྱབ་མདོ་སྨད་བླ་བྲང་ཟ་ཡུས་ནང་ནས་ཡིན་པའི་བོད་མི་ཞིག་གིས་བསང་ཆུ་རྫོང་དྲག་ཆས་ཉེན་རྟོག་ཁང་གི་སྒོ་འགྲམ་ནས་རང་ལུས་མེར་བསྲེགས་བཏང་འདུག
དེ་རིང་ཉིན་རྒྱབ་བོད་ནང་གི་ཆུ་ཚོད་ ༤ དང་ཕྱེད་ཀ་ཙམ་ལ།མདོ་སྨད་བླ་བྲང་ཟ་ཡུས་ནང་གི་རང་ལོ་ ༥༧ ཡིན་པའི་རྡོ་རྗེ་རིན་ཆེན་ལགས་ཀྱིས། ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་དྲག་ཆས་ཉེན་རྟོག་ཁང་གི་སྒོ་འགྲམ་སྲང་ལམ་དུ་རང་ལུས་མེར་བསྲེགས་བཏང་སྟེ། རྒྱ་གཞུང་གི་དྲག་གནོན་དབང་སྒྱུར་གྱི་སྲིད་ཇུས་ལ་ངོ་རྒོལ་གནང་ཡོད་འདུག

དེ་ལས་མང་བ་། “བསང་ཆུ་རྫོང་དུ་ཡང་བསྐྱར་རང་ལུས་མེར་བསྲེགས།” »

གནས་ཚུལ་མཁོ་འདོན་པཿ བསོད་ནམས།

 རྒྱལ་གཅེས་དཔའ་བོ་དོན་འགྲུབ་དང་ཁོང་གི་ནང་མིའི་པར།

དེ་ལས་མང་བ་། “མདོ་སྨད་བླ་བྲང་དགོན་དུ་རྒྱལ་གཅེས་དཔའ་བོ་དོན་འགྲུབ་ཆེད་སྨོན་ལམ་ཚུགས་པ།” »

དེ་རིང་ཞོགས་པར་བོད་ནང་གི་ཞོགས་པའི་ཆུ་ཚོད་ ༩ ༤༧ ཡས་མས་སུ། རྒྱལ་གཅེས་དཔའ་བོ་དོན་འགྲུབ་ལགས་ནས་བླ་བྲང་དགོན་པའི་སྟོན་ཆོས་ཆོས་གྲྭའི་རྒྱབ་ལོགས་སུ་རང་ལུས་མེར་བསྲེག་བཏང་སྟེ་རྒྱ་གཞུང་ལ་ངོ་རྒོལ་གནང་འདུག་པའི་གནས་ཚུལ་ཐོན་ཡོད་ཅིང་། དཔའ་བོ་ཁོང་ནི། མདོ་སྨད་བསང་ཆུ་རྫོང་མདའ་སྨད་ཞང་ནས་ཡིན་པ་དང་། ད་ཆ་རང་ལོ་ ༦༡ སོན་པ་ཞིག་ཡིན་འདུག ནོར་གླིང་ས་གནས་བོད་རིགས་སྤྱི་མཐུན་ཚོགས་པའི་གོ་སྒྲིག་འོག འཆི་མེད་དགའ་ཚལ་གླིང་གི་དགེ་འདུན་པ་རྣམས།

དེ་ལས་མང་བ་། “ནོར་གླིང་དུ་རྒྱལ་གཅེས་དཔའ་བོ་དོན་འགྲུབ་ཆེད་སྨོན་ལམ་མཆོད་འབུལ།” »

གནས་ཚུལ་མཁོ་འདོན་པ། བསོད་ནམས།

ད་ནངས་བོད་ནས་འབྱོར་བའི་གནས་ཚུལ། རྒྱ་དམར་སྲིད་གཞུང་གིས་ད་ལྟའི་བར་བོད་མི་རིགས་དང་བོད་ཀྱི་རིག་གཞུང་སོགས་རྩ་མེད་དུ་བཟོས་དང་བཟོ་བཞིན་པའི་གདུག་རྩུབ་ཆེ་བའི་སྲིད་ཇུས་དག་མ་བཟོད་པར་ཕྱི་ནང་གཉིས་སུ་རང་ལུས་མེར་སྲེག་གི་ཚད་མཐོའི་ཞི་བའི་ངོ་རྒོལ་བྱས་དང་བྱེད་བཞིན་པ་ལྟར། བོད་མདོ་སྨད་ལྷོ་རྒྱུད་ཀྱི་ཤེས་རིག་འབར་བའི་ཞིང་ཁམས་སུ་གྲགས་པའི་བསང་ཆུ་རྫོང་བླ་བྲང་དགོན་པའི་སྟོན་ཆོས་ཆོས་གྲྭའི་རྒྱབ་ལོགས་སུ། དེ་རིང་བོད་ནང་གི་ཞོགས་པའི་ཆུ་ཚོད་༧དང་༣༠ཡས་མས་སམ། ཡང་ན་ཆུ་ཚོད་༩དང་སྐར་མ་༤༧སྟེང་། ཧོར་ཁ་གྱའི་དོན་གྲུབ་ཟེར་བའི་རྒྱལ་གཅེས་དཔའ་བོ་ཞིག་གིས་རང་ལུས་མེར་བསྲེགས་ཀྱིས་དེ་མ་ཐག་ཏུ་སྐུ་གྲོངས་འདུག

དེ་ལས་མང་བ་། “བོད་མདོ་སྨད་བླ་བྲང་དུ་རང་ལུས་མེར་བསྲེགས་བཏང་བའི་གནས་ཚུལ་རགས་བསྡུས།” »