སོག་མདའ།

མ་ཎི་འཁོར་ལོ། ཨོཾ་མ་ཎི་པདྨེ་ཧཱུྃ་
ཨ་མའི་སེམས་ངོགས་ན་འཁོར་བའི་མ་ཎི་འཁོར་ལོ།།
ཨ་མྱེས་ལག་ཟུང་ན་འཁོར་བའི་མ་ཎི་འཁོར་ལོ།།
སྲིང་མོའི་དབུ་ཐོད་ན་འཁོར་བའི་མ་ཎི་འཁོར་ལོ།།
ཕུ་བོའི་དད་ངོགས་ན་འཁོར་བའི་མ་ཎི་འཁོར་ལོ།།

དེ་ལས་མང་བ་། “མ་ཎི་འཁོར་ལོ།” »

མྱི་ལྟིག

དེ་དུས་ནི་གདོད་མ་ཞིག་གཏན་ནས་མིན་ཏེ་ང་བྱིས་དུས་རེད། དེ་དུས་ནི་དབྱར་ས་དགུན་ས་ཟེར་བའི་ས་རྟགས་ཤིག་ཡོད་རབས་མི་འདུག་ལ། ཁྱོད་ས་ངའི་ས་ཟེར་བའི་ལྕགས་ར་ཞིག་ཀྱང་ཡེ་ནས་ཡོད་རབས་མེད། དེ་དུས་ནི་རྫི་བོ་ཚོ་ལྷན་དུ་འཛོམས་ཏེ་དམངས་གླུ་ཡིས་རྟ་ནོར་ལུག་གསུམ་གྱི་ཁ་ཕྱོགས་བསྒྱུར་ཞིང་། ལ་གཞས་ཀྱིས་མི་ཚེའི་གཏན་འདུན་གྱི་ཁ་ཕྱོགས་རྙེད་རབས་ཡོད།

དེ་ལས་མང་བ་། “དེ་དུས་ནི།” »

གྲིབ་གཟུགས།

དེ་དུས་ང་རང་འཛིན་རིམ་གཉིས་པ་རེད། ཐོག་མར་རྒན་ o ལགས་ཀྱི་འཛིན་གྲྭར་ཕྱིན་དུས་ཁོང་གི་བཞིན་རས་དེ་ o དང་ཅུང་ཙམ་འབྲེལ་བ་ཡོད་པ་ཤེས་པ་ཙམ་ཡིན། དེ་དུས་ཁོང་གི་མཚན་ o དེར་ང་རང་དམིགས་བསལ་གྱི་དོ་སྣང་གང་ཡང་བྱུང་མེད། ཡིན་ནའང་རྗེས་ནས་ཁོང་དང་གཤིབ་ཀྱིན་གཤིབ་ཀྱིན་རྒན་ལགས་ཁོང་དང་ཁོང་གི་མཚན་ o གཉིས་ཀྱི་བར་འབྲེལ་བ་མི་ཉུང་བ་ཞིག་ཡོད་པ་ཤེས་བྱུང་། འཛིན་གྲོགས་ཚོས་ཁོང་གི་གསུས་གྲོད་དང་འཕོངས་ཚོས་གོར་གོར་གཉིས་ཀ་ཁོང་གི་མཚན་ o དང་འབྲེལ་བ་འདུག་ཟེར། ངས་བསམས་ན་ད་དུང་ཁོང་གིས་བསྣམས་པའི་སྤྱན་ཤེལ་གོར་གོར་དེ་ཡང་ཁོང་གི་མཚན་ o དང་འབྲེལ་བ་ཡོད་པ་ཤེས་སོང་།

དེ་ལས་མང་བ་། “རྒན་ o ལགས་དང་ཡང་བསྐྱར་མཇལ་བ།” »

སྤོབས་པ་མཐའ་ཡས།
ཁ་བརྡ་དྲ་བ་ནི་འཇུག་པ་བདེ་ཞིང་། ལས་བྱེད་རྣམས་རོགས་ཕན་ཆེ་བ། དྲ་ལམ་གྱི་སྟངས་འཛིན་གུ་ཡངས་པ་སོགས་ལ་བརྟེན་ནས་མི་མང་པོས་ལྟ་ཀློག་དང་། རྩོམ་འགོད་པ། བསམ་ཚུལ་མཆན་བུ་སྤེལ་བ་སོགས་མང་བས་བོད་མི་དྲ་ཉུལ་བ་མང་པོས་དགའ་མོས་ཆེན་པོ་བྱེད་ཡུལ་ཞིག་ཏུ་གྱུར། ཁ་བརྡའི་སྟེང་ལ་ཉིན་རེ་བཞིན་རྩོམ་ཡིག་གསར་པ་བཅུ་ཕྲག་བརྒལ་བ་དང་། མཆན་བུ་བརྒྱ་ཕྲག་དུ་མ་སྤུངས་ཉིན་ཡང་ཡོད། ལོ་འདིར་ཡང་ཁ་བརྡ་དྲ་བར་རྒྱུན་མཐུད་དེ་ལྟ་ཀློག་བྱེད་མཁན་དང་། རྩོམ་ཡིག་འགོད་མཁན། མཆན་བུ་འགོད་མཁན་སོགས་མང་དུ་འཕེལ་བཞིན་འདུག ཡིན་ན་ཡང་བསམ་ཚུལ་མཆན་བུའི་ལམ་ནས་བགྲོ་གླེང་ནུས་ལྡན་ཡོང་བ་ཆེས་ཉུང་དུ་ཕྱིན། དེ་ནི་མཆན་བུ་འགོད་མཁན་གྱི་གྲངས་ཀ་ཉུང་དུ་སོང་བ་མིན་པར་སྤུས་ཀ་ཞན་དུ་ཕྱིན་པ་རེད།

དེ་ལས་མང་བ་། “ཁ་བརྡའི་དྲ་འབུ།” »

ཅོག་རོང་གི་མྱི།

རི་མཐོན་པོའི་རྩེ་རུ་བུད་ནས།
ངས་དམངས་གཙོ་ནི་ཅི་ཞིག་ཡིན་ཞེས་ཚང་ཚིང་སྟུག་པོ་བཀོད་པའི་ནགས་ཚལ་ལ་དྲིས།
དམངས་གཙོ་ནི་འཛད་པ་མེད་བའི་ལོ་མ་ཡིན་ཟེར།
དམའ་བྱེ་འགྲམ་ཁ་ནས་ངས་མུ་མཐའ་མེད་པའི་རྒྱ་མཚོར་དྲིས།
དམངས་གཙོ་ནི་འཆིང་བུ་་ཡིན་ཟེར།
ངས་སྟོན་པ་དེ་བཞིན་གཤེགས་པར་དྲིས།

དེ་ལས་མང་བ་། “དམངས་གཙོ་ནི་ཅི་ཞིག་ཡིན།” »

དགའ་ལྷོ་གངས་སྣོན་པ།

མེས་པོའི་བཀའ་དྲིན་རྟག་ཏུ་སྙིང་ནས་དྲན།།
ཡབ་མེས་རྣམས་ལ་གུས་ཤིང་ཕྱག་འཚལ་ལོ།།
ཁྱེད་ཅག་རྣམ་ཤེས་གང་དུ་ཡོད་གྱུར་ཡང་།།
གུས་འབངས་རྣམས་ལ་ལན་གཅིག་གཟིགས་པར་འཚལ།།
འཛམ་གླིང་འདི་ན་མི་རིགས་སྣ་ཚོགས་འདུག །
རང་དབང་བདེ་སྐྱིད་དགོས་མཁན་གཅིག་མཚུངས་ཡིན།།

དེ་ལས་མང་བ་། “བོད་པ་ནི་བློ་སྟོབས་དང་སྙིང་སྟོབས་ཅན་གྱི་མི་རིགས་ཤིག་ཡིན་པ་ཧ་གོ་དགོས།” »

ངག་དབང་བརྩོན་འགྲུས། རྒྱ་གར་ལྷོ་ཕྱོགས།
—ཁ་བརྡ་ལས་<<རྗེ་བླ་མའི་རྩོམ་གྱི་ཆེ་བ་མདོ་ཙམ་གླེང་བ>>ཞེས་པ་བཀླགས་རྗེས་བྲིས།

གུས་པས་ཉིན་ཤས་གོང་གྲོགས་པོ་ཞིག་ལ་བྲིས་པའི་<<མི་ཚེ་དང་སྙན་ངག་ལ་བལྟ་ཚུལ>>ཞེས་པའི་དཔྱད་རྩོམ་ལྟ་བུ་དེར་རྗེ་བླ་མའི་སྙན་རྩོམ་གྱི་སྐོར་ཅུང་ཟད་བཤད་ཡོད། རྩོམ་ཡིག་དེར་རང་ངོས་ནས་རྟོགས་དཔྱོད་དང་བཤིབས་བསྡུར་མ་བྱས་པའམ་ཡང་ན་བཤིབས་བསྡུར་བྱས་པ་ཡང་ཐལ་དྲག་པའི་སྐྱོན་ཅན་དུ་གྱུར་སོང་ཡོད་ཚོད་ལ། སྐུ་ཞབས་དབྱངས་ཅན་འབངས་ཀྱིས་སེམས་གཅོང་གི་ཚུལ་དུ་བསམ་འདུན་འགའ་བཤད་འདུག་པར་ལེགས་སོ་ཞུ་བ་ཡིན། ཁྱེད་ཀྱིས་ཤེས་དགོས་པ་ཞིག་ནི་ངས་འདིར་བཤད་པ་ཐམས་ཅད་ནི་རང་གི་འདོད་མོས་ལྟར་བཤད་པ་ཡིན་ལ།

དེ་ལས་མང་བ་། “སྙན་ངག་ནི་མི་སེམས་ཀྱི་འགྱུར་སྟངས་ཤིག་ཡིན།” »