རས་པ།

ང་ཚོས་ཧིན་རྡི་དང་དབྱིན་ཡིག་གི་ནང་དུ་ཕྱི་ལོ ༢༠༠༩ ནས་ ༢༠༡༢ ཟླ་ ༡༡ ཚེས་ ༨ བར་བོད་ནང་གི་བོད་མི་༦༩ ཡིས་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་བྱས་པའི་གནས་ཚུལ་བྲིས་ཏེ། རྒྱ་གར་གྱི་གྲོང་ཁྱེར་ཆེ་ཁག་གཉིས་དང་། དམིགས་གསལ་གྱིས་ golden temple དང་ Jallianwala Bagh གཉིས་གཙོ་བོར་བྱས་པའི་མི་མང་འདུ་འཛོམས་ཆེ་ཤོོས་ཀྱི་ས་གནས་ཁག་ཅིག་ལ་བོད་ཀྱི་ད་ལྟའི་དངོས་ཡོད་གནས་ཚུལ་ངོ་སྤྲོད་ཀྱི་ཡིག་ཆ་བཀྲམས་པ་ཡིན།

དེ་ལས་མང་བ་། “ཉིན་གཉིས་ཀྱི་བོད་གནས་མཁོ་སྤྲོད་ཀྱི་ལས་འགུལ། (པར)” »

གནས་ཚུལ་མཁོ་སྤྲོད་པ། ཨ་རིག་དགེ་མཐོང་།

ཁ་སང་སྤྱི་ཟླ་བཅུ་གཅིག་པའི་ཚེས་བཅུ་གཅིག་གི་རེས་གཟའ་ཉི་མའི་གུང་སེང་དང་སྟབས་བསྟུན་གྱིས་ཝཱ་ཎའི་མཐོ་སློབ་ཀྱི་དགེ་ལུགས་ཚོགས་པས་གོ་བསྒྲིགས་གནང་སྟེ། བོད་ནང་གི་དཔའ་བོ་དཔའ་མོ་བོད་བསྟན་པ་ཆབ་སྲིད་ཀྱི་སླད་དུ་རང་སྲོག་བློས་གཏོང་གནང་མཁན་དག་གི་ཆེད་དུ་བསྔོ་བ་སྨོན་ལམ་དང་། མཆོད་འབུལ་ཞིག་དགེ་ལྡན་ཆོ་འཕྲུལ་སྨོན་ལམ་ཆེན་མོའི་འཛིན་སྐྱོང་བསྟི་གནས་ཁང་བོད་དགོན་བཤད་སྒྲུབ་འདོད་རྒུ་འཁྱིལ་དུ་འཚོགས་སོང་ལ། དེར་ཝཱ་ཎའི་དགེ་སློབ་གཉིས་དང་གདན་ས་གསུམ་གྱི་འཐུས་ཚབ་དགེ་འདུན་པ་དག་གཙོས་སྐྱ་སེར་ཉིས་བརྒྱ་ལྷག་འཛོམས་ཏེ་སྐྱབས་འགྲོ་སེམས་སྐྱེད་དང་སྨོན་ལམ་རྣམ་ལྔ། དེ་བཞིན་བླ་མ་མཆོད་པའི་ཆོ་ག་དང་འབྲེལ་བའི་ཚོགས་རྒྱས་པ་ཞིག་བཏང་ཞིང་བསྔོ་བ་སྨོན་ལམ་གང་རྒྱས་གང་སོང་།

དེ་ལས་མང་བ་། “ཝཱ་ཎར་མཆོད་འབུལ་སྨོན་ལམ་རྒྱ་ཆེ་ཞིག་འཚོགས་སོང་།” »

སྤྱི་ལོ་ ༢༠༡༢ ཟླ་བ་ ༡༡ ཚེས་ ༡༡ ཉིན་ནོར་གླིང་ས་གནས་བོད་རིགས་སྤྱི་མཐུན་ཚོགས་པའི་གོ་སྒྲིག་འོག་འཆི་མེད་དགའ་ཚལ་གླིང་གི་དགེ་འདུན་པ་དང་བཙུན་དགོན་སྒྲོལ་མ་གླིང་གི་དགེ་འདུན་པའི་གཙོས་ནོར་གླིང་ས་ཁུལ་གྱི་བོད་རིགས་སེར་སྐྱ་ཐུན་མོང་ནས་འཆི་མེད་དགའ་ཚལ་གླིང་དགོན་པར། སྤྱི་ཚེས་ ༡༠ ཉིན་བོད་རྒྱལ་ཁབ་དང་མི་རིགས་ཀྱི་ཆེད་དུ་རང་ལུས་མཆོད་མེར་ཕུལ་བའི་རྒྱལ་གཅེས་དཔའ་བོ་མགོན་པོ་ཚེ་རིང་ལགས་ཀྱི་ཆེད་དུ་མཆོད་འབུལ་སྨོན་ལམ་ཞིག་ཚོགས་ཡོད།

དེ་ལས་མང་བ་། “ནོར་གླིང་ས་ཁུལ་དུ་དཔའ་བོ་མགོན་པོ་ཚེ་རིང་ལགས་ཀྱི་ཆེད་དུ་མཆོད་འབུལ།” »

༼༡༽ དཔའ་བོ་སྙིང་དཀར་བཀྲ་ཤིས་ཀྱིས་རང་ལུས་མེར་བསྲེགས་བཏང་བའི་གནས་ཚུལ།

༼༡༽ དཔའ་བོ་སྙིང་དཀར་བཀྲ་ཤིས་ཀྱིས་རང་ལུས་མེར་བསྲེགས་བཏང་བའི་གནས་ཚུལ།

དེ་རིང་རེབ་གོང་སྒྲོ་རོང་པོ་ནས་རང་ལོ་ ༢༤ ཡིན་པ་སྙིང་དཀར་བཀྲ་ཤིས་ཞུ་བ་ཞིག་གིས། “རྒྱལ་བ་རིན་པོ་ཆེ་སྐུ་ཚེ་བརྟན་པར་ཤོག” ”བོད་ལ་རང་དབང་དགོས”ཞེས་སྐད་འབོད་དང་བཅས་ཏེ། རང་ལུས་མེར་བསྲེགས་བཏང་ནས་འདས་གྲོངས་ཕྱིན་འདུག
སྙིང་དཀར་བཀྲ་ཤིས་ནི་ཕ་བཀྲ་ཤིས་རྣམ་རྒྱལ་༼རང་ལོ་ ༤༧༽་དང་མ་མཁའ་འགྲོ་འཚོ་༼ལོ་བཞིའི་གོང་ཚེ་ལས་འདས་འདུག༽གཉིས་ཀྱི་བུ་ཡིན་པ་དང་། སྙིང་དཀར་བཀྲ་ཤིས་ཀྱི་སྐྱེས་དམན་གྱི་མིང་ལ་འབྲུག་མོ་ཚེ་རིང་༼ལོ་ ༢༣༽ཡིན་འདུག་ལ། སྙིང་དཀར་བཀྲ་ཤིས་ཀྱི་ཨ་མ་འདས་རྗེས་ཁོང་གི་ཨ་ཕས་སྐྱེས་དམན་གཞན་ཞིག་དང་གཉེན་སྒྲིག་ཡོད་པ་དེའི་མིང་ལ་ལྷ་མོ་མཁར་ཟེར་གྱི་ཡོད་འདུག

དེ་ལས་མང་བ་། “དེ་རིང་ཚེས་ ༡༢ ཉིན་རེབ་གོང་ནས་གཞོན་སྐྱེས་གཉིས་ཀྱིས་རང་ལུས་མེར་བསྲེགས་བཏང་བའི་གནས་ཚུལ་ཕྱོགས་བསྡུས། ༼རྗེས་འབྲེལ་གནས་ཚུལ་སྣོན་འདེབས་ཞུ་གི་ཡོད༽” »

ཕྱི་ལོ་༢༠༡༢ ཟླ་༡༡ ཚེས་༡༠ ཉིན་གནས་ཚུལ་འབྱོར་གསལ་ལ། འདི་ཟླའི་ཚེས་༧ ཉིན་ཨ་མདོ་རྔ་པ་ནས་རང་ལུས་མེར་སྲེག་གཏོང་མཁན་རྒྱལ་གཅེས་དཔའ་བོ་གསུམ་གྱི་ནང་ནས་རང་ལོ་༡༥ ཡིན་པའི་གྲྭ་རྡོ་རྗེ་ལགས་གནས་ཚུལ་བྱུང་ས་རང་ནས་སྐུ་གྲོངས་ཡོད་ཅིང་། ཁོང་གི་ཕུང་པོ་རྒྱ་གཞུང་གིས་བཙན་ཁྱེར་བྱས་ཏེ་ནང་མིར་སྤྲད་མེད་ལ། ཕྱི་ཚེས་༨ ཉིན་ཁོང་གི་རུས་ཐལ་ཡིན་ཟེར་ནས་ཐལ་ལ་ཞིག་ནང་མིར་སྤྲད་པ་མ་གཏོགས་གཞན་གང་ཡང་སྤྲད་མེད་པ་དང་།

དེ་ལས་མང་བ་། “ཕྱི་ཚེས་ ༧ ཉིན་ཨ་མདོ་རྔ་པར་རྒྱལ་གཅེས་དཔའ་བོ་གསུམ་གྱིས་མཉམ་དུ་རང་ལུས་མེར་བསྲེགས་ཀྱི་གནས་ཚུལ་ཁ་སྣོན།” »

༼བོད་ཀྱི་དུས་བབ་དྲ་ངོས་ནས་འདྲེན་བཀོད་ཞུས།༽

ཕྱི་ཚེས་ ༡༠ ཉིན་མདོ་སྨད་ཨ་མཆོག་ཀླུ་ཤོད་སྐེད་སྡེ་བའི་རྒྱལ་གཅེས་དཔའ་བོ་མགོན་པོ་ཚེ་རིང་ལགས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་གནང་སྟེ་སྐུ་གྲོངས་འདུག
ཁ་སང་ཕྱི་ཚེས་ ༡༠ ཉིན་གྱི་ཕྱི་དྲོ་བོད་ནང་ཆུ་ཚོད་ ༢ དང་སྐར་མ་ ༢༠ ཙམ་གྱི་སྟེང་། མདོ་སྨད་ཨ་མཆོག་སྨད་དམ་ཀླུ་ཤོད་སྐེད་སྡེ་བའི་རང་ལོ་ ༡༩ ཡིན་མགོན་པོ་ཚེ་རིང་ལགས་ཀྱིས། ཀླུ་ཤོད་ཁུང་རུ་ཐང་ངམ་བཤད་སྒྲུབ་དར་དགོན་པའི་གླིང་ནས་རང་ལུས་མེར་བསྲེགས་བཏང་སྟེ།

དེ་ལས་མང་བ་། “ཚེས་ ༡༠ ཉིན མདོ་སྨད་ཨ་མཆོག་ཏུ་རང་ལུས་མེར་བསྲེགས།” »