བློ་བཟང་རིན་ཆེན་གྱིས་བྲིས།
སྔོན་གླེང་།
དེ་རིང་ཞོགས་པར་གཉིད་ལས་སད་མ་ཐག་ཆར་པ་ཤག་ཤག་འབབ་བཞིན་འདུག འོན་ཀྱང་ང་ཚོའི་སྡོད་ཤག་གི་ཡང་སྟེང་དུ། དཔེ་ཆ་བློ་འཛིན་གྱི་སྐད་སྒྲ་ནི་ལྷིང་ལྷིང་དུ་གྲགས་བཞིན་འདུག དེ་ནས་ངས་ཀྱང་སེམས་ཤུག་བསྐྱེད་དེ་ཁོག་སྨད་ཉལ་ཐུལ་གྱིས་དཀྲིས་ཏེ་བློ་འཛིན་བྱས། སྐུ་མདུན་གྱིས་གསུངས་ཆོས་མ་གནང་སྔོན་ལ་ཞོགས་ཇ་འཐུང་ཞིང་། གྲོགས་པོ་ལེགས་བཤད་དང་ལྷན་དུ་ལུས་རྩལ་སྦྱངས་པ་ཡིན། ཁོ་ནི་གཟུགས་པོ་རིང་ཞིང་ཟླ་བ་བཞི་ཙམ་ལ་བསྟུད་མར་ལུས་རྩལ་སྦྱངས་པས། གློག་བརྙན་ནང་གི་ཕོ་གསར་གཟུགས་ཡག་ཚོ་ནང་བཞིན་ཁོག་སྟོད་ལ་ཤུགས་ཀྱིས་རི་མོ་འབུར་འབུར་དུ་དོད་ཡོད།