ཨ་རིག་དགེ་མཐོང་།
སྤྱིར་བཏང་སྐྱེས་བུ་གང་ཞིག་ལ་གྲོགས་པོ་ཞེས་ཐ་སྙད་ཀྱིས་བསྙད་པའམ་བོས་ཚེ་དེ་ནི་སེམས་ཐག་ཉེ་བའི་གཏམ་དུ་ངེས། དེང་གི་བརྡ་འཕྲིན་དུས་རབས་འདིར་དྲ་གྲོགས་ཞེས་པ་ནི་ཧ་ཅང་རྒྱུགས་ཆེ་བའི་སྐབས་ཤིག་རེད། ཁོ་བོ་ནི་དྲ་བར་ཞུགས་ཏེ་བོད་ཡིག་བེད་སྤྱོད་གཏོང་མཁན་གྱི་ཐོག་མའི་གྲས་སུ་གཏོགས་པ་འདྲ་བོ་ཡིན་པས་ང་ལ་མཚོན་ན་དྲ་གྲོགས་ཞེས་འབོད་མཁན་ཧ་ཅང་མང་། ཕྱི་སྡོད་བོད་རིགས་ཚོའི་ནང་དུ་དྲ་གྲོགས་ཀྱི་གྲངས་ཧ་ཅང་མང་བའི་དབུས་ན་ནང་ བསྟན་གཞུང་ལུགས་དང་། བོད་ཀྱི་སུམ་རྟགས། སྙན་ངག་གཙོས་བརྡ་སྤྲོད་གཞུང་ལུགས་ཀུན་ཐུགས་སུ་ཆུད་པ། དེ་བཞིན་དེང་སང་འཛམ་གླིང་གི་སྤྱི་སྐད་ལྟ་བུའི་ཨིན་ཡིག་མཁྱེན་པའི་དྲ་གྲོགས་སྒོམ་སྡེ་ལྷ་རམས་པ་ལྟ་བུ་རེ་ཟུང་ཡིན།
