གཞས་གཏོང་མཁན། གངས་ཞུགས་དང་། སྒྲོལ་མ་སྐྱབས། རིག་འཛིན་སྒྲོལ་མ། སྒྲོན་པེ་སོགས།
སྐྱོ་བྲག་དགའ་དབང་།
རྒྱ་གར་ནས་དར་ཁྱབ་བྱུང་བའི་ནང་པ་སངས་རྒྱས་པ་ད་ལྟར་འཛམ་བུའི་གླིང་དུ་ཡོད་པ་ཀུན་ལས་མཆོད་པ་རྒྱས་སྤྲོས་ཆེ་ཤོས་ནི། བོད་ནང་པ་སངས་རྒྱས་པའི་སྲོལ་ལུགས་འདི་ཉིད་ཡིན། སྲོལ་ལུགས་འདི་ཉིད་བོད་པས་རྒྱས་སྤྲོས་སུ་བཏང་བ་ལས་རྒྱ་གར་རང་གི་ལུགས་ལ་མེད་པ་དང་། མདོའི་དགོངས་པ་དང་འགལ་བར་སྨྲ་མཁན་ཡང་ཡོད་མོད། ཏིང་འཛིན་རྒྱལ་པོའི་མདོ་ལས་ཚོགས་གསོག་གི་ཐབས་སུ་ཕྱི་དང་ནང་གི་བདག་ཉིད་ཅན་གྱི་མཆོད་པའི་ཁྱད་པར་མང་ལ་བཟང་བ་དགོས་པར། གདུགས་དང་རྒྱལ་མཚན་བླ་རེ་བ་དན་མཆོག །
ཧི་མ་ལ་ཡའི་འཕྲུལ་སྨྱུག
དེ་ལ་སྣོད་བཅུད་ཀྱི་རྣམ་གཞག་༼ལ་༽གཉིས་ཡོད་པ་ལས། དང་པོ། རང་ཅག་མིའི་རིགས་རྣམས་ཐུན་མོང་དུ་འཚོ་ཞིང་གནས་པའི་གཞི་རུ་གྱུར་པའི་ད་ལྟའི་འཇིག་རྟེན་འདི་ཉིད་ཐོག་མར་གང་ནས་བྱུང་བའི་ཚུལ་ལ། ཆོས་མངོན་པ་བ་རྣམས་ལྟར་ན། སྤྱིར་འཇིག་རྟེན་གྱི་ཁམས་ལ་ཐོག་མ་དང་ཐ་མའི་མཐའ་མེད་ཅིང༌། རྒྱ་ཚད་ཀྱང་གཞལ་དུ་མེད། ད་ལྟའི་འཇིག་རྟེན་འདི་ནི། འཇིག་རྟེན་གཞན་ཞིག་ནས་བར་གྱི་བསྐལ་པ་ཉི་ཤུ་ཐམ་པ་ལོན་པའི་རྗེས་སུ། ལས་ཀྱི་དབང་གིས་ཕྱོགས་བཅུའི་ནམ་མཁའི་ཁམས་ནས་རླུང་ཆེན་པོ་དག་ལྡང་སྟེ།
དེ་ལས་མང་བ་། “འཇིག་རྟེན་འདི་ཉིད་ཐོག་མར་གང་ནས་བྱུང་བའི་ཚུལ་མངོན་པའི་ལུཊ།” »
ཆབ་མདོ་ངག་ཕུན།
བོད་ཀྱི་ལོ་སར་སྐོར་ལ། །ཚིགས་སུ་བཅད་པའི་སྒོ་ནས།།
བོད་ཀྱི་དུས་ཆེན་ངོ་སྤྲོད། །གཞི་ལ་བཟུང་ནས་སྒྲིག་ཡོད།།
རང་རེའི་ན་གཞོན་རྣམས་ཀྱི། །ཆེད་དུ་དམིགས་པ་ཡིན་ནོ།།
ང་ཚོའི་བོད་ཀྱི་ལོ་སར། །གཏོང་སྲོལ་འདྲ་མིན་སྣ་ཚོགས།།
ཨ་འདུས་མིག་ཆུ།
སྒང་བ་བོད་པའི་ཕ་ཁྱིམ་བསྐྱུར་ནས་རྒྱང་ལ་ཆེས།།
མི་ཡུལ་ས་མཐའི་གནས་མལ་འགྲིམ་ནས་ལོ་མང་འདས།།
འཚོ་བ་སྡུག་པོའི་རླུང་དམར་ཁྲོད་ན་དཀའ་བས་བསྐྱོད།།
ཚོར་བ་སྐྱོ་བའི་རླབས་རྩེ་ཁྲོད་ན་མྱི་ཚེ་ཟད།།
གནས་ཚུལ་མཁོ་གཏོང་བ་རིག་པའི་ཁུ་བྱུག
ས་རཱ་བོད་ཀྱི་མཐོ་རིམ་སློབ་གཉེར་ཁང་གི་སློབ་མ་༤༠ལྷག་ཅིག་གིས་བོད་ནང་གི་ཛ་དྲག་གི་གནས་སྟངས་ལ་གདུང་སེམས་མཉམ་བསྐྱེད་དང་། རྒྱ་གཞུང་གི་དྲང་བདེན་མིན་པའི་ཁྲིམས་ལུགས་ལ་ངོ་རྒོལ་ཆེད་ལོ་སར་ཚེས་གཅིག་ཉིན་ཆུ་ཚོད་༢༤ རིང་ཟས་བཅད་ངོ་རྒོལ་གྱི་ལས་འགུལ་ཞིག་སྤེལ་བཞིན་ཡོད་འདུག དེ་ཡང་ཟླ་འདིའི་ཕྱི་ཚེས་༡༡ཉིན་ཏེ་བོད་ཆུ་སྦྲུལ་ལོའི་ལོ་སར་ཚེས་གཅིག་གི་ཞོགས་པར་ས་རཱ་བོད་ཀྱི་མཐོ་རིམ་སློབ་གཉེར་ཁང་གི་དང་བླངས་སློབ་མ་ཁག་ཅིག་གི་གོ་སྒྲིག་འོག མཐོ་སློབ་དེའི་སློབ་ཕྲུག་༤༠ ཡས་མས་ཤིག་གིས་མགོར་ལོ་སར་མི་གཏོང་ཞེས་བྲིས་པའི་ཐོད་རས་དཀར་པོ་རེ་དང་།
དེ་ལས་མང་བ་། “ལོ་གསར་ཚེས་གཅིག་ལ་ཟས་བཅད་ཆུ་བཅད་ཀྱི་ངོ་རྒོལ་གནང་འདུག” »
ཚུལ་ཁྲིམས་ཟླ་བ།
སྦྲུལ་གྱི་གནམ་ལོ་གནམ་ལ་ཚེས་དུས།།
སྨན་སྤྲུལ་སྔོ་སྐྱའི་མཆེ་བའི་བར་དུ།།
དུག་དང་འདྲ་བའི་རྒྱ་དམར་ཚུད་ནས།།
བཙན་གནོད་སྦྲུལ་དུག་ཞི་བར་གྱུར་ཅིག །
མི་ཉག་དུང་བརྡ།
གཅིག
བྱིས་པ་ཚོས་ཤོག་སྦག་སྤར་བའི་འུ་སྐད་ཁྲོད།
ཁྱོད་ཀྱིས་རང་ལུས་སྦར་བའི།
འ་ཆད་འུ་ཐུག་གི་རྣམ་ཤེས་འདི།
བཙན་པོའི་སྙིང་སྟོབས་ཀྱི་གྲལ་ལ་འཇུག་སྟེ།
ཡ་ཆུང་སྙིང་གི་འཕར་རྩ་ཡི་འོག་ནས་ལོ་སར་རོགས།
རྡོ་རྗེ་རྒྱལ་མཚན།
ཉིན་པར་བཀྲ་ཤིས་བགེགས་ཞི་བསམ་དོན་འགྲུབ། །མཚན་མོར་བཀྲ་ཤིས་རྨི་ལམ་བཟང་དགུ་མཐོང་། །དུས་ཀུན་བཀྲ་ཤིས་སྙན་གྲགས་རླུང་རྟ་སྤེལ། །རྣམ་ཀུན་བཀྲ་ཤིས་བདེ་ལེགས་འཕེལ་བར་ཤོག། །ལྷ་ཡི་བཀྲ་ཤིས་ངོ་མཚར་འབྲུག་ལྟར་སྒྲོགས། །ཀླུ་ཡི་བཀྲ་ཤིས་དཔལ་འབྱོར་མཚོ་ལྟར་བསྐྱིལ། །མི་ཡི་བཀྲ་ཤིས་དཀར་ཆོས་རྣམ་པར་འཕེལ། །ཀུན་ཀྱང་བཀྲ་ཤིས་ཆོས་སྲིད་བརྟན་པར་ཤོག། །བླ་མའི་བཀྲ་ཤིས་བྱིན་རླབས་སྤྲིན་ཕུང་འཁྲིགས། །ཡི་དམ་བཀྲ་ཤིས་གྲུབ་གཉིས་ཆར་དུ་བསྙིལ། །མཁའ་འགྲོའི་བཀྲ་ཤིས་འཕྲིན་ལས་རྩི་སྨན་རྒྱས། །རྩ་གསུམ་བཀྲ་ཤིས་དོན་གཉིས་ལྷུན་གྲུབ་ཤོག །
བྲག་རྗེ་སྐལ།
ལོ་སར་བརྗེད་དུ་མ་འཇུག་ལོ་སར་བསུས།།
རབ་གནས་ཆུ་སྦྲུལ་ལོ་ཡི་ལོ་སར་བསུས།།
བོད་མའི་ལས་དབང་སོམས་ནས་ལོ་སར་བསུས།།
མི་རིགས་ལ་རྒྱ་སོམས་ནས་ལོ་སར་བསུས།།
ཨེ་མ་ཧོ།
ཕྱོགས་དུས་རྒྱལ་ཀུན་རྩ་གསུམ་ཆོས་སྐྱོང་གི། །
ཐུགས་རྗེ་བྱིན་རླབས་གཅིག་ཏུ་བསྡུས་པའི་སྐུ། །
སྐྱབས་གཅིག་མཚོ་སྐྱེས་རྡོ་རྗེ་དྲིན་པོ་ཆེ། །
གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །
དེ་ལས་མང་བ་། “༄༅། །གུ་རུ་པདྨ་འབྱུང་གནས་ལ་སྨོན་པ་རིག་འཛིན་དགྱེས་པའི་ཞལ་ལུང་།” »
པཀྵི།
རང་སྲེག་གི་མེ་ལྕེ་མཆེད་པ་ནས་ད་ལྟའི་བར་བོད་མི་བརྒྱ་ལ་ཉེ་བ་ཞིག་གི་སྐུ་སྲོག་བཏང་ཟིན། ཡིན་ནའང་། བོད་ཀྱི་གནད་དོན་ཐོག་དོན་ཕན་ལྡན་པའི་ནུས་པ་མིག་མཐོང་ལག་ཟིན་ཡོད་པ་ཞིག་མ་བྱུང་བས། མང་པོ་ཞིག་གིས་རང་སྲེག་མཚམས་འཇོག་ཡོང་བའི་འབོད་སྐུལ་ཞུ་བཞིན་འདུག འབོད་སྐུལ་ཞུ་མཁན་ཚོར་མཚོན་ནའང་བོད་ལ་ཤ་ཚ་མཁན་དང་སྙིང་ཉེ་མཁན་ཞེ་ཅིག་ཡིན་པ་དང་། བོད་མི་གཅིག་གི་ཚེ་སྲོག་ཤོར་སོང་ནའང་མཆིན་པ་གཏིང་འོག་བརྗེ་བ་ལྟ་བུའི་ཚོར་སྣང་ཡོད་མཁན་རྐྱང་ཡིན་པས་ངས་ཁོང་ཚོའི་བཞེངས་ཕྱོགས་དང་དགོངས་ཚུལ་ལ་བརྩི་བཀུར་ཞུ་རྒྱུ་ཡིན།
སྐྱོ་བྲག་དགའ་དབང་།
དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གི་མཚན་ཐོག་ནས་གསལ་བསྒྲགས་ཤིག་སྤེལ་ཏེ། འདས་ལོར་བོད་མི་མང་པོས་རང་ལུས་མེར་སྲེག་གིས་རྒྱ་གཞུང་ལ་ངོ་རྒོལ་གནང་བར་བོད་རིགས་ཡོངས་ཀྱིས་གདུང་སེམས་མཉམ་བསྐྱེད་ཞུ་ཆེད། བོད་རྒྱལ་ལོ་ ༢༡༤༠ ལོའི་ལོ་གསར་སྐབས་ཆོས་ཕྱོགས་དང་སྲོལ་རྒྱུན་གྱི་བྱེད་སྒོ་ལས། སྤྲོ་སྐྱིད་དང་རྒྱས་སྤྲོས་རིགས་མི་གནང་བའི་འབོད་སྐུལ་ཞུས་ཡོད།
གཅན་འོད་འབར།
འཁྲུལ་སྣང།
དང་པོ་མཛེས་མར་མཐོང་དུས་སྣང་བ་འགྲོ་འདྲ།།
གཉིས་པ་མཛངས་མར་སྣང་དུས་བརྩེ་བ་ཡོད་འདྲ།།
གསུམ་པ་མཛའ་མོར་བསམ་དུས་ཞེ་འདང་མོད་འདྲ།།
མཐའ་མར་ཞིབ་ཏུ་བསམ་ན་སྣང་བ་འཁྲུལ་འདུག།།
གྲིབ་གཟུགས།
—–དོལ་སྨྱོན་གྱི་དགའ་མར་ཕུལ་བ།
ཉམ་ཆུང་བཞིན་རས་གོར་མོ་སྙིང་ལ་རྗེ་བོ།།
འཛུམ་པའི་མེ་ཏོག་གསེར་ཆུང་སེམས་ལ་འབབ་པོ།།
མཐོང་ན་མི་མཐུན་མེད་པའི་རང་གཤིས་འཇམ་པོ།།
ང་ཡི་སེམས་ཀྱི་གཅེན་མོ་མཚམས་གཅོད་སྒྲོལ་མ།།
སྤྲུལ་སྐུ་དབང་ཆེན།
ཁ་བ་ཅན་གྱི་མཚོ་ནི་བསྐམས་གྱུར་ནས།།
ཁ་བའི་འདབ་རོལ་སཱ་ལའི་སྨན་ལྗོངས་བཞད།།
ཁ་བའི་རྭ་བ་རིང་མོའི་མུ་ཁྱུད་ཀྱིས།།
ཁ་བའི་ལས་དབང་སྲུང་བར་ཕྱོགས་ཀུན་མཚར།།
རིག་པའི་རྡོ་རྗེ།
བོད་རྒྱལ་ལོ་ ༢༡༤༠ ཐམ་པའི་ལོ་སར་སྐོར་ལ་བསམ་ཚུལ་ཐུང་ཐུང་ཞིག་བཤད་ན། ཟླ་༢ ཚེས་༥ ཉིན། བོད་གཞུང་གི་༼བཙན་བྱོལ་གཞུང་བོད་གཞུང་ནམ་ཡང་ང་ཚོའི་གཞུང་ཡིན།༽བཀའ་བློན་ཁྲི་བ་༼བཀའ་བློན་ཁྲི་བའི་མཚན་གནས་བོད་ཀྱི་ལོ་རྒྱུས་དང་ཁ་བྲལ་ཐབས་མེད།༽མཆོག་གིས། ཡོངས་ཁྱབ་གསལ་བསྒྲགས་སྤེལ་ཏེ། ད་ལོར་བོད་གཞིས་བྱེས་གཉིས་ཀར་སྲོལ་རྒྱུན་ཆོས་ཕྱོགས་ཀྱི་མཛད་རིམ་ཁག་ལས། ལོ་སར་ལ་སྤྲོ་སྐྱིད་མ་གཏོང་ཞེས་བཀའ་ཁྱབ་བཏང་ཡོད། སྤྱིར་བཏང་མང་གཙོའི་གཞུང་ཞིག་གིས། མང་ཚོགས་ལ་གནས་ཚུལ་ཁྱབ་བསྒྲགས་བྱེད་རྒྱུ་ཙམ་ལས། བཀའ་ཁྱབ་གཏོང་རྒྱུ་ཉུང་ཉུང་ཡིན་མོད།
སྤྱན་ཆབ།
༡༽
ལོ་སར། ཁྱོད་ཀྱི་སེམས་པས་ཀྱང་ཚོར་ཡོད་སྲིད།
བྱིས་པ་ཚོས་རྨི་ལམ་ནས་ཉིན་མོ་མཛུབ་རྩིས་བརྒྱབ་མྱོང་བའི་ལོ་སར།
ན་ཟུག་གིས་འགྱོད་གདུང་དག་མིག་སྔ་རུ་བསྐྱལ་ཡོང་བའི་ལོ་སར།
འཁྱམས་པོ།
མཆུ་རྩི་དམར་པོས་སྤྲོས་པ།
ད་ལོ་འུ་ཚང་ལ་ལོ་གསར་མེད།
དོ་ནུབ་ང་ཚོ་ལ་སྤྲོ་འཚོགས་བྲལ།
ཤུགས་ཀྱིས་འཁྱུད་དེ་དམ་པོར་སྦྱར་པས་ཁྱོད་ཀྱི་མཆུ་སྒྲོས།
ངའི་འགྲམ་པའི་མཁུར་མགོ་ན།
མཆུ་རྩི་དམར་པོས་སྤྲོས་པ་སྟེ་རྗེས་ཤུལ་མངར་མོ།
རེབ་ཐོག་མདའ།
ལོ་གསར མི་བུ་བརྒྱའི་ཁ་ཆེམས་དང་མཉམ་ཏུ
ལོ་གསར མཐོ་སྒང་གངས་རིའི་ན་ཟུག་དང་ལྷན་ཏུ
གླུ་ལེན་བཞིན བྲོ་འཁྲབ་བཞིན
བྱིས་པ་ཚོའི
རེ་སྒུག་གི་མིག་ཟུང་འཛུམ་གྱིས་བཞད་ན་ཡང
མནའ་མ་ལེན་བཞིན བུ་སྟོན་བྱེད་བཞིན
ཨ་རག་ཅུང་ཙམ་འཐུང་དགོས་པ་བདེན་ཡང
བདག་ལ་ད་ལོ་ལོ་གསར་མེད
