འཁྱམས་པོ། ས་གནས་ཡོ་རོབ་གླིང་།

ཀ་ཁའི་མགོ་སྔ་མི་སློབ་གངས་ཅན་པ།།
ཁ་འདོན་དགེ་སྒྲུབ་ཁོ་ནར་མགོ་འཁོར་ནས།།
ག་རེ་བྱུང་ཡང་ལྷ་ཡིས་ལུང་བསྟན་ཞེས།།
ང་ཚོས་རྩ་དོན་སྲུང་མའི་ལས་ལ་བཅོལ།།

དེ་ལས་མང་བ་། “ཀ་ལིས་བསྐུར་བ།” »

ཁ་བའི་འབྲོག་མོ།

སིལ་སྒྲ་གོ་བ་དང་མཉམ་དུ།།
སྙིང་ཆུང་འཕར་ལྡིང་ཞིག་མྱུར་བྱུང་།།
རྒྱང་རིང་མཛའ་བརྩེ་ཡི་དྲིལ་བུ།།
བསིལ་རླུང་གཡོ་བ་དང་བསྡོངས་སོང་།།

དེ་ལས་མང་བ་། “གདུང་བའི་རྒྱངས་གླུ” »

བདེ་ལྡན།

ཡོད་ཚད་རྨི་ལམ་ལ་ཆས་སོང་བའི་ནམ་གུང་དེར།
ཆར་རྒྱུན་གྱི་ཆུ་ཟིལ་ལྟ་བུའི་མིག་ཆུ་རྡོག་པོ་རེ།
ག་ལེར་ག་ལེར་སུ་ཞིག་གི་འགྲམ་རྩར་ཐིམ་ཡོད་པ་ཨེ་ཤེས།
མིག་ཆུ་དེ་ནི་རང་བཞིན་ཞིག་ག་ལ་ཡིན།

དེ་ལས་མང་བ་། “མིག་ཆུ་དེར་སུ་ཞིག་གིས་བདག་པོ་བྱེད།” »

གྲིབ་གཟུགས།

རླུང་བུ་སིར་སིར་གདོང་ལ་ཕོག་དུས་འཁྱག་སྣང་ཅུང་ཟད་སྟེར་མོད་ཀྱང་།།
དར་ལྕེ་ལྷབ་ལྷབ་གཡོ་བའི་མཛེས་པས་ཁྲ་ཆུང་མིག་ལ་དགའ་བ་འབྱིན།།
རྒྱང་རིང་རི་བོའི་དབུ་འཕང་དག་ནི་འདབ་དྲུག་ཁ་བའི་རྩེད་ར་སྟེ།།
ཡང་ཞིང་གཡོ་བའི་བསིལ་རླུང་དང་ལྷན་དལ་བབ་སྒེག་པ་ངོམ་གྱིན་འདུག །

དེ་ལས་མང་བ་། “ཁ་བར་བཅངས་པའི་སེམས་འདུན།” »

—བོད་ཀྱི་དེང་རབས་མི་ཚུལ་རིག་པའི་ཕ་ཡབ་ཏུ་འབོད་པའི་མདོ་སྨད་པ་དགེ་འདུན་ཆོས་འཕེལ་མཆོག་ལ་རྗེས་དྲན་གྱི་ཚུལ་དུ་ཕུལ།
བཀྲ་ཤིས་དོན་འགྲུབ།

ཡོད་ཚད་གཉིད་དུ་ཡུར་བའི་མཚན་མོ་དེར
ཁོར་ཡག་དེ་ཧ་ཅང་སོས་དལ་ཞིང་ཁུ་སིམ
སྐབས་དེ་དུས་ཁྭ་ཏ་ལྟ་བུའི་ཁྱོད་ཀྱིས
རྟོགས་སད་ཀྱི་གཤོག་ཟུང་སྨག་ལ་འབྲབ་བཞིན

དེ་ལས་མང་བ་། “བདག་གི་མེས་པོ་དགེ་འདུན་ཆོས་འཕེལ།” »

རེབ་ཐོག་མདའ།

ཞོགས་པའི་སྐྱ་རེངས་མལ་དུ་བསྐྱུར་དེ་རི་ཆེན་གོམ་པས་ཐད་ཀྱིས་བཅད།།
མགོ་སེར་བུ་མོའི་འཛུམ་ཆུང་འཐུང་བཞིན་ཁ་བརྡའི་སྣེ་མོ་བརྩེ་བས་གླན།།
ཉི་མའི་འོད་ཐིག་གདོང་ལ་ཕོག་པས་རྔུལ་ཆུའི་ཐིགས་པ་སྐྲ་རྩེར་ལྷུང་།།
དབྱར་གྱི་ཞོགས་པའི་དུད་སྤྲིན་ཀློང་ན་རྡ་སའི་ཁོར་ཡུག་ཁུ་སིམ་གདའ།།

དེ་ལས་མང་བ་། “བདག་དང་ཞོགས་པ། ད་དུང་གཞན་དག” »

ཀླུ་སྨྱོན་ཧེ་རུ་ཀ

ཉི་མ་དྲོ་དུས་ཅི་ཞིག་བྱེད་དགོས།
མཚོ་འགྲམ་དུ་སྤྲོ་འཆམ་ལ་བསྐྱོད་དགོས།
དེ་རུ་འོད་ཀྱིས་སྒེག་པའི་རྦ་རླབས་རེ་རེའི་ལྟེབ་ཁུག་ན།
མཛེས་མ་རེ་རེའི་མྱོས་བུམ་ལྷུག་ལྷུག་ཏུ་འཁྱོམ་བཞིན་ཡོད་ལ།
དེ་རུ་མེ་ལྟར་ཚ་བའི་བྱེ་ཟེགས་ཀྱི་གདན་སྟེང་དུ།
མཛེས་མ་རེ་རེའི་འཕོང་ཚོས་དང་སྒལ་གཞུང་གིས་ཁྱོད་ལ་བསྒུགས་ཡོད།

དེ་ལས་མང་བ་། “ཉི་མ་དྲོ་དུས།” »