གཅན་འོད་འབར།
ཐག་རིང་ཐག་རིང་ཞིག་དུ་བསྡད་ནས།
བརྩེ་ཁུལ་གྱིས་ཁྱེད་རང་གླེང་མཁན་ཧ་ཅང་མང་ལ།
ཐག་ཉེ་ཐག་ཉེ་ཞིག་ཏུ་བཅར་ནས།
དུངས་མདོག་གིས་ཁྱེད་རང་འཆད་མཁན་ཡང་ཤིན་ཏུ་མོད།
སྟོང་བའི་རྐང་མར། ( ཞར་བཀོད་གཅིག )
བོན་རྒྱ་བསྟན་འཛིན་རབ་རྒྱས།
གཉེན་གྲོགས་སྐྱོབ་ལ་ལྷག་པར་མ་ཆགས་བརྩེ་བ་ཆེན་པོའི་སྟོང་བ་ཉིད། །
ཡིད་འོང་འཛུམ་གྱི་དར་ཆ་མ་འཕྱར་ཡིད་འོང་བྱམས་པའི་ཕྱག་རྒྱ་ཆེ། །
སྣང་ཞིང་སྟོང་བའི་དེ་ཉིད་གཟིགས་པ་རྫོགས་པ་ཆེན་པོའི་རྐང་གི་མར། །
གནས་ལུགས་རྗེན་མའི་ཟླ་བ་དཀར་པོར་བསིལ་བའི་གྲུ་ཆར་ཇི་ཡང་འཇོ། །
སྟོན་པ་རྙེད་པའི་བསྒྲགས་གཏམ།
འབའ་པ་སྐལ་བཟང་འཕྲིན་ལས།
___བདག་གི་བླ་མ་བདག་ཉིད་ཆེན་པོ་༧གོང་ས་རྒྱལ་དབང་ཡིད་བཞིན་ནོར་བུ་མཆོག་གི་འཁྲུངས་སྐར་བསུ་བ།
ཚན་པ་དང་པོ། ཞི་བདེའི་སྟོན་པ།
ཁྲག་སྦྱོར་འཕྲལ་ཕུགས་བརྒྱུད་ལམ་སྤྱད་ནས་གནད་དོན་མཐའ་གཅོད་བྱས་པ་ཡི།།
ཉེར་གཅིག་དུས་ཀྱི་ངེས་མེད་འཕར་མཆོང་མིག་མདས་དེད་ནས་མཐར་གཏུགས་དུས།།
སྣོད་བཅུད་གཉིས་ཀ་ཀླད་ཀོར་གྱུར་བའི་མིག་དཔེ་སྟོང་གི་མཇུག་ཐོགས་སུ།།
ཞི་བདེའི་ལས་ཀྱིས་གོ་ལ་བསྐོར་བའི་ཐབས་ཚུལ་ཞིག་གིས་དཔེ་བརྗོད་བཞག།
མཛད་བརྒྱད་ཡིད་ཀྱི་མེ་ཏོག
འབའ་པ་ཡེ་ཤེས།
༡ སྐུ་བལྟམས་པའི་མཛད་པ།
ཀ་ཁ་ག་ངའི་རིག་གཞུང་དར་ཡུལ་གངས་རིའི་བསྐོར་བའི་ཡུལ་ལྗོངས་སུ།།
ཁ་བ་རི་པའི་སྐྱེ་རྒུ་རྨོངས་ཅན་འདོད་པའི་བྲན་གཡོག་འགྲོ་བ་དང།།
ག་ན་པ་ཌའི་བསྟན་པ་ཕྱིར་ཏུ་ལྟག་མཚེར་ཡུལ་དུ་སྐུ་འཁྲུངས་པ།།
ང་ཡི་བླ་མ་འདི་ཕྱིའི་༸སྐྱབས་མགོན་བསྟན་འཛིན་རྒྱ་མཚོར་སྙིང་ནས་བཏུད།།
བྱ་དགའ་ཡོད་པའི་བྱིས་སྒྲུང་རྩོམ་རིག་འགྲན་བསྡུར་གྱི་གསལ་བསྒྲགས།
མཁོ་གཏོང་བ། གཡག་རྒོད་རྩོམ་རིག་ཚོགས་ཆུང་།
བྱ་འགུལ་འདི་སྤེལ་དགོས་པའི་དམིགས་ཡུལ་ནི། བོད་ཕྱི་ལོགས་ན་ཡོད་པའི་བོད་མིའི་སྤྱི་ཚོགས་ཁྲོད་ན་ཆུང་བྱིས་པའི་རིག་གནས་ལ་མཐོང་ཆེན་གྱི་གོམས་གཤིས་ཡིད་ལ་འཇགསཔར་ཕན་གྲོགས་སུ་འགྱུར་བ། བོད་ཕྱི་ལོགས་ན་ཡོད་པའི་བོད་ཀྱི་བྱིས་པ་ཚོས་བོད་ཀྱི་སྐད་ཡིག་ལ་སློབ་སྦྱོང་བྱེད་པར་སྤྲོ་སྣང་ཆེ་རུ་འགྲོ་བར་ཕན་པ། ལྷག་པར་དུ་གཉན་འཕྲང་ཆེ་བའི་དུས་སྐབས་འདིར་བོད་ཀྱི་སྐད་ཡིག་རིག་གནས་ལ་བརྩོན་པ་ཆུ་བོའི་རྒྱུན་ལྟར་སྐྱོང་བཞིན་པའི་བོད་ཀྱི་ན་གཞོན་རྣམས་ལ་
དེ་ལས་མང་བ་། “བྱ་དགའ་ཡོད་པའི་བྱིས་སྒྲུང་རྩོམ་རིག་འགྲན་བསྡུར་གྱི་གསལ་བསྒྲགས།” »
༅༅།། འཆི་ཡུལ་ནས་ཕྱིར་ལོག་པ། རྫུ་འཕྲུལ་གྱི་བུ། དངོས་མཐོང་བདེན་དཔང་། ལེའུ་བཅུ་གཉིས་པ།
རྔ་བ་རྒྱལ་ཁམས་པ།
ད་ནི་ཤི་གསོན་གྱི་སོ་མཚམས་འདི་ན་ཕན་ཐོགས་ངེས་ཤིག་ཡོད་པ་ནི། དམ་པའི་ལྷ་ཆོས་ལས་གསུངས་པའི་སྐྱེ་འཆིའི་བློ་སྦྱོང་གི་རྣམ་བཞག་ཁོ་ན་རེད། ངས་རང་གིས་ཤེས་ཚོད་ཀྱིས་སྐུ་གསུམ་ལམ་འཁྱེར་དང་། བར་དོ་ཐོས་གྲོལ་གྱི་རྣམ་བཞག ཟབ་ལམ་འཕོ་བའི་ཆོས་སྐོར་བཅས་ཡིད་ལ་ཤར་སྒོམ་ཞིག་བྱས། བུའི་རྣ་བ་གཡོན་མའི་ནང་སྐད་གདངས་དྲག་ཞན་རན་པ་ཞིག་གི་ཐོག སྐད་ཆ་འདི་དག་བཤད་པ་ཡིན།
དེ་ལས་མང་བ་། “༅༅།། འཆི་ཡུལ་ནས་ཕྱིར་ལོག་པ། རྫུ་འཕྲུལ་གྱི་བུ། དངོས་མཐོང་བདེན་དཔང་། ལེའུ་བཅུ་གཉིས་པ།” »
སྨྱུག་སྡེའི་སྙན་ངག་ཚགས་ཤོག་འགྲེམ་སྤེལ་བྱས་པ།
གངས་རིའི་མིག་གཅིག
སོག་མདའ།
ངོ་མཚར་རྟགས་དང་བཅས་དེ་སྐུ་བལྟམས་པས།།
ཤར་ཕྱོགས་མདོ་སྨད་སྟག་འཚེར་ཁྱིམ་གཞིས་ནས།
འཛམ་གླིང་ཞི་བདེའི་དེད་དཔོན་བླ་མེད་མཆོག །
བསམ་བཞིན་ཡུལ་འདིར་འཁྲུངས་པས་སྐལ་བ་བཟང་།།
༸སྐུའི་འཁྲུངས་སྐར་གྱི་དགའ་སྟོན་ལ།
མི་ཉག་དུང་བརྡ།
ས་ཆེན་གྱི་གྲུ་ཟུར་ཞིག་ན།
མཐོ་སྒང་གི་རྩིབ་རུས་ཤིག་་ན།
རང་དབང་གི་པད་འདབ་ཅིག་ལ་བརྫུན་ཏེ་འཁྲུངས་པའི།
ཐེའུ་གསར་ཞིག་གམ།
ཡང་ན། ཁྱེའུ་ཞིག་གི་འཁྲུངས་སྐར་བསུ་རུ་འགྲོ །
ཞོགས་ཆར་ཁྲོད་ཀྱི་དེ་རིང་གི་སའི་གོ་ལ།
༧རྒྱལ་བ་རིན་པོ་ཆེའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ།
ཨེ་མ་ཧོ།
ཨེ་ཝྃ་རིག་པའི་རྟེན་འབྱུང་རྒྱལ་བའི་ལམ།།
ཇི་བཞིན་མངོན་གཟིགས་འགྲོ་ལ་སྟོན་མཁས་པ།།
འཛམ་གླིང་ཞི་བདེའི་འདྲེན་པ་རྒྱལ་བའི་སྲས།།
བསྟན་འཛིན་རྒྱ་མཚོའི་བཞེད་དོན་ལྷུན་གྲུབ་ཤོག །
གང་གི་ཐུགས་བསྐྱེད་སྨོན་ལམ་རྣམ་དག་གིས།།
གངས་ཅན་འགྲོ་ཁམས་གཟིགས་པར་ཞལ་བཞེས་བཞིན།།
དེ་ལས་མང་བ་། “༧རྒྱལ་བ་རིན་པོ་ཆེའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ།” »
གསོལ་འདེབས་རྟ་ཐོག་མ།
དགེ་འདུན་རྒྱ་མཚོ།
སོར་བཅུའི་འདབ་མ་སྙིང་ཀར་བསྣོལ་ཏེ་གང་ལ་དམིགས་པའི་ལྷའི་དཀྱིལ་འཁོར།།
ཁྱབ་བདག་དང་པོའི་མགོན་པོ་མཆོག་ཉིད་མི་ཡི་གར་དུ་བསྒྱུར་བའི་སྲོལ།།
སེམས་འཛིན་སྲོག་གི་ཐིག་ལེ་ལ་ཞུགས་གདེངས་ཀའི་སྦུབས་རྒྱ་ཀུན་བྲལ་ཏེ།།
ལོག་ལྟའི་མགོ་བོ་ས་ལ་བསྙིལ་དེས་མི་ཕྱེད་དད་པས་ལན་བརྒྱར་འདུད།།
“རྒྱལ་བ་རིན་པོ་ཆེ་མཆོག་གི་མཛད་རྣམ་མདོར་བསྡུས།
ཆབ་མདོ་ངག་དབང་ཕུན་ཚོགས།
—–སྐུའི་འཁྲུངས་སྐཪ་དུས་ཆེན་ལ་ཕུལ།
སྔོན་གླེང༌།
ཕྱི་ལོ་༡༩༥༩ བོད་ས་ཡོངས་རྫོཌ་དགྲ་ལག་ཏུ་ཤོར་ཏེ་བོད་མི་རིགས་ཀྱི་ལོ་རྒྱུས་ནང་དུ་བྱུང་མྱོང་མེད་པའི་ཁྲག་དང་མིག་ཆུའི་འཚོ་བ་རོལ་དགོས་པའི་གནས་སྟངས་སུ་གྱུར་ནའང་། ྋརྒྱལ་བ་རིན་པོ་ཆེས་གཙོས་པའི་སྐུ་འཁོར་ཧྲག་བསྡུས་ཤིག་ངལ་བ་བརྒྱ་ཕྲག་དང་དུ་བཞེས་ཏེ་བོད་མི་རིཌ་དང་སངས་རྒྱས་བསྟན་པའི་དོན་དུ་ཁྱིམ་མཚེས་རྒྱལ་ཁབ་རྒྱ་གར་འཕཌ་པའི་ཡུལ་དུ་བཙན་བྱོལ་དུ་ཕེབས་དགོས་བྱུང༌།
དེ་ལས་མང་བ་། ““རྒྱལ་བ་རིན་པོ་ཆེ་མཆོག་གི་མཛད་རྣམ་མདོར་བསྡུས།” »
༧གོང་ས་མཆོག་གི་འཁྲུངས་སྐར་བསུ་བའི་སྙན་རྩོམ།
༼བོད་མིའི་བླ་ན་མེད་པའི་དབུ་ཁྲིད་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་༧༨ བཞེས་པའི་སྐུའི་འཁྲུངས་སྐར་ལ་དྲ་གྲོགས་སྐོར་ཞིག་གིས་དགའ་བསུ་ཞུ་བའི་སྙན་རྩོམ་འགའ་ཞིག༽
མཁོ་གཏོང་བ། འཇིགས་བྲལ་བསྟན་འཛིན།
བགྲེས་པའི་ལོ་ལ་གཞོན་ཤའི་མེ་ཏོག་བཞད།།
ཞི་བདེའི་འོད་སྣང་གོ་ལའི་མཁའ་ནས་སྤྲོས།།
ས་སྟེང་འདི་ན་འཚོ་བའི་སྟོན་པ་ཞིག།
ད་ལྟ་རྒྱ་གར་ཡུལ་ན་མཆིས་སོ་སྐད།།
དེ་ལས་མང་བ་། “༧གོང་ས་མཆོག་གི་འཁྲུངས་སྐར་བསུ་བའི་སྙན་རྩོམ།” »
གངས་རིའི་མགོན་པོར་འདུད།
ས་འཛིན་དཀར་པོ།
རྒྱལ་བསྟན་བསྟན་པའི་སྒྲོན་མེ་འཕགས་མཆོག་རྗེ།།
འགྲོ་ཀུན་ཀུན་མཁྱེན་བྱམས་ལྡན་མགོན་པོ་མཆོག །
རྗེ་བཙུན་བཙུན་པ་འཕཊ་མཆོག་སྤྱན་རས་གཟིཊ།།
མ་བཅོས་བཅོས་མིན་གངས་ཅན་མགོན་པོར་འདུད།།
༧མགོན་དེའི་འཁྲུངས་སྐར་བསུ།
འཁྱམས་པོ།
བདུན།༧།
ནོར་བུ་འཁོར་ལོ་ཐབས་མཆོག་བློན་པོ་དང་།།
དམག་དཔོན་རྟ་དང་ཁྱུ་མཆོག་གླང་བོ་སྟེ།།
ཡིད་འོང་མཛེས་པའི་བཙུན་མོ་རིན་ཆེན་སོགས།།
རྒྱལ་སྲིད་བདུན་གྱིས་༧མགོན་དེའི་འཁྲུངས་སྐར་བསུ།།
འཁྲུངས་སྐར་ཤིས་ཚིག
དགའ་ཉག་འཁྱམ་པོ།
རབ་དཀར་གངས་རིའི་ཡུལ་ནས་དགོས་དབང་གིས་ཐོལ་གྱིས་ཕེབས་ཏེ་ས་ཆེན་ཞི་བདེའི་དཔལ་ལ་ཡོངས་སུ་འགོད་པའི་དཔལ་ལྡན་བླ་མ་དམ་པ། ཡོངས་རྫོགས་བསྟན་པའི་མངའ་བདག་༧སྐྱབས་མགོན་ཡིད་བཞིན་ནོར་བུའི་སྐུ་ཡི་འཁྲུངས་སྐར་ལ་སྙིང་ནས་འཚམས་འདྲི་དང་གུས་འདུད་ཞུ།
རྣམ་འབྱེད་ཤེས་རབ་ཟབ་མོ།།
བརྩེ་ཆེན་ཀློང་ནས་རྡོལ་ཏེ།།
ངའི་རྒྱབ་རི།
ཐེ་བོ་ཤེས་རྒྱ་མཚོ།
༧གོང་ས་མཆོག་དགུང་ལོ་༧༨ ལ་ཕེབས་པའི་སྐུའི་འཁྲུངས་སྐར་ལ་བསུ་བ་ཞུ།
མི་ཡི་ཉི་མ་ཁྱོད་སེམས་ལ་ཤར་བས།།
སྡུག་བསྔལ་ལོ་ཟླ་དག་སྐྱིད་ཀྱིས་བསྐྱལ་ཡོད།།
རྒྱབ་རི་བཀན་མོ་ཁྱོད་བརྟན་སེ་ལངས་པས།།
ང་ཡང་ས་མཐའ་ན་འབྲོང་བཞིན་འགྱིང་ཡོད།།
འཁྲུངས་སྐར་ལ་བཏེགས་པའི་སེམས་ཀྱི་མཆོད་ཆང་།།
འཆི་བདག་སྐྱབས།
སྐུ་གཟུགས་ཉིན་བྱེད་དབང་པོ་མདོ་སྨད་དུ་འཆར་ཡང་།།
འཚེ་བས་འཁྱགས་སུ་སྦྲུམ་པའི་འཛམ་གླིང་གི་སྐྱེ་འགྲོར།།
ཞི་བདེའི་དྲོད་རླབས་འཕྱུར་བའི་བཀའ་དྲིན་ལ་དམིགས་ནས།།
སྐལ་བཟང་འཁྲུངས་སྐར་ཉིན་མོར་གྲངས་མེད་ཀྱི་འཚམས་འདྲི།།
ཉི་མ་ལགས།
རིགས་གྲོལ།
སང་ཉིན་འཛམ་གླིང་ཉི་མའི་འཁུངས་སྐར་རེད། བདག་གིས་ཁོང་སྐུ་ཚེ་བསྐལ་བརྒྱར་བརྟན་པའི་སྨོན་ལམ་ཞུ།
ས་གཞི་མཐའ་དག་འཁྱག་གིས་བསྡམས་དུས
ཁྱོད་ཀྱི་བྱམས་བརྩེ་ཡིས་དྲོད་འཁོལ་སྦྱིན
འཇིག་རྟེན་གོར་མོ་སྨག་གིས་བཀླུབས་དུས
ཁྱོད་ཀྱི་ཟེར་འོད་ཀྱིས་མུན་པ་སེལ
དུས་ཆད།
ཀླུ་སྨྱོན།
ཁ་སང་། ངས་མི་ཞིག་ལ་དུས་ཆད་བཏབ་ཡོད།
དེ་ནི་སྒྲ་འཇུག་ཁང་གི་མི་དེ་ཡིན།
ངའི་འོད་སྡེར་སྔོན་མ་གཉིས་ཀྱང་ཁོས་སྒྲ་འཇུག་བྱས་པ་ཡིན།
འོད་སྡེར་གསུམ་པ་འདི།
གཟུངས་སྔགས་སྣ་ཚོགས་སྒྲ་འཇུག་བྱེད་དགོས།
