རྩམ་ཕྲུག
ཀུན་དགའ་དོན་འགྲུབ་ཡོད་ན།།
ཀུན་གྱི་དགའ་བསྟོད་བྱེད་ཡུལ།།
ཀུན་དགའ་མེད་མཁན་རྣམས་ནི།།
ཀུན་གྱི་སྡང་སྨད་བྱེད་ཡུལ།།
བདག་གི་སྟོན་པས་བདག་ལ་དགོངས་དག་གནོངས།།༼བོད་འབྱོར།༽
འཆི་བདག་ཚང་།
རྡུལ་དང་འདྲེས་པའི་འཇིག་རྟེན་རྣམ་བཞག་ལ།།
ཕངས་བའི་ཕྱི་མིག་ཙམ་ཡང་མ་བལྟས་པར།།
དམིགས་པ་འོད་དང་ལྷན་ཅིག་བསྲེས་པ་ཡི།།
བདག་གི་སྟོན་པས་ཐུགས་རྗེ་སྐྱབས་ཀྱིས་ཟུངས།།
དེ་ལས་མང་བ་། “བདག་གི་སྟོན་པས་བདག་ལ་དགོངས་དག་གནོངས།།༼བོད་འབྱོར།༽” »
དྲིལ་ལྕེ། ཚན་པ་གཉིས་པ།༼གྲྭ་སྒྲུང་ཞིག༽
དྲིལ་ལྕེ།
༼ཀ༽
ཆུ་མ་ཐང་སྡེ་བ་ནི་སྔོ་ལྗང་ལྗང་གི་སྡེ་བ་ཞིག་ཡིན་ཟེར་ཆོག སྡེ་འདིའི་འཚོ་རྟེན་ནི་ཞིང་ལས་གཙོ་བྱས། སྒོ་ཟོག་ཀྱང་ཡོད། དུད་ཁྱིམ་རེ་ལ་གཡག་དང་ལུག འབྲི་དང་འཛོ་མོ་ཁ་ཤས་ཀྱང་ཉར་བ་དང་། མདུན་རི་མཐོ་པོ་དེ་ཤིང་ནགས་ཀྱིས་བཟུང་ཡོད། དེ་བས་དཔྱིད་ཀ་དང་དགུན་ཁ་ལ་སྐྱ་སེང་སེང་གི་ཞིང་ག་དེ་མ་གཏོགས། མདུན་རིའི་གསོམ་དཀར་དང་ཐང་ཤིང་། ཤུག་སྡོང་། སྟག་མ། སྦྱར་མ། སྟར་བུ་སོགས་སྔོ་ལྗང་ལྗང་དང་། ནག་སྟུག་སྟུག་ཡིན། ངེད་ཀྱི་དུད་ཁྱིམ་ནི།
ཡོ་རོབ་ཏུ་གླིང་ཏུ་འབྲོག་པའི་འབྲི་གཡག་ཉོས་པ།
སོག་མདའ།
ཕ་ཡུལ་བཞག་ནས་མི་ཡུལ་གྱར་བའི་མི་ཞིག་ལ་མཚོན་ན། ཕ་ཡུལ་གྱི་རི་ཆུ་ནགས་གསུམ་དང་ཕ་མ་སྤུན་མཆེད་སོགས་རིང་ནས་གྱེས་པས་ང་ལ་མཚོན་ན། སློབ་སྦྱོང་དང་ལས་ཀ་སྣ་མང་པོ་ཞིག་གི་གཡས་སྐོར་གཡོན་སྐོར་ཀྱི་་མི་ལོ་བཅུ་གསུམ་ལྷག་གི་མི་ཚེ་འདི་ལྟར་རྫོགས་ཞིང་། སྤྱི་ལོ་༢༠༡༡ལོར་སི་ལོ་བི་ནི་ཡ་ནས་ཡིན་པས་བཟའ་ཟླ་དབང་མོ་ལགས་དང་གཉེན་སྒྲིག་བྱས་ནས་ད་ལྟ་སི་ལོ་བི་ནའི་རྒྱལ་སའི་འགྲམ་གྱི་གྲོང་བརྡལ་ཆུང་ཆུང་ལྟ་ན་སྡུག་པ་རྒྱབ་རི་རི་བོ་དང་རི་བོ་ནགས་ཀྱིས་བསྐོར་བ།
དེ་ལས་མང་བ་། “ཡོ་རོབ་ཏུ་གླིང་ཏུ་འབྲོག་པའི་འབྲི་གཡག་ཉོས་པ།” »
ཚོར་སྣང་གིས་བཟི་བའི་ཀ་ཕྲེང་།
བསམ་གླིང་ཚེ་རིང་ལྷ་མོ།
ཀ་ཤིའི་རས་གོས་རྩེ་མོར་བསྒྲོན་ལྟར་རྒྱང་རིང་གངས་རི་དཀར་མདངས་བཀྲ།།
ཁ་བའི་མཛེས་མདངས་རྣམ་པར་བཀྲ་བས་ཆུ་ཤེལ་དབང་པོས་འགྲན་པར་དཀའ།།
གང་དུ་བལྟས་ཀྱང་རྡ་སའི་ཡུལ་གྱིས་བདག་ཉིད་དྲན་པའི་ཀློང་དུ་ཚུད།།
ང་སེམས་མི་འགྱུར་རྡོ་རྗེར་འགྲན་ཀྱང་དེ་རིང་ནམ་མཁའི་གླང་པོ་བཞིན།།
མདང་ནུབ།
ཀླུ་སྨྱོན།
མདང་ནུབ་ང་སྟེས་དབང་མིན་པར་སངས་རྒྱས་སོང་།
ཉོན་མོངས་ཅི་ཡང་མ་སྤངས་པར།
སྡིག་པ་ཅི་ཡང་མ་བྱས་པར་སངས་རྒྱས་སོང་།
ཕྲག་དོག་དང་མི་ཁའི་ཁྲོད།
འཕྱ་སྨོད་དང་སྡང་མིག་གི་ཀློང་ནས་སངས་རྒྱས་སོང་།
དེ་ནི་སངས་རྒྱ་འདོད་ཡོད་པ་མིན་པར།
རོ་ཝལ་བོད་ཆེད་ཐེབས་རྩའི་༢༠༡༣དང་༢༠༡༤ལོའི་མ་དངུལ་གསལ་བསྒྲགས།
རོ་ཝལ་བོད་ཀྱི་ཐེབས་རྩས་སྤྱི་ལོ་༢༠༡༣།༡༤ལོའི་སྤྱི་ཟླ་༩པའི་ཚེས་༡ནས་ཚེས་༣༠བར་དུ་སྐབས་བཅུ་པའི་མ་དངུལ་སྙན་ཞུ་ངོས་ལེན་བྱེད་རྒྱུ་ཡིན། མ་དངུལ་སྙན་ཞུ་དྲ་རྒྱ་ཐོག་ཏུ་བཀོད་ཡོད།
དེར་སྙན་ཞུ་འབུལ་མཁན་ཚོས་ང་ཚོའི་དྲ་ཚིགས་ལ་ཕེབས་གཟིགས་གནང་རོགས། རོ་ཝལ་བོད་ཆེད་ཐེབས་རྩའི་དམིགས་དོན་གཙོ་བོ་ནི་བོད་པའི་སྤྱི་ཚོགས་ནང་དང་ཡང་ན་རྒྱལ་སྤྱིའི་སྟེང་ལ་བོད་ཀྱི་སྒྱུ་རྩལ། བོད་དོན་དྲིལ་བསྒྲགས། ཁོར་ཡུག་སྲུང་སྐྱོབ། བུད་མེད་ཀྱི་ཐོབ་ཐང་སོགས་ཀྱི་སྐོར་ལ་བྱས་རྗེས་འབུར་དུ་ཐོན་པའི་བོད་མི་སྒེར་དང་། ཡང་ན། ཚོགས་པར་མ་དངུལ་གྱི་ཐད་རོགས་སྐྱོར་བྱེད་རྒྱུ་དེ་ཡིན།
དེ་ལས་མང་བ་། “རོ་ཝལ་བོད་ཆེད་ཐེབས་རྩའི་༢༠༡༣དང་༢༠༡༤ལོའི་མ་དངུལ་གསལ་བསྒྲགས།” »
ཀ་རྩོམ་སེམས་ཀྱི་རང་མདངས།
མངའ་རིས་ཕོ་ཉ།
ཀ་བ་རི་ལྟར་བརྟན་པའི་ཁང་ཆེན་འདིར།།
ཁ་སྟོང་ཚིག་སྐམ་རིགས་ཀྱི་གཡོ་ཟོལ་ཁེངས།།
ག་ས་ག་ལ་འཆལ་གཏམ་སྨྲ་བའི་དུས།།
ང་ཅག་ཁ་བའི་བསོད་ནམས་འདི་རུ་ཟད།།
བོད་ཀྱི་འབྱུང་འགྱུར་ལ་རྒྱང་ལྟ་བཅུ་གཅིག་པ།
ཨོ་རྒྱན་ཉི་མ།
བོད་གཞིས་བྱེས་གཉིས་ཀྱི་ད་ལྟའི་གནས་བབ་ལ་གཞིགས་ཏེ། མ་འོངས་འབྱུང་འགྱུར་གྱི་གནས་ཚུལ་ལ་རྒྱུས་ལོན་བྱ་བའི་ཆེད་དུ་སླར་ཡང་ཅུང་ཞིག་འབྲི་ན་བསམ། འདི་ནི་མཉམ་པར་མ་བཞག་པའི་ཆེན་པོ་དག་དང་། རང་ཚུགས་མེད་པའི་མི་བུ་རྣམས་ལ་ཅུང་ཟད་ཕན་ན་སྙམ་ནས་བྲིས་པ་ཡིན། ཁོ་བོ་ནི་བོད་ཀྱི་རིག་གཞུང་ལ་དགའ་བ་དང་། བོད་ཀྱི་ཆོས་ལུགས་པ་ཞིག་ཡིན་པའི་ཆ་ནས། ཆོས་ཀྱི་དགེ་མཚན་དང་། འཕེལ་འགྲིབ་ཕྱོགས་ནས་བཤད་པ་ལས། ཆབ་སྲིད་དང་། དཔལ་འབྱོར། ཚན་རིག་གི་ལྟ་བའི་སྐོར་གང་ཡང་ཤེས་ཀྱི་མེད་ལ། དམིགས་བསལ་ཤེས་ན་བསམ་པའི་རེ་བའང་མེད།
ཀུན་དགའ་དོན་འགྲུབ། ཚན་པ་དང་པོ།
རྩམ་ཕྲུག
ཀུན་དགའ་ཆོས་དབྱིངས་ལཊ་ཀྱིས།།
ཀུན་དགའ་དོན་འགྲུབ་སྐོར་ལ།།
བྲིས་པའི་སྙན་རྩོམ་མཐོང་བས།།
རྩོམ་འདི་ཤར་མར་ལུད་སོང་།།
སེམས་ནང་གི་དུང་ཞལ།
དོལ་སྨྱོན།
བརྩེ་ཞིང་དུང་བའི་སེམས་ཀྱི་ལྷ་མོ། །ཡིད་ཀྱི་སྐོམ་པ་སེལ་བའི་མ་མ། །
སེམས་པ་དམར་པོའི་གོས་ཀྱི་འཇམ་ཤ །སྙིང་གི་དགའ་མ་སེམས་ནས་དྲན་བྱུང་།།
དྭངས་པའི་བརྩེ་བ་གངས་རིའི་སྤོ་ལ། །སྙིང་གཏམ་དྲོན་མོའི་ཞབས་རྗེས་སྤར་དུས།།
དམར་རྗེན་སེམས་ཀྱི་སྦུབས་ནས་བཞུར་བའི། །ལྷད་མེད་བརྩེ་བའི་བཟི་ཁ་དྲན་བྱུང་།།
འཁྱོགས་བསྲང་གི་ཐོ་བ།
ཕུན་ཚོགས་རིག་བཟང་།
—–རྒྱལ་གཅེས་པ་གླིང་ཚའི་ཆེད་དུ་ལོ་སྔོན་མར་བྲིས།།
བོད་ཀྱི་བདེ་སྡུག་ཡིད་ལ་བརྣག་པའི་ཐོག །
རང་འགན་རང་གི་འཁུར་བའི་མིའུ་ལ།།
སྙིང་རྗེའི་ལྷ་ཚོགས་ནུས་མཐུར་འགྲན་མེད་མཆོག །
ཐུགས་རྗེའི་སྤྱན་གྱིས་ཡལ་བར་མ་འདོར་ཅིག །
སྐྱབས་ཆེ་དགོན་པ།
མི་གསོན་པོ།
སྐྱབས་ཆེ་དགོན་པ་ནི་ཕྱིའི་ཆ་རྐྱེན་རྟེན་གསུམ་གཙུག་ལག་དང་། ནང་གི་ཉམས་བཞེས་བཤད་སྒྲུབ་སོགས་གང་གིས་ཆ་ནས་སྡེ་དགེ་ཕྱི་འབྲོག་ཁུལ་གྱི་དགོན་པ་ཡོངས་ནས་ཨང་དང་པོའི་གྲས་སུ་བརྩི་ཆོག ལོ་ཤས་གོང་དུ་བོད་ཀྱི་དུས་བབ་ལས་གནས་ཚུལ་ཐོན་པ་ལྟར་དགོན་པ་འདིས་རྒྱལ་གཅེས་ཆོས་ཟེར་བའི་ལས་འགུལ་ལ་ཁས་ལེན་མ་བྱས་པས་དུས་ཡུན་རིང་པོ་དགོན་པ་སྟོང་པ་ཆགས་ནས་བླ་སྤྲུལ་རྣམས་རི་བྱོལ་དུ་འགྲོ་དགོས་པའང་བྱུང་ཡོད། དགོན་པ་འདིའི་ད་ཡོད་ཀྱི་མཆོག་སྤྲུལ་རྣམ་པ་གསུམ་ནི་སྤྱི་ཚོགས་ཀྱི་གནས་བབ་དང་།
ཡུལ་ཤུལ་དགེ་འབྲོང་རྫ་སྟོད་རྫོང་དུ་གཏེར་ཁ་སྔོག་འདོན་ལ་ངོ་རྒོལ།
གནས་ཚུལ་མཁོ་གཏོང་བ། དཀོན་མཆོག་དོན་འགྲུབ།
ཕྱི་ཟླ་༨ པའི་ཚེས་༡༣ ཉིན་བསྐྱར་དུ་ཁམས་ཡུལ་ཤུལ་ཁུལ་དགེ་འབྲོང་རྫ་སྟོད་རྫོང་དུ་རྒྱ་མི་གཏེར་ཁ་སྔོག་འདོན་པ་མང་པོ་ཞིག་ཨ་སྟོད་ཡུལ་ཚོ་དང་། སྤྱི་རྫ་ཡུལ་ཚོ། རྫ་ཆེན་ཡུལ་ཚོ་སོགས་ས་གནས་ཁག་གསུམ་དུ་འབྱོར་ཡོད་འདུག
འབྲེལ་ཡོད་ཀྱིས་གནས་ཚུལ་འགྲེལ་བརྗོད་གནང་བ་ལྟར་ན། རྫ་ཆེན་ཕྱོགས་ཀྱི་རི་བོ་ར་འདྲའི་མགར་བ་མཆེད་བརྒྱད་ཀྱི་ཕྱོགས་དང་། སྤྱི་རྫ་རྫ་དགུའི་གཞུང་ནས་བརྐོ་རྒྱུ་ཡིན་འདུག་ཀྱང་། མི་མང་གིས་ས་ཆེན་གཞུང་ནས་བཀག་ཡོད་འདུག
དེ་ལས་མང་བ་། “ཡུལ་ཤུལ་དགེ་འབྲོང་རྫ་སྟོད་རྫོང་དུ་གཏེར་ཁ་སྔོག་འདོན་ལ་ངོ་རྒོལ།” »
ངོ་དེབ་ལས་ཉེན་ཁ་ཞིག
ཐེ་བོ་སངས་རྒྱས།
སྤྱིར་དོ་ཞག་དྲ་ཐོག་ནས་གནས་ཚུལ་འདྲ་མིན་ལྷགས་ཀྱི་ཡོད་པས་དེ་ལ་སྤྱི་སྒེར་གཉིས་ཀས་སྣང་མེད་བྱ་སར་མི་འགྲོ། ཨ་རིའི་ཧ་ཝར་ཌི་སློབ་གྲྭ་ཆེན་མོའི་Harvard University སློབ་མ་མཱར་ཁི་རྫུག་ཁེར་བྷེར་ Mark Zuckerberg གྱིས་དང་ཐོག་སློབ་གྲོགས་ཕན་ཚུན་བར་ངོ་ཤེས་གྲོགས་སྒྲིག་གི་འབྲེལ་བ་བྱེད་སར་དམིགས་ཏེ། ཕྱི་ལོ་2004ལོར་གསར་གཏོད་བྱས་པའི་ངོ་དེབ་Facebook ལ་མཚོན་ན།
ཤེས་རབ་ཀྱི་ནམ་མཁར་ཕྱོགས་པའི་སྙན་ངག་གྱེར་འདོན་འདུ་འཛོམས་ཐེངས་བཞི་པའི་སྐབས་ཀྱི་སྙན་ངག་པ་རྣམས་ཀྱི་དགོངས་ཚུལ་དང་སྙན་ངག
སྡུད་སྒྲིག་པ། བོན་རྒྱ་བསྟན་འཛིན་རབ་རྒྱས།
ངེད་དང་མདོ་སྨད་སྤྱི་འཐུས་རྨོག་རུ་བསྟན་པ་གཉིས་ཀྱི་བཀོད་སྒྲིག་འོག ཤེས་རབ་ཀྱི་ནམ་མཁར་ཕྱོགས་པའི་སྙན་ངག་གྱེར་འདོན་འདུ་འཛོམས་ཐེངས་བཞི་པ་སྤྱི་ལོ་ ༢༠༡༣ ཟླ་༨ ཚེས ༡༠ ཉིན་རྡ་སའི་མེག་ལོར་བསྟན་ནོར་གསོལ་མགྲོན་ཁང་དུ་བསྡུས་པ་ཡིན། སྤྱིར་ན་སྙན་ངག་གྱེར་འདོན་འདུ་འཛོམས་འདི་སྙན་ངག་པ་རྐྱང་བས་གྲུབ་ན་སྙམ་པའི་བསམ་བློ་ངེད་གཉིས་ལ་ཡོད་མོད། བརྗོད་བྱའི་དགོས་དབང་གི་མི་མང་གི་སྐུ་ཚབ་དང་ཁོང་ལ་དམིགས་བསལ་ལྟ་རྟོག་དང་རོགས་འདེགས་གནང་མཁན་གྱི་ཚོགས་པ་ཁག ནང་མི་བཅས་མགྲོན་འབོད་བྱེད་དགོས་བྱུང་སོང་།
དོན་ངོ་མར་བུད་མེད་ཀྱི་རྟེན་ལ་འཚང་རྒྱ་ཐུབ་བམ།
འཇིགས་མེད་ཐོས་པ་རང་གྲོལ།
འཕགས་བོད་ཀྱི་མཁས་གྲུབ་དུ་མ་ཞིག་གི་གསུངས་འབུམ་ཁག་ན་བུད་མེད་ཀྱི་རྟེན་ལ་འཚང་རྒྱ་བ་ཡོད་མེད་ཀྱི་སྐོར་ལ་གསུངས་རྒྱུན་ཁ་ཤས་ཡོད་པ་བཞིན། ད་དུང་ང་ཚོས་ནམ་རྒྱུན་གྱི་འཚོ་བའི་ཁྲོད་དུ་ལྷ་ཕོ་མོ་གང་མང་ཞིག་ཡོད་པ་མ་ཟད་ད་དུང་རྗེ་བཙུན་སྒྲོལ་མ་དང་དབྱངས་ཅན་མ་སོགས་ནི་ཧ་ཅང་རྒྱུགས་ཆེ་བའི་གྲས་ཡིན། གཞན་གསང་སྔགས་ཀྱི་ཆོ་ག་མང་ཆེ་བའི་བསྐྱེད་རྫོགས་ཁག་གི་ནང་དུ་སྐྱེས་པ་གཙོ་བོ་ཡིན་པའི་རྣམ་པ་ཡོད་པ་སྟེ།
དེ་ལས་མང་བ་། “དོན་ངོ་མར་བུད་མེད་ཀྱི་རྟེན་ལ་འཚང་རྒྱ་ཐུབ་བམ།” »
ཤེས་རབ་ཀྱི་ནམ་མཁར་ཕྱོགས་པའི་སྙན་ངག་གྱེར་འདོན་ཐེངས་བཞི་བ་གླིང་ཚ་འཚོལ་བ།
—–༼གླིང་ཚ་ཚེ་བརྟན་རྡོ་རྗེ་ལ་གུས་པས་ཕུལ༽
རེབ་ཐོག་མདའ
གླིང་ཚ
ཁྱོད་སོང་ཤུལ་ནས
ངས་ཨ་མ་ཞིག་གི་མིག་ཆུ་མཐོང་བྱུང
ངས་ནུ་མོ་ཞིག་གི་དྲན་གདུང་ཚོར་བྱུང
ངས་ད་དུང ལོ་ན་མ་སོན་པའི་ཕྲུ་གུ་གཉིས་ཀྱི་ངུ་སྐད་ཀྱང་ཐོས་བྱུང
དེ་ལས་མང་བ་། “ཤེས་རབ་ཀྱི་ནམ་མཁར་ཕྱོགས་པའི་སྙན་ངག་གྱེར་འདོན་ཐེངས་བཞི་བ་གླིང་ཚ་འཚོལ་བ།” »
ཤེས་རབ་ཀྱི་ནམ་མཁར་ཕྱོགས་པའི་སྙན་ངག་གྱེར་འདོན་ཐེངས་བཞི་པ།
མདོ་སྨད་སྤྱི་འཐུས་རྨོག་རུ་བསྟན་པ་དང་བོན་རྒྱ་བསྟན་འཛིན་རབ་རྒྱས་གཉིས་ཀྱི་བཀོད་སྒྲིག་འོག ཤེས་རབ་ཀྱི་ནམ་མཁར་ཕྱོགས་པའི་སྙན་ངག་གྱེར་འདོན་འདུ་འཛོམས་ཐེངས་བཞི་པ་སྤྱི་ལོ་ ༢༠༡༣ ཟླ་༨ ཚེས ༡༠ ཉིན་རྡ་སའི་མེག་ལོར་བསྟན་ནོར་གསོལ་མགྲོན་ཁང་དུ་བསྡུས་པ་དང་། མཛད་སྒོའི་སྐུ་མགྲོན་ལ་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་ལགས་དང་། སྤྱི་འཐུས་ཟླ་བ་ཕུན་སྐྱིད། སྤྱི་འཐུས་སྨན་དགེ་མཁྱེན་རབ། ཚོགས་སྐྱིད་བཅུ་གཅིག་གི་སྐུ་ཚབ། མདོ་སྨད་དབུས་རྒྱུན་གྱི་ཚོགས་གཙོ། འབྲེལ་བ་ལས་ཁུངས་ཀྱི་སྐུ་ཚབ། རྩོམ་པ་པོ་དང་སྙན་ངག་པ་སུམ་ཅུ་བརྒལ་བ་དང་གསར་འགོད་པ་མང་པོ་བཅས་མཉམ་འཛོམས་ཀྱིས་འཚོགས་ཡོད་པ་དང་།
དེ་ལས་མང་བ་། “ཤེས་རབ་ཀྱི་ནམ་མཁར་ཕྱོགས་པའི་སྙན་ངག་གྱེར་འདོན་ཐེངས་བཞི་པ།” »
དྲན་གདུང་།
བྲག་དཀར་འཁྱམས་པོ།
༡༽རི་ཆུ་སྟོང་ཕྲག་བརྒལ་བའི།།
རྒྱང་རིང་ཡུལ་གྱི་མཛའ་གྲོགས།།
མ་མཇལ་ལོ་ཟླ་རིང་མོ།།
དྲན་གདུང་གླུ་ཞིག་བླངས་ཡོད།།
