གཡག་ཕྱུག་ཕུན་ཚོགས་ཆོས་འཕེལ། (ལྡི་ལི་མཐོ་སློབ།)

༡༽
ཁྱེད་རང་དཀའ་སྤྱད་དང་སྡུག་རུས་ཀྱི་ཐ་སྙད་ལྗིད་པོ་འདི་དག་རྒྱབ་ཏུ་འཁུར་ནས་ཡ་གིའི་མདུན་ལམ་གྱི་སྐས་འཛེགས་རིང་མོའི་ཁྲོད་དུ་གོམ་གང་མདུན་སྤོས་བྱེད་དུས། མ་གིའི་གཞུང་ལམ་ན་ལེ་ལོ་དང་སྒྱིད་ལུག་གི་སྡུར་བ་དྲག་པོ་འཐེན་བཞིན་པའི་མི་ཞིག་གིས་ཐོབ་དང་གོ་ས་ཁོ་ན་ལ་བརྟེན་ནས་ཁྱེད་རང་གིས་ཡུན་རིང་ཅེར་སའི་གསེར་ཁྲི་དེར་འགྱིང་ཉམས་ཀྱིས་བསྡད་དུས་ཁྱེད་རང་གི་སེམས་པ་བདེ་ལ་བབས་མྱོང་ངམ།

དེ་ལས་མང་བ་། “སེམས་གཏམ་རྣལ་མ།” »

འཇིགས་མེད་ནུབ་པ།

ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གིས་བོད་ཀྱི་འདྲེ་སྒྲུང་གི་སྐོར་ཞིག་གྲ་སྒྲིག་བྱེད་བཞིན་པའི་གསལ་བསྒྲགས་དེ་མཐོང་བས། ངས་ཀྱང་འདྲེ་སྒྲུང་གི་སྐོར་ལ་བསམ་བློ་གཏོང་དགོས་བྱུང་།
འདྲེ་སྒྲུང་གི་སྐོར་གླེང་ན། ཡང་ཕ་ཡུལ་འདི་སེམས་ལ་དྲན་ནས་ཡོང་གི གློག་མེད་ས་དང་ཆུ་དཀོན་སའི་ཕ་ཡུལ་གྱི་རི་གྲོང་དེ་དྲན་ཡོང་གི ཉིན་མོ་མ་ཎི་སྐོར་མཁན་དང་མཚན་མོར་འདྲེ་སྒྲུང་བཤད་མཁན་གྱི་ལོ་ལོན་དེ་ཚོ་དྲན་ཡོང་གི

དེ་ལས་མང་བ་། “ཨ་ཡེ་ལུ་གུ་སྐྱིད།” »

ཚེ་རིང་མིག་དམར།

དེང་སང་བོད་ཡིག་སྦྱོང་མཁན་མང་དུ་འགྲོ་ཡི་ཡོད་པ་རེད་དམ་ཉུང་དུ་འགྲོ་གི་ཡོད་པ་རེད། བོད་སྐད་བཤད་མཁན་མང་དུ་འགྲོ་བཞིན་ཡོད་པ་རེད་དམ་ཉུང་དུ་འགྲོ་གི་ཡོད་པ་རེད། དྲི་བ་གཉིས་རེད། ལན་ཡང་གཉིས་རང་རེད། ནང་ཆོས་ལ་དོ་སྣང་བྱེད་མཁན་བོད་པ་དང་མི་རིགས་གཞན་པ་གཉིས་ཀ་མང་དུ་འགྲོ་གི་ཡོད། ཡང་། དེང་རབས་ཀྱི་རིག་གནས་མང་པོ་ཞིག་བོད་ཡིག་ནང་མེད་སྟབས། གཞོན་སྐྱེས་མང་པོ་ཞིག་བོད་ཡིག་དང་ཁ་ཐག་རིང་དུ་འགྲོ་ཡི་ཡོད། འདི་གཉིས་ཀ་བོད་ཡིག་གིས་འགྲིག་དང་མ་འགྲིག་གི་གནད་དོན་གང་ཡང་མ་རེད།

དེ་ལས་མང་བ་། “དྲི་བ་ཞིག་ཡོད། ཤེས་མཁན་ཚོས་ལན་རེ་གནང་རོགས།” »

དབྱངས་ཅན་འབངས།

མཚན་མོ་འདི་ཅི་འདྲའི་ཁ་ཁུ་སིམ་པོ་ཞིག་རེད། ངའི་ཤག་ནང་ང་རང་གཅིག་པུར་ཁ་བརྡར་མཆན་འདེབས་བཞིན་པ་དང་ལྷན་ཐག་རིང་ནས་དཔེ་ཆ་སྐྱོར་སྦྱང་བྱེད་བཞིན་པའི་སྒྲ་དག་ལྷང་ལྷང་ཐོས། ད་ལྟ་མཚན་གྱི་ཆུ་ཚོད་ ༡༢:༥༢ རེད། ང་ལ་མཚོན་ན་ཉལ་རན་ཐག་ཆོད་ཀྱང་ཟིན་བྲིས་གློག་ཀླད་ལག་ནས་མ་ཐོངས་པར་དམ་དུ་འཇུས་འདུག ངོ་མ་ཡ་མཚན། ལོ་བཞི་ལྔའི་ཡར་ས྄ོན་ལ་ངས་ཡོ་ཆས་འདི་དག་བེད་སྤྱོད་ལྟ་ཞོག་མིང་ཡང་ཡག་པོ་གོ་མ་མྱོང་མོད།

དེ་ལས་མང་བ་། “མཚན་མོ་ཉལ་ཁའི་འཆར་ཡན།” »