རྔ་བ་རྒྱལ་ཁམས་པ།

ལམ་གྱི་ལྟེབ་ཚིགས་རེ་རེ་བཞིན་འཕྲོ་རིམ་འཕྲོར་ང་ཚོའི་ཕྱི་རྗེས་སྙེག སྐབས་དེར་ངའི་སེམས་ལ་ཤིན་ཏུ་བགྲོད་པར་དཀའ་བའི་རི་ཀླུང་ཆེན་པོ་ཞིག་བརྒལ་མཐར། བགྲོད་བདེ་བའི་ཐང་ཡངས་པོ་ཞིག་ཏུ་སྐྱོད་བཞིན་པའི་སྣང་བ་ཤར། ངའི་ལས་དཔོན། ལས་གྲོགས་དག མི་དོན་ལས་བྱེད་སོགས། ང་དང་རྒྱུན་འབྲེལ་ཡོད་པའི་མི་མང་བོ་ཞིག་གིས། ད་ཐེངས་ཀྱི་ཛ་དྲག་གནད་དོན་འདིར་ཤེས་འདོད་ཀྱི་རྣ་བ་བརླགས་ནས་ཡོད་པ་ངས་ཧ་གོ་གི་ཡོད། ངས་དེ་དག་ལ་ད་རེབ་ཀྱི་ཐོག་མཐའ་བར་གསུམ་གྱི་གནས་ཚུལ་ཞིབ་མོ་ཞིག གསལ་བཤད་བྱ་རྒྱུའི་ས་བཅད་ལྟ་བུ་ཞིག་འགྲེམས་པའི་མུ་ནས། སླར་ཡང་མ་རྒན་གྱི་དྲོད་སྐྱིད་ཁོལ་བའི་ཁྱིམ་གཞིས་སུ་སླེབས།

དེ་ལས་མང་བ་། “༅༅།། འཆི་ཡུལ་ནས་ཕྱིར་ལོག་པ། རྫུ་འཕྲུལ་གྱི་བུ། དངོས་མཐོང་བདེན་དཔང་། ལེའུ་བཅུ་དགུ་བ།” »

དུར་བྱང་།

གོ་བ་རགས་པའི་དབང་དུ་བཏང་ནས་འཆད་པར་བྱ་སྟེ། རྫུན་མ་རྐྱང་རྐྱང་གིས་གྲུབ་པའི་སྐད་འཕྲིན་གྱི་འཇིག་རྟེན་འདི་ན་དོན་དངོས་ཡིན་པའི་གནས་ཚུལ་རེ་ཟུང་ལས་མེད་པ་དེ་ལྟ་ནའང་། ཨ་དཀོན་རེན་པོ་ཆེ་དམར་གསོད་བཏང་འདུག་ཅེས་པ་ནི་བདེན་པ་ཡིན་ཚུལ་ལ་བློ་ཉེ་ཉེ་རུ་སོང་ཙ་ན། གཞི་ནས་ཕྲན་པའི་སེམས་པ་འདི་ཡང་རྟབ་རྟབ་པོ་རུ་གྱུར་ཞིང་རྒྱུན་ལྡན་ལས་རིང་དུ་བརྒལ་འདུག་པ་དེའོ།། གང་ལྟར་ཡང་ཡ་ང་བའི་གནས་ཚུལ་འདི་ལྟ་བུ་མང་བོ་མང་བོ་ཞིག་མཐོང་ཐོས་མྱོང་གསུམ་གྱི་ཡུལ་དུ་བྱུང་དང་འབྱུང་བཞིན་པ་ལགས་ན།

དེ་ལས་མང་བ་། “དེ་ལྟར་གོ་རྗེས། འདི་ལྟར་འདོད།” »

ཤྲཱི་ཨེ་མ་ཧོ།

ཀྱེ་མ་ཧོ།
ཨ་ཙི་སྙིགས་མའི་དུས་ཀྱི་གྲུ་ཁ་ན།།
ཧ་ཅང་ལྷག་བསམ་དཀར་པོའི་ཟླ་བཞོན་ཞིག །
ས་སྐྱོང་དཔོན་ལས་བཟང་པའི་སྦྱིན་བདག་ཆེ།།
ཤ་ཁྲག་རུས་རྒྱུན་བཅད་པ་བདེན་སྲིད་དམ།།
ལ་རྒྱའི་དུང་བ་ཟབ་པའི་ཚོང་དཔོན་ཞིག །
ར་རུའི་གནོད་སེམས་དབེན་པའི་མི་རྒན་ཞིག །

དེ་ལས་མང་བ་། “ཨ་དཀོན་སྤྲུལ་སྐུ་ལ་འདས་མཆོད་འབུལ་བའི་ཀ་རྩོམ།” »

ནམ་མཁའ།

ཁ་སང་དེ་རིང་ཨ་ཀོང་རིན་པོ་ཆེ་བཀྲོངས་བའི་གནས་ཚུལ་དྲ་རྒྱའི་ཀློངས་སུ་འཁྱམས་སོང་། ཕྲན་གྱིས་ཁོང་གི་མཚན་ཐོས་པ་ཐོག་མ་ཕལ་ཆེར་ལོ་གཉིས་ཡས་མས་ཞིག་རེད། དེ་ཡང་ཁོང་གིས་རྒྱ་ནག་གི་འཐབ་ཕྱོགས་གཅིག་གྱུར་པུའུ་ཡི་འགན་འཛིན་གྱི་གཏམ་བཤད་ཞིག་ལ་ལན་འདེབས་གནང་བའི་གནས་ཚུལ་དང་འབྲེལ་ཐོས་པ་ཞིག་ཡིན། ཡིན་ཡང་གསར་འགྱུར་གང་ཞིག་བརྒྱུད་ལམ་ནས་ཐོས་པ་དེ་རིང་ཡང་ད་རུང་དྲན་གྱི་མི་འདུག་པ་མ་ཟད།

དེ་ལས་མང་བ་། “ཨ་ཀོང་རིན་པོ་ཆེ་དང་བཀའ་སྤྱི།” »

(ཨ་དཀོན་རིན་པོ་ཆེ་བཀྲོངས་རྐྱེན་གྱི་རྒྱབ་ལྗོངས་དོག་གཞི།)

སྤོབས་པ་མཐའ་ཡས།

༡ བོད་དར་རྒྱས་རོགས་སྐྱོར་ཐེབས་རྩ་ཚོགས་པ་དང་“བོད་ཆེན་པོ”་བསྐྱར་གསོ།
ཨ་དཀོན་རིན་པོ་གཤེགས་རྐྱེན་གྱི་རྒྱབ་ལྗོངས་ལ་བོད་མི་མང་པོས་དོག་གཞི་བྱེད་བཞིན་ཡོད་པ་དེ་ལ་ཁག་གཏན་ནས་མེད། དེ་ཡང་ཨ་དཀོན་སྤྲུལ་སྐུ་ནི་པཎ་ཆེན་རིན་པོ་ཆེས་བཙུགས་པའི་བོད་དར་རྒྱས་ཐེབས་རྩ་ལྷན་ཚོགས་ཀྱི་འགན་འཛིན་རྒྱུན་ལས་ཤིག་ཡིན། བོད་དར་རྒྱས་ཐེབས་རྩ་ལྷན་ཚོགས་ནི་པཎ་ཆེན་རིན་པོ་ཆེ་རྒྱ་ནག་གཞུང་གི་ལས་བྱེད་ཡིན་དུས་སུ་རྒྱ་ནག་གཞུང་གི་ཆོག་མཆན་འོག་བཙུགས་པ་ཞིག་ཡིན།

དེ་ལས་མང་བ་། “སེམས་ཅན་གྱི་དོན་ལ་སྲོག་ཤོར་བའི་བྱང་ཆུབ་སེམས་དཔའ།” »

ལོག་སྨྲ་ཚར་གཅོད།

བྱེས་འབྱོར་ནང་དར་དམར་ཡར་བསྒྲེང་རེད།།
གཞིས་བཞུགས་ནང་དར་དམར་མར་གཡུག་རེད།།
ཡར་བསྒྲེང་དང་མར་གཡུག་བར་མཚམས་དེར།།
བན་ཆུང་ངའི་མགོ་བོ་འཁྲུགས་སོང་ཐལ།།

བྱེས་འབྱོར་ནང་རྒྱ་དམར་ངོ་སྲུང་རེད།།
གཞིས་བཞུགས་ནང་རྒྱ་དམར་ངོ་རྒོལ་རེད།།
ངོ་སྲུང་དང་ངོ་རྒོལ་བར་མཚམས་དེར།།

དེ་ལས་མང་བ་། “བན་ཆུང་ངའི་ལྟ་བ་འཁྲུགས་སོང་ཐལ།” »

ཆབ་མདོ་ངག་ཕུན།

སྔོན་གླེང་ཐུང་ངུ་།

༢༠༡༣ ཟླ་༡༠ ཚེས་༧ ཉིན་མོར་འཛམ་གླིང་རོགས་སྐྱོབ་ཚོགས་པའི་ཚོགས་གཙོ་ཨ་དཀོན་རིན་པོ་ཆེ་མཆོག་རྒྱ་ནག་ཁྲིན་འདུར་མི་ངན་བསམ་ཤེས་མེད་པའི་དུད་འགྲོ་གླང་གོག་ནང་བཞིན་མི་འགས་སྐུ་བཀྲོངས་པ་ཐོས་མ་ཐག་སྐབས་གཅིག་གི་རིང་ལ་ཅི་དྲན་མེད་པར་ཀྲོང་ངེར་ལྷག་སོང་། དེ་ནས་བསམ་གཞིག་གནད་མོ་ཞིག་བྱེད་དུས་དེ་ནི་བོད་མི་རིགས་ཙམ་དུ་མ་ཟད་འཛམ་གླིང་གི་དྲང་བདེན་ལ་དགའ་བ་མི་མང་ལ་གྱོང་གུད་བསམ་ཡུལ་ལས་འདས་པའི་གནས་སྟངས་ཤིག་རེད་འདུག་སྙམ་ནས་སེམས་ནང་དུ་སྐྱོ་གདུང་གི་མིག་ཆུ་དབང་མེད་དུ་སར་ཟགས་སོང་།

དེ་ལས་མང་བ་། “རྗེས་དྲན་ཐོལ་བྱུང་ཡིད་ཀྱི་མིག་ཆུ།” »