འཆི་མེད། (རྡ་ས།)

གལ་སྲིད་ཁྱོད་ཀྱིས་བཤད་པ་བཞིན་སྒོ་ཤེར་གྱི་གསལ་ཁ་མེད་པའི་ཡིག་འཕྲིན་ཐུང་ངུ་དེས་ཀླུ་སྨྱོན་ལ་འགྲམ་ལྕག་ཚ་བོ་ཞིག་གཞུས་ཡོད་ཚེ། བདག་གིས་ར་སྤྲོད་བྱས་པའི་རྩོམ་ཡིག་འདིས་ཁྱོད་ཀྱི་ཧམ་སེམས་ཀྱིས་དམར་བོར་ཆགས་པའི་རྐུབ་ཐོག་ཏུ་དེ་ལས་ཀྱང་ཚ་ཐག་ཆོད་པའི་ཐལ་ལྕག་ཅིག་གཞུས་པ་ཡིན།
ཁྱེད་ཀྱིས་ཅི་ཞིག་ཤེས་ཡོད་མདོག་མདོག་གིས་བཤད་པའི་སྐད་ཆ་བརྡ་དག་གི་སྙིགས་རོ་ཅན་དེ་དོན་ངོ་མར་སྤོབས་མཐའ་ལས་ཁྱེད་རང་ལ་རན་ཤོས་རེད་འདུག

དེ་ལས་མང་བ་། “དགུ་རོང་སྤུན་གྲོལ་ལ་བསྐུར་བའི་ཐལ་ལྕགས་ཚ་བོ་གཅིག” »

རྩོམ་པ་པོ། དགུ་རོང་སྤུན་གྲོལ། འོས་སྦྱོར་བ་ལུང་རྟོགས།
༼རང་གྲོལ་སྨྱུག་གསར་དྲྭ་བ་ནས་འདྲེན་བཀོད་ཞུས།༽

__སྤོབས་པ་མཐའ་ཡས་ཟེར་པ་དག་གིས་དབྱིན་ཡིག་ཤེས་མདོག་གིས་སྒྲ་རྒྱག་གི་ཚུགས་ཀ་བཏོལ་སྟངས་ལ་ཡིད་འཐད་རང་མ་བྱུང་།

ཀུན་གྱིས་མཁྱེན་གསལ་ལྟར་སྒོ་ཤེར་གྱིས་ཀླུ་སྨྱོན་གྱི་འགྲམ་པའི་སྒང་ལ་གཟུགས་མེད་ཀྱི་ཐལ་ལྕག་ཚ་པོ་གཞུ་སྟངས་འདི་ནི་བརྩེ་སེམས་ཀྱིས་ཁེངས་པའི་ཡབ་ཆེན་ཞིག་གིས་རང་གི་བྱིས་པ་པྲ་ཚགས་ཤིག་ལ་སེར་སྣའི་ངང་ནས་འགྲམ་ལྕག་གཞུ་བའི་ཉམས་སྣང་དང་གཉིས་སུ་མ་མཆིས་སོ།།

དེ་ལས་མང་བ་། “ཀླུ་སྨྱོན་གྱི་འགྲམ་པ་དང་སྒོ་ཤེར་གྱི་ཐལ་ལྕག” »

ཀླུ་སྨྱོན།
“འདི་གའི་གསར་འགོད་པས་རྩོམ་པ་པོ་ཀླུ་སྨྱོན་ཧེ་རུ་ཀ་ལགས་སུ་བཅར་འདྲི་ཞིག་གི་སྐབས་སུ། ཁོང་གིས་བོད་རང་གི་མཁས་པ་སྔ་མ་དག་གིས་བསྲེགས་བཅད་བརྡར་བའི་གསེར་བཞིན་དུ་གསར་བཏོད་དང་འཕེལ་རྒྱས་ཀྱི་རྩེ་མོར་སོན་པར་བྱས་ཡོད་པའི་སྲོལ་རྒྱུན་སྙན་ངག་གི་རྩོམ་སྟངས་འདི་ནི་དེང་སྐབས་ཕལ་ཆེར་རྒས་ཤིང་རྫི་རྡིབས་པའི་ལོ་ལོན་ཟུངས་ཟད་ཅིག་གི་ཚད་དུ་བཞག་འདུག་ཟེར།”

དྲི་བ། ཁྱེད་ཀྱིས་དུས་ཡུན་རིང་བོར་བོད་སྐད་ཡིག་སྟེང་རྩོམ་ཡིག་འབྲི་སྤེལ་གནང་སྟབས། བོད་ཀྱི་རྩོམ་རིག་སྒྱུ་རྩལ་གྱི་རྩ་བའི་བསམ་བློའམ་ཡང་ན་སྤྱིའི་ཁ་ཕྱོགས་གཏོད་

དེ་ལས་མང་བ་། “སྲོལ་རྒྱུན་སྙན་ངག་གི་རྩོམ་སྟངས་དེ་རྒས་འཁོགས་ཤིག་གི་ཚད་དུ་བཞག་འདུག” »

སྤོབས་པ་མཐའ་ཡས།

ཁར་སང་དེ་རིང་བོད་ཡིག་གི་སྤྱི་ཚོགས་དྲ་བའི་བརྒྱུད་ལམ་ཁ་ཤས་ན་སྒོ་ཤེར་གྱིས་ཀླུ་སྨྱོན་རྩོམ་རིག་བྱ་དགའ་དང་ལེན་མ་བྱས་པའི་སྐོར་ལ་གླེང་མོལ་བྱེད་པ་མཐོང་། སྒོ་ཤེར་གྱིས་རྩོམ་རིག་བྱ་དགའ་མི་ལེན་པའི་རྒྱུ་མཚན་ནི་སྒོ་ཤེར་གྱིས་བྲིས་པ་དེ་རྩོམ་རིག་མིན་ཏེ་དབྱིན་ཡིག་གི་Literatureམིན་པའི་རྒྱུ་མཚན་བཀོད་འདུག ཡིན་ན་ཡང་། དེ་ནི་ཐ་སྙད་ལ་གོ་བ་མ་ལོན་པའི་སྐྱོན་ཞིག་འདུག་བསམ། དཔེར་ན། བོད་ཀྱི་རྩོམ་རིག་སྟེ་Tibetan Literature གང་ཡིན་ཞེ་ན་བཀའ་འགྱུར་བསྟན་འགྱུར་དང་། དེབ་ཐེར་སྔོན་པོ། རྗེའི་ལམ་རིམ་ཆེན་མོ། ཀློང་ཆེན་མཛོད་བདུན། མི་ལ་རས་པའི་རྣམ་ཐར། ས་སྐྱ་ལེགས་བཤད་སོགས་ལ་མཛུབ་མོ་འཛུགས་མི་རུང་ཟེར་མཁན་སུ་ཡང་མེད།

དེ་ལས་མང་བ་། “སྒོ་ཤེར་གྱིས་རྩོམ་རིག་བྱ་དགའ་ཕྱིར་སློག་གི་མགོ་འཁྲུག་གཞི་ལ་ལྟ་བ།” »

སྐྱོ་བྲག་དགའ་དབང་།

ཁོ་བོའི་གཅུང་པོ་ལེགས་མཐོང་གིས། དེང་སང་གི་ཞིབ་འཇུག་པ་ཚོས་དབུ་མ་རིན་ཆེན་སྒྲོན་མ་སྟེ་སྡེ་དགེའི་བསྟན་འགྱུར་མདོ་ཕྱོགས་པོད་ཚ་པའི་ཤོག་གྲངས་ཉིས་བརྒྱ་དོན་གསུམ་པའི་མདུན་ཕྲེང་གཉིས་པར་དུས་རབས་བརྒྱད་པར་བྱོན་པའི་ཞི་བ་འཚོའི་དབུ་མ་རྒྱན་གྱི་ལུང་ཡང་དྲངས་ཡོད་པས། དུས་རབས་དྲུག་པ་ཙམ་གྱི་ནང་དུ་བྱོན་པའི་རང་རྒྱུད་སྲོལ་འབྱེད་ཀྱི་སློབ་དཔོན་ལེགས་ལྡན་འབྱེད་ཀྱིས་མཛད་པ་རྩ་བ་ནས་ཡོང་ཐབས་མེད་པར་དེ་ཉིད་ལེགས་ལྡན་འབྱེད་ཆུང་བའམ་ལེགས་ལྡན་འབྱེད་ཕྱི་མ་ཞིག་ཡིན་པར་ངོས་འཛིན་གྱི་འདུག་པ་ནི་ཐུགས་དྲན་གསོ་འདོད་ཙམ་ཡིན།

དེ་ལས་མང་བ་། “དབུ་མ་རིན་ཆེན་སྒྲོན་མ།” »