གཉན་ཆེན།
ང་ནི་རླུང་གི་གཤོག་པ་བཅིབས་ནས་ཁ་བ་ཅན་ལ་དཀྱུས་གསུམ་རྒྱབ།།
ཁ་བའི་ཁྲོད་ཀྱི་རླུང་འཚུབ་རྒོད་རུང་ང་ཡི་གཤོག་པ་གཅོག་ནུས་མེད།།
ཁ་བའི་ཁྲོད་ན་འཁྱག་རོམས་ཆེ་རུང་ང་ཡི་ཁ་ལག་བྱིད་ཐུབ་མེད།།
ཁ་བའི་ཁོར་ཡུག་གཞི་རྒྱ་ཆེ་རུང་གཞི་བདག་མི་སླེབས་ས་ཞིག་མེད།།
ཁ་བ་འབབ་པའི་དགུན་གྱི་དུས་སུ་སློག་པ་གོན་ནས་རི་ལུང་ཉུགས།།
དྲག་རླུང་ལྡིང་བའི་དཔྱིད་ཁའི་དུས་སུ་ར་རྩག་གོན་ནས་རོང་ལ་སོང་།།
གནས་ཚུལ་མཁོ་གཏོང་བ་ས་དཀར་བཀྲ་
ཕྱི་ཟླ་༡༡ པའི་ཚེས་༣ ཉིན། སྤེལ་ལྗམ་བོད་རིགས་ཚོགས་པའི་གོ་
སྤོབས་པ་མཐའ་ཡས།
ཉེ་སྔོན་དྲ་ཐོག་འདིར་སྐུ་ངོ་ཟམ་གདོང་རིན་པོ་ཆེའི་འཁྲུངས་སྐར་ལ་རྟེན་འབྲེལ་བསྟོད་ཚིག་མང་པོ་ཞིག་ཕུལ་བར་དོ་སྣང་བྱུང་། སྤྱིར་ན་མི་ཞིག་གི་སྐྱེས་སྐར་ལ་རང་རང་གི་ནང་མི་སྤུན་ཉེས་རྟེན་འབྲེལ་ཤིས་ཚིག་རེ་སྤེལ་བ་ནི་དེང་དུས་ཀྱི་འགྲོ་ལུགས་ཤིག་ཀྱང་ཡིན་སྟབས་དེ་ལ་དགག་བཞག་བྱེད་སྲོལ་མེད། རང་རེའི་སྲོལ་རྒྱུན་དུ་མི་ཞིག་ལ་དེའི་ཕྱོགས་གཏོགས་ཚོས་ཕུལ་བའི་ཤིས་ཚིག་སྨོན་ཚིག་ཏུ་བསྙད་པ་དེ་དག་ནི་བསྐྱར་ཟློས་ལད་ཟློས་ཡིན་པར་ཐག་ཆོད་སྟབས་སྣང་མེད་དུ་བཞག
ཁང་གསར་རྡོ་རྗེ་ལགས་ཀྱིས་‘རྒྱུ་མཚན་’ལྔ་ཡིས་རྟེན་འབྲེལ་ཞུས་པ་དེ་ཞིབ་ཀློག་ཅིག་བྱས།
སེར་ཤུལ་རིན་ཆེན་དོན་གྲུབ།
—གནས་ལུགས་དང་དངོས་ཡོད་འཚོ་བའི་བར་གྱི་སྣང་ཞེན་ཐར་ཐོར་འགའ་མྱངས་རྗེས།
གནས་ལུགས་གོམ་པས་གཞལ་བ་དཀའ་ཚེགས་མ་བྱུང་།།
ཐོས་བརྩོན་ནུས་པས་འདེགས་པར་བཟོད་བློས་ནུས་སོང་།།
ངག་རིག་སྒྱུ་རྩལ་བུ་མོའི་ཟུར་མིག་ཐོབ་བྱུང་།།
བདེ་བའི་ལམ་ཆེན་འདི་ན་ཡོད་ཚོད་མི་འདུག །
བརྒལ་རྟགས་རིགས་པའི་ཀློང་ཡངས་རྩོད་པས་གཤེགས་ཤིང་།།
མཛེས་སྡུག་དབྱངས་ཅན་དགའ་མ་ཁབ་ཏུ་བསུས་ནས།།
མཚམས་སྦྱོར་བཿ ཤ་བོ་རྣམ་རྒྱལ།
མདོ་སྨད་རེབ་གོང་གསེར་མོ་ལྗོངས་ཀྱི་ལོ་རྒྱུས་རྒྱས་བཤད་ངོ་མཚར་གཏམ་གྱི་བང་མཛོད་ཅེས་བྱ་བའི་དེབ་འདི་ནི། འབྲེལ་ཡོད་རོང་འབྲོག་གི་དགོན་སྡེ་དང་མི་སྡེ་ཁག་ཏུ་མི་སྣ་ཆེད་འཇུགས་བྱས་ཏེ། ཡིག་ཐོག་གི་ལོ་རྒྱུས་རྒྱུ་ཆ་དང་། ངག་རྒྱུན་གྱི་ལོ་རྒྱུས་རྒྱུ་ཆ་མང་པོ་འཚོལ་བསྡུ་བྱས་ནས། ལོ་ངོ་འགའི་རིང་ཉམས་ཞིབ་དང་བཅས་ཏེ་བརྩམས་པ་ཞིག་ཡིན་འདུག་པ་དང་། ཉེ་ཆར་མི་རིགས་དཔེ་སྐྲུན་ཁང་གིས་དཔར་སྐྲུན་འགྲེམས་སྤེལ་བྱས་འདུག
དེ་ལས་མང་བ་། “༼མདོ་སྨད་རེབ་གོང་ལོ་རྒྱུས་ཆེན་མོ་ངོ་མཚར་གཏམ་གྱི་བང་མཛོད༽དཔར་འགྲེམས་བྱས་འདུག” »
ཨེ་མ་ཧོ།
ཀ་ཡེ་གསོན་དང་སྙན་ངག་འབྲི་མཁས་མ།།
ཡང་ཡང་རྗེས་དེད་འདི་ལ་རྒྱུ་མཚན་གང་།།
དངོས་ཡོད་བདེན་ཚིག་ཡིན་པར་ངས་མ་མཐོང་།།
དགེ་སློང་ང་ལ་རེ་བ་མ་བཅའ་ཞིག །
གསུམ་ལྡན་དགེ་སློང་ཡོད་པར་བདེན་སྲིད་ཀྱང་།།
ན་ཆུང་ཁྱོད་འདྲ་མཚན་ལྡན་རིག་མ་མིན།།
བསྟན་ཟླ་ནས་རྗེ་ཀུར་ཤི་ན་མུར་ཏེས་བརྩམས་པའི་སློབ་གྲྭ་ཁག་ལ་སྤྲིངས་པའི་འཕྲིན་ཡིག་ལས་བཏུས་ཏེ་བོད་བསྒྱུར་བྱས།
རྒན་པ་དང་གཞོན་པ་བརྩིས་པའི་འགྲོ་བ་མི་ཐམས་ཅད་ཀྱི་མ་འོངས་པ་ནི་ཉམ་ཐག་པ་དང་འཇིགས་སྣང་ཅན་ཞིག་ཆགས་ཡོད། སྤྱི་ཚོགས་ཁོ་རང་གཞི་རྩ་ནས་བཟང་སྤྱོད་བརླགས་ཏེ་ཉེན་ཁ་ཆེན་པོར་གྱུར་ཚར་བས། ན་གཞོན་ཞིག་ཁོར་ཡུག་འདི་དང་འཕྲད་དུས་ཁོས་ཁོ་རང་གི་མ་འོངས་པའི་མི་ཚེའི་བརྒྱུད་རིམ་ཁྲོད་དུ་ག་རེ་འབྱུང་ཡོང་བསམ་ཏེ་ཤིན་ཏུ་ནས་ཞེད་སྣང་སྐྱེས་ཀྱི་ཡོད། ཁོའི་ཕ་མས་ཁོ་སློབ་གྲྭར་གཏོང་ཞིང་། གལ་ཏེ་ཁོ་ཚོ་ལ་དངུལ་ཡོད་པ་ཡིན་ན་མཐོ་སློབ་དང་།
དེ་ལས་མང་བ་། “དེང་རབས་ཀྱི་གཞོན་སྐྱེས་དང་སྤྱི་ཚོགས་དབར་གྱི་དཀའ་རྙོག” »
རྨ་རོ་ལངས། ༼རྨ་ལྷོ༽
རི་མཐོན་པོའི་རྩེ་མོ་སྨུག་སྤྲིན་གྱིས་བཟུང་ཐལ།།
ཆུ་གཙང་བོའི་དྭངས་ཤ་རྙོག་མ་ཡིས་གྱུར་ཐལ།།
སེམས་སྐྱོ་སྣང་ཆེ་བའི་ཁེར་རྐྱང་གི་མི་ལ།།
ཆུང་བྱམས་པ་དྲན་པའི་མིག་ཆུ་རེ་སྦྱིན་ཡོང་།།
སྔོན་འདས་པའི་ལོ་ཟླའི་བརྩེགས་རིམ་གྱི་ཁྲོད་ན།།
སེམས་རེ་བའི་ཁེངས་པའི་ལམ་བུ་ཞིག་ཡོད་ཀྱང་།།
དེ་ལས་མང་བ་། “སྐྱོ་གདུང་གི་ཟབ་ས་ནས། ངས་འདི་ལྟར་རང་སེམས་ཀློག ༼བོད་འབྱོར།༽” »
ཀླུ་སྨྱོན།
གཅིག
ལོ་དེར། ཨ་ཕས་ང་ཁྲིད་ནས་མཚོ་ཆེན་ཁྲི་ཤོར་རྒྱལ་མོའི་ཁ་རུ་མཚོ་སྐོར་ལ་སོང་། མཚོ་སྐོར་དུ་འགྲོ་ཞོར་ཁོང་གིས་ང་ལ་སུན་སྣང་མེད་པར་མཚོ་མོ་འདི་དང་འབྲེལ་བའི་ལྷ་སྒྲུང་མང་པོ་ཞིག་བཤད་ཀྱང་། དེ་དུས་ཀྱི་ལྷ་སྒྲུང་རེ་རེ་ནི་མཚོ་ངོགས་ཀྱི་ཐང་མར་བརྡལ་བའི་མགྲོན་བུ་དང་ཉ་ཕྱིས་ཀྱི་ཤུན་ལྐོགས་རེ་རེ་འདྲ་བར་ལོ་ཟླའི་ཆུ་གཉེར་གྱིས་དེད་ནས་གར་སོང་ཆ་མེད་དུ་གྱུར་སོང་མོད། སྐབས་དེར་འཕྲད་པའི་དངོས་ཡོད་ཀྱི་གནས་ཚུལ་ཞིག་མཚོ་མོའི་ཁ་གཏད་དུ་འགྱིངས་པའི་བྲག་རྡོ་ཞིག་དང་མཚུངས་པར་ད་དུང་དྲན་འཛིན་གྱི་ངོས་སུ་ལྷང་ངེར་འདུག
བཀྲ་ཤིས་དོན་འགྲུབ།
བས་མཐའ་ཉུལ་བའི་ཤྭ་ཁྱུ་ཞིག
སྐོམ་གདུང་དྲག་པོས་མནར་ཡོད
སྔོ་ལྡེམ་ལྡེམ་གྱི་གཙང་ཆུ་རླབས་སྒྲ་དང་བཅས
མིག་མདུན་ནས་བཞུར་བཞིན་ཡོད་ཀྱང
ཤྭ་ཁྱུའི་ཚོགས་ཀྱིས་ཅི་ཡང་མ་མཐོང་ཞིང་གང་ཡང་མི་ཐོས་པ་འདྲ་སྟེ
རྒྱང་རིང་རྒྱང་རིང་གི་སྨིག་རྒྱུ་ལ་ཅེར་འདུག
དེ་ལས་མང་བ་། “སྐོམ་གདུང་གིས་མནར་བའི་ཤྭ་ཁྱུ། (ཞར་བཀོད་ཚན་པ་གཉིས།)” »
ལོ་མ་རྒྱལ།
སྦྲང་མའི་རྭ་ཅོ་མཉེན་མོ་དེ།།
ལྷམ་ལྷམ་གཡོ་བཞིན་རང་ལམ་འཚོལ།།
རྐང་ལག་ཕན་ཚུན་བརྡར་བརྡར་ཡིས།།
བར་སྣང་དབྱིངས་སུ་འཕུར་བར་བརྩམ།།
ས་ལ་ཡངས་བའི་ནམ་མཁའ་འདེབས།།
སྦུག་གུ་ནང་གི་ཆུ་ཐིགས་མཛེས།།
ལོག་སྨྲ་ཚར་གཅོད།
ངས་ནམ་རྒྱུན་དགོན་པའི་ནང་དུ་སྡོད་སྐབས་སྒྲིག་ཆས་ཙམ་ལས་ཕྱི་ལོག་ཏུ་འགྲོ་སྐབས་གྲྭ་པའི་རྩེ་ཞྭ་དེ་དང་སྟོད་འགག་གཟན་གསུམ་གྱོན་པའི་གོམས་གཤིས་དེ་ཙམ་མེད། དེས་རྐྱེན་པས་རང་ལ་དགའ་ཞེན་ཆེ་བའི་གྲོགས་པོ་རྣམས་དང་དགོན་པ་གྲྭ་ཚང་ཆོས་ལུགས་སོགས་ལ་སྙིང་ཉེ་བའི་མི་རྣམས་ཀྱིས་དེ་གསུམ་གྱོན་དགོས་པའི་བསླབ་བྱ་གོ་བཀོན་དང་འབྲེལ་མ་གྱོན་པའི་རྒྱུ་མཚན་ཅི་ཡིན་ཞེས་དྲི་བ་གཅིག་རྗེས་གཉིས་མཐུད་དུ་བཏང་དང་གཏོང་བཞིན་འདུག་མོད།
རང་བཙན་ཐོབ་ཀྱི་མ་རེད་ཟེར་བ་དེ་ལ་འགྲེལ་བཤད་རྒྱག་རྒྱུ་མང་པོ་འདུག རྒྱ་ནག་སྟོབས་ཆེན་པོ་རེད། རྒྱ་ནག་གི་དམག་དང་དཔལ་འབྱོར་ལ་ང་ཚོས་གླགས་འཁེལ་གྱི་མ་རེད། བོད་མི་ཚོ་ཁ་སྟབས་སྐྱོ་པོ་རེད། དུས་རབས་ཉེར་གཅིག་པའི་ནང་ལུང་པ་ལ་ཆབ་སྲིད་རང་བཙན་ཡོད་ནའང་དཔལ་འབྱོར་རང་བཙན་ཡོད་མ་རེད་ཅེས་སོགས་འགྲེལ་བཤད་རྒྱག འོ་ན། སངས་རྒྱས་ཀྱི་གོ་འཕང་ཐོབ་ཐུབ་བམ། ཉོན་མོངས་དུག་གསུམ་སྟོབས་ཆེན་པོ་རེད། ཉོན་མོངས་དུག་གསུམ་ལ་གླགས་འཁེལ་གྱི་མ་རེད། ངའི་བྱང་ཆུབ་ཀྱི་སེམས་ཁ་སྟབས་སྐྱོ་པོ་རེད། དུས་རབས་ཉེར་གཅིག་པའི་ནང་སངས་རྒྱས་ཐོབ་མྱོང་མཁན་ཡོད་པ་མ་རེད། འདི་ལ་ལན་ཡོད་དམ། གུས་རྒད་པོ་དཔལ་འབྱོར་ཚེ་རིང་གིས་ཕུལ།
བོད་ཀྱི་དགུ་བཅུ་གསུམ་ལས་འགུལ་ཚོགས་པས།
༄༅།།ཕྱི་ལོ་༢༠༡༣ ལོའི་ཟླ་༡༠ ཚེས་༢༢ ཉིན་རྒྱ་ནག་རྒྱལ་སྲིད་སྤྱི་ཁབ་ཁང་གི་གསར་འགྱུར་གཞུང་ལས་ཁང་ཟེར་བས་<<བོད་ལྗོངས་ཀྱི་འཕེལ་རྒྱས་དང་ཡར་ཐོན་བྱུང་བ།>>ཞེས་པའི་རྒྱབ་ཤ་དཀར་པོའི་དེབ་འདོན་ཐེངས་བཅུ་པར་གྲགས་པ་འགྲེམས་སྤེལ་བྱས་ཡོད་ལ། ཐེངས་འདིའི་རྒྱབ་ཤ་དཀར་པོའི་དེབ་ཀྱི་ནང་དོན་མདོར་བསྒྲིལ་ན་“བོད་ཞི་བའི་བཅིངས་འགྲོལ་གྱི་ལོ་ངོ་དྲུག་ཅུའི་”འཕེལ་རྒྱས་སྐོར་བཤད་ཡོད་ཅིང་། དེབ་དེའི་ནང་གསལ་སྟོན་བྱས་པའི་ནང་དོན་རྣམས་ཚན་པ་དྲུག་ལ་འགར་ནས་ཡོད་པ་སྟེ།
ཀླུ་སྨྱོན།
ཉེ་སྔོན་འཆི་མེད་མིང་ཅན་ཞིག་གིས་དགུ་རོང་སྤུན་གྲོལ་ལ་བསྐུར་པའི་ཐལ་ལྕག་ཚ་བོ་ཞེས་པ་ཞིག་རྡ་ས་ནས་བསྐུར་པ་ཡིན་ལུགས་ཀྱིས་ཁ་བརྡ་དྲ་བར་བཀོད་འདུག་པ་ཁོ་བོའི་ཟིན་བྲིས་སུ་འདྲེན་བཀོད་བགྱིས་པར། མང་མང་ཞིག་གིས་བསམ་བཞིན་དང་བསམ་བཞིན་མ་ཡིན་པའི་སྒོ་ནས་ཟིན་བདག་ཀླུ་སྨྱོན་བདག་གིས་བྲིས་པ་ཡིན་ལུགས་ཀྱི་བསྙོན་འཛུག་བྱེད་བཞིན་ཡོད་ཀྱང་། ཐེངས་འདིའི་སྒོ་ཤེར་ལགས་ཀྱིས་ཀླུ་སྨྱོན་རྩོམ་རིག་བྱ་དགའ་མ་བཞེས་པའི་ཕྱོགས་སུ་བདག་གིས་ཚིག་གཅིག་ཀྱང་བྲིས་མེད། དེ་ལ་རྒྱུ་མཚན་མང་ཡང་འདིར་གསལ་བཤད་བྱེད་འདོད་མ་སྐྱེས།
བོད་ཀྱི་དགུ་བཅུ་གསུམ་ལས་འགུལ་ཚོགས་པ།
༄༅།། མཁྱེན་ཡངས་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་སྐབས་བདུན་པའི་ཚོགས་གཙོ་རེ་མཱི་གྷ་སེ་ཨེག་ཁཱེ་ལེ་སི་ཧན་ཛལ་(Remigiusz Achilles Henczel)མཆོག་གི་༸ཞབས་དྲུང་དུ།
གུས་ཞུ།
བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ངོས་ནས་ཕྱི་ལོ་༢༠༡༣ ཟླ་བ་༡༡ ཚེས་༣ ནས་ཚེས་༥ ཉིན་བར་ཉིན་གྲངས་གསུམ་རིང་བཞུགས་སྒར་དྷ་རམ་ས་ལའི་གཙོས་ཉེ་འགྲམ་གྱི་ས་ཁུལ་ཁག་གསུམ་ནས་ཁྱོན་མཚན་རྟགས་ཉིས་སྟོང་ལྷག་བསྡུ་རུབ་ཞུས་ཡོད་པ་དང་།
དེ་ལས་མང་བ་། “མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ལ་འབོད་སྐུལ།” »
གནས་ཚུལ་མཁོ་གཏོང་བ། ཙ་ཡུས་ཕུན་ཚོགས།
ཕྱི་ལོ་༢༠༡༣ ལོའི་ཟླ་༡༡ཚེས ༦ཉིན་སུད་སི་གནས་སྡོད་ཁྱིོམ་ཚང་གཉིས་ཀྱིས་རྒྱལ་ཚོགས་ལ་བོད་དོན་ཞུ་གཏུག་གི་ལས་འགུལ་ཐེངས་༢༢ པ་དེ་སྤེལ་ཡོད་འདུག་ཅིང་། ཐེངས་འདིའི་ལས་འགུལ་ནང་ཡུ་རོབ་སྤྱི་ཟུར་གསུམ་དང་བཀའ་རྒྱུད་སྤྱི་འཐུས་ཟུར་བ་གཅིག་བཅས་མཉམ་ཞུགས་གནང་སོང་ལ། ཐེངས་འདིའི་ལས་འགུལ་ནང་མཉམ་ཞུགས་གནང་མཁན་སྤྱི་ཟུར་རྣམ་པ་བཞི་ལ་ཐེངས་འདིའི་ལས་འགུལ་ནང་མཉམ་ཞུགས་ཞུ་དགོས་དོན་དང་།
དགེ་འདུན་རྒྱ་མཚོ།
ནམ་རྒྱུན་ཡིན་ན་ཁ་བཏོན་ཚར་བ་དང་ཞོགས་ཇ་འཐུང་གི་ཡོད། ད་ནངས་སྔ་མོ་ཁ་འདོན་བཏོན་ཚར་ན་ཡང་གྲགས་འགུལ་ཅང་མེད་ཐལ། ཇ་དང་བག་ལེབ་ད་དུང་མ་སླེབས་པ་འདྲ། ཞོགས་པ་ནམ་ཟླ་དྭངས་པ་དང་ཁ་དབུགས་གཙང་བ། ལུས་ཁམས་བདེ་བ་དང་སེམས་ཀྱང་ལྷོད་པོ་རེད། དེས་རྐྱེན་གྱིས་སླར་ཡང་སྒོམ་ཞིག་བརྒྱག་འདོད་སྐྱེས་བྱུང་། དུས་རྒྱུན་ཡིན་ན་གྲུབ་འབྲས་ཡག་པོ་བྱུང་མིན་ལ་མ་ལྟོས་པར་བྱམས་པ་དང་སྙིང་རྗེ། སེམས་བསྐྱེད་དེ་ཚོའི་ཐོག་ལ་ཤུགས་ཕུལ་བ་ཡིན། དེ་རིང་དམིགས་བསལ་གྱིས་རྫོགས་རིམ་གྱི་སྐོར་ལ་ཚོད་ལྟ་ཞིག་བྱེད་དགོས་པ་མིན་ནམ་སྙམ།
གནས་ཚུལ་མཁོ་གཏོང་བ། དྲིལ་བསྒྲགས་འགན་འཛིན་བསྟན་འཛིན་རྣམ་མཛེས།
ཕྱི་ལོ་༢༠༡༣ ཕྱི་ཟླ་༡༡ པའི་ཚེས་༦ ཉིན་སྔ་དྲོ་ཆུ་ཚོད་ ༡༡ ཐོག བོད་ཀྱི་རྒྱལ་ཡོངས་མང་གཙོ་ཚོགས་པའི་གོ་སྒྲིག་འོག རྒྱ་གར་གྱི་རྒྱལ་ས་ལྡི་ཡི་(Ram Leela maidan)ནས་(Jantar Mantar)བར་གཞིས་བྱེས་བོད་མིའི་སྐྱིད་སྡུག་མཉམ་ཁུར་། ཞེས་པའི་རྒྱ་ནག་གཞུང་ལ་ངོ་རྒོལ་སྐད་འབོད་ཀྱི་ལས་འགུལ་གཞི་རྒྱ་ཆེ་བ་ཞིག་སྤེལ་ཏེ། ལྡི་ལི་བསམ་ཡས་གླིང་གི་མི་མང་དང་ལྡི་ལི་བྷོ་ངྷ་བྷི་ཧར་གྱི་ས་གནས་མི་མང་།
དེ་ལས་མང་བ་། “གཞིས་བྱེས་བོད་མིའི་སྐྱིད་སྡུག་མཉམ་ཁུར་ཞེས་པའི་སྐད་འབོད་ལས་འགུལ།” »
འོས་སྦྱོར་བ། ཤར་ཕྱོགས་ཁུག་རྟ།
༼མཁས་པའི་གཙུག་ནོར་ཟམ་གདོང་རིན་པོ་ཆེ་མཆོག་གི་དགུང་གྲངས་ ༧༤ པའི་འཁྲུངས་སྐར་ཉིན་དཔེ་སྟོན་སློབ་གྲྭའི་སློབ་མ་ཁག་ཅིག་གིས་བྲིས་ཤིང་གྱེར་འདོན་གནང་བའི་སྙན་ཚོམ།༽
ཡབ་ཆེན་ཁྱེད་ཀྱི་བཀའ་དྲིན་ག་ལ་བརྗེད།
འཆི་མེད་སྒྲོལ་དཀར། རང་ལོ་༡༣ འཛིན་རིམ་ ༨
དཔེ་སྟོན་ཡབ་ཆེན་ཁྱེད་ཀྱི་བཀའ་དྲིན་ག་ལ་བརྗེད།།
ང་ཚོའི་སེམས་སུ་རྡོ་ལ་རི་མོ་བྲིས་བཞིན་ཡོད།།
དེ་ལས་མང་བ་། “དཔེ་སྟོན་སློབ་གྲྭའི་སློབ་མ་ཁག་ཅིག་གིས་བྲིས་ཤིང་གྱེར་འདོན་གནང་བའི་སྙན་ཚོམ།” »
