ལོ་མ་རྒྱལ།

ཆར་ཟིམ་ལྡུམ་རའི་དབྱིངས་ནས་བབས།།
ལོ་མའོ་ངོ་ཡི་ས་རྡུལ་དག།
མུ་ཏིག་ས་ལ་བབས་པ་ལྟར།།
ལོ་མའི་སྟེང་ན་རིལ་བུར་གནས།།
ས་ལ་ལོ་མའི་ཆར་ཐིགས་འདེབས།།

དེ་ལས་མང་བ་། “ལྡུམ་ར། ༼དྲུག་པ༽” »

གཉན་ཆེན།

ཕ་སྤྲེའུ་བྱང་ཆུབ་སེམས་དཔའ་རེད།།
མ་གངས་རིའི་བྲག་གི་སྲིན་མོ་རེད།།
སྤུན་གདུང་དྲུག་འཕེལ་བའི་མི་རྒྱུད་རེད།།
བོད་ཁ་བ་ཅན་གྱི་གཞི་འཛིན་རེེད།།
ནང་ཕུ་ནུའི་ནང་དམེ་ངོ་ཚ་རེད།།

དེ་ལས་མང་བ་། “ནང་འཁྲུག་ཞི་བའི་འབོད་བརྡ།” »

འབའ་སྲས།

རབ་ཡངས་རྒྱ་མཚོ་ཆེན་པོའི་ཀློང་།།
གཡོ་བྱེད་རྐང་བས་དཀྲུགས་པ་ཡིས།།
བྱུང་བའི་ཐོས་འཛིན་མྱོས་བྱེད་པའི།།
དབྱངས་དེ་མྱུར་བར་བདག་ལ་སྩོལ།།

བདག་ནི་གདོང་བཞི་གཉིས་པ་སྟེ།།
རིང་ནས་དགའ་ཞིང་མྱང་བའི་སྒྲ།།

དེ་ལས་མང་བ་། “བློ་ཡི་གཏེར་ལ་ཕྱག་འཚལ་ལོ།” »

ཧོར་རིག་པའི་རལ་གྲི།

རང་ཡུལ་དྲོན་མོ་རྒྱབ་ནས་བཞག་སྟེ་ལན་ཀྲོའི་གྲོང་ལ་བྲོས་ནས་ཡོང་།།
ང་ཡི་དད་སའི་ས་པན་མཁས་པ་སྔོན་གྱི་བཞུགས་གནས་དེ་ལ་ཡོད།།
ས་པན་ཀུན་དགའི་བཞུགས་ཁྲིའི་ཕྱོགས་ལ་དད་ཕྱག་གསུམ་གྱིས་སྨོན་ལམ་བཏབ།།
དུ་སྨུག་འཐིབས་པའི་གྲོང་ཁྱེར་དེ་ནས་ཟི་ལིང་ཟ་མ་སྙེགས་ནས་རྒྱུག །

ཟི་ལིང་ཙོང་ཁའི་མཁར་རྙིང་བརྒྱུད་དུས་བཤང་བཙོང་རྒྱ་མོའི་ལག་བརྡ་རིག །
ཁྲི་ཤོར་རྒྱལ་མོའི་འགྲམ་ངོགས་བརྒྱུད་དུས་རྒྱང་རིང་འབྲོག་མོའི་གླུ་སྐད་ཐོས།།

དེ་ལས་མང་བ་། “རྒྱལ་ཁམས་འགྲིམས་པའི་སྙན་ངག” »

ན་མོ་མ་ཧྰ་གུ་རུ་ཨེ་མ་ཧོ། །

ཀ་ངོ་ཨ་ངོ་ཤེས་ནས་བཟུང་སྟེ། །
ཁ་བའི་བདེ་སྡུག་སེམས་ལ་ཤར་བས། །
ག་ས་ག་བར་ལྷག་བསམ་དཀར་པོ། །
ང་ཡི་སྙིང་གི་དཀྱིལ་ནས་བརྟས་སོང་། །

གཉན་ཆེན།
བོད་གདོང་དམར་ཅན་གྱི་དཔའ་རྒོད་ཚོ། །
མེ་དམར་བོའི་ནང་ལ་མ་ཆོངས་ཤིག །
ཚེ་གཅིག་གི་རང་སྲོག་རྩ་ཆེན་དེ། །
རྩྭ་བཞིན་དུ་འབར་ན་བཟོད་བླག་མེད།

དེ་ལས་མང་བ་། “གངས་རིའི་དཔའ་རྒོད་ཚོ།” »

རྟ་དབྱངས།

ཀ་རྩོམ་འཐེན་ཐུག་འདྲ་བོ།།
ཁ་ལ་ཧ་ཅང་ཞིམ་པ།།
ག་འདྲ་ཇི་འདྲ་འཐུང་རུང་།།
ང་ལ་རྒྱགས་རྒྱུ་མ་ཡོད།།
ཅ་ཅོ་ཆེ་བའི་འཇིག་རྟེན།།
ཆ་འགྲིག་ཆ་ལ་སྒྲིག་ཆེད།།

དེ་ལས་མང་བ་། “ཀ་རྩོམ་འཐེན་ཐུག” »

རྟ་དབྱངས།

ཀ་རྩོམ་ཀ་ར་འདྲ་ཞིག །
ཁ་སོའི་བར་ནས་ཤོར་ཐལ།།
ག་ས་གང་ནས་བལྟས་ཀྱང་།།
ང་ཡི་ཀ་རྩོམ་ལེགས་པ།།
ཅ་ར་མ་རའི་གཏམ་ཞིག །
ཆ་ཞིག་སྒྲིག་ནས་བཤད་ན།།

དེ་ལས་མང་བ་། “ཀ་རྩོམ་ཀ་ར།” »

བཙན་སྲས།

ངྷ་སའི་ཆར་དུས་སྟོན་མཇུག་ཉི་མར་གྱེས།།
རི་ལུང་སྨུག་སྤྲིན་དགུན་མགོའི་ཚ་བོས་ཟོས།།
དགུང་ཁའི་ཟེར་མའི་འོག་གི་ངྷ་ས་འདི།།
དོ་དགོང་ཚོགས་དུས་དྲུག་པའི་ཡམ་ཡོམ་སྒུལ།།

ཤག་ཤག་ཆར་པའི་ཁྲོད་ཀྱི་དྲན་གདུང་དང།།
བརྩེ་བ་ཆུ་ལྷམ་འདྲ་པའི་གནམ་འོག་འདིར།།

དེ་ལས་མང་བ་། “སྤྱི་ལྷན་ཚོགས་དུས་དྲུག་པས་བརྡབས་པའི་གཏོར་ཟོར།” »

གཉན་ཆེན།

ས་ཡ་དྲུག་གི་སྤྱན་ཟུང་ཉི་ཟླ་གངས་རིའི་ཕག་ལ་ཡལ་ཀི་ཐལ།།
ས་ཡ་དྲུག་གི་སེམས་ཀྱི་ཉི་མ་མ་དབང་ནུབ་ལ་བཞུད་ཀི་ཐལ།།
ས་ཡ་དྲུག་ལ་དམིགས་བུ་མེད་པར་མུན་ཁུང་ཁྲོད་ནས་ལུས་ཀི་ཐལ།།
ས་ཡ་དྲུག་གི་པན་ཆེན་བླ་མ་དབང་མེད་བཙལ་གྱིས་ཁྲིད་ཀི་ཐལ།།

ས་ཡ་དྲུག་གི་གཞིས་ཁྱིམ་དྲོན་མོར་དབང་ཆེན་འགྲོན་པོ་བསླེབས་ཀི་ཐལ།།
ས་ཡ་དྲུག་གི་ས་ཆའི་བདག་པོ་ཙི་ནའི་དཔུང་ལ་བདག་གི་ཐལ།།

དེ་ལས་མང་བ་། “ས་ཡ་དྲུག” »

ཆུ་སྐྱེས་སྒྲོལ་མ།

སྟོན་གྱི་བུ་མོས་རི་ལུང་ཐང་གསུམ་ལ།།
འཇམ་མཉེན་ཕྱག་གིས་བྱིལ་བའི་ཡུལ་གྲུ་ན།།
གསེར་མདོག་གོས་ཆེན་བཀླུབས་པའི་མཛེས་ཉམས་ནི།།
དབྱར་ཁར་གྱེས་ཕྱག་ཕུལ་བའི་བརྡ་སྟོན་ཉིད།།

ངལ་ཞིང་དུབ་པའི་སྟོན་ཀའི་ལྗོན་པ་ལ།།
ཡོད་ཚད་ཤོར་བའི་སྐྱོ་དུང་ཆེ་ན་ཡང་།།

དེ་ལས་མང་བ་། “སྟོན་དུས་ཀྱི་ཉམས་སྣང་། ༼ཁག་དང་པོ༽” »