སྐལ་བཟང་རྒྱ་མཚོ།
ཉིན་ཤས་སྔོན་རྒྱ་གར་གྱི་གློག་བརྙན་འཁྲབ་སྟོན་པ་གྲགས་ཅན་ཨ་མེར་ཁན་ལགས་ཀྱིས་གཙོ་གཉེར་བྱས་པའི་བདེན་པ་ཉིད་རྒྱལ་གྱུར་ཅིག་ satyam era jayate ཅེས་པའི་རྒྱ་གར་སྤྱི་ཚོགས་ཁྲོད་ཀྱི་གཟའ་འཁོན་དང་། བུད་མེད་ཀྱི་ཐོབ་ཐང་། ཕྲུག་གུ་མོ་དམར་གསོད་བྱེད་པ་སོགས་ཀྱི་ཐད་དཀའ་ངལ་དངོས་སུ་བརྒྱུད་མྱོང་བའི་མི་རྣམས་དང་བགྲོ་གླེང་རང་བཞིན་གྱི་འདུ་ཚོགས་ཆེན་པོ་ཞིག་བསྐངས་ཡོད་པ་དྲ་ལམ་བརྒྱུད་མཐོང་བ་ན།
དེ་ལས་མང་བ་། “ཡ་མུ་ནའི་གཙང་འགྲམ་ནས་རྙེད་པའི་བླ་མེད་ཀྱི་ཞབས་རྗེས།” »
ཀླུ་སྨྱོན། མདང་ནུབ་འཆི་བདག་དེ་ཀོ་བདག་ལ་འབྱོར།། སྡེར་མོ་བཀྲབ་བཀྲབ་མཆེ་བ་གཟེངས་གཟེངས་བྱེད།། ཁྱོད་རང་འགྲོ་དགོས་ཤུལ་བཞག་རྒྱུ་ནོར་སྟོན།། ལན་དུ་རླུང་གིས་ཁུར་བའི་རྐང་རྗེས་སོ།།
ཨ་ནུ་ཐང་བསོད་ནམས།
ཚན་པ་དང་པོ།
ནཱར་སིན་མན་དྲལ་ལ་ནི་སྤྱི་ལོ ༡༩༡༨ ལོར་ལྷོ་ཨ་ཧྥུ་རི་ཁའི་རྒྱལ་པོའི་ཁྱིམ་རྒྱུད་ཅིག་ཏུ་སྐྱེས་ཤིང་ཁྲིམས་ལུགས་སློབ་ཅིབ་ཁྲིམས་རྩོད་པའི་ཕྱག་ལས་གནང་། ཁོང་ནི་རྒྱལ་ཁབ་དེར་མི་རིགས་ནག་པོས་སྒེར་གྱི་ཁྲིམས་ལས་ཁང་བཙུགས་མཁན་ཐོག་མ་ཡིན། རིམ་བཞིན་ཆབ་སྲིད་ཀྱི་ནང་དུ་ལྷུང་ཞིང་མི་སེར་སྤེལ་བའི་རིང་ལུགས་ལ་ངོ་རྒོལ་འདྲ་མིན་བྱས་མཐར་ཨ་ཧྥུ་རི་ཁིའི་གཞོན་ནུ་ཚོགས་པར་འཛུལ་ཞུགས་བྱས།
དེ་ལས་མང་བ་། “མན་དྲལ་ལ་ནི་འཚེ་མེད་ཞི་སྤྱོད་པ་ལས་ཞི་བའི་དྲག་སྤྱོད་པ་ཞིག་ཡིན།” »
གོང་དཀར་ངག་རྣམ།
ཚོགས་ཆོས་ཆེན་མོའམ་ཐུབ་པ་དགོངས་གསལ་ཆེས་སྙན་པར་གྲགས་པའི་བསྟན་བཅོས་དེ་ཉིད་ཀྱི་མཇུག་བསྡུ་བའི་ཚིགས་བཅད་ནང་། སྤྱོད་པ་རྒྱ་ཆེན་ཤིན་ཏུ་རྒྱས་པའི་མདོ།། ལྟ་བའི་དེ་ཉིད་ཤེས་རབ་ཕ་རོལ་ཕྱིན།། མི་འགལ་གསལ་བར་སྟོན་པ་ཁོ་བོའི་གཞུང་།། རིགས་པ་བསྒྲུབས་པ་བླ་མའི་གསུང་བཞིན་བཤད།། བསྟན་བཅོས་འདི་ནི་བྱམས་ཆོས་སྡེ་ལྔའི་ནང་ཚན་མདོ་སྡེ་རྒྱན་གྱིས་བསྟན་པའི་ལམ་གྱི་རིམ་པ་རྩལ་འདོན་གནང་བ་ཞིག་ཡིན།
བོད་ཀྱི་བཀའ་གདམས་པའི་རིང་ལུགས་ནང་དུ་འདི་ལྟར་དད་པའི་གཞུང་དང་།
དེ་ལས་མང་བ་། “ཆོས་རྗེ་ས་པཎ་གྱིས་མཛད་པའི་ཐུབ་པ་དགོངས་གསལ་རགས་ཙམ་གླེང་བ།” »
བཀྲ་ཤིས་དོན་འགྲུབ།
ཉིན་ཤས་སྔོན་ཨྱོན་ཉི་མས་ངོ་དེབ་ནང་ནས་ཕུང་གསུམ་པ་ཞེས་པའི་བརྗོད་དོན་དེ་ཡང་བསྐྱར་གླེང་འགོ་ཚུགས་སོང་ལ། ཁོས་བཤད་སྟངས་ལ་ཕུང་གསུམ་པ་གླེང་པ་ནི་ཁོས་གནས་ལུགས་བླ་མེད་ཅིག་ཤོད་སོང་བར་མ་ཟད། བསྟན་དོན་ལ་བཅངས་པའི་ལྷག་བསམ་ཟོལ་མེད་ཀྱི་འདུ་ཤེས་མངོན་སྟངས་ཤིག་ཀྱང་ཡིན་རབས་བརྗོད། གཞི་རྩའི་ཆ་ནས། ཕུང་གསུམ་པ་དང་ཕུང་བཞི་པ་རྣམས་དངོས་སུ་རྦོད་རྦད་བསད་གསུམ་གྱི་ལས་ལ་ཞུགས་ནས་དམར་རྫིང་ཡ་ང་བ་འདྲ་བྱས་ནའང་།
ཀླུ་སྨྱོན།
སྣག་ཚ་བུམ་པ་གང་མི་རིགས་ཤིག་གི་ཟུངས་ཁྲག་དང་བསྲེས་ཏེ།
ལོ་རྒྱུས་ཀྱི་ལྡེབས་རིས་ཆེན་པོ་ཞིག་བཞེང་དུས།
བཙན་པོའི་དུས་ཀྱི་རྟ་དམག་གི་རྨིག་རྡུལ་ཡང་སྐྱར་འཐིབས་བྱུང་ལ།
མཐའ་བཞིའི་རྒྱལ་ཕྲན་ཚོར་སྤྲིངས་པའི་བཀའ་ཤོག་གི་གཟི་བརྗིད་ཀྱང་ཡང་སྐྱར་འབར་བྱུང་།
བཙན་པོའི་རྒྱལ་རབས་ཀྱི་དེབ་ཐེར་མཐུག་པོ་དེའི་བམ་ཁ་སྔོགས་དུས།
སུམ་གཉིས་ས་ལ་སླར་ཡང་དམག་དར་དང་རལ་གྲི་གཡུགས་སོང་།
ས་འཛིན་དཀར་པོ།
གཟུགས་སྐུ་ལང་ཚོ་ཨ་མདོ་ཡུལ་ལ་བལྟམས།།
མཚན་སྙན་བ་དན་རྒྱལ་ཁམས་ཀུན་ལ་གཡོ།།
གངས་རིའི་ལྷ་མོ་དོན་གྲུབ་བྱམས་བརྩེ་ཡིས།།
གོ་ལའི་ཞི་བདེ་དེད་དཔོན་མཚན་སྙན་ཐོབ།།
མཐོ་སྒང་ཡུལ་ནས་གྱེས་པའི་བགྲེས་པོ་ཞིག།
ཁ་བའི་བདེན་དོན་ཆེད་དུ་ཉིན་མཚན་གཞོལ།།
གནས་ཚུལ་གཏོང་མཁན། ཙ་ཡུས་ཕུན་ཚོགས།
ཕྱི་ལོ་༢༠༡༣ ལོའི་ཟླ་༡༢ ཚེས་༡༠ ཉིན་ཚང་མས་མཁྱེན་མངའ་ལྟར་སུད་སི་གནས་སྡོད་ལྷུན་གྲུབ་ཚང་ཀརྨ་བཀྲ་ཤིས་ཚེ་རིང་དང་། སྟག་ཚང་དཀོན་ཅོག་ཁྱིོམ་ཚང་གཉིས་ཀྱིས་རྒྱལ་ཚོགས་ལ་བོད་དོན་ཞུ་གཏུག་གི་ལས་འགུལ་དབུ་འཛུགས་གནང་སྟེ་ལོ་ངོ་ཧྲིལ་བོ་གཅིག་འཁོར་བའི་ཉིན་མོ་ཡིན་པ་དང་། གོང་ཚེས་ཉིན་བོད་དོན་ཞུ་གཏུག་ལས་འགུལ་ཐེངས་༢༤ བ་དང་། ༢༠༡༣ ལོའི་ལས་འགུལ་མཐའ་མ་དེ་སྤེལ་ཡོད་འདུག
དེ་ལས་མང་བ་། “ལོ་གཅིག་རིང་ཁྱིམ་ཚང་གཉིས་ཀྱི་བོད་དོན་ཞུ་གཏུག་ལས་འགུལ།” »
སེར་ཤུལ་རིན་ཆེན་དོན་གྲུབ།
༼༸གོང་ས་མཆོག་གིས་ནོ་བྷེལ་ཞི་བདེའི་གཟེངས་རྟགས་བཞེས་ནས་མི་ལོ་ཉེར་བཞི་འཁོར་བའི་དུས་དྲན་ལ་ཕུལ།༽
སྤྱི་སྙོམས་མཛད་པའི་རླབས་ཆེན་ཕྱག་རྗེས་ཤར་ནུབ་རིག་པའི་འོད་དུ་བཞུར།།
དྲང་ཚུགས་སྒམ་བརླིང་མི་གཤིས་བཟང་པོས་དཔྱོད་ལྡན་སྙིང་ལ་བསིལ་བ་སྦྱིན།།
ལེགས་འབྱེད་གུ་ཡངས་ཤེས་རབ་མཚོན་གྱིས་རིས་གཅོད་ལྟ་བར་ཟུག་རྔུ་བསླངས།།
ཆོས་ཉིད་རིགས་པའི་དཔྱད་ཞིབ་ངོས་ན་ཁྱེད་ནི་མཆོག་གི་འོད་རིས་ཤིག །
ཀླུ་སྨྱོན། དེ་རིང་ནས་བཟུང་ནང་བསྟན་དམག་དོན་རིག་པ་ཞེས་པའི་རྩོམ་ཡིག་ཅིག་འབྲི་མགོ་རྩོམ་རྒྱུ་ཡིན། ཁུངས་གཏུགས་ས་ནི་རྒྱ་གར་གྱི་དུས་འཁོར་རྩ་རྒྱུད་དང་བོད་ཀྱི་འབོད་རྦད་བསད་གསུམ་གྱིས་གྲུབ་པའི་གཏོར་ཟློག་གི་རིགས་དེ་ཚོ་ཡིན།
ཁང་སྨིན་གྲོལ་རྒྱ་མཚོ།
་་་་་་་་་ངོས་ཀྱི་ཡུལ་དང་ངོས་ཀྱི་མི་མང་ཞེས་པའི་བཀའ་རྩོམ་བཀླགས་རྗེས།
སྙན་འཇེབས་གསུང་གི་འགྱུར་ཁུག་རེ་ན་ལེགས་བཤད་གསེར་གྱི་འོད་ཕྲེང་རེ།།
རབ་དཀར་ཞལ་གྱི་འཛུམ་དམུལ་རེ་ན་སྐྱོ་གདུང་གཤགས་པའི་བྱམས་བརྩེ་རེ།།
ཡིད་འོང་མཉེན་ལྕུག་ཕྱག་རྒྱ་རེ་ན་དད་འདུན་འགུག་པའི་སྒྱུ་འཕྲུལ་རེ།།
བསམ་ཡས་རིག་པའི་འཁྱུག་ཤེད་རེ་ན་འགྲོ་དྲུག་སྐྱོང་བའི་ཟློས་གར་རེ།།
ཁྱོད་ནི་ཚན་རྩལ་རིག་པ་མིན་ཡང་སླད་མར་ཕན་པའི་སྨན་ཕུང་ཞིག།
ཁྱོད་ནི་དཔག་བསམ་ལྗོན་པ་མིན་ཡང་ཅི་དགོས་སྟེར་བའི་ནོར་བུ་ཞིག།
བསམ་གླིང་ཚེ་རིང་ལྷ་མོ།
བཀྲ་ཤིས་ཞི་བདེའི་སྣང་བ་འཛམ་གླིང་དུ།།
འཆར་བའི་ཉིན་མོ་སྐལ་བཟང་གླུ་རུ་ལེན།།
དེ་རིང་བཀྲིས་ཉིན་མོར་སྐལ་ལྡན་རྣམས།།
དགའ་བའི་གླུ་དབྱངས་ཅི་གར་མི་ལེན་གང་།།
རྐང་དམག་མཚོ་དམག་གནམ་དམག་མི་ལྡན་ཞིང་།།
མཚོན་ཆ་ཁབ་སྐུད་ཙམ་དང་བྲལ་ན་ཡང་།།
ཆོས་ཀྱི་ཉི་མ།
ཞི་བའི་སྨན་ལྗོངས་རྐང་འཐུང་འཁྲིགས་པའི་ཡུལ།།
འཇོལ་མོའི་གསུང་སྙན་སྒྲོག་པའི་བས་མཐའ་རུ།།
རྩྭ་དང་ལྡུམ་བུའི་འཚོ་བར་ལོངས་སྤྱོད་པའི།།
དྲང་སྲོང་རྣམས་ལ་གུས་པས་ཕྱག་འཚལ་ལོ།།
དོན་མེད་མི་ཡི་ཚེ་ནི་སྐད་ཅིག་ལ།།
འཆི་བའི་འཕྲང་ལ་རྒྱུགས་པའི་ངང་ཚུལ་འདི།།
དེ་ལས་མང་བ་། “ཆོས་བརྒྱུད་ཀྱི་མིང་ཁུར་པའི་སྐྱབས་རྗེ་ཚོ་ལ་སློབ་གཉེར་དགོས་པའི་གཞེན་བསྐུལ།” »
ཀླུ་སྨྱོན། རྒྱ་གར་གྱི་ཟ་ཁང་ཚོང་ཁང་མགྲོན་ཁང་གང་སར་བརྙན་མིག་བཙུགས་ཏེ་འཛུལ་ས་གཟུར་ས་མེད་པ་ཞིག་བཟོས་འདུག སྔོན་ཆད་ཨ་རིའི་བརྙན་མིག་ལ་སུན་སྣང་སྐྱེས་ཀྱང་རྒྱ་གར་དང་བསྡུར་ན་གང་ཡང་རེད་མི་འདུག རྒྱ་ནག་ཀྱང་བརྙན་མིག་གིས་ཁེངས་འདུག་ཟེར། རྒྱ་དཀར་ནག་གཉིས་ཀྱི་བརྙན་མིག་དོན་ངོ་མར་སུ་ལ་དམིགས་ཡོད་དམ། ལོ་ཕྱེད་སྔོན་བོད་ནང་གི་རྩོམ་པ་པོ་སེང་རྡོར་གྱིས་ཁོང་གིས་བཙུགས་པའི་སྙན་ངག་པའི་ཇ་ཁང་དེར་ཡང་བརྙན་མིག་བཙུགས་ཡོད་ཟེར་བས། ལོ་ཤས་རྗེས་སུ་རྒྱལ་ཁབ་འད་ིཚོས་གསང་སྤྱོད་ནང་དུ་ཡང་བརྙན་མིག་བཙུགས་ཏེ་མཇེ་སྟུའི་ཆེ་ཆུང་གཞལ་རྩིས་ཡོད་པ་ནི་ཧ་ཅང་གསལ་བོ་རེད།
ཀླུ་སྨྱོན། མཛེས་དང་མི་སྡུག་ཚོན་གྱིས་མ་བྲིས་རང་བྱུང་རིག་པའི་ལྷ་མོ་ཁྱེད། ། གཅིག་དང་དུ་མའི་རྣམ་རྟོག་ལས་འདས་སེམས་ཀྱི་ཟབ་སར་བཞུགས་ནས་བཟུང་། ། ཉིན་དང་མཚན་མོའི་དུས་ཀྱི་འཁོར་ལོར་སྙན་ངག་བདུད་རྩིའི་རོ་མཆོག་སྩོལ། ། གང་དང་གང་ལ་སྙིང་ནས་དུང་བའི་རྨི་ལམ་ཞིང་གི་མཛའ་མོ་དྲན། ། དགའ་སྐྱོ་ཆགས་སྡང་སེམས་ཀྱི་ཚོར་བ་མ་ལུས་སྨྱུ་གུའི་རྩེ་རུ་འདྲེན། ། འབྲོག་པའི་རྩྭ་ཐང་རོང་པའི་ཞིང་ཁར་རྐང་རྗེས་འཇོག་བཞིན་འཇོག་བཞིན་འོངས། ། ཆབ་རོམ་མ་ལུས་སྨུག་སྤྲིན་ལ་བསྒྱུར་རི་བོའི་སུལ་་དུ་གཉིད་ཀྱང་ལོག །…
ཁྲི་རལ་པ།
འཛམ་གླིང་ས་ཕྱོགས་གང་དུའང་རྒྱལ་ཁབ་དང་རིག་གཞུང་གང་ལ་ཆག་འཇིག་ཆེན་པོ་བྱུང་བ་དང་། ཆབ་སྲིད་དང་དམག་འཁྲུག་གི་དུས་འགྱུར་ལྟ་བུ་དམིགས་བསལ་གྱི་དུས་སྐབས་སུ་སྐྱེས་འཚར་གྱིས་གནས་ཚུལ་བྱུང་བ་ཁག་དངོས་མྱོང་ཡོད་པ། མི་སྣ་དཀྱུས་མ་དང་ཡང་ན་འཕོ་འགྱུར་དེ་ཚོར་ཁ་གཏད་བྱས་ཏེ་སྡུག་བསྔལ་དྲག་གནོན་མྱོང་མཁན་གྱི་མི་སྣ། གཞན་འགྱུར་བ་དེར་སྣེ་ཁྲིད་དང་ལེན་བྱེད་པའི་མི་སྣ་སུ་འདྲ་ཅིག་ཡིན་ན། འཁྱོག་བརྗོད་སྤངས་ཏེ་ཁོང་ཚོའི་མི་ཚེའི་ལོ་རྒྱུས་ཕྱི་རབས་པར་འཇོག་རྒྱུ་ཧ་ཅང་གལ་ཆེན་དུ་མཐོང་གི་ཡོད་པས།
གཉན་ཆེན།
གངས་ཅན་བོད་ཡུལ་བླ་མའི་ཞིང་ཁམས་ཡིན།།
གངས་རིའི་བདག་པོ་བླ་མའི་གདུལ་བྱ་ཡིན།།
གངས་ལྗོངས་ལྷ་ཀླུ་མང་བོའི་ལྷས་ར་ཡིན།།
གངས་རིའི་ལྷ་ཚོགས་གྲག་མེད་འགུལ་མེད་ཡིན།།
གངས་སེང་དར་ཆ་ནུབ་པའི་ཉིན་མོ་ནས།།
གངས་ཁྲོད་ཁྲག་གིས་ཁ་མདོག་དམར་བོར་གྱུར།།
༼༧གོང་ས་ཡིད་བཞིན་ནོར་བུ་མཆོག་གིས་ནོ་བྷེལ་ཞི་བདེའི་གཟེངས་རྟགས་དགྱེས་བཞེས་གནང་ནས་ ལོ་༢༤ འཁོར་བར་རྟེན་འབྲེལ་ཞུ།༽
རེབ་ཐོག་མདའ།
ཙོང་ཁ་རི་བོ་འདབས་རོལ་ཞིག་ནས་ལྷ་སྐལ་མེ་ཏོག་བོད་ལ་བཞད།།
ལྷ་ལྡན་གྲོང་གི་ཟིང་ཟིང་ཀློང་ནས་ཐུབ་པའི་གསུང་ལ་རིག་པས་དཔྱད།།
བྱང་ཕྱོགས་རྡ་སའི་རི་གྲོང་ཞིག་ནས་མཛད་འཕྲིན་འོད་སྣང་གླིང་འདིར་འཕྲོས།།
ས་ཆེན་གོ་ལར་ཞབས་ཀྱི་བཅགས་པའི་བདག་གི་བླ་མ་ཡིད་བཞིན་ནོར།།
ཀླུ་སྨྱོན། དེ་རིང་སྙན་ངག་གི་ཕ་ཁྱིམ་ཟེར་བའི་དྲ་འཕྲིན་ནང་དུ་ཆུང་ཚེ་རིང་དང་ཆབ་བྲག་ཕོ་ཉ། ཧོར་འཇིགས་དང་ཁོ་བོ་བཅས་ལ་ས་མཐའི་སྙན་ངག་པའི་ཁྱུ་མཆོག་བཞི་ཞེས་པའི་ཆོ་ལོ་སྦྱར་ཏེ་མི་རེའི་འདྲ་པར་དང་སྙན་ངག་རེ། སྙན་ངག་དེ་དག་གི་ཕྲན་དཔྱད་རེ་བཅས་ལྷན་དུ་བཀོད་འདུག་པས། ཆོ་ལོ་དེ་བདག་ལ་ཇི་ལྟར་མཛའ་བསམས་ནས་བསྡད་ཡོད།
འོད་གསལ་མཐའ་ཡས།
༡༽ དུག་མཚོན་བདུད་སྡེའི་དམག་ཚོགས་ལ།།
བྱམས་དང་སྙིང་རྗེས་འཛུམ་མདངས་བསྟན།།
ཤཱཀྱའི་དགེ་སྦྱོང་རྒྱལ་བའི་སྲས།།
སྤྱན་རས་གཟིགས་དབང་ཁྱེད་མིན་སུ།།
༢༽ ཞི་བདེའི་དེད་དཔོན་ཆོས་ཀྱི་རྗེ།།
དྲང་དང་བདེན་པའི་གཤོག་ཟུང་ཅན།།
ཕན་དང་བདེ་བའི་ལམ་བཟང་སྟོན།།
ཕུགས་མདུན་རིང་བའི་ལྷ་བྱ་ལགས།།
