དོལ་སྨྱོན།
སྤྲིན་པ་རླུང་གིས་ཁུར་སོང་།།
ལོ་མ་ས་ལ་ཟག་སོང་།།
སེམས་ཀྱི་བྱིའུ་ཆུང་འཇོལ་མོ།།
ཐག་རིང་རྒྱང་ལ་ཆས་སོང་།།
བཟུང་བས་འཛིན་རྒྱུ་མེད་པ།།
གཙང་ཆབ་ནང་གི་ཟླ་གཟུགས།།
ཉི་མ་དམར་བོ
ཚེ་རིང་།
དུས་ཚིགས་ཀྱིས་གཏིབས་པའི་གྲིབ་སོ
ལྷང་འཇག་གི་གྲུ་གར་ཡུན་གྱིས་བསྐོན་དུས
ཉི་མ་དམར་བོ སུ་ཞིག་གི་འཁྲེང་ཞེན་བཞིན
ནུབ་ཁའི་རི་རྩེ་ནས་ཕྱིར་ལྟོས་ཀྱིས་ལྷེམ་ལྷེམ་འདར
གདུག་རྩུབ་ཀྱི་རླུང་ཁ་ན
ལྷེམ་ལྷེམ་དུ་འདར་བའི་ཁྱོད་རང
བདུད་བྷེའི་ཆེད་བསྒྲིགས་དགོང་ཚོགས་ཐོག་མ་༼ཁུ་བྱུག་གི་བརྩེ་བ།༽
འོས་སྦྱོར་བ། རྨེའུ་དཀོན་རྒྱམ།
ལེགས་སྐྱེས་འདུ་ཤེས།
ཚེ་རིང་།
—— ལེགས་སྐྱེས་ཤིག་གི་འབྱོར་ལན་དུ་བྲིས།
རང་གིས་མཆོག་གྱུར་གྱི་གྲོགས་པོ་དེ་ལ་ལག་སྐྱེས་རྩ་ཆེན་ཞིག་སྟེར་འདོད་ན། དེ་ནི་ཁྱོད་ཀྱིས་རྒྱུ་ནོར་གྱི་ཕྱོགས་ནས་བསམ་བློ་མ་གཏོང་། རྒྱུ་ནོར་ནི་ཁྱེད་ཀྱིས་གཞན་ལ་སྟེར་ཆོག་པ་དང་གཞན་གྱིས་ནམ་ཡིན་ཡང་ཉེར་ཆོག་པའི་ལེགས་སྐྱེས་དངོས་མ་དེ་མ་རེད། ཆུང་དུས་ནས་བཟུང་ལྷན་སྐྱེས་སུ་རང་ལ་དབང་ཞིང་། རང་ཉིས་ཀྱིས་མཛའ་བརྩེ་ཟབ་པའི་མི་དེ་ལ་སྟེར་ཆོག་པ་དང་། དུས་ཅི་འདྲ་ཞིག་གི་འོག་ནས་ཀྱང་གཞན་གྱིས་ཉེར་ཆོག་པའི་ལག་སྐྱེས་དངོས་མ་ནི། ཟོལ་མེད་དྭངས་གཙང་གི་ཁྱེད་ཀྱི་སེམས་པ་ཁོ་ན་ཡིན།
དུས་བཞི།
ཚེ་རིང་།
—–མི་ཚེའི་གླུ་དབྱངས།
<< དཔྱིད >>
བྱས་བསགས་ལས་ཀྱི་ས་བོན་མཁའ་ལས་ལྷུང་།།
སྲོག་འཛིན་གསེར་གྱི་ལྗང་མྱུག་ས་ལ་སྨིན།།
ལང་ཚོའི་སྐྱེ་མཆེད་རྒྱང་ནས་རྫོགས་པའི་བརྡར།།
མི་ཚེའི་དབུ་ཁྱུད་ཀྱག་ཀྱོག་ལམ་དུ་བྲིས།།
དཔལ་རྒྱལ་བ་ཇོ་ནང་པའི་སྨོན་ལམ་ཆེན་མོ་སྐབས་བཅུ་གཉིས་པ།
གནས་ཚུལ་མཁོ་སྤྲོད་པ། ཨ་བཙན་པོ།
༸དཔལ་རྒྱལ་བ་ཇོ་ནང་བའི་སྨོན་ལམ་ཆེན་མོ་འཛམ་གླིང་ཕན་བདེའི་གྲུ་ཆར་ཐེངས་བཅུ་གཉིས་པ་དེ། ཕྱི་ལོ་༢༠༡༣ ཟླ་༡༢ ཚེས་༢༨ ནས་དབུ་དབུ་འཛུགས་ཀྱིས་ཉིན་གྲངས་བདུན་གྱི་རིང་གནས་མཆོག་རྡོ་རྗེ་གདན་དུ་སྐོང་འཚོགས་གནང་བཞིན་ཡོད་འདུག་ལ། སྨོན་ལམ་ཉིན་ཉིན་ལྔ་བར་དཔལ་རྒྱལ་བ་ཀརྨ་པ་མཆོག་སྨོན་ལམ་གྱི་ཚོགས་མགོན་དུ་ཆིབས་བསྒྱུར་གནང་ཡོད་འདུག
དེ་ལས་མང་བ་། “དཔལ་རྒྱལ་བ་ཇོ་ནང་པའི་སྨོན་ལམ་ཆེན་མོ་སྐབས་བཅུ་གཉིས་པ།” »
(2013)ཕར་ལ་སྐྱེལ་ཞིང་(2014) ཚུར་ལ་བསུ།
དོལ་སྨྱོན།
==== སེམས་ཀྱི་གནས་ཚང་ལ་ཕུལ་བ།
དང་པོ། (2013) ལ་སྐྱེལ་མ་ཞུ་བ།
དེ་རིང་ནི་སྟོང་ལོ་བཅུ་གསུམ་གྱི་ཉིན་མཐའ་མ་དེ་རེད། སྟོང་ལོ་བཅུ་གསུམ་འདི་འུ་གཉིས་ལ་མཚོན་ན་རྒྱལ་ཁའི་ལོ་ཞིག་སྟེ། ལོ་འདིའི་ནང་འུ་གཉིས་ཀྱི་མི་ཚེར་ལམ་ལྷོང་དང་ལེགས་འགྲུབ་རྒྱལ་ཁ་དང་གྲུབ་འབྲས་སོགས་ཀྱི་དབུ་འཁྱུད་མང་དུ་བྲིས་ཡོད་ལ། ད་དུང་མདུན་སྐྱོད་དང་སྔོན་ཐོན་གྱི་གོམ་པའང་གང་འཚམ་སྤོས་ཡོད། དེས་ན་ཉིན་ཞག་ཆུའི་རླབས་རིས་བཞིན་བཞུར་བཞུར་ནས་དེ་རིང་གི་ཉིན་འདིར་སླེབས་དུས། འུ་གཉིས་ནས་འདས་ཟིན་པའི་སྟོང་ལོ་བཅུ་གསུམ་ལ་ཕྱིར་འདང་ཞིག་རྒྱབ་ཚེ། སེམས་ཞུམ་ཞིང་ངོ་གནོང་དགོས་པའི་སྐྱོ་བ་ལས་བྲལ་ཏེ་དགའ་བ་དང་སྤྲོ་བའི་ཚོར་བ་རེ་ངེས་པར་དུ་མྱོང་ཐུབ་པ་དེ་ཡིན།
ལྷ་སྤྲུལ་པ་མིན་ན་དད་གུས་བཅོས་མིན་མི་སྐྱེ་བ་བླུན་པོའི་ལུགས་ཡིན།
ལོག་སྨྲ་ཚར་གཅོད།
ངས་དེ་རིང་རང་གིས་བལྟ་སྟངས་ཀྱི་ཟུར་ཆ་ཞིག་བཤད་ན་འདི་ལྟར། རང་གིས་གུས་བཀུར་བྱེད་སའི་བླ་མ་འགའ་ཡོད་པའི་ནང་ནས་ཡང་སྒོས་གཅིག་ཏུ་དགའ་དད་གུས་གསུམ་གྱིས་སྐྱབས་སུ་འགྲོ་ས་ཆེས་མཆོག་ཏུ་གྱུར་པ་གཅིག་ཡོད་པ་དེ་ནི་༧གོང་ས་རྒྱལ་བ་ཡིད་བཞིན་ནོར་བུ་ཉིད་ལས་གཞན་སུ་ཡིན། དེ་ཡང་གུས་པས་བོད་མི་སྤྱི་ཡོངས་ཀྱིས་ཆོས་རྨོངས་ཀྱི་བསམ་བློ་རྙིང་པ་ལྟར་ཁོང་སྤྱན་རས་གཟིགས་ཀྱི་རྣམ་སྤུལ་ཞིག་ཡིན་པ་དང་བོད་ཀྱི་ལྷ་སྐལ་ཡིན་པ། སྐུ་ཐོག་སྐྱེ་ཕྲེང་མང་པོ་རིམ་བྱོན་གྱི་ལོ་རྒྱུས་ལྡན་པ་དང་སྐུ་སྐྱེ་སྔ་མོའི་སྐབས་ནས་བོད་ལ་བཀའ་དྲིན་ཆེན་པོ་ཡིན་པ་སོགས་རྒྱུ་མཚན་དུ་བྱས་ཏེ་དགའ་དད་གུས་གསུམ་བྱེད་ཀྱིན་མེད།
དེ་ལས་མང་བ་། “ལྷ་སྤྲུལ་པ་མིན་ན་དད་གུས་བཅོས་མིན་མི་སྐྱེ་བ་བླུན་པོའི་ལུགས་ཡིན།” »
སྲོང་བཙན་སྒམ་པོ།
གཞས་པ། རྡོ་རྗེ་ཚེ་བརྟན།
བསྟན་འཛིན་བདེ་སྐྱིད་དང་ཐུག་པ།
བསོད་ནམས་ནོར་བུ།
ནམ་རྒྱུན་ང་ལ་ you tube བརྒྱུད་བོད་ཀྱི་ན་གཞོན་གསར་པའི་དཔུང་སྡེ་མང་པོས་ཤེས་བྱ་དང་བསམ་བློ་གསར་པ་མང་པོ་གནང་གི་ཡོད་གཤིས། ང་རང་གོ་སྐབས་དང་པད་ཤག་ཡོད་དུས you tube བལྟ་བར་གོམས་གཤིས་དང་དགའ་མོས་ཆེན་པོ་ཤིག་ངང་གིས་ཆགས་ནས་འདུག དེའི་ཁྲོད་ཡིད་སྨོན་དང་། སྤོབས་པ། སེམས་ཤུགས་ཟབ་མོ་སྟེར་མྱོང་བའི་བོད་ཀྱི་སྨན་ཤར་སྣང་འགྲོ་མ་ཞིག་སྟེ། དེ་རིང་ང་རང་དངོས་སུ་ཨ་རིའི་ཧར་ཝར་ཌི་གཙུག་ལག་སློབ་གྲྭའི་སློབ་ཐོན་པ་བུ་མོ་བསྟན་འཛིན་བདེ་སྐྱིད་དང་ཐུག་འཕྲད་བྱུང་།
སོ་ནམ་པའི་ལོ་གསར་ལ་ཕུལ་བའི་མཆོད་སྤྲིན།
གློག་ཀླད།
གར་འཆམ་མིག་དབང་འཕྲོག་པའི་བཀྲ་ཤིས་ཤོག །
ཐིག་རིས་ཅི་བསམ་འགྲུབ་པའི་བཀྲ་ཤིས་ཤོག །
དབྱངས་སྙན་རྣ་བའི་བདུད་རྩིའི་བཀྲ་ཤིས་ཤོག །
གར་ཐིག་དབྱངས་གསུམ་འཛོམས་པའི་བཀྲིས་ཤོག །
འཆད་པ་གཞུང་བརྒྱ་སྨྲ་བའི་བཀྲ་ཤིས་ཤོག །
རྩོད་པ་རྒོལ་ངན་བཟློག་པའི་བཀྲ་ཤིས་ཤོག །
འཇིག་རྟེན་གྱི་སྣང་སྐྱིད་ཅན་ཚོ།
རྒྱང་མིག
ལོ་གསར་རྙིང་གཉིས་ཀྱི་བར་མཚམས
སྨག་གནག་པའི་མཚན་མོའི་དཀྱིལ་དབུས
དེ་རིང་སང་ཉིན་གཉིས་ཀྱི་དབྱེ་མཚམས
ཏག་ཏག་དུས་ཚོད་དེར
འཇིག་རྟེན་གྱི་སྣང་སྐྱིད་ཅན་ཚོ
བྲེལ་བྲེལ་འཚུབ་འཚུབ་ངང
ཁ་དོག་གི་སྙན་ངག
ཚེ་རིང་།
__<< དཀར་བོ >>__
ཁ་དོག་འདི མཛམ་གླིང་གི་དབུ་རྩེ་ན་བདག་མེད་དུ་འགྱིང་བའི་བོད་མིའི་བླ་རིའི་ཁ་དོག་ཡིན་ལ
ཁ་དོག་འདི ང་ཚོའི་སྣོད་བཅུད་མཐའ་ནས་སྐྱོར་བའི་རི་བརྒྱུད་ཅིག་གི་ཁ་དོག་ཀྱང་ཡིན
ཁ་དོག་འདི མུ་མེད་ཀྱི་རྩྭ་ཐང་ལ་འཐོར་བའི་གཡང་དཀར་མུ་ཏིག་གི་ཁ་དོག་ཡིན་ལ
ཁ་དོག་འདི ཨ་མས་ང་ལ་སྤྲོས་པའི་རྟག་བརྟན་འཛུམ་མདངས་ཀྱི་ཁ་དོག་ཡིན
བྱིས་པ།
བར་ཕུན་ཚོགས།
བཟོ་དབྱིབས་མེད་པའི་ཤ་རྡོག་ཁྱོ
ཨ་མའི་མངལ་ནས་ན་ཟུག་དང་བཅས་ཏེ་
ངུ་འབོད་ཁོ་ན་ལས་གཞན་ཅི་ཡང་མ་ཤེ
གང་ཡང་མ་འཇོན་ཞིང་མ་མཐོང་བའི་སྐ
བཙོག་པ་དང་སྣབས་ལུད་རྣམས།
ཨ་མའི་ལྕེ་ཡིས་འཇིབ།
བོད་ཡུལ་བདེ་བའི་སྨོན་ལམ།
ཨེ་མ་ཧོ།
སྐྱབས་གནས་བསླུ་མེད་དཀོན་མཆོག་རྩ་བ་གསུམ། །
ཁྱད་པར་གངས་ཅན་མགོན་པོ་སྤྱན་རས་གཟིགས། །
རྗེ་བཙུན་སྒྲོལ་མ་གུ་རུ་པདྨ་འབྱུང་། །
གསོལ་བ་འདེབས་སོ་ཐུགས་དམ་ཞལ་བཞེས་དགོངས། །
སྨོན་ལམ་ཡོངས་སུ་འགྲུབ་པར་བྱིན་གྱིས་རློབས། །
སྙིགས་དུས་འགྲོ་རྣམས་བསམ་སྦྱོར་ལོག་པ་དང་། །
ད་ལྟའི་བོད་པ་ཚང་གི་གནས་སྟངས།
ཆབ་མདོ་ངག་ཕུན།
སྔོན་གླེང་ཐུང་ངུ་།
ཕྱི་ལོ་ ༢༠༡༣ ཟླ་ ༡༢ ཚེས་ ༢༣ ཉིན་མོར་དྷ་ཤོད་སློབ་གྲྭའི་ནང་ལ་སློབ་གྲྭ་ལོ་འཁོར་གུང་སེང་སྐབས་སྐུ་མགྲོན་གཙོ་བོ་མཆོག་ཕེབས་ནས་གསུང་བཤད་དང་འབྲེལ་བའི་ཐོག་ནས་སེམས་ནང་དུ་གང་འཁོར་བ་དེ་དག་སྒྲུང་གཏམ་ལམ་ནས་བྲིས་པ་ཞིག་ཡིན་ན། སྒྲུང་གཏམ་འདི་དག་ལ་བརྟེན་ནས་བོད་མི་རིགས་ཡོངས་ཀྱི་སོ་སོའི་སྐད་ཡིག་ལ་བདག་གཅེས་གནང་བའི་རེ་བ་དང་ཡིད་མཆིས་ཡོད་ཅིང་། བོད་མི་རིགས་ཀྱི་སྐད་ཡིག་ནི་བོད་མི་རིགས་ཀྱི་བླ་སྲོག་དང་ཀུན་ནས་མཚུངས་ཤིང་།
ལོ་གསར་གྱི་ཞུ་ཡིག་ཀ་མ་ལ།
ཨེ་མ་ཧོ།
ན་མོ་གུ་རུ་ཀ་ལ་ཙཀྲ་ཡ།
ཀ་ལ་ཙཀྲ་ཕྱི་ནང་གསང་བའི་དོན།།
ཁ་བའི་ལྗོངས་སུ་འདྲེན་པའི་བླ་མ་རྗེ།།
ག་དུས་ཡིན་ན་དྲན་པའི་སྙིང་གི་གྲོགས།།
ང་ཡི་རིག་པའི་ཡེ་ཤེས་རྒྱན་ཏུ་རྒྱལ།།
ཅ་དག་དངོས་བཤམས་ཡིད་སྤྲུལ་མཆོད་པ་དང་།།
ཆ་རྐྱེན་བཟང་པོའི་གཞལ་ཡས་ཁང་ཆེན་དུ།།
ཇ་ཆང་འདོད་པའི་ལོངས་སྤྱོད་ཚོགས་འཁོར་བསྐོར།།
ཀ་འཕྲེང་ཆགས་གཏམ་མ།
སྦྲ་ནག་ཚང་གི་སྨྱི་ནག
ཀྭ་ཡེ་གསོན་དང་སྙིང་གི་དབང་མོ་ལགས།།
ཁ་ཞིག་སྐྱེལ་ནས་བརྩེ་བའི་སྒོ་མོ་འབྱེད།།
ག་ལེར་འཁྲིག་པའི་དུང་བ་འུ་གཉིས་ཟབ།།
ང་ལ་འཛོམས་པ་ཁྱོད་ཀྱིས་ཆགས་རྩལ་ཡིན།།
ཅ་ཅོར་ཆེ་བའི་འཆལ་གཏམ་རྒོད་ན་ཡང་།།
ཆ་ལ་མ་ཉལ་ཞག་གཅིག་བཟོད་ཐབས་བྲལ།།
མདོ་སྨད་ཀྱི་བར་མའི་འོས་བསྡུ་དང་འབྲེལ་བའི་གསལ་བསྒྲགས།
ཨ་ཚོགས་ཀླུ་མཁར་བྱམས།
དེ་ཡང་གང་ན་བརྩེ་བའི་ཉེ་བར་འཛིན་པའི་བསིལ་ལྡན་སཱ་ལའི་ལྗོངས་ཀྱི་སྐྱེ་འགྲོ་ཡོངས་ལ་ཕྲན་ཨ་ཚོགས་ཀླུ་མཁར་བྱམས་འབོད་མིང་བས། གནམ་ལོ་གསར་བའི་ནང་དུས་བདེ་གནས་འཇམ་ཡོང་བའི་སྨོན་པས་མཚམས་སྦྱར་ཏེ། སྐབས་དོན་གྱི་ཞུ་སྙིང་ནི། ཐེངས་འདིར་མདོ་སྨད་སྤྱི་འཐུས་སྒྲོལ་དཀར་ལྷ་མོ་རྩ་དགོངས་ཞུས་རྗེས། དབུས་འོས་བསྡུ་ལས་ཁང་ངོས་ནས་”སྤྱི་འཐུས་དུས་ཡུན་ནང་ས་མིག་སྟོང་པ་ཐོན་ཚེ། བར་མའི་འོས་བསྡུ་མ་དགོས་པར་སྒུག་ཐོའི་གྲལ་མཚམས་གར་འཁེལ་ནས་ཚབ་གསར་འཇུག་རྒྱུའི་ཆེད། འོས་ཐོབ་མང་རིམ་བཞིན་ཐོར་བཀོད་དེ་འོས་བསྡུའི་འགན་འཛིན་དང་།
དེ་ལས་མང་བ་། “མདོ་སྨད་ཀྱི་བར་མའི་འོས་བསྡུ་དང་འབྲེལ་བའི་གསལ་བསྒྲགས།” »
ཆབ་མདོའི་གཞང་ཚོང་མ།
ཨའེ་ཙི་ནད་པ། མིང་༞༞མོ། ལོ་་་་་༢༩ ལས་རིགས་་་་ཞིང་པ། མི་རིགས། མི་རིགས་དཀར་པོ། ཕ་ཡུལ་་་་་ཡུན་ནན་ཏ་ལིས། ཆུང་དུས་ནས་ཕ་མ་གཉིས་ཁ་ཁ་བྱས་ཏེ་ང་ཨ་ཕ་དང་ལྷན་དུ་སོང་བ་ཡིན།ཡིན་ན་ཡང་ཨ་མའི་ཁྱིམ་དུ་ཨ་མས་ངའི་གཅུང་པོ་དབང་སྐྱོན་ཅན་ཞིག་ཡོད། གཅིག་ནས་དེ་གཡོག་དགོས་པ་དང་། གཉིས་ནས་ཨ་མ་ཁོ་རང་གི་ལུས་པོའང་ཧ་ཅང་བདེ་པོ་མེད། གློ་གཅོང་གི་ནད་ཀྱང་ཡུན་རིང་ན་ཡོད་པ་རེད། གནས་ཚུལ་འདིའི་འོག་ནས་རང་སེམས་བཟོད་ཐབས་མི་འདུག་པས་རང་ལོ་བཅོ་ལྔའི་ཐོག་ནས་སློབ་གྲྭ་ཕྱིར་འཐེན་གྱིས་ཨ་མའི་ཁྱིམ་དུ་ལས་ཀ་བྱས་པ་ཡིན།
