—-ཚེ་རིང་།
ལོ་ན་ཆུང་བའི་དུས་སུ
ང་གདོན་འདྲེ་ལ་ཧ་ཅང་སྐྲག
མཚན་མོ་མུན་པའི་ཀློང་ནས་
འཇིགས་སུ་རུང་བའི་གདོན་འདྲེ་ཅི་འདྲ་ཞིག་གིས
ང་རང་ཟོས་འགྲོ་སྙམ་ཞིང
མི་མེད་ལུང་སྟོངས་རེ་ནས
ཨ་རབ་གསར་བརྗེ་ལས་བླངས་པའི་རྒྱ་ནག་གི་བསླབ་བྱ་བཞི།
ཛཅརའེ་ཀེཀ་ཡིས་བརྩམས། རིག་འཛིན་ལྷུན་གྲུབ་ཀྱིས་བསྒྱུར།
ཨ་རབ་གསར་བརྗེ་བྱུང་སྟེ་ལོ་ངོ་གསུམ་ཙམ་འདས་ཟིན་ཀྱང། ཡུལ་གྲུ་དེ་དག་གི་ནང་གནས་སྟངས་ནི་འགྱུར་བ་འགྲོ་བཞིན་ཡོད་པས། ད་དུང་མཇུག་འབྲས་ཅི་བྱུང་མཐའ་སྡོམ་རྒྱག་རྒྱུའི་དུས་ཚོད་རན་མེད་པ་མཚོན། རྒྱ་ནག་དམར་ཤོག་ཚོགས་པ་ནི་ཨ་རབ་གསར་བརྗེ་ལས་བསླབ་བྱ་ཅི་ཞིག་ཐོབ་ཐབས་བྱེད་མཁན་གྱི་སྒྲིག་འཛུགས་སྡེ་ཁག་ཅིག་རེད། ཚང་མས་ཤེས་གསལ་ལྟར་རྒྱ་ནག་དམར་ཤོག་ཚོགས་པས་འཛམ་གླིང་གི་ས་ཁུལ་གང་དུ་ཆབ་སྲིད་སྙོག་ཟིང་བྱུང་པར་རྒྱུས་ལེན་ཤེས་རྟོགས་བྱས་པ་བརྒྱུད་ནས་རྒྱལ་ནང་དུ་ཞི་བདེ་ལྷིང་འཇགས་ཡོང་པའི་ཐབས་ལམ་ལ་བསླབ་བྱ་རག་ཐབས་བྱེད་ཀྱི་ཡོད།
དེ་ལས་མང་བ་། “ཨ་རབ་གསར་བརྗེ་ལས་བླངས་པའི་རྒྱ་ནག་གི་བསླབ་བྱ་བཞི།” »
ལྷུང་བཟེད་ལས་འཕྲོས་པའི་བླུན་པོ་ཆུ་སྣ་གར་འཁྲིད་ཀྱི་ཚུལ་རྣམས་བཀོད་པ།
ཚེ་རིང་།
ཨཕ་གྷན་ནི་སི་ཐན་ནས་ཉེ་བའི་ཆར་གསར་རྙེད་བྱུང་བའི་ནང་པའི་ལྷུང་བཟེད་ཆེན་པོ་དེའི་གནས་ཚུལ་སྐོར་བོད་ཀྱི་དུས་བབ་དང་། ཁ་བརྡ་གཉིས་ལ་བཀོད་པ་བརྒྱུད་དོ་སྣང་བྱུང་། གསར་འགྱུར་ཆ་ཚང་བཀླགས་པ་བརྒྱུད་ལྷུང་བཟེད་ཀྱི་ལྗིད་ཚད་ལ་ཀི་ལོ་མི་ཊར་Km བཀོད་པ་དེར་ཁྲེལ་དགོད་ཅིག་རང་དབང་མེད་པར་ཤོར། དེ་ནས་མཐོ་ཚད་ལ་ཕི་ཊི་ft༧་༥། ཡོད་པ་དང་། ཁ་ཞེང་ལ་སེན་ཊི་མི་ཊར་cm ༡༨ ཞེས་བཀོད་པ་མཐོང་དུས་ཡིད་མི་ཆེས་པར་འགྱུར། མཐར་ལྷུང་བཟེད་ཀྱི་མཐོ་ཚད་དང་ཁ་ཞེང་གི་གནས་ཚུལ་རྩ་བ་ནས་ནོར་ཡོད་པ་ཤེས་རྟོགས་བྱུང་།
དེ་ལས་མང་བ་། “ལྷུང་བཟེད་ལས་འཕྲོས་པའི་བླུན་པོ་ཆུ་སྣ་གར་འཁྲིད་ཀྱི་ཚུལ་རྣམས་བཀོད་པ།” »
སྟོན་པའི་ལྷུང་བཟེད་རྙེད་པ།
འདོན་སྤེལ། ༢༠༡༤/༠༡/༡༤
ཁ་སང་རྒྱ་གར་གཞུང་གིས་གསལ་བསྒྲགས་སྤེལ་ཏེ་ཉེ་ལམ་ཨབ་གྷ་ནི་སི་ཐན་གྱི་རྒྱལ་ས་ཀཱ་པུར་གྱི་འགྲེམ་སྟོན་ཁང་ཞིག་ཏུ་གནའ་བོའི་ལྷུང་བཟེད་ཅིག་ལ་ཞིབ་འཇུག་བྱས་པ་བརྒྱུད་སྟོན་པ་བཅོམ་ལྡན་འདས་ཀྱི་ཡིན་པ་ར་འཕྲོད་ཡོད་ཟེར།
རྒྱ་གར་གཞུང་གི་གནའ་རྫས་ཞིབ་འཇུག་སྡེ་ཚན་གྱི་ཞིབ་འཇུག་ཚོགས་ཆུང་ཞིག་གིས་འདས་པའི་ཟླ་ངོ་དྲུག་རིང་།
མེ་ཏོག་ཆུ་ལ་བསྐུར་བའི་དུས་ཚོད།
ཀླུ་སྨྱོན།
ཟླ་བ་དཀར་ཞིང་སྨུག་པ་གཙང་བའི་དུས། །
ལོ་མ་རྐང་གཅིག་ཐོལ་གྱིས་ས་ལ་ཟགས། །
གློག་ཞགས་གཞོབ་དྲི་ཁ་བའི་མུན་ནག་ཅིག །
ཆུ་ཐིགས་ཤིག་གི་རྣམ་ཤེས་འཁྱིལ་ས་ཡིན། །
ཤག་ཤག་བཞུར་བའི་ཆུ་མོའི་འཇུག་ངོགས་འདིར། །
མེ་ཏོག་རྐང་གཅིག་དལ་གྱིས་འདར་བ་ཡི། །
འདི་ལ་ཉན་མཁན་མེད་ཀྱང་བཤད་པར་འདོད། ་་་་་་་སྒོ་ཤེར།
བརྒྱུད་སྤྲོད་པ། རྨེ་སྲིབ་ནོར་བུ།
གཅིག
འཛམ་གླིང་ཤར་ནུབ་ཀྱི་རྒྱལ་ཁབ་དང་། མི་རིགས་གང་ཡིན་ཡང་།རང་རང་ལ་ཐུན་མོང་མིན་པའི་སྲོལ་རྒྱུན་གྱི་དུས་ཆེན་སྣ་ཚོགས་ཡོད་ལ། དུས་ཆེན་དེ་དག་ཀྱང་ལོ་ངོ་བརྒྱ་སྟོང་དུ་མའི་ལོ་རྒྱུས་དང་བྱུང་རབས་ཁྲོད། རང་ཉིད་ལ་གཞན་ལས་ཐ་དད་པའི་རིག་གནས་དང་། ཆོས་ལུགས། གོམས་གཤིས་སོགས་ཡུན་གྱིས་གྲུབ་པའི་གོ་རིམ་ལྟར་མེད་པ་ནས་ཡོད་པར་གྱུར་པ་ཡིན་ཕྱིར། མི་རིགས་སོ་སོའི་ལོ་རྒྱུས་ཀྱི་བཞུར་རྒྱུན་རིང་མོ་དང་འགྲོགས་ནས་ག་ལེར་གྲུབ་པའི་སྲོལ་རྒྱུན་དུས་ཆེན་རྣམས་ཀྱི་གསེང་ནས།
དེ་ལས་མང་བ་། “འདི་ལ་ཉན་མཁན་མེད་ཀྱང་བཤད་པར་འདོད། ་་་་་་་སྒོ་ཤེར།” »
རྣལ་འབྱོར་གྱི་ལུས་གནད་བཅོས་ཚུལ་དང་དབུཊ་སྦྱོང་ལ་སློབ་སྦྱོང་བྱོས།
འོས་སྦྱོར་བ། ཆོས་ཀྱི་ཉི་མ།
བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་ཀྱི་གཏན་འབེབས་ལྟར། ༢༠༠༦ ལོའི་མཇུག་ནས་བཟུང་སཾ་བྷོ་ཊའི་ཁྱབ་ཁོངས་སློབ་གྲྭ་ཁག་༡༢ ཀྱི་དགེ་ལས་སློབ་ཕྲུག་ཚོར་རྣལ་འབྱོར་གྱི་ལུས་གནད་བཅོས་ཚུལ་དང་། དབུགས་སྦྱོང་རིགས་ལག་བསྟར་གནང་གིན་ཡོད་སྟབས། སཾ་བྷོ་ཊ་བོད་སློབ་སྤྱི་ཁྱབ་ཡིག་ཚང་དུ་ཕྱག་ལས་གནང་བཞིན་པའི་ལུས་དབུགས་སྦྱོང་བརྡར་དགེ་རྒན་ཆོས་དར་ལགས་སུ་བཅར་འདྲི་ཞུས་ཡོད།
དྲི་བ། ཐོག་མར་རྒན་ལགས་ཀྱིས་རྣལ་འབྱོར་གྱི་ལུས་གནད་བཅོས་ཚུལ་དང་དབུགས་སྦྱོང་ལ་མྱོང་གོམས་གནང་བའི་བརྒྱུད་རིམ་མདོར་བསྡུས་ཤིག་གསུངས་རོགས།
དེ་ལས་མང་བ་། “རྣལ་འབྱོར་གྱི་ལུས་གནད་བཅོས་ཚུལ་དང་དབུཊ་སྦྱོང་ལ་སློབ་སྦྱོང་བྱོས།” »
རྒྱལ་སྤྱི་དང་རྒྱ་ནག་ནང་དུ་དབུ་མའི་ལམ་གྱི་གྲུབ་འབྲས་སྐོར།
རྡོ་ཤུལ།
བོད་དུ་དབུ་མའི་ལམ་གྱི་བྱུང་རིམ་དང་རྒྱལ་སྤྱིའི་ནང་གི་གནས་བབ་དང་བོད་རྒྱའི་བར་དུ་ཕན་ནུས་ཀྱི་སྐོར་ཅུང་ཟད་ཞུས་ན། སྔོན་གྱི་དུས་སུ་གོ་ཐོས་མ་མྱོང་བའི་བོད་གངས་ཅན་གྱི་ལྗོངས་སུ་དབུ་མ་ཞེས་པའི་དོན་དེ་དུས་རབས་བདུན་པའི་དུས་སུ་བྱུང་ཡོད་པར་སེམས། གང་ཡིན་ཞེ་ན། དེའི་དུས་སུ་བྱུང་བར་གྲགས་པའི་གསུང་རབས་ལ་བལྟས་ན་དབུ་མ་ཐལ་རང་ཞེས་གྲགས་པ་དེ་མེད་ཀྱང་ལྟ་བའི་སྐོར་དེ་དབུ་མའི་ལྟ་བ་ཇི་མ་ཇི་བཞིན་ཡོད་པར་སེམས། དེ་ཉམས་སུ་ལེན་པའི་རྒྱལ་པོ་དང་བློན་པོ་འབངས་སོགས་བྱུང་ཡོད་པ་གསལ་པོ་ཡིན།
དེ་ལས་མང་བ་། “རྒྱལ་སྤྱི་དང་རྒྱ་ནག་ནང་དུ་དབུ་མའི་ལམ་གྱི་གྲུབ་འབྲས་སྐོར།” »
སློབ་གསོའི་སྙིང་དོན།
སེར་ཤུལ་རིན་ཆེན་དོན་གྲུབ།
སློབ་གསོ་ཞེས་བརྗོད་སྐབས་མི་རིགས་འདྲ་མིན་དང་། རིགས་རྒྱུད་ཐ་དད། ཆོས་ལུགས་ཀྱི་རྗེས་འབྲང་ཡིན་མིན། སྐྲ་སེར་དམར་དང་། གཟུགས་རིང་ཐུང་། ཤ་དཀར་དམར་གྱི་ཁྱད་པར་མེད་པར་འགྲོ་བ་མི་ཚང་མས་ལེགས་ཕྱོགས་ཤིག་ལ་ངོས་འཛིན་བྱེད་ཀྱི་ཡོད། དེའི་རྒྱུ་མཚན་ཡང་སློབ་གསོ་དང་སློབ་གསོའི་གཞུང་ལུགས་ཀྱིས་རང་ཉིད་དང་རང་ཉིད་ཀྱི་སྤྱི་ཚོགས་ལ་ལེགས་ཚོགས་ཤིག་སྐྲུན་བཞིན་པས་རེད། སློབ་གསོའི་གོ་དོན་ཡང་གང་ཞིག་ལ་བསླབས་ཤིང་སྦྱངས་བའི་གྲུབ་དོན་གྱིས་རང་ཉིད་ཀྱི་བསམ་བློ་དང་།
དགུ་རོང་སྤུན་གྲོལ་གྱི་ལོག་རྟོག
ཨོ་རྒྱན་ཉི་མ།
དེང་སང་བོད་ཀྱི་གཞོན་སྐྱེས་འདི་ཚོ་ཁ་ཡར་གྲགས་དུས་ཆེན་པོ་ཞིག་དང་། གཉན་པོ་ཞིག་ལ་ཁ་གཏོང་འགོ་རྩོམ་ཞིང་། མིང་ཞིག་དང་། ཕྱུག་པོ་ཞིག ད་དུང་སྙན་གྲགས་ཅན་ཞིག་ཆགས་སོང་ན་བསམ་པའི་རེ་འདུན་ནི་མཚོ་ལྟར་ཟབ་ཀྱང་། ངེས་པ་དོན་གྱིས་སྙན་གྲགས་སྒྲུབ་སྟངས་དེ་མ་ཤེས་པར། མཐོ་ལ་འགྲན་ཞིང་དམན་ལ་སྡང་། རང་གི་མི་རིགས་ལ་ཡོད་པའི་བྱས་རྗེས་ཅན་གྱི་མི་བུ་ཚོར་ཁྱད་སོད་དང་། ཕྲག་དོག་གིས་གཏམ་འཆལ་སྣ་ཚོགས་སྤུངས་ཏེ། མཚན་མོའི་གཉིད་དང་ཉིན་མོའི་ཟས་ཀྱང་དང་གར་མི་ཡོང་བར་མ་ཟད། ཐ་མ་རང་དོན་མ་འགྲུབ་དུས་རང་གི་གཅེས་པའི་སྲོག་ཀྱང་། རང་གིས་བཅད་པའི་གནས་ཚུལ་ཕྱི་གླིང་ལ་བྱུང་བ་དེ་བོད་ལ་ཡོང་ངེས་རེད།
རྒྱལ་ཐང་གི་ Shangrila ལ་མེ་ཤོར་འདུག
གནས་ཚུལ་གཏོང་མཁན། ཨེ་མ་ཧོ།
དེ་རིང་རྒྱལ་ཐང་གི་香格里拉 Shangrila མེ་ཤོར་ནས་གྲོང་ཁྱེར་བརྒྱ་ཆ་དགུ་བཅུ་ཙམ་ཕལ་ཆེ་ཚིག་ནས་ཤིན་ཏུ་ཡོད་སྐྱོ་བའི་གནས་སུ་གྱུར་འདུག བོད་རིགས་སྤུན་ཟླ་ཚོས་མྱ་ངན་ཞུ་བཞིན་འདུག ཕྱི་སྡོད་བོད་མིའི་དྲ་ཐོག་ཏུ་མི་འདུག་པས་འདིར་བསྐུར་ཡོད། ས་གནས་དེ་ནས་བསྐུར་བའི་པར་འགའ་འདིར་ཡོད། དངོས་ནས་སེམས་ཕམ་པ་ལ་ལོ་རྒྱུས་རང་བཞིན་ལྡན་པའི་གྲོང་ཁྱེར་དེ་ཐལ་བར་གྱུར་འདུག
པཎ་ཆེན་རིན་པོ་ཆེ་སྐུ་བཀྲོངས་ནས་ལོ་ངོ་༢༥ འཁོར་བ།
གནས་ཚུལ་གཏོང་མཁན། ལྡོང་སྲས།
དེ་རིང་སྔ་དྲོར་བོད་རིགས་རྩོམ་པ་པོ་ཞིག་དང་རྒྱ་རིགས་རྩོམ་པ་པོ་ཞིག་བཅས་ཀྱིས་ཐེ་ཝན་ཁྲིམས་བཟོ་ལྷན་ཚོགས་ཀྱི་ལས་ཁུངས་ནང་ཐེ་ཝན་གཞུང་གིས་བོད་དོན་ལ་རྒྱབ་སྐྱོར་དགོས་པའི་འབོད་སྐུལ་ཞུས་འདུག
འདི་གར་གནས་ཚུལ་བཏང་འབྱོར་བྱུང་བ་ལྟར་ན། བོད་རིགས་རྩོམ་པ་པོ་གནམ་ལོ་ཡག་དང་རྒྱ་རིགས་རྩོམ་པ་པོ་ཡོན་ཧོང་པེན་གཉིས་ཀྱིས་ཐེ་ཝན་ཁྲིམས་བཟོ་ལྷན་ཚོགས་ཀྱི་གཞུང་ལས་ཁང་དུ་གསར་འགོད་གསལ་བསྒྲགས་ཞིག་སྤེལ་ཏེ། ད་ལྟའི་ཐེ་ཝན་གཞུང་ལ།
དེ་ལས་མང་བ་། “པཎ་ཆེན་རིན་པོ་ཆེ་སྐུ་བཀྲོངས་ནས་ལོ་ངོ་༢༥ འཁོར་བ།” »
རྗེས་དྲན་དབྱངས་གསལ་ཡིད་ཀྱི་མེ་ལོང་།
ཨེ་མ་ཧོ།
ཆོས་རྗེ་དམ་པ་ཡིད་བཞིན་ནོར་བུའི་རྗེས་དྲན་དབྱངས་གསལ་ཡིད་ཀྱི་མེ་ལོང་ཞེས་བྱ་བ་བཞུགས་སོ།།
ན་མོ་གུ་རུ་ཨ་བྷྱེ་ལཀྵཾ་ཀ་ར་ཡེ།
ཀ་དག་ལྷུན་གྲུབ་དགོངས་པ་བརྙེས་པའི་སྐུ། །
ཁ་བའི་ལྗོངས་ཀྱི་ཡིད་བཞིན་ནོར་བུ་ཉིད། །
ག་དུས་དྲན་ཚེ་ཐབས་ཤེས་སྩོལ་མཛད་པའི། །
ང་ཡི་རིག་པའི་ཡེ་ཤེས་རྒྱལ་པོ་རྒྱུན་དུ་དྲན། །
ཁ་བྱང་མ་བཙལ་བའི་སྙན་ངག
བཀྲ་ཤིས་དོན་འགྲུབ།
ལོ་ཟླའི་ཤོག་ལྷེ་བཀླགས་ནས་ཚར་བཞིན་འདུག།
ལང་ཚོའི་ལོ་མ་ལྗང་གུ་སད་ཀྱིས་ཁྱེར།།
གླེགས་བམ་ཧྲུལ་པོའི་ཁྲོད་ཀྱི་འཚོ་བ་འདིར།།
ད་ནི་སྡོམ་ཚིག་ནན་པོ་རྒྱག་རན་བཞག།
རལ་གྲིའི་ཟས་སུ་སྦྱིན་པའི་སྐྲ་ལོ་དེ།།
ལས་ཀྱི་མིག་ཆུའི་མཚོན་དོད་ཡིན་པ་འདྲ།།
ངའི་གྲོགས་པོ་དམ་པ་བཛྲ་ཚུལ་ཁྲིམས།
ཧོར་གཙང་འཇིགས་མེད།
ང་སྐུ་ཞབས་བཛྲ་ཚུལ་ཁྲིམས་དང་ཐོག་མར་ཐུག་དུས་ནི། ང་རང་བླ་བྲང་དགོན་པར་ཆོས་ཞུགས་བྱས་ནས་ཅང་མ་འགོར་བའི་སྐབས་ཏེ་སྤྱི་ལོ་༡༩༨༠ ལོའི་ལོ་མཇུག་རེད། ངས་ཁོང་མཐོང་མ་མྱོང་བའི་ཡར་སྔོན་ནས་ཨ་ཁུ་བཟང་བོ་བརྒྱུད་དེ་ཁོང་གི་སྐོར་ཤེས་རྟོགས་གང་འཚམ་ཡོད། ཨ་ཁུ་བཟང་བོ་ནི་ཕ་ཡུལ་མཛོད་དགེ་ནས་ཡིན་ལ། ཨ་ཁུ་བཛྲ་ཚང་དང་། ཚུལ་ཁྲིམས་བཅས་ཁོང་རྣམ་པ་གསུམ་ལྷན་ཅིག་ཏུ་བཞུགས་ཀྱིན་ཡོད་ཅིང་། སྐབས་དེར་ད་དུང་ཆོས་སྒོ་ཕྱེ་མེད་སྟབས་ཁོང་རྣམས་བཞུགས་ས་བླ་བྲང་ས་དཀར་སྡེ་བ་ཡིན་ཚོད་ཀྱང་ཞིབ་ཆ་མ་ཤེས།
ཤེས་ཡོན་སྲིད་བྱུས་སྐོར་གྱི་གསུང་བཤད།
བོད་ཀྱི་དུས་བབ་ལས་དྲངས། ཤེས་ཡོན་སྲིད་བྱུས་ལག་ལེན་བསྟར་འདོད་པའི་ཆབ་སྲིད་ཀྱི་ཆོད་སེམས་མེད་ན་འཐུས་ཤོར་འགྲོ་སྲིད། དེ་རིང་ཁྲི་ཟུར་ཟམ་གདོང་རིན་པོ་ཆེ་མཆོག་གིས་ཤེས་རིག་ཚོགས་ཆེན་སྟེང་གསུང་བཤད་གནང་སྟེ། ཤེས་ཡོན་སྲིད་བྱུས་ལག་ལེན་བྱེད་རྒྱུར་དགེ་རྒན་དང་ཕ་མ་སློབ་ཕྲུག་གསུམ་གལ་ཆེ་ཤོས་ཆགས་ཡོད་པ་དང་། ཁོང་གསུམ་རྡོག་སྒྲིལ་བ་ཡིན་ན་འཛིན་སྐྱོང་ལ་འདོད་མོས་མེད་ཀྱང་བྱེད་ཐབས་ཆེན་པོ་མེད་སྐོར་གསུངས་སོང་། འཕྲོས་འདི་ནས་གཟིགས་http://www.tibettimes.net/news.php?showfooter=1&id=8441
དབྱར་རྩྭ་དགུན་འབུའི་སྐོར་གྱི་གློག་བརྙན་ཞིག
རྒྱལ་སྤྱིའི་རོགས་ཚོགས་ཀྱི་གཙོ་འཛིན་ཨ་དཀོན་རིན་པོ་ཆེ་གླེང་བ།
ཨོ་རྒྱན་ཉི་མ།
དེ་ཡང་རྒྱལ་སྤྱིའི་རོགས་ཚོགས་ཀྱི་གཙོ་འཛིན་དམ་པ་༧ཆོས་རྗེ་ཨ་དཀོན་རིན་པོ་ཆེ་བཤད་སྒྲུབ་ཆོས་ཀྱི་ཉི་མ་མཆོག་ནི། འཛམ་གླིང་ས་ཡི་ཡང་རྩེ་གངས་ཅན་བོད་ཆེན་པོའི་ལྗོངས་སུ་སྐུ་འཁྲུངས་ཤིང་། རྒྱ་གར་འཕགས་པའི་ཡུལ་སོགས་ཕྱོགས་ཀྱི་ཡུལ་གྲུ་དུ་མ་ནས་མཛད་འཕྲིན་རྒྱས་པའི། རྒྱལ་ཁམས་རིག་པས་བསྐོར་བའི་<<མགོན་མེད་ཀྱི་ཡབ་ཆེན་>>ཞེས་པའི་མཚན་གྱི་སྙན་པ་ཅན།
དེ་ལས་མང་བ་། “རྒྱལ་སྤྱིའི་རོགས་ཚོགས་ཀྱི་གཙོ་འཛིན་ཨ་དཀོན་རིན་པོ་ཆེ་གླེང་བ།” »
མི་ཚེ་དང་འཇིག་རྟེན།
རྨེ་རུ།
འཇིག་རྟེན་འཁོར་བའི་འཁོར་ལོ་ཆད་མེད་འཁོར།།
འཇིག་རྟེན་འཁོར་བར་འཁོར་བའི་ཁྲལ་བ་དག །
འཇིག་རྟེན་འདི་ནས་རྡོག་ཆས་མ་བརྒྱག་བར།།
འཇིག་རྟེན་འདི་ཡི་ཁྲལ་ལ་རྫོགས་མཐའ་མེད།།
འཇིག་རྟེན་འཁོར་བའི་འཕྲང་ལ་ཇག་ཚོགས་མང་།།
འཇིག་རྟེན་ཁྱིམ་པའི་ཁྱིམ་ལ་རེ་དོགས་མང་།།
དགུན་ཁའི་སྙན་ངག
རྔ་བ་ཀུན་བཟང་།
དགུན་གཞུང་དེར།
ཅི་འདྲའི་སྡུག་རྩུབ་ཆེ་ཨང་།
མངར་བསྐྱུར་གྱི་ཚོར་པ་མེད་པའི་དགུན་གཞུང་།
སེམས་ཚོར་གྱི་དགའ་སྐྱོ་མེད་པའི་གྲང་རླུང་གིས།
ངས་ཁ་སང་ལྟ་བུའི་དྲོད་ཁོལ་སྒོམ་བཞིན།
སང་ཉིན་ལྟ་བུའི་དབྱར་ཁ་དྲན་ཞོར།
