འབའ་སྲས།

ཁྱེད་ཉིད་ཁོ་ན་བདག་གིས་བསམ་བཞིན་མེད།།
འོན་ཀྱང་ཁྱེད་ཉིད་ཁོ་ན་སེམས་སུ་འཕོས།།
བདག་གི་སེམས་ལ་བདག་པོ་གཅིག་ཡོད་ན།།
དེ་ནི་མ་གསུངས་ཁྱེད་ཉིད་ཡིན་པ་ཤེས།།

མི་ཡི་རྟོག་པ་བསམ་པར་མཐའ་མེད་ཀྱང་།།
བརྩེ་དུང་རྒྱ་རུ་ཚུད་ན་མཐའ་ཡོད་འདྲ།།

དེ་ལས་མང་བ་། “སེམས་དང་གོམ་པ། ད་དུང་བརྩེ་བ།” »

འབའ་སྲས།

འཇིག་རྟེན་འཁོར་བ་འདི་དང་ཁྱིམ་ཚང་གཉིས།།
རང་རང་སྡོད་གནས་ཟེར་ཡང་ཁོམ་མེད་ཡུལ།།
སྐྱེས་ནས་མ་ཤི་བར་དུ་ཁོམ་པ་ཞིག །
རང་ཉིད་ནད་པར་མ་གྱུར་མེད་དོ་ལོ།།

སྤྲང་བོར་རང་གི་ཚོད་ཀྱིས་བརྩི་བྱ་མང་།།
ཕྱུག་པོར་དེ་བས་འདང་རྒྱག་འཆར་གཞི་མང་།།

དེ་ལས་མང་བ་། “ང་ལ་ཁོམ་པ་མེད།” »

བསོད་ནམས་ནོར་བུ།

ཁ་ནས་ཐོན་པ་དེ་བྱམས་དང་སྙིང་རྗེ་ཡིན།།
ལག་གིས་བཟུང་རྒྱུ་དེ་བྱ་ཤ་ཉ་ཤ་ཡིན།།
ཁ་དང་ལག་པ་གཉིས་རིང་ཐུང་མ་སྙོམ་པས།།
སྟོན་པའི་དགེ་སྦྱོང་ཚོ་ཨ་འུ་ནེ་ཙོ་ཡིན།།

ཁ་ཡིས་འགྲེལ་རྒྱུ་དེ་བདག་མེད་བདེན་མེད་ཡིན།།
ལག་ལ་ཐོགས་རྒྱུ་དེ་བདག་འཛིན་བདེན་འཛིན་ཡིན།།

དེ་ལས་མང་བ་། “ཁ་དང་ལག་པ།” »

འབའ་སྲས།

ཁྱེད་ཀྱི་བྲང་གཞོང་ན་མི་དྲོད་ཡོད་ཟེར།།
ང་ཡི་སེམས་གཏིང་གི་འཁྱག་རོམ་མཐུག་གོ །
ཁྱེད་ཀྱི་ཕྱག་མཐིལ་ན་བདེ་སྐྱིད་མངའ་ཟེར།།
ང་ཡི་སྙིང་དབུས་ཀྱི་མྱ་ངན་ལྕི་འོ།།

ཁྱེད་ཀྱི་སྤྱན་ཟུང་གི་ཟུར་མིག་རྣོ་ཟེར།།
ང་ཡི་རུས་རྐང་འདི་མ་ཕུག་ལྷག་ཡོད།།

དེ་ལས་མང་བ་། “དཀར་ངོགས་འཚོལ་བ།” »

རས་པ།

བྱང་ཕྱོགས་ཀྱི་རི་བོར
བལྟ་འདོད་མེད་པའི་སྤྲིན་པས་འཚང་ཁ་རྒྱག་ཅིང
སྨུག་པར་གྱུར་བའི་སྤྲིན་པ་ནི་གྲང་ངར་ཏུའང་འགྱུར་སྲིད
དགུན་ལྗོངས སེམས་ཀྱིས་ཐེག་དཀའ་བའི་དེ་རིང
སྨུག་པ་དེ་ད་གཟོད་ངས་ཀྱང་གྲང་རླུང་ཏུ་ཚོར་ཞིང
བདག་རང་གི་ཁེ་ཕན་གཅིག་པུར་ལུས་པའི
ཁ་སྟབས་ཕྲན་བུ་དེའང་དེ་ཉིད་ཡིན་པ་འདྲ

དེ་ལས་མང་བ་། “དཔའ་བོ་དྲན་པའི་ས་སྲོད།” »

ཨོ་རྒྱན་ཉི་མ།

ཨེ་མ།
མི་ཡུལ་གྱི་མཛེས་སྡུག
སེམས་ཁོང་གི་བདུད་རྩི།
བསམ་དོན་གྱི་རེ་བ།
འདོད་པ་ཡ།
འདོད་པ།

དེ་ལས་མང་བ་། “འདོད་པའི་སྒྱུ་རྩལ།” »

སྐྱིད་སྲས།

ལུས་ཀྱི་བྲལ་བ་ས་མཐའི་གནས་ལ་གཏད།།
སེམས་ཀྱི་འདུན་མ་ལྷོ་མཐའི་སྤྲིན་ལ་འདྲེས།།
ལུས་སེམས་བར་ཐག་ཕྱེས་པའི་མིག་གོང་གི།།
ཆུ་ཐིགས་རྡོག་པོ་སུ་ལ་འཁྲེང་བ་ཡིན།།

སེམས་པ་འབྲོང་རྒོད་རྫ་རིའི་འཕྲང་ལ་བཞུད།།
སུག་བཞི་རྡོག་སྣེ་གྲུ་གསུམ་རྡོ་ཡིས་རྨས།།

དེ་ལས་མང་བ་། “ཇག་ལྷ་མོ།” »

འབའ་སྲས།

དུས་རབས་འདི་ནི་བོད་དགྲ་རྒྱ་ཡིས་བསྐྲུན།།
དགྲ་ཡི་ལག་ཆ་བོད་པས་ལག་བསྟར་བྱེད།།
བོད་པ་ཉུང་བའི་ལག་མཐིལ་ཆུང་ཆུང་ན།།
དགྲ་ནག་མིག་ལ་མེ་ལོང་ཆེན་པོ་བཤམས།།

ལ་རྒྱ་ཅན་གྱིས་མི་རིགས་རྩ་དོན་བཤད།།
ཤེས་ཡོན་པ་ཡིས་རིག་པའི་བགྲོ་གླེང་བྱེད།།

དེ་ལས་མང་བ་། “སྐད་འཕྲིན་གྱི་དུས་རབས།” »

ཟླ་བ་ཆོས་གྲགས།

ཡར་ལངས་དུས་ཁ་པར་རྩེ་རྒྱུ་མིན། །
ལས་གལ་ཆེན་མཐུས་ཤོར་འགྲོ་ཡི་འདུག །
དུས་རྩ་ཆེན་འཕྲོག་བརླག་གཏོང་གི་འདུག །
དོན་མེད་པར་ཉིན་ཕྱེད་རྫོགས་ཀྱི་འདུག །

ཉལ་རན་དུས་ཁ་པར་རྩེ་རྒྱུ་མིན། །
མིག་ཁྲ་ཆུང་རྒྱང་གཟེ་ཤོར་གྱི་འདུག །

དེ་ལས་མང་བ་། “ཁ་པར་རྩེ་བ།” »

བཀྲ་ཤིས་དོན་འགྲུབ།

གྲིབ་མ་ནག་པོས་མདུན་ནས་མདུན་དུ་བསུ།།
རྐང་རྗེས་རབ་རིབ་རྒྱབ་ནས་རྒྱབ་ཏུ་ལུས།།
བུ་ཡུག་འཚུབ་མས་སྡང་བའི་དགུན་གཞུང་ལ།།
མི་རྐྱང་ལམ་ལ་ཆས་པའི་གཏམ་རྒྱུད་ཡོད།།

སྨུག་པའི་རྒྱ་མཚོ་འཁྱིལ་བའི་ཕ་མཐའ་ནས།།
མེ་ཏོག་ཞིང་ཁམས་བསྐྲུན་པའི་རྨི་ལམ་གྱིས།།

དེ་ལས་མང་བ་། “མི་རྐྱང་གི་འགྲུལ་བཞུད།” »