དཔལ་ལྡན་རྒྱལ།
“ང་ནི་ལོ་ངོ་སུམ་ཅུ་སོ་གཉིས་རིང་རྒྱ་ནག་གི་བཙོན་ཁང་ནང་བསྡད་པ་དང༌། ལོ་ངོ་ལྔའི་རིང་ལས་མིའི་རུ་ཁག་ཁོངས་སུ་བསྡད་ནས་ཁྱོན་བསྡོམས་ལོ་ངོ་སུམ་ཅུ་སོ་བདུན་རིང་བཙོན་ཁང་གི་བཙོན་པ་དང་། སྤྱི་ཚོགས་སྟེང་གི་བཙོན་པ་བྱས་པའི་མི་ཞིག་ཡིན།” ཞེས་སྟག་སྣ་འཇིགས་བཟང་པོ་མཆོག་གིས་སྨན་ཁང་གི་ཉལ་ཁྲིའི་སྟེང་གན་རྐྱལ་དུ་ཉལ་ནས་དེ་ལྟར་ང་ལ་གསུངས་དུས༌། ངའི་སེམས་སུ་དགའ་སྡུག་འདྲེས་མའི་ཚོར་བ་ཞིག་དང་མཉམ་དུ་ཁོང་གི་འགྱུར་བ་མེད་པའི་ལྷག་བསམ་དང་། ཞུམ་པ་མེད་པའི་སྙིང་སྟོབས་ལ་དད་སེམས་དང་བཅས་ཁ་བཏགས་སེར་པོ་ཞིག་ཕུལ་ནས་ཕྱག་གཉིས་ལ་འཐམ་རྗེས་བཀྲ་ཤིས་བདེ་ལེགས་ཀྱི་ཁ་གཡང་ཞུས་པ་ཡིན།
དེ་ལས་མང་བ་། “སྟག་སྣ་འཇིགས་མེད་བཟང་པོ། མི་ལོ་སོ་བདུན་རིང་བཙོན་འཇུག” »
ཁ་སང་ཕྱི་དྲོ་ཆུ་ཚོད་༤ པ་ནས་༦ པའི་བར། སྦར་སིལ་དུ་ཡོད་པའི་ཡུ་རོབ་གྲོས་ཚོགས་ཀྱི་ཚོགས་ཁང་ནང་འཇིགས་བྲལ་གློག་བརྙན་ཕབ་བསྐྲུན་གནང་མཁན་དོན་འགྲུབ་དབང་ཆེན་གྱི་སྐོར་ལ་བགྲོ་གླེང་ཚོགས་འདུ་ཞིག་འཚོགས་ཡོད་པ་དང་། བགྲོ་གླེང་གཙོ་སྐྱོང་གནང་མཁན་ནི་ཡུ་རོབ་གྲོས་ཚོགས་འཐུས་མི་སྐུ་ཞབས་Leonidas Donskis ལགས་ཡིན་ལ། ཁོང་གིས་དོན་འགྲུབ་དབང་ཆེན་དང་ཁོང་གིས་ཕབ་བསྐྲུན་གནང་བའི་གློག་བརྙན་འཇིགས་བྲལ་སྐོར་ངོ་སྤྲོད་གནང་གྲུབ་རྗེས།