གནས་ཚུལ་མཁོ་སྤྲོད་པ། ཀ་ཉག་ཚེ་རིང་།
ཕྱི་ལོ་༢༠༡༤ ཟླ་༡ ཚེས་༡༣ ཉིན་གྱི་བོད་ནང་གི་ཕྱི་དྲོའི་ཆུ་ཚོད་དྲུག་དང་ཕྱེད་ཀ་ཙམ་ལ་རྔ་བ་རང་སྐྱོང་ཁུལ་རྔ་བ་རྫོང་གཅའ་རུ་བ་ཡུལ་ཚོའི་ཕྱུགས་ལས་གོང་མའི་ཕ་ཚེ་དཔག་དང་མ་ན་མེ་སྐྱིད་གཉིས་ཀྱི་བུ་བློ་བཟང་རྡོ་རྗེ། རང་ལོ་༢༥ ཙམ་ཡིན་པ་ཁོང་གིས་རྒྱ་གཞུང་གིས་བོད་ཐོག་འཛིན་པའི་སྲུད་བྱུས་ལ་ངོ་རྒོལ་སྐད་འབོད་གནང་བཞིན་སྐུ་ལུས་མེར་སྲེག་བཏང་ཡོད་ལ། གནས་ཚུལ་དེ་བྱུང་མ་ཐག་རྔ་བ་རྫོང་མཁར་དུ་སྔ་ས་ནས་གྲ་སྒྲིག་བྱས་ནས་ཡོད་པའི་རྒྱ་གཞུང་གི་ཉེན་རྟོག་པ་མང་པོ་འབྱོར་ནས་ཁོང་གི་ལུས་ལ་འབར་བཞིན་པའི་མེ་བསད་དེ་རླངས་འཁོར་ཆུང་ཆུང་སྒམ་ཤིང་ཅན་ཞིག་གི་ནང་དུ་བཞག་ཅིང་སྟེང་ལ་རས་ནག་པོ་ཞིག་བཀབ་ནས་བཙན་ཁྲིད་བྱས་ཀྱང་།
དེ་ལས་མང་བ་། “ཨ་མདོ་རྔ་བར་རང་ལུས་མེར་སྲེག་སྐོར་གྱི་གནས་ཚུལ་ཁ་སྣོན།” »
ང་འདུག་ས་མི་མེད་མཐའ་འཁོབ་ཡིན།།
ཕྱི་ལོ་༢༠༡༤ ཟླ་༢ ཚེས་༡༡ ནས་ཚེས་༡༤ བར་ཉིན་བཞིའི་རིང་བོད་རིགས་མཐོ་རིམ་སློབ་མའི་ཚོགས་ཆེན་ཐེངས་བརྒྱད་པ། རྒྱ་གར་མངའ་སྡེ་གྷོ་ཇཱ་རཱ་ཏ་ས་གནས་བྷ་རོ་ཌར་བོད་རིགས་མཐོ་རིམ་སློབ་གཉེར་བ་རྣམས་ཀྱིས་གོ་སྒྲིག་ཞུས་པ་ལྟར། དིང་རིང་ཞོགས་པ་ཕྱག་ཚོད་༡༠ པའི་ཐོག་བྷ་རོ་ཌ་གཙུག་ལག་སློབ་གྲྭར་དབུ་འབྱེད་མཛད་སྒོ་བསྐྱངས་ཤིང་། མཛད་སྒོའི་སྐུ་མགྲོན་གཙོ་བོ་མངའ་སྡེ་གཞུང་གི་དཔའ་འབྱོར་བཀའ་བློན་ཟུར་པ་དཔལ་ལྡན་སཱནཱཏ་མེཧཏཱ་མཆོག་དང་། 
སྔ་ལོའི་ཟླ་༢ པའི་ཚེས་༡༣ ཉིན། འཛམ་གླིང་གི་གྲོང་ཁྱེར་ཆེ་ཁག་༣༠་ལྷག་གི་ནང་དུ་བོད་པ་དང་བོད་དོན་རྒྱབ་སྐྱོར་བ་ཚོས་ཉིན་གཅིག་དུས་གཅིག་ལ་བོད་ཀྱི་རྒྱལ་དར་མཁའ་དབྱིངས་སུ་བསྒྲེགས་འཛུགས་བྱེད་པ་དང་། བོད་ཀྱི་ལོ་རྒྱུས་ཐོག་གི་ཡིག་ཆ་གལ་ཆེན་འགྲེམས་སྟོན། ད་དུང་། རྒྱལ་ཁབ་འདྲ་མིན་གྱི་གྲོས་ཚོགས་འཐུས་མི་ཁག་ལ་ཞུ་གཏུགས་བྱེད་པ་སོགས་རྣམ་པ་མི་འདྲ་བའི་ལས་འགུལ་སྣ་མང་ཞིག་སྤེལ་ཏེ།