ཆབ་མདོ་ངག་ཕུན།
—————-
གྲོགས་པོ་ལགས།
སྐུ་ཉིད་ནད་གཞི་ཕྲན་བུ་དྲག་ཏུ་ཕྱིན་ནས་སྨན་ཁང་ནས་བཏང་བ་ཐོས་དུས་ཧ་ཅང་དགའ་བོ་བྱུང་།
རྒྱུ་མཚན་ནི་མི་ཡུལ་ལ་གྲོགས་མེད་ཁེར་རྐྱང་དུ་མལ་སར་ལྷག་ཅིང་།
ན་ཟུག་གི་དཀའ་ངལ་དང་།
དྲིན་ཅན་ཕ་མ་དང་ཁ་བྲལ་བའི་སྡུག་བསྔལ་སོགས།
ཁྱོད་ལ་དཀའ་སྡུག་ཅི་ཞིག་ཡོད་པར་རྟོགས་ཐུབ།
ཐེ་ཝན་སློབ་མའི་ལས་འགུལ་ལ་ཛ་དྲག་རྒྱབ་སྐྱོར་འབོད་སྐུལ།
(ཡིག་བསྒྱུར་བ། ལྷ་སྡེ་གནམ་ལོ་ཡག)
ན་ནིང་གི་ཕྱི་ཟླ་ ༦ ནང་། གོ་མིན་ཏང་དང་དམངས་གཙོ་ཡར་ཐོན་ཚོགས་པས་གན་རྒྱ་བཞག་ནས་རྒྱ་གཞུང་བར་འཇོག་བྱར་བསྙད་པའི༼ཚོང་དོན་ཞབས་ཞུའི་གྲོས་མཐུན༽གྱི་དོན་ཚན་རེ་རེ་བཞིན་ཞིབ་འཇུག་བྱེད་དགོས་པ་བཟོས་ཡོད། འོན་ཀྱང་། ཉིན་ཤས་ཡར་སྔོན། གོ་མིན་ཏང་གིས་གན་རྒྱ་རྩིས་མེད་ཀྱི་ལམ་ནས༼ཚོང་དོན་ཞབས་ཞུའི་གྲོས་མཐུན༽ལ་བཙན་ཤེད་ཀྱིས་མིང་རྟགས་འགོད་པའི་སྦྱོར་བ་བརྩམ་པས། ཐེ་ཝན་རྒྱལ་ཡོངས་སུ་དངངས་འཚབ་ལངས།
དེ་ལས་མང་བ་། “ཐེ་ཝན་སློབ་མའི་ལས་འགུལ་ལ་ཛ་དྲག་རྒྱབ་སྐྱོར་འབོད་སྐུལ།” »
བུ་ང་དང་། བུ་མོ་ངེད་གཉིས་ཀྱིས།
རྨེ་གྲྭ ཚེ་རིང་བསམ།
གལ་ཆེ་བའི་བུད་མེད་ཀྱི་འཕྲོད་བསྟེན་འདི་དག་ནི་བུད་མེད་དང་ཕྲུ་གུའི་ཚེ་སྲོག་དང་ཐད་ཀར་འབྲེལ་ནས་ཡོད་པས་འདི་གལ་ཆེན་རང་བཞིན་ཡིན་པ་རྟོགས་སླ། ཡིན་ན་ཡང་ལྷག་ཏུ་ང་ཚོའི་བོད་ཡུལ་ན་བུད་མེད་ཚོར་རྒྱུན་ཤེས་འདི་འདྲའི་གོམ་སྲོལ་ཆགས་ཡོད་མཁན་ཞིག་གཞི་ནས་མེད་པ་འདྲ་བས། འདི་ངོ་ཚ་དང་སྣང་མེད་དགོད་གཏམ་ཞིག་ཏུ་མི་འཛིན་པར་ཕན་ཚུན་རང་གི་མཐུན་ས་དང་གྲོགས་པོ། ཡང་ན་ངོ་མི་ཤེས་པ་དག་ལའང་ལྷག་བསམ་དག་པས་བརྒྱུད་སྤྲོད་དང་གསལ་བཤད་མང་དུ་གནང་དགོས།
ཆར་སམ་སིམ་ནང་གི་དྲན་སྣང་།
རས་པ།
སེམས་ཀྱི་འདུན་པ་འགོག་མེད་པ།།
བརྩེ་བའི་ཁ་བ་གངས་ཀྱིས་བཞུ།།
མཇལ་འཛོམས་སྤྲོ་བའི་གཟི་འོད་ཀྱིས།།
དགུན་འཁྱག་སྣང་བའི་སྐྱོ་བ་སྦྱིན།།
བསླུས་སམ་འདོད་པའི་སྣ་ཐག་བཞག།
གར་འགྲོ་ངེས་མེད་མགོ་ཡོམ་འཁོར།།
དོལ་རྒྱལ་ཚོགས་པ། སྐྱག་རྫུན་མཚམས་ཞོག
སྤོབས་པ་མཐའ་ཡས།
དོལ་རྒྱལ་ཚོགས་པ་ལགས། སྐྱག་རྫུན་བཤད་མཚམས་ཞོག ཏཱ་ལའི་བླ་མ་དང་ཁོང་གི་སློབ་མ་ཚོའི་ཆོས་དད་རང་དབང་ལ་གུས་བརྩི་ཞུ་རོགས།
དོལ་རྒྱལ་ཚོགས་པ་དང་རྒྱལ་བ་རིན་པོ་ཆེའི་བར་ན་གྲོས་མོལ་བྱ་རྒྱུ་གང་ཡང་ལུས་མེད། དོལ་རྒྱལ་བརྟེན་གསོལ་མཚམས་འཇོག་ནི་རྒྱལ་བ་རིན་པོ་སྐུ་སྒེར་གྱི་ཆོས་དད་རང་མོས་ཀྱི་གདམ་ཀ་གཙང་མ་ཡིན་སྟབས་སུས་ཀྱང་ཁོང་ལ་བཙན་ཤེད་ཀྱིས་གནོན་ཤུགས་སྤྲོད་མི་རུང་།
སྲིད་འཛིན་ཨའོ་བྷ་མ་དང་བཀའ་བློན་བདེ་སྐྱིད་ཆོས་དབྱངས།
ཤར་ཕྱོགས་ཁུག་རྟ།
༄༅།། སྤྱིར་ཡིན་ན་ཞབས་འདྲེན་གྱི་རིགས་འདི་འདྲར་བོད་ཀྱི་ཡི་གེ་ན་གཅིག་འབྲི་འདོད་ཕར་ཟད། སྐད་ཆ་ཚིག་གཅིག་ཀྱང་བཤད་འདོད་མེད་མོད། མིང་རྫིག་པོ་རྫིག་པོ་”བཀའ་བློན”་ཟེར་པ་ཞིག་ཁྱེར་ནས་བཀའ་མོལ་འདི་འདྲ་གནང་ན། བོད་མི་ཞིག་ཡིན་ཚེ་ཐང་ཆད་རྒྱུ་ཡིན་པ་ཨ་ཅང་ཅང། ང་དང་ང་ལྟ་བུའི་དབུ་མའི་ལམ་གྱི་ཉམས་ལེན་པ་ཚོར་དེ་བས་ཀྱང་སེམས་ལ་དངངས་སྐྲག་ལངས་རྒྱུ་ཡིན་པ་ཐེ་ཚོམ་བྲལ་བ་ཞིག་རེད།
དེ་ལས་མང་བ་། “སྲིད་འཛིན་ཨའོ་བྷ་མ་དང་བཀའ་བློན་བདེ་སྐྱིད་ཆོས་དབྱངས།” »
གཞུང་འབྲེལ་གྲོས་ཆོད།
མཚམས་སྦྱོར་བ། ཤར་ཕྱོགས་ཁུག་རྟ།
༼ད་ཐེངས་དོལ་རྒྱལ་གྱི་སྐོར་ལ་གྲོས་ཆོད་དང་གཏམ་བཤད་བཅས་བཀའ་སྤྱི་གཉིས་ནས་གང་དྲག་གནང་འཆར་གཏན་འཁེལ་སོང། དེས་མི་མང་གི་སེམས་པ་དབུས་བོད་མིའི་སྒྲིག་འཛུགས་ལ་ཕྱོགས་ཡོད་པ་ཐེ་ཚོམ་བྲལ། ཡིན་ནའང། ད་ཐེངས་འཛམ་གླིང་ལ་གྲགས་པའི་ཉེན་ཁ་ཧ་ཅང་ཆེ་པའི་འཐུས་ཤོར་ཚབས་ཆེན་ཞིག་བྱུང་ཡོད་པ་བསུབ་ཐུབ་མེད་པས། ཨ་རིའི་སྐུ་ཚབ་དོན་གཅོད་ལགས་ལ་སྔར་ལམ་ལྟར་བཀའ་ཤག་གིས་ཉེས་པ་ག་རེ་གཏོང་གི་ཡིན་མིན་ང་ཚོས་ལྟ་དགོས་པ་རེད། གཤམ་དུ་གཞུང་འབྲེལ་གྲོས་ཆོད་ཆ་ཚང་བཀོད་ཡོད།༽
དག་ཡིག་གསར་བསྒྲིགས་བེད་སྤྱོད་གཏོང་སྐབས་གཟབ་དགོས་སའི་གནད་དོན་འགའ།
སྤྲོ་ཚིགས་ཆོས་གྲགས།
ཉེ་བའི་དུས་རབས་ཕྱེད་ལྷག་རིང་བོད་ཕྱི་ནང་གི་ཤེས་ལྡན་མི་སྣ་ཚོས་རང་མི་རིགས་ཀྱི་སྐད་ཡིག་སྲུང་སྐྱོབ་དང་དར་སྤེལ་ཐད་ཕྱག་ལས་གནང་བའི་ཁྲོད། ཆེས་རྨང་གཞིར་གྱུར་པའི་ལས་དོན་གལ་ཆེན་ཞིག་ནི་ཚིག་མཛོད་རྩོམ་སྒྲིག་དང་དཔར་སྐྲུན་གྱི་བྱ་བ་དེ་རེད། བོད་ལ་ཚིག་མཛོད་རིག་པའི་ཁྱད་ཆོས་འཛོམས་པའི་དེང་རབས་ཀྱི་ཚིག་མཛོད་ཚད་ལྡན་ཞིག་ད་དུང་དཀོན་མོད། བཙན་པོའི་རྒྱལ་རབས་སྐབས་རྩོམ་སྒྲིག་གནང་བའི་བྱེ་བྲག་རྟོགས་བྱེད་ཆེ་འབྲིང་བོད་ཀྱི་ཚིག་མཛོད་ཐོག་མར་བརྩིས་ནའང་། བོད་ལ་ཚིག་མཛོད་བྱུང་ནས་མི་ལོ་ཆིག་སྟོང་ལྷག་ཕྱིན་ཡོད།
དེ་ལས་མང་བ་། “དག་ཡིག་གསར་བསྒྲིགས་བེད་སྤྱོད་གཏོང་སྐབས་གཟབ་དགོས་སའི་གནད་དོན་འགའ།” »
དོལ་རྒྱལ་དང་འབྲེལ་བའི་སྐོར་ལ་བདེ་སྲུང་བཀའ་བློན་གྱིས་གསལ་བཤད་།
ས་མཐའི་སེམས་པ་འཁྱོམ་པོ།
བྲེ་ནག
ས་མཐའི་རྣམ་ཤེས་འཁྱོམ་པོ།།
ལས་དབང་འཚུབ་མོའི་དེད་ནས།།
ངེས་མེད་ཕྱོགས་བཞིར་རྒྱུགས་ཀྱང་།།
དྲོད་ལྡན་ཁྱིམ་ཞིག་མ་རྙེད་།།
དགུང་གི་ཉི་ཟླ་འགྲིམ་ཞིང་།།
ས་ཡི་མེ་ཏོག་རྒས་དུས།།
༧མ་ཧཱ་པཎྡི་ཏ་མཁན་ཆེན་འཇིགས་མེད་ཕུན་ཚོགས་ཀྱི་ཡང་སྤྲུལ་ཡོད་མེད་སྐོར་ལ་དཔྱད་པ།
ཨོ་རྒྱན་ཉི་མ།
དེ་ཡང་ས་གསུམ་ན་འགྲན་ཟླ་དང་བྲལ་བའི་མ་ཧཱ་པཎྡི་ཏ་ཆེན་པོ། ཉེས་ཚོགས་སྤུ་རྩེ་ཙམ་ཡང་སྐུ་ཚེ་ལ་མེད་པའི་ཨོ་རྒྱན་ཆེན་པོ་དང་དབྱེར་མ་མཆིས་ཤིང་། བཀའ་དྲིན་གསུམ་ལྡན་གྱི་འདྲེན་མཆོག་མཚུངས་མེད། མཁན་ཆེན་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་གང་ཉིད་བཀའ་བསྟན་དུ་མ་ནས་ལུང་གིས་ཟིན་ཚུལ་མང་དུ་མཆིས་ཀྱང་། ཁ་གསལ་ཤོས་དེ་རྡོ་གྲུབ་སྐུ་འཕྲེང་དང་པོའི་ལུང་བྱང་ལས། <<གསེར་རྔ་དམ་ལྷ་ཡི་བླ་ལུང་དུ། །དཔལ་ཨོ་རྒྱན་གྱི་སྤྲུལ་པ་འཇིགས་མེད་མཚན། །འཁོར་རྣམ་བཞིའི་བྱང་སེམས་སྡེ་ཚོགས་ལ། །ཆོས་མདོ་སྔགས་ཀྱི་བསྟན་པ་ཉི་བཞིན་གསལ། །ཁོའི་འགྲོ་དོན་ས་བརྟན་སྤོ་ལ་རེག །དེས་འབྲེལ་ཀུན་བདེ་ཆེན་ས་ལ་འགོད། །>>
དེ་ལས་མང་བ་། “༧མ་ཧཱ་པཎྡི་ཏ་མཁན་ཆེན་འཇིགས་མེད་ཕུན་ཚོགས་ཀྱི་ཡང་སྤྲུལ་ཡོད་མེད་སྐོར་ལ་དཔྱད་པ།” »
མིང་མེད།
ཁ་བའི་འབྲོག་མོ།
སེམས་ཀྱི་བྱེད་ལས་ཉིང་ཁུའི་བཅུད་ལ་གནས།།
ཁྲ་ཆུང་མིག་ཟུང་དྭངས་པའི་ལས་ཀྱི་ཡུལ།།
ཁམས་ཀྱི་ཁ་ཏོག་རླུང་གིས་རྙོག་པ་འདིས།།
དྭངས་གཙང་འཇིག་རྟེན་རྡུལ་གྱི་ངོ་ལ་སྦྱར།།
དགའ་སྐྱོའི་ཚོར་བ་ཤུགས་ཀྱིས་འགུལ་སྟངས་འདིས།།
བརྩེ་བའི་དགུ་མདུད་རང་སར་ཁད་ཀྱིས་གྲོལ།།
སེང་རྡོར་སྙན་ངག་དཔྱད་གླེང་། ཁག་གསུམ་པ།
འོས་སྦྱོར་བ། འབའ་སྲས།
གཅིག http://voxer.com/v/32cafc2a89
གཉིས། http://voxer.com/v/4a92b96742
གསུམ། http://voxer.com/v/1cf84e725c
བཞི། http://voxer.com/v/f2b1379f1f
ལྔ་། http://voxer.com/v/4a36fe93e0
དྲུག http://voxer.com/v/111f52b141
མི་དང་དུད་འགྲོ
འབའ་སྲས།
མི་ནི་ཤིན་ཏུ་གླེན་པའི་སྲོག་ཆགས་ཤིག །
དེ་ལྟར་མིན་ན་ཤེས་བྱར་ཅི་ལ་སྦྱོང་།།
དུད་འགྲོ་དག་ནི་མི་ལས་མཁས་པ་སྟེ།།
གང་ལ་མ་སྦྱངས་རང་ཉིད་མཁས་པར་གྲུབ།།
དུད་འགྲོས་མི་ལ་སློབ་སྦྱོང་བྱས་མྱོང་མེད།།
མི་ཡིས་དུད་འགྲོ་སློབ་དཔོན་ཉིད་དུ་བསྟེན།།
མདུན་ཕྱོགས་ཀྱི་བརྩེ་བའི་མེ་ཏོག་ཆུན་པོ།
བྲེ་ནག
མུན་ནག་གི་མཚན་མོ་རེ་ཕར་ལ་བསྐྱལ་ནས།
འོད་སྣང་གི་ཉིན་མོ་རེ་ཚུར་ལ་བསུ་དུས།
མདང་དགོང་གི་སྐྱོ་གདུང་དང་མིག་ཆུ།
དེ་རིང་གི་མཛེས་སྡུག་དང་རེ་བ་ཅི་ནས་མིན།
གྱེས་བྲལ་དང་ངུ་ཤུམ་གྱིས་བསྐྱལ་བའི་མདང་དགོང་།
ཁེར་རྐྱང་དང་ལྷིང་འཇགས་ཀྱི་ཁྲོད་དུ་ཕར་ལ་འདས་ཏེ།
སེང་རྡོར་གྱི་སྙན་ངག་དཔྱད་གླེང་། ཁག་གཉིས་པ།
འོས་སྦྱོར་བ། འབའ་སྲས།
གཅིག http://voxer.com/v/950fa6bd22
གཉིས། http://voxer.com/v/c137b157d8
གསུམ། http://voxer.com/v/2518d35d6e
བཞི། http://voxer.com/v/e0bcf9eb5d
ལྔ། http://voxer.com/v/ab07c5fa8b
དྲུག http://voxer.com/v/12dd6906b1
དེ་རིང་བོད་མདོ་སྨད་རྔ་བར་བྱུང་བའི་རང་ལུས་མེར་སྲེག་གི་གནས་ཚུལ།
ཕྱི་ལོ་༢༠༡༤ ཟླ་༣ ཚེས་༡༦ ཉིན་གྱི་བོད་ནང་གི་སྔ་དྲོའི་ཆུ་ཚོད་༡༡་༤༠ ཙམ་ལ་བོད་མདོ་སྨད་རྔ་པ་ཀིརྟི་དགོན་གྱི་གྲྭ་བློ་བཟང་དཔལ་ལྡན། རང་ལོ་༢༠ ཡས་མས་ཡིན་པ་ཁོང་གིས་རྒྱ་ནག་གཞུང་གིས་བོད་ཐོག་བཟུང་བའི་དྲག་རྩུབ་ཅན་གྱི་སྲི་ཇུས་ལ་ངོ་རྒོལ་སྐད་འབོད་གནང་བཞིན་སྐུ་ལུས་མེ་རུ་སྒྲོན་ཡོད་འདུག ཁོང་གིས་ཨ་མདོ་རྔ་པའི་དཔའ་བོའི་སྲང་ལམ་དུ་ལུས་ལ་ས་སྣུམ་བྱུགས་ནས་མེར་བསྒྲོན་ཏེ་སྐད་འབོད་༼འབོད་ཚིག་གི་ནང་དོན་ཤེས་རྟོགས་མ་བྱུང་།༽གནང་བཞིན་གོམ་པ་འགར་ཕེབས་ཡོད་ཀྱང་།
དེ་ལས་མང་བ་། “དེ་རིང་བོད་མདོ་སྨད་རྔ་བར་བྱུང་བའི་རང་ལུས་མེར་སྲེག་གི་གནས་ཚུལ།” »
དེབ་འདི་སྙན་པོ་བྱུང་།
བདུན་ཕྲག་གཅིག་ཙམ་གྱི་སྔོན་དུ་དེབ་རྙིང་བཙོང་ས་ཞིག་ནས་ཕྲན་ལ་བོད་སྐོར་གྱི་དེབ་ཅིག་ཐོབ། མགོ་བརྗོད་དུ་ “༧རྒྱལ་བ་རིན་པོ་ཆེའི་རྒྱལ་ཁབ་ཏུ། (In The Kingdom of The Dalai Lama)” ཞེས་བྲིས་འདུག དེབ་འདི་རྩོམ་པ་པོ་ནི་ ཨར་ཆི་བྷོལ་ཌི་ སིཊིལ་ (Archibald T. Steele) ཞེས་པ་རེད་འདུག དེབ་འདིའི་མགོ་ནས་ཚིག་ཕྲེང་འགའ་བཀླགས་སྐབས་ཀློག་འདོད་ཀྱི་འདུན་པ་འཕེལ་ཏེ་མཚན་གྱི་ཆུ་ཚོད་གཉིས་པ་ཙམ་ལ་དེབ་འདིའི་བོད་ནང་གི་གནས་ཚུལ་རྣམས་རྫོགས་པར་བཀླགས། དེ་རིང་འདིར་ཚིག་ཐོ་འགའ་བྲིས་ན་བསམས་བྱུང་།
ཉི་མ་དང་མུན་པ།
ཉི་མ་རྒྱལ་མཚན།
ང་དང་བདེན་པ།
བགྲོད་ལམ་དཀའ་བའི་ལམ་འཕྲང་བརྒྱུད་ནས། གནས་ལུགས་ལ་གཞི་བཅོལ་བཞིན་བདེན་དཔང་མཁའ་རུ་བསྒྲེངས་ནས་ཐོབ་ཐང་འཚོལ་དུ་ཆས། ཡིན་ཡང་རེ་བ་དང་ཡིད་ཆེས་ལས་གྲུབ་པའི་མཚན་སྙན་ཆེ་བའི་ལམ་བུ་ཞིག་གི་འགྲོ་ལམ་བཀག་སོང་།
ང་དང་རང་དབང་།
འགྲོ་ལམ་བདེ་བའི་ལམ་འཕྲང་བརྒྱུད་ནས་རེ་བ་དང་ཡིད་ཆེས་ཁོ་ནའི་དབང་གི་མི་ཚེ་ཕྱེད་འདས།
རིག་འཛིན་དགའ་རབ་རྡོ་རྗེའི་འཁྲུངས་སྐར་ལ་ཕུལ་བའི་བཅོ་ལྔའི་དུང་ཟླ་དཀར་པོ།
ཨེ་མ་ཧོ།
ན་མོ་མ་ཧཱ་གུ་རུ་ཤྲཱི་ཨ་ནནྟ་བཛྲ་ས་ཏྭ་ཡེ།
ཀ་དག་གདོད་མའི་གནས་ལུགས་རང་རིག་ཉིད་རྟོགས་པས།།
ཁ་དོག་སྣ་ཚོགས་འཇའ་ལུས་ལྷུན་གྲུབ་ཀྱི་སྤྲུལ་སྐུ།
ག་བུར་དབང་ལྟར་རིག་འཛིན་མཁས་གྲུབ་ཀྱི་རྒྱལ་པོ།།
ང་ཡི་བརྒྱུད་གསུམ་བླ་མའི་སྤྱི་གཟུགས་ལ་འདུད་དོ།།
ཅ་ནོར་འཁོར་འདས་རྣམས་ཀུན་ཆོས་སྐུ་རུ་འཆར་ཞིང་།།
ཆ་རྐྱེན་ཀུན་བཟང་རྫོགས་ཆེན་སྟོན་པ་རུ་སྣང་བར།།
དེ་ལས་མང་བ་། “རིག་འཛིན་དགའ་རབ་རྡོ་རྗེའི་འཁྲུངས་སྐར་ལ་ཕུལ་བའི་བཅོ་ལྔའི་དུང་ཟླ་དཀར་པོ།” »
