བོད་ཀྱི་དུས་བབ་ནས་དྲངས། བསམ་འཆར་ཡིག་ཆའི་ནང་ཕུན་དབང་གི་ཚིག་དང་དགོངས་ཚུལ་མང་པོ་བཅུག་ཡོད། དེ་རིང་གངས་སྐྱིད་དུ་འབའ་བ་ཕུན་ཚོགས་དབང་རྒྱལ་མཆོག་གི་སྐོར་ལ་བགྲོ་གླེང་གོ་སྒྲིག་གནང་བའི་ཐོག ཕྱི་ལོ་༡༩༢༠ རྩ་གྲངས་ནས་ད་ལྟའི་བར་བོད་པའི་སྤྱི་ཚོགས་ནང་འབའ་བ་ཕུན་ཚོཊ་དབང་རྒྱལ་ལྟ་བུ་ཞིག་བྱུང་བ་དེ་བསམ་ཡུལ་ལས་འདས་པ་ཞིག་ཡིན་པ་མ་ཟད། ང་ཚོས་ཡག་སྡུག་གང་ནས་བལྟས་ཀྱང་ཁོང་ལྟ་བུ་ཞིག་བྱུང་བ་དེ་བོད་མི་རིགས་ཀྱི་གཟི་བརྗིད་རེད་ཅེས་བསྔགས་བརྗོད་བྱེད་མཁན་ཡང་བྱུང་སོང་། དེ་རིང་ཕྱི་ཚེས་༡༩ ཉིན་སྔ་དྲོའི་ཆུ་ཚོད་༨།༣༠ ཡས་མས་སུ། གངས་སྐྱིད་བོད་ཀྱི་དཔེ་མཛོད་ཚོགས་ཁང་དུ་བཞུགས་སྒར་འབའ་བ་སྐྱིད་སྡུག་གི་གོ་སྒྲིག་འོག་༼འབའ་བ་ཕུན་ཚོགས་དབང་རྒྱལ་མཆོག་གི་སྐུ་ཚེའི་ལོ་རྒྱུས་དང་བོད་ཀྱི་ལས་དབང་།༽ཞེས་པའི་བརྗོད་གཞི་ཐོག་བགྲོ་གླེང་ཞིག་ཚོགས་སོང་། ཆ་ཚང་འདི་ནས་གཟིགས།http://www.tibettimes.net/news.php?showfooter=1&id=8799
ཚེ་རིང་།
ཟླ་སྐར་གྱི་མིག་མདངས་མུན་པས་བཀབ་ཅིང
གློག་སྒྲོན་གྱི་འོད་སྣང་འབྲུག་སྒྲས་བསད་རྗེས་སུ
བསེར་རླུང་གི་རྒྱུ་བ་གྲང་མོ་ཞིག
མུན་ནག་གི་ཀློང་ནས
སུ་ཞིག་གི་ལག་ཟུང་དང་འདྲ་བར
ང་ཡི་མལ་ས་ལ་འཛུལ་ཡོང
ཚ་སྨུག་གི་ངལ་དུབ་ཁྲོད
འདི་ནི་དཀོན་མཆོག་གི་བྱིན་རླབས་དངོས་མ་དེ་ཡིན་ལ
རྨོག་རུ་བསྟན་པ།
རི་ངོགས་གཏམ་རྒྱུད་ཅེས་པའི་དེབ་ཅིག་འདོན་འཆར་ལ་ལོ་གཉིས་གསུམ་གོང་ནས་འཆར་གཞི་ཡོད་ནའང་། དེབ་ཀྱི་བརྗོད་བྱའི་མགོ་གང་ནས་འཛུགས་རྒྱུ་སོགས་ཀྱི་ཐད་བསམ་བློ་ངེས་ཅན་ཞིག་གཏོང་དགོས་པ་དང་། དངོས་བྱུང་གི་ལོ་རྒྱུས་དང་འབྲེལ་བའི་དེབ་ཀྱི་བརྗོད་བྱ་རེ་ཟུང་ཡུལ་དུས་སྐབས་དོན་དང་འགྲིག་མིན་སོགས་ཀྱིས་ཅུང་ཙམ་ཕྱིར་འགྱངས་བྱེད་དགོས་ཆགས་ཡོད། རི་ངོགས་གཏམ་རྒྱུད་ཀྱི་བརྗོད་དོན་གཙོ་བོ་ནི་རང་ཉིད་རྒྱ་གར་ལ་བཙན་བྱོལ་དུ་ཡོང་བའི་སྐབས་དོན་དང་འབྲེལ། རང་ཉིད་དང་འབྲེལ་ཡོད་ཀྱི་ཁོར་ཡུག་དང་། སྤྱི་ཚོགས། མི་སྣ་སོགས་བརྒྱུད་པའི་དངོས་བྱུང་གཏམ་རྒྱུད་ཀྱི་སྙིང་པོ་ཞིབ་ཚགས་སུ་འགོད་རྒྱུ་དེ་ཡིན།
སྤོབས་པ་མཐའ་ཡས།
ས་ཆ་འདིར་ངས་གླིང་ཚ་ཚེ་བརྟན་རྡོ་རྗེ་མཇལ་བྱུང་། གངས་ཅན་བོད་ཀྱི་མཚམས་དང་ཁད་ཉེ་བའི་གདོང་མཁར་གྲོང་ཚོ་ནི་འབྲས་ལྗོངས་མངའ་སྡེའི་ཁོངས་སུ་གཏོགས། དེ་གའི་སྔགས་པའི་ཚེས་བཅུ་ལྷ་ཁང་གི་སྔགས་རྒན་ཁ་ཤས་ཤིག་དང་ངའི་གྲོགས་པོ་གྲྭ་བ་ཞིག་གི་བར་ལ་མཐུན་འབྲེལ་བྱུང་། ཁོང་ཚོས་བོད་མི་གྲྭ་བ་ཚོར་འཇོན་ཐང་ཡོད་པས་ཁྱེད་ཀྱིས་ང་ཚོའི་དགོན་པ་བཞེངས་རོགས་བྱས་ན་དགོན་པའི་དབང་ཆ་ཁྱེད་ལ་འབུལ་ཆོག་ཅེས་བཤད་འདུག
བྱམས་བརྩེ།
དེ་རིང་འཕྲད་སྲིད་པའི་རྙོག་གྲ་
དཔལ་ལྡན་རྒྱལ།
ངེད་ནང་མི་ཚང་མ་ཨ་རིའི་རྒྱལ་ཡོངས་དུར་ས་ལ་ལྟ་བསྐོར་དུ་སོང་བ་ཡིན། དུར་ས་ལ་ལྟ་བསྐོར་དུ་སོང་བ་ཡིན་ཞེས་བརྗོད་སྐབས་བོད་པ་མང་པོ་ཞིག་རང་བཞིན་གྱིས་རྣམ་རྟོག་ཟ་ངེས་ཡིན། ཡིན་ནའང་། ཨ་རིར་མཚོན་ན་དུར་ས་འདི་ནི། ཡུལ་བསྐོར་སྤྲོ་འཆམ་པའི་ལྟ་བསྐོར་བྱེད་སའི་གནས་གལ་ཆེན་ཞིག་ཡིན།
ཨར་ལན་ཀྲོན་རྒྱལ་ཡོངས་དུར་ས་འདི་ལ་ཨ་རིའི་རྒྱལ་ཡོངས་དུར་ས་ཞེས་འབོད་ལ། དུར་ས་འདི་ནི་རྒྱལ་ས་ཝ་ཞིན་ཀྲོན་དང་། ཝར་རྗེ་ནེ་ཡ་མངའ་སྡེ་གཉིས་བར་ཡོད་པའི་ཕའོ་ཀྲོ་མ་ཁུ་གཙང་པོའི་སྟེང་གི་དྲན་རྟེན་ཟམ་པ་བརྒལ་མ་ཐག་གནས་འདིར་འབྱོར།
བདག
འདྲ་པར་མི་དགོས་ན་ཟུག་མི་མཁོ་མ་འཇོག་ཁྱོད་ཀྱིས་མཉམ་དུ་ཁྱེར།།
དྲན་པའི་ཚེ་ན་སྐྱོ་འདོད་མི་འདུག་དྲན་ཤིང་ཞེས་པ་དགོས་དོན་མེད།།
ལས་དབང་ཞེས་པ་འདི་འདྲ་ཡིན་ན་དཀོན་མཆོག་ཅེས་པར་མི་དད་ལ།།
བརྩེ་དུང་འབོད་པ་དེ་འདྲ་ཡིན་ན་དགའ་ལོ་མ་ཞིག་མི་ཉག་གོ །
བརྩེ་བ་ཟེར་བར་ཀ་ར་འདྲེས་པ་ཐོག་མའི་ས་བོན་མ་བཏབ་གོང་།།
འཁོར་བ་ཟློ་བར་རླུང་འཚུབ་རྒོད་པ་ཨ་ཉོག་རེ་གཉིས་བཙས་པའི་རྗེས།།
སེར་ཤུལ་རིན་ཆེན་དོན་གྲུབ།
འདོད་ཆགས་ཞེ་སྡང་ངོས་འཛིན་མི་ཤེས་པའི།།
སྐྱེ་བོ་འགའ་ཞིག་རྨོངས་པས་གཞན་དབང་གིས།།
འདི་དག་སྤང་བྱ་མིན་པར་བསྒྲུབས་སོ་ལོ།།
མཐོང་བས་ཁུང་འཛུམ་ཤོར་བ་སུས་མ་ལྡོག །
འདོད་པ་མེད་ན་རང་དོན་མི་བསྒྲུབ་ཀྱང་།།
འདོད་པ་ཡོད་ཚད་ཆགས་པ་མ་ཡིན་པས།།
དེ་ལས་མང་བ་། “༧དཔལ་ལྡན་ཁམས་སྟོད་འཇམ་དབྱངས་གྲགས་པ་གསེར་ཁྲི་མངའ་གསོལ་ལ་ཕུལ་བ་བདེན་པ་རིན་པོ་ཆེ།།” »
དཔལ་ལྡན་རྒྱལ།
ཆའེ་རེ་མེ་ཏོག་བཞད་པའི་དུས་སྟོན་ནི། རྒྱལ་ས་ཝ་ཞིན་ཀྲོན་ནང་དུས་ཆེན་སྐྱིད་ཤོས་ཞིག་ཡིན། ལོ་ལྟར་ངའི་ཁྱིམ་མི་རྣམས་མེ་ཏོག་ལ་ལྟ་རུ་འགྲོ་རྒྱུ་ནི་ཁྱིམ་ཚང་གི་སྲོལ་རྒྱུན་ལྟ་བུར་གྱུར་ཡོད། ཆའེ་རེ་མེ་ཏོག་བཞད་པའི་དུས་སྟོན་གྱི་མཛད་སྒོ་དེ། ཨ་རིའི་སྲིད་འཛིན་གསུམ་པ་ཐོ་མ་སི་འཇར་ཕུ་སན་གྱི་དྲན་རྟེན་ཁང༌གི་མདུན་དུ་འཚོགས་ཀྱིན་ཡོད།
ཨ་རི་སྲིད་འཛིན་(1801-1809) གསུམ་པ་ཐོ་མ་སི་འཇར་ཕུ་སན་ (Thomas Jefferson 1743-1826) གྱི་དྲན་རྟེན་ཁང༌ནི་རྒྱལ་ས་ཝ་ཞིན་ཏོན་དུ་ཡོད།
དེ་ལས་མང་བ་། “ཆའེ་རེ་མེ་ཏོག་དང་། ཨ་རི་སྲིད་འཛིན་ཐོ་མ་སི་འཇར་ཕུ་སན།” »
འབའ་སྲས།
འདོད་ཆགས་ཞེ་སྡང་སྤང་བར་བྱ་འོ་ཞེས།།
གནའ་ནས་དེ་རིང་བར་དུ་བཤད་ན་ཡང་།།
སུ་དང་གང་གིས་མ་སྤངས་རང་རྒྱུད་དུ།།
དམ་དུ་བསྲུངས་པ་འདི་ཡང་རིགས་ཤིང་འོས།།
འདོད་པ་མེད་ན་རང་དོན་ཇི་ལྟར་བསྒྲུབ།།
ཆགས་པ་སྤངས་ཚེ་རྗེས་སུ་ཅི་ཞིག་འཛིན།།
ཞེ་སྡང་བོར་ན་དགྲ་ལ་ཇི་ལྟར་རྒོལ།།
བཀྲ་ཤིས་དོན་འགྲུབ།
ནུབ་ཁའི་ཉི་མ་དམར་པོ་ལ།།
སྐྱོ་བའི་མདངས་ཤིག་ཆགས་ནས་ཡོད།།
དེ་ལ་སྣང་བ་མ་གཏོད་ཅིག།
དུད་ཞགས་གླིང་ལ་འཁྱིལ་ཡོང་ངོ་།།
བྱང་འགྲོ་རླུང་བུའི་ཕྱག་ཟུང་གིས།།
གཟན་སྣེ་དམར་པོ་བསྐྱོད་ཙམ་བྱེད།།
སྐྱོ་བྲག་དགའ་དབང་།
གློ་བ་ནང་དུ་ཆུ་ཤོར་བ་ལྟ་བུའི་འཇམ་ལུ་བྱེད་ཅིང་ལྷག་ཏུ་ཞོགས་དགོང་དང་ཟུར་ཉལ་སྐབས་ན་ཤུགས་ཆེར་ལུ་བ་ཞིག་ན་ནས་ཟླ་བ་གཉིས་ཡས་མས་སོང་ནའང་དྲག་སྐྱེད་མ་བྱུང་བས། གློ་ནད་ཚབས་ཆེན་ཞིག་ཡོད་ནའང་ཅི་ཤེས་སྙམ་ནས། འབྲས་ལྗོངས་མངའ་སྡེའི་རྒྱལ་ས་སྒང་ཏོག་ཏུ་ཡོད་པའི་སྨན་ཁང་མ་ཎི་པལ་བྱ་བ། མངའ་སྡེ་འདིའི་སྨན་ཁང་ཡག་ཤོས་དེ་ཡིན་མིན་ཅི་ཤེས་ཏེ། ཆེ་ཤོས་དེ་ཡིན་ངེས་པ་ཞིག་ཡོད་པ་དེར་སོང་སྟེ། སྤྱི་ལོ་༢༠༡༤ ཟླ་༣ ཚེས་༢༦ ཉིན་ཁྲག་དང་གཅིན་པ་གློག་པར་སོགས་ཀྱི་རྒྱུད་ནས་མགོ་ལུས་ཡོངས་ལ་བརྟགས་དཔྱད་བགྱིས་པའི་ཤོག་ཛར་དག །
ཚེ་རིང་།
ནུབ་ཕྱོགས་ཀྱི་མཁས་པ་དང་དཔོན་པོ་ཕྱུག་བདག་སོགས་ལ་ཐུན་མོང་མ་ཡིན་པའི་རང་གཤིས་ཡག་པོ་ཞིག་ཡོད་པ་ནི་ཁེངས་དྲག་དང་ཆེ་ཚུགས་མེད་པ་འདི་རེད། འདི་ནི་གནས་སྐབས་ཀྱི་གནས་བབས་མི་འདྲ་ནའང་ཚང་མ་འགྲོ་བ་མིའི་རིགས་སུ་མཚུངས་པའི་རྒྱུ་མཚན་གྱིས་འགྲོ་བ་མིའི་རིགས་ཀྱི་གཞི་རྩའི་ཐོབ་ཐང་ལ་བརྩི་བཀུར་གྱི་འདུ་ཤེས་ལས་བྱུང་བ་ཞིག་ཡིན་ལ། མདོར་དེད་ནས་བཤད་ན་འདི་ནི་དམངས་གཙོའི་ལྟ་གྲུབ་ཀྱིས་བསྐྲུན་པའི་བག་ཆགས་བཟང་བོ་ཞིག་དང་མི་དམངས་ལ་ཧ་ཅང་གི་ཡིད་འགུལ་སྟེར་བའི་ཀུན་སྤྱོད་ཅིག་ཀྱང་རེད།
དེ་ལས་མང་བ་། “རོགས་སྐྱོར་དང་ལེན་བྱེད་པ་དེས་ཁྱེད་རང་ནུས་མེད་ཅིག་ཏུ་མཚོན་མི་ནུས།” »
བར་ཕུ་ཕུན་ཚོགས།
ཕ་སེམས་རྒྱུད་དྲང་པོས་གསོས་དང་གཅིག།
མ་བྱང་སེམས་ཅན་གྱིས་བསྐྱངས་དང་གཉིས།།
ནང་མཐུན་སྒྲིལ་ཆེ་བས་སྐྱིད་དང་གསུམ།།
དེ་ཞི་བདེ་ཡོད་པའི་ཁྱིམ་ཚང་ཡིན།།
ལོ་ཆུང་དུས་ངན་ཡང་རྒྱབ་ཏུ་འཁྱེར།།
བུ་ངུ་ལ་དགའ་ཡང་བསུན་སྣང་མེད།།
ཁ་བའི་འབྲོག་མོ།
ཡོད་པའི་མཐའ་ལ་དཔྱངས་པའི་རྩེད་རྡོ་ཞིག །
འཇིག་མེད་དངོས་པོའི་སྐྱེས་སུ་ག་ལ་འགྱུར།།
སོམ་ཉིའི་སྐུད་པ་བཏབ་པའི་སྙིང་ཁམས་ན།།
སྤྲིན་གྱི་གཟུགས་རིས་འཛིན་པའི་གདེང་ཞིག་ཡོད།།
དེ་རིང་མ་སྐྱེས་སང་ཡང་མི་སྐྱེ་བའི།།
སེམས་ཀྱི་མེ་ཏོག་བསྐལ་བའི་བར་དུ་བཏབ།།
ཨེ་མ་ཧོ།
ན་མོ་གུ་རུ་བྷྱེ།
སྙིང་ཐིག་སྙིང་གི་བསྟན་པ་འཛིན་པའི་རྗེ།།
སྙིང་པོའི་བསྟན་སྲིད་ཡང་དག་སྐྱོང་བའི་མགོན།།
སྙིང་རྗེའི་རང་གཟུགས་བཤད་སྒྲུབ་སྤེལ་བའི་བདག།
སྙིང་གི་མུན་སེལ་བླ་མ་རྒྱལ་གྱུར་ཅིག།
འདུས་བྱས་ཆོས་ཀུན་མི་རྟག་དངོས་པོའི་ཆོས།།
སྐྱེ་འཆི་རྒས་རྒུད་བྲལ་བར་བཅོས་མིན་ཀྱང་།།
གནས་ཚུལ་གཏོང་མཁན། དོན་འགྲུབ་བཀྲ་ཤིས།
ཟླ་འདིའི་ཚེས་༡༦ ཉིན་གྱི་དགོང་དྲོ་ཆུ་ཚོད་༥་༣༠ ཐོག་རྒྱ་གར་ལྷོ་ཕྱོགས་སྦེལ་ཀོབ་བོད་མའི་གཞིས་ཆགས་བོད་ཀྱི་གཞོན་ནུ་ལྷན་ཚོགས་དང་བུད་མེད་ལྷན་ཚོགས་ཐུན་མོང་གིས་གོ་སྒྲིག་འོག ཁ་སང་ཕྱི་ཚེས་༡༥ ཉིན་བོད་བསྟན་སྲིད་ཆེད་སྐུ་ལུས་མེར་བསྲེག་གནང་མཁན་བོད་ནང་ཁམས་རྟའུ་རྫོང་ཁོངས་ཀྱི་རྒྱལ་གཅེས་དཔའ་བོ་འཕྲིན་ལས་རྣམ་རྒྱལ་ལགས་ཀྱི་གཙོས་བོད་བསྟན་སྲིད་ཆེད་སྐུ་ལུས་ཞུགས་འབུལ་གནང་མཁན་ཡོངས་ལ་གདུང་སེམས་མཉམ་བསྐྱེད་མཚོན་ཆེད་
དེ་ལས་མང་བ་། “རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས་སུ་བསྔོ་སྨོན་མཆོད་འབུལ།” »
མཚམས་སྦྱོར་བ། དོན་འགྲུབ་བཀྲ་ཤིས།
ཚེས་བཅུ་བཞི་ཉིན་གྱི་སྔ་དྲོར་དུས་ཚོད་གཉིས་རིང་ལ་ཚོད་ལྟ་བྱས་ནས་འཕུར་བསྐྱོད་བྱས་རྗེས། མཚོ་སྔོན་ཞིང་ཆེན་ཡུལ་ཤུལ་གནམ་གྲུ་ཐང་གི་གྲངས་ཀ་སོ་སོ་ཚད་གཞི་དང་མཐུན་ཞིང་། ལྷ་ས་ནས་ཟི་ལིང་བརྒྱུད་དེ་ཡུལ་ཤུལ་ལ་འཕུར་སྐྱོད་བྱེད་པའི་གནམ་གྲུ་དངོས་སུ་ཡུལ་ཤུལ་གནམ་གྲུ་ཐང་ལ་ཐོན། བོད་ལྗོངས་མཁའ་འགྲུལ་ནི་ཤར་ཕྱོགས་མཁའ་འགྲུལ་ཀུང་ཟིའི་རྗེས་སུ་ཡུལ་ཤུལ་མཁའ་འགྲུལ་ཚོང་རར་བསྐྱོད་པའི་མཁའ་འགྲུལ་ཀུང་ཟི་གཉིས་པ་རེད།
ཁ་བརྡ་རྩོམ་སྒྲིག་ཚོགས་ཆུང་གིས།
སྤྱི་ལོ་ཉིས་སྟོང་དགུའི་ལོ་མཇུག་ནས་ལང་ཚོ་དར་ལ་བབ་པའི་གཞོན་སྐྱེས་གཙོ་བོར་གྱུར་བའི་བོད་པ་ཁག་ཅིག་གིས་རང་ལུས་མེ་ལ་སྦར་ནས་རྒྱ་གཞུང་གིས་བོད་ཐོག་ལ་འཛིན་པའི་སྲིད་ཇུས་ལ་ངོ་རྒོལ་བྱེད་མགོ་བརྩམས། ཁ་བརྡའི་སྟེང་ལ་རང་སྲེག་གི་གསར་འགྱུར་བྱུང་ཐེངས་རེར་ཁ་བརྡའི་རྩོམ་སྒྲིག་པ་རྣམས་ཀྱིས་འདི་འདྲའི་སྙིང་ལ་གཟན་པའི་གསར་འགྱུར་ཡང་སྐྱར་མི་ཐོས་པའི་རེ་བ་བཅངས། ཡིན་ན་ཡང་འདས་པའི་ལོ་ངོ་ལྔ་ལྷག་གི་རིང་ལ་འདི་འདྲའི་གསར་འགྱུར་ཐེངས་བརྒྱ་དང་སུམ་ཅུ་ལྷག་ཐོས་དགོས་པ་བྱུང་ཡོད། ཁ་སང་དཀར་མཛེས་རྟའུ་རུ་འཕྲིན་ལས་རྣམ་རྒྱལ་ལགས་ནས་རང་སྲེག་གནང་བ་དེས་གྲངས་ཀ་གཅིག་ཡང་སྐྱར་འཕར་བར་གྱུར།
དེ་ལས་མང་བ་། “རང་སྲེག་གི་དོན་རྐྱེན་ཡང་སྐྱར་མི་འབྱུང་བའི་རེ་སྨོན།” »
