རིག་འཛིན་ཨེ་མ་ཧོ།
ན་མོ་མ་ཧཱ་གུ་རུ་བུདྡྷ་ར་ས་ཡེ།
ཀ་མ་ལ་དང་ཤེལ་ཕྲེང་ཕྱག་རྒྱ་ཅན།།
ཁ་བའི་ལྷ་སྐལ་མི་ཡི་ཚུལ་བཞུགས་པའི།།
ག་བུར་དབང་ལྟར་ཞི་བསིལ་བདེ་སྟེར་འཁན།།
ང་ཡི་གཙུག་ནོར་ཞི་བདེ་གླིང་པར་རྒྱལ།།
ཅ་དག་དགེ་སློང་འཛམ་གླིང་མཛེས་པའི་རྒྱན།།
ཆ་ལུགས་ཀུན་བཟང་ཞི་བདེའི་དེད་དཔོན་རྗེར།།
ཇ་ཆང་བཟང་དགུའི་དངོས་འབྱོར་ཡིད་སྤྲུལ་གྱིས།།
ཉ་གང་ཟླ་བཞིན་མ་ཚང་མེད་པས་མཆོད།།
དེ་ལས་མང་བ་། “ཞི་བདེ་གླིང་པའི་འཁྲུངས་སྟོན་ལ་ཕུལ་བའི་ལྷ་དར་དཀར་པོའི་རང་མདངས།” »
སྐྱོ་བྲག་དགའ་དབང་།
ང་ང་རང་གི་ཆེད་དུ་གནས་དགོས་ལ། ང་ང་རང་གི་ཕ་མ་སྤུན་མཆེད་ཆེད་དུ་གནས་དགོས། ང་མེད་ན་ང་རང་གི་ཕམ་ཁ་རེད་ལ། ང་མེད་ན་ང་རང་གི་ཕ་མ་སྤུན་མཆེད་ཕབ་ཁ་རེད། ངས་ང་རང་གི་བདེ་སྐྱིད་ཆེད་དུ་སེམས་ཤུགས་སྐྱེད་དགོས་ལ། ངས་ང་རང་གི་ཕ་མ་སྤུན་མཆེད་བདེ་སྐྱིད་ཆེད་དུ་སེམས་ཤུགས་སྐྱེད་དགོས། ང་གཞན་གྱི་རྩེད་ཆས་མིན་ལ། ཁྲེལ་གཞུག་མེད་པའི་ཁྱོ་གའི་རྩེད་ཆས་དེ་བས་ཀྱང་མིན།
གནས་ཚུལ་གཏོང་མཁན། ཙ་ཡུས་ཕུན་ཚོགས།
ཟླ་༧ ཚེས་༣ ཉིན་སུད་སིར་གནས་སྡོད་ལྷུན་གྲུབ་ཚང་ཀརྨ་བཀྲ་ཤིས་ཚེ་རིང་དང་། སྟག་ཚང་དཀོན་ཅོག བཀྲ་བསྟན་ཚང་པ་སངས་ནང་མི་གསུམ་གྱིས་རྒྱལ་ཚོགས་ལ་བོད་དོན་ཞུ་གཏུག་ལས་འགུལ་ཐེངས་༣༡ པ་དེ་སྤེལ་ཡོད་འདུག
ཁྱིམ་ཚང་གསུམ་གྱི་རྒྱལ་ཚོགས་མདུན་དུ་བོད་དོན་ཞུ་གཏུགས་ལས་འགུལ་འདི་ནི་ཕྱི་ལོ་༢༠༡༢ ལོའི་ཟླ་༡༢ ཚེད་༡༠ ནས་དབུ་འཛུགས་ཀྱིས་ཁྱིམ་ཚང་གཉིས་ཀྱི་བོད་དོན་ཞུ་གཏུགས་ལས་འགུལ་ཞེས་འབོད་ཀྱིན་པ་དེར།
འབའ་སྲས།
སྐོམ་པའི་དུས་སུ་བཀླག་ན་རྫ་ཆུ་བསིལ་མ།།
ལྟོགས་པའི་དུས་སུ་བཀླག་ན་སྦྲང་དཀར་རྩམ་པ།།
ན་བའི་དུས་སུ་བཀླག་ན་འཆི་མེད་བདུད་རྩི།།
ང་ཡི་འདོད་པའི་སྙན་ངག་རེ་བ་ཀུན་སྐོང་།།
ཁེར་རྐྱང་ཁེར་མོར་བཀླག་ན་སེམས་ཀྱི་སྐྱོ་རོགས།།
ས་མཐའི་ཡུལ་ནས་བཀླག་ན་དྲན་པའི་གདུང་དབྱངས།།
ནམ་མཁའ།
རིང་ནས་འདྲིས་བའི་སྙིང་རྗེ་ཆབ་རོལ་གྱིས།།
རང་བདེ་དོན་གཉེར་ཡིད་ཀྱི་མེ་དཔུང་བཅོམ།།
ཟབ་མོ་རྟེན་འབྱུང་གཟིགས་པས་ཤེས་རབ་ཀྱིས།།
སེམས་ཀྱི་རྟོག་པའི་སྤྲོས་བའི་དྲ་བ་བཅད།།
ཟས་གཙང་སྲས་ཀྱི་གདུལ་བྱ་མ་གྱུར་བའི།།
མངོན་གྱུར་རྟགས་ལས་ལྐོག་གྱུར་མི་འདོད་ཡང་།།
འདྲེན་ཁུངས། བོད་ཀྱི་དུས་བབ།
རང་དབང་ལུང་པའི་ནང་རང་དབང་གི་དུས་སྐབས་ལོངས་སུ་སྤྱོད་ཐུབ་དགོས།
༸གོང་ས་མཆོག་གིས་ལ་དྭགས་བོད་ཁྱིམ་དུ་བོད་མི་ཚོར་བཀའ་སློབ་གནང་སྟེ། རང་དབང་ལུང་པར་ཡོད་པའི་བོད་མི་ཚོས་གཞིས་ལུས་རྒྱ་ཆེའི་མི་མང་གི་བསམ་འདུན་སེམས་ལ་བཅངས། རང་དབང་ལུང་པའི་རང་དབང་གི་དུས་སྐབས་ལོངས་སྤྱོད་ཀྱིས་བོད་སྐད་ཡིག་གཙོས་ཆོས་དང་རིག་གཞུང་ལ་བདག་པོ་རྒྱག་དགོས་སྐོར་གསུངས་སོང་།
དེ་རིང་ཞོགས་པའི་ཆུ་ཚོད་༨།༠༠ པ་ཡས་མས་སུ་༸གོང་ས་མཆོག་ཞི་བའི་ཚལ་གསུང་ཆོས་རྭ་བའི་ཚོགས་མགོན་དུ་ཆིགས་བསྒྱུར་གནང་རྗེས།
དེ་ལས་མང་བ་། “༸གོང་ས་མཆོག་གིས་ལ་དྭགས་བོད་ཁྱིམ་དུ་བཀའ་སློབ་གནང་བ།” »
འབའ་སྲས།
ངས་ཡི་གེ་སྦྱོང་དུས་ནི་རང་ལོ་བཅུ་གཅིག་ཡིན་ལ། སྙན་ངག་འབྲི་འགོ་རྩོམ་དུས་རང་ལོ་བཅུ་དྲུག་ཙམ་རེད། ངའི་སྙན་ངག་གི་བརྗོད་བྱ་ཐོག་མ་དགའ་རོགས་ནས་འགོ་བཙུགས་ཏེ་བརྩེ་དུང་གི་ཞིང་ས་ལ་སྙན་ངག་གི་ས་བོན་ཐོག་མར་བཏབས། འདི་ནི་ང་སྙན་ངག་གི་ལམ་ལ་བགྲོད་འགོ་བརྩམས་པའི་རྐང་རྗེས་ཐོག་མ་དེ་ཡིན།
ང་ལོ་བཅུ་དྲུག་གི་སྐབས་སུ་དམའ་འབྲིང་སློབ་རིམ་དང་པོ་ཡིན་ཞིང་། སློབ་གྲོགས་ཚོའི་གྲལ་ནས་བོད་ཡིག་ལ་ཅུང་ཡག་ཤོས་དང་། ཕོ་སྒོ་ཡང་མི་ཆོག་པ་མེད།
སྤྱན་ཆེན་པོ།
ཁ་སང་རྒྱལ་ས་གླེ་དང་ཤར་ལྷོའི་མཚམས་ན་ཡོད་པའི་ཁྲིག་རྩེ་དགོན་པར་མཇལ་དུ་སོང་བ་ཡིན། དགོན་པ་འདི་ནི་བོད་ཡུལ་མངའ་རིས་ས་ཁུལ་ནས་བཞུར་འོང་བའི་ཆུ་བོ་ཆེན་པོ་སེང་གེ་ཁ་འབབ་ཀྱི་འགྲམ་ན་པོ་ཏ་ལ་ནང་བཞིན་རི་ངོས་སུ་ཆགས་ཡོད་པ་དང་རྒྱང་ནས་བལྟས་ཚེ་པོ་ཏ་ལ་དང་ཅུང་འདྲ་བས་ཡུལ་མི་ཚོས་འདི་ལ་པོ་ཏ་ལ་གཉིས་པ་ཟེར། གནས་འདི་ནི་དང་པོ་ཡུལ་འདིའི་རྒྱལ་པོའི་ཕོ་བྲང་གི་ཤུལ་ཡིན་པ་དང་། དགོན་པ་གནས་འདི་དང་སྤྱི་ལེ་གསུམ་གྱི་མཚམས་ནས་འདེབས་སྐབས་བྱ་རོག་ཅིག་གིས་གཏོར་མ་ཁུར་ནས་གནས་འདི་ལ་གཡུགས་སོང་བས་རྒྱལ་པོའི་བཀའ་ལྟར་ད་ལྟའི་ཡུལ་འདི་ནས་དགོན་པ་འདི་བཏབ་པར་གྲགས།
འབའ་སྲས།
ཨ་སྔོན་དབྱིངས་སུ་བསྐྱོད་པའི་སྤྲིན་དཀར་གྱི་འདབ་མ།།
དབྱིག་འཛིན་དགའ་མར་བཟུང་བའི་ལེགས་སྐྱེས་དེས་ཅི་བྱ།།
སྦྲང་ཆར་ཟིལ་མའི་ཐིགས་པ་སྙན་ངག་ལ་སྤྲུལ་ཏེ།།
ཁོ་ཡི་ཡིད་ཀྱི་ཞིང་སར་ཤག་ཤག་ཏུ་འབབ་རོགས།།
སྟུག་པོའི་ཚལ་ན་བསྒྲོགས་པའི་གཞན་གསོས་ཀྱི་བུ་མོ།།
ལྕང་ལྕུག་ཡལ་གར་འཁྲེང་བའི་སེམས་པ་དེས་ཅི་བྱ།།
སེར་ཤུལ་རིན་ཆེན་དོན་གྲུབ།
བདག་ལ་བཀའ་དྲིན་མཚུངས་ཟླ་མེད་པ་ཡོངས་ཀྱི་དགེ་བའི་བཤེས་གཉེན་ཆེན་པོ་སེར་བྱེས་མཁན་ཟུར་རྗེ་བཙུན་བློ་བཟང་ཚེ་རིང་མཆོག་གི་དགོངས་རྫོགས་ལ་ཕུལ།
བདེ་ནས་བདེ་བར་གཤེགས་པའི་ལམ་བཟང་ལས།།
སྐྱེ་ནས་སྐྱེ་བར་ཕེབས་པའི་སྐལ་བཟང་ལ།།
དུས་ནས་དུས་སུ་འགྲོ་བའི་མཛད་པ་ཅན།།
དུང་ནས་དུང་བའི་གདུང་ཤུགས་རླབས་ཀྱིས་མཆོད།།
རིག་འཛིན་ཨེ་མ་ཧོ།
ཀྱེ་མ་ཧོ།
འཁོར་བའི་སྡུག་བསྔལ་འདི་ཆུ་ཚོད་བཞིན་འཁོར་ནས།།
སྐྱེ་རྒ་ན་འཆི་ཡི་ཕྲེང་ཐག་ནམ་ཟད་དུ་བགྲང་ཡང་།།
སྡུག་ཀུན་མཚམས་ཆད་ཉིད་མྱང་འདས་མཐར་ཐུག་ཕྱིན་པས།
ཐར་མཆོག་ཡང་དག་གི་བཅོམ་ལྡན་བདེ་གཤེགས་རྒྱལ་བ།།
གཞུང་ལུགས་རབ་འབྱམས་ལ་མཁས་དབང་ཕུལ་བྱུང་དམ་པ།།
ཚེ་རིང་།
ལྷང་མི་འཇག་པའི་དུས་སྐབས་རེར
ཁྱེད་ཀྱིས་ནམ་རྒྱུན
རང་ཉིད་དགའ་བའི་སྙན་ངག་དེ་ལྷོད་ཀྱིས་སྐྱོར
དབྱངས་རྟ་དེས་
ཁྱེད་རང་ལ་འཇིག་རྟེན་གཞན་ཞིག་བསྐྲུན་པ་འདྲ
ཉམས་སྣང་ཞིག་ལ
ཁྱོད་ལ་ཅི་ཡང་མཛོམས་ཤིང་ཅི་ཡང་མེད
རྔ་རྒོད།
ཐེངས་དང་བོའི་བོད་རིགས་འདྲེས་མའི་ཚོགས་འདུ་ལས་འཕྲོས་ཏེ་རང་གི་བསམ་ཚུལ་ཙམ་ཞིག་བརྗོད་ན།
ཉིན་གཉིས་རིང་དུ་དབྱིན་ཡུལ་ནས་འཚོགས་པའི་བོད་རིགས་འདྲེས་མའི་ཆབ་སྲིད་ཚོགས་འདུ་དང་དེའི་ནང་དོན་སྐོར་ཅིག་འདིར་བསྙད་ན། འདི་ནི་ཆབ་སྲིད་མདུན་བསྐྱོད་ཀྱི་བསམ་བློ་རྣམ་དག་ཅིག་ལས། ཁ་ཤས་ཀྱིས་བཤད་ཡམས་ལྟར། མི་འོས་པའི་ནང་ཁུལ་མི་རིགས་དབྱེན་འབྱེད་ཀྱི་བསམ་སྦྱོར་ངན་པ་ཞིག་འདིར་གཏན་ནས་མི་འདུག རྒྱུ་མཚན། སྲས་མོ་པདྨ་ཡོའུ་ཁོ་དང་བཀྲས་མཐོང་ལྷ་སྒྲོན་གཙོས་གཞན་པ་ཚང་མ་ནུབ་ཕྱོགས་འདི་ནས་འཚར་ལོངས་བྱུང་ཡོད་སྟབས།
དེ་ལས་མང་བ་། “བོད་རིགས་འདྲེས་མའི་ཚོགས་འདུ་ལས་འཕྲོས་པའི་བསམ་ཚུལ།” »
རྡེའུ།
གཉིས་པ།
སྤྲིན་པ་སྟུག་པོའི་འོག་ཏུ་ཚེ་སྲོག་ཆད་ལ་ཁད་ཀྱི་ཞོགས་ཁའི་ཉི་མ་དམར་པོ་དེ་ཡང་སྔར་བཞིན་འཆར་ཁའི་རྩེ་རུ་འཕགས་ཤིང་ལན་རེར་མངོན་ཡང་ལན་རེར་བསྒྲིབས་བཞིན་ཤར་ཡོང་། བདེ་ལྷོད་ལྷོད་ངང་གཉིད་དུ་ཡུར་བའི་གྲོང་ཚོ་ཡང་སྤྲིན་འོག་ནས་ཤོར་བའི་ཉི་འོད་ཀྱི་ལག་ཟུང་གིས་རེ་རེ་བཞིན་མལ་ལས་བསླངས་བ་དང་མཚུངས། བྱ་བྱེའི་སྣ་ཚོགས་ཀྱིས་སྒྲོག་བའི་སྐད་ཅོར་ནི་འདུ་འཛི་ཆེ་བའི་ཁྲོམ་ར་ཞིག་གི་ཟང་ཟིང་དྲན་དུ་འཇུག་ནུས་ལ། ཞིང་ཁའི་རྩི་ཏོག་རེ་རེར་འཁྱུད་ཅིང་ཁྲ་རིལ་རིལ་བྱེད་པའི་ཟིལ་བ་དག་གིས་སུ་ཞིག་ལ་མྱ་ངན་གྱི་རྣམ་པ་སྟོན་གྱི་ཨེ་སྙམ་པའི་སྣང་ཚུལ་ཞིག་ཀྱང་ཅིག་ཅར་དུ་སྐྱེས་ཡོང་།
འོས་སྦྱོར་བ། གསེར་ས་ལེ་སྦྲམ།
ལ་དྭགས་དུས་འཁོར་དབང་ཆེན་གོ་སྒྲིག་ཚོགས་ཆུང་གིས་ཆོས་ཞུ་བ་འབུམ་གཅིག་དང་ཕྱེད་ཀ་ཡོང་བའི་རྩིས་རྒྱག་གི་ཡོད་ཀྱང་། ད་ཆར་སྡོད་གུར་༥༣༠ ལས་བརྒྱབ་མི་འདུག་ལ། གསུང་ཆོས་རྭ་བའི་གྲ་སྒྲིག་ཀྱང་ཡོངས་སུ་འགྲུབ་མེད་པར་མུ་མཐུད་སྒྲུབ་བཞིན་ཡོད་འདུག ཟླ་འདིའི་ཚེས་༣ ཉིན་༸གོང་ས་མཆོག་གིས་ལ་དྭགས་ཞི་བའི་ཚལ་ཕོ་བྲང་གི་ཉེ་འཁྲིས་སུ་ཡོད་པའི་གསུང་ཆོས་རྭ་བར་དུས་འཁོར་དབང་ཆེན་ཐེངས་༣༣ པ་མགོ་འཛུགས་གནང་གི་ཡོད་སྟབས། ཁ་སང་གསར་འགོད་པ་དངོས་སུ་གསུང་ཆོས་རྭ་བ་དང་ཆོས་ཞུ་བའི་སྡོད་གུར་གཉིས་སུ་སོང་སྟེ་གནས་ཚུལ་རྒྱུས་ལོན་བྱས།
དེ་ལས་མང་བ་། “མི་མང་ལ་ཞལ་འདེབས་བསྡུས་ནས་འགྲོ་སོང་གཏོང་ཐུབ་པ་བྱ་རྒྱུ་ཡིན་ཟེར།” »
སྐྱ་རེངས།
བརྩེ་བ་དེ་མེ་བཞིན། ངའི་བྲང་གཞུང་ནས་འབར།
དུངས་པ་དེ་ཆུ་བཞིན། ངའི་ཡ་ཆུང་ནས་བཞུར།
སེམས་པ་འདི། རླུང་བུ་ཞིག་ཏུ་སྤྲུལ་ནུས་ན།
གཏན་དུ་ང་། ཁྱེད་ཀྱི་ལང་ཚོའི་སྦུབས་སུ་ཉུལ་ཡོང་།
“ཀྱེ། འབར་གྱིན་པ་དེ་མེ་མ་ལགས། དེ་ནི་སེམས་པ་ཞིག་ལགས།”
“བཞུར་གྱིན་པ་དེ་ཆུ་མ་ལགས། དེ་ནི་མིག་ཆུ་ཞིག་ལགས།”
ཨེ་མ་ཧོ།
ན་མོ་གུ་རུ་པདྨ་ཀ་ར་ཡེ།
གངས་ལྗོངས་བསོད་ནམས་བསྟན་སྲིད་རྨད་བྱུང་ཕུལ།།
འཛམ་གླིང་འཛིན་མའི་སྙིང་ནོར་བཅུ་ཕྲག་མཛོད།།
ཐེག་དགུ་བདེན་པའི་ལམ་བཟང་ཞི་བདེའི་དཔལ།།
ཡབ་མེས་ཡིད་བཞིན་ནོར་བུ་ཨེ་མ་ཧོ།།
གངས་རིའི་བདེ་སྐྱིད་སོ་ཀའི་ནམ་ཟླ་བཞིན།།
མ་སྨིན་སོ་ནམས་གསར་བ་སྤྲིན་པས་སྒྲིབ།།
སྐྱ་རེངས།
ཉི་མ་བཞུད་ཤུལ། ས་གཞི་མུན་པས་རུམ་པར་གྱུར།
བདག་གསོམ་ཤིང་ཁེར་སྐྱེས་ཤིག་དང་འགྲེང་ནས་ལྟ་དུས།
ཁོ་མོའི་མགུལ་གྱི་རིན་ཆེན་ཕྲེང་རྒྱུད་ཉིད་ས་རུ་ཐོར་བ་ལྟར།
རི་ཞོལ་གྱི་གྲོང་རྡལ་དག འོད་ཆེམ་ཆེམ་དུ་གྱུར་ནས་གདའ།
བདག་གྲོང་གསེབ་ཀྱི་ལམ་ཕྲན་དེ་བརྒྱུད་ནས་འགྲོ་སྐབས།
ཟླ་བ་ནི་ནམ་མཁའ་ནག་པོ་དེའི་བྲང་སྐྱེས་དོ་ཤལ་བཞིན་གསལ་ཞིང་།
ཆུང་ཚེ་རིང་།
༄༅།།བཞུགས་སྒར་བོད་ཀྱི་དཔེ་མཛོད་ཁང་གི་སྐད་ཡིག་དེབ་ཕྲེང་ ༡༧ པར། ཕྲན་ཆུང་ཚེ་རིང་གི་རྩོམ་ཡིག་ཁོངས་ནས། སྐད་ཡིག་རྩོམ་རིག་དང་འབྲེལ་བ་ཁག་ཅིག་ཕྱོགས་སྒྲིག་གིས་མིང་དུ་“ཨོཾ་ཏོག”ཅེས་པའི་དཔེ་དེབ་ཅིག་ཉེ་ཆར་པར་སྐྲུན་གནང་འདུག
བོད་ཀྱི་དཔེ་མཛོད་ཁང་གི་པར་སྐྲུན་གསལ་བཤད་ནང་ “འདི་ནས་རྩོམ་པ་པོ་རེ་ཟུང་གི་བརྩམས་ཆོས་ལ་དམིགས་བསལ་ཁྱད་ཆོས་མཐོང་ཚེ་ང་ཚོར་དཔར་སྐྲུན་བྱེད་དུ་འཇུག་རྒྱུའི་གོ་སྐབས་གནང་རོགས་ཞུ་གི་ཡོད་ན། ད་ལམ་གྱི་བརྩམས་ཆོས་འདི་ཡང་དེ་དག་ཁྲོད་ནས་གཅིག་ཡིན་”ཞེས་བཀོད་འདུག
གནས་ཚུལ་གཏོང་མཁན། ཆུ་རླངས་འབྲུག་བྱམས།
བྱང་ཨ་རིའི་ས་གནས་བོད་ཀྱི་གཞོན་ནུ་འགན་འཛིན་ལྷན་ཚོགས་ཐེངས་༡༤ པ་དེ་བཞིན་ཨ་རིའི་མངའ་སྡེ་ཝི་སི་ཁན་སིན་(Wisconsin)གྱི་རྒྱལ་སའི་གྲོང་ཁྱེར་མེ་སྒྲའི་སན་(Madison)གྱི་ཉེ་འཁྲིས་སུ་ཡོད་པའི་ཤྭ་བ་ཚལ་(Deer Park)དགོན་པའི་ནང་དུ་ཕྱི་ལོ་༢༠༡༤ ཕྱི་ཟླ་༦ ཚེས་༢༨ དང་༢༩ ཉིན་གཉིས་རིང་ལ་འཚོགས་ཡོད་ཅིང་། སྐུ་མགྲོན་གཙོ་བོར་བོད་མི་དམངས་སྤྱི་འཐུས་ཀརྨ་ཡེ་ཤེས་མཆོག་དང་། ས་གནས་བོད་རིགས་སྤྱི་མཐུན་ཚོགས་པའི་ཚོགས་གཙོ་ཆུང་ཚེ་རིང་ལགས་རྣམ་གཉིས་ཕེབས་ཡོད་པ་དང་། ཚོགས་འདུ་གཙོ་སྐྱོང་བར་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས་ཕེབས་ཡོད་ལ།
དེ་ལས་མང་བ་། “བྱང་ཨ་རིའི་ས་གནས་བོད་ཀྱི་གཞོན་ནུ་འགན་འཛིན་ལྷན་ཚོགས་ཐེངས་༡༤ པའི་ཚོགས་འདུ།” »
