ཤར་ཕྱོགས་ཁུག་རྟ།
མིག་གིས་མཐོང་ཡང་བཤད་དབང་མེད་ས་ནས།།
བཤད་ཀྱང་དཀྱོག་ལ་བསྒྱུར་བའི་ངྷ་ས་ནས།།
རྣམ་དཔྱོད་བཙུན་མོ་ཁབ་ཏུ་རོལ་རོལ་ནས།།
གཅེས་པའི་སྟག་ཕྲུག་འཁྲུངས་སྐར་ཉིན་མོར་བཙས།།
ལེགས་ཉེས་བཟང་ངན་ཅི་ཡོད་ཁྱེད་ཀྱིས་ཤོད།།
སྤྲེལ་ལད་སྤངས་ཏེ་འཛེམས་མེད་ང་ཡིས་བཤད།།
རྒྱ་བོད་དཀའ་རྙོག་གནད་དོན་ཆེ་ཕྲའི་རིགས།།
གླེང་རྒྱུ་བཙན་བྱོལ་མི་ཚེའི་ལས་ལ་བསྐོས།།
གཞས་པ། ཚེ་རིང་འགྱུར་མེད།
མཁོ་སྤྲོད་པ། བསྟན་འཛིན་འཇམ་དཔལ།
དེ་རིང་འདི་གར་དུས་འཁོར་དབང་ཆེན་དང་སྟབས་བསྟུན་ཏེ་ངོས་ཀྱི་སྐྱེས་སྐར་ཁེལ་ཡོད་པར་བརྟེན། འདི་གར་སླེ་ས་གནས་ས་ཐོག་ཏུ་ངོས་རང་གི་སྐྱེས་སྐར་ལ་ཁྱེད་རང་ཚོས་སྨོན་ལམ་དང་འཚམས་འདྲི་གནང་བར་ཐུགས་རྗེ་ཆེ་བརྗོད་རྒྱུ་ཡིན། དེ་བཞིན་ལུས་པོ་དངོས་སུ་འདི་གར་བསླེབས་མེད་ཀྱང་ནང་བསམ་བློའི་ཐོག་ནས་གཙོ་ཆེ་གཞིས་ལུས་རྒྱ་ཆེའི་མི་དམངས་ལས་སྨོན་དང་དད་དམ་གཡོ་མེད་ཐོག་གནས་པ་ཚོས་ཕྱི་རྟག་ཏུ་མངོན་གསལ་དོད་པོས་ངོས་རང་གི་སྐྱེས་སྐར་ལ་དགའ་སྟོན་བྱེད་ཆོག་གི་མེད།
དེ་ལས་མང་བ་། “༧གོང་ས་མཆོག་གིས་སྐུའི་འཁྲུངས་སྐར་ཉིན་བཀའ་སློབ་སྩལ་བ།” »
འཇིགས་མེད་ནུབ་པ།
༡)
ནམ་མཁའ་དེ་ཡི་མཐོང་ཀ་ཡངས།།
རྩྭ་ཐང་དེ་ཡི་རྒྱ་ཁྱོན་ཆེ།།
གངས་སྨྱུག
མཁྱེན་དཔྱོད་ཉི་མའི་འོད་ཐིགས་རེ་རེས་ལོག་རྟོག་མུན་པའི་སྙིང་རྩ་འགེམས།།
བརྩེ་ཆེན་ཟླ་བ་སྟོང་གི་དགྱེས་འཛུམ་རིས་མེད་འགྲོ་བ་ཀུན་ལ་སྙོམས།།
ངེས་དོན་ཞི་བདེའི་དེད་དཔོན་ཆེན་པོ་གོ་ལ་ཟླུམ་པོ་མཛེས་པའི་རྒྱན།།
དམ་པ་ཁྱེད་ཀྱི་སྐུ་ཚེ་བསྐལ་བ་རྒྱ་མཚོའི་བར་དུ་གནས་གྱུར་ཅིག །
གང་གི་སྐྱེས་རབས་གསེར་རིའི་ཕྲེང་བ་ངོ་མཚར་འབུམ་དགུའི་གཏེར་དུ་གྲུབ།།
མཁས་ཤིང་གྲུབ་པའི་རིག་འཛིན་འཛིན་སྟོང་གིས་ཁྱེད་ཀྱི་ཞབས་རྡུལ་སྤྱི་བོས་མཆོད།།
དེ་ལས་མང་བ་། “བདག་ཉིད་ཆེན་པོའི་འཁྲུངས་སྐར་བསུ་བ།༼བོད་འབྱོར།༽” »
གློག་རྡུལ་འཕྲུལ་དེབ་ཁང་།
གངས་ལྗོངས་ཚིག་མཛོད་ཆེན་མོ།
༼རྩོམ་སྒྲིག་པའི་གསལ་བཤད།༽ ཚིག་མཛོད་ནི་དུས་རབས་རིམ་བྱུང་གི་ལོ་རྒྱུས་ཐོག་ཏུ་བེད་སྤྱོད་བྱས་དང་བྱེད་བཞིན་པའི་ཐ་སྙད་ཀྱི་བང་མཛོད་ཅིག་རེད། འཇིག་རྟེན་འདིར་སྐད་ཡིག་ཡོད་པའི་མི་རིགས་ཤིག་ཡིན་ཕྱིན་རང་གི་སྐད་ཡིག་ཏུ་ཡོད་པའི་ཐ་སྙད་རྣམས་ཕྱོགས་སྒྲིག་དང་འགྲེལ་བཤད་བྱས་ནས་ཕྱི་རབས་རྗེས་འཛིན་པ་རྣམས་ཀྱི་ནོར་སྐལ་དུ་འཇོག་ཅིང་ཡོད་པ་ནི་འགྲོ་བ་མིའི་རིགས་ཐུན་མོང་གི་བྱ་གཞག་ཅིག་རེད།
དེ་ལས་མང་བ་། “གངས་ལྗོངས་ཚིག་མཛོད་ཆེན་མོ་འདི་འཕྲུལ་དེབ་ལ་བཟོས་ཡོད།” »
རྩོམ་པ་པོ་ཚེ་རིང་འོད་ཟེར་ལགས་ཀྱི་དྲ་དེབ་”མཐོང་མི་ཐུབ་པའི་བོད་”ཅེས་པར་དེ་རིང་གསར་འགྱུར་དུ་སྤེལ་བ་ལྟར་ན། (དྲ་དེབ་ཀྱི་གསར་འགྱུར་འདི་ནས་གཟིགས།http://woeser.middle-way.net/2014/07/elliot-sperling.html )བོད་རིག་པའི་མཁས་པ་གྲགས་ཅན་ཨེ་ལིའོ་སྤེར་ལིང་ལགས་(Elliot Sperling)ཁ་སང་ཕྱི་ཟླ་༧ ཚེས་༥ ཉིན་པེ་ཅིང་གི་རྒྱལ་སྤྱིའི་གནམ་ཐང་དུ་འབྱོར་མ་ཐག་ཆུ་ཚོད་གཅིག་དང་ཕྱེད་ཀའི་རིང་འདྲི་གཅོད་བཀག་ཉར་བྱས་རྗེས་རྒྱ་ནག་ཏུ་འཛུལ་རྒྱུ་བཀག་འགོག་དང་ཐོངས་མཆན་བརྩིས་མེད་བྱས་ཏེ་ཨ་མི་རི་ཀར་ཕྱིར་སློག་བྱས་ཡོད་པ་དང་། ད་ལྟ་ཨ་མི་རི་ཀའི་ནིའུ་ཡོག་གྲོང་ཁྱེར་ལ་ཕྱིར་འབྱོར་ཡོད་འདུག
དེ་ལས་མང་བ་། “བོད་རིག་པའི་མཁས་པ་ཞིག་པེ་ཅིང་གནམ་ཐང་ནས་ཕྱིར་སློག་བྱས་པ།” »
ཚེ་རིང་།
ཁྱོད་ལ་དགའ་ཞིང་དུང་བའི་མི་ཚོགས་འདིས
དགའ་དད་སྤྲོ་གསུམ་གྱི་ངང་ནས
དེ་རིང ཁྱོད་ཀྱི་འཁྲུངས་སྐར་ལ་རོལ་ཀྱིན་འདུག
ལོས་ཡིན་ཏེ ཁྱོད་ནི་ཁོང་ཚོའི་སེམས་ཀྱི་རྟེན་ས་དང
མིག་གིས་འཚོ་ས་ཁོ་ན་དེ་ཡིན
འཇིག་རྟེན་འདིར་ཁོ་ཚོར་ཅི་ཡང་མེད་ཀྱང་ཆོག་ལ
འོན་ཀྱང་ཁྱོད་ཁོ་ན་མེད་མི་རུང
ཁྱོད་ནི་ཁོ་ཚོའི་ཡོད་ཚད་དེ་ཡིན་འདུག
སེར་ཤུལ་རིན་ཆེན་དོན་གྲུབ།
—–༼འཇིག་རྟེན་ཞི་བདེའི་དེད་དཔོན། འགྲོ་བ་མིའི་རིགས་ཀྱི་བསམ་བློའི་སློབ་དཔོན་ཆེན་པོ། ༸གོངས་སྐུ་འཕྲེང་བཅུ་བཞི་བ་ཆེན་པོ་མཆོག་གི་སྐུའི་འཁྲུངས་སྐར་དོན་དགུ་བར་ཕུལ།༽
དེང་འདིར་དུས་ཀྱི་སྙིགས་མའི་རྒུད་པ་རྡུལ་མཚོན་ཕྲ་མོའི་རྒྱུད་ལས་དར།།
ཁྲོ་ཆགས་སྡང་བའི་འགུལ་སྐྱོད་ཀློང་ནས་ཕྲ་རགས་ཉོན་མོའི་དབང་ཤུགས་རྒྱས།།
འཇིགས་པའི་འབར་མདེལ་སྟོང་གི་ཁ་ན་འགྲོ་བའི་ཚེ་སྲོག་འཁོས་ཞན་གྱུར།།
དུས་ཀྱི་སྟོན་མཆོག་ཁྱེད་ཀྱི་གསུང་ལས་འགྲོ་བ་སྐྱོབ་པའི་མཐུ་སྟོབས་གང་།།
འདྲེན་ཁུངས། བོད་མིའི་སྒྲིག་འཛུགས་ཀྱི་དྲ་རྒྱ
སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་༧༩ ལ་ཕེབས་པའི་༸སྐུའི་འཁྲུངས་སྐར་མཛད་སྒོའི་ཉིན་བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད།
༄༅།།དེ་རིང་འདིར་ལོ་ངོ་བརྒྱ་ཕྲག་མང་པོའི་བྱུང་རབས་དང་། རིག་གཞུང་། མངའ་དབང་ལྡན་པའི་བོད་མི་རིགས་ཀྱི་མངོན་འདོད་ལས། བོད་ཀྱི་ལྷ་སྐལ་འཕགས་མཆོག་སྤྱན་རས་གཟིགས་མིའི་རང་གཟུགས་སུ་བྱོན་པ། ཁམས་གསུམ་ཆོས་ཀྱི་རྒྱལ་པོ། འཇིག་རྟེན་ཞི་བདེའི་དེད་དཔོན། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག བོད་མི་ཡོངས་ཀྱི་མགོན་སྐྱབས། བླ་ན་མེད་པའི་དབུ་ཁྲིད།
དེ་ལས་མང་བ་། “སྐུའི་འཁྲུངས་སྐར་མཛད་སྒོའི་ཉིན་བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད།” »
གནས་ཚུལ་གཏོང་མཁན། ཚེ་རིང་དབང་ཕྱུག
སྤྱི་ནོར་༧གོང་ས་༧སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ཕྱི་ལུགས་དགུང་གྲངས་བདུན་ཅུ་དོན་དགུར་ཕེབས་པའི་སྐུའི་འཁྲུངས་སྐར་ཉིན་བཀའ་ཤག་གི་གསུང་བཤད།
༄༅།།ལྷར་བཅས་སྲིད་ཞིའི་གཙུག་རྒྱན། འཇིག་རྟེན་ཞི་བདེའི་དེད་དཔོན། ས་སྟེང་༧རྒྱལ་བསྟན་ཡོངས་རྫོགས་ཀྱི་མངའ་བདག ཁམས་གསུམ་ཆོས་ཀྱི་རྒྱལ་པོ། བོད་ཁ་བ་ཅན་གྱི་ལྷ་སྐལ། འཕགས་མཆོག་འཇིག་རྟེན་དབང་ཕྱུག་མིའི་རྣམ་པར་རོལ་བ། བོད་མི་ཡོངས་ཀྱི་མགོན་སྐྱབས་དང་བླ་ན་མེད་པའི་དབུ་འཁྲིད་སྤྱི་ནོར་༧གོང་ས་༧སྐྱབས་མགོན་ཐམས་ཅད་མཁྱེན་པ་༧རྒྱལ་མཆོག་སྐུ་ཕྲེང་བཅུ་བཞི་པ་ཆེན་པོ།
གཡག་རིན་པོ་ཆེ།
ཉི་མ་ཤར་ནས་འཆར་བའི་ཆོས་ཉིད་ལ་བསམ་ན།།
ཟླ་བ་ཕྲག་པར་ལྷུང་ལ་ཡིད་གཉིས་ཤིག་མེད་མོད།།
རེབ་ཐོག་མདའ།
ཁྱོད་ལ་མཇལ་བས བདག་གིས་ད་གཟོད་ཚེ་སྲོག་ལ་གཅེས་སྐྱོང་བྱེད་དགོས་པ་རྟོགས་སོང་།
ཁྱོད་ལ་མཇལ་བས བདག་གིས་ད་གཟོད་འཚོ་གནས་ལ་སྙིང་བོ་ལྡན་པ་རྟོགས་སོང་།
ཁྱོད་ལ་མཇལ་བས བདག་གིས་ད་གཟོད་རིག་གནས་ལ་རིན་ཐང་མངའ་བ་ཡང་རྟོགས་སོང་།
རྒྱལ་བ་ལགས རིན་པོ་ཆེ
མི་ཆེན་ཚོའི་ཕྱོགས་ཞེན་ཟབ་ས་ན
དེ་ལས་མང་བ་། “བླ་མ་ལགས། ངས་ཁྱོད་ཀྱི་འཁྲུངས་སྐར་བསུ་བཞིན་ཡོད།” »
འབའ་སྲས།
གཡོ་བའི་རི་ཆེན་རྗེས་བརྩེ་ཞགས་པས་བསྡམས།།
འཕྱོ་བའི་རྒྱ་མཚོ་འཛུམ་དཀར་འོད་ཀྱིས་བཀག །
གཡང་དུ་ལྟུང་ལ་འཆེལ་བའི་ལག་པ་བསྲིངས།།
འཐེང་བོར་འགྲོ་ལ་སྐྱོར་མའི་འཁར་བ་བྱིན།།
ཆུང་ཆུང་ཕྱག་གིས་གོ་ལའི་ས་རྡུལ་ཕྱགས།།
སྙིམ་པའི་ཆར་གྱིས་ས་ལ་མེ་ཏོག་བཀྲམས།།
ཀུན་ཁྱབ་འོད་ཀྱིས་སྡུག་གི་མུན་པ་བགྲད།།
ས་ཡི་དཀྱིལ་འཁོར་སྤྱན་གྱི་འབྲས་བུར་འཐིམས།།
ཚེ་རིང་།
ཞི་བའི་ཞལ་རས་འཛུམ་པའི་ཟིལ་བ་ཐ་དད་འགྲོ་བའི་སྙིང་ལ་ཟིམ།།
ཤེས་རབ་འོད་ཀྱི་ཟེགས་མ་རྣོན་པོས་ངུར་སྨྲིག་གོས་ཀྱི་རིན་ཐང་བསླངས།།
ཕྱག་ཟུང་ཐལ་མོ་སྦྱར་བའི་ཉམས་ཀྱིས་བདེན་པའི་ལོ་རྒྱུས་གསལ་མཛད་པའི།།
གངས་རིས་མུ་ཁྱུད་བསྐོར་བའི་ཡུལ་དུ་ལས་སྨོན་ཤུགས་ཀྱིས་སྦྲེལ་བའི་མགོན།།
ལོ་ཟླའི་བགྲོད་པ་གསལ་བའི་གྲངས་འདི་དགའ་སྤྲོ་ཚོར་བས་བགྲང་ན་ཡང་།།
ལས་དབང་སྐྱ་མོའི་ངོ་གདོང་དྲན་ཚེ་སེམས་ལ་འཇིགས་སྐྲག་ངང་གིས་འབྱུང་།།
རོང་པོ་དགེ་འདུན་ལྷུན་འགྲུབ།
ཅ་ཅོའི་ངག་གི་རོལ་བ་ཡོངས་བཏང་དབྱངས་ཀྱི་ཟིལ་བ་ཉེར་ཆགས་པའི།།
མཚར་སྡུག་ལང་ཚོར་རྒྱལ་རྣམས་སྲེད་པའི་ཧྲཱིཾ་ཡིག་སྙིང་བོའི་མངལ་འཛིན་མཁན།།
རྣམ་དག་སྨོན་པའི་འཕྲིན་ལས་ཀྱིས་བཏེགས་ཟགས་པ་མེད་པ་རྒྱལ་བའི་ཡུམ།།
ལས་ཅན་ལུས་ངག་ཡིད་ཀྱི་མུན་པ་དྲུངས་ནས་འབྱིན་ལ་སྣང་བ་སྩོལ།།
ཡོང་ཁུངས། བོད་མིའི་སྒྲིག་འཛུགས་དྲ་རྒྱ
ཤིང་སྟག་སིམ་ལའི་ཆིངས་ཡིག་བཞག་ནས་མི་ལོ་བརྒྱ་འཁོར་བའི་དུས་དྲན་སྲུང་བརྩིའི་བགྲོ་གླེང་ལྷན་ཚོགས་གནང་བ།
༄༅།།ཤིང་སྟག་སིམ་ལའི་ཆིངས་ཡིག་བཞག་ནས་མི་ལོ་བརྒྱ་འཁོར་བའི་དུས་དྲན་སྲུང་བརྩི་ཞུ་ཆེད་རྒྱ་གར་རྒྱལ་སྤྱིའི་བསྟི་གནས་ཁང་དང་བོད་ཀྱི་སྲིད་བྱུས་ཉམས་ཞིབ་ཁང་གཉིས་ཀྱིས་ཕྱི་ལོ་༢༠༡༤ ཟླ་༧ ཚེས་༣ ཉིན་རྒྱ་གར་གྱི་རྒྱལ་ས་ལྡི་ལིའི་ནང་སིམ་ལའི་ཆིངས་ཡིག་ཐོག་བགྲོ་གླེང་ལྷན་ཚོགས་ཤིག་གོ་སྒྲིག་ཞུས་ཡོད།
དེ་ལས་མང་བ་། “ཤིང་སྟག་སིམ་ལའི་ཆིངས་ཡིག་བཞག་ནས་མི་ལོ་བརྒྱ་འཁོར་བ།” »
ཟླ་ཀླུང་།
ཀརྨ་པ་སྐུ་ཕྲེང་གསུམ་པ་རང་བྱུང་རྡོ་རྗེའི་ཞལ་སློབ་རྟོགས་ལྡན་གྲགས་པ་སེང་གེ་ནས་ད་བར་ཞྭ་དམར་སྐྱེ་ཕྲེང་བཅུ་བཞི་ལྔ་ཞིག་བྱོན་དགོས་པ་འདྲ་བ་ཡོད་ནའང། ཞྭ་དམར་བཅུ་པའི་གླེང་རྙོག་ལ་བརྟེན་ནས་དགའ་ལྡན་ཕོ་བྲང་གིས་ཡང་སྲིད་ཁྲི་འདོན་བྱར་མ་བཅུག་པས་དིང་གི་ཞྭ་དམར་མི་ཕམ་ཆོས་ཀྱི་བློ་གྲོས་མཆོག་ནི་ཞྭ་དམར་ཁྲི་འཛིན་བཅུ་གཅིག་པ་ཡིན།
ཁོང་ནི་ཀརྨ་པ་རིག་པའི་རྡོ་རྗེའི་རྗེ་དབོན་དུ་འཁྲུངས་པ་རྒྱལ་བ་ཞྭ་དམར་པའི་ཡང་སྲིད་དུ་ངོས་འཛིན་གྱིས་འབྲས་ལྗོངས་རུམ་བཏེག་དགོན་པར་ཁྲི་འདོན་མངའ་གསོལ་མཛད་པ་སྟེ། གོང་ས་བཅུ་བཞི་པས་ཀྱང་རྒྱབ་གཉེར་ཕྱག་བྲིས་གནང་ཡོད།
ཆབ་མདོ་ངག་ཕུན།
——༧མགོན་པོ་མཆོག་དགུང་༧༩ ལ་ཕེབས་པའི་འཁྲུངས་སྐར་ཕུལ།
མདོ་སྨད་སྟག་འཚེར་ཞེས་པའི་གྲོང་སྡེའི་ནང་།།
༸རྒྱལ་བའི་ཡང་སྲིད་དངོས་སུ་འཁྲུངས་པ་མཛད།།
གངས་ལྗོངས་ལྷ་མི་ཡོངས་ཀྱི་སེམས་ཁམས་ལ།།
དགའ་སྐྱིད་ལྡན་པའི་གླུ་གར་དཔལ་ལ་རོལ།།
འཇིགས་པ་མེད་པའི་སེང་གེའི་ཁྲི་སྟེང་ལ།།
མངའ་གསོལ་མཛད་ཅིང་དགའ་སྟོན་རྟེན་འབྲེལ་མཛད།།
བློ་བཟང་ཡེ་ཤེས།
༧གོང་ས་༧སྐྱབས་མགོན་ཐམས་ཅད་མཁྱེན་པའི་ཞལ་སྔ་ནས་ཀྱིས། ཕྱི་ལོ་༢༠༡༤ ལོའི་དུས་འཁོར་དབང་ཆེན་ཐེངས་སོ་གསུམ་པ་ལ་དྭགས་སུ་སྐུར་གནང་མཛད་སྐབས། དུས་འཁོར་ཆེད་ལས་པ་རྣམ་རྒྱལ་གྲྭ་ཚང་གིས། ཡང་བསྐྱར་དཔུང་བ་ཉེར་བཞི་ཡོད་པའི་བྲིས་ནོར་ཅན་གྱི་དུས་འཁོར་སྐུ་ཐང་ཞིག་སྐུའི་རྒྱབ་ཏུ་བཤམ་འདུག ཡང་བསྐྱར་མ་ཤེས་པར་ནོར་བ་རེད་དམ། ཡང་ན་བསམ་བཞིན་དུ་མཐོང་ཆུང་བྱས་པ་རེད། མཐོང་ཆུང་བྱས་པ་ཡིན་ན་སུ་ལ་བྱས་པ་རེད་དམ།
དོན་ངོ་མར་བྱང་ཤམ་བྷ་ལ་ཟེར་བའི་ས་སྤྱོད་ཀྱི་ཞིང་ཁམས་ཞིག་དང་། དཔལ་དུས་ཀྱི་འཁོར་ལོ་ཟེར་བའི་ཡི་དམ་ཞིག་ཐུན་མོང་གི་སྣང་ངོར་ཡོད་མེད་ཁ་ཚོད་བཅད་དེ་བཤད་མི་ཐུབ་མོད།
དེ་ལས་མང་བ་། “དཔུང་བ་ཉེར་བཞི་ཅན་གྱི་དུས་འཁོར་དེ་སུའི་ལུགས་རེད་དམ།” »
