ཤར་ཕྱོགས་ཁུག་རྟ།
གུས་པའི་སེམས་ན་ལྷག་པའི་སྐད་ཆ་འདི་འགོ་མ་བཙུགས་སྔོན། བཙན་བྱོལ་ནང་གི་མདོ་སྨད་རྒྱ་ཆེ་མི་མང་ལ་ཐུགས་རྗེ་ཆེ་ཞེས་ཞུ་དགོས། དེ་ནི་གཞན་གང་ཡང་མིན་ཏེ། སྐབས་ ༡༦ པའི་སྤྱི་འཐུས་ཀྱི་ལས་འགན་སྩལ་ཏེ་༸རྒྱལ་བ་རིན་པོ་ཆེ་ཡབ་སྲས་ལ་ཞབས་འདེགས་སྒྲུབ་རྒྱུའི་སྐལ་བཟང་བྱུང་བ་དེས་ཡིན། སྤྱི་འཐུས་ཀྱི་ལས་ཡུན་རིང་ངས་གང་ས་ཅི་ཐད་ནས་མིང་དོན་མཚུངས་པའི་སྤྱི་འཐུས་ཤིག་བྱེད་རྒྱུར་འབད་བརྩོན་བྱས་པ་ཡིན། འབད་བརྩོན་དེ་ནི་གྲོས་ཚོགས་ནང་སྐད་ཆ་འདྲ་ཆགས་པོ་ཞུས་པ་ཙམ་མ་རེད། སྐད་ཆ་དེ་དག་གི་ཚིག་རེ་རེའི་རྒྱབ་ལྗོངས་སུ་དེབ་དང་ཡིག་ཆ་ག་ཚོད་རེ་སྔོགས་དགོས་མིན། དེབ་དང་ཡིག་ཆའི་ཤོག་ལྷེ་རེ་རེར་ཉིན་ག་ཚོད་རེ་སློབ་སྦྱོང་བྱེད་དགོས་མིན། བསམ་བློ་གཏོང་དགོས་མིན་དེ་རེད། འབད་བརྩོན་འདིས་གུས་ལ་སྤྱི་འཐུས་ཐོབ་པ་ནི་སྐལ་བཟང་གི་དུས་ཚོད་ཅིག་ཏུ་བསྒྱུར་ཐུབ་ཡོད་སྙམ། འོན་ཏང་། བཙན་བྱོལ་བོད་མི་རང་ལ་སྲིད་ཁྲིམས་སློབ་སའི་སློབ་གྲྭ་མེད། ལྷག་པར་རང་རེའི་རྩ་ཁྲིམས་སམ་བཅའ་ཁྲིམས་རིན་པོ་ཆེའི་ལྟ་གྲུབ་དང་དོན་ཚན་རེ་རེར་སློབ་སྦྱོང་བྱེད་སའི་ཁོར་ཡུག་མེད་སྟབས། གུས་པ་རྒྱུན་ལས་བསྡད་རིང་ལོ་གསུམ་ནི་ཕལ་ཆེ་བ་
