ཁ་བྱང་འདོགས་མཁན། རྐང་ཐང་བ།
རྩོམ་སྒྲིག་པ། རྐང་ཐང་བ།
རྩོམ་སྒྲིག་རམ་འདེགས་པ། བྲན།
རེབ་གོང་།
ས་དམར་གྲགས་པ།༼ལྷ་ས༽
སྔོན་མ་ཚོས་ཉི་འོད་ཀྱི་གོས་ལྭ་གྱོན་མྱོང་ཡོད་པས
རེབ་གོང་ནས་མེ་ཏོག་མང་པོ་བཞད་མྱོང
ཐན་ཟློག་ཡུགས་སའི་ངག་སྒྲོས།
སྐྱོ་བྲག་དགའ་དབང་།
བསྭཽ། རང་གི་བསམ་པ་བཞིན་མ་བྱུང་བ་ན་ཐན་ཟློག་བྱེད་པ་ནི་བོད་པའི་གོམས་གཤིས་ཡིན་ཕྱིར། ངས་ཀྱང་དྲ་གྲོགས་དམ་པ་ཉིན་འགར་གོ་རིག་མི་འདུག་པའི་ཐན་ལྟས་འདི་ཚོ་ཡིན་སྲིད་སྙམ་པ་དག་ལ་ཟློག་སྒྱུར་རེ་བྱེད་ཀྱི་ཡིན།
ཀྱེ། སྲིད་པ་ཡེ་ནས་ད་ལྟའི་བར། །
ཐན་ལྟས་ཟློག་པའི་བཀའ་སྲོལ་ཡོད། །
དྲ་གྲོགས་གོ་རིག་མེད་པའི་རྐྱེན། །
ཡིན་པར་སྲིད་པའི་ཐན་ལྟས་ཟློག །
དོལ་རྒྱལ་མི་དགོས།
མི་ཉག་སྐལ་བཟང་།
ཀ་བ་མེད་པའི་ཁང་ཆེན་གྲུ་ཞིའི་ནང།།
ཁ་དོག་མེད་པའི་འཚོ་བ་སྐྱུར་མོ་ཞིག།
ག་ས་ག་ལ་དོལ་རྒྱལ་ཚོགས་མི་ཚོས།།
ང་ཡི་རྣ་བར་ཀུ་ཅོ་ལྷག་ཏུ་སྒྲོག།
ཅ་ཅོ་མང་བའི་ཡོ་རོབ་ལུང་པའི་མདོར།།
ཆ་ལུགས་ངན་པའི་དོལ་རྒྱལ་བསྟེན་མཁན་མང་།།
དག་པ་མཁའ་སྤྱོད་ཞིང་ཁམས།
ཚེ་རིང་།
སྤྲིན་དཀར་སྤྲིས་མ་བཞིན་ཆགས་པའི་འོག་ཏུ
ཁྱོད་ནི་བརྟན་བརླིང་དང་ལྷང་འཇག་གིས་འཁྱིལ་ནས་འདུག
འདི་ཙམ་ཡང་ཁྱོད་ཀྱིས་མི་ཡུལ་དུ་བཞག་པའི
བླ་ན་མེད་པའི་མཛེས་སྡུག་ཅིག་ཡིན
དབྱར་ཁའི་ནམ་ཟླ་འཇམ་པོ་འདིའི་ཁྲོད་དུ
ད་ནི ཁྱོད་ཀྱི་ངལ་གསོ་ཅུང་ཞིག་བསྟེན་ན་འོས་ཨང
༸གོང་ས་མཆོག་གིས་ཡུ་རོབ་ཏུ་གནས་སྡོད་བོད་མི་རྣམས་ལ་བཀའ་སློབ་སྩལ་བ།
ཡོང་ཁུངས། རྒྱལ་བ་རིན་པོ་ཆེའི་དྲ་རྒྱ
ཕྱི་ལོ་༢༠༡༤ ཟླ་༨ ཚེས་༢༤ ཉིན་གྱི་ཉིན་རྒྱབ་ཆུ་ཚོད་༡ ཐོག་༸གོང་ས་༸སྐྱབས་མགོན་ཆེན་པོ་མཆོག་གིས་འཇར་མན་གྲོང་ཁྱེར་ཧམ་བྷར་གྷ་རུ་ཡུ་རོབ་རྒྱལ་ཁབ་ཁག་ནས་གསུང་ཆོས་ལ་ཆེད་བཅར་ཞུས་པའི་བོད་རིགས་༦༠༠ བརྒལ་བར་ལམ་སྟོན་བཀའ་སློབ་སྩལ་ཡོད་པ་རེད།
དེ་ཡང་༧གོང་ས་མཆོག་གིས་བཀའ་སྩལ་དོན། ངོས་རང་འཇར་མན་དུ་ཡོང་བ་དང་སྟབས་བསྟུན། དེ་རིང་ཁྱེད་ཚོ་དང་ཁྱུག་ཙམ་ཐུག་རྒྱུ་བྱུང་བར་ཧ་ཅང་དགའ་པོ་བྱུང། ཚང་མར་འཚམས་འདྲིའི་བཀྲ་ཤིས་བདེ་ལེགས་ཡོད།
དེ་ལས་མང་བ་། “༸གོང་ས་མཆོག་གིས་ཡུ་རོབ་ཏུ་གནས་སྡོད་བོད་མི་རྣམས་ལ་བཀའ་སློབ་སྩལ་བ།” »
དཔྱད་བརྗོད་མཁན་ཚོ་ལ་སྤེལ་བའི་དཔྱད་བརྗོད།
འཇམ་གཅེས།
དེང་གི་དུས་འདིར་སྤྱི་ཚོགས་ཀྱི་དཔྱད་བརྗོད་པ་དང་། ཆབ་སྲིད་པར་རློམ་མཁན་གྱི་རང་རེའི་མི་བུ་མང་པོས་དྲྭ་ལམ་ཁག་དུ་དཔྱད་བརྗོད་ལྟ་བུའི་རྩོམ་ཡིག་དང་། སྐད་འཕྲིན་ནང་དུའང་ཡིག་ངག་གཉིས་ཐོག་ནས་ཧ་ཅང་མང་པོ་ཞིག་སྤེལ་བཞིན་པ་ནི་ཕྱོགས་གཅིག་ནས་བཟང་ཕྱོགས་ཀྱི་རྣམ་པ་ཡིན་མོད། ཕྱོགས་གཞན་ཞིག་ནས་བཤད་ན་དཔྱད་བརྗོད་སྤེལ་མཁན་ཞིག་ལ་མཚོན་ན། མ་མཐར་ཡང་དགོས་ངེས་ཀྱི་ཆ་རྐྱེན་ནི་འགན་ཁུར་རང་བཞིན་ལྡན་པའི་སྒོ་ནས་དྲང་བདེན་ཡོད་དགོས་པ་ལས། དེ་མིན་རང་སྣང་གང་ཤར་གྱིས་སེམས་ལ་དྲན་ཚད་ཡིག་ཐོག་ཏུ་སྤེལ་བ་དང་། ཁ་ནས་གང་ཐོན་སྐད་འཕྲིན་ནང་དུ་བཤད་གང་ཐུབ་བྱས་པ་ཙམ་གྱིས་རྩ་དོན་ལ་ཕན་པའི་བྱ་བ་ཞིག་ག་ལ་ཡིན།
རྩོད་པ་ཅན་གྱི་རིགས་མ་བསྟེན་ན་ལེགས།
རྔ་རྒོད།
དྲང་མོར་བཤད་ན་ངེད་ཅག་གི་སྣང་ངོར་ལྐོག་གྱུར་འབའ་ཞིག་ལས་གྲུབ་པའི་ལྷ་འདྲེ་རྣམས་ང་ཚོས་མཐར་གཏུགས་ན་འདི་དག་ནི་འདིར་ཡོད་མེད་ཀྱང་ཤེས་ཀྱིན་མེད་སྟབས། འདི་དག་གིས་ང་ཚོར་ཕན་ཐོགས་ཡོད་པ་ཞིག་ཏུ་མ་མཐོང་ངོ་། དེའི་ཕྱིར། ལྷ་འདྲེ་ཡོད་པ་དང་དེས་ཕན་པར་བསྒྲུབས་པའི་ངོ་སྤྲོད་ཡང་དག་ཅིག་འདིར་བཤད་རྒྱུ་མེད་དོ།། རྒྱུ་མཚན་དེས། དོལ་རྒྱལ་སྐོར་ཡང་དེ་དེ་བཞིན་ནོ།།
སྐབས་དོན། ཁྱོད་ཀྱིས་དོལ་རྒྱལ་བསྟེན་མིན་དེ་ནི་ཁྱོད་ཀྱི་རང་དབང་ཡིན་པར་ལྟར། གཞན་གྱིས་དོལ་རྒྱལ་མི་བསྟེན་པ་དེ་ཡང་ཁོང་ཚོའི་རང་དབང་རེད།
དུས་རབས་ཀྱི་ཉེན་བརྡ། དང་པོ།
ཨ་རིའི་དམག་ཟུར་ཁོ་རཀ་ཀི་ནང་བསྟན་ལ་ཞུགས་པའི་བརྒྱུད་རིམ།
བོད་བསྒྱུར་བྱེད་མཁན། མི་གསོན་པོ།
ངས་མི་ཚེ་ནང་དུ་ནམ་ཡང་བརྗེད་མི་ཐུབ་པའི་གནས་ཚུལ་ཞིག་གིས་ང་འདི་ལྟར་ནང་བསྟན་ཆོས་ལུགས་སུ་འཛུལ་ཞུགས་བྱས་ཡིན། ནང་བསྟན་ཆོས་ལུགས་ནི་ད་ལྟར་ངའི་ཡོད་ཚད་ཡིན་ཞེས་བཤད་ཆོག་ལ་གཏིང་ཟབ་པའི་ནང་ཆོས་ཀྱི་འགྲེལ་བཤད་རེ་རེས་ངས་སེམས་ཀྱི་གནས་ལུགས་ནི་བདེ་སྐྱིད་ཀྱི་སྙིང་པོ་ངོ་མ་དེ་ཡིན་པའི་གོ་རྟོགས་བརྙེས་སོང་།=—=
དེ་ཡང་སྤྱི་ལོ་༡༩༦༧ ཟླ་བ༧ ཚེས་ཉིན་དྲུག་ཉིན། དམག་འཐབ་ལ་གོམས་འདྲིས་དེ་ཙམ་མེད་པའི་ཁོ་བོ་[vietnam]ཝེ་ཏྲེ་ནམ་དུ་འབྱོར་ནས་ལོ་གཅིག་ལྷག་ཙམ་སོང་ཡང་དངོས་སུ་མི་གསོད་ཁྲག་སྦྱོར་བྱེད་པའི་བྱ་སྤྱོད་ནང་དུ་ཞུགས་དགོས་བྱུང་མ་སོང་ལ།
དེ་ལས་མང་བ་། “ཨ་རིའི་དམག་ཟུར་ཁོ་རཀ་ཀི་ནང་བསྟན་ལ་ཞུགས་པའི་བརྒྱུད་རིམ།” »
ཁྱད་དུ་འཕགས་པའི་བུད་མེད་ཀྱི་ལོ་རྒྱུས། ཡ་མཚན་དངོས་བྱུང་གི་དཔང་རྟགས་གསོན་པོ།
མི་གསོན་པོ
‘’ཆེས་མཐོ་བའི་ཤེས་ཡོན་གྱི་གྲུབ་འབྲས་ནི་བཟོད་བསྲན་བྱེད་རྒྱུ་དེ་ཡིན།’’ ཧེ་ལན་ཁེ་ལར་གྱིས།
ཧེ་ལན་ཁེ་ལར་ནི་༡༨༨༠ ཟླ་༧ ཚེས་ཉེར་བདུན་ཉིན། ཨ་རིའི་མངའ་སྡེ་ཨ་ལ་བྷ་མའི་ནུབ་བྱང་གི་ས་ཁུལ་ཏྲུ་སི་ཁུམ་བྷི་ཡ་ཞེས་པའི་གྲོང་ཁུལ་ཞིག་ཏུ་སྐུ་འཁྲུངས། ཐོག་མར་སྐྱེས་སྐབས་སུ་བྱིས་པ་སྤྱི་འགྲོས་ལྟར་དབང་པོ་ཚང་ཞིང་ཡིད་དུ་འོང་བའི་བུ་མོ་ཞིག་ཡིན། ཁོ་མོའི་ཁྱིམ་ཚང་འབྱོར་ལྡན་ཞིག་མིན་ཡང་ས་ཞིང་གི་ཁེ་ལས་དང་ཨ་ཕའི་ཡོང་བབ་ཀྱིས་ཁྱིམ་ཚང་གི་འཚོ་རྟེན་ལ་དཀའ་ངལ་མེད། ཧེ་ལན་གྱི་ཨ་ཕ་ནི་གྲོང་ཁུལ་གྱི་གསར་འགྱུར་རྩོམ་སྒྲིག་པ་ཞིག་ཡིན་ལ་”བྱང་གི་ཨ་ལ་བྷ་མི་”ཞེས་པའི་བདུན་རེའི་གསར་ཤོག་དེ་ཁོང་གིས་བཏོན་བཞིན་ཡོད།
དེ་ལས་མང་བ་། “ཁྱད་དུ་འཕགས་པའི་བུད་མེད་ཀྱི་ལོ་རྒྱུས། ཡ་མཚན་དངོས་བྱུང་གི་དཔང་རྟགས་གསོན་པོ།” »
འཕྲིན་ཐུང་ཞིག་གི་ལན་དུ།
ཚེ་རིང་།
ཐག་རིང་ཐག་རིང་ཞིག་ཏུ་འགྲོ་དགོས་དོན
ཁྱོད་དང་གཡོལ་བའི་ཆེད་མིན་ལ
ཐག་རིང་ཐག་རིང་ཞིག་ནས་འདུག་དོན
ཁྱོད་རང་བརྗེད་པའི་ཆེད་དུའང་མིན
ལོ་ཟླ་འདི ཐུར་དུ་བཞུར་བའི་རྒྱུགས་ཆུ་ཞིག་ན
ང་ནི་རྒྱུགས་ཆུ་དེས་ཁྱེར་བའི་ལོ་མ་ལེབ་མོ་དེ་ཡིན་འདུག
ཕྱི་ལོ་༢༠༡༤ཟླ་༧ཚེས་༡༦ཉིན་ལ་དྭགས་སུ་སྩལ་བའི་བཀའ་སློབ།
རྔུལ་ཁྲག་གིས་བརླན་པའི་དབྱར་རྩྭ་དགུན་འབུ། བཞི་བ།
རྩོམ་པ་པོ། ཚེ་ལོ་ཐར། ༼བསྟན་འཇམ་གྱིས་འོས་སྦྱོར་བྱས།༽
བཞི་བ།
“ད་འདི་ལྟར་འདུག་པའི་ཚོད་མ་རེད། འུ་གཉིས་མྱུར་དུ་འགྲོ།” བཀྲ་ཤིས་རྒྱ་མཚོས་དེ་ལྟར་ཟེར་བཞིན་སྒོར་བུད། དེ་ནི་རྡོ་རྗེ་འཚོའི་ལག་ནས་དངུལ་བྱང་ལེན་ཐུབ་མིན་གྱི་ཆེས་མཐའ་མཇུག་གི་ཐབས་བཀོད་དེ་ཡིན་པས། མཚོ་སྐྱེས་རྡོ་རྗེ་ཡིས་ཀྱང“རྡོ་འཚོ།དངུལ་བྱང་ཁྱེར་ཤོག རེམ། རེམ”ཞེས་ཁོ་མོར་བྲེད་ཤ་བསླངས།
མི་སུ་ལ་མཚོན་ནའང་ལོ་འགར་བསགས་པའི་སྒོར་མོ་གཞན་གྱིས་ལེན་ངེས་རེད་ཅེས་ཐོས་ན། བྲེལ་འཚུབ་མི་ལངས་པ་ཞིག་ཡོད་དམ། རྡོ་རྗེ་འཚོ་ཡང་དེ་ལས་མ་འདས་པས།
དེ་ལས་མང་བ་། “རྔུལ་ཁྲག་གིས་བརླན་པའི་དབྱར་རྩྭ་དགུན་འབུ། བཞི་བ།” »
སྐད་ཡིག་གི་འཐབ་རྩོད་ཅིག
རིགས་སློབ། གོང་དཀར་ངག་རྣམ།
(ཨ་རིའི་VOA དབྱིན་སྐད་དྲ་གནས་ཐོག་སྤེལ་བའི་གསར་འགྱུར་ལ་གཞི་བྱས་ཏེ་བྲིས།)
སྐད་ཡིག་འདྲ་མིན་སྣ་ཚོགས་ཡོད་པའི་རྒྱ་གར་ལྟ་བུའི་རྒྱལ་ཁབ་ནང་གཞུང་འབྲེལ་གྱི་སྐད་ཡིག་གང་ཞིག་འཇོག་མིན་དེ་ནི་དཀའ་ཚེགས་དང་། ཉེན་ཁ་ཅན་ཞིག་ཡིན་པར་བརྗོད་ག་ལ་དགོས། རྒྱ་གར་ནང་རྒྱལ་རབས་ལོ་རྒྱུས་དང་། མི་རིགས་རིང་ལུགས། ས་ཁོངས་སོགས་སྤྱི་ཚོགས་ཀྱི་གནད་དོན་དག་ཧིན་དི་དང་དབྱིན་སྐད་གང་ཞིག་གི་ཐོག་ནས་སྤྱོད་དགོས་མིན་གྱི་ཐག་གཅོད་དེ་ནི་སྤྱི་ཚོགས་ཀྱི་ཆབ་སྲིད་དང་། ས་ཁོངས་སོ་སོའི་སྐད་ཡིག་གི་འཐབ་རྩོད་ཅིག་ཆགས་ཡོད། རྒྱ་གར་ནང་སླར་ཡང་དེའི་ཐོག་གླེང་སློང་བྱེད་ཀྱི་ཡོད།
སློབ་དཔོན་ཟམ་གདོང་རིན་པོ་ཆེའི་མངོན་བསྟོད་གླེགས་བམ་ཆེད་རྩོམ་བསྡུའི་གསལ་བསྒྲགས།
༄༅། །ཤེས་རིག་ལང་ཚོའི་དཔལ་གྱིས་རབ་ཏུ་ཕྱུག་པའི་རྒྱ་ཆེའི་སྨྱུག་ཐོགས་པ་ཡོངས་ཀྱི་སྙན་དབང་དེུ།
ཆེད་ཞུ། དགོངས་གསལ་བཞིན་ཕྱི་ལོ་ ༢༠༡༤ ཟླ་ ༡༡ ཚེས་ ༥ ཉིན་ནི་ལུགས་གཉིས་ཤེས་བྱའི་གནས་ལ་མཁྱེན་པ་མཆོག་ཏུ་ཡངས་ཤིང་། བསྟན་སྲིད་བྱ་བའི་ཁུར་ཆེན་ཕྲག་ཏུ་བཞེས་པ་སློབ་དཔོན་ཆེན་མོ་ཟམ་གདོང་རིན་པོ་ཆེ་མཆོག་དགུང་གྲངས་དོན་ལྔར་ཕེབས་པའི་སྐུའི་འཁྲུངས་སྐར་ལ་བརྟེན། ཝཱ་ཎ་སློབ་ཟུར་གང་གི་བཀའ་དྲིན་གྱི་ཞོ་ཤས་འཚོ་བ་རྣམས་ནས་རང་རེའི་མེས་པོའི་ཕྱག་བཞེས་ལྟར་དྲིན་ཆེན་གྱི་མི་ལ་དྲིན་གཟོ་བའི་སླད་དུ་འཁྲུངས་སྐར་རྒྱས་པ་ཞིག་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་གནང་འཆར་གྱིས་གོ་སྒྲིག་ཞུ་སྒོ་ཁག་འགྲོ་མུས་མ་ཟད།
དེ་ལས་མང་བ་། “སློབ་དཔོན་ཟམ་གདོང་རིན་པོ་ཆེའི་མངོན་བསྟོད་གླེགས་བམ་ཆེད་རྩོམ་བསྡུའི་གསལ་བསྒྲགས།” »
ངོ་དེབ་སྟེང་དུ་རྒྱུགས་ཆེ་བའི་པར་དང་ཤར་ཕྱོགས་ཁུག་རྟ།
བློ་བཟང་དོན་ལྡན།
ཤར་ཕྱོགས་ཁུག་རྟའི་དེབ་གསར༼སྟག་ཤར་གཞོན་པས་བོད་རྒྱའི་དཀའ་རྙོག་གླེང་བ་༽ཞེས་པ་དཔེར་འགྲེམས་མཛད་སྒོ་གྲུབ་མཚམས། གཞིས་བྱེས་བོད་མིའི་ཤེས་ཡོན་པའི་སྡེ་གཙོ་བོར་གྱུར་བའི། བཙན་བྱོལ་ནང་གི་དགོན་སྡེ་ཁག་དང་གཞིས་ཆགས་ཁག་བཅས་ག་ས་གང་དུ་འདིའི་སྐོར་གླེང་སློང་སྣ་ཚོགས་པ་ཞིག་ཡོང་བཞིན་པ་ཐོས་པས། དེབ་དེ་ལག་སོན་ཨེ་བྱུང་ལ་ཐབས་ཤེས་སྣ་མང་བརྒྱུད་མཐར་དེབ་གཅིག་མི་ཆེན་པོ་ཞིག་གི་ས་ནས་གཡར་རྒྱུ་བྱུང་། དེབ་འདི་ལ་དབྱེ་ཞིབ་བྱེད་རྒྱུའི་རྣམ་དཔྱོད་རང་ཉིད་ལ་མེད་པ་ངས་དེབ་འདིའི་དཀར་ཆག་ཞིབ་ཀློག་དང་གཞུང་དངོས་རགས་ལྟ་ཙམ་བྱས་རྗེས་གསལ་བོ་ཤེས།
དེ་ལས་མང་བ་། “ངོ་དེབ་སྟེང་དུ་རྒྱུགས་ཆེ་བའི་པར་དང་ཤར་ཕྱོགས་ཁུག་རྟ།” »
ས་བྱི་ཞི་རྒོལ་ཆེན་མོའི་སྐབས་ཀྱི་གསང་བའི་ཡིག་ཆ་ཞིག་ལག་སོན་བྱུང་འདུག
བོད་ཀྱི་དུས་བབ་ནས་དྲངས། ལྷ་ས་གྲོང་ཁྱེར་ཉེན་རྟོག་ཁང་ཉེས་དོན་ཚན་རིག་ལག་རྩལ་གསལ་འབྱེད་ཡིག་ཆ་འདི་ཡིན་ཟེར། ༢༠༠༨ལོའི་བོད་ནང་གི་ཞི་རྒོལ་སྐབས་རྒྱ་གཞུང་གིས་ལྷ་ས་གྲོང་ཁྱེར་ནང་དམར་གསོད་བཏང་བའི་ཕུང་བོར་ལྷ་ས་གྲོང་ཁྱེར་ཉེན་རྟོག་ཁང་ཉེས་དོན་ཚན་རིག་ལག་རྩལ་ཞིབ་འཇུག་ཁང་གི་ཞིབ་དཔྱད་འགན་འཛིན་ལིས་ཝིན་ཀྲུན་དང་ཁྲིམས་ལུགས་སྨན་པ་ཝང་ཀྲི་ཞའེ་གཉིས་ཀྱིས་ཞིབ་འཇུག་བྱས་པའི་ནང་ཁུལ་གྱི་གསང་བའི་ཡིག་ཆ་རག་ཡོད་ཟེར། དེ་རིང་སྔ་དྲོར་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་༢༠༠༨ ལོའི་བོད་ནང་གི་ས་བྱི་ཞི་རྒོལ་ཆེན་མོའི་སྐབས། ཞིབ་འཕྲོས་འབྲེལ་ཐག་འདིར་གཟིགས།http://www.tibettimes.net/news.php?showfooter=1&id=9212
ཚོར་བས་བྲིས་པའི་འཇིག་རྟེན།
རེབ་ཐོག་མདའ།
ནུབ་རྒྱུད་ལ་གནས་ཚང་མེད་པས་མ་ཡིན་ནོ།།
བླ་མ་ལ་དམ་ཚིག་ཉམས་པས་མ་ཡིན་ནོ།།
སྦྲ་ནག་དང་གངས་རིའི་ལས་དབང་དྲན་ཙ་ན།།
ཕ་ཡུལ་ལ་དུངས་ཞེན་ཟབ་མོ་བཞུར་ཏེ་ཐལ།།
སྐུ་དྲག་ཚོ་རྙིང་ཞེན་ཟབ་པས་མ་ཡིན་ནོ།།
ཆབ་སྲིད་པ་ཟློས་གར་མང་པོས་མ་ཡིན་ནོ།།
ཕྱི་སྡོད་བོད་མི་རྐང་འདྲེན་པ་ཚོ་ཐོས་པར་སྨོན།
གླིང་གཟི་མིག
ལོ་ངོ་ལྔ་བཅུ་ལྷག་རིང་ལ་བཙན་བྱོལ་བོད་མི་དང་ཕྱི་སྡོད་བོད་པ་ཚོས་བོད་ནང་གི་སྤུན་ཟླ་མང་པོ་ཞིག་གི་ཚེ་སྲོག་དང་འཚོ་བ་ལ་གནོད་པ་བྱེད་པ་ལས་གཞན་ཅི་ཡང་འཇོན་མ་སོང་ཟེར་ནས་ཚོར་བ་རྣོན་པོའི་སྐད་ཆ་བཤད་ཆོག་ལ་བཤད་འདོད་ཀྱང་ཡོད།
བཙན་བྱོལ་བོད་མི་ཚོ་ལ་གཞིས་སྡོད་བོད་མི་འདྲ་བའི་སྙིང་སྟོབས་མེད་ལ་ཤེས་ཡོན་མེད། ལ་རྒྱ་དང་རང་ཚུགས་མེད་པར་མ་ཟད། ཐ་ན་རང་ཉིད་བོད་མི་ཞིག་ཡིན་པའི་འགན་ཁུར་གྱི་འདུ་ཤེས་མེད།
དེ་ལས་མང་བ་། “ཕྱི་སྡོད་བོད་མི་རྐང་འདྲེན་པ་ཚོ་ཐོས་པར་སྨོན།” »
བོད་ཀྱི་མཛངས་མ།
དྲན་དཀར་དཔལ་ཡོན།
གཡང་ས་ཕ་མ་གཉིས་པོའི་སྲུང་མ།།
གཡང་ཟོག་འབྲི་མོ་བཞོ་བའི་བདག་མོ།
སྦྲང་རྩམ་མར་ཕྱུར་གཡང་ཟས་སྟེར་མ།
རིགས་ཀྱི་ཆོ་ག་གཙང་མར་སྤེལ་མ།།
ལྭ་བའི་ལ་རྒྱ་ཕོ་ལས་མཆོག་མ།།
ཕ་མར་སྲིད་ཞུ་ཕོ་ལས་བཟང་མ།།
ཁྱིམ་ཀྱི་བདག་མོར་མིང་གྲགས་ཆེ་མ།།
བོད་རྒྱའི་རིགས་ཀྱི་བྲེ་ཡི་བདག་མོ།།
